مزمل جا لابوه
مزمل: ياحاج انتو ما شاغلكم غير عائشه وعرسها هي لسه صغيره شوفو موضوعي اناا انا خلصتا امتحانات وباقي لي التخريج بس في بت في بالي عايز اتزوجهاا بس عايز نمشي نطلبها ونخطب عشان احجز البت لي وبعدين اسافر اكون نفسي بره السودان واجي جاهز للعرس
عمر:ماشاءالله والله كلكم مع بعض فكرتو في العرس كداا اها وانت عايز تعرس منو كماان
مزمل: الموجوده في بيتناا حاليا حتمشي مع عائشه بيت ناس كرم
عمر: طيب ان شااءالله
عمر قال لعائشه تجهز عشان يطلعو لبست ليها عبايه حلوة وفضفاضه ومحجبه طبعاا 💙طلعو ومعاهم سارة
عائشه: ابوي دي عربية ترحال صح حقت منو؟
عمر: حقتي انا شغال فيها
عائشه: ليه خير جيبتها شغل اضافي يعني بس مافي داعي تعب نفسك كداا
عمر: مافي تعب والله راحتكم عندي بالدنياا
عائشه: ربنا يديمك فوق راسناا
ركبو العربيه وسارة بتوصف ليهو لغاية ما وصلو
عمر: ماشااءالله ربنا يزيد عليهم
سارة: عمي بتقدر تدخل العربيه جوه
عمر: لا مافي داعي
سارة ضربت لكرم
سارة: اطلع يا اللخو نحنا بره
كرم جا طالع سلم عليهم
كرم: اهللين اهللين بعم عمر نورتاا والله
عمر: نورك والله بس معقول ياولدي تجي وتطلب بتي وما تكلمني حالتنا كنا جيران زعلتني
كرم: العفو والله بس انا لسه ما طلبتهاا اتفضل ادخلل نورتناا
دخلو معاهم ضيفهم في الصالون جا رأفت سلم على ابو عائشه ورحب بيهو وبرضو سمير وجابو ليهم مويه
رأفت: نورتو والله اهللين بيكم
عمر: بنورك يا اخوي شكرا
شويه وجات رغده وماسكاها الخدامه
كرم: امي ما كان في داعي تتعبي نفسك انا كنتا جاييك
رغده قعدت معاهم وسلمت عليهم وعاينت لعائشه بعدين الخدامه ختت ليهم العشااء وكلهم قعدو عشان يأكلو رأفت سأل عمر عن شغلو وكداا وعمر اتونس مع كرم وسأل عنو برضو عائشه قعدت جنب رغده
💚💚💚💚💚💚💚💚💚💚💚💚💚💚💚
غيداء في غرفتها قاعده ومطفيه انوار الغرفه كلهاا قاعده في السرير وبتضرب راسها بورا في الحيطه
غيداء: انا ما مجنونه سامع يا كرم انا ما مجنونه وماحاسمح لأي بت تدخل حياتك
شعرها كان ممنكش وجاي في وشها ومنظرها كان بيخوف جرس الباب دقاا وهي بس بتردد انا ما مجنونه كان معتصم بيدق في الباب وبنادي عليها وهي ما بترد
معتصم: ياربي معقولا يكون حاصل معاها حاجه البت دي لو حصل ليها شي اهلها حيقتلوني خلوها عندي امانه
يشيل ويدق في الباب وبتصل على رقمهاا بس مافي زول برد جات مره نازله من شقه فوق في العماره
معتصم: السلام عليكم لو سمحتي الانسه طلعت من البيت ولا موجوده؟
المره: والله ما عارفه بتكون في البيت لانو ما سمعنا صوت الباب اتفتح
معتصم: طيب شكراا
معتصم عاين للباب مساافه ومشا غيداء قامت من سريرها ومشت على المطبخ شالت سكين وبعدين رجعت لغرفتها طلعت صورة ليها مع كرم في تركيا
غيداء: بتقول عني مجنونه وبتحب البت ديك هي احسن مني في شنوو ما حاخلليهاا انا ما حاخلليهاا حأعمل كل البقدر عليهو عشان ابعدها عنك
غيداء رمت السكين ومشت فتحت انبوبة الغاااز مده طويله لمن البيت كلو ريحتو اتملت غاز بعدين طلعت كبريته رمتاا في االانبوبه ورسلت لمعتصم يجي يلحقهاا هو اساسا كان قاعد في العربيه ما اتحرك طوالي نزل للبواب قال ليهو يدي المفتااح مشوو فتحو باب الشقه طوالي النار جات باقه والجيران كلهم اتلمو ضربو للاطفاء ودخلو طلعو غيداء ونقلوها على المستشفى بهناك عائلة كرم قاعدين ضربو في تلفون رغده وكلموها اتخللعت وحتى ما اتكلمت مع عائشه طلعو كللهم مشو المستشفى وكرم اعتذر من عائشه وابوها هم مشو البيت وهو مشا المستشفى
🧡🧡🧡🧡🧡🧡🧡🧡🧡🧡🧡🧡🧡🧡🧡
في الصباح في بيت ناس ايلاف الباب دقا فتحت ليهو بهجه طلع دا ابوهم طبعا اتخلعت كانت مفاجاءه حلووة سلم عليهاا ودخلل وسأل من اولادو كانو كلهم في المدارس وايلاف في الجامعه
قاسم: دا منو الولد الطلب ايلاف دا
بهجه: واحد كان شغال معاها في جمعيه خيريه
قاسم: اسمو منو وشغال شنو واهلو وين
بهجه: كدي قول بسم الله اتنفس
قاسم: متنفس انا جاوبيني
بهجه: اسمو مروان عاطف شغال في شركه بتاعت موضه واهلو في كسلاا دا البعرفو وهو زول كويس والله جا وقعد معاي محترم ولسانو حلوو
قاسم: ما اقتنعتاا لازم اسأل عنو بنفسي ومن بكرا حاابداا
بهجه: طيب اعمل العايزو بس انا وريتك انو مروان زول كوويس
قاسم: نشوف
...........
مروان: كلمتي ابوي
نعمه: اي
مروان: قال شنو
نعمه: ننتظر رد اهل البت بعدين نمشي عليهم ماعندو مشكله طالما البت اختيارك
مروان: ابوي دا احسن زول والله معناها حننزل الخرطوم صح
نعمه: اي ان شااءالله
مروان: يلا طيب قومو اجهزو
لميس: متحمس كدا مالك
مروان: اخوك عريس يابت ارح اجهزو
امو واختو قاموا لمو ملابسهم وقفلو البيت وركبو باصات الخرطوم مروان ضرب لكرم عشان يعرف الحاصل مع عائشه
كرم: ما حصل شي جو واتعشيناا وكنا قاعدين وما احلاانا بس فجاءه جا خبرر خلعنا كلناا
مروان: خيرر ان شااءالله خبر شنو
كرم: بيت غيداء اتحرق وهي في المستشفى
مروان: ياساتر وكيف صحتها هي كويسة
كرم: الحمدلله كويسه اي
مروان: والله يا كرم ما عارف اقول ليك شنو بس ان شااءالله موضوعكم يصلح وحصل شنو مع الشركه ديك
كرم: الشراكه من نصيبنا ورجعو على بلدهم وحيرسلو مندوب منهم هو حيواصل معانا الشغل
مروان: وحيصل متين
كرم: ما عارف تقريبا بعد يومين
مروان: تمام برجع ليك بعدين
مروان قفل منو
❤️❤️❤️❤️❤️❤️❤️❤️❤️❤️❤️❤️❤️❤️❤️
رغده: شايف يا كرم شايف الحصل بالبت شنو
كرم: وانا علاقتي شنو بالموضوع
رغده: البت اتاثرت بسببك لدرجة الموضوع وصلها للانتحاار
كرم: امي انا البت دي قلتاا عقلها ما تمام خلونا نعرضها على دكتور لازم نعالجهاا امي اذا بتحبيهاا شوفي مصلحتاا البت دي لازم تتعالج
رغده: وانا كيف حاقول الكلام دا لاهلها وريني
كرم: امي انا عملتا واجبي وجيت لغيدااء واذا حابه انا بوديها لدكتور نفسي بنفسي بس انتي حاولي اقنعيهاا تمام
كرم طلع من المستشفى وضرب لعائشه صبح عليهاا ومشا لاقاهاا
عائشه: كيفها غيداء
كرم: كويسه هي بتعرف كيف تنقذ نفسها ما تخافي
عائشه: مالو الحصل شنو
كرم: قالو محاولة انتحاار لانو البيت ريحتو كانت مليانه غااز المهم هي كويسة
عائشه: الحمدلله اتحسنت
قاعدين تلفون كرم ضرب ردا بي صباح الخير كيف حالك مما قال كيف حالك بصيغه انثى عائشه ركزت معاهو
كرم: ايواا صح تمام معناها حنتلاقى في المطعم بعد زي نص ساعه كداا حأفطر معاك زاتو تماام الله يسلمك
قفل الخط
عائشه: دي منو
كرم: شغل يا عائشه بس اخلص حاتصل عليك تماام
عائشه نزلت وبقت تعاين ليهو لمن اتحرك ركبت ركشه وطوالي مشت وراهو
عائشه: معقولاا كرم عايز يرجع لحركاتو القديمه
مشت وراهو لغاية ما وصل المطعم نزلت هو نزل ودخلل وقعد في طاولة مضاريه بعمود عائشه قعدت في الطاولة الجنبو
عائشه: قعد في طاولة مضاريه كمان عشان مافي زول يشوفو طيب يا كرم
شافتو بيسلم على المعاهو نططت عيونهاا
عائشه: وكمان بتمسك يدهاا له يا كرم له ما اتوقعتها منك انا حاوريك بس قبل ما اتكلم معاك خليني اربي الحيوانه القاعده معاك دي
عائشه قامت ماشه عليهم لقتو قاعد مع استاذ جواد ومرتو الكان وقع معاهم عقد فتحت خشمهاا
عائشه: ياربي هو جا شغل بالجد وانا شكيت كرم لو شافني اكييد حيزعل مني
بقت ترجع لورا عشان تطلع اضاربت مع واحد من الجراسين بتاعين المطعم كان شايل مويه وقعت منو الارض
عائشه: اسفه والله ما كان قصدي اعذرني
كرم اتلفت شاف عائشه
كرم: عائشه انتي هناا
عائشه: كيفك
كرم: الجابك شنو
عائشه؛ انا سمعتك بتتكلم مع بت وجاي تفطر معاها كمان منتظر مني اتحمل واسكت
كرم: كنتا بتكلم مع مدام سلسبيل مرت جواد وجيت عشان نكمل شوية اجراءات تعالي اقعدي معاناا
عائشه جات وقعدت معاهم كملو الشغل وبعدين طلعو وكرم سايق عائشه وهو ساكت
عائشه: انا اسفه
كرم: يعني انا مهما عملتا مستحيل سجلي ينظف صح
عائشه: ما كان قصدي والله
كرم: غرتي ما كنتا بعرف انك غيورة
عائشه: وعايز مني اعمل شنو يعني وبعدين من حقي اغيرر
كرم: فعلا من حقك تغيري انتي عارفه حتى انا لو كان عندي حبيبه بتشبهني كداا كنتا حاغير علليها 😹
عائشه: مستحيل انت ما بتتغير يعني مستحيل القى زول بحب نفسو زيك كداا
قعد يضحك وصلها بيتهم وبعدين مشاا
🤍🤍🤍🤍🤍🤍🤍🤍🤍🤍🤍🤍🤍🤍🤍
مروان مع اهلو وصلو الخرطوم وداهم على بيتو
لميس: بالله عزابي براك وساكن في بيت زي داا
مروان: فيهو غرفه واحده على فكره
لميس: بس حلوو
مروان: طيب انتو ارتاحو وانا طالع اشوف كرم
مروان ضرب لكرم وسألو من مكانو قال ليهو انو في البيت مشا ليهو لقا قاعد ومبتسم
مروان: الله يديم الابتسامه 😹
كرم: مروااان مشتااقين والله
كرم قام حضنو وقعدو في الصالون
مروان: احكي لي سبب الابتسامه دي رغم انو غيداء في المستشفى
كرم: لو تعرف الليله عائشه عملت شنوو
حكا ليهو موقف المطعم
مروان: ما اتوقعتا تصرف زي داا من عائشه
............
ايلاف واخوانها فرحو بشوفة ابوهم وهو من تاني يوم بدا يسأل عن مروان وابو عائشه بيسأل عن كرم صراحه ما لقو شي كوويس عنهم غير شغلهم ونجاحهم في الشركه الابين انصدمو من الرجال الاتقدمو لبنااتهم رجعو البيت والاتنين كل واحد فيهم غضبان اكترر من التااني ابو ايلاف وصل البيت
قاسم: بهجه انتي بتعرفي الولد الاتقدم لبتك دا منوو
بهجه: مرواان
قاسم: دا واحد ما ناافع عايزاني اعرس بتي لواحد بتاع بنااات وليلو كلو مقضيهو سهرات وحفللااات مستحيلللل
ايلاف: بس يا ابوي دا ماضي مروان حاليا هو ما كداا حاليا هو زول كوويس شدييد
قاسم: وانا الضمني شنوو اعرفو كيف مستحيل اخلي بتي الوحيده تعرس واحد زي داا
............
عمر: نجااااة دا منو العايزه تعرسيهو لبتك داا
نجاة: كرم
عمر: انتي بتعرفي كرم كرم دا ما جارنا الطيب والفاهم والعاقل زي ما هو مظهر ليناا طلع واحد بتاع بنات وملقبنو ملك السهرات كماان بترضي لبتك تعرس واحد زي داا
نجاة: انا بعرف الكلام دا بس الولد دا اتغير وبقا يحب عائشه بالجد وانا شفتا حبو ليها بنفسي
عمر: ماقاااادر ماقااادر اصدق انتي بتقولي الكلام داا اتغير الفيهو خصله ما بتغيرر
نجاة: اي انسان في الدنيا دي بيستاهل فرصه تااانيه
عمر: عايني لا اله الا الله الولد دا لو بقا اخر راجل في العالم انا ما بعرسو لبتي فاااهمه بعد العرفتو دا لو وافقتاا ابقا اب بيتاجر ببتو والله.....
يتبع...