محمد في الجامعه اتصل على واحد دفعتهم اسمو مجتبى
محمد: مجتبى انت في الجامعه ولا طلعتا؟
مجتبى: في الجامعه اي
محمد: طيب وين عايز الاقيك
مجتبى: في الكافتريا
محمد: اي واحده
مجتبى: الجنب البوابة
محمد: طيب جاي عليك
محمد مشا على الكافتريا ولاقا مجتبى هناك سلم عليهو
مجتبى: اها خير الليله اتذكرتني من وين
محمد: متذكر الموضوع الحكيت لي عنو قبل فتره انا محتاج لواحده حالياا
مجتبى: يازول انت متاكد بس اذا استعملتها استعمال خاطئ ممكن انسان يخسر حياتو عادي
محمد: عارف اي عايزها عشان قصه سلميه ما حأذي بيها اي زول اطمن
مجتبى: متاكد
محمد: اي
مجتبى: طيب لانك صحبي واول مره تطلبو حاديك ليها بدون قروش تمام
محمد: تمام شكرا
مجتبى: طيب خلينا نتلاقى بعد نهاية اليوم وبكون جيبتها ليك يعني العصر كداا
محمد: طيب
مجتبى مشا ومحمد لاقا مزمل ومشو على المستشفى لموضوع بيخص مشروع تخرجهم
💙💙💙💙💙💙💙💙💙💙💙💙💙💙💙
كرم ومروان
كرم: اديتني يد خسرانه جيب التانيه
مروان: اول شي وريني نحنا لينا كم بنعرف بعض؟
كرم: من وقت كنا صغاار ليه مالك
مروان: معناها لمن تتعرض لشي انا بعرفك حتى لو حاولتا تخبي فاختصر واحكي لي الحصل معاك شنو في بيتكم
كرم: مروان
باب المكتب دقا قالو اتفضل جات عائشه
عائشه: سلااام
كرم: اهللين عائشه نورتي
مروان: اهللين عيوش
عائشه: الحرس بتاع شركتكم شكلو حفظني خلااص مما جيت خلاني ادخل
جات ساارة داخله
سارة: عيووش اهللين
عائشه: كوويس انك جيتي يلاا قومو سايقاكم مشوار
كرم: وين
عائشه: ارح ارح
سارة: طيب عائشه انتي وكرم اسبقونا انا عايزه اشتري حاجه ومروان حيوصلني بعدين بنحصللكم
عائشه: طيب
عائشه وكرم طلعو لاقتهم غيداء
غيداء: كرم انت طالع؟
كرم: اي
غيداء: طيب بس ما تنسى انو الليله بالليل جاين مشترين عشان يشترو من منتجاتنا لازم انت ومروان تكونو موجودين تماام
كرم: طيب ان شااءالله
كرم وعائشه مشو وقفو قدام دكان وقعدو
كرم: ليه جينا هنا
عائشه: عشان ناكل انا ما فطرتاا انا كان عندي مشوار مع عايده لغيتو وجيتك فااشنو حتاكل وانت ساكت
كرم: حنأكل شنو
عائشه: فول فول
شوية وسارة ومروان جوو
سارة: واااي حناكل فول بالجد 😻يافرحتي
مروان: انا الشي دا ما بعرفو وما بحبو
عائشه: حاول انك تضوق فتتنا الحنعملها نحناا وبتشووف
سارة وعائشه مشو ظبطو فته وجو اكلو هم الاربعه مع بعض وكانو بيتونسو ويضحكو💕
عائشه: كرم يلا كفاك بعد دا احكي لينا
سارة: بالجد يا كرم محسسنا اننا ما اصحابك وقت الزعل بتزعل براك وقت الفرح بتشاركنا فايدتنا شنو بحياتك نحنا
مروان: والله يا كرم انا زعلااان منك شدييد ومليااان ومستني اشوف حتفضل مخبي كدا لمتين
كرم: ابوي اتبرى مني منعني من استخدام اسمو او اسم العائله في اي مكان بس دا كل الموضوع
مروان: انت جادي
عائشه: وانت حتنفذ كلامو؟
كرم: هو قال كدا اعمل شنو طيب
عائشه: ابوك قال ليك ما تستخدم اسمي وانت حتسمع كلامو العلاقه البينك وبين ابوك لا انت لاهو مافي واحد فيكم بيقدر ينكرهاا ودا غير انو اسمو مربوط باسمك ومافي زول بيقدر يحذفو لانو دا الواقع ابوك قال ليك احذف اسمي وانت حتحذفو مبااشرة ماشااءالله عليك ولد مرضي وشاطر كرم الاسم دا اسمك وباقي الاسم هو الهويه بتاعتك ومستحيل تقدر تقتنع او تعيش بالواقع داا
سارة: انت بتعرف عمو رأفت من زمان هو دايما بيعصب وبيشااكل شوف اخوك سمير دايما بيسمع كلام ابوك وبنفذو ورغم دا كلو ابوك بيتنهر فيهو يعني دي طبيعتو
مروان: بعدين بصراحه يعني انت حياتك كلها ما سمعتا كلامو اسي لمن جا قال ليك انا متبري منك وما تستخدم اسمي حتسمع كلامو بالجد انت انساان غريب
قعدو للعصر يتكلمو معاهو رغو رغي بعدين مروان عاين للزمن
مروان: هوي الزمن جا يا كرم لو ما مشينا الشركه غيداء حتقطعنا وتعملنا شوربه يلاا سرعه
كرم: طيب انتو امشو انا حاوصل عائشه للبيت وبعدين بجي
عائشه: بس كداا كرم انت حتتأخر
كرم: ما تشيلي هم اساسا في عندي ملف عايز اشيلو من البيت
عائشه: طيب
مروان وسارة مشو وكرم وعائشه متحركين على العربيه وقفتهم بت قالت كرم
كرم: هاا نور اهللين
نور: وين يااخ مختفي كداا طولنا ما شفناك في النادي
كرم: كلها فتره وحتعدي
نور: معقول ملك السهرات شكلو عقلل
كرم: معقول انا ما بقدر اعقل
نور: طيب حاول اظهر عليناا وانا دايما منتظرااك
باستو في خدو
عائشه: ماشااءالله
نور: عفواا ما شفتك
عائشه رفعت ليها حاجبهاا
عائشه: ما شفتيني بالله "عائشه مسكت شنطتهاا وادتها لكرم" كرم لو سمحتا ممكن تمسك شنطتي دقايق خليني اشوف وين الشراب اللمن اشربو ببقا مخفيه ومافي زول بيقدر يشوفني وااا شكلي نسيتو في البيت معلليش المره الجايه بجيبو معااي
كرم: اا نور بنتلاقى ان شااءالله عائشه يلاا
جراها ومشوو عائشه الشارع كلو محمره ليهو
كرم: مالك
عائشه: دايما حاكون في انتظارك"بتحاكي في البت 😹"
كرم: عائشه معقول بتغيري ما كنتا عارف 😹
عائشه: اغير من منو من ام شعر ملفلف زي شعيرية الاندومي دي كدي بالله هاا
كرم: طيب
عائشه: بالمناسبه خدك فيهو علامه من الكريهه ديك
كرم ختا يدو في خدو وقال ليها بالجد
كرم: وين المرايه
عائشه: استنى مافي داعي تشوفو هاك منديل امسحوو
اصلا مافي اي اثر بس هي عايزاهو يمسح خدو 😹شال منها المنديل ومسح خدو
💚💚💚💚💚💚💚💚💚💚💚💚💚💚💚
رغده قاعده في البيت وخاته يدها في قلبهاا
سمير: امي خير مالك
رغده: ما عارفه ما مرتاحه حاسه في شي ما كويس حيحصل اضرب لي لكرم
سمير طلع تلفونو وضرب لكرم ردا واداهو امو
رغده: كرم
كرم: اهللين بالغاليه
رغده: كرم انت كويس صح
كرم: الحمدلله ما عندي عوجه انتي كيفك طمنيني عنك
رغده: والله شايله همك بس
كرم: اطمني انا كويس
رغده: مروان معاك صح
كرم: ايوا صح
رغده: طيب
قفلت منو وقعدت
رغده: اتكلمتا مع كرم بس انا لسه ما مرتااحه
.........
محمد واقف جنب بوابة الجامعه منتظر مجتبى جا وجاب معاهو الامانه
محمد: تسللم بالجد يااخ ما قصرتاا
مجتبى: ما بيناا
محمد طوالي مشا على الموصلاات في الزمن دا الواطه مغربت كرم وصل مع عائشه بس وقف عربيتو بره في الظلط
عائشه: كرم لي وقفتها هنا؟
كرم: ما بتحمل فيهاا والشوارع احتمال تتوسخ او تتأذى
عائشه: كرم انت ما طبيعي صدقني ما طبيعي
كرم:والله اناا العاده السيئه الوحيده عندي اي شي بيخصني معناها بيخصني ما برضى فيهو خدشه عربيتي غرفتي سريري كبايتي اي شي
عائشه:والله غايتوو انت فظيع
عائشه بقت تعاين ليهو وهي مبتسمه
كرم:سلمي على ناس بيتكم
عائشه:تمام يصلل
كرم:بتتبسمي مالك
عائشه:سااي
كرم:عائشه
عائشه:كرم
كرم ضحك ومشا على بيتو وعائشه بتعاين ليهو لمن دخل
عائشه:كرم كرم كرم اسمو سمح خلااص وكمان بيقول اسمي بطريقه حلووة🥺♥️
عائشه دخلت البيت وهي مبسوطه كرم دخل شال الملف وهو طالع ضرب ليهو مروان
مروان:وين انت ياخ الواطه ضلمت والناس دي قربو يجوو كرم معقولاا حتتأخر لازم تكون موجود
كرم:مرواان جاي هدا قربتا على العربيه جاي علليكم
مروان:تمام استعجل
كرم:طيب
فعلا الواطه كان ضلمت وكرم وقف عربيتو بعيد شوية قعد يضحك على مروان لانو مستعجل ضغط على المفتاح العربيه طلعت صوت وفتحت جا عايز يفتح الباب عشان يركب فجاءه حسا بطعنة سكين سنينه في كلوتو اليمين وقبل ما يتلفت جاتو طعنه في كلوتو الشمال وبقت الطعنات تزايد علليهو وبعدين السكين بقت مغروزه في كلوتو ووقع في الارض وغمر ومحمد طوالي جراا جو ناس مارين ببكسي شافو كرم واقع نزلو سريع رفعوه وودو على المستشفى..
🤍🤍🤍🤍🤍🤍🤍🤍🤍🤍🤍🤍🤍🤍🤍
غيداء: ما ممكن معاهو كرم الناس وصلت وين هو للان
مروان: استني حاضرب ليهو تاني
مروان ضرب ردا ليهو راجل
مروان: كرم وين انت يااخ
الراجل: وعليكم السلام زولكم دا لقيناهو مطعون في الشارع وحاليا جيبناهو المستشفى والله اعلم تحصلو
مروان من الخلعه رما تلفونو
مروان: كرم
غيداء: مروان خير مالك
شالت تلفونو واتكلمت مع الراجل وشالت منو عنوان المستشفى
غيداء: يلا لازم نحصل كرم
مروان: الليله الصباح كان معاي كرم الليله الصباح كان معاي وبناكل سواا وبنتونس
غيداء: مروااان يلا قدامي لازم نحصلو ولازم نكلم خالتو رغده كمااان يلاا
غيداء مشت مع مروان على المستشفى ومروان سأل في الاستقبال
مروان:كرم رأفت
الاستقبال:في العمليااات
مروان:وين
الاستقبال:في العمليات
مروان ضرب لسارة كلمهاا جات بسرعه
غيداء: انا حامشي لخالتو رغده
غيداء طلعت ومشت بيت ناس كرم مما دقت الباب فتحت ليها رغده
رغده:غيدااء كرم وين
غيداء: خالتو رغده كرم اتعرض لحادث بسيط اطمني ما تخاافي جيت عشان اسوقكم
رغده: حادث حادث كيف يعني
رغده نادت سمير جا كلمتو بالحاصل اتحركو على الحادث بهناك الدكتور طلع
مروان: دكتور كرم بقا كيف
سارة: اتحسن صح
الدكتور: حالة كرم كل شوية ماشه للاسوأ وكلاوينو الاتنين اتوقفو عن العمل نحنا محتاجين لمتبرع بأسرع وقت.
الدكتور مشا سارة ومروان قلقو جات غيداء مع ام كرم وسميرر حكو ليهم الحصل قام كلهم مشو عشان يعملو الفحوصات..
💕💕💕💕💕💕💕💕💕💕💕💕💕💕💕
عائشه حلمت بكرم بغرق وبطلب منها المساعده وهي واقفه وماقعد تساعدو صحت مخلوعه لقت اذان الفجر باذن
عائشه: ان شااءالله كرم يكون كوويس
قامت صلت وبقت تدعي ليهو لغاية ما الواطه اصبحت جاتها عايده عائشه مما شافتها طوالي وقفت
عايده:مالك
عائشه:ما عارفه بس شفتك وقفتا
عايده:عائشه صحبك في المستشفى وحالتو خطيره
عائشه:صحبي منو
عايده:كرم
عائشه:مالو كررم
عايده:قال كلاوينو الاتنين اتوقفو عن العملل
عائشه ختت يدينها في خشمها وبقت تبكي لمن بتشهق عايده اتخلعت فيهاا
عايده:مالك يابت
عائشه:انا عايزه امشي ليهو
عايده:شايفه سارة ناشره في الفيس انهم محتاجين لمتبرع وموصفه المستشفى
عايده اتخلعت في عائشه القامت بسرعه طلعت ليها عباية وطرحه لبستهم وبعدين طلعو
........
رأفت رجع البيت لقاهم ماف ضرب في تلفون رغده لقاهو في البيت ضرب لسمير ردا ليهو
رأفت:وين انتو
سمير:في المستشفى
رأفت:ليه العيان منو
سمير:كرم
رأفت مما سمع اسم كرم اتخلع
رأفت:كرم مالو كرم ولدي
سمير:كلاوينو اتوقفو عن العمل
رأفت:انتو في اي مستشفى
سمير وصف ليهو المستشفى طوالي طلع وفي المستشفى طلعت نتيجة الفحوصات وكلهم ما مطابقين ماعدا رغده بس عندها ضغط ما بتقدر تتبرع 💔 حولو كرم على غرفة الانعاش وحالتو غير مستقره ومركبين ليهو جهااز تنفس شوية وكلهم قاعدين متوترين ورغده بتبكي توقف قلب كرم...كلهم اتخلعو لمن سمعو صوت الانذار والخط بقا مستقيم 💔
يتبع....