كرم دقا الباب فتحت ليهو اخت العروس العروس اسمهاا اسمهان واختها الفتحت الباب اماني عاينت لكرم باستغراب ما عرفتو
اماني:وعليكم السلام
كرم:كرم رأفت عبدالعزيز متولي المالكي
اماني:اهاا انت اخو سمير اتفضل خش
كرم دخل وقال السلام عليكم طبعا رأفت اتخلع لمن شافو وسمير انبسط كرم قعد جنب سمير
رغده:دا كرم ولدي الصغير كان مشغول شويه بس الحمدلله حصلناا
رأفت:طيب خلونا نكمل قبل ما الولد الصغير يشرف كنا بنقول اننا طالبين يد بتكم لولدنا الكبير سمير
عثمان:طبعا انا بعرف سمير كوويس هو زول طيب واخلاقو سابقاهو وزي ما بقولو الراجل ما بعيبو غير اخلاقو وسمير زول اخلاقو كوويسه شدييد 💙 وانا عايز لبتي راجلل
رأفت: طيب وحنخلي النسوان يتفاهمو مع بعض ويكملو باقي التفااصيل
عثمان: اكييد طبعاا
رأفت: بس حاليا جبنا معانا خواتم على اساس خطوبه بسيطه وكداا يعني يلا يا سمير
سمير قام وهو مدنقر راسو لبس اسمهان خاتم وهي لبستو خاتم وبعدين طلعو كرم همس لسمير
كرم:سمير دي منو عرفتها من وين ومن متين قررتا تتزوج ما كلمتني
سمير:انا ما بعرفها ابوي الاختااارها
كرم:يعني عايز يعمل معاك نفس الشي ومعقول انت وافقتاا
سمير:يعني يا كرم حتى لو ما البت دي كنتا حاتزوج غيرهاا فمامشكله بعدين انت اسكت لانو عايزك في موضوع طويل عريض
كرم:اصلاا ماشي معاكم البيت
مشو كلهم البيت وكرم مما دخل كان ماشي على غرفتو وقفو رأفت
رأفت:تعال هناا
كرم:نعم
رأفت:ليه جيت معانا ما حضرتك بقيت صاحب املاك وعندك بيت صح امشي عيش فيه
كرم:جيت عشان اشيل ملابسي
رأفت:بالله زي ما اشتريت ليك بيت في حله عاديه بتقدر تشتري ملابس جديده المانعك شنو
كرم:عن اذنكم
رأفت:استنى هناا انا لسه كلامي ما انتهى كرم من وقت كنتا صغير وانت تصرفاتك ما بتعجبني وحاليا كماان اشتريت بيت في حله عااديه وبسببك سيرتي بقت في كل لسااان وبما انك دايما بتعارضني وبتعمل تصرفات عكس رغباتي وما بتشتغل بي معناها انا حارمك من اسمي فاااهم انت ما عندك الحق ابداا انك تستعمل اسمي في اي شي انا متبري منك ومن وجودك واسمك بقا ما ليهو علاقه لا بأسمي ولا بأسم العائله شوف ليك اسم تاني عشان تستعملو مع اسمك
طبعا كرم وسمير ورغده اتخلعوو
رغده:رأفت كرم ولدك
رأفت:كاااان ولدي حالياا ماعندي معاهو علااقه وحضرتك ليه لسه واقف قدااامي اتفضل الباب قدامك
كرم طوالي طالع بس امو مسكتو
رغده:ماشي وين وخاليني ورااك انا ما بقدر اقعد بدونك يا كرم
كرم:ما تشيلي هم يا امي حارجع ليك
قال كلامو دا وطلع طوالي على بيتو وما شال معاهو اي شيي
💙💙💙💙💙💙💙💙💙💙💙💙💙💙💙💙
مزمل في الشارع جاي على البيت سمع محمد بناديهو
مزمل:اوو محمد يا صحبي تعال يااخ مشتااقين بقيت في الجامعه ما بلاقيك
محمد:مزمل عملتا شنو في موضوع عائشه
مزمل:والله كان فتره نزلت امتحانات وبعدين انشغلت مع عرس صحبتها وكداا
محمد:طيب انا حاليا حامشي معاك بيتكم ومنها اتكلم مع امك وابوك بيكونو موجودين
مزمل:تقريباا تعال
مشو ودخلو البيت ولقو عمر ونجاة قاعدين في البرنده جوه بيشربو في قهوه وبيتونسو
مزمل:ياسلااام قعده على روااق
نجاة:اهللين ومحمد معاك كماان اتفضلو
جو قعدو
مزمل:وين عائشه
عمر:في غرفتها
مزمل:طيب انا حامشي اناديها لانو عايزنها في موضوع
عمر:خير ان شااءالله
مزمل:خير خير
مزمل مشا لعائشه قال ليها تلبس توب وتجيهم في البرنده لانو الموضوع ضروري عائشه لبست التوب ومشت حصلتو لقت محمد معاهم قعدت في النص بين امها وابوهاا
عمر:اها يا مزمل عائشه جات احكي موضوعك
مزمل:الموضوع محمد حيقولو
كلهم عاينو لمحمد
محمد:بصراحه يا عمي انا اتكلمتا مع مزمل في الموضوع من فتره عشان يتكلم مع اختو عائشه بس هو ما لقا فرصه فأنا قلتا طيب اتكلم مع عائشه قدامكم انتو اهلها انا حابب اطلب يد بتكم عائشه على سنة الله ورسوله انا بعرف اني لسه خريج وما كملتا تعليمي بس اناا مجهز نفسي وشغلي جاهز بعد اتخرج مباشرة حابدا شغل وبوعدكم اني اهتما ببتكم واشيلها في راسي انا قلتا اجي واشوف رأيكم وبعدين اكلم اهلي ونتم باقي الامور
عمر:انا محترم جيتك وقعدتك وكلامك بس كمان عائشه هي الحتعيش معاك فلازم نعرف ردهاا
محمد:عمي بعد اذنكم قبل ما عائشه تقول ردها ممكن اتكلم معاها ع انفراد
عمر عاين لعائشه وبعدين قال ليهو طيب محمد وعائشه مشو الحوش
محمد:عائشه انا اسف بعرف انك اتضايقتي من تصرفي العملتو بس..
عائشه ما خلتو يكمل كلامو وقاطعتو
عائشه:اسف على شنو على انك ماشي لاخوي وفاتح معاهو موضوع بخصني بدون ما توريني ولا اسف لانك جيت بيتناا ڨدام امي وابوي وعايز تختني قدام الامر الواقع وقال طالب يدي منهم من وين جاتك الجرأه ومن وين جاتك الثقه اني حاوافق اصلاا
محمد:طيب انتي استخيري
عائشه:استخير شنو والله تصرفاتك معاااي بأخر فتره غير انها خلتني اكرهك ما عملت شي تاني
محمد:طيب انتي استخيري ما حتخسري شي
عائشه:والله انت انسان غريب طيب تمام حأستخير وانا متاكده انو ربناا حيوريني القرار الصح اللي هو البعد عنك محمد رجع البرنده
محمد رجع البرنده ودعهم وطلع وعائشه كانت غضبانه شدييد طوالي مشت غرفتهاا
عمر:ليه ما كلمتنا بالموضوع
مزمل:والله ما اتذكرتو موضوعو دا انا بنساهو وما بتذكرو الا وقت الاقي محمد
عمر:طيب خلينا نشوف قرار عائشه حيكون شنو
نجاة:اوعكم تضغطو عليها مهما كان قرارها دي حياتها وهي حره
🌼🌼🌼🌼🌼🌼🌼🌼🌼🌼🌼🌼🌼🌼🌼
في بيت ناس اسمهاان قاعده مع امهاا واختها
اسمهان: امي انتي ما شفتي الحصل يا امي الناس ديل القروش العندهم زي التراب وبعد دا يلبسوني الخاتم بالطريقه دي كان لازم يعملو حفله الدنيا دي كلها تسمع بيهاا بس كوويس مشيت ليهم موضوع الخطوبه بس الحنه حاعملها بحفلله وحاعمل رقيص عروس وحفلة العرس والجرتك حاخلي الناس تحكي بيهم ثلاثه شهور لقدااام
صفاء: "ام العروس" انا زاتي استغربتاا من معاملتهم بس ولايهمك باقي الحاجات كلهاا بحفله ما حنمشيها سااي
عثمان: والله غايتو انتو يا نسوان وقتكم كلو قر قر كلام واريتو لو مهم شوفو ليكم شغله تعملوهاا
عثمان مشاا
صفاء: هوي هاا ابوكي دا ما تشتغلي بيهو والله هي اتخيلي بعد العرس ولدهم الاهبل دا متقلك بالدهب والغويشات الكبار ديلك والله يابت اسمهاان ماشااءالله على حظك لكن اصلا انا بناتي ما بعرسن اي زول
اماني: يا امي طالما اسمهان حتعرس الكبير شوفو لي الصغير داا وحات الله عجبني عندو عيوون كداا ماشاءالله ما اسحرن ليهو بس قبيل لمن عاين لي ساي قربتا اغمر النبي خلي ابوي يتكلم عشان اعرس الصغير
صفاء: يابت اخجلي مني شويه انا امك طيب النخلص من اختك دي وبعدين نتكلم في موضوعك انتي وبعدين كويس زاتو لو بناتي الاتنين عرسو وعاشو في نفس البيت حاطمن عليهم مع بعض
اسمهان: بس الصغير شكلها واقعه ليهو ما اي زول بيقدر عليه
اماني: انا بربي ليكم اصبري وانتي الكبير لو قلتي لي ارقد في الارض بيرقد من شدة ما غبي وشخصيتو ضعيفه
قعدو يكملو قطيعتهم ويتونسو..
💕💕💕💕💕💕💕💕💕💕💕💕
مروان جا البيت لقا كرم قاعد ورتب البيت كوويس كان قاعد في كرسي وخاتي يدو في راسو ومغمض عيونو
مروان: كرم انا عرفتا اسم البت..
عاين ليهو لقاهو في حالتو ديك
مروان: كرم خير انت كويس مالك قاعد كداا
كرم: كنتا برتب في البيت وتعبتا شوية دا كل الموضوع
مروان: انت مشيت بيتكم الليله صح عشان تجيب ملابسك اتلاقيت مع ابوك صح الحصل شنو
كرم: ما حصل شي يا مروان ما مشيت البيت اناا المهم انا ما بعرف اطبخ بس انت لانك عايش براك بتعرف صح وانا جيعان حالياا
مروان: رأيك شنو نطلع ناكل بيتزا في برشلونه سمعتا قالو بيتزتو سمحه ارح نجربهاا
كرم: ارح اصلاا مافي موضوع ونحنا في الشارع اضرب لساره قول ليها تجي الشركه بكراا
مروان: طيب
مشو على برشلونه وطلبو بيتزا
كرم: امم كلامك صح اي بيتزتهم سمحه والله
قاعدين مروان امو ضربت ليهو بقا يتكلم معاها طبعا اهل مروان في كسلاا وابوه بره السودان كرم مسك تلفونو واتصل على امو وبقا يتكلم معااها قعدو مساافه وبعدين رجعو البيت الواطه كانت مغرب كرم طلع كرسيهو في الحوش شاف عائشه طلعت من بيتهم
كرم: هوي يا سمحه
عائشه: ما تشاغل
كرم: اعمل شنو اذا انتي سمحه المهم ماشه وين
عائشه: الدكان
كرم: زي الوقت دا ما تمشي وريني عايزه شنو انا بجيبو ليك وبعدين وين مزمل واياد
عائشه: زبادي سكر رصيد مزمل طلع مع محمد واياد بيقرا
كرم: طيب
كرم مشا على الدكان وعائشه رجعت كرم اشترا الحاجات وطلع لاقوهو مزمل ومحمد
مزمل: اوو ابو الكرم اهللين يااخ
كرم طبعا لمن شافهم حبا يغيظ محمد
كرم: مزمل يا صحبي تمام والله كيفك انت
مزمل: الحمدلله
كرم: امسك الحاجات ديل عائشه قالت عايزاهم وانا جيبتهم بدلها عشان ما تجي الدكان زي الوقت داا
طبعا قال كلامو دا وهو بعاين لمحمد😹
مزمل: ياسلاام ياخ بالجد ما قصرتا شكرا ليك صحي ما عرفتك دا محمد صحبي ويا محمد دا كرم اعتقد انك بتعرفو
كرم: اتشرفنا يا محمد
وكرم مدا يدو لمحمد محمد قعد محمر ليهوو ومشاا مزمل اتحرج من تصرف محمد فمسك يد كرم وسلم عليهو
مزمل: والله الايام دي هو متوتر ما تزعل منو يااخ
كرم: لالا ولا يهمك
مزمل رجع البيت وكرم مشاا
كرم: مروان انت بتتبسم براك مالك
مروان: البت اللاقيتا في عرس عزه وبابكر عرفتا اسمهاا ومنتظرهم يرجعو عشان يعرفوني عليها ما عارف هي كانت من جهة العروس ولا العريس
كرم: اسمها منو
مروان: ايلاااااف💙
......
في الصباح كرم ومروان مشو الشركه قاعدين في مكتبهم جات سارة
كرم: مروان تلعب ببجي
مروان: هنا ولا نمشي مكتبي
كرم: خلينا نلعب بلبلستيشن
مروان: اي احسن
سارة: بس لحظه كرم انت كوويس
كرم: كويس اي ليه مالي في احسن حاال الحمدلله
سارة: ما عارفه مروان
مروان: وحياتك حاسس بس رفض يحكي لي
كرم: ياجماعه قولو خير مافي شي عشان احكيهو
سارة: كرم
كرم: سارة انا جيعان والله
مروان: وانا كماان
سارة: طيب عايزين شنو
كرم: مكرونه باللحمه المفرومه وصلصه
مروان: كفته
سارة: طيب حاعمل ليكم مكرونه وكفته
سارة مشت مطبخ الشركه وضربت لعائشه
سارة: عائشه كيفك
عائشه: اهللين سروية تمام الحمدلله كيفك انتي
سارة: تمام والله فاضيه؟ بتقدري تجي شركة كرم؟
عائشه: والله كنا طالعين انا وعايده عندنا موضوع مهم بس لو لقينا وقت بنجي
سارة: طيب
💜💜💜💜💜💜💜💜💜💜💜💜💜💜💜
عائشه كانت طالعه وقفها مزمل
مزمل: اهاا قرارك
عائشه: انا استخرتا امبارح وما ارتحتا للموضوع امشي كلم صحبك اني رافضه الموضوع داا
مزمل مشا الجامعه وبقا يدعي انو ما يلاقي محمد بس وصل القاعه لقاهو في وشو
مزمل: الدعوه ما استجاوبت
محمد: اهللين لو عايز تشاكلني عشان صحبك فأنا ما حبيتو الانسان داا
مزمل ختا يدو في كتف محمد
مزمل: محمد انت بتعرف انو نحنا اخوان واصحاب كماان
محمد: مالك
مزمل: عائشه رفضت الزواج انا ما عايزك تزعل ربنا يرزقك بت الحلال وتكون احسن من عائشه كمان بس انساها خلااص
مزمل دخل وخلا محمد واقف وساكت
محمد: اكييد بسببو رفضتني بسبب التافه دااك كرم هو السبب عائشه حلمي من وقت كنتا صغير ولمن جا الوقت عشان احقق حلمي اتدمر بسبب كرم انا مستحيلل اسامحو وحيشوف انا كيف حاتصرف معاهوو
وبدا الشيطان يوسوس ليهو..
يتبع....