#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
راحت ودت القطرة العين بمكانها ورجعت كعدت بصفي
عدلت نومتي وكعدت خليت وره ظهري المخدة
ابتسمت لها اريد الطف الأجواء قبل
لا ابدي بالكلام ..
_والله يااميرتي أني جاي اساعد ام سعودي بهاي الفترة
_مساعدة شنو وشدخلك بهاي المرة ؟!
_ اساعدها علمود ابنها مايروح من ايدها وأمن الها
مكان نظيف بعيد عن المكان لهي بي
_ ترى مافهمت شبي ابنها وليش جاي
تكول قبل لايروح من ايدها
_ أبوه جاي يطالب بالحضانة ؟
_ليش هو مو كايل عنها خاينة وهذا الطفل
مو طفلي شلون يريده ؟!!
_من البدايه الطفل سعيد مو ابنه ابن خال ام سعودي
_شمدريك ؟
_تعاي خل احجيلج القصة
_اي احجيلي لأن تاهت علية الشغلة
كعدت حجيتلها كل قصة ام سعودي من البداية لحد النهاية خطية انقهرت عليها حتى صارت تبجي اووف مرتي إنسانة جدا رقيقة وحساسة وقلبها طيب
_شكد مكرودة هالمرة لاعاشت مثل الخلك والناس ولاكعد حظها بيوم وأني فخورة بيك لأن جاي تساعدها تطلع هي وابنها من هذا المكان القذر وان شاءالله يسجل
بميزان حسناتك
_وأني عبالي راح تضوجين
_وليش اضوج من فعل الخير بالعكس افرح
_علمود عندي بيها علاقة سابقة
_كلتلك من قبل الماضي مايهمني الفات مات والله ويا قابل نرده وأني واثقه بيك مراح تخوني والله كبرت بعيني
رائد بعد ماساعدت ام سعودي
_ان شاءالله دوم اكبر بعينج ينظر عيني
_حبيبي ابو علاوي البطل والهيبة مالتي
دومك كبران بعيني امممح
دزتلي بوسة بالهوى رجعت دزيتلها البوسة ...
اممممح...زين ماتردين تعرفين ليش احب
ام سعودي واحترمها
_صدك ليش عود تحبها ؟
_ام سعودي سوت فضل مراح انساه طول عمري
_شسوت ؟
_قبل كم سنة جان عمر فطيمة بوقتها ٣ سنوات هي واولاد عمامها يلعبون بالشارع الدنيا الظهر وعدهم مناسبه عيال أختي وجايين عصابة خاطفين فطيمة ولد من ولد
عم فطيمة وشاردين بيهم
_صدك تحجي ؟
_اي والله وماخذين فطيمة وابن عمها ضامينهم بيت وحدة تستغل دعارة وي ام سعودي وبالصدفة ام سعودي شوفي فطيمة وعارفتها رأسن أتصلت بي
وكالت تعال الحك بت اختك مخطوفه وبهذا البيت موجودة واني بلغت الاستخبارات وبسرعة داهمنا المكان وفعلا لكينه فطيمة وابن عمها وياهم بنات اثنين طالبات متوسطةولزمه الإرهابية والمره لوياهم
_الله يلعنهم ألف الحمدالله والشكر الله
دز ام سعودي وخلصتهم خطية
_اي والله أبد مانسى هاي الخدمة لها
مادامني عايش واشم الهوى
_الله يجازيها وان شاءالله تخلص من هذا المكان وتتوب
الله وتكون من النساء الصالحات والله يكتب
الها التوبة والمغفرة
_أللهم آمين يارب العالمين
_تدري خفت بالبداية عبالي اكو فدشي بينك وبينها
_لايابة كلشي ماكو وأني عندي اميرة تسوه كل الاميرات
الكون كله شلون أروح أدور على غيرها
_اممم هههههه
_يمة اروح سبع فدوات لهاي الضحكات الحلوات
_رائد لتخجلني
_غير اذوب بالكاع من خجلاتج بت الاوادم ههههه
_ههههه
_زينب
_عيوني احجي
_محد راح يحب ضحكاتج وعيونج بكدي
_اوووف ولك ماتحمل الغزل بسرعة اخجل واذوب ههههه
_اي بعد اخجلي وذوبي علمود المج بحضيني
غطت عيونها بكفوف ايديها خجلانه كلش نهضت
جسمي وجريتها لحضني ...
_دتعاي بت الأوادم كلما تخجلين كلبي
يزود حب والاشتياق الج
_كافي ولك كافي اخجل والله
حضنتها كل قوتي أني وكاعد ...
هسه اطفي نار الخجل
بحضنه طويلة
_مو تدري بي اخجل بسرعة
_هو هذا المطلوب اخجلج بسرعة واجي اضمج لصدري هههه
_أريد فديوم اخجلك
_الله وايدج أريد اخجل يوم من أيام الله ماكو
بلكت الله أنتِ تطلعين سباعية وبت
ابوج وامج وتخجليني
رفعت رأسها باوعت بوجي ...
تحجي الصدك مخجلان بعمرك
_اي والله أبد مخجلان اخجل بالعالم
مافديوم واحد منهم خجلني
_ليش عود ماتخجل ؟
_الله حاذف قاموس الخجل من عندي
_زين إذا خجلتك شراح تنطيني
_لتريده انطي الج
_يعني اي شي أريده اخذه منك حتلوه غالي
_كل غالي يرخص كدام عيونج
_زين لعد
_يلا خجلي خل اعيش طعم الخجل الحقيقي شلون يكون
_مو هسه اخجلك بيوم مامتوقع
_مفاجأت يعني
_اي
_وأني من عشاق المفاجأت
_أدري بيك مهوس بالمفاجأت
_زينب عيونج كلش حلوات
_لا تخجلني
رجعت حضنت وجهها بكفوف ..... ايديها رجعت ضميتها لصدري اضحك احب زينب حب موطبيعي مرات احس
نفسي أحبها اكثر من حبي العلاوي وأمي
وروحي نفسها وفكرة اتخلى عنها مراح اخليها تتحقق بيوم من الأيام وراها نمنا لافها بحضني واحجي وياها عن
أخوها شصار ماصار ويا ...
_والله الحضانة لأخوي صارت واخوي شاك بالموضوع أنت الك ايد وكال هاليومين اجي أمر بيكم
_كل الهلا بي
_تدري بي مايحب الوساطة
_ترى مرات الوساطة تنراد
_اي والله بس هو شيفهمة
_واحنا نمشي براية
_مشينه برأيك والحمدالله ماخذت الأطفال تدري
سمعت يكولون عدها علاقة
وي القاضي
_منو كالج ؟
_وحدة من اقاربي كالت شايفينها كذا مرة وي
القاضي بالمطعم باربيل وبغداد
_ أني اكول ليش طابك وياها اثاري هنا
الحجي العينتين مكبل
_الله اعلم شعدها ويا
_أني اكول مكبل
_منو يكول مكبل محتمل متزوجة بالسر ومحد يدري
_ماتوقع
_كلشي اتوقع منها أني اعرف اهلها ناس متشددة كلش حلك الباب مايخلونها تطلع شلون تطلع وي رجال غريب وبنص الليل وهي وياشنو ماعدها اخوان ماعدها
ولد اخوان يراقبونها
_هم صدك حجيج هاي متزوجة وماتكول
_أني هم كلت هيج مادام طابك وياها ويدافع الها وهي
هم فجاة طالبت بالحضانة الأطفال
ماتشوفها غريبة شوي
_الله يبعدكم عنها وعن اخوج واطفاله
_اللهم آمين ان شاءالله صدك تطلع متزوجه
_هسه اشوفها الج
_جوز منها خل تولي ماتسوى تخلي مراقبة وراها
_وج مو بايدي اعشق المراقبة والتجسس
_هذا شغلك شلون ماتعشقه
مسك مرت الايام وبيت عيالي اشتروا بيت بصف بيت بيت خالي ابو صدام فرحت كلش راح اخلص من المشاكل وي ام سارة وراح تخف العائلة شوي هي الخلفة
كلها لبيت نزار احنا شعدنا راسي وراس رضاوي قاسم وخالي وعمتي وبيت محمد ماعدهم غير ثلاث جهال ارتاحيت كلش والحمدلله والشكر حملي هالمرة كلش حلو
ماتمرضت برضاوي تمرصت ونمت بالفراش مابي اجر النفس هالمرة نعمة من الله مانكر الموضوع ردت اتوظف بشهاتي بس مادام عمتي ماتقبل مراح اقدم ولا افتح حلكي
بعد مابي حيل مشاكل وياها ومنا قاسم ماقصر وياي شريد يجيبلي وبدون ماكول حتى وره أسبوع تقريباً سمعت
سيرين تريد تنفصل عن زوجها
_تمام صدك هي مانفصلت عن زوجها
_والله سمعت جاي ترجع
_الله يسمع من حلكك
_ترجع هاي هم يومية مشاكل وطلايب على أشياء تافهة
_والله سمعت من اقارب زوجها يكولن سيرين كاتله عمتها علمود كايلتلها مامنج فائدة بس بنات تخلفين
وراح ازوج ابني غيرج يالعوبة
_لابشرفج صدك تحجين ؟
_اي والله هن كالن هيج
_يمة هاي سيرين نار وشرار
_تريد الصدك
_شنو ؟
_تستاهل عمتها
_بس عيب مو مال تمد ايدها على عمتها
تكدر تردها بالكلام
_هذا اسلوب سيرين وحدة عنيفة وقلبها
ميت وماعدها لا احترام
_لو أني بمكان زوجها لو تبقى اخر مرة بهذا
الكون ماردها على هذا كلامج اذا صدك
_والله
_اي والله مره تضرب امي وتمد ايدها عليها
اخليها على ذمتي لو تموت
_نفترض ضربت أمك شراح تسوي ؟
_كتله معدلة اكون بيها اكسر ايديج اثنينهن ورجلج هم واشمرج على أهلج واوراق الطلاق وراج وانعل
ابو ليطلع وراج .
_وإذا هي الغلطانة
_حتلوه هي الغلطانة مو مال تجرئين وترفعين ايدج على ادمي جبير وهي مو غير شخص ام زوجج لازم تحترمها احترام لزوجج واكو كلام يرد مو ضرب وإهانة
من ضربتي أمي معناها ضربتيني ّ
_الله يبعدنا عن المشاكل وسوالف التعبانة
_ آمين
_ يلا حبي أني رايح
_الله وياك دير بالك على نفسك
_ان شاء الله أنتِ هم ديري بالج على نفسج
والجهال ماوصيج بعد
_ بعيوني
رائد " ام سعودي اشتكت عليهم وتم إلقاء القبض عليهم وصاروا بقبضة العدالة وراح يتحاسبون أكيد على عمايلهم القذرة كتلها كلشي عليهم طلعي حتى سالفة
الاعتداء عليج بالماضي وشلون وزجج خله ابن خالج يغتصبج بالإكراه كالت لا ماكدر اكول هذا الكلام أعذرني تعاركت وياها وكتلها يكول هي دعارة وخلفت طفل مو من عندي
جانت تزني وي ابن خالها روحوا حللوا الطفل مو ابني ابن خالها هو غشمرني علمود ماتنطي ابنه تخبلت وحلفت الا تشتكي عليهم مرة اللخ على قضية التحرش
والاعتداء الجنسي .
لاصتها عليهم تليص إلا يخيسون بالسجن .
الظهر رحت لبيت اختي اشوفها واجيبها بطريقي لأن زوجها التحق كالت انتظر خل تجي فطيمة من المدرسة بقيت انتظرها بره بالطرمة اجت فطيمة تسحل
بالجنطة وردية بالكاع
لابسة تنورة ام الشيالات سودة وتيشيرت فوكاه ترواكه
بيضة وشاده كرون أثنين تسحل سحل
بروحها صحت بيها
_يبوووة هاي صاير بيج بعد خالج
رفعت راسها باوعتلي ...
راح اموووت خالي الحلو
كمت امشي اتجاها ...
انعل ابو المدرسة يابو ليريد المدرسة صدك جذب الحلوة مالتي حالها حال المجادية الشارع ليش مبهذلة ليش هذا الشعر الحلو مخربط ليش ايدينج كاتلهن الوسخ
_هاي المدرسة ماريد المدرسة اريد ابطل
حضنتها ...
بطلي بعد خالج انعل ابو المدرسة
شلتها بحضني وايد الثانية شلت الجنطة مجلبه بي خلت رأسها على اركبتي من التعب دخلت جوه ...
_وينج ام فطيمة صدك جذب ليش هيج صاير بفطيمة الأميرة
طلعت أختي تعدل بشالها ...
هاي هي دومها مسخته وكسولة
_مو كسولة تعب وسخ وجهال يتعاركون والمعلمة تصيح جنها امي سهاد وتضرب على السبورة بالعودة ماتحمل
أني ماتحمل خالي ماروح بعد
رائد _لا ترحين
ام فطيمة_رائد لا تشجعها تعاي ماما خل ابدلج
رائد _هههه روحي لماما حبيبتي
نزلتها راحت لأمها بدلت الها واجت لعندي تركض اخذنه الأغراض شمرناهم بالسيارة اختي جابت ابنها واجت شوي وصلنا للبيت فطيمة ركض ركض لعلاوي
مخلينه بالكاع يلعب ومشغلين التلفزيون على قناة بيبي منطلق الكلب وي اغاني الجهال للعصر شغلت موسيقى خاله ياخاله بالسيارة وابن أختي وفطيمة
والجهال كلها تركص كدام السيارة ....خربت ضحك عليهم أمي واكفه بعتبه الباب وتضحك صاحت بي ...
امي_منو عرس ؟
رائد _خالهم وعمهم عرس من جديد هههههه
امي_زينب تعاي اسمعي رائد يريد يعرس
رائد _خررررب ههههههه
طلعت زينب تخوصرت وتخزر بي ....
تريد تزوج ؟
رائد _اي يلا امشي ناجر بدلة الج ونعرس من جديد ههههه
زينب_ههههه
امي_امداج غشمرج بجم احجاية
رائد _يمة أنتِ صايرة حاروكه لعد
امي_اي ههههه
رائد _بس مو علية يلا شدوها بعد خالكم وعمكم
يمة فدوة للزعطوط ولك راح توكع بعد
خالك ههههههه
ابن اختي يركص عود مايعرف بس يصفك بإيدي يفدوة يخبل راحتله فطيمة تعلم بي فزيت على صوت محمد
دخل للحديقة ويصيح
زينب بس شافته دخلت جوه ...
محمد _شدها بعد حيلي هههههه
رائد _شجابك هههه
محمد_سمعت صوت الأغاني واجيت اشوف منو عرس منكم
رائد _منو عدنا يعرس ؟
محمد_انت منو غيرك هههه
رائد _هو يمكن راح اجدد عرسي شتكولين يمة
امي_جدد منو لازمك ههههه
محمد_ملعون ترى خاله بنيته يزوج وحدة ثانية
هذا چلب مال نسوان ههههه
امي_وانت اچلب منه بعد خالتك
رائد_في منتصف الجبهة هههههه
محمد_هو لو بايدي أتزوج الثانية والثالثة والرابعة
بس الأمور مو باليد هههههه
امي_بيك حيل الربع نسوان ؟
رائد _وغلاتج يكوم يزحف مثل الچلب هو وحدة
مابي حيلها انوب اربعة هههههه
محمد_انجب بي حيل اتزوج عشرين مرة
هفيت محمد بزيج أمي خربت من الضحك
محمد يخزر بي وصاح
محمد_طيح الله حظك شوكت تعقل
رائد _عود أنت اعقل واحنا وراها نفكر نعقل ههههه
أمي _شلونك محمد مرتك شلونها جهالك شلونهم
محمد_على الله خاله أنتِ شلونج
امي_زينة الحمدلله وين ادريس اشو مجايبة وياك ؟
محمد_يم اجداده
رائد _واني اكول چلبنة اليوم عالي صوته ههههه
محمد_ولك اشو انجب خاله الخاطر الكعبة أنتِ شمخلفة ؟
امي_مخلفة طركاعة سودة شمخلفة خاله
تغيرت الأغنية وطلعت اغنية جوبي انباري نزلت من السيارة ...يلا محمد شدها
محمد _دولي
رائد _تشدها لو احجي
غمزت عين لمحمد صار ... يعض شفه يخاف افضحة كدام أمي والجهال رفع ايديه وصار يركص ...
محمد _ يلا كابلني هالاغنية تسوي واهس والله ههههه
رائد _هههه اي
أمي _ هههه مجانين أنتو
والله خليت محمد يذب لحم بالركص تكابلنه اني ويا كتله اكمز بعد حيل ابن عمك خليته يركص ويكمز الكلب ضابط الجوبي شفت مصطفى ابن عمتي اجه يركص هم
وعمتي وراه تضحك ...
مصطفى _ منو عرس هههههه
رائد _ماكتلك اليوم عرسي هههههههه
عمتي_خبال الخبلكم عمه يمة فدوة للجهال شلون يركصون رحت فدوة فطيمة شنو هذا الركص الحلو
تعاي ماما تعاي
مصطفى _الله عليك محمد تركص ركص مو طبيعي هههه
محمد_ جبرني الكلب المجلوب
مصطفى _اويلي هههههه
وكفنه ركص خربانين ضحك محمد فطير ماعنده قلب
رحت سديت الأغاني من السيارة وسلمت
على عمتي الأفعى السامة
رائد _هلا بالأفعى السامة شلونج بعد شيبي هههه
عمتي _ هلا بالعربيد ههههه
محمد_ادري صايرين معشر الأفاعي هههههه
حضنت عمتي قوي هي هم حضنتني وتبوس بي عادي عدها احجي عليها ولما احجي عليها تكول هذا
مو رائد متغير علية
عمتي _أنت شعليك
محمد _اول مرة اشوف عمه تقبل ابن اخوها يحجي عليها
عمتي_ غير الهيبة مالتي وحجاياته عسل مثل
السانه لينكط عسل
محمد_جا احنا السانه ينكط سم
عمتي_ايي ههههه
محمد _زعلنا لعد
رائد _وزعلتهم ههههه
عمتي_ماتزعل منو لازمك
ضربتني على صدري بإيدها ...
ماشاءالله صدر لو حديد صاير من الصلابة هههههه
رائد _دباع عمتي الحية تتغزل بي هههههه
محمد_ ههههههه
امي_هلا ام مصطفى شلونج خية
عمتي_ على الله خية أنتِ شلونج اخبارج
امي_زينة الحمدلله تفضلوا
دخلت عمتي محمد ارتجى على دنكة الطرمة مصطفى كدامي واكف عرفت عنده حجي اشرت للجهال يدخلون
جوه دخلوا بسرعة
محمد _ساقطين من شوكت تلعبون على مقدم فائق؟
رائد _شمدريك ؟
محمد _شفت مراسلة بينه وبين مصطفى
الثول داز رصيد ابو ٣٠
مصطفى _بالصدفة والله
رائد _اي وشرايك ؟
محمد_والله حلوة لعبتكم هاي بس مكتولي من شوكت ؟
رائد _من فترة طويلة
محمد_تأكلون براسه رصيد ؟
رائد _اي
محمد_ شلون بلا غشمرت المسكين ابو الصوف
وخليته يحجي ويا بدالك ؟
رائد _هسه أنت شعليك ؟
محمد_علية بعد تنطوني من الرصيد مافتن عليكم ماتنطوني افتن عليكم واكول لعموري خل يفضحكم وخل يجي المقدم فائق من الموصل هدادة عليكم .
مصطفى _لاعليك الله محمد لا تفضحنا
رائد _من طزززز بيك وبعمووري ابو السحورة ابو الكحاب
تجر عدل ويانه لو اروح اكول لعمي جاي
تسوي من ورة ظهره
محمد _فلا ينكدرلك
رائد _بس الفوك يكدر لي يلا تعال خل اضيفج جاي
ماي كهوة رنو حبي تعاي اشربي جاي
ماي كهوة ههههه
محمد_رنو خرررب بيك ابو الصوف رجال شكبرك وشكدك وضابط وبعد كم شهر تترفع وتصير ملازم ويصيرون
نجمتين على الجتف تسوي روحك ابنية وتخلي
فائق المقرف يتغزل بيك
مصطفى _رائد غشمرني وتدري ماينكدرله
محمد_مسويك كحبة مقدم فائق ههههههه
رائد _تذكر محمدنا شنو جنت تسوي بفلان
ضابط آنت وعموري
محمد _شمسوين ؟
رائد _خلهن نايمات احسللهن ماريد اطلعهن وازيين شاربكم
محمد_شمدريك ولك ؟
رائد _ادريي بكل دروبكم مو عبالكم ضابط بس بالشغل لا حبيبي ضابط استخبارات على المنطقة كلها وأعرف
الصغيرة والجبيرة التصير هنا
محمد _أعوذ بالله منك
مصطفى _شكو رائد
محمد _مالك دخل أني رايح في أمان الله
رائد _تعال وين رايح عيب تروح بلا ضيافه
محمد_شبعت والحمدالله
رائد _تعلم لا تندك برائد هههههه
محمد_توبة إذا اندك بيك بعد توبة
فلت محمد اجه بصفي مصطفى ...
شمسوية من دكة ؟
جريته من اذانه ...
مالك دخل بابا يلا تعال ادخل واحجيلي شسويت
ماسويت وي فائق الجلب وين الرصيد خوما
باكة منك محمد
_راد يأخذ وماخليته فلتت و جبت امي
واجيت لعندك ولكيته كبلي اهنا
_شلون لزمك ؟
_جنه عدهم أني وأمي وتلفوني خليته على الشحن بالاستقبال يم تلفونه وبالصدفة شاف الرسائل وعرف كلشي
وخلاني أعترف
_بعد بيتي كلهن سفطتهن كدامة ؟
_لاا
_دنجب شكم مرة كايلك لا تعترف لو على كص اركبتك
_مو هو شاف
_حتلوه شاف جذب شوفته واطلع أنت الحق وهو الباطل
اضل اعلم بيك وماكو تعلوم امشي ادخل
جوه لو اكفر بيك .
دخلنا للبيت جابت الضيافة ..زينب وكعدت يم عمتي نقلت نص الرصيد لي بزود ابو الصوف رصيد أبد ماشد ماتذكر يوم شاد رصيد كله من جيس مقدم فائق.
بإيدي تلفون مصطفى وجان تجي رسالة من المقدم فائق فتحتها خربت من الضحك
على الكاتبه .
رنو حاب اعترفلج بشي ..
أني معجب بيج وبالاخلاقج وتربية أهلج الج وصاير بي إدمان اسمه رنو واحبج صعد للراس وفلش قلبي تفلش اكل اشرب انام اسبح بالدوام أنتِ بالي ماجاس تطلعين من
بالي وقررت اجي اخطبج بعد ماتحمل
أريد اتزوجج
ضربت مصطفى جتف وهمست اله ...
بعد مايتحمل يريدك جواه
ههههههه
_شنو هذا الكلام رائد مو عيب عليك
_دباع شكاتب
_شو انطيني خل اشوف المضرطة مالته بلا ..
عزززة هذا من كل عقله يحجي ؟
_هههه والله يريدك عروس اله اهلا راح نزفك بعد شتريد مقدم وعنده لكزز آخر موديل بيضة تذبح الطير
وفلوس الله ربج رنو هههه
_انطيني خل احظره
_بس تحظره احظرك من الوجود انطيني أني احجي ويا
_راح تطيني رائد
_بالقبر دجيب
اخذت التلفون من أيده وكتبت اله ...
فوفو حبي أني فرحانة واخيرا راح نكون سويه
بس أخاف ماما ماتقبل بيك
_ليش قلبي ؟
_ماما ماتقبل تنطيني الواحد عنده شواربك اطوال
مصطفى _شنو هاي رائد؟
رائد _حالف الا ازين شاربه
مصطفى _تقبل هسه احد يزين شاربك
رائد _انجب أني شاربي ينحلف بي
مو مثل شاربة كاتله الوسخ
فائق _مو مال شقا رنو
رائد _والله شبيك بس اشوف صورتك لماما راح تتخبل وتكول شنو هذا ابو شوارب تكول شواربه يشبهون
شوارب ابو الزمير
فائق_صدك ولج تشبهيني بأبو الزمير ؟!!
رائد _بالعكس أني احبك كما أنت وعاجبني من كل النواحي بس ماما تكره الرجال لعنده شوارب هاي بابا ماتخلي
يربي شوارب شلون هسه فوفو
أني أريدك
فائق _وج بت الاوادم أني هم اريدج وحيل اريدج بعد كل اهلي وناسي بس شوارب شلون ازينهن وهن يبرزن هيبتي وشخصيتي بين الضباط والجنود
رائد _هسه شواربك اهم مني ؟!
فائق _مو أهم منج حبيبتي رنو بس هيبتي هذولة شلون ترديني ازين هيبتي وكرامتي بإيدي ؟
رائد_ تمام قلبي لا تزين هيبتك وشخصيتك وأنسى وحدة اسمها رنو فوفو لا تنسى احبك هواي وراح تبقى حبي الأول والأخير مراح انساك طول عمري فوفو هيبتي
قبل لا دز الرسالة اله دزيت صورة بنية شقره حلوة تخبل وحدة من البنات دزتلي صورها على الخاص علمود تشوفني نفسها وتكول بالغلط دزيت صوري
وأني حفظت الصور مصطفى يباوعلي مصدوم ...
هاي ميلك هالشقرة ؟
رائد _راقب وانجب
مصطفى _باع الجمال ياربي باع الصدر ثلج ياربي
ولك ميلك هاي الحورية ؟
رائد _اشو انجب وخلني اكمل شغلي
مصطفى _أريدها رائد
رائد _بعدين انطيها الك بس خلني اكمل شغلي
مصطفى _والله
رائد _اي والله بس انجب
مصطفى _هاهية انجبيت
دزيت الرسالة وراها مباشرة صور البنية وكتبت جوه الصور ...
هاي أني فوفو احفظ شكلي لان مراح تشوفني بعد ماحبيت أبقى حسرة بقلبك هيبتي فوفو
رائد _تم الإرسال ماننسى القلب المكسور هههههه
مصطفى _راح يوكع بالكاع هذا
رائد _راح يروح ركض للحمام يضرب شاربه جوليت ام الربع
مصطفى _اي والكعبة
أمي _خيركم تبسبسون وتضحكون
رائد _مهمة شغل يمة كوم مصطفى
كمت كام وياي مصطفى عمتي ضحكت وكالت...
وين ولكم ؟
مصطفى _شغل اجانة
عمتي_شغل شنو هذا ليخليكم تطلعون بره ؟
رائد _تعرفين احنا استخبارات وشغلنا بالساعات يجي لعدنا
عمتي _ اممم
رائد _وجعمممم وشكو عممممه
عمتي_حيوان ولك علمين تغلط
رائد _ديلا لاتسوين روحج اول مرة تترزلين متعودة على الرزايل من عندي امشي مصطفى
عمتي_تعالوا ارجعوا شوفوني المهمة
رائد _شلون اشوفج بلا المهمة ؟
مصطفى _مايصير يمة المهمة خاصة وماصير احد يطلعد عليها غير الضباط حتى الجنود مامسموح
الهم يطلعون عليها .
عمتي_شلون ماشوف جاي تراسلون بنات
رائد _استغفرالله العظيم واتوب إليه والقرآن راسل رجال وضابط ويانه وثاني شي شعندي وي النسوان وعندي مريه تسوه كل النسوان باعي المرتي ناقصها شي علمود
أدور غيرها باعي شحلاتها اميرتي
باوعت عمتي الزينب دنكت راسها وضحكت بخجل ...
غير زلقت روحك عليها لما صارت الك وعوزك والله لو
تدور وراها نسوان غير جنها العافية
ام علاوي
رائد _اي والله العافية واهل العافية ام علاوي امممح
امي_ديلا اطلع وكمل مهمتك
عمتي_والله مايطلع شوفني يلا
مصطفى _شوفها صورة فائق وفض السالفة أمي لزكه
طلعت صورة فائق الها من التيليكرام...
باعي هذا ضابط ويانه واسمه فائق شفتي مو
ناشط وهاي المحادثة
عمتي_اي صح بس وآخر ايدك خل اشوف شكاتبين
رائد _الله أكبر منج دمشي هاي امك لو نبقى وياها تخلينه ننكت كلشي على الميز ونطلع
عمتي_اشووو تعالواا ولكم تعالوا
رائد _خل اسد الباب وراي اشرفلي ههههههه
سديت الباب وراي وطلعت خربان ضحك فائق داز جريدة كلام كعدنا فوك الدرج نقرأ...
_خرررب بروح اهلج على هذا الجمال ولج شنو انتِ حورية البحر لو حورية مهزومة من الجنة لو اميرة شاردة من القصر لو حمامة شاردة من مطيرجي
لو شنو شنو اوصف هذا الجمال رنو طلعتي اجمل من ما تخيلت وربي اوووف انعل ابو الشوارب يابو الشوارب على هذا اللحمال عود أني مكيف متزوج
مرة جنها النقيب رائد سلام الزرك الجرب ابو الوسخ وجنه بعير من يجوعر ويعض ارووح سبع فدوات أني واهلي
وعشيرتي لهذا الجمال .
مصطفى يباوعلي ويضحك اعيوني صاروا براسي ...
ايااا ابن الكلب اني ازرك اني ابو الوسخ اني الجرب اني البعير من يجوعر ويعض والله ماكو غيرك انت ابو الوسخ أنت الجربوع المجاري المعفن
مصطفى _اعصابك والك لا تكشف روحك
رائد _سمعته شيحجي عني
مصطفى _خل يولي يغار منك تخبل أنت بس
رمشك يسوه عشيرته وابو عشيرته
رائد _أني اعلمه جربوع المجاري
مصطفى _دزين شاربه بهاي الشقرة هههه
رائد _عد عيناك هسه ازينه له... فوفو شيفيد الكلام الحلو
بعد وعليك الله لا تحفظ صوري عندك بس
شوفهم واحذف أمانه
فائق _شنو شيفيد الكلام باجر من الصبح اجي اخطب
انطيني عنوان بيت أهلج بسرعة
رائد _ماكدر انطيك العنوان
فائق_ليش رنو ماترديني ؟
رائد _لوماريدك مجان اراسلك ودزلك صوري بس
مو تدري أمي تكره الرجال ابو شوارب
فائق _هسه واكفة على الشوارب ؟
رائد _اي قلبي
فائق _ازين الج الشارب وابو الشارب واجي اخطب رنو وج حلم وردي اجي اخطب وعد اخطبج منا ثاني يوم الصبح ازف ماتحمل بعد أريدج جواي وبين ايديه
مصطفى _يريدك جواه رائد ههههه
رائد _ياريت والله اصير بين ايديه هههههه
مصطفى _خرررب هههههه
رائد _صدك حبيبي راح تزين شاربك ؟
فائق _اي وهسه انتظري ازينهن وادز صوري الج
رائد _اااااه ماصدك راح نزوج أني وياك فوفو ههههههه
فائق _اركصي بعد كل اهلي وناسي رنو العشق
رنو الكطن رنو الشقرة الروسية هههههه
رائد _ابن الكلب طلع يدور روسيات ههههه
مصطفى _ماكلتلي ميلك هاي الشقرة ؟
رائد _هاي وحدة قليلة شرف تنزل صورها عاري على الانستغرام ومتابعتني ودزتلي صورها بالخاص عود بالغلط وماينحذفون أنت احذف الصور وصارت تتوسل البربوك
وهي كل همها تشوفني نفسها وأني اجت
بالي اوديهم لفوفو هههه
_كحبة
_اي وتشتغل ملهى ليلي بأربيل لا تشوف
هذا البياض ترى كله فلاتر
_وأني عبالي وحدة شريفة
_عار اكو شريفة تنزل صورها عارية الشريفة حتلوه تنزل صورها تنزل صور محترمة وحلوة ومحتشمة مو الصدر
طالع والرجلين طالعات وثاني شي هاي كحبة
وكاتبة بالبابو كحبة اربيل الصاكة
مصطفى _يعمن عيوني الآثنين اكون من
خليت عيني على كحبة
رائد _عادي عزيزي روح لعدها واشبع عيونك شوف ههههه
مصطفى_ علمود امي تشنقني
رائد _شمدريها أمك
مصطفى _ رائد بس أبقى وياك انحرف واصير انكس
من رائد القديم فدوة رحتلك عوفني شريف
رائد _اروح فدوة للشرف ههههههههه
مصطفى _شبيك انكرصت
رائد _لك باع شصخم بروحه هههههه
مصطفى _من طيح الله حظه هذا من كل
عقله راح زين شاربه ههههههه
رائد _الله الله عليك ابو الصوف كدرنا
نزين شاربه للمقدم فائق
مصطفى _اي والله احفظ الصورة بسرعة
رائد _وهاي انحفظت ولك أنوب كاتب شلوني رنو
مصطفى _كوله تخبل
رائد _جنك جربوع ماد راسه من منهولة مجاري
مصطفى _رائد هااي شسوووويت ؟
رائد _حان وقت أنتهاء المهمة وهاي حظرته حذف التيليكرام والواتساب والخط كسرة بسرعة ولك
مصطفى _تمام
طلع الخط كسره وحذف التيليكرام والواتساب كعدنا خربانين من الضحك دزيت صورته المحمد ماات من الضحك وراها ليزن خرب من الضحك وكال هذا شمصخم
بروحة ؟
_رنو صخمته ههههه
_رنو منو ؟!
_تعال اسولفلك القصة.... حجيت السالفة كلها القاسم خرب
من الضحك وطبك وياي لأن يعرف بي واحد
حقير وأناني وساقط وسافل
_بعد الكمامة ماتوكع من وجه ههههه
_وهو ويتخبل من لبس الكمامة ههههههه
_ولك أنت محد يندك بيك شنو أنت مصيبة لو بلية سودة
_أني لمايسكت عن الحق هههه
_اويلي علمايسكت عن الحق كلما اباوع لصورته
اخرب ضحك هههههه
_احفظ الصورة عندك كلما تضوج طلعا واضحك
_لاعيب
_كلب وين العيب بالموضوع ههههههه
_استغفرالله العظيم
_دنجب تحول صار ابو عذراء مامنك فائدة بعد
تحولت وراح تنطي شرعيات برأسي
_تعال وين مولي ؟
_محمد اجاني هو وعمر ومصطفى
_خير ؟
_شغل عدنا باجر بأربيل
_شغل كحاب مو
_خااااب ماتنجب كحابيش رب الكعبة شغل استخبارات
جاي نلاحك شخص من فترة وباجر
يتواجد بأربيل فهمت
_اي تكملون منه ترحون للكحاب ولكم خابزكم وعاجنكم وخطية المكرود مصطفى راح تفسدونه
وتطلعونه عن الطريق
_جان طاعناك عن الطريق
_لو منقول عدكم من زمان طالع عن الطريق بس
الحمدلله مو يمكم بعيد وسعيد
_اجي عندك
_ لا عليك الله لا تجي تفسد الشلة كلها تخاف الله
_ابن الكلب شايفني فاسد لو كواد ترى تايب
وأخاف الله واحب مرتي
_تبقى تخوف
_انجب كلت انجب راح احول عدكم ان شاءالله
_بس تحول أني احول بمكانك
_هو هذا المطلوب أريدك يم عموري ومحمد ومصطفى الساقطين راح يسقطوك
هههههه
_اوووف رائد بطلوا عليكم الله
_ولك مبطل أني شبيكم محد يصدك بي
_لعد شعندك يم ام سعودي هذاك اليوم أني بعيوني شفتك
_مو كلتلك جاي اساعدها وهذاك اليوم رحت يمها انطيتها فلوس وعنوان الرجال لان حول مكان شغله
تروح تشتغل عنده
_ احلف
_والقرآن شبيك
_ماتخون زينب
_هي المثل زوبة تنخان ؟
_طبعآ لا
_لعد انجب واكرمني بسكوتك
_ادعي الله تبقى على مرتك
_قاسم بالقرأن لو يمي أنت جان هسه هفيتك بوكس طشرت اسنونك كلها بحلكك ولك جوز مني جوز لا تتهمني بالخيانة وأني رجال صالح وأخاف الله واحب مريتي
مثل ماتحب مريتك وأكثر هم احبها
_هاهية جزت منك بس ام سعودي شراح تشتغل ؟
_الرجال عنده مطعم وهذا المطعم بي كادر نسائي
_تشتغل نادلة ؟
_تشتغل طباخة وابنها هم يشتغل نادل وياها بالمطعم اثنينهم ياخذون رواتب احسن من العيشة بالدعرة على أقل هاي العيشة كريمة حلوة ويأكلون خبزة بالحلال
وراح ابنها من يكبر يعيش بكرامة .
_كلش حلو هذا الشغل ربي يجازيك على فعل الخير
_أشكرك حبيبي
مارد بعد انطاني لايك شمرت التلفون على الشحن وطلعت يمهم أتفقنا باجر نطلع لاربيل أني وياهم والمقدم حسن
ويانه علمود نلزم رجال المطلوب .
راح يتواجد بنادي ليلي محمد وعمر صاروا يطكون اصبعتين مصطفى انطعج يخاف مادري شبي كعدت عنده
وسألته ليش تخاف تروح
_قبل فترة غشمروني ولد عمامي واخذوني جانوا مصوريني ويه وحدة ودزوا الصور لابوي وامي وكفروا بي كفران
وكالوا بس توصل بعد نكسر رجليك
_وأنت غبي شلون تمشي وياهم هم مو يكرهونك
علمود صرت ضابط وتمشي بدربي
_شمدريني
_هذولة ناس حقراء خليك وياي وي عمو ومحمد
هذولة لو تذبحهم مايطلعون سر
_مو من تتعاركون واحد يهدد بالثاني يفضح سره
_هاي احنا بطرك الكلام
_ماتطلعون
_أبد صار اسنين أعرف عليهم شغلات تشيب الرأس ومجايب طاري بس اهدد بيهم واستغلهم وبالحقيقة ماطلع
سرهم لو على كص اركبتي
_هاا
_اي يله روح لأهلك وجهز غراضك الفجر نطلع
_ان شاءالله
راحوا كلهم خليت زينب تجهز ملابسي تجهز وتوصي بي ...
دير بالك نفسك تدنى على وحدة عاري اهناك رائد... أنت
حالف مراح تخوني وإذا خنت اطلكك رائد
_خوما نسيتي شي ؟
_ هاي هم احفظهن وكلما تشوف بنية
حلوة خلني بين عيونك
_انطيني صورتج اخليها بعين عيوني
_رائد لا تتغشمر مو احجي وياك
_وياج قلبي
_بس بطل برود من احجي وياك اصير بخير
_جا غير الخير واهل الخير كله يمج أنتِ الخير واهله
_خرررب بحظي وين احجي وين يحجي ؟
كامت خلت الجنطة بصف ..... الكنتور واكفت تخزر بي كمت اباوعلها لابسة سيت نوم قصير كلش بلون الأسود
ومكياج وايدها على الخصر
تهز بنفسها مثل المصريات ...
_دخيلك ياربي مو مرية طركاعة سودة
_دير بالك
تأشر بصمها وكفت دكامها لزمت صبعها وبسته ...
احرك كل النسوان كدامج واكتفي بيج لج تعال مو
حركتي شيب الخلفوني بحركاتك .
حضنتها صارت تضحك ...
هههه رائد عوفني اااه لا تعض
شبيك اااه ولك عوفني اااه.
عضيتها من أيدها أكثر من عضه خليتها تكمز ...
تعاندين ؟
_شوكت معانده اااه باع شسويت بإيدي ؟
_ساعات حلوات بإيدج هههه
_يوجعون
_عادي هسه ابوسهم ويروح الوجع
_ماا هسه ترجع تعض
_لاوالله انطيني خل ابوس ايدج
_هاك بس مو تعض ؟
_أبد اممح اممح اممح اممح هاا طالوا
_لا بعدهم
_ارجع ابوسهم
_لا كافي عوفهم هم يطيبون من كيفهم
_هاهية تعاي خل ابوسج
_تعض مو تبوس
_لاوالله ابوسج ههههه
_بس تعض اضربك والله
_مااعض أبوس بوسه بوسهةلما توعين كدامي هههه
_رائد
_عيوني گلبي روحي أنفاسي أنتِ أمري
_تحبني
رفعت راسي باوعت بعيونها مباشرة ...
هذا هم سؤال ؟
_اي جاوب
_أعتقد تعرفين جوابي
_أريد اسمع كلمة احبج كل يوم وكل دقيقة من عندك
_لعيونج احبج واحبج واحبج واموت عليج اميرتي
أنتِ روحي من الدنيا أنتِ
شبكتني من اركبتي بأثنين ايديها كل قوتها ...
امووووت عليج
_لو هيج الحب لو مايراد بعد احضني اكثر هههههه
_وهاي بوسه ههههه
شلتها بحضني وهي بعدها شابكتني قوي كضيت اليل وياها كله غزل هي تتغزل وأني اتغزل ماعرف ليش حسيت شعور غريب بهاي الليلة مثل وغزات صارت بگلبي
تجوي ضميتها بحضني قوي وحلفتها ..... ماتتركني بيوم حلفت ماتترك أبد بس إذا خنتها راح تترك أني خنتها مرة وماراح اكررها أبد حلفت ماكررها أخاف
اخسرها كلشي عندي ولا خسارة زينب .... الصبح بدلت وكتلها محتمل أمر بأم سعودي بالمطعم وإذا مالكيتها بالمطعم
راح أمر عليها بالشقة مالتها اطمن عليها
واعرف اخبارها لما تستقر تمامآ
_عادي حبيبي روح الها واطمن عليها
خطية ماعدها احد غيرك
_اي خطية يلا يقلبي ديري بالج على نفسج وعلاوي وامي وفروحة وأبوي هم وفطيمة هم موتنسين عيونج عليها لا تخليها تطلع بره ترى ادريس ساقط
_هههههه
_والله شبيج
_هاهية ماراح اخليها تطلع حلك الباب
_عفيه بالحب تعاي انطيني بوسة
بستها بخدودها وشفتها وراها رحت لعلاوي نايم جان بوسته واخذت الجنطة وطلعت ماودعت أهلي جانوا نايمين
وخطية اكعدهم طلعنا على أربيل
وصلنا اربيل دخلنا مطعم علمود نتغدة .نزلوا الغدة جنه ست نفرات بلشنا نأكل لمحت رهف خطيبتي السابقة كدامي
كاعدة لابسة بنطرون ازرك وقميص هباري
جويتي والشال شامرته شمر فوك راسها مخليه رجل فوك
رجل وتباوعلي شالت كلاص العصر وتشرب
بالكصبة نظراتها أبد مو راحة جانوا
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال6 بسرعة .