بقلم:جنة بغداد
#ما تخفيه الحروب
.
.
.
_بقت بالروح أساميهُم نقش حِنه 🖤
.
.
.
عصرت قبضه ايدي و كعدت على السرير يعني هااا هيه كل شي انتهى و خيزرانتي راحت من ايدي خليت ايدي على راسي ثواني و انتبهت على شي ابعدت ايدي لكيت أسوار محفور بيه كلمه((روح كلبي))استغربت هذا سوار طور شنو يسوي بيدي
باوعت الهم لكيت علامه الصدمه على وجهه اباء و حيره على وجهه اركان
_تعرفون شلون وصل هذا سوار بيدي
_اباء:هذا سوارها شنو يسوي بيدك
_اركان برود:طور جانت يمك قبل لا تروح اكيد هيه
_العضيد:شنو تسوي يمي
_اركان برود:كالت تريد تشوفك قبل لا تروح
_العضيد :اكيد هيه لبستني هذا الاسوار
تلمست كلام منقوش على الاسوار بهدوء
_اركان برود؛انت ليش اصلا مستغرب ترى كله أسوار
_اباء:انت ما تعرف هذا الاسوار شنو يعني الها
_لا ما اعرف
_لك هذا أسوار من اخوها المسافر مره ضاع منها من كنا هناك كلبت الدنيا عليه يومين تبجي عليه حد ما ميان لكته بوقتها شوي و تسوي عرس
_اركان برود:اذا هيج عزيز عليها ليش انطته اله
يحجي وياهم برود بسبب سوه ابو جحيم ويه
محد رد بس العضيد عرف شنو قصدها من سوته هي ما تريده ينساها هذا خلت يمه ذكره كل ما يشوفها يذكرها
مرت الايام و تحسنت صحتي و كدرت ارجع الشغل مره ثانيه بس كل هاي فتره ابد ما راحت طور عن بالي دائما جنت اسمع اركان يحجي ويه ميان و يوصيها عليها من اسأله ما يرد يكول ما بيه شي بس متأكد هو يجذب عليه خلال هاي فتره الوضع كانت اكو هواي مواجهات بينه وبين داعش و ما بقه شي و نحرر الموصل كنا بيوم كاعدين بالكرفان و يمنه حمزه و احمد و صادق بوقتها حمزه جان مطلع اغنيه كاظم(قولي احبك) جنت كاعد اتأمل كلمات الغنيه و اتذكر كل لحظه ويه خيزرانتي من اول مره شفتها بيها حد اخر مره ملامح وجهه هادئة شامات موجوده جوه عيونها ضحكتها طريقه كلامها من مرات تجر الأحرف غضبها و خوفنا و حنانها كل هذا خلصت الاغنيه و هدوء صار بالمكان مده خمس ثواني بس
_صادق:والله هذا بطران
حجه و هز ايده ما عاجبه
_حمزه بستغراب:منو
_صادق: منو يعني كاظم الساهر
_اباء:ليش بطران
_صادق:بشرفك يكول قولي احبك لكِ تزيد وسامتي باله اذا حمزه يحب يكول الها قولي احبك لكِ تزيد و سامتي وداعت صخله شكره تجره بزيج رباعي بخماسي
_انجب لك شبيه اخبل اني
_احمد:ليش انت ما شايف شكلك بالمرايه يكرم طاري الله تلعب نفس مدري شلون احنا مستحملين و ما شاردين منك
_ حمزه:نلصم عار والله غير شمس غيرت لوني سوتي اجلح
_اركان:والله انت جاي تضلم اجلح بهذا وصفك
_حمزه:غير يسكت ملوحي انت شايف شكلك هسه لي يكول فار بايل عليه بزون
_اركان:وانت يكول بزون راكض وره جلب
_صادق:يعني العضيد راكض وره
_العضيد:رجاءً لا تشبهني بيك لان جاي تضلمني
_اركان:استغفرالله اسكتوا اسمعوا شنو يكول بعد سوف اغير التقويم امحي فصول و أضيف فصول ملك انا الغي الشموس ما يدري احنا عدنه حتى التقويم ما يعرفنه شنو و ما عدنه فصول مثل باقي دول لا هنا صيف ربيعخريف(يقصد فصل واحد مو فصلين) و شتاء
_صادق:اي ولله هو حقه ما شايف شمس العراق بالصيف لي يكول داخلين فرن درجه حراره مالته متين لا فوك كل هذا نشرب جاي شنو نحس ما ادري
_احمد:اي والله ما تشوف ابو جحيم مكسب شكد ما خالينه بالفرن
_ العضيد:اي مثل امك مكسب
و شمرت عليه مخده و غمزت اله
جان يدخل علينا اللواء حاتم كلنا كمنا و دكينه تحيه اله
_حاتم:استريحوا شباب اجيت لك بخبر
_احمد:شنو سيدي بس لا اكووو حلاوه جديده
جان يقصد على مواجه جديده بينه و بين داعش
_حاتم:لا ماكو بس خبر احلا نكدر تكول خبرين
_اباء:خير سيد شنو خبرين
تقدم و ربت على كتف اباء و حجه بأبتسامه:اول خبر وصلت ترقيه مالتكم و الخبر ثاني و أهم أصدر قرار نزولكم بيتكم و نقلكم البغداد
_صادق بفرح:صدددك سيدي
_حاتم:اي صدك كدرون هسه تجهزو غراضكم و ترحون
فرحه بهذا الوقت ما ساعتني راح اروح اشوف امي صار لي سنتين ما شايفها بس على الاتصال و كل فتره و فتره اتصل بيه شوي و اسده عكس اباء و بقيه يكدرون ينزلون كم يوم و يرجعون الواجب
خله و طلع واحنا بدينه لم غراضنا خلصنا و طلعنا سويه اني و اركان و إباء صعدنا بالسياره اباء يسوق لان طريق طويل وصلنا نص الطريق
_اباء:ترى تعبت بعد ما اكدر اسوق
_العضيد:محد كال لك طوع و سوق
ما رد عليه و دار على اركان جان نايم و فاتح حلكه ما يدري بالدنيا خله و اخذ بطل مي و فتحه و داره على وجهه بسرعه فز
_اركان بفزع:شنووو صاير بيكم شي لو وصلنا
_اباء:انجب تعال سوق بدل عني
_اركان:لعد الثور كاعد يمك شبيه ما يسوق
_العضيد:هسه شلون بيه راح يخلني صدك اصير ثور و واعوفك هنا و اروح
_اركان:يابه شبيك اشاقه يلا انزل اني اسوق مخلفكم و ناسيكم
بادل اركان و إباء مكان و بدأ اركان يسوق حد الليل وصلنا الناصريه جانت ساعه عشره ونص بالليل
_العضيد:اركان وصلني اني اول واحد
_اركان:فووكها تشرط
_انجب و وصلني
وصلني البيت جان الباب مقفول طلعت المفتاح و فتحت الباب و دخلت بهدوء مشيت بخطوات خفيفه حتى محد يسمع صوتي اريد اصدمهم رحت من الباب الثاني يطلع على مطبخ دخلت البيت هدوء و دافي ابتسمت على هذا شعور جنت محروم منه سنتين دخلت الصاله ضوء خفيف بيها بس غرفه امي بيها ضوه عرفتها كاعده تقرأ قرآن هاي هي عدها عاده بالليل ما تنام اله تقرأ قرآن و تصلي صلاة الليل ياله تنام تقدمت و فتحت الباب لكيتها كاعده على تخته الصلاة تقرأ قرآن مثل ما توقت صوتها هادي و حلوه كعدت على الجربايه و اسمع صوتها جنت مشتاقه اله ما منتهبه لي حد ما خلصت و التفت عليه و حجت بهدوء
_يمه فطم شب...
بس سكتت من شافتني كاعد ابتسم بوجهه بقت مصدومه شوي و استوعبت و صرخت
_يمه العضيد يمه كلبي ابني
ركضت و كعدت جوه رجلها و لزمت ايدها ابوس بيها
_يمه مشتاقه لج بكد حنيتج
_يمه وليدي ما مصدكه انتهة كبالي
لزمت وجهي و رفعته و باستني بكل أنحاء وجهي و دموعها تجري كمت و بست رأسها و مسحت دموعها
_عليش هاي دموع هسه مو اني كبالج
_جا غير مشتاقه لك شلون ما تريد دموعي تنزل انت ضناي وحيدي
_اروح لج فدوه كافي والله اتعذب من اشوفج تبجين
_ها هي بعد ما ابجي بس شعجب اجيت
مسحت دموعها و سألت مستغربه
_العضيد:هاي شنو بس لا ما ترديني
_انجب شنو ما اريدك بس صار لك سنتين ما شايفينك
نبره صوتها بيها زعل واضح ابتسمت الها و بست ايدها
_حقج عليه غاليتي بس وعيونج ما اكدرت اجي شكد حاولت ماكو
_اي ادري كال لي اركان
_العضيد:بعد زهرتي وين
_نايمه بغرفتها هسه اكعدها لك حتى تسوي لك لكمه
_لا ما اريد عوفيها نايمه وهم اكلت بالطريق
_انته و منو اجيت
_العضيد:اركان و إباء وصلوني و راحوا
_حمدالله من ارجعتوا بسلامه
_العضيد:حمدالله يمه تعبان اريد انام بحضنج
_اسم الله عليك من التعب يا بعد حيلي
كامت من مكانها و راحت على جربايه و فتحت اله ايدها راح حضنها و نام شكد ما أكبر اصير كدامها طفل حضنها ينسني كل مشاكلي بس ابد ما كدرت انساها هي مسحت على شعري
_كوكب:شنوالي متعبك
سكتت شوي مدري شنو اكول الها اكيد اذا اكول لها احبيت وحده
غير شمس راح تزعل لان شمس اختها و مهما يصير ما راح تقبل تنجرح او تنكسر
_العضيد بتعب:من الحياة كلها احس كل شي أريده ما يصير
_كوكب بأرتباك:ليش يمه سامع شي انت
_شنوا سامع يمه صاير شي
_كوكب بأرتباك:لا حبيبي ما صاير شي نام هسه انت تعبان
_يمه متاكده
_اي يمه نام
صدك نمت ما حسيت بشي اول مره انام مرتاح من سنتين بدون قلق او صوت رصاص جربتها نومه حد الصبح
صوت طكه جداجه و هي تشغل الطباخ حتى يفور الجاي راحت على ثلاجه و طلعت كيمر و مربه مشمش و كرز و دبس و زيتون و عسل خلتهن كلهن على طاوله و هي تحضر جان تسمع صوته انوثي يحجي وياها برقه
_شنوا هاي كوكب معقوله هاي انتي كاعده من الصبح حتى تسوين لي ريوك
_كوكب:انجبي هذا مو لج و اذا مديتي ايدج اكسرها لج
_زهراء:هاااا شنو يمه بس لا البارحه تزوجتي و احنا ما ندري و اليوم صباحيه عرسج
جان يمها جفجير بدون اي تفكير شالته و شمرته عليه جان يجي بيدها صرخت و لزمت ايدها بألم
_هاااي شبيج يمعوده حرام واحد يشاقه وياج
_الي يسمعج يكول صدك
_يااااا عزااا بعين شمس بس لا صدك
لزمت خاشوكه و حضرت وضع الهجوم خليت ايدي على وجهي و حجيت بخوف
_اسفه والله ما اقصد جنت اشاقه ممنوع واحد يشاقه وياج
_كوكب:لسانج صاير طويل اله اخلي اخوج يكصه لج
_زهراء:اسكتي رحمه الكعبه هو وينه شايفينه صار اله سنتين مختفي حتى نسيت ملامح وجهه شلون صايره
جان سمعت صوت من وراها _لعد هسه اصفني بوجهي شكد ما تردين ما اكول لا
_زهراء:اكولج يمه هو لو اني بيه شي لو اني بيه شي اسمع صوت ابنج يمه بس لا صرت خبله مثل اباء
_العضيد بضحك:اله اكوله عليج انتي تكولين اباء خبل حتى يشلع اذنج
التفت عليه و شافتني بقت صافنه عليه و تحجي ويه امي
_لج يمه لحكيني كمت اشوف شبح ابنج بس لا طكوني بسحر
ضحكت عليها مو صاحيه هاي البنيه امي هم تضحك
_كوكب:لج يمه شبيج صابج العباس غير هذا اخوج كدامج و هذا ريوك اله
التفت عليها بسرعه و صاحت:يمه عليج الله يعني رجع و انتي ما مسويه هذا ريوك زوجج بصباحيه عرسج
هز امي رأسها بحركه معنى لا هي التفت عليه و صاحت بأعلى صوتها
_العضيددددد
و اجت تركض حضنتني رجعت خطوتين اليوره و فريتها و هي تضحك بأعلى صوتها هاي لحظات تسوى عمري كلها ابتعدت عني و هي دموعها بطرف عينها
_مشتاقه لك بكد حبك امي ورحمه ابوي يوميه اصلي بالليل و ادعي لك حتى ترجع بخير حمدالله رجعت
_اروح فدوه لج اني هم مشتاق لج
لزمت ايدها و خليتها دور داير ما داير نفسها
_لج بويه هاي شنوا صاير جبيره و حتى بغداد كبرانه
جان صاحت عليه بخجل_العضيد بطل سوالفك
ضحكت عليها و بستها من راسها و حضنتها زهراء بنتي قبل لا تصير اختي مات ابوي و هي بطن امي جان عمري بوقتها عشر سنوات وعدت نفسي اصير الها اب و حمدالله كبر و صارت عروس
ابتعدت عنها و لزمت ايدها و رحنا كعدنا على الطاوله و بدينه ناكل و امي جيب و تخلي كدامي
_كوكب:اكل يمه اكيد هناك ما تاكل هواي
_والله شعبت كافي
_لا خاطري اكل بس هاي
جان تجيب و تخلي كدامي لفه كيمر و بيها عسل هو أخذها حتى ما يخجلها
_زهراء:العضيد شنو صار هناك ليش طولت هيج
_العضيد:هواااي صار
_زهراء:مثل شنو
_العضيد:اخلص و احجي لكم كل شي
خلصت و رحت غسلت و رجعت المطبخ
_العضيد:اكول يمه
_هااا يا بعد كلبي
_عزمي خالتي و شمس على الغدا خلي يجن اريد اشوفهن
من حجيت هيج انمحت ابتسامه على وجهه امي و وجهه بقه ينطي الوان بلعت ريكها و باوعت على زهراء نفس حالها شكيت صاير شي
_العضيد بشك:خيرج يمه شنو صاير ليش تغيرت ملامح وجهج خالتي و شمس بيهن شي
_كوكب بخوف:لا يمه ما صاير شي شنو يصير بعني
ضميت ايدي صدري و انتجيت على الحايط و اباوع عليها بشك
_متأكده
بلعت ريكها و ما حجت التفت على زهراء
_اي زهرتي شنو صاير بما امي ما تحجي انتي احجي
_زهراء بتردد:هااا ما صاير شي
حجت و هي تفرك بايدها هنا تأكدت صاير شي زهراء أعرفها اكثر من نفسي هاي حركه تسويها من تضم عليه شي
_العضيد بصياح:احجي شنووو صاير بسرعه
غمضت عيونها بخوف و حجت بخوف:شمس تزوجت
كلمه كلمتها ما استوعبتها و بلعت ريكي و طلبت منها ترجع تعيد كلامها مره ثانيه
_شنوو عيدي شمس شبيها
_تزوجت
توسعت عيوني واني اسمع مره ثانيه كلمتها يعني استغلت غيابي و تزوجت
_كوكب بخوف:يمه بس انتظر افهمك شنو صار
_العضيد بعصبيه و صياح:شنوووووو تفهميني هاااا شنووو جاي تكول تزوجت شلون و شوكت
اجت امي حتى تلزمني بس ابتعدت عنها حتى ما اطلع عصبتي بيها
_كوكب بجي:يمه بس اهداء خلي افهمك
_شلووون اهدء هاااا شلون لج يمه عفت قطعه من روحي هنااك و اجيت حتى اوفي بوعدي الها تاليها شنووو الكه كدامي هااا
احجي وياها واني افتر وصلت يم طاوله و دفعت كل شي موجود عليها الطبخ صار عباره عن كزا زامي كامت تصرخ و زهراء تبجي بصمت
_العضيد بعصبيه:منووو تزوجته هاااا و من شوكت
_كوكب بخوف:واحد وياها بالجامعة ما نعرف شي عنه قبل شت أشهر تزوجت
عصرت قبضه ايدي و ضربت الطاوله جانت كلها كزاز انكسرت بين ايدي و ايدي صارت ترجي دم
_كوكب بصريخ:لاااا يمه على بختك لااا تسوي هيج بنفسك خلي تولي
باوعت على امي واني احس شياطين الدنيا تجمعت فوك راسي
ردت اطلع بس ركضت امي و خلت ايدها على الباب و هي تصيح و توسل بيه
_يمه كافي خلي تولي عوفها لا تسوي هيج فدوه اروح لك
_العضيد:يمه وخري من طريقي لا تصير مو زينه وياكم وخرررري
وخرت ايدها من الباب و ردت اطلع جان تلزم ايدي من وره و تبجي
_برحمه ابوك لا تروح ولك ما صدكت تجي و هسه تريد تروح
_من عساني لا اجيت عساني متت هناك و مخلص
_كوكب بجي :اسم الله عليك لا تكول هيج تعال ادخل برحمه ابوك حلفتك لا تردني
لزمت ايدي و دخلني الصاله و صاحت على زهراء
_روحي جيبي مي اخوج بسرعه
ردت تروح زهراء بس صحت عليها بتعب
_العضيد بتعب:تعالي ما اريد شي
عفتهن و كمت جان تحجي امي بخوف
_هااا يمه وين رايح
_العضيد:رايح غرفتي
صعدت الغرفتي واني كل تعب بيه شكد ما اريد اوصف شعوري ما اكدر صعبه من تخلى عن كل شي على مود شخص بس هو يخذلك و يخونك دخلت الغرفه و قفلتها كعدت اكسر كل شي مثل كلبي كعدت بالكاع بعد ما كسرت كل شي طبعا اسمع صوت امي و هي تسكت زهراء لان تدعي على شمس بس مو يمهن ايدي تجري دم و اتنفس بسرعه باوعت بالكاع جان اشوف صوره واكعه من الجنطه مالتي مال الدوام كمت و اخذت الصوره جان اشوف عليها خاطره ((احبك مثل ملامح وجهك وهي تقرأ كتاب جديد بأحدث جديده مشوقه و أبطال ذلت شخصيات جديده و مختلفه عن التي قبلها انا ايضا احبك بكل تلك تفاصيل شخصياتك متعدده التي اراها دائما و حماسك وانتي تحدثين عنهم اتمنى لو كنت احد أبطال تلك روايه التي بين يدك حتى تحبيني أكثر و أكثر من قبل))
لفيت الصوره جان اشوف صورت طور هي تقرأ كتاب و مبتسمه بقيت اباوع على صوره فتره
_العضيد :اني ابو جحيم مو وحده مثل شمس تكسرني ما عاش ولا صار يكس ابو جحيم
ابتسمت ابتسامه كلها شر و رحت ضميت الصوره بالكنتور و اخذت جهازي و اتصلت على شخص
_العضيد:اريد منك خدمه
_شنوو تريد
_العضيد:اريد....
_ساعه ونص كل شي يكون يمك
.
.
_
مرت هاي الايام عليه بصعوبه حيل محد يقبل يحجي وياي ما عده ميار و روز و ميان هنا بس يحجن وياي رجعت الشغل بعد اسبوع طبعة حياتي كانت عباره عن شغل جنت اذب روحي على الشغل حتى ما افكر بشي لان اذا ابقه وحدي افكار تستحل بالي و روحي بس من اشتغل انسى كل شي و من ارجع البيت اشرب حبوب منوم و انام لان ما اكدر انام من دونهم حتى اكلي قليل كلش طبعا حاولت شكد هاي فتره حتى اصالح اهلي ما ينطوني فرصه بس يشوفوني يكومون من المكان هما بيه كان عقابهم قاسي عليه حيل هواي حد اخر شي مليت و كمت ارجع من المستشفى متأخر لو اخذ خفر حتى ما اخليهم يشفوني اليوم ما رجعت من المستشفى بعد دوام خفر و هم الصبح داومت دوام كامل حد ما اجت سبأ بعصبيه و اقتحمت مكتب
_سبأ بعصبيه:ليش بعدج هنا ما ترحين البيت
_طور برود:مااا اروح عندي شغل هواااي
طبعا بعد رجعتي و الصار وياي صرت بارده كلش واحجي ويه كل برود
من سمعت كلامي اجت ضربت على ميز و بعصبيه
_سبأ:ترجعين و غصبا عليج طور لا تخبليني ليش تغيرتي و صرتي هيج هاااا
_سبأ كافي كلام مالي خلك عوفيني
_اذا تردين اعوفج ترجعين البيت
_تمام
سمعت كلامها مو لان عصبيه لا لان اني مالي خلك اسمع سطوانه مالتها خليت و لميت غراضي و رجعت البيت و صلت و دخلت البيت هدوء اليوم كلهم بالغرفهم بس ميان بالصالة كاعده
_ميان:هااا حبيبي رجعتي
_لا بعدني هناك
_ميان:صاير شقاج ماصخ مثل اركان
_تحجين وياه
_اي مرات المهم اصب لج غدا
_لا ما اريد
خليت و صعدت غرفتي اول ما دخلت رحت طلعت ملابس و رحت الحمام اسبح مي بارد شوي و طلعت وكفت كبال المرايه امشط شعري واصل نهايه ظهري خلصت و بقيت صافنه على نفسي و شعري جان لا شعوري اخذت المكص و بديت اكص شعري عشوائي صارت خصل قصيره و خصل طويله ما حسيت اله و ميان فتحت الباب و هي جايبه الاكل من شافتني صاحت
_لااا طور حبابه لااا
خلت الصينيه على ميز و اجت اخذت مقص
_ليش هيج سويتي هااا ليش
_طور برود:اكرهه ميان ما احب شعري كله بسببه
_ميان بجي:ليش هيج تسوين بنفسج ليش صرتي طور ثاني مو نفس اعرفها
ما رديت عليها هي اخذتني من ايدي و كعدتني على جربايه و راحت جابت مشط و بقت مشط شعري و تشهك
_ميان:راح أحول اعدله لج
ما رديت عليه و بدت تكصه و تعدل بيه حد ما صار حد ركبتي
كل هذا واني عبالك بعالم ثاني اكره شعري لان كل ما يطول اني اتحطم الف مره و هاي اكثر من مره مجربه هذا شي اول مره من جنت بروسيا يم مسلم و ثاني مره هسه راحت ميان و كنست الكاع من الشعر و رجعت بيدها صنيه مره ثانيه عيونها حمره
_اكعدي اكلي شوي
_ما اريد اطلعي و سدي الباب
_بس لازم تاكلين ما يصير
_طور برود:مياااان كلتلج ما اريد لا تعاندين
هي هم ما لحت عليه خلت و طلعت و اني اخذت حبوب منوم و نمت كعدت وره فتره واني اسمع صوت يمي فتحت عيوني بصعوبه واني اشوف اهلي كلهم يمي واكفين امي واكفه فوك راسي تبجي و سلام عيونه حمره مدري غضب لو بسبب دموع مسلم و بابا واكفين على صفحه التفت على جهه ثاني جان اشوف اجهزه عرفت نفسي بالمستشفى
_طور بتعب:شنو صاير ليش اني هنا
_مسلم بهدوء:ما صاير شي لا تخافين
_لعد ليش اني هنا
ما ردت عليه بقه ساكت هاي لحظه دخل دكتور و بيده اوراق
_سلام بخوف:هااا دكتور بشر
باوع عليه و بعدين باوع عليهم
_دكتور:والله مدري شنو اكول لك
_اديب بخوف:شكووو دكتور بنتي بيها شي
_دكتور اديب طور صاير عدها........
.
.
.
يتبع
لا تنسون تصويت و تعليق احبكم ♥️🐆
_lns
@janaa20_j