بقلم:جنه بغداد
#ما تخفيه الحروب
.
.
.
_شعور أيهاب من يگول
وراهــا تعيــش لكن گلبك يمــوت
.
.
.
التفت مصدر الصوت جان اشوف سلام لازم ايد مريم
_سلام:اي ما تردين منوا سأل عليها
_ميان بأرتباك:هو شسمه ..
ردت تكمل بس قاطعتها
_طور برود:ابو جحيم شخص نقذته من الموت من جان عند داعش
امي بس سمعت شهكت و ضربت صدرها:لججج طور شنو تحجين
_اديب بغضب:طور شنو تقصدين ااااحجي لا سكتين
كمل كلامه بصياح
بلعت ريكي و باوعت على ميان هم جانت خايفه مثلي ما اعرف شنو اكوله بقيت ساكت رد بدل عني مسلم جان واكف و مجتف ايده يباوع معنى شوفي شنو صار بسبب كذب
_مسلم:طور جانت عند داعش تنقذ اسير جان هناك و بعدين كامت تجيب معلومات عن داعش الجيش العراقي
الصدمه واضحه حتى بابا ما كدر يحجي شي بسرعه راح سلام و لزم مسلم من ياخته و يصيح بوجهه
_انت شلووووون تخليهاااا تروح هااااا شلون محد كبر رأسها غيرك
دفعه عنه و رد عليه بصياح حتى عروك كصته بينت
_ماااا ادري و داعت روز ماااا ادري قبل كم يوم و اول ما دريت بسرعه حجزت و اجيت و ردت اكول لكم بس سكتت لان عرسك ما ردت اخرب فرحتك و كلت بس يخلص العرس و ترجع من الفندق اكول لكم بس نصدمت من شفتها هسه
روز بس سمعت صوتهم ركضت لأمها تحضنها و حجت وياها بخوف طفولي
_مامي بابا و عموو ليش يتشاجرون
_ميار بأرتباك:ماكو شي ماما جاي يحجون
انتبه عليها اديب شلون خايفه وجهه كلامه الهم
_اديب بعصبيه:كاااافي مو حتى البنيه خافت منكم
التفت على روز وحجه وياها بهدوء و حنان
_جدو روزي روحي اصعدي الغرفه لعبي بألعاب بين ما نخلص حجي تمام حتى نروح نشتري حلويات
_روز بفرح:تمام جدو
ركضت صعدت فوك وهو وجهه كلامه طور
_ايي ست طور شنو تفسيرج وانتي كذبين علينا كل هاي مده
بلعت ريكي بخوف و نزلت رأسي بندم
_طور:ادري اني غلطت بس والله كنت مجبوره اروح هنااك ما كدرت أرفض
كمزت من شافته شال مزهريه و شمرها على حايط صارت أجزاء
_اديب بعصبيه:ماااااكووو اي شي يستحق كسرين ثقتي بيج ماااكو كل هاي سنين اكول بنتي عاقله ما تسوي شي من وره ظهري حتى بعد ما كل رفض فكره ترحين اني وافقت و ما خليت هذا شي بخاطرج انتي بشنوووووو جازيتي ثقتي هااا جازيتها بخيانه
تقدمت خطوتين و حجيت بضعف:بابا بس خلي افهمك وآلله ما..
_بس ما اريد اسمع كلام مع الأسف كسرتي كل ثقه السنين بلحظه
دار وجهه وطلع من البيت صح هو ما ضربني بس كلمته ((كسرتي ثقه سنين بلحظه)) جانت هاي عباره عن كتله ألم نضربت بقلبي
سلام و مسلم هم بعد ما حجو وياي بس سلام وجهه كلمته مريم بعصبيه
_باااعي مريم والحق الكعبه اذا شفتج تحجين وياها انتي بنفس دقيقه بيت اهلج مفهوم
مريم انصدمت من كلامه و من قوت الصدمه عليها ما ردت جان تحجي ويه امي بصياح و قهر
_عبير:سلام انت جاي تحجي واعي على نفسك لو لا هي شعليها مشكله بينه و بين طور ميار و مريم مالهن اي دخل
_العندي اني كلتله و هيه بعد بكيفها
خله وراح وصاح الى مريم تروح وره بقينه بس اني و البنات و امي و مسلم
باوعت عليه بكل انكسار اريد اروح احضنه و ابجي لان تعبت كل جاي يلومني و الأمر مو بيدي لان اصلا اني غصبا عليه رحت و رجعت مكسوره
رحت لزمت ايده و حجيت بصوت كله انكسار و ضعف
_مسلم محتاجه احضنك تعبانه
بعد ايده من ايدي و حجه برود
_ مسلم برود:انتي جبتي هذا تعب نفسج تحمليه وحدج
دار وجهه و راح بعد هنا ما كدرت اقاوم اخر أجزاء مقاومه عندي من اشوف ماما تجي و تحضني بس خاب أملي من باوعت الها و هي انطتني نظرات كلها حزن و راحت الغرفتها هنا صدك فقدت اخر نهاريت و كعدت بالكاع منهاره ركضن عليه ميان و ميار
_ميار :طوور انتي بخير
_لا مو بخير
_ميار بحزن:لا تخافين هسه يومين و يرجعون وياج يحجون طبيعي
ما رديت عليها و كمت من الكاع صعدت الغرفتي فتحت الباب جان اشوف روز بنت مسلم كاعده على جربايه مطشره العابها بس شافتني ركضت حضنتني
_عمتووو مشتاقتلج
ابتسمت بتعب و نزلت مستواها و مسحت على راسها
_اني هم مشتاقه لج هواااي
_صدك
_اي والله
_روز بحزن:ليش بابا و عمو صاحو عليج
_لان سويت شي غلط و هما عصبوا
_روز:يعني ما ترجعون مثل قبل
_لا حبيبي نرجع مثل قبل و احسن
جان حضنتني و مسحت على شعري وحجت بعفويه
_اني ما راح اصيح عليج لان غلطتي لان مره ماما كالت كلنا احنا نغلط يعني عادي حتى إذا انتي غلطتي اصلا اني راح ابقه وياج لان احبج
كلمات بسيطه من طفله كانت كافيه تنزل دموعي لان هذا كلام ردت اسمعه منهم مو يدرون وجهم و يرحون
بتعدت عني و من شافت ادموعي مسحتهن بين ايدها صغيره
_روز:كااافي تبجي هسه تصيرين مو حلوه
ابتسمت الها جان سحبت ايدي و خلتني اكوم امشي وراها راحت كعدت على جربايه و فتحت ايدها
_تعالي نامي بحضني خلي العب بشعرج حتى تنامين لان بابا كال اني اشبهج بهاي حركه
ما عرضت و رحت نمت بين ايدها صغيره بكوه طاوق جتفي و بدت تلعب بشعري بسرعه نمت بسبب صار لي يومين ما نايمه و بس ابجي و الخوف
.....
صعدت طور منهاره ردت اصعد بس منعني صوت ميار
_عوفيها وحدها شوي
_ميان:بس ما شفتي حالتها مستحيل اخليها وحدها
_ميار:عوفيها طور تعبانه هسه لا ضغطين عليها وهم هي مو وحدها
_شنو تقصدين
_ميار:روز هناك يمها
_شمدريج:بنتي و اعرفها تحب طور هواي و راح تنام يمها هسه
حركت راسي موافقه و رحت الغرفه عبير دكيت الباب ما ردت دكيته مره ثانيه سمعت صوتها
_مااا اريد اشوف احد اريد ابقه وحدي شوي
فتحت الباب هيه مسحت دموعها بسرعه دخلت بس وجهي وحجيت بهدوء
_حتى اني
_عبير بزعل:اي حتى انتي اريد ابقه وحدي
دخلت و سديت الباب و تقدمت و كعدت يمها هي بسرعه دارت وجهه عني
_ميان بحزن:ادري بيج انتي زعلانه مني و راح تكولين شلون تعرفين طور و كل هذا تعرفين بيها هي عند داعش بس ما كلتي اليه
_عبير برود:اي زعلانه و هواي هم لان اعتبرتج بنتي و ماكو ام تضم على بنتها واني اعتبرتج بنتي بس يمكن انتي ما اعتبرتيني ام لج
كعدت يم رجلها و لزمت ايدها وحجيت و دموع تملي عيني
_ ميان:لا تكولين هيج والله اعتبرج مثل امي بس ما كدرت احجي لان اركان حذرني
_عبير:يعني اركان يدري
هزيت راسي معنى اي هي نزلت دموعها
_ليش ميان ليش هيج تسوين يعني تشوفيني اتعذب و ما تحجين لي شي اخخ شنو اكدر اكولج بعد
_ميان:لان اذا كلتلج راح يصير جان صار بيج شي
_يعني هسه ما صار شي بيه
ما رديت عليه كمت رجعت كعدت على جربايه و حجيت بهدوء واني اذكر هذاك اليوم شفت بيه طور و بديت
_جنت مسجونه بعد ما شفت جميع انواع العذاب ما يخطر على بال احد حد ما انفتح باب السجن و دخلت ملاك الحارس بين الكل تقدمت عليه و سألتني اذا اعرف شي عن الطب لو لا بدايه نكرت بعدين كلتلها اعرف طلبت مساعده رفضت هذا شي بس بعدين وافقت من عرفت هي راح تكدر تسوي شي جنت احلم بيه هواي هو الكه اختي و اطلع من هناك و نعيش حياة جديده بعد عن كل شي صار
سكتت شوي و هيه عدلت كعدتها تسمع كلامي بتركيز
_وافقت هيه بدون اي اعتراض طلعنا من هناك و رحنا صاله عمليات جان اشوف شخص هم جان مسجون و معذبيه هواي درجه رصاصه باقيه بجسمه ايام و طبعا طور هي طلعتها اله هنا كعدنا بيت ابو كتمان صديق ابو جحيم بقينه شهر ونص كاعدين و ابو جحيم ما كعد من الغيبوبه و طور كانت يوميه تروح المستشفى تكعد يمه و تعتني بيه حد ما يوم من الايام سمعهم واحد من داعش يحجون و هناك ابو كتمان تعارك ويه و قيده طلب من طور تقتله اخاف يفضح السر و هيه سوت هذا شي
من سمعت هذا شي شهكت بقوه بس ما نطقت كلمه
_ميان:هذاك اليوم نهارت حيل حتى و هيه نايمه تفز و بعد ما تنام حد كعد ابو جحيم هنا شوي طور تحسنت حالتها بس رغم هذا كان نومها قليل و أكلها قليل بقت تروح المقر داعش ويه واحد من القاده اسمه ابو ميثاق اكثر شخص حقير شكد ما احجي على حقارته ما تعادل واحد بالميه جانت ابد ما طايقته بس غصبا عليها حد ما يوم من الايام اجت و كالت اليوم قتلوا وحده كدامها
بلعت ريكي وأخذت نفس حاولت ما تنزل دموعي بس غصبا عليه نزلت
_عبير:منوو هاي قتلوها
_اختي اي لا ستغربين قتلوها بكل دم بارد هنا اني نهاريت حد الليل قرارت اخلص على حياتي و حاولت انتحر بس هيه نقذتني و بعدها اجيت حد هنا
بقت ساكته ما ردت عليه بس اسمع صوت شهكاتها
_ميان:طول الفتره عرفتها بيها ابد ما بطلت تحجي عنكم دائما تذكركم و شلون راح تكول لكم لان اصلا هيه جانت مغصوبه تجي هذا لا تلوموها على شي مو بيدها طور هسه مكسوره كسره جبيره عافت قطعه من قلبها هناك واجت اعتقد فهمتي قصدي
كل هذا كلامي ما علقت عليه اني هم ما لحيت عليها خليت و طلعت و هيج مرات الايام طور كل يوميه تحاول تصالح اهلها بس هما ما يقبلون يحجون وياها محد يحجي وياها بالبيت بس اني و ميار و روز طبعا كل عرف بهذا شي و هم سلام راح تعارك ويه سبأ لان عرف هيه تدري و ترسل رسال لهم بس بعدين اعتذر منها غصبا عليه لان كان هذا طلب دكتور اديب و طور رجعت شغلها و هلكت نفسها بيه صارت حياتها عباره عن شغل و نوم نست شي اسمه اكل بقينه اني و ميار نغصبها على اكل طبعا مسلم سأل ميار اذا طور اكلت لو لا
واذا كالت لا هو يسوي اكل و يدزه بيدها حد هذاك اليوم جانت ميار عند اهلها هو دخل المطبخ
_مسلم:ميان طور رجعت من شغلها
_اي من زمان ليش
_هيج اسأل اكلت لو لا
_ميان:مثل العاده ما تقبل تاكل كالت راح انام
_مسلم:استغفرالله راح تخبلني
خله وراح طلع معكرونة لان اكثر اكله هيه تحبها و سواها الها و خلاها بصحن و بعدها طلع لبن من ثلاجه خلاه بكلاس و فوكه شيف ليمون و نعناع خلهم بالصينية و قدمهن لي
_بلا زحمه عليج اخذي الها اكل اكيد هسه هيه كاعده و جوعانه بس تعاند تاكل و تدرين اني ما اكدر اصعد الها
فهمت قصده اخذت صنينه منه بابتسامة
_لا ماكو اي زحمه انت اخوي ترى و هيه اختي و ما احب اشوفكم هيج ترى طور تحتاج لكم لا تخلوها وحدها
_الله كريم
ما رديت عليه و صعدت الغرفتها فتحت الباب وحجيت وياها بضحك
_اي عيني سمو الاميره طور جبت لج اكل
بس غابت ابتسامتي من شفتها واكفه كبال المرايه و بيدها ...
هنا ما تحملت و صرخت
_لااااا طور حبابه لاااا
____
من وصلنا كعدتها ما كعدت عرفت اغمى عليها شلتها و اخذتها المستشفى اجه شخص ويه سبأ يركضون من شافتها سبأ بقت جامده عبالها طور ميته بس هذا الشخص كال الها ما بيها شي بس مغمى عليها بسبب سوء تغذيه انتظرتها تكعد ماكو واني صار عندي شغل الليل ياله كدرت اخلصه ورجعت المستشفى على مود اشوفها مره ثانيه بس لاحظت شخص واكف قريب على باب المستشفى هو من شافني در وجهه عني عرفت هذا شخص مو امان وصلنا الباب الغرفه لي هيه بيها جان نسمع سبأ تكول اسم ضياء طبعا اباء تعصب من سألها و ما ردت بس كانت صدمه من هيه ردت عليه و كالت هذا حبيبها هنا ردت اكوم اطيح حظها بس بالكوه لزمت اعصابي لا فوك كل هذا تفتخر حبيبي السابق حجيت وياها برود اريد انرفزها بس شكلها عرفت قصدي و بقت ساكته ردت عليه سبأ بقينه شوي و اجه دكتور اسمه عصام شوي وياكلها بعيونه ردت اكوم افكس عيونه طبعا اركان عرف تفكيري و غير الموضوع و من سبأ رادت تشيل كانونه الها خافت و جهه صار اصفر ضحكت عليها بداخلي شلون تخاف من كانونه وهيه دخلت بنص النار طلبت من سبأ اني اشيل الكانونه الها هيه ما عارضت رحت و لزمت ايدها شكد ناعمه عكس أيامنا عشناها طلبت منها تغمض عيونها و تفكر بشي تحبه حد ما اشيلها و هيه مثل الطفله نفذت بدون ما تعارض شلت الكانون على كيف و بسرعه بنفس الوقت بقيت ضاغط على المكان و عيوني تأمل تفاصيل وجهه سرحت بتفاصيل وجهه حد ما قاطعنا اركان ردت اكوم اقطع راسه و اخلص منه طلعنا من المكان وصلنا الباب المستشفى طلبت من اباء يجب السياره جان المح نفس الشخص جاي يركض بإتجاه طور و بيده سجين بسرعه حضنتها خوف مالي كلبي و نطعت اني ما حسيت على نفسي اله واني افتح عيوني جان اشوف سكف و صوت اجهزه عرفت نفسي اني بغرفه من غرف المستشفى بقيت كاعد اتألم حد ما انفتح الباب و دخل إباء
اجه ركض عليه
_العضيد تسمعني هااا
_العضيد بتعب:ترى اسمعك مو اطرش
_انجب انت شنو قصتك يوميه موكع كلوبنه ترى ما يصير هيج
_اذا وكع شيله
_اباء:اشيلك انته يا بعد كلبي
_انجب وتعال عدل كعدتي
اجه عدل كعدتي جان يدخل أركان
_ اركان:صخااام بوجهك اباء جاي تخوني ويه العضيد
_اباء:يييي لان مليت منك اوووع روح منا ياله انت طالك
_اركان:لاااااا ماااا يصير تطلكني نسيت عصمه بيدي
_اباء:اصلا راح اخلعك
_يخلعون راسك من جسمك كول ان شاءلله
_العضيد:ان شاءلله اثنينكم امشوا يلا منا
_اركان:اذا نولي من هنا تبقى مثل الجلب وحدك حتى
جان اكو يمي علبه اخذتها و شمرتها عليه بس ما ضربته لان ابتعد بسرعه
_العضيد :امشوا اطلعوا بره ما اريد احد منكم صيحوا خيزرانه
هما بقوا واكفين واحد يباوع على ثاني شكيت بالموضوع خفت اذا صاير بيها شي
_العضيد بجديه:شنووو صاير احجووو
_اركان:ماا صاير شي لا تهتم
_العضيد:اباء احجي شنوا صاير
باوع على اركان و أشر له براسه معنى لا هنا تأكدت صاير شي
_العضيد بصياح:احجوووو شنو صاير ويه خيزرانه
لزمت مكان الجرح بألم بس ما اهتميت لان كلبي صار مثل النار عليها
_اركان:طور رجعت البغداد
_العضيد بصدمه:انت شنووو تحجي شلون راحت
_اباء:صادق أخذها هيه و سبأ
_لااا مستحيل اعرفها هيه مستحيل تخليني وحدي هنااا واني مريض انتم خليتوها غصبا عنهااا مووو
كملت كلامي واني كمت بصعوبه من السرير بسرعه اجه اركان يحاول يخليني ارجع مكاني بعدت ايدي وحجيت بغضب
_احجي انتم خليتوها ترجع غصبا عليها مووو
جان ينفجر اركان بوجهي و يصيح:اييي احنا خلينها ترجع غصبا عليها لان اذا بقت هنا ما راح تموت بسبب ابو ميثاق ولا من جماعته لا راح تمووت بسبب حبها لك و قهرها انت ما اتحبها تحب غيرها هذا أفضل تبتعد عنك بما انت ما تريدها
من كميه العصبيه و كلامه نرفزني ضربته بوكس رجع خطوات وره مسح طرف شفته نشكت بكف ايده باوع عليه بعيون تجدح نار بس ما رد عليه
_إلعضيد بصياح:انتم بصفتكم منووو حتى تاخذون هذا القرار بدل عني هاااا احجووو
اجه إباء و صار حاجز بيني و بين اركان كل هذا و احس الألم جاي يأكل بيه بس الألم كلبي اكبررر
_ اباء:بصفتنه أشخاص يخافون على مشاعر وحده اعتبروها اختهم و يخافون عليها من جحيمك اني وياك و الكل يعرف حتى لو حبيتها ما تكدر تزوجها وهذا كله بسبب حبك الشمس
_ياااااا نعااال هاااااا ترى كله من وره هذاك الوعد اني باقي وياها وانت اكثر شخص تعرف هذا شي
_وبسبب هذا وعدك انت دخلت جحيمك و طور ما تحمل هذا الجحيم
عصرت قبضه ايدي و كعدت على السرير يعني هااا هي كل شي انتهه و خيزرانتي راحت من ايدي خليت ايدي على راسي ثواني و انتبهت على شي ابعدت ايدي و لمست هذا شي جان يطلع ....
باوعت الهم لكيت علامه الصدمه على وجهه اباء و حيره على وجهه اركان
_تعرفون ....
.
.
.
يتبع
لا تنسون تصويت و تعليق احبكم ♥️🐆
_lns
@janaa20_j