مجتبى: هاي شنو مراقب اخوي؟
مرتضى: لا بس شفته ينتظر البنات ويسولف وياهن والله يعلم شنو من فضايح عنده؟؟
مجتبى(وهوه مغثوث): لا تحجي عن اخوي هيج اني لازم ارجع لبيت ابوي لان توقعت عندك موضوع مهم تسولف بي !!
مرتضى: الي عليه واريتك وبعد بكيفك!!
بعد مارجع مجتبى وهوه مقهور من الي شافه وبده يشك بتصرفات اخو الي اعترفله بحبه لدلال والافكار السوداويه بدت تحتل عقل مجتبى!! وهوه متوجه لغرفة اسر....
(بيت هيفاء)
مريم: اكلج خابري على اسر احجي ويا شوي كسرو الحاجز الي بينكم!!
دلال: ماعندي رقمه!!
مريم: هههه انطيني موبايلج! وبدت تتصل!
دلال: هاي منين جبتي رقمه؟
مريم: نسيتي ذاك اليوم شسويت اني لا تصيرين غبيه!!
دلال: يا شيطانه بليس مايلحكج ههههه، احم احم جاوب جاوب
دلال: هلاو، اسر مو؟
اسر: اي عيني تفضلو منو؟؟
دلال: اني دلال شلونك !
اسر: هلا دلول منين جبتي رقمي؟
دلال: مو مهم منين جبت رقمك المهم مشتاقتلك!
اسر: اني الاشوق، اكول دلال؟
دلال: كول ياعيون دلال؟
اسر: احنه لازم نتزوج لان ماريد نطول اكثر من هيج وتعرفيني اني ماحب سوالف الحب وماعرف شنو!!
دلال: لا بعد وكت تعرف اني بعدني ادرس ماريد استعجل!!
اسر: دلال بس لشوكت نبقه نتشاوف بالسر ونحجي بالسر !!
دلال: اسر يعني اذا تزوجنه راح التهي عن دراستي واترك كلشي
اسر: خلاص على راحتج انسي الموضوع، اني اترخص اروح ارتاح!
دلال: شبيك زعلت؟
اسر: كتلج اروح انام تعبان!! وسد الاتصال! والباب تنفتح!
اسر: ها حبيبي شباوي تعال اكعد!
مجتبى(وهوه مقهور): انت ماتستحي؟
اسر: شنو شبيك؟
مجتبى(وهوه يصيح): من اجيت وكتلك ماعندي احد اثق بي وكتلك اني احب دلال اذا جنت تحبها ليش ماحجيت واذا حبيتها وره ماعترفتلك يعني انته خاين ومو كفو اصيحلك خويه !!
واسر يلتزم الصمت لثواني!!
مجتبى(يلزمه من جتافاته): احجي ليش ساكت اذا جنت تحبها ليش ماحجيت، مو صوجك صوجي اني الي ثقيت بيك لو كايلي جان ماكسرت كلبك مثل ماكسرت كلبي!!(وطلع وهوه مقهور)
وموبايل اسر يرن'
اسر: الو منو!
دلال: شنو منو اني دلال شبيك ستوني جنت احجي وياك!!
اسر: ها دلال كولي؟
دلال: اريد اسولف وياك بموضوع نسيت اكلك بي!
اسر: اوك نحجي بعدين!!
دلال: لو اعرف شبيك ؟
اسر: خلاص بعدين نسولف مع سلامه!!
(بيت لمياء)
لمياء بعد ماشافت مجتبى هوه يدخل من الباب وشايل هموم الدنيا كلها فوك راسه وفكره تجيبه وفكره تودي وخايفه عليه متورط بشي او خاله سالم اله دخل بالموضوع!
لمياء: يمه مجتبى شبيك خو ماكو شي مو عوايدك تدخل حته ماتسلم عليه شصاير؟
مجتبى: لا ماكو شي بس شوي تعبان!
لمياء: يمه اني مو صديقك لو الجوارين وتمشي عليه هذا الكلام اني امك واعرفك من تضوج ومن تفرح ومن تحزن ومن انته سعيد سولفلي ؟
مجتبى: هيج تلاغينه اني ومرتضى لا تفكرين!
لمياء: اذا على هاي يمه محلوله لا تفكر يابعد عيون وروح لمياء
مجتبى: فدوه اروحلج يالغاليه
(بيت ساجد)
غرفة سبيل'
ساجد: سبيل بابه كومي حبيبتي شو صاير نومج ثكيل؟
سبيل: احس نفسي تلعب والم قوي بجسمي وصداع
ساجد: ليش حبيبتي شبيج ماخذه برد؟
سبيل: لا يابه هيه البصره هم واحس يحس بالبرد اله اذا نشغل سبالت
ساجد: كومي اخذج للمستشفى
سبيل: لا يابه مايحتاج شويه واصير زينه
ساجد: واسر شو ماكو ماطلع من غرفته؟
سبيل: شدراني بي يمكن بالشغل لو نايم!
ساجد: كومي خلي نسوي ريوك ونكعده!
(اثناء ساجد ماطلع باب الغرفه دار وجهه سبيل واكعه على الكاع مغمي عليها وشالها يوديها للمستشفى)
اسر(يتصل): الو يابه وينك وسبيل وين؟
ساجد: تعال احنه بالمستشفى اسر ماعرف شبيها !
اسر: يالله جايك!
(بالمستشفى)
اسر: ها يابه شنو شكلك الدكتور؟
ساجد: ماعرف دخلوها يسوولها فحوصات ومنتظر صارلي مده ومحد طلع طمني ولا عرفت شبيها
اسر: اصبر يابه هسه يطلع دكتور ونعرف شبيها
موبايل ساجد يرن!!
ساجد(يجاوب): الو ها وليدي مجتبى!
مجتبى: ها يابه شلونك صحتك شلونها؟
ساجد: شوي تعبان لا يضل بالك!
مجتبى: ليش خيرك يابه شصاير؟
ساجد: سبيل تخربطت وجبناها للمستشفى!
مجتبى: بيا مستشفى جايكم دزلي العنوان برساله!
ساجد: ان شاءلله
بعد ماوصل مجتبى للمستشفى!
مجتبى: ليش يابه محد خابرني وبلغني لهل درجه معتبريني لا شيء بحياتكم ليش هيه مو اختي؟ يعني لو ما متصل عليك مادري بشي اني
ساجد: والله يا وليدي حته اسر ماكعدته اجيت وحدي اني وياها من خابرني اله عرف ماعرفت شاسوي كبل جبتها للمستشفى
(اثناء مايسولفون طلع الدكتور)
اسر: ها دكتور بشر ؟
الدكتور: انتم عائلة سبيل؟
ساجد: اي احنه عائلة سبيل شبيها دكتور ؟
الدكتور: حالياً المريضه صحت من النوم تكدرون تشوفوها بس قبل مادخلون شوفوها لازم تعرفون شنو بيها؟
مجتبى: دكتور احجي مو كطعت كلوبنه!
الدكتور: سبيل بيها مرض سرطان بالبنكرياس؟
اسر: كول غيرها دكتور؟
مجتبى: دكتور يعني شنو ماجاي استوعب؟
الدكتور: سرطان البنكرياس واحد من اخطر الامراض السرطان ومايبين بالمريض لا بعد مده من اصابة بالمرض وضروري تهدئونها حته ننطيها جرعه كيمياوي، واسباب المرض اما وراثه او التهاب البنكرياس الحاد وطور عدها الى سرطان!
ساجد: ماعرف اذا عدنه احد صار بي هذا المرض،
ساجد(يجلس على الكرسي من الصدمه): الله يلطف بحالها!!
مجتبى(يباوع الاسر): كله بسبب انانيتك وحقدك وتعاملك وياها وصلها لهذا الحال!!
اسر: وليش تذب الوم عليه
ساجد: احنه بيا حال وانتم تتعاركون؟ امشو ندخل نشوفها لا نخليها وحدها!
(يدخل ساجد واسر ويرن موبايل مجتبى يبق بره حته يجاوب)
مجتبى: الو ها مرتضى!
مرتضى: وين انته؟
مجتبى: بالمستشفى!
مرتضى: ليش شصاير؟
مجتبى: سبيل تخربطت وجبناها للمستشفى وطلع بيها سرطان بالبنكرياس
مرتضى(بقلق): تحجي صدك؟
مجتبى: عاد هسه ماعندك عذر تعوف سبيل لان تمرضت!
مرتضى: اني قريب على المستشفى جايلكم!
بعد ماوصل مرتضى حته يتاكد من الخبر!
مجتبى: مالها داعي جيتك'
مرتضى: شنو الموضوع مجتبى شبيك شاد وياي هاي بدل السلام؟
مجتبى: المهم شجابك
مرتضى: اني احب سبيل والي يأذيها يأذيني!!
ساجد: ها مجتبى ليش مادخلت شفت اختك؟ وهذا مرتضى شيسوي هنا؟
مجتبى: هسه راح ادخل ومرتضى اجه يطمئن عباله صاير بيه شي وراح يروح!!
ساجد: راح ادخل وتعال وراي!
مجتبى: تمام، سمعت الحجي روح وعود نبقه على تواصل
بعد ماراح مرتضى دخل مجتبى حته يشوف سبيل!
مجتبى: ها يروحي انتي ماتشوفين شر يالغاليه
سبيل(وهيه ماتعرف شنو الي بيها): ليش اسر وابوي وانته اول مادخلتو حجيتو وياي هيج اني شنو الي بيه ؟؟
ساجد: سمعي بنيتي كلشي يصير ويانه هوه مقدر ومكتوب والف الحمدالله على كلشي !
سبيل: بابه جاي تخوفني اكثر من مااني خايفه !!
مجتبى: شوفي مهما كان مرضج انتي اقوه من عنده!
سبيل وهيه تراقبهم بصمت والخوف يتغلبها
ساجد: بنيتي انتي مريضه بالسرطان
سبيل(تنصدم): شجاي تكول؟
اسر: اي حبيبتي هذا الي كاتبه رب العالمين وتتعالجين وترجعين احسن من قبل!
سبيل(تنهار بالبكاء): ليش هيج جاي يصير وياي !!
دخلت الممرضه حته تنطيها ابرة مهدئه !
الممرضه: عيني لازم طلعون بره حته انطيها ابره مهدئه وتجيبلوها اكل وعصير لان باقيه على المغذي!
ساجد: يالله ولدي اسر مجتبى نطلع بره!
مجتبى: يابه امشي نروح نجيبلها اكل وعصير مثل ماكالت الممرضه
اسر: اي صح يابه امشي نروح سوه!
اثناء ماراحو وطلعت الممرضه من الغرفه ! ودخل احد للغرفه!
سبيل: هذا انته شجابك؟
؟؟: اي اني اجيت اشوفج!
سبيل: وشلون دخلت ؟
؟؟: اتفقت ويا الممرضه طلعهم من الغرفه حته ادخلج واسولف وياج
سبيل: مرتضى اطلع منا لا يجي احد من خواني لو ابوي ويشوفك
مرتضى: اطمئني الممرضه كلتلهم يطلعون بره يجيبون اكل الج وراح يتاخرون شويه وبالاضافه كلتلهم راح تنطيج مهدء بس مانطتج لان اني اتفقت وياها وانطيتها فلوس ونفذت كل الي كلته الها بس وعدتها ماراح اذيج ولا افكر أذيج لان انتي كل عمري وروحي
سبيل: شنو الي تريده مني خلاص سرطان وصار بيه بعد شنو يعجبك بيه ؟
مرتضى: والله ماراح اتخله عنج وراح تتشافين وترجعين احسن من قبل!
سبيل: مرتضى ماتوقعت راح تكون متمسك بيه لهل درجه!
مرتضى: بعدج ماشايفه شي وبعدني احبج ومستحيل اتخله عنج!
سبيل: مرتضى اني اكابر واحبك بس ماحبيت ابين هذا الشي بس من شفتك متمسك وتحبني تغيرت نظرتي تجاهك بس اني حالياً بتفرت مرض ماريد اخليك تتعلق بيه اكثر وبأي لحظه يمكن اموت!!
مرتضى(وهوه فرحان): يعني تحبيني يعني عندج مشاعر تجاهي؟؟ لا تكولين هيج راح تتعالجين وانتي قويه لا تستسلمين!
سبيل: اي احبك ومن زمان بس ماكدرت ابين مشاعري لان ماعندي ثقه بيك !
اثناء مايسولفون اجه اتصال لمرتضى!
مرتضى: الو بشر؟؟
المتصل: عرفنه منو صاحب العلبه من خلال كامرات المنطقه!
مرتضى: اني جايكم واريد كلشي واضح !!
سبيل: خو ماكو شي؟
مرتضى: لا بس اتصال على الشغل اني اروح ديري بالج على نفسج !!
بعد ماطلع واتجه حته يعرف منو صاحب العلبه والي أذه سبيل!!
مرتضى: الله يساعدكم؟ وين تسجيل الكامرات؟
بعد مافتح التسجيل حته يشوف منو صاحب الكامرات!!
مرتضى(هوه يراقب ولحظة صدمة): هذا انته !!!!! .............
انتهى البارت واتمنى عجبكم ومنو تتوقعون صاحب العلبه؟؟ شخصية جديده او احد الشخصيات الموجوده؟؟