.
.
.
رائد/
ادورين شي مظيعه شي.
هبه/
بصراحه ظليت صافنه بوجه.
رائد/
هايولي خاف جابولج هديه وضاعت.
هبه/
ها لا لا
لتهتم ماكو شي.
اكول منو بره راحوا كلهم.
يحجي وهو يتوجه للميز تواليت ينزع ساعته.
رائد /
اي مبقه احد غريب كلهم كرابتنه.
شكد جلبت بابو محمد مقبل يضل يكول تعبوا الجهال والمره.
هبه/
اي خطيه حامل شفتها وروحه بخشمها.
رائد /
يوم الالج قابل بيج روحج بخشمك بعينج بس كون اشوف خلفتي منج.
هبه/
الي يشوفك متلهف على الجاهل ميكول ذاك ابنك عمره اسبوع.
رائد /
هبه صح ابني وقطعه مني هم
بس انتي غير هبه لتقارنين اني امام الله ان شاء الله اعدل بينكم بس قلبي مالي حكم عليه.
هبه/
سكتت مجاوبته اكتفيت طلعتلي ملابس حتى اسبح.
شكله بله اريد اهج منك وماريد خلفه يمكن يعلكني بالبنكه وهو عاد استاد بيها.
_ بعد ماغسلت وطلعت للغرفه واكفه امشط شعري وهو لازم تلفونه يلعب بي.
من شافني حچى..
رائد/
اي هباوي شكالت مكالت امج شسألتج شسولفتوا.
هبه/
ها مكالت شي سوالف عاديه.
_ هبوش قلبي كلت اذكرج اني اذا كعد كبالي واحد قبل ميحجي اعرفه صادق لو ديكذب تمام كلت خاف ناسيه بما أنه شغلي هذا.
هبه/
بلعت ريكي ونجر بوشي
والزاد الطين بلة.
_ تعالي هين شنو لزكتي اليوم اشتاقيتلج تعالي.
هبه/
ها لالا
يكلون موزين العروسه.........
رائد /
بعكدة حاجب
ميلج هل كلام وشنو تمنعيني يعني.
هبه/ ...........
_ مو احاجيج ميلج هل كلام والمن حاجيه بعلاقة فراشنه واسرارنه احجي.
هبه/
كمت ارجف بصراحه
على غفله نقلب وتحول وعيونه تخزر اني ويني وين هل سوالف هسه ماعرف أجاوب اسكت ليش اخربط بالحجي.
كتله.
موحاجيت امي....
رائد /
بعياط وعصبيه
امج امج
اطلعيه من حياتنه ترى تشوفين شي ميعجبج وشكلتلج ها شكالت
كلتلج لتخلي يوصلج لتجين بفراشه
لاحبيبتي لا هذا ميمشي الكلام عندي ولا اصرفه
شوتعالي.
هبه/ جرني للفراش الي موجود بعده بالكاع تقربلي بطريقه خلاني اتوب بعد احجي تأذيت كلش هوايه.
والمشكله اكثر من مره اخر شي كال.
رائد /
كتلج اتمنى الخلفه منج ديري بالج تخلين اي احد يخلي مده لزواجنه سمعتي
هبه سمعتيني ادمركم والله كعدي يمي وسكتي.
هبه/
مفهمت يامده شنو زواج ومده معرفت وخفت أسأل رائد الي شفته يحبني ماعرف الظاهر الي هيجي بس يعاقب بشده كلش.
الباقي مرت أيام عاديه هو شغل بيت احيانا يطلع بالمنطقه.
اني بيت وشغل وأكيد منخلو من فرح وعمتي الاكثر الايام يمنه.
بس أمشي شسوي.
_________________
مرت الايام وحاليا مزوجه الي عشرين يوم.
هبه/
كاعدين بالهول الحجيه وفرح واني والولد ورائد والكل يعني.
الحجيه/
رائد عود رايدتك بكلمتين تالي الكعده.
_ صار ادللي حجيه.
هبه/
تعشينه وسوالف وفاكهه وكرزات ورائد مبقه صينيه الحلو ما شاء الله كلها طيرها.
والولد ينقشوله ويبسمروا وهو يكللهم.
رائد /
عريس يابه عريس ورايدلي طاقه ماكل من جيسكم والضحك بصراحه لمتهم حلوه.
وبحياتي مشايفه جمعات الاهل.
_ اباوع فرح كامت ادخن وتاشر للحجيه بحاجبه شكو ماعرف.
خلصنه التعلوله وكلمن توجه لغرفته.
الحجيه/
رائد ظل
وانتن يمه كل وحده لغرفتها.
هبه/
فرح اخذت ابنها وراحت
واني هستوني داكوم صاح.
رائد/
اكعدي هبه.
رحمه الاهلج حجيه عوفيه اذا تروح تنام بعد شيصحيه.
الحجيه/
هههههههه
ولك انت عليمن طالع ابوك جان يحترم ويخجل.
رائد/
حجيه نسيتي وين ربيت
عجب مكعدتني هين ومأخرتني عن مهامي وواجباتي واني ملتزم تعرفين بيه بخدمة الوطن.
الحجيه/
رائد وليدي
انت چبير وراكز من اخذت هبه اني اول وحده وافقتك لان اعرفك رو.......
_ قاطعه رائد
كملي حجيه المفيد.
ابني عندك مره ثانيه بنت عمك هم اله حق عليك اعرف حتكلي نفسه وماعرف شنو بس العدل حلو.
ابني اني جدتك واكبر منك وافهم.
هبه/
اشوف رائد وجهه انقلب وانطعن وكلله.
رائد/
حجيه منو شكاني يمج حتى اعرف شلون اردو .
_ يمه محد حجه بس اني كاعده واشوف.
رائد /
عجل حجيه مدامج كاعده وشايفه مدشوفين مره نفسه وابن نفاس اروح شسوي يمهم ارظعوا
مره ماكدر اوصلها وطفل يلكع الليل كلوا شسوي فهميني وانه معرس بالجديد.
تجين تحاجين العاكل يصفن والمجنون يضحك بكلامج حجيه.
الحجيه/
الله يسامحك صار كلامي يضحك اني يرويد.
- لا حجيتي كلامج ذهب ودرر
بس لأن عرفت هذا مو كولج كلت اسولف هيج علام يوصللهم كلامي.
الحجيه/
وهيه اطبطب على اجتافه
وليدي اكسر واجبر
جبر الخواطر اله مقام عند ربك.
_ تمام ميكون خاطرج اله طيب
هبه/
نظرلي يله كومي
دخلنه للغرفه واني توجهت للحمام بره غسلت واجيت لكيته يدخن.
رائد/
تاخرتي
هبه/
سبحت وجيتك.
_ عاد فرحتي تخلصين مني اعرفج لا اخ ولا اوي هاي الاوي شعلت صفحه اهلي.
هبه/
هههههه
لاشعليه اني.
رائد /
حظري روحج باجر طالعين للشمال تقريبا على الظهر نتوكل ان شاء الله.
هبه /
فرحت كلش لان ممسافره قبل
كتله
صدك لعد خلي انام من وكت .
رائد /
دتعالي تريد تنام عندي سالفه وياج.
هبه/
وبدت سهرتنه لتلاثه الفجر يله عتقني نمت ماعرف بالدنيا طشت لو رشت.
______________________
صباحا///
ام فراس/
حجيه مو وضع هذا الاخ نايم بالعسل وعايف المكروده حايره بالوليد
موجابتله الولد شيريد بعد.
الحجيه/
بليه حجي فارغ جابتله الوليد على اساس محروم الخلفه صارله عشر سنين.
لتخليني احجي مو هيه بنت ابني لطشتوها لطش بي والولد بلعه وسكت كال عيبه بحقي وبحق عمي ارفض بنته.
_________________
هبه/
بعد ماكعدنه لكينه الساعه فوك الدعش الظهر فزيت كتله.
اكعد رائد اكعد اكعد
هو الظاهر فز وكمز
رائد /
هاها مداهمه حاصرونه .
هبه/
منظره يموت ضحك فطست وكعت على الجربايه
كتله عيني موتاخرنه.
رائد /
بربج شليتيني هيجي الواحد يكعد الله مسلطج عليه حتى البزر نكطع عندي.
هبه/
دكوم كوم
خلي نتريك ونبدل ونطلع.
رائد /
لا عيوني بدلي وخلي نطلع واحلى ونسه اليوم امشي نتريك ونتغدى ونتعشى بالطريق شعدنه.
هبه/
تمام.
- كام وهو يدردم ويحجي
- يردون يجرون العسل من حلكي وانه ماصدكت ظكتوا والله يا الله خلي تفيدهم مؤامراتهم.
هبه/
ولحد موصل للحمام هو يدردم.
______________
بعد مده نزلنا من فوك الكشخه فول والجنطه شايله رائد علامات التعجب تقره الف بوجوهم.
الحجيه/
وين العزم وليدي.
رائد /
للشمال حجيه فد اسبوع عشر ايام ونرجع.
_ هنا عمتي وفرح نجنوا على الاخر.
ام فراس/
بعيطه
لا لهنا وبس شنو ماعندك بس هل مدلله بنتي مو محسوبه عليك ها ليش هل تفرقه شو ماخذته سفره بزواجه.
رائد/
ام فراس حدج لهنا وبس بيني وبين نسواني لتدخلين حتى وان جانت بنتج.
تمام بنتج نفسه خلي تصير زينه واخذه الله كربم.
يله هبه كدامي.
هبه/
طلعنه واسمع عمتي تدعي وترجع ليوره مبقت ومخلت.
_____________
بالطريق قريت لافتات بغداد انداريت عليه اكلك وين حنروح.
رائد /
حاخذج نبات ليله بمزرعة ابو محمد وباجر أحجز الطياره للشمال.
هبه/
بفرح حروح بالطياره.
رائد/
طبعا ماتعبج عيوني.
سكت مده.
تدرين هبه اذا اجيتي على مرامي ومشيتي على الشي الاريده.
صدكي اعيشج ملكه الكل تحسدج.
بس بس اذا عكستي وياي ادمرج ادمرج هبه بكد حبي الج .
هبه/
اريد أ.......
_ خليني اكمل خليني.
هباوي خلي اذنج يمي وبس لسمعين لاحد.
اريد جاهل منج اني كلش احب البزر .
هبه/
ظليت ابلع بريكي شسوي وشكول والرجال باني احلام مستقبليه.
قضينه ليليه بالمزرعه بعد مفرني وغداني وعشاني بافخم مطاعم بغداد.
ثاني يوم طلعنه لمطار بغداد توجهنه لاربيل ومناكه فرني المحافظات الشماليه.
اجمل ايام عشتها بسفرنه اجمل لحظات حسيته ويا فعلا شعرت بحبه واحتواني.
قبل ما انطق يفهمني.
إلي لاحظته انه هذه المله اذا حبت فتحب بجنون.
وللاسف اذا كرهت بعد ميشوفوكم اصلا بس هو طبعه كتوم جدا.
هبه/
مر حاليا على زواجنه ٣٣ يوم شكللكم فعلا محسيت اني الزوجه الثانيه كلمه مؤلمه بحق كل انثى ومتحب تنكال اله او تشعر بيها.
بليل مددين بالسويت وهو خال راسه بحظني واني اكشر فاكهه وحط بحلكه
دك التلفون قريت اسم فرح.
رائد /
الو هله هله
اي زينين تمام
الصغير شلونه اي الحمد لله.
شنو شتردين
ها احمر
هبه/
حجاها والتاف عليه محرج.
رائد/
ها اي اي ادور
اخذي من يمج
بعد وكت بعد وكت على هل سوالف ترى بعدج نفسه.
خوش خوش ان شاء الله
يله سلميلي على الكل.
هبه/
مسألته شرادت ولاهو حجه
ظل يفتح مواضيع ماله رباط بينه واني غلست اصلا.
بس شكللكم ماعرف حسيت شي بداخلي تحرك غيره فضول والله ماعرف شنو بس الحسيته ضجت.
_
_____________
صباح يوم ثاني.
هبه/
ها شو بدلت ومكلتلي ابدل.
رائد /
ها حطلع اجيب شغلات للبيت والصغير واجي.
هبه/
ميخالف اجي وياك والله اظوج نفتر سوى.
رائد/
لا لا ماتاخر يله حبي تحظري وانتظريني.
هبه/
كالها وطلع عرفت مراد ياخذني لان ديشتري لفرح ماعرف شوصته.
وبعد مرور ساعتين طب محمل بخمس علاليك ويحجي بالتلفون ومعصب.
رائد/
شثبرتيني ماريد ماريد
اي شبعت يولي ملاعيبج عارفه من يمته كاتل روحي
يابه دروحي.
هبه /
طبكه معصب وشمر التلفون والعلاليك وطب للحمام.
تجرأت افتح علاكه وحده وياريت مفاتحته سيت نوم احمر وملابس داخليه قلبي نعصر عصر.
يعني والله صعبه مكاعد اتقبل الوضع ماعرف شحجي وشكول
اليسمعني يكلي انتي ترى نزلتي عليها واكلكم صح بس هيه كفكره مكاعد اتقبلها.
رائد شخصيته من نكون وحدنه وبعيدين عن مجتمعهم شخصيه طيب وحنون ومتفهم ماعرف شوصفه
بس تعلقت بي كلش.
لكن بوسط اهله وبسبب ضغوطات البيت والشغل يكون نار وحدي جدا.
بعدها طلع من الحمام بدل وطلعنه تعشينا واشترالي كومه اغراض الي.
بس كلشي ما بعيني واعتقد هو حس عليه.
ثاني يوم رجعنه للبصره وياريتنه مرجعنه.
.
.
.
هبه/
مر الوقت سريع ومحسينه اله ثاني يوم احنه بالطريق.
كل ما اصفن وارجع للواقع شنو ذنبي اعيش هاي العيشه لادراستي لاطموحي لامحافظتي كلشي كلشي
تغير.
لا والاتعس تعالي لازم يكون كل تفكيري شلون اجذب رجلي ليروح لضرتي.
واكعد احسب يا يوم اليه
وخاف ازعله ويعصب ويروحلها شهل عيشه هذه
مراضيه مراضيه
وأعتقد هو ديحس انه شنو ديسوي مبعيني مو بطرا والله بس كافي أعيش بهل طريقة
حتى واني طفله ماعندي ملابسي او أشيائي الخاصه ورضيت
بس مو معناتها حتى زوجي اتشاركه ويه ثانيه.
وخايفه من قلبي ليدك الناقصه بيه ويحب وتعالي يا هبه عيشي شعور الغيره شعور مدمر بصراحة.
لا....
ومنو ضرتي بنت عمتي الي طفولتنه كلها سوى يشهد ربي عليه اتمنى تجي ونكعد نسولف مثل قبل بس وين بعد صارت حلم.
انتبهت عليه يحاجيني.
رائد /
هبه هباوي
يولي دحكي عليه.
هبه/
هاها وياك.
رائد /
يمعوده صارلي ساعه احجي وحدي
شبيج من البارحه لليوم ظايجه ومالج خلك بيج شي تردين شي بنفسج حاجه.
هبه/
اي بنفسي .
رائد/
صدك جذب اطلبي وادللي غالي والطلب رخيص.
هبه/ ...........
رائد /
يولي كولي.
هبه/
بعد ايام شهادتي و.......
قاطعني
رائد / هبه ياعيوني انتي
تعرفين شكد احبج واعزج عوفي شغلة الدوام اني قابل بيج شلون مجان.
هبه/
الله يخليك لتحرمني شسوي اكعد بالبيت.
مجاوبني بس نظرلي واندار يكمل الطريق وخابرهم بلغهم احنه راجعين.
طبينه منطقتهم واحس روحي وقلبي نقبض شكد تونست ورتاحيت بعيد عنهم
وحاليا احنه أبابهم دينتظر يفتحوله باب الشارع.
رائد /
هباوي اعرفج تعبانه شميحاجوج لجاوبيهم سلمي وكعدي شويه وكومي.
هبه/
صدك تعبانه وهزيت راسي وفتت وشفت الكل مجموعين
واكيد عمتي وزوجه وبنته الثانيه لان المدارس بعدها مباديه تلكوها العطله كظتها هنا بحجه بتها جايبه.
ولد عمه وزوجاتهم.
رائد/
السلام عليكم
ياهله بهل اللمه لتكولون كاعدين تستقبلونه هههههه.
ام فراس/
وعليكم وعليكم
اي والله كاعدين ننتظرك يلي رحت ونسيت عندك مره وجاهل وراك شنو قصتك فهمنه بس انت تزوجت.
هبه/
اشوفه وجهه تحول من الضحك للعصبيه كلت راح تعلك لكن حجه.
ابو فراس/
هله هله عمي ان شاء الله سفره سعيده.
رائد/
وبيك عمي هله بيك.
بس من رخصتك بكلمه ويه ام فراس .
اي مرت عمي بيش مقصر ويه اهل بيتي بله ممكن تكليلي.
_ حجه واحد من ولد عمه.
_ كافي رائد متسوه .
رائد /
لاتسوه تسوه واني اقيم الموضوع رجاءا.
ام فراس/
اي عايف مرتك وابنك وحاير بهايه بس انت عرست.
الحجيه/
ابو فراس علم مرتك تلزم لسانها شبيك ساكت.
رائد /
اولا ماكو شي اسمه هايه اسمه هبه وزوجتي واله حقوقها حاله حال فرح.
وثانيا رجال معرس وبنتج نفسه شتريدين ابدل حفاظات.
هذا الكلام اذا من مرتي حتى اعرف حسابه.
واذا منج ممسموحلج تدخلين ويانه مفهوم.
ام فراس/
لا مني مني فرح معليه بس اني كل......
رائد /
لتكولين مرت عمي لتكولين.
هبه /
الكل نخرس الصاله صارت صنطه ولاصوت كعدنا شويه وراها سويت مثل مكلي ترخصت وكمت.
واني اصعد اذكرت شكل فرح شمسويه بروحهه.
فرح وجهه مقبول لكن المشكله بجسمه من هيه طفله ملابسه تلبسني اربع سنين ليكدام.
الي مغيرته صابغه شعره على ثلجي مبين لان شاله زاحف من كدام.
حاجبه مشمورات خيوط مسويته.
ولابسه كلبيه زيتوني ورى فتره من كعدتنه بالصاله شفت رائد خزره ليش ما اعرف.
يوميه ادعي ربي ميثبت حبه بقلبي لان ما اريد اعيش بنار الغيره.
الغيره تحرق حرق ولا اريد اتنافس واتسابق على رجال لونومه احس هذا الموضوع يقرفني صراحتا.
ورى مده صعد فوك وكأنه كلشي ماكو.
_________________
صبحنه الصبح.
رائد /
صباح الخير ياهله بهل المصباح.
كومي طلعيلي ملابسي خلصت اجازتي وراجع للدوام.
هبه/
تمام وين هنا لو محافظات.
رائد /
لايبه صارله كومه يرتبلي بيها أبو محمد ونقلني هنا بعد ماكو محافظات.
وخفر يوم واحد بس.
هبه/
ان شاء الله خير.
لبس وشال اجهزته وفتح الكنتور اكو صندوق مقفول فتحه وطلع باقي اغراضه ونزل.
وره شويه شفت اوراق ناسيه ماعرف مرايده كلت انزل اسأله.
البيت الكل نايم نزلت على كيفي بس مو تسلل لا بهدوء.
واسمع صوت على كيف.
شفت رائد طالع من غرفة فرح وهي جلبت بي يم باب الغرفه.
ماعرف ليش حسيت قلبي شك صدري ويدك يدك سريع شعور حقير حسيته ايدي ترجف وراسي نمل
وآني اشوفها
فرح/
مشتاقتلك والله وداعت ابنه .
هبه/
تحجي ومجلبه برقبته.
فرح/
حبيبي نظفت اني لتخاف عليه بعد شكو
وتعال تعال اشاورك.
رائد /
احجي هين يله مستعجل.
فرح/
عاشت ايدك حبيبي ذوقك يخبل وقياسه فت عليه شوكت تجيني تلكيني متحظره الك.
رائد /
يله فوتي مو وكته ولامكانه هل كلام.
هبه/
انداروا لكوني بوجهم وعلامات على وجهي معرفت لا اني ولاهمه تفسيره.
رائد /
هبه
احم شعندج نازله يبه ليش منمتي.
فرح/
ياهبه هنا ولاشفتج رايده شي جان اجيتي دكيتي باب غرفتنه.
هههههههه ترى رائد ميطلع اذا ميصبح عليه وعلى الطفل.
رائد /
كافي عاد فرح
كولي تردين شي يبه.
هبه/
بدون كلام مديت الاوراق بيدي اله
مد ايده اخذه بس عيونه عليه يتفحص وجهي.
عفتهم وصعدت شلي بنصهم همه عائلته ماعرف لحد الان مداحس بانتمائي لهاذا البيت ليش ماعرف.
مرت قريب العشر دقايق ونفتحت باب غرفتي واني بعدني بصدمتي بفتحه هجوميه كمزت من فراشي على أثره .
هبه/
فرح شبيج .
واكفتلي متخوصره بالباب بعدين طبت وسدت الباب وراها وعيونه تتفحص بالغرفه.
وكفت شالت سيت نوم مالتي ماروني محطوط على قنفة بالغرفه.
فرح/
اكلج عيوني ترى رجلج هو رجلي ولاعبالج اعوفه الج تحلمين.
وهذا سيتج تلبسي تغري بي ترى انتي نزوه اله واعرف مردوده اليه.
بس خلي يشبع منج وطلعين من نفسه وتاليته يشمرج بالشارع.
هبه/
شبيج فرح منو وياج انتي.
فرح/
انتي انتي ويايه ولج ليش اخذتي مني ها موجان ساكت وقابل بيه.
هبه/
عذرتها ونقهرت وكلت حقها شكد ميكون زوجه وابو ابنه لكن استوقفني كلامه.
فرح/
صح هو مختارني بس هو ابن عمي ومجبر بيه امي فهمتني وكلتلي ابن عمج غصبا عليه ياخذج.
اني مجنت مفكره بالزواج ردت اكمل كليتي وبنفس الوقت من تقدملي مرفضته لانه هو ميرفض.
الزواج مو اله احبه ويحبني
الزواج يعني شكد اخلفله واخدمه كلهم علموني هيجي.
هبه/
صافنه عليها شكاعد تحجي ومقتنعه بكلامها بله شلون تبني عائلتها اذا چلنت خاليه من الحب.
كملت كلامها برفعة اصبعه بوجهي
فرح/
هبه ياهبه طلعتج قريبه صدكي وآمني اني مساكته هيجي لاحبابه لا
واني ام أبنه يعني كلشي يملكه أبو اله موانتي تجين تخربطين شغلنه.
هبه/
كملت كلامها وشمرت سيتي داسته وطلعت.
واني مثل الهبله بعدني مبسطه وكاعده بنص الفراش وحتى الملابس الد...... مشموره بالكاع.
_________//________
رجعنه يوم الاثنين واليوم خميس دخل رائد وعيونه تحجي بس استغربت مقفل الباب.
هبه/
شبيك رائد شو تفتر بالغرفه اكو شي مضيع شي.
رائد /
تعالي كعدي يمي هين وسمعي كلامي زين.
هبه/
جنت حاسه بالي حيكوله وقلبي نغزني
اي كول شبيك.
رائد /
هباوي صارلنه شكد من مزوجين
هبه/
٤٣ يوم ليش.
رائد /
اي صار لازم كلمن وحقه بعد الي الج الها والعكس هم
شبيج صافنه عليه فهمتي هبه يوم يمج ويوم يمها.
هبه /
ديحجي واني قلبي يفور يحجي بالحقوق واني مثل اللعابه يلعب بيه يودي ويجيب.
تالي كلي هباوي.
رائد /
عيوني اليوم مو يمج اني باجر انتظريني.
هبه /
ردت احرك قلبه كتله نار نار وشبت بضلوعي
عاد كتله
ليش ادوخ روحك يوم بيوم خليها اسبوع بأسبوع حتى متيه او شهر بشهر اشوفه افضل.
عصب وكام.
رائد /
اي كوليها هيج تردين تخلصين اصلا نومتج ويايه اسقاط واجب.
وصل للباب وندار ورفع أصبعه معصب احسبي باجر يمج سمعتي باجر.
هبه/
كال هل كلام و
جر دشداشته ونزل
واني اتصفن بالغرفه شذنبي بعدني عروسه مصارلي شهر ونص وتتقسم ايامي عليمن اعتب عليه على امي على حظي.
نمت بقهري وحسرتي حتى جوه منزلت ماريد شي منهم.
حسيت وجه الصبح واحد يتسلل بفراشي ويرفع ملابسي الغرفه ظلمه
محسيت اله يتقربلي حاولت اعيط سد حلكي راسا بيده.
.
.
.
.
هبه/ فزيت على شخص بفراشي بعدني ممتحركه نام فوكايه ورفع ملابسي.
حاولت اعيط حط ايده على حلكي يسكتني.
رائد / شبيج يولي فضحتينه سدي حلكج اشتاقيتلج واجيتج.
هبه/ تخبلت تخبلت من اجتني ريحة عطر فرح برقبته نفسي كشت منه شنو هل قرف.
لحد يلومني مو كل وحده تتحمل حتى لو اعرف بيه زوجته الاولى واحق مني بس اني مالي نفس بي بعد
يعني الي جان يسوي ويايه يروح يمه نفس الشي والعكس هم.
لالا ماتحمل دفعته حيل من صدره وكتله.
شنو هل قرف هذا دروح.
رائد / بكمزه سريعه من الجربايه وعلك الضوه
ياقرف ولج اني مقرف.
هبه / اي والله الوضع الجيتني بي مقرف مشوف روحك جنت نايم يمه وجيتني.
رائد/ حجيج هذا حدفعين ثمنه غالي صدكي اني اكلج مشتاقلج وانتي تكليلي مقرف بسيطه بسيطه يهبه.
هبه/ لتتوعدلي رجاءا هذا يومه روحله لضل هنا وهنا.
رائد/ شو طالعلج لسان وطردين بيه ورحه لابويه وروحه لامي عرفت راح تخلصين مني .
وهسه متردين اوصلج مو.
هبه/ كمت بحيل صدر ووكفت وحجيت وجنت لابسه دشداشه نوم بدون ردن نيلي بسيطه وفانيله صدره مثلث.
أي اذا جان يوم فرح رجاءا لتجيني وخاصتا وانت ريحتك بيه ماتقبلك ترى وماريدك.
رائد/ هجم عليه وشك دشداشته من الطول للطول ولج المن متردين صارت ال.......... برايكم دتعالي .
هبه/ بيومه تقربلي بطريقه بشعه بشعه بشكل اذاني كلش وسببلي نزف.
رائد/ ثاني مره لتقررين بكيفج مو شفتيني احبج واعزج كلتي اجفص بكلامي.
هبه/ يحجي يحجي فوك راسي واني الالم دمرني منطقتي اسفل البطن احسه دتتمزق.
رائد/ هبه هبه
بيج شي
هبه/ ..........
رائد /
يولي حاجيني شو وخري دشوف.
هبه/
امتنعت بس بصراحه ماكدرله.
رائد/
دوخري ايدج يا ولج رخريه دشوف
لتكولين استحيتي عجل قبل شويه شجنه نسوي.
هبه/
يحجي ويبتسم واني الالم دمرني وفعلا اله شاف بعينه وتغيرت تعابير وجهه.
رائد/
ها
هاي شنو
شصاير بيج ولج ليش هيجي لحمج طري.
هبه/
حسيت روحي والفراش كله مبلل تاليته جابلي عبايه وشال.
وطلعنه من الغرفه شافتني زوجة ابن عمه وكلتلي.
_ خيرج خيه شبيج.
هبه عندي الم بطني قوي كلش قوي اخ.
استحيت شكلله .
_ عيوني انتظروني اجيب عباتي واجيكم.
_____________
هبه/
وصلت للمستشفى والدوام مبادي بعده كل هذا الكلام وصايره ب٧ الصبح
اكو طبيب خفر مقبل.
رائد /
تعالي هين كعدي لبين متجي الدكتوره هيه هم عايزه يكشف عليج دكتور.
حاجتني جنتهم
_ اكلج خاف حبله ونزفتي والا ليش هل نزف ها.
هبه/
مجاوبتها بس باوعت بوجهه.
اخر شي اجتي الدكتوره فحصتني.
الطبيبه /
بنتي شكد صارلج مزوجه.
هبه/
مصاري شهرين.
الطبيبه/
لعد ليش بنتي صاير عندج تمزق قوي نتيجه العلاقه الزوجيه.
حتآدي الي الخياط نبهي زوجج اسبوعين ميتقربلج ممنوع بنتي ترى هم ينزف الجرح.
_ زوجه ابن عمه
دكتوره يعني سببه شنو بالضبط.
الطبيبه/
اختي بسبب العنف بالعلاقه واحيانا بسبب الكثره.
هبه/
يافشلة الفشله خجلت من روحي ووضعي وهذه تريد تفتهم كلشي.
تقريبا غرزتين ماعرف ثلاثه بس طلعت روحي ورمت من البجي منطقه نحسه وتخيط بيه واصلا متآلمه اني.
بعد مده كملتني وساعدتني جنتهم بطلعتي للسياره وكلتله.
_ الدكتوره تكول لتوصل لزوجتك أسبوعين وترى خيطتها.
رائد/
ها
وعليش يبه هل خياط
_ شنو عليش غير البنيه متملخه والنزف ماخذها شلون يوكف.
هبه/
كلمه محجيت ويا
ظايجه منه ومن روحي ووظعي رجعنه هستوهم ديكعدون.
الحجيه/
ها يمه شلون صارت مرتك.
تعالي هباوي يمه.
حجت زوجة ابن عمه....
_ لاحجيه البت مخيطه ونطتها ابره مسكن خليه تمدد وتنام أكيد باليل منايمه.
هبه/
ساعة السوده يوم الجتي ويايه مبقه بشر معرف تخيطت من............
وباليل منمت لان جنه........
فظحتني فظيحه.
____________________
.
.
القادم لايسر ابدا😔