❤️❤️
#أللقاء_المنتظر
#دار_الايتام3
#سيلا_و_النمر
#بكامل_قواي_العقليه
#أميره_أسامه
البارت 34
.............
إستمرار...........الحياه ❣️💔
.............
اتلم الجميع في أحلي خيمه رمضانيه داخل الڤيلا الاجواء كانت ساحره الزرع والبيسين والنافوره والزينه والانوار مع اغاني رمضان كلها كانت اجواء رمضانيه مبهجه.
بدر....منور يا هيما يا عسل كل سنه وانت طيب يا حبيبي
إبراهيم وانت طيب يا حبيبي وكلكم طيبين يارب رمضان كريم
نوني...الله اكرم منورنا والله يا استاذ إبراهيم مبسوطه اوي انك جيت مع مهاب وسما
إبراهيم....انا اللي مبسوط والله باللمه الحلوه دي
مهاب....خدي بالك يا نوني هيما مبيحبش الخروج خالص لولا انكم غاليين عنده مكانش جه
نوني....ده نورنا وشرفنا والله
إبراهيم....الله يبارك في عمرك يارب.
سهام....كل سنه وانتو طيبين جميعا يا حبايبي حقيقي المرادي رمضان بجد مختلف.
نوني....فعلا اللمه الحلوه ديما مش بتكمل غير في رمضان
مني...ماشاء الله الڤيلا بعد الزينه شكلها مبهج اوي.
نور...بابتسامه حزن حقيقي والله شكلها تجنن ماشاء الله عارفه ياسيلا فكرتني بالمعز والحسين اكيد الوقت الشوارع هناك جميله الله يرحمه بابا كان يوميا في رمضان بعد صلاه التراويح ياخدني وننزل نتمشي ونشتري السحور ونشوف الشوارع والروايح الجميله بتاعت رمضان كانت ايام جميله اوي.
نوح....بأبتسامه مسك كف ايدها الله يرحمه يا حبيبتي ايه رأيكم علشان خاطر نور نروح نتسحر يوم في رمضان في الحسين.
ابتسمت نور بفرحه وبصتلهم بحماس
روكا....طبعا انا معاكم اول واحده ده المكان هناك سواء في رمضان او غير رمضان فظيع
عامر....انا معاكم وكويس انه سحور بليل الجو بيبقي افضل
عشق...احنا عن نفسنا كلنا موافقين و بالمره نصلي الفجر في الحسين
نوني....خلاص شوفوا يوم ونروح كلنا دي فكره جميله واهو نور تبقي المرشد السياحي بتاعنا هناك
نور...بفرحه طبعا يا نوني المكان هناك هيعجبك اوي بجد
نوني...الحسين جميل والمعز كل الاماكن دي فيها ريحه مصر الاصيله بحس كمان ان الناس في المناطق دي طيبين اوي
مني....معاكي حق كنت من فتره بتكلم مع سهام وبقولها كده
ليل...خلاص اتفقنا والسحور هيبقيزعلي نوح🤨🤨🤨
نوح...بضحك ايه التدبيسه دي ادفع وانت معانا يا كبير😂😂😂😂
ليل...مره من نفسي يا واطي هلي طول مدبسني😂😂
جاسر....لا بقولك ايه متجمعش انا بدفع وربنا🤨 هو نوح وادم اللي ديما مصدرين الطناش
ادم...بضحك الله يكسفك يا بعيد😂😂
عامر....يلا سيحوا لبعض واخسروا بعض 😒
جاسر....انت بتتحشر ليه نفسي اعرف واحد بيتكلم مع ولاد عمه وابن خاله ولاد عمه
عامر....😒😒 مش هرد عليك
يوسف...بضحك اللي علي طول متدبس كده معانا بدر وعامر🙈🙈🙈🙈
عامر...خليها عليك بقي وبعدين ليك يوم يا اخويا متستعجلش علي رزقك🤨
لمار....الولاد مبسوطين اوي اول مره الاقي زين مندمج بالشكل ده
ريم...وانا كمان كريم مبسوط وانا طايره من الفرحه والله عشانه مش مصدقه ان نكدو بيرقص😂😂😂🙈🙈
زهره...حرام عليكي ده جميل نكدو ايه بس😂
سهام....ربنا يحميهم ويفضلوا ديما مبسوطين كده هما اندمجوا مع بعض.
عامر....لولي كمان اندمجت اوي معاهم
روكا....هي حاسه انها كبيره بالنسبالهم تحسوا انها مامي في نفسها بتلف وراهم عشان محدش يقع.
عشق....ابوه صح لاحظت😂 بس جميله خالص ربنا يحميها يارب
روكا....بحب يارب😍
قامت ريم وسيلا ونور ونوح وفضلوا يلعبوا مع الاطفال ويرقصوا بيهم وهما شايلين الفوانيس
عشق...بقول ايه لسه شويه عالسحور يلا بقي نكسب وقت ونعمل الشنط مع بعض.
ليل...اه ياريت الحاجه كتير وهتاخد وقت
سهام ولا هتاخد وقت ولا حاجه احنا ماشاء الله كتير و هنخلصها بسرعه.
يوسف....ما كنا جيبنا الشنط جاهزه علي طول احسن
عشق....قولنا عشان ناخد الثواب كامل نعملها بايدنا🤨
يوسف...وانا قولت حاجه🙄
ليل...بضحك ما تحط لسانك في بوقك لازم تجيبلنا الكلام😂🙈
يوسف...بضحك عيل وغلط انا اسف😂😂
دياب...طب يلا بقي كده ياشباب الله يباركلكم عشان نخلص بسرعه
بدر....يلا بينا.
قاموا كلهم وبدأوا يفتحوا في كل حاجه ويجهزوا الشنط اللي هيحطوا فيها
سهام....بقول ايه يا ولاد انا عندي
أقتراح قبل ما تحطوا الحاجه
ليل...قولي يا امي.
سهام...رصوا الحاجه بالترتيب صف طويل كده وكل واحد يمسك شنطه يلف عالصف كله يحط حاجه من كل نوع عشان مننساش حاجه ونتلغبط
نوني....ايوه صح براڤوا عليكي
مهاب...انا مش فاهم يعني نعمل ايه🤨
بدر...بلاش غباء بقي😒
مهاب...بضحك والله ما فاهم
سما....يعني نحط السكر بعده الزيت بعده المكرونات و كده لحد ما الحاجه تخلص وتبقي ورا بعض صف واحنا نحط الحاجه صح يا طنط ولا انا فهمت غلط ولا ايه😂😂🙈
سهام....لا شطوره براڤو عليكي
روكا...طيب انا بقي هقف في اخر الصف هستلم منكم الشنط عشان انا حابه ازود حاجه من عندي في علي روح بابي.
الجميع...ربنا يرحمه ويغفرله.
دياب...طيب يلا نبدأ بسم الله.
الكل سمي بالله ومسك كل واحد فيهم شنطه وبدأوا يمشوا ورا بعض يحطوا من كل المكونات في الشنط واخر الصف تحط روكا ظرف فيه مبلغ بسيط ويركنوا الشنط علي جنب
بدر....سيلا نوح ريم نور يلا يا شباب تعالوا معانا
انضم ليهم الباقي وراحت ليان لعامر.
ليان....عامر
عامر....عيون عامر
ليان...ممكن اساعدكم.
عامر....هتعرفي🤨
ليان ...ايوه
عامر...طيب بصي روحي لروكا وحطي معاها الظرف في الشنطه
روكا...تعالي يا لولي
جريت ليان عليها وكل شنطه توصل تديها روكا ظرف تحطه بايدها.
قربت روكا من ودن ليان.
روكا....لولي اقرأي الفاتحه لمامي وبابي و ادعيلهم كتير عشان ربنا يبقي مبسوط منك وهما كمان.
ليان....حاضر بس هو احنا بنعمل ليه كده.
روكا...عشان اي حد محتاج حاجه لازم نحس بيه ونساعده وكمان الظرف ده فيه مبلغ بسيط وده هيكون علي روح بابي بتاعي ومامي وبابي بتوع لولي ❣️ عشان يبقي كأنهم ساعدونا في الخير اللي بنعمله
ليان....هما شايفنا الوقت.
روكا... اكيد حاسين بينا وفرحانين اوي ومامي وبابي اكيد مبسوطين من لولي لانها بتعمل خير
ليان....بفرحه انا بحبك اوي
روكا....ياروحي وانا بموت فيكي
وصل نوح بشنطته
نوح...بقولك ايه ياروكا مفيش ظرف كده ولا كده🙄
روكا....بضحك لا مفيش واشتغل وانت ساكت يلا
نوح...ياساتر الواحد ميعرفش يطلع بأي مصلحه كده خالص🤨
نور....بضحك اخلص يا نصاب وسع الشنطه بتاعتي تقيله
نوح....اهو وسعت😡 ياساتر كنت بلاغي روكا يمكن اعمل مصلحه
ضحكت نور وروكا
وفضلوا يكملوا مع بعض.
بدر....لو تقيل عليكي متشيليش انتي يا سيلا عشان ايدك
سيلا....لا متقلقش بمسك بالشمال
بدر....ماشي يا حبيبي اوعي تنسي حاجه بس.
سيلا...متقلقش.
الشنط كانت كتير اوي تعبوا لكن التعب كان في روح حلوه ومشاركه مفيش حد مكانش بيساعد كان في حماس كان الخير جواهم طاغي والكل مبسوط من التجربه وبعد حوالي ساعه اخيرا خلصوا.
ليل....ااااه انا عايز قهوه صدعت من كتر ما كنت بوطي.
يوسف...مانا قولت كده قولت اطلعوا من البلد مراتك هي السبب🥴🥴🥴
عشق....بضحك طب بزمتكم متبستطوش وانتوا بتحطوا الشنط بايدكم ومهتمين ان كل شنطه تكون كامله.
روكا....انا عن نفسي اتبسطت 😍
سيلا...بعفويه طبعا يا اختي لازم تتبسطي قاعده انتي وبنتك مستنين الشنط عالجاهز.
بصتلها روكا وكأن كلمه بنتك دخلت قلبها ❣️ بصت لسيلا بابتسامه كبيره وفرحه وحدفت لسيلا بوسه😘
فهمت سيلا ان الكلمه عجبتها فا ردتلها البوسه😘
ابتسم عامر بحب ❣️
نوح....ان ما ادتني ظرف 🥴
جاسر...ما تهبط بقي كاسفنا كده علي طول🤨
نوح....الله مش اللي بيشتغل بيقبض
تمارا....احنا عندنا الشغل مفيش فيه قبض عجبك ولا لا😡
نوح...الله جرا ايه يا وحش الحته ما براااحه🤨
جاسر....ولا وحش الحته دب انا بس اللي اقولها عشان مبوظش وشك😡
ضحكت تمارا علي غيره جاسر
جاسر....اضحكي اوي😒
تمارا....🙈🙈وانا نطقت انت بتتشطر عليا انا.
ادم...بقول ايه صحيح بما ان الشنط خلصت هتتوزع امته دي وازاي
جاسر....اكيد بكره مش هينفع انهارده وانا ممكن اجيب عربيه كبيره تتحمل عليها الحاجه وواحد فينا يتطوع ويطلع ورا العربيه واي حد من الجارد يوزع.
ليل....تمام ماشي.
عشق...استني بس هو ايه اللي تمام😡
لمار....بضحك احيه دي قلبت بتبوظولها الخطه ليه دي مخططالكم برنامج هايل.
دياب...برنامج ايه اكيد اتفقتوا علينا في الواتس
جاس .....ما تشوف مراتك يا عم ليل🙈
عشق...بضحك اولا الحاجه فعلا هتتوزع بكره بس قبل الفطار وان شاء الله لا في جارد ولا في عربيه كبيره الحاجه هتيجوا زي الشاطرين تحطوها في عربياتكم وتروحوا توزعوا مع بعض زي الشاطرين.
نوح....نعممممم قبل ايه لا ده عند امه يا ادهم
حدفه ليل بعلبه المناديل اظبط يلا😡
نوح....ايه محموق اوي يا اخويا طب اهي بتقولك بعد الفطار وانت واحد من الناس اللي مينفعش تختلط ببشر وانت صايم عشان مترتكبش جريمه هتقولها ايه.
ليل...بضحك وماله بعد الفطار آثر معاكي في ايه بس يا قلب ليل❣️
ابتسمت عشق بحب لليل بعد كلمته
روكا....احيه الحق يا بدر لقيت نحنوح غيرك انت وسيلا 😂😂
سيلا....بضحك عشق وليل روكا حطتكم في دماغها😂😂😂
ليل....ليه بس احنا غلابه😎
عشق....بقولك ايه سيبك منهم خليك معايا انا اولا مينفعش بعد الخير الجميل اللي عملناه ده يبقي معاكم العربيات بتاعتكم وتجيبوا عربيه وتجيبوا جارد وواحد بس فيكم اللي يشيل اليوم كله
نوح....انا موافق بس بعد الفطار بلاش أفترا😒
عشق.....اولا يا استاذ نوح🤨 مينفعش تقضي يومك في رمضان نوم وتصحي قبل الفطار بشويه عشان متحسش بالصيام
نوح...🙄🙄الكلام ليك يا ادم
ادم....بضحك ربنا يفضحك انت وجاسر.🙈
جاسر...هو جاسر ده علي كول محشور في اي جمله انا نطقت😂😂😂
عشق...ثانيا مش هتحس بطعم اللي انت عملته غير لو تعبت فيه مش هتحس بحلاوه الفطار بعد صيام اليوم كله غير لما تبقي متأكد ان الشنط دي راحت لصاحب نصيبها وادتهاله بأيدك
سهل اوي تدي الشنط دي كلها لاي حد يا نوح و تفوضه عنك و تقوله وزعها بس انت متعرفش هو ممكن يديها لمين ويوزع ازاي هيبقي ماشي يوزع بطريقه عشوائيه لأي حد عشان بس يخلص من الكميه دي ويروح بسرعه و هتلاقيه بيدي اي حد ومش بعيد في ناس تجامل حد تعرفه اه انت هتبقي خدت الثواب وهو اللي هيتحمل الوزر بس في الاخر هتلاقي اللي محتاج مخدش
اي حاجه.
مفيهاش حاجه لما نكمل الخير للاخر و نتعب شويه و توزعوا بايدكم الحاجه علي الناس اللي فعلا محتاجه صدقني هتحسوا بالفرحه اوي لما تشوفوا نظره الفرحه في عيون عامل نظافه واقف في عز الشمس وهو صايم هتشوفها في وش واحده باين عليها الشقي الشنط دي كلها من دلوقت يا نوح مكتوب عليها اسم صحابها واحنا مش شايفينه خلينا نوصل للامانه من غير ما نغير المسار الصح.
إبراهيم....ماشاء الله عليكي يا بنتي ربنا يفتح عليكي.
يوسف...لنا عن نفسي اقتنعت وموافق
ليل...بحب وانا كمان
عشق...من غير ما نتعصب واحنا صايمين🤨
ليل....من غير ما نتعصب 😘
وافق الشباب كلهم وفضل نوح
عشق...ها يانوح🤨
نوح...🙄🙄
عشق...نوووح😂
نوح....خلاص سمعت بفكر الله🤨
عشق....مفيهاش تفكير هصحي بدر وهخليه يجي ياخدك من الاوضه 😎
نوح...ربنا عالظالم والمفتري😭
سهام.....بضحك ربنا بعتلي عشق دي من السما والله ممشياه علي العجين ميلغبطهوش😂😂
نوح....اضحكي اوي يا سهام ما انتي هتبقي قاعده في الڤيلا مرتاحه😡
مني...يعني هو انتوا مش عندكم تكيف في العربيات
نوح....بتفكريها ليه دي ناقص تقول بلاش تفتحوا التكييف عشان تحسوا بجمال الخير😡
ضحكوا كلهم علي نوح من قلبهم
نوني.....ايه يا بنات نحضر بقي السحور.
سيلا....ايوه يلا بينا 😍😍
يوسف...احيه ايه الحماس اللي عند سيلا ده اوعي تكوني عامله السحور بايدك🙄🙄
سيلا....قصدك ايه🤨🔪
مهاب...بضحك قصده اننا صايمين بكره يا سيلا مش ناقصه اختراعات الله يباركلك
نوح...اختراعات 🙈🙈 لا بقول ايه مش هيبقي انتي وعشق
سيلا....بدر شايف بيقولوا ايه عليا🥺
بدر....سيبك منهم يا قلبي دي عيال رخمه دي اي حاجه من ايدك جميله.
روكا...😏😏 نحنوح باشا
عامر...بضحك يابت اسكتي بقي هنطرد
دياب....لسانها موديها في داهيه😂😂😂😂
لمار....والله دي عسل😂😂
فضلوا يضحكوا ويهزروا ويناقروا في بعض
قامت نوني ومني وسهام وكل البنات يحضروا السحور
وظبط بدر ونوح ويوسف القاعده بره وبعد وقت بسيط قعد الكل يتسحروا مع بعض لاول مره كانت اجواء جميله وقاعده اجمل واحلي❣️
وفي وسط كلامهم ولمتهم كل واحد من الشباب والبنات حجز يوم للفطار في بيته.
...................
في صباح يوم جديد اول يوم رمضان❣️
اتجمع الشباب كلهم بعد ما اتفق عليهم البنات وصحهوهم
وصلوا كلهم بيت بدر وبدأوا يحملوا الشنط في الكنبه بتاعت العربيه وفي الشنطه من ورا كانت الكميه كبيره لكن قدروا يحطوها في عربياتهم كلها و ساعدهم ان البنات مش معاهم ملوا كل العربيات وكل الكراسي.
طلعوا ورا بعض وبدأوا يتنافسوا كل ما واحد يلمح حد يجري يسبق ويدي هوا عشان يخلص اسرع من الباقي كان التوزيع عباره عن ضحك وتقفيل علي بعض نسيوا الصيام ونسيوا النوم ونسيوا التعب لفوا في مناطق كتير جدا واغلبها كانت مناطق بسيطه قدروا يفرحوا عدد كبير جدا ويراضوا الكل واتفقوا انهم يقرروا تاني وتالت التجربه.
يمكن عملوا خير كتير جدا لكن اول مره يحسوا بطعم الخير ده لما تعبوا فيه ووقتها اتأكدوا من كلام عشق.
...................
رمضان من اجمل ايام السنه وديما معروف بأيامه اللي بتجري بسرعه
خصوصا لو في لمه
يوم بيجري ورا يوم كل يوم ليه طعم وطابع خاص
العزومات مكانتش بتخلص من دياب لليل لجاسر ليوسف لمهاب لادم لعامر وكل مره التجمع يبقي احلي والقاعده بتبقي محتلفه لكن الضحك والروح الحلوه هي اللي طاغيه علي لمتهم.
حجات كتير حلوه اوي حصلت
من اهمهم كانت فرحه عامر لما رجع كذا مره ولمح روكا واقفه بتصلي وليان بتصلي معاها كانت المره الاولي اللي يشوفها بتصلي فيها ودي كانت حاجه مفرحاه غير تبطيل السجاير
سفرهم اسكندريه يومين مع ليان يقضوهم مع صفيه وساره .
دخول عامر عليهم وهما قاعدين ماسكين المصحف وبيقرأوا مع بعض.
شكلهم الجميل وهما لابسين مريله المطبخ وبيعملوا اكل بايدهم❣️
واللي كان محلي رمضان هو مفجأه عامر ليهم لما راح في اخر عشر ايام جاب زكريا من الصعيد عشان يقضي معاهم باقي الشهر
روكا كانت طايره من الفرحه الراجل ده بالنسبالها بحكمته وطيبته وعقله وكلامه وحكايته كان بيفكرها بهاشم رغم ان ثقافته مختلفه تماما عن ثقافتها إلا انها قدرت تندمج معاه جدا وفرحتها بيه كانت كبيره بقت تستني الوقت اللي يجي فيه وتشوف اندماجه مع ليان ودي كانت اكتر حاجه مفرحاها ان ليان مش مقطوعه خالص من الاهل.
راحوا مع بعض الحسين ووفي نوح بالوعد نور كانت فرحانه اوي وماشيه تتنفس وتشم ريحه المكان بأشتياق اتسحروا مع بعض في المكان كلهم ووقت الفجر دخلوا صلوا كان شكلهم يفرح وهما مع بعض كلهم.
يمكن علاقتهم كانت ببعض كانت قويه وجميله وكلها حب لكن رمضان قوي علاقتهم اكتر تقرييا كانوا بيشوفوا بعض علي طول وكأنهم اتعودوا علي اللمه
حتي إبراهيم اللي كان مبيحبش الخروج بقي يخرج معاهم ديما ويتجمع معاهم واللي كان مفرحه اكتر هو دياب وجاسر اللي كانوا بيلعبوا معاه طاوله علي طول.
زكريا....كان التحسن بتاعه ملحوظ وكان بيستخدم العكاز وقدر مع العلاج الطبيعي والنفسيه اللي بقت احسن يستغني عن الكرسي يمكن الجلطه كانت مأثره علي كلامه اكتر لكن كان راضي جدا بالتحسن اللي وصله والاهم فرحته بليان.❣️
قبل العيد كان عيد ميلاد ليان قرب كان تاني يوم العيد عزمتهم روكا كلهم في الڤيلا وقررت انها تصمم لاول مره احلي فستان اطفال لليان واختارت اكتر شخصيه كرتونيه ليان بتحبها وصممتلها فستان سندريلا😍
خلال شهر رمضان جاسر كان يوميا بيسرق ساعه او اتنين ويروح لامينه اللي كانت بتتردلها روحها لما تشوفه
خلص رمضان قبل العيد بيوم وصل جاسر الشقه اللي فيها امينه خبط علي الباب وأستني.
ثواني وكانت فتحت واول ما شافته ابتسمت.😍
جاسر....وحشتيني ❣️
أمينه....وانت كمان يا حبيبي❣️
..........
عدي اول يوم العيد وكالعاده عشق والبنات قضوا في الدار مع البنات عشان يعملولهم حفله ويفرحوهم.
تاني يوم العيد كان استعداد كبير لحضور عيد ميلاد ليان😍 واللي كانت هتتم فيه 8 سنين.
حضر الجميع وكان معاهم صفيه وساره وحازم اللي شاركوهم فرحه العيد وفرحه عيد ميلاد ليان ولبست ليان فستان سندريلا اللي كلهم قالوا رأيهم فيه بأعجاب كانت ليان فرحانه بالهدايا اوي وطول العيد ميلاد زكريا عينه مدمعه وباصصلها بحب.
روكا....لا بقولك ايه انا مش عايزه اعيط 🥺 اتبسط كده
زكريا....مبسوط والله يا بتي فرحتها عندي بالدنيا
روكا...بحب مطمن عليها ❣️
زكريا...فوج ما تتصوري كاني شايفها في حضن ابوها وامها
ربنا يخليكم ليها ويخليها ليكم
روكا....وميحرمناش منك يا حبيبي وتفضل منور حياتنا علي طول يا احلي زكريا في الدنيا😍
ابتسم زكريا علي شقاوه روكا ونداها ليه بزكريا من غير القاب
زكريا....تعرفي يا روجيه يابتي طول عمري كان نفسي في بت لما كنت اجول إكده يستغربوني كيف راچل صعيدي يبجي نفسه في بت ومش عايز صبيان بس اني بحس ان البت حنينه وفعلا يعلم ربنا اني اعتبرتك بتي من يوم ما شوفتك دخلتي جلبي وغلاوتك عندي من غلاوه ابني محمد الله يرحمه الحاچه الحلوه اللي في كل اللي حوصل ده بعد رچوع ليان هو انتي يابتي وچوزك الراجل الطيب ابن الاصول والناس الحلوه المحترمه اللي عرفتها بسببكم صدجيني رديتوا فيا روحي
روكا....بتأثر يا حبيبي ربنا يسعدك يارب صدقني انا اللي كسبت اهم حاجتين ليان وانت يا حبيبي لما بابي مات كنت تعبانه اوي وكنت معترضه بس تقريبا كنت غلطانه عشان مكنتش اعرف ان ربنا مخبيك ليا في وسط الايام عشان تعوضني وترجع تنور حياتي انت وليان مسكت ايده باستها بحب
طبطب عليها زكريا بتأثر الله يرحمه عرف يربي چاب بت بميت الف راچل ياريت الناس تعرف ان البت احسن من الولد الف مره واوجات كتير ان الواد بيكون خلفته لعنه علي اهله 🥺
عامر...الله الله الله لا انا كده هغير يا راجل يا طيب.
ضحك زكريا ضحكه باين عليها تقدم السن. ايه غيران عليها مني اياك دي بتي اللي مخلفتهاش
عامر....انا صحيح غيران بس غيران عليك منها 🤨 ست روكا هتاخدك مني ولا ايه
زكريا....احنا نجدروا بردك ربنا يسعدكم يا حبيبي ويخليكم لبعض ويملاء بيتكم سعاده وهنا
عامر...ويخليك لينا يا حبيبي يلا بقي نطفي الشمع ❣️
روكا...يلا بينا😍
طفوا الشمع وكانوا فرحانين وكالعاده نوح ويوسف عاملين مهرجان كبير وتنطيط
ادم....زهره حبيتي اقعدي شويه عشان متتعبيش
زهره...خايف عليا ولا علي الحمل🤨🤨
ادم...بضحك اااه الهرمونات شكلها أشتغلت🙈
زهره....بضحك لا هلاص صعبت عليا لسه شويه عالهرمونات وعموما ياسيدي متقلقش انا لسه في الاول
ادم....ماشي يا ستي وعموما والله العظيم خايف عليكي ❣️
زهره....بابتسامه ربنا يخليك ليا يا حبيبي.
ادم.....بحبك😉
زهره....بصوت واطي وانا بمووووووت فيك😘
الاطفال كانت بتلعب وكل مجموعه بيتكلموا
سيلا ودياب كانوا بيتكلموا في الشغل والقضيه اللي حل لغزها.
دياب...فكرتيني صحيح بقول ايه عارفين الشك رايح ناحيه مين.
بدر...ايه حد معروف ماهي اكيد مش هتطلع من حد عادي يلا اصدمني انا طول الفتره اللي فاتت بتصدم في اسامي تقيله ومصايب هما وراها. واللي يقهر بجد ان فيهم ناس من الجهاز
دياب....هو حد معروف بس مش من الجهاز رجل اعمال
ليل....يبقي في منطقتنا احنا😂
نوح...يارب يطلعوا بتوع شركه كروز عشان اتبسط بعد ما ضيعت علينا الفرصه و اتنازلت😡
ليل.....بلاش عبط اللي عملته ده لا تضيع فرصه ولا تنازل عن حقوق اللي عملته ده ذكاء مني تقدر تقول اني بحط كل واحد في وضعه الطبيعي بعلم عليهم بكرمي الكبير بمعني اصح👌 اقدر احبسهم او اجيب كنان حقي بايدي واخلي اسمهم يتمحي من السوق بكل الطرق سواء مشروعه او غير مشروعه لكن انا مش حابب اعمل عداوه مع حد حابب اخلي اللي غلط ديما خايف يغلط تاني عشان عارف اني الغلطه بعد كده عندي بفوره هيبقي ديما مركز وواخد باله من كل تصرفاته خايف بس يزعلني هيتمنالي الرضا عشان ارضي هيوافق غصب عنه علي كل حاجه اقولها هيبقي حاسس ان في كبير مينفعش اتعدي حدودي معاه غير الفلاشه اللي معايا واللي هي دليل قوي اقدر في اي وقت افضحه بيه 😉
ركز وانتبه لتصرفاته ومشيوزي الالف هسيبه ياكل عيش حاول انه يشغل عقله وشيطانه يسوفه مره تانيه يبقي يستحمل الضربه البي هتيجي مني. فهمت حاجه
عامر....صح يا ليل انت صح
نوح...فهمت يا كبير
بدر....هااا مين يا دياب.
دياب....يحي الجزار😎
بصله جاسر بانتباه وتركيز قوي
واتصدم باقي اللي عارفه .
ليل...يحي الجزار ميتهيأليش مستحيل انت بتقول اثار وبلاوي زرقه الراجل ده انا يمكن شغلي بعدي عن شغله خالص بس اللي اعرفه انه في التمام.
ادم....فعلا يحي الجزار ميتهيأليش يوصل للجريمه والقتل والاثار والشغل العالي ده.
دياب....كل الادله راحه ضده ومش هو بس في شويه بلاوي في الخزنه واسامي كتير طبعا احنا لحسن حظنا ان من وقت القضيه ما حصلت وانا مسكتها كان الامن ديما مغرق المكان ومانع اي حد غريب يطلع فا كان صعب عليهم ياخدوا اللي في الخزنه ويخرجوا بيه خصوصا ان الخزنه دي كانت في مكان مختفي انا واثق انهم مخدوش بالهم منها لان اللي نفذ الجريمه من اولها لاخرها متدربين كويس اوي ولو كانوا لقوا الخزنه كانوا خدوا اللي فيها بسهوله في نفس يوم الجريمه وطبعا بعد اللي حصل والامن اللي كان علي البرج محدش فيهم فكر يروح كانوا فاكرينها انتهت علي كده المجني عليه عرفهم السر والاتصال اللي عامله بين الشقتين لكن معرفهمش علي سر الخزنه وده كان في مصلحته عشان نقدر نكشفهم في ڤديوهات كتير اعترافات من المجني عليه بكل اسم اتعامل معاه ومن ضمن الاسامي دي كان يحي الجزار.
عامر...طب وليه الشك راح ناحيه يحي الجزار مش يمكن حد من الاسامي التانيه
دياب....في كل الاحوال يا عامر الاسامي اللي وصلنالها دي هتتجاب لانهم مشتركين في مصايب لكن انا بتكلم علي جريمه القتل نفسها وده راح ناحيه يحي الجزار لان المجني عليه اتكلم عليه كتير شويه وكان خايف منه اوي وحاسس ان الغدر هيجي منه
وطبعا يحي الجزار عليه كلام كتير اوي وكل الشكوك بتروح عليه الراجل ده من حوالي كام سنه اتسجن واتقال عليه كلام كتير جدا اثار ومخدرات ادويه فاسده واللي عرفته كمان ان كان في مشاكل كبيره مع مراته وهي اللي فضحته طبعا بعد وقت مش طويل قدر يطلع من كل ده زي الشعره من العجينه ومحدش قدر يثبت عليه اي حاجه
ليل...بس اللي اعرفه ان يحي الجزار مش متجوز.
دياب...بالظبط ده اللي هو قاله وفعلا اتثبت ان هو متجوزش اصلا وقال ان ده مجرد فخ حد دبرهوله يعني منافسه غير شريفه
عشان كده لسه مش قادرين يثبتوا اي حاجه عليه.
جاسر...بانفعال من غير ما يقصد
كداب يا دياب يحي الجزار هو اللي وراها اكيد يحي الجزار كان متجوز😡
بصوله كلهم بتركيز..
ليل....ولنت ايش عرفك انت اصلا ليك كلام معاه او تعرفه.
دياب...عندك دليل يا جاسر.
حس جاسر بالورطه اللي دخل نفسه فيها.
واتكلم بأرتباك
اااا لا معنديش دليل ومعرفهوش معرفه شخصيه عادي يعني زيي زي ناس كتير بس بردو سمعت عنه كلام كتير وووو كان جاسر بيتكلم بتقطيع وعينه راحه جايه عليهم
ووو بردو سمعت حوار انه كان متجوز واللي عرفته انه كان بيعذب مراته و سمعت كمان ان واقعه القبض عليه تمت في المستشفي بعد ما مراته اتنقلت هناك في حاله وحشه ومسكت الممرضه وهي حاطه المقص علي رقبتها وفضلت تصرخ وتقول انها عايزه الشرطه وفعلا جات الشرطه بس هو كان هرب وبعد اعترافها قدروا يجيبوا واتقبض عليه وقتها
دياب....والكلام ده جبته منين وتعرف اسم المستشفي اللي حصل فيها كده
جاسر....ده كلام سمعته من فتره ومركزتش فيه اوي
ليل...انا اول مره اسمع الكلام ده ايه بقت تسمع من ورانا ولا ايه😒
جاسر.....عادي والله ده مجرد كلام سمعته ومش فاكر كان من مين اوي بس لما دياب قال اسمه الوقت حبيت اقول اللي اعرفه يمكن يفيده بحاجه.
بص عامر لجاسر بتركيز وفضل ساكت جاسر كان حاسس بيه وبقي يتهرب منه بعينه
دياب....بص هو لو عالكلام يا جاسر فا هو واللي اتذكر اساميهم حواليهم كلام كتير اوي بس لو فعلا حابب تساعدني بجد لو عارف حاجه قولها.
جاسر...بارتباك في ايه يا جدع يعني هبقي عارف حاجه وساكت مانا لما جه اسمه قولتلك اللي اعرفه ولو في ايدي حاجه هقولهالك.
دياب....ماشي بس لو فعلا حابب تساعدني معلومه المستشفي دي ومراته هتفيدني كتير لو اثبتنا انه فعلا كان متجوز وحصل كل ده هنقدر نجيبه لو المستشفي نفسها انت تعرف اسمها هتفيدني اكتر.
جاسر...انا مش فاكر اوي يا دياب المعلومه دي كانت من فتره طويله ويمكن كان في كلام اكتر وانا مش متذكر منه غير اللي قولته
دياب...خلاص يبقي حاول تفتكر كده مع نفسك يمكن تقدر توصل لحاجه تفيدني خصوصا اسم المستشفي.
هز جاسر راسه وسكت وطلع سجاره وحاول يبعد عن نظرات الجميع خصوصا ليل وعامر.
......... ...........
فات يومين من غير اي جديد كلها حاجه مستقره.
جاسر...توتي توتي هتفضلي نايمه كده انا زهقت.
تمارا....بنوم عايز ايه يا جاسر سبني والنبي انام شويه جسمي مكسر وتعبانه خالص شكلي خدت برد
جاسر....برد بردو 😉
تمارا....بضحك بطل قلة ادب يا جاسر.
جاسر....بحب طب يلا بقي بدل انتي عارفه الشيطان هيحضر تاني ومش هرحمك
قامت تمارا لا وعلي ايه 🙈
عايز ايه بقي
جاسر....زهقت من القاعده لوحدي 🙄
تمارا....انت عارف انت الحل ليك ايه ترجع الشغل عشان تسكت شويه.
جاسر....بتقولي فيها انا فعلا مش بحب اقعد من الشغل
تمارا....خلاص هانت يا حبيبي كلها بعد بكره. بقولك ايه طيب تعالي نقوم نخرج او نتمشي في اي مكان انا نفسي اتمشي اوي بجد ونفسي الف كده كتير
جاسر....بحماس طيب يلا قومي خدي شاور وجهزي نفسك وهاتي توتي كمان معانا هخرجكم حتت خروجه.
تمارا...توتي ايه انت بتنصب هي دي الخروجه😭😭
جاسر...ياستي هاتيها بس ملكيش دعوه انا اللي مسؤول عنها.
تمارا...امممم لو رجعت في كلامك هزعلك🤨🤨🔪
جاسر....اتفقنا يا وحش الحته😉😉😘
بعد وقت مش طويل خرج جاسر وتمارا وتيا
راحوا اتغدوا بره وراحوا مع بعض الملاهي اتصوروا كتير وصوروا تيا في الالعاب كانت لسه الدنيا زحمه رابع يوم بعد العيد اتبسطوا جدا وخلصوا وراحوا علي النيل في كافيه قعدوا شويه شافت تمارا المركب فضلت تتحايل عليه يركبوها لحد ما وافق وبعد كده راح ا اشتروا عشا وراحوا السوبر ماركت اشتروا حجات كتير حلوه لتمارا اللي كانت في الوقت ده اصغر من تيا اليوم كان جميل جدا واتبسطوا فيه اوي.
واخيرا قرروا يرجعوا كان الوقت متأخر
جاسر....اتبسطتي ❣️
تمارا....اوي كان يوم تحفه وبجد مبسوطه اننا جبنا تيا هي كمان مبسوطه اوي اينعم هي مش فاهمه اوي بس حساها مبسوطه.
جاسر....قولتلك هاتيها وعلي ضمانتي
تمارا....طيب المهم انت اتبسطت ولا لسه زهقان
جاسر...اتبسطت اوي والله وكفايه ان انتي وتوتي معايا ❣️
تمارا...ربنا يخليك ليا يا حبيبي وميحرمناش منك ابدا❣️
مسك جاسر ايدها باسها بحب❣️ وميحرمنيش منكم ابدا.❣️
..............
عدي يوم كمان كان الكل مقضيه نوم واللي بيجهز لنزول الشغل من تاني وفيه اللي نزل بعد العيد علي طول كل واحد كان في دنيته.
......
عند روكا وعامر.
عامر....تروح ابه بس ياراجل يا طيب انت زهقت مننا ولا ايه.
روكا...بزعل خليك معانا متمشيش
زكريا....اني مجدرش ازهج منيكم ابدا بس اديني جاعد اهو من اخر عشر ايام في رمضان والعيد كمان خلص ارچع بجي الصعيد وانتوا شوفوا أشغالكم يا حبايبي كفايه انتي يا بتي تروحي يوم وتجعدي يومين.
روكا...كلام ايه ده بس انا قاعده معاك عشان انا ممشيه الشغل كويس في الشركه وبتابع معاهم اول بأول وبعدين لو في حاجه مهمه ما انا بسيبك مع ليان وبخرج يعني انت مش معطلني ولا حاجه.
عامر...وبعدين يا راجل يا طيب ده انا مش برتاح غير وانت معاهم ببقي رايح الشغل ومطمن عليهم اكتر.
زكريا...عارف والله يا ولدي بس عشان خاطري سيبوني علي راحتي ارچع شويه وهچيلكم تاني يعني اني هجدر ابعد عنيكم
اروح بس شويه
عامر....طيب ياسيدي مش هضغط عليك بس اعمل حسابك هتروح كام يوم وهتلاقيني من غير ما اقولك ناطت في الصعيد وهاجي اخدك عشان ومتقدرش تهرب مني
زكريا...وعلي ايه الشحططه يا ابني ما هلاص السواج بتاعي عرف المكان ياچي هو ياخدني
عامر...علي اساس اني لو قولتلك تعالي هتيجي انا لازم اجي بنفسي عشان متقدرش تقول لا.
زكريا....لا يولدي صدجني اني كل ما اكون جادر هتلاجيني بكلكم وبجولك اني چاي وعموما اني كلمته وهو بكره الصبح هيكون إهنه عشان يوصلني
عامر...طيب انا هوصلك.
زكريا...ياولدي متتعبنيش انزل شغلك وملكش صالح بيا مشوار الصعيد طويل وتصيع وجتك شوف حالك و خلي الموضوع بسيط عشان يبجاش تجيل علي حد فينا.
روكا....خلاص يا عامر سيبه براحته عشان ميحسش كمان انه متقيد.
زكريا...مش مسأله تجييد يا بتي بس اني اللي مش عايز اجيد حد فيكم اللي يعرف يعمل حاچه يعملها.
عامر...ماشي ياراجل طيب معلش بقي انا هستأذن منك كده ساعتين رايح مشوار شغل وهرجع تاني عشان نسهر سوا قبل ما تمشي بكره.
زكريا....طبعا يا ولدي شوف مصلحتك واني مستنيك
................
خرج عامر بعد ما اتفق مع جاسر انه يقابله.
وبعد وقت بسيط اتقابل هو وجاسر في كافيه بعد السلام والمناقره اللي مش بتخلص طلبوا قهوتهم.
عامر....ها قولي بقي فيك ايه
جاسر...نعممم يا اخويا 🤨 انت متصل بيا قولتلي عايزك في موضوع.
عشان تيجي هنا و تسألني
فيا ايه😒
عامر...بضحك ما انا لو كنت سألتك في الموبايل مكنتش هترد عليا.
جاسر....مش لما اعرف تقصد ايه عشان اقولك كنت هرد ولا لأ.
عامر....طب بص يا جدع انت انا راجل دوغري وهقولك علي طول
بص هو مجرد احساس ومتحاولش تحور عليا انا راحل ابن سوق وتقدر تقول اني حياتي كلها في الشارع.
جاسر....صدقني هرد عليك بصراحه.
عامر.....انت خبيت حاجه علي دياب بخصوص يحي الجزار .
بصله جاسر ثواني وبعدين بعد وشه الناحيه التانيه وخد نفس طويل من السيجاره حط ايده علي التربيزه وهو بيدور السيجاره حوالين ايده ورجع بص لعامر.
جاسر.....وانت بقي جاي تستفسر بدافع الفضول ولا دياب اللي قالك تسألني ولا ليل اصلي حاسس ان ليل كمان عايز يسألني من وقتها
عامر...اولا انا مفيش حد باعتني ولو حد باعتني كنت بردو هاجي اقولك وانا لا ليا علاقه بدياب ولا حتي ليل واظن ان لو ليل حابب يسألك علي حاجه مش هيجيلي انا ممكن يخلي نوح يخلي ادم لكن مش انا وبردو الحوار مش فضول يا جاسر قد ماهو اعتبره خوف عليك مش اكتر.
جاسر...خوف عليا من مين.
عامر...يحي الجزار انا كمان عارف انه مش تمام وبعد اللي قاله دياب ده فاهو خطر وبصراحه خايف تكون ليك علاقه بيه من قريب او بعيد
جاسر....خالص مليش علاقه بيه.
عامر....امال جبت المعلومات دي عنه انا دخلت احاول اعرف معلومات عاديه عنه عالنت مفيش اي خبر نازل عنه وبعدين انت مكنتش شايف ارتباكك ولا ايه
سكت جاسر شويه.
عامر....سكوتك ده بيأكد انك جواك حاجه يا جاسر مخبيها وده بيقلقني اكتر بص يا صاحبي انت اكيد عارف غلاوتك عندي وصدقني انا مش حابب اعرف عشان فضول بس لو تعرف اي حاجه قولها لو عندك مشكله او اي حاجه عالاقل عرف دياب ومتقلقنيش يا صاحبي.
جاسر....بلاش كلامك ده يا صاحبي انت عارف انا بحبك قد ايه ومش انت بس انت والشباب انا هقولك يا عامر مش عشان اريحك لا عشان انا حابب اتكلم وارتاح وزي ما قولتلك كلكم غاليين عندي بس مش هقدر اعرف اي حد ومش هقولك اللي قوله ده خليه بيني وبينك لاني عارف عامر كويس.
عامر....اطمن يا جاسر اعتبر انك بتكلم نفسك.
بدأ عامر يحكيله علي كل حاجه حصلت من بدايه ما شاف امينه لحد ما نزلت هنا وشافت يحي الجزار..
عامر....بصدمه كنت متأكد ان في حاجه ورا امينه دي بس عمري ما تخيلت ان يكون وراها حاجه كبيره كده.
جاسر...بحزن ولا انا ياعامر تخيل تدور علي حد غالي عندك ويختفي 14 سنه وانت فاكر انه نسيكم وعاش حياته ويطلع هو في ضيقه ومشكله كبيره ومحدش حاسس بيه.
عامر...بحزن طيب هي اكيد نفسيا مش تمام لسه.
جاسر...امينه اتعالجت سنتين نفسيا بس هي لحد الوقت مش مظبوطه خالص يا عامر وخصوصا من اخر مره شافت فيها يحي الجزار مع موضوع تعبها اللي مدمر نفسيتها امينه بتروح يا جاسر وانا نفسي اعملها حاجه ومش عارف انا مش عارف ليه قولتلك بس حقيقي نفسي اتكلم من يوم ما جبتها هنا وخدتلها الشقه ومحدش غيرك يعرف اي حاجه عنها وفي نفس الوقت حاسس اني مينفعش اخبي خصوصا علي تمارا.
جاسر....اولا بعيدا عن كل ده خلينا في جزء يحي الجزار انت لازم تعرف دياب وتعرفه اسم المستشفي وتفهمه كل حاجه صدقني يمكن يفرق في نفسيه امينه لما تحس انك قدرت تنتقملها منه.
جاسر...فكرت في كده خايف متوافقش من كتر خوفها منه وبرده دياب انت عارف شغله كله تحقيق واسأله وانا مش حابب اعرضها لضغط صدقني هي نفسيتها بايظه قوق ما تتخيل.
عامر....يبقي هتقول كل ده لدياب وهتقوله ان اي مهلومه عايزها هتكون عن طريقك ومتخليهمش يتقابلوا ببعض خالص كله هيبقي عن طريقكوبردو هتعرفه ان وجود امينه هنا محدش يعرف عنه حاجه وانك مخبي عن تمارا فا بالتالي مش حابب يحصل مشكله او زعل فهمتني.
جاسر...فهمتك انا الاول هعرف امينه ويارب توافق وبعدها هكلم دياب واتمني كل حاجه تمشي زي ما احنا عايزين.
عامر...هتمشي بس لازم في اسرع وقت....سكت عامر شويه وبصله بس قولي يا جاسر هو ده اخر اللي بينك وبين امينه.
سكت جاسر شويه وبعد كده بصله بهدوء صدقني امينه كانت صديقه غاليه جدا و اختفائها كان قالقني ولما رجعت وحكتلي حبيت اساعدها مش اكتر.
عامر....بابتسامه هصدقك يا صاحبي.
قعدوا شويه مع بعض وبعد كده خرجوا من الكافيه عشان يرجعوا بيتهم راح كل واحد فيهم علي عربيته فضل جاسر واقف قدام باب العربيه وكأنه عايز يقول حاجه.
بص علي عامر اللي كان ركب عربيته دورها لكن فضل واقف باصصله لمح جاسر رايح عليه ولف فتح باب العربيه دخل وقعد وفضل باصص قدامه بصله عامر من غير ولا كلمه حاسس انه عايز يقول حاجه.
جاسر....امينه كانت اول حد حبه في حياتي كنت عايز اعترفلها بس كنت مستني اخلص اخر سنه لكن هي اختفت تعب اوي عشانها هايدي كانت مجرد مسكت يخليني انساها ومفرقتش معايا لما سبتها وودتها في داهيه وبعدها حبيت تمارا واتجوزنا لما امينه رجعت يوم ما شافت يحي الجزار كانت منهاره وفي وسط كلامها اعترفت بحبها ليا وانا اعترفتلها بحبي يا عامر ومش بس كده عرضت عليها الجواز
كنت عايز اعمل اي حاجه تخليها مبسوطه امينه تعبانه اوي و دي اخر ايام ليها في الدنيا انا خدت ورق الاشعات والتحاليل وعرضتهم بنفسي الفتره اللي فاتت علي كذا دكتور والدكاتره عرضوها علي دكاتره بره مصر ونفس الكلام كلها شهور وامينه متبقاش موجوده نزلت دموع جاسر غصب عنه مسحها بسرعه وكمل كلام وكل ده عامر مركز مصدوم لكن مضطر يسمعه.
جاسر...اتجوزنا تاني يوم رمضان يعني تقريبا بقالنا شهر هي مش بتتنقل من البيت حتي الشغل خايفه تروح بشوفها كل يوم ساعه او اتنين لاني مقدرش ابات معاها وهي عارفه ده كويس وبالنسبالها حتي لو هتشوفني من علي الباب وامشي عادي انا عارف انك هتشوفني غلطان بصله جاسر بدموع بس غصب عني يا صاحبي
مقدرتش اشوف اللي كنت بحبها في وسط كل ده ومحاولش اسعدها بأي طريقه انا مش راجل خاين ياعامر ولا انا الجواز واللف طبعي يمكن كام قبل الجواز لكن صدقني مقدرتش لقيت نفسي بطلب اننا نتجوز
عامر....انا مش هقدر الومك ولا اعاتبك وانت في حالتك دي بس هسألك سؤال انت اتجوزتها حب ولا شفقه عشان مرضها.
جاسر....صدقني انا نفسي مش عارف بس انا حبيت امينه زمان بجد ولما شوفتها فرحت اوي بس لما عرفت اللي هي مرت بيه ولما شوفت خوفها ولما شوفت احتياجها لحد بعد هاشم النجار ولما عرفت عن مرضها وانها فاضلها ايام مقدرتش وحسيت ان هي لسه ليها مكان جوايا معرفتش اسيبها.
عامر...طيب وتمارا ياجاسر؟
جاسر....مينفعش اقارنهم ببعض صدقني تمارا دي اهم جزء في حياتي مقدرش اتخيل انها مش موجوده مش تعود لا بس انا روحي متعلقه بيها تمارا دي هي كمان حب حياتي.💔
عامر....عايز تقنعني انك بتحب اتنين يا جاسر؟
جاسر....والله العظيم ياعامر الاتنين جوايا امينه حب قديم رجع من تاني وتمارا هي الحياه يمكن لو كانت امينه رجعت ومفيش حواليها كل المشاكل دي ولا التعب كنت هبقي عادي هي اتجوزت وعاشت حياتها وانا كمان كان هيبقي اخري ابتسامه لذكري بينا زمان جات علي بالي بس لما شوفت اللي هي فيه مقدرتش.
عامر....طيب وناوي علي ايه.
جاسر...امينه موجوده في حياتي بشكل مؤقت ربنا بس اللي عالم هو قد ايه عشان كده مش عايز اعرف اي حد.
عامر....طيب مسألتش نفسك يا جاسر لو ربنا غير القدر وامينه عاشت وكملت هتعمل ايه.
جاسر ...بتفكير لا مسألتش انا اهم حاجه عندي تمارا متعرفش ولا تحس عشان لو عرفت هتتجرح اوي مقدرتش اخمن رد فعلها لكن اللي فارق معايا وجعها.
عامر....بحزن وتنهيده طويله بص يا جاسر خلينا الوقت في اهم جزء وهو يحي الجزار اخلص منه وطمنها واي حاجه تانيه خلاص هي حصلت اللي جاي بعد كده ربنا واحده اللي يعلمه المهم اوعي تخلي تمارا تحس بلاش توجعها يا صاحبي انت اكتر حد عارف ظروفها وعارف ان الموضوع ده بالنسبالها هيكون حساس اوي انت فاهمني.
جاسر...فاهمك عشان كده مش عيزها تعرف ابدا.
.............
بعد مقابله عامر وجاسر اقنع جاسر امينه بكلام عامر وافقت لكن كانت خايفه جدا بعدها جاسر قابل دياب وحكاله علي كل حاجه تخص يحي الجزار.
دياب كان مصدوم لكن مكان المستشفي واللي حصل فيها كان دليل حاول دياب يقنعه بضروره مقابله امينه لكن جاسر فهمه انها رافضه وطلب منه ميضغطش عليه واي معلومه هيحتاجها هيجيبهاله منها وفعلا بدأ دياب تحرياته واشتغل علي القضيه بمجهود جبار كل المعلومات اللي كانت امينه بتبعتهاله كانت بتساعده جدا وبعد حوالي شهر تم القبض علي يحي الجزار هو وباقي المتهمين وقدر دياب يثبت كل التهم اللي تودي يحي الجزار في داهيه وكانت صدمه امينه لما عرفت ان جوازها من يحي الجزار عشر سنين كان جواز باطل لان باختصار اللي مان موجود يوم كتب كتابها مكانش مأذون كان واحد تبع يحي الجزار .
علي قد فرحه امينه انها المرادي خلصت من كابوس يحي الجزار الي الابد لكن كانت حزينه ان حتي جوازها منه طلع كدبه وعاشت معاه في الحرام عشر سنين اكتئبت وتعبت اكتر حاول جاسر يخرجها من كل الوجع ده وخدها الازهر عشان تسمع بنفسها من رجال الدين ان هي مش مسؤوله قدام ربنا علي اللي حصل وفعلا ارتاحت شويه.
وبسببها اترقي دياب بعد وقوع كل رجال الاعمال المعروفين وكان الفضل لامينه من غير ما تحس.
مر حوالي خمس شهور كمان.
حاله امينه كل يوم كانت بتتدهور جاسر كان جايبلها ممرضه مقيمه معاها عشان ميقدرش يقعد هو والسر فضل محدش يعرف عنه اي حاجه غير عامر ...
طول الوقت جاسر بيحاول يسعد تمارا بكل الاشكال وتمارا علاقتها بيه كل يوم تقوي اكتر من اللي قبله ..اما عن جاسر وامينه كان بينهم حب صادق جاسر طول الوقت بيحاول يسعدها علي قد ما يقدر رغم وجعه عليها وهي كل يوم بتتبدل وبدأ شعرها يقع من الكيماوي وحالتها تسوء لكن كلن بيحاول يسعدها ويسعد تمارا ويبين انه عادي جدا.
عامر...كان مشفق عليه لكن مكانش في ايده حاجه غير انه يحفظ السر ويبقي معاه لو احتاجه.
احداث كتير حصلت اغلبها كان جميل وأجملهم هو❣️
عامر....في ايه بس يا حبيبتي قوليلي مالك
روكا....مش عارفه يا عامر هموت خلاص
عامر...بقالك يومين بترجعي يا روكا قولتلك نروح لدكتور قولتيلي عندك علاج للبرد ولسه زي ما انتي بقولك ايه انتي حالا هتلبسي ونروح للدكتور.
روكا...مش قادره والله استني حتي اتحسن شويه.
عامر...انا لا هستني ولا حاجه انا هتصل بالدكتور يجيلك.
وقت بسيط عدي وكان الدكتور موجود بيكشف علي روكا وبعد الكشف.
عامر...خير يا دكتور مالها.
الدكتور...بابتسامه خير ان شاء الله هي اول مره تكشف
عامر....هي تعبت من كام يوم بس كانت بتاخد علاج للبرد بتاع معدتها ومتحسنتش عشان كده اتصلت بحضرتك.
الدكتور....كنت متأكد عموما هي مش محتاجه علاج للمعده خالص
عامر...امال ايه
روكا....هو انا فيا حاجه يا دكتور.
الدكتور....اه فيكي
بصتله روكا وعامر برعب.
ابتسم الدكتور...فيكي بيبي شكله كده طالع شقي وهيتعبكم معاه
روكا وعامر 😳😳😳
عامر...بتقول ايه يا دكتور روكا حامل حضرتك بتهزر صح.
نزلت دموع روكا بالله عليك لو ده مجرد شك متقولهوش انا معنديش استعداد افرح وارجع اتصدم.
الدكتور...والله العظيم ابدا انتي حامل وواضح انك حامل من فتره كمان بس طبعا التحليل اللي هيعرفنا انتي حامل في قد ايه.
حطت روكا ايدها علي وشها وانهارت من العياط حضنها عامر وهو دموعه نازله ومبتسم
الحمد لله يارب الحمد لله.
الدكتور...بفرحه الف مبروك يارب تطمن عليها انا كتبتلكم كام تحليل ياريت تعملوهم عشان الصوره تكون واضحه.
عامر...هنعمل كل حاجه الوقت حالا وبليل هنك ن عندك بالبنتيجه.
الدكتور ...وانا هستناكم استأذن انا بقي
عامر...اتفضل يادكتور نزل عامر معاه جري وصله ورجع لروكا شالها من علي الارض وهب مش راضيه تبطل عياط ومش مصدقه
ليان....روكا بتعيط ليه يا عامر🥺
عامر...بحب وطي شالها قولي لروكا مبروك عشان هي هتجيب بيبي
ليان...بفرحه بجد يعني هيبقي معانا علي طول ياعامر
عامر...ايوه يا قلب عامر يا وش الخير يا احلي هديه حصلت في حياتنا❣️
.......
خرج عامر وروكا راحوا عملوا التحاليل واتأكدوا من الحمل فعلا وطلعت روكا حامل في شهر ونص. اول حاجه عملتها اتصلت بصفيه اللي انهارت من العياط هي وساره وكانوا طايرين من الفرحه وقرررت تسافر وتروحلها
لفت روكا وعامر علي الكل وعرفوهم الخبر محدش كان مصدق لكن فرحتهم كانت كبيره اوي عشانهم.
حتي سيلا كانت طايره من السعاده رغم انها بدأت تخاف من التأخير.❣️
يوم ورا يوم ورا يوم بيعدي
سيلا بتتابع ديما كلام الدكتوره يطمن لكن تعبت من الانتظار.
في يوم كان البنات كلهم في الدار
عشق كانت واقفه مع سيلا.
عشق....مالك يا سيلا.
سيلا....مفيش يا قلبي انا بخير بصتلها سيلا شويه وضحكت عايزه تقولي ايه يا عشق.🥰
عشق...بأبتسامه حب انا واثقه في ربنا انه قريب اوي هيفرح قلبك وتبقي احلي مامي في الدنيا
سيلا....يارب يا عشق.
عشق...بس كمان لازم تعرفي حاجه مهمه يا سيلا اللي انتي فيه ده درس قوي لازم تفهميه ربنا عمره ما ظلم بني ادم طول عمره عادل لما كان مأجل الحمل علي روكا مكانش بيظلمها بالعكس كان لسه شايف ان روكا محتاجه وقت ولسه في محطات في حياتها لازم تمشيها انتي قررتي انك تمنعي نفسك عشانها بس اللي انتي متعرفيهوش ان ده كأنه أعتراض علي حكمه ربنا وربنا ياسيلا عمره ما بيتعاند بطلتي منع الحمل ولسه محملتيش وروكا حملت وكأن الادوار بتتبدل معني كلامي مش ان ربنا مش راضي عنك بس خلينا نقول انه بيقرص ودنك شويه عشان بعد كده تتعلمي الدرس فهمتي حاجه.
ابتسمت سيلا بهدوء فهمته ياعشق واتعلمت واهم حاجه اتعلمتها ان ديما تأخير ربنا هو خير لينا احنا منعرفهوش. ومينفعش نعترض ابدا.
عشق...بحب باستها براڤو عليكي الوقت بقي هنصلي كتير وندعي ونستني عوض ربنا اللي اكيد هياخد الجزء الحلو اللي كان جواكي من ناحيه روكا ويجازيكي عليه وهتبقي احلي مامي في الدنيا.
سيلا....بأمل انا بحبك اوي❣️
عشق...وانا بموت فيكي❣️
وللحديث بقيه.....