ခွန်တို့မိသားစု မိုးကုတ်မြို့အိမ်တော်ကိုရောက်တော့ ခွန့်မာမားက မျက်ရည်တွေဝဲပြီး ငိုနေပြီ..ပါပါးကမာမားကိုဖက်ထားရင်း
"ငိုမနေနဲ့တော့.မင်းငိုနေရင်မင်းအကိုကြီးလည်းစိတ်ကောင်းမှာမဟုတ်ဘူး..မင်းရဲ့အကိုကြီးဆီဝင်တွေ့ကြတာပေါ့"
"မာမား..သားတို့ဘဘရဲ့အခန်းထဲမှာ..ဘဘကိုသွားတွေ့ကြတာပေါ့.."
ခွန်လည်းဘဘရဲ့အခန်းကိုဝင်လိုက်တော့...ဘဘကအိပ်ယာထဲမှာလှဲနေတယ်
"ဘဘ..သားတို့လာတယ်.မာမားလည်းပါလာတယ်" လို့ပြောလိုက်တော့..သူရဲ့ညီမကိုမျက်ရည်တွေနဲ့လှမ်းကြည့်နေရင်း ငိုနေတယ်
"အကိုကြီးရယ်..ညီမလေးတောင်းပန်ပါတယ်..အဖေနဲ့အကိုကြီးကိုအထင်လွဲခဲ့မိတယ်ညီမလေးတို့နဲ့ရန်ကုန်ကိုလိုက်ခဲ့ပါနော်..အကိုကြီးကိုပြုစုပေးချင်လို့ပါ"
"ဘဘရယ်..သားတို့နဲ့လိုက်ခဲ့ပါနော်...ကိုကိုစစ်မင်းမဆုံးခင်အချိန်က..ဘဘကိုစောင့်ရှောက်ပေးပါလို့သားကိုမှာသွားတယ် ဘဘနေကောင်းတဲ့အထိသားတို့စောင့်ရှောက်ပေးပါရစေ"လို့ပြောလိုက်တော့
ဘဘက "ငါနေကောင်းတယ်...ငါနေမကောင်းဘူးလို့ပြောမှ..မင်းအမေမာနခဲကဒီအိမ်တော်ကိုပြန်လာမှာ.မို့လို့..ငါနဲ့အိမ်တော်ထိန်း ကိုစိုင်းခမ်းသီနဲ့ပေါင်းပြီး..ငါနေမကောင်းဘူးလို့ပြောခိုင်းလိုက်တာ"ဆိုပြီး..အိပ်ယာထဲကထ လာပြီး..မာမားကို
"နင်တော်တော်နေနိုင်တယ်နော်..အဖေဆုံးတော့လည်းပြန်မလာဘူး..ဒီအိမ်တော်အရိပ်တောင်..မနင်းနဲ့လို့အဖေပြောလိုက်တဲ့စကားကြောင့်...နင်ကဒီအိမ်တော်..အရိပ်တောင်..မနင်းခဲ့ဘူး..အဖေကတော့..နင်တို့ကိုအဲ့လိုပြောပြီးတဲ့နေ့ကစပြီး..ဆုံးတဲ့အချိန်အထိ..နင်တို့အကြောင်းတွေပဲပြောနေခဲ့တာဟ"လို့ဘဘကမာမားကိုဖက်ပြီးငိုနေတယ်
"ညီမလေးမှားပါပြီ...အဖေ့ကိုလည်းစိတ်ဆိုပြီး..အဖေဆုံးတော့ပြန်မလာခဲ့မိဘူး...အဖေဂေ..အဖေ့သမီး..မြသွေးမောင်..အဖေ့အိမ်တော်ကိုအဖေဆုံးပြီးမှပြန်လာခဲ့တဲ့အတွက်ခွင့်လွှတ်ပါ"
မာမားတို့မောင်နှမနှစ်ယောက်ကိုကြည့်ပြီး ခွန်ရယ်..ပါပါးရယ်..မမ ရယ် ကတော့...တစ်ယောက်နဲ့တစ်ယောက်..မျက်စပစ်ပြီး..အခန်းအပြင်ပြန်ထွက်လာခဲ့တယ်
ဧည့်ခန်းထဲရောက်တော့..အိမ်တော်ထိန်းဦးကြီးက
"သခင်လေးခွန်နန္ဒမောင်...သခင်လေးဘဘကို..သခင်လေးတို့အိမ်ကိုခေါ်သွားပြီးဆေးကုပေးလိုက်ပါလား..သခင်ကြီးအခုတလော..သွေးလည်းခဏခဏတိုးတယ်..ပစ္စည်းတွေလည်းခဏခဏလွတ်ကျတယ် "
"ဟုတ်..ဦးကြီး...ဟိုမှာ..မာမားနဲ့ဘဘလာကြပြီ"
"သားသား..ဘဘကို..မင်းရဲ့ဇနီးနဲ့မိတ်ဆက်ပေးအုံးလေ" ဘဘကပြောလိုက်တော့
"မင်္ဂလာပါ အန်ကယ်လ်...သမီးနာမည်က..စုလဲ့နှင်းပါ...ခွန်နန္ဒမောင်ရဲ့ဇနီးပါ"
"အန်ကယ်လ်ကတော့..ခွန်စစ်မင်းပါ..တွေ့ရတာဝမ်းသာပါတယ်..သမီး"
မမတို့နှစ်ယောက်မိတ်ဆက်ပြီးတော့...
"ဘဘ..သားတို့မနက်ဖြန်..ရန်ကုန်ပြန်ရင်..လိုက်ခဲ့ပါလား...ဘဘရဲ့ရန်ကုန်ကအိမ်မှာမနေနဲ့..သားတို့အိမ်မှာလာနေ"
"ဟုတ်တယ်..အကိုကြီး..ညီမလေးတို့နဲ့လိုက်နေ..ဆေးရုံမှာ..အကိုကြီးကိုmedical check upလုပ်ပေးမယ်"
"အဲဒါဆိုလည်း..လိုက်နေကြတာပေါ့..အခုတော့.အဖေ့အုတ်ဂူဆီသွားကန်တော့ကြတာပေါ့"
ခွန်တို့လည်းဖိုးဖိုးအုတ်ဂူဆီသွားကန်တော့ပြီး..နောက်နေ့ဘဘနဲ့အတူတူ.ရန်ကုန်ပြန်လာခဲ့တယ်
.........................
ကုမ္ပဏီသွားဖို့ပြင်ဆင်ပြီး..မနက်စာစားကြတော့
"သားသား...ဘဘရဲ့ရှယ်ယာတွေသားသားနာမည်နဲ့ပြောင်းပေးမလို့...ဘဘကုမ္ပဏီအလုပ်တွေမလုပ်ချင်တော့ဘူး"
"အကိုကြီးကို ကျွန်တော်တစ်ခုလောက်မေးချင်လို့"
"ဘာများလဲ..မေးလေ"
"သားသားကို..သန်လျင်ကဆောက်လုပ်ရေးဆိုဒ်ထဲမှာ...ဆေးခတ်လိုက်တာ..အကိုကြီးခိုင်းတာလား"
"ဘာကွ..ငါကငါ့တူကိုအဲ့လိုလုပ်ပါ့မလား...သားသားဆေးခတ်ခံရတာလဲ..ငါမသိဘူးကွ"
"ဟင်..အဲဒါဆိုဘယ်လိုဖြစ်တာလဲ..ဘယ်သူများလဲ"
"သားသား...မင်းသတိလေးနဲ့နေနော်...ကုမ္ပဏီမှာ မင်းကိုလုပ်ကြံချင်တဲ့သူတွေရှိတယ် ဘဘနဲ့သားပါပါးစုံစမ်းအုံးမယ်"
"ဟုတ်ကဲ့ပါ..သားသတိနဲ့နေပါ့မယ်"
"ဘဘနဲ့ပါပါးတို့ပြောတာ..ကြားလားမောင်..သတိနဲ့နေနော်"
"ဟုတ်ပါပြီဗျ ..စားလို့ဝပြီဆိုတော့..အခန်းထဲမှာ...ကုမ္ပဏီသွားဖို့..အိတ်သွားယူလိုက်အုံးမယ်"
ခွန် ထသွားတော့..ခွန့်နောက်ကနေ မမ လိုက်လာပြီး "မောင်...ကားမောင်းရင်လည်းသတိနဲ့မောင်းနော်...မောင့်ကိုစိတ်မချဘူး"
ခွန်လည်းနောက်ကနေ..စကားတွေတဖွဖွပြောနေတဲ့ မမရဲ့နှုတ်ခမ်းကိုနမ်းလိုက်ပြီး..
"ကဲ မောင့်မဟေသီလေးရေ...ညနေမှပြောတော့...အခုတော့..မောင်သွားတော့မယ်"
.............
ကုမ္ပဏီကိုရောက်တော့..ကုမ္ပဏီရှယ်ယာရှင်အစည်းအဝေး၌ခွန့်ပါပါးက
"ကျွန်တော့်ရဲ့ရှယ်ယာတွေ..အားလုံးMDကိုလွှဲပေးထါးပါတယ်..ဒုဥက္ကဌရဲ့ရှယ်ယာတွေကိုလည်း..MDကိုပဲလွှဲထားပါတယ်..ကျွန်တော်နဲ့ဒုဥက္ကဌကို..ရာထူးကနှုတ်ထွက်ခွင့်ပြုပြီး...ရှယ်ယာအများဆုံးဖြစ်တဲ့...MDကို..ဥက္ကဋ္ဌအသစ်..တင်မြှောက်ပေးပါလို့.ကျွန်တော်မေတ္တာရပ်ခံပါတယ်" လို့ပါပါးကပြောလိုက်တော့
ကုမ္ပဏီရဲ့ရှယ်ယာရှင်တစ်ဦးဖြစ်တဲ့..ခွန့်လေးလေးဦးထွဋ်ခေါင်က
"ဥက္ကဋ္ဌကြီးရဲ့စကားကို..ကျွန်တော်လက်မခံနိုင်ပါဘူး...ငယ်ရွယ်ပြီးအတွေ့အကြုံမရှိတဲ့..MDကို..ဥက္ကဋ္ဌအသစ်ခန့်ဖို့က..ကျွန်တော်တို့ရှယ်ယာရှင်တွေအနေနဲ့သဘောမတူနိုင်ပါဘူး"လို့ပြောလိုက်တော့...
ကုမ္ပဏီအဖွဲ့ဝင်တစ်ဦးက
"MDထက်စာရင်..အတွေ့အကြုံရှိတဲ့..ဦးထွဋ်ခေါင်ကိုပဲ...ဥက္ကဋ္ဌအသစ်တင်မြှောက်စေချင်ပါတယ်" လို့ပြောလိုက်တော့..လေးလေးရဲ့မျက်နှာမှာက..အောင်နိုင်သူတစ်ယောက်လိုအပြုံးမျိုးနဲ့ခွန့်ကိုကြည့်နေပြီး...
တခြားအဖွဲ့ဝင်တွေက..
"ကျွန်တော်တို့ကတော့...MDကိုပဲ..ဥက္ကဌအသစ်ခန့်စေချင်ပါတယ်"
"ကျွန်တော်လည်း..MDကိုပဲ..ဥက္ကဌအသစ်ခန့်ဖို့သဘောတူပါတယ်"
ပါပါးက "အားလုံးပဲ..ဥက္ကဌအသစ်တင်မြှောက်ဖို့ကို..နောက်တစ်ပတ်ရှယ်ယာရှင်အစည်းအဝေးမှာ..ဆုံးဖြတ်ကြတာပေါ့" လို့ပြောပြီး ပါပါးကဒေါသထွက်နေတဲ့မျက်နှာနဲ့ထွက်သွားတယ်
.................
ခွန်တို့ကုမ္ပဏီကနေ..အိမ်ပြန်ရောက်တော့..ဘဘနဲ့ပါပါးစကားများနေကြတယ်
"ဟေ့ကောင်.မင်းနန္ဒ..မင်းညီကဘာအချိုးချိုးတာလဲ.ရှယ်ယာလေးနည်းနည်ပိုင်တာနဲ့.ကိုယ့်တူတစ်ယောက်လုံးကိုပြိုင်ချင်တဲ့သဘောလား"
"ကျွန်တော်တောင်းပန်ပါတယ်..အကိုကြီး..သူ့မှာအဲ့လိုလောဘရှိမှန်းမသိလို့..ကျွန်တော့်ရှယ်ယာလေးနည်းနည်းလွှဲပေးမိတာပါ"
"အခုဘာဆက်လုပ်ကြမှာလဲ...ငါကငါ့ရှယ်ယာတွေအကုန်လုံးကို..ငါ့ရဲ့သွေးသားဖြစ်တဲ့ငါ့တူကို..ငါလွှဲပေးမှာ..မင်းက..မင်းညီကိုလွှဲပေးရင်လွှဲပေးပေါ့" ပါပါးတို့စကားများနေကြတာ..အကျယ်ကြီးပဲ..မာမားရောက်လာပြီး
"ဘာတွေဖြစ်နေကြတာလဲ...အော်ကြီးဟစ်ကျယ်တွေနဲ့" ဆိုတော့..ဘဘက
"နင့်ယောက်ျားရဲ့ညီက..ရှယ်ယာလေးနည်းနည်းပိုင်ပြီး...ဥက္ကဌနေရာကိုလိုချင်နေတယ် သားသားကဥက္ကဌအသစ်နေရာကိုရဖို့အတွေ့အကြုံမရှိဘူးတဲ့"
"သူကကုမ္ပဏီရှယ်ယာဘယ်က ရတာလဲ"
...................................................................