رواية "هل كانَ حُلماً...؟
(العِراق_المُصغَر)
بقلمي... نورس _قاسم"
________________
لتنسون التصويت والمتابعه
+كࢪزاياتي علقو ؏ كل فقࢪه بالقصه خلي تصعد...
_______________
:- هو وكع من الدرج لاخر اربع درجات يلا لحكت الزمه
وعلى صوتي الكل التمو شفته مغمى عليه
داكعده حسيت على رشاش وهو يشيله ويركض بيه كمت وكفت بصدمه شبيه قبل شوي جان بخير باوعت الايدي
رجفت من الخوف و نزلت دموعي وخفت لما شفت الدم على ايدي سمعت صوت ثناء تكول لام حازم :- راح رشاش ما انتظرنا البسي خنروح وراهم
التفتت شفت ام حازم جاي تلف حجابها وهند واكفه يمها وتكوللها.... خلي اجي وياكم
وام حازم تجاوبها... لا يمه ضلي يم خواتج
وافتكار تبجي وتلطم وتصيح... ابني راح مني اخذو وراح شلون ياخذو بدوني غير ياخذني وياه
عمتي كالتلها... البسي خنروح ماوكت البجي يولي
فزيت ع طيبه وهي تلزمني من ايدي باوعتلها واكفه هي وجيلان يباوعن بخوف كالت... شصار يولي فهميني
حره... ما ادري والله جنت فوك شفته دايصعد وجان مبين دايخ ركضت حتى اساعده بس وكع
باوعتلها وكتلها... مالحكت عليه طيبه
جرت نفس كالت... يارب ميطلع بيه شي بجت كالت... يربي دخيلك احميه حمودي امانة اخوي
حضنتها كتلها... ان شاء الله يكون بخير
التفتت شفتهن دايطلعن يرحن للمستشفى كمت صعدت للغرفه واني ارجف وادعيله طلعت ملابسي ونزلت
طيبه دتخابر اسمعها تكوله... اوس ردلي خبر لا تعوفني هجي گلبي حيگف من الخوف
هزت راسها كالت... يارب... وسدته
تقربت منها كتلها... بشريني شطلع عنده
طيبه... عنده تسمم و شكلوله مغذيات
حره... يعني مو شي خطير مو؟
طيبه... الدكتور كال لتخافون... جرت نفس كالت... ان شاء الله يتحسن
حره... يارب
باوعت لملابسي بيها قطرات دم طبيت للحمام سبحت وخليت ملابسي بالغساله وشغلتها
طلعت كعدت ع الدرج البس الحفايات احس حيلي انهد
اني حيل اخاف ع الاطفال وانقهر اذا شفت طفل يبجي مو انوب اشوف دمه ع ايدي وملابسي
طلعت جيلان كالت... بدلي نروح يم مرت بكر وصلت قبل شويه
هزيت راسي بـ لا گتلها... ما اروح اني
جيلان... يا ليش
كتلها بزعل... تعبانه
جيلان... يولو كِلنا زعلانين على حمودي بس ان شاء الله هو بخير
حره... والله مبيا حيل كلش تعبانه خلص روحن انتن واني بالليل اذا اجه رشاش ياخذني الهم
نزلت طيبه من الدرج كالت... يلا يولي بدلي
حره... مبيا حيل
طيبه... عجل نحن مانروح
جيلان كالتلها... لا احلفج بالله خنروح مشتاقتلها
طيبه كالتلها... وهند هم ماتريد تروح.. باوعتلي كالت... خاف اعوفهن ويتعاركن
كمت من الدرج كتلها... يا شسالفه قابل جهال ونتعارك اني راح احاول ادرس شويه بغرفتي
طيبه كالت... ماشي دحكي خاف تردين تجين رمشيلي اگفلج يم الباب و تعاي لبيت بكر خوش لاتخافين مايحجي رشاش هو هاذ قريب من هين
هزيت راسي كتلها... ماشي
بيت بكر بصف بيتنا وحسب كلام رشاش هو هذا بيت واحد بس قسمه ابوه بسبب المشاكل الصارت بين ثناء ومرت بكر لان مرت بكر هم بنت اخوه
صعدت لغرفتي مشطت وطلعت الرياضيات حاولت ادرس مگدرت كل تفكيري يم حمودي صار عندي خمول من الهبطه جريت موبايلي واتصلت على رشاش رفض ورجع اتصل كتله... شلون صار حمودي
كال... احسن
حره... يطلع اليوم مو؟
كال... منتظر الدكتور
حره... يارب يتعافى
كال... امين
حره... والدم هذا شنو
گال... انجرح من المحجر اكيد مع هاذ سويتلو مفراس ومنتظر كلام الدكتور
حره... يما سوده عليه
كال... اعالجو المهم يبقى بخير
حره... ان شاء الله
سد الموبايل واني مددت حسيت نفسي دايخه ضليت افكر الى ان غفيت فزيت ع اصوات برا باوعت دنيا المغرب اسمع صوت افتكار تبجي
كعدت دااشوف شنو السالفه
اندفعت الباب شفت افتكار اجت هدت عليا كفشتني من شعري وكالت... نايمه الكحـ*** نايمه بعد مانومتي ابني بـ المستشفى
دفعتها وضربتها راجدي كتلها... احترمي نفسج واحجي عدل
دفعتني كالت... انتي دفعتيه من الدرج والله اليوم انهيج
اسمع صوت عمتي تصيح جوا تكوللها :-عوفيها يولي لا بالقران اخابر رشاش عليج لايشمرج بالشارع اكعدي واسكتي
رجعت دفعتها كتلها... اهمالج لاتشمريه عليا تمام روحي شوفي شموكله ابنج حتى تسمم
دا احجي انضربت راجدي التفتت لكيتها ثناء
كالت... كحـ*** عبالج ماندري شمرتي الولد من الدرج بس اذا ما اندمج على الساعه
الفكرتي تدفعين الطفل فلا اسمي ثناء
دفعتها كتلها... انتي منو وتضربيني بسيطه والله لاخلي رشاش يهججن
كفشتني افتكار من شعري وجرتني كالت
.. والله ماتبقين دام اذيتي ابني ماتبقين
دفعتها ضربتني ثناء بالكتاب على ظهري دفعتها وكمت اصيح لزمت الموبايل اخذته ثناء وشمرته جرتني من ايدي نزلتني من الدرج واني ادفع بيها كالت... عبالج ماندري بسوالفج غريتي ولزكتي بيه لحد مااخذتي الولد يالسـاقـ*** بس والله اطلعها من عيونج
اني دفعتها ضربتني دفعتها انضربت بباب المطبخ كتلها بصراخ... والله لاطردجن من البيت اثنينجن ولو اني لو انتن
اجت عمتي تركض كالت... هاي شمسويات بالبنيه يالصلفات الا اخلي رشاش يطيح حضجن
افتكار لزمتني من ايدي عضتني صحت ودفعتها وعمتي تصيح عليهن كالتلها... الا اخلي رشاش يطلكج والله صلفه من يوم يومج انه اعلمج
ثناء جرتها كالتلها... انتي فوتي وماعليج لاتتدخلين
دفعتها وهي كوا تمشي لازمه ظهرها وتصيح دفعتها وسدت الباب عليها اني شفتها دفعتها وهي مرا جبيره لو فار دمي رحت عليها صفكتها راجدي دفعتني وضلن يضربن بيا هي وافتكار
جرتني للمخزن دفعتني وقفلت الباب كمت اصيح... افتحن الباب والله انهيجن والله
ضليت اصيح واتوعدلهن وكلت اليوم لو اني لو هن بهالبيت
التفتت شكل المخزن يخوف كلشي قديم بيه خفت خاف تطلعلي حشره او شي شويه وانطفى الضوا
فزيت رحت فتحته من الدكمه ماكو مينفتح كمت اصيح.... فتحن الباب
ماكو جواب كرفصت على نفسي وكمت ابجي واتحلفلهن اسمع صوت افتكار تصيح تكوللها... كلو منج كتلج خلي اتطلك ماقبلتي دحكي شسوت بابني
وثناء تكوللها... ويطبج طوب شتسوين سوي بس من ياخذون ابنج منج لا تلوميني وترجعين تتوسلين
ضلن يتعاركن ووحده تغلط ع الثانيه لحد ما هدأ الجو حسيت بخنكه ودوخه حطيت راسي ع الحايط واسمع افتكار تكوللها وهي تبجي بهستيريه... ما ابقى ما ابقى رايحه لبيت اهلي
وثناء تجاوبها... وتعوفيلها البيت؟
افتكار... لو اجى رشاش ودحك السويتو مايرحمني
ثناء كالتلها... وتردين تشمريها عليه انه ماعليه تتحملين مسؤولية السويتي
افتكار جاوبتها... لا تشمرين البلا عليا وحدي وانتي هم ضربتيها
هذا جان اخر شي اسمعه وبعدها كمت ما احس بشي الى ان اغمى عليه فزيت ع صوت رشاش وهو يصيح... منو سوا هيج اليوم احرگ البيت على روسكم
عمتي تحجي بقهر... يمه هاي افتكار الجسره وعمتك دحكو شسون بيا
كاللها... والله لانعل والديهن ووالدين الجابهن عليا هالكـ***اب وجرني
اسمع اوس يكوله... اتأكد من نفسها
واني مابيا افتح عيني حسيت واحد يحط اصابيعه فوك ركبتي يجيك الوعي اتحركت بس مابيا افتح عيني من التعب
حسيته شالني وركض بيا نومني ع السرير فتحت عيوني فزيت ابجي
كال... اسم الله... ولزمني من ايديا
كتله بصوت مبحوح من الصراخ الصرخته :-رشاش وين رحت... وحضنته
... اشش هيدي انه يمج
حره... ماتدري شسوت بيا باوع
رشاش... اطلعها من عيونهن وعيونج
حره... لا تعوفني بعد
رشاش... اششش لتخافين
اسمع اوس يكول... دحجو شمسويات بالبنيه تا من اگِللكم ثيران تصدگوني
ام حازم جاوبته... يروحن فدوا للثيران
اوس... هم صح نعال برجل الثور مايصيرن
رشاش يهدي بيا دار وجهه باوع لهند كاللها بصايح... طيبه وييين؟؟
هند... راحت لبيت بكر
اوس كاللها... شلون تخليهن يسون هيج
ام حازم كالتله... لا يمه والله تعاركت وياهن وكتلت افتكار بس هن جسرات وكحات
اني كلتلها... شوكت شو ماشفتها
ام حازم... ورا ما حبسنج تعاركت وياهن رادت تفتحلج الباب وماقبلن الكـ***اب
حره... لعد وين جانت من ضربني
هند... نايمه بغرفتي عبالي حلم والله
درت وجههي بضوجه رشاش كال... اوس تروح تجيب طيبه بسرعه
گله... صار... وطلع
شالني رشاش وصعدني ليفوك حضنته وابجي كتله واني اشهك... باوع شسون بيا... وكمت اشوفه الاثار
هو حط ايديه الاثنين على خدوي كال :-امسحي دموعج وعيونج لاخليهن يبجن دم على اللي سونه
حضنته وماكدرت ماابجي كتله... حتى لعمتي ضربنها خطيه ثناء دفعتها وقفلت عليها الباب
رشاش... اخ كلو من الكـو***د العايفها هين تسرح وتمرح وكلما اريد اطلگها يسويني ابن كحـ*** بس هينه
فزيت ع صوت الباب وهي تنفتح طبت طيبه ووياها بنيه و جيلان ركضت طيبه حضنتني كالت... شصار يولو
رشاش كاللها... بالله عليج طيبه شلون تعوفيها وحدها وترحين
طيبه... مو ردنا ندحك مرت بكر لان وحدها خطيه شصار يولي سوده بوجهي
هند كالتلها.. هذن الجلبات اجن وراج وضربنها
البنيه الغريبه كالت... صخام بوجوههن مابطلن هالرعونيه سوده بوجهك يا حسنين
هند كالتلها... يول حتى امي ضربنها بس انه لزمتلج افتكار مسحت بيها الكاع
رشاش حط ايده ع ظهري وهمسلي... ابقي هين شوي وراجع
لزمت ايده كتله... متعوفني
رشاش... لاتخافين يولي هي دقايق... باوع لطيبه كاللها... ممنوع تعوفيها
طيبه... بعيني... وحضنتني
حط ايده ع راسي وكام اسمعه صاح...اوس تخابر الكو***د الجبير يرجع لبيتو
و اوس جاوبه... ياهو منهم خويا كواو***نا جثار
وابتعد صوتهم والبنات كعدن داير مدايري يسألني شبيه وشصار وياي سولفتلهن اني هند كلشي صار جيلان كالت... لو الزمهن اكطعهن باسناني هالخايسات
هند كالت... افتكار ورا سوايتها هاي كام ترجف من الخوف تدري راح تنسحل سحله معدله شفتنها شلون طفرت
طيبه كالت... هالغبيه افتكار جابت نهايتها... باوعتلي وكالت... راح تتطلك اكيد
مسحت دموعي كتلها... لازم يطلكها والا مالي مكان يمه بعد
هزت راسها حجت البنيه الغريبه كالت... لتخافين والله يسحلوها ولد عمي واعرفهم
ابتسمت كتلها... انتي مرت بكر
هزت راسها بـ اي حضنتها كتلها... تشرفت بيج
كالت... وانه الاكثر دحجي الظروف الخايسه الي التقينا بيها
ابتسمت الها وحطيت راسي ع رجل طيبه مابيا احجي او اجاوب احس جسمي يرجف ضليت هيج الى ان غفيت فزيت ع صوت طيبه وهي تكوله... وحمودي
جاوبها رشاش... يبقى اليوم خاف يصير عندو نزيف تركت يمو حازم
انتبهت بس طيبه ورشاش يمي كمت واحس جسمي يرجف شافني رشاش اجه كعد بصفي باسني من راسي وحضني طيبه ابتسمت وطلعت برا
اني كمت ابجي كال... شبيج يول خلص كلشي انتهي
حره... احس مخنوكه وعيوني غوشت
حره... من القهر هسه نروح نسبح ونكعد ناكل والامور طيبه
باوعت بعيونه كتله... رشاش انتهى بعد لو اني لو هذن الاثنين مال اكون وياهن بنفس البيت مستحيل
دنك باسني بحنجي كال... وعيونج اطلع سوايتهن هاذي من عيونهن يحلمن يدخلن لهالبيت بعد
بجيت وحضنته باسني براسي كام فتح كنتوري وطلعلي ملابس اجه يمي لزم ايدي دايكومني كتله بتعب... جسمي يرجف مابيا اكوم
شالني وصلني للحمام سد الباب وفتح الدوش كومني وداينزعني البلوزه كتله... لا اطلع اخجل كدامك
رفع راسي حط عيونه بعيوني المدمعه كال :-انتِ حلالي يابه ماكو خجل بين الزلمه وحرمتو خلص كسري حاجز الخجل هاذ
نزلت راسي نزعني البلوزه ووكفنا جوا الدوش يطلع بخار تلمس زندي باوع لايدي مكان العضه تلمسها كتله... آآي توجعني
رفعها باسني بنفس المكان گال... اندمها وعيونج
بجيت وحضنته كتله... خفت حيل بدونك شوف شسون بيا
كال... ماتنعاد الايام الجايه تثبتلج وباسني من راسي
باوع لشفافي نزل باسه باسني بادلته بحب وضعنا بحب بعض
لبست ملابسي وطلعنا رجعنا لغرفتنا اخذ ملابس اله من الكنتور وطلع شويه وطب ينشف شعره جنت دامشط شعري
كال... البسي حجاب وخلي ننزل تحت
حره... ليش
كال... هسه تعرفين
كمت استندت ع الميز طلع حجاب حطه ع راسي باوع بعيوني وباوع لحجابي ابتسم كال... يلا... ولزمني من خصري نمشي
كال... يوجعج شي؟
حره... لا بس راسي ياذيني
هز راسه ونزلنا من الدرج اسمع صوت عمي يحجي جوا نزلنا شفته كاعد ع التخم شافني كام كال... ها يابه شلون صرتي
هزيت راسي كتله... احسن
ابو بكر... حدري هين... كعد واشرلي اكعد يمه
رحت كعدت يمه و رشاش كعد بصفي انتبهت الكل كاعدين عدا بكر وحازم فزيت ع صوت عمي وهو يكول
:-بويه اريدج تحجيلي كِلشي من البدايه للنهايه
سولفتله كلشي هز راسه كال :- يابه اخذيها من هالشارب حگج مايضيع... جر نفس كال :-انه صح افتكار بنت اخوي المرحوم يشهد الله حسبتها من بناتي بس طلعت ماتستاهل
الي سوتو جساره ماكو حرمه متربيه تسوي هيج انه راح احاسبها
هزيت راسي كتله... عمو حتى ثناء ضربتني
ابو بكر... مالها طبه لهاذ البيت بعد انه تبت من اليوم الرادت تمسج بسالفة شرف بس رجعتها لان ضلت تتوسل وماهان عليه تعبها بس هاهيه انه جزعت
حجت ام حازم وهي تحط ايدها ع كتفه :-لا تقهر بروحك ابو بكر انت سويت العليك واكثر
ابو بكر... انه جاي انقهر لان كل السويتو ماوكف بعينهن هاذ القاهرني ام حازم بس كافي
باوع للكاعدين لحد ما وصل لرشاش كال :-غلطت من فضلت احد على عايلتي
باوعلي كال :- كافي الواحد هم لازم يدحج دربو ويهتم بنفسو واهلو
ام حازم كالتله...صح كلامك يبعد اهلي الحمد لله كفيت ووفيت ويانا ووياهم
هز راسه كال... ان شاء الله خير... باوع لرشاش كله... عمك غفار اجاني لشغلي يكِلي رشاش جان راح يطگني صدك هالحجي
رشاش گله... اي
ابو بكر... غلط السويتو سوالف الحريم ماندخلها بيننا ونتخارب بسببهن نحن اهل وغفار اخوي كافي لازم تتصافون
رشاش... اخوك الك انه مااتشرف
ابو بكر... ليش تكاونتو؟
جاوبه رشاش... حط خشمو بنص السالفه
ابو بكر... عجل غير حاول يهدي يابويه دخلتك لبيتو بهالطريقه ماترهم هو مادخلو بسالفة الحريم
طيبه كالتله... عجل يابه شكو دخل افتكار لبيتو دام مادخلو يشيل ايدو من السالفه
ابو بكر... بالله عليج طيبه لازيدين النار هذول عمامو ولازم يحترمهم انه مااريد تصير عداوه بينكم يعني حلوه اليوم اخوي اجه يهدد على ابني
اوس كال... اهو شبيه هاذ وجه الطلي يهدد شني خاب خلي يستچن لا ينسحل مثل حسنين المصخم
ابو خزره قبل لايحجي كال رشاش وهو ياشر على اوس... سمعت؟
لو خابرك عود وصلها الو انه ماناسي السواه ولا راح انسى
كام كال... يلا كومي ناكل
كمت كتله... بيش الساعه
اوس گال... بـ ٢ونص
حره... حيل متأخر الوقت
اوس... حتى الخفافيش نامت هسه الا نحن
ابو ضحك واشرله كله... حدر سولفلي شصار ما صار ويا هذول السياسين
كعد يمه اوس يخرط هاذ كو**د وهاذ حرامي وهاذ كلامو حجي
جرني رشاش طبينا للمطبخ اجت ورانا طيبه كالت... اكعدو انه حاسويلكم اكل... سدت باب المطبخ وكالت... الله يخليني الكم تديحون من دوني
ضحك رشاش كلتلها... بالله صحيح شلون بينا لو تزوجتي
ابتسمت طلعت كبه مجمده من الثلاجه رشاش كال... اوصي كسار يسويلي غرفه ببيتو
هي ابتسمت وخدودها صارت حمر هو ضحك وباوعلي كتله... واني هم اكعد وياك بالغرفه
كال بهمس... اكيد ما انت لازكه بطيـ***ي وين مااروح تجين وياي
ضحكت بصوت عالي حط ايده ع حلكي وكال... ماكو جهاز تقليل الصوت شكتني بصوتها العالي
طيبه كالتله... للاسف لا
حطيت راسي ع كتفه وهو طلع الموبايل ضليت اباوع على طيله داتكلي الكبه للحظات تذكرت ماضيي شلون جنت اكعد من الفجر بس حتى اسوي كبه واجمدها واروح يم حياة اخبز
سبحان مغير الاحوال بلحظه تنقلب كل حياتك
ابتسمت معقوله اني نفسي الطفله الجانت تبجي بالحمام لان ماعندها ملابس حلوه او لان شافت اخوتها حايرين بعيشتهم شبسرعه كبرت شلون بهالسرعه مر الوقت؟
رفعت راسي ع رشاش ابتسمت بسته بكتفه باوعلي بضحكه وباوع لطيبه بنظره سريعه وكال...يولي ما هين بغرفة النوم احلى... وغمزلي
كرصته من زنده كتله... استحي اختك هين
ضحك كال... الحمد لله تكسرت لهجتج
حطت الاكل طيبه وتربعت كالت... يلا بسم الله
حره... رحت لبيت افتكار؟
هز راسه بـ اي انفتحت الباب التفتت طب اوس گال... طاحظ خوتكم تاكلون بدوني
ضحك رشاش كاله... مالو داعي نصيح عندك حاسة شم اقوى من الجلب
كعد بصفه گله... بالله صحيح... وقسم الخبزه
ابتسمت كتله... ليش رحتلها؟
اوس رفع راسه كال... هي رزالتين على كتلتين على قندرتين ومشى الحال
ضحك رشاش كال... اختصرها
ضحكت ويا كتله... وهذا غفار شبيه
كال رشاش... هاذ غفار عندو داء اسمو الاستنعال كلما تجينو الحاله نضربو بخمس نعل يرجع لوعيو
طكيتها ضحكه كال اوس وهو يباوع لرشاش... عفيه عليك عبرت عن الي بگلبي... ورجع ياكل كال... هاذ غفار جاي يحاول يصير كليندايزر وهو جنو زرور فسيفس
ضحكت كال... خاب ولا يستجن ابن الطوط طوط
رشاش كله... خاب ويستجن شبيك حبيبي خبصتنا بهالحجايات الجديده حتى اليعطس كتلو استجن ما هيج حبيبي
اوس كله... شمالك حبيبي وانت شمفهمك بالحجي الجنوبي
كله رشاش... هاه انه ماافهم جنوبي اي بلا ابهرنا شني معنى استجن ؟
جاوبه اوس كله... هاذي استجن تختصر اعليك جثير حجي تنكال لكل واحد تحسو يمضرط
كله رشاش... عجل استجن حبيبي
ضحكت اني وطيبه اوس كال... لو بغير وكت جان زعلت على هالقصف وماارضى الا بغده
بس حاليا الوضع حرج انه مازعل بوكت الاكل كلو ولا معدتي تفرغ
ضحك رشاش حط ايده ع كتفه وكله... سم وزقنبوت حبيبي الف عافيه
جاوبه اوس... والك بالمثل يروحي... وكملو ياكلون
كملت غسلت وصعدت لغرفتي ورشاش برا يخابر نمت ع السرير وتغطيت افكر شويه وطب رشاش ابتسمتله نزع جاكيته ونام بصفي فتحلي ايده شلت راسي نمت ع صدره باسني براسي كتله... رشاش
باوع بعيوني كتله... شبيه حسنين وليش هيج تكرهه
تغيرت ملامح وجهه كال... مامهم
تلمس خدودي ابتسم كال... لاتفكرين بموضوعو خلك واحد سرسري
حره... عفيه احجيلي دااحس نفسي مثل الاطرش بالزفه اريد اعرف هذا منو
جر نفس كال... حسنين جان صديقي من الطفوله
فتحت عيوني بدهشه كتله... معقوله شغيركم؟
ابتسم كال... الايام سودت گلبو الجان ابيض
حره... شلون؟
گال... من زمان وقبل سنين جان دوامي قريب من هين بـ****** اتذكر بوكت ظهر جنت افتر بالمدينه بلبس مدني دحكت الساعه عرفت اذن الاذان
وكفت سيارتي ونزلت اصلي المكان جان خالي من البشر تقريبا شهر تموز والمنطقه تدمرت من الانفجارات البيها
ارهاب وقطاع طرق وماحد يتجرأ يتگرب منها
اخذت بطل المي الجان بسيارتي وتوضيت وطلعت السجاده وفرشتها ع الارض تا اصلي وكفت اصلي وبلحظة ما جاي اسجد بالركعه الثالثه رفعت عيوني دحكت الطابوكه تتحرك
حره... ياطابوكه؟
گال... المكان الصليت بيه جان مكان خالي وكدامو بيوت مهدمه واحد مهدم كلو والثاني ع النص
وانه وراهم اصلي
جريت نفس بقهر مااعرف ليش من تخيلت منظر بيت مهدوم انقهرت كتله... كمل
كال... گلت يمكن حيه فكملت صلاة الظهر ومن شفتها تحركت مره ثانيه گمت طبكت السجاده وتركتها بمكانها ورحت ادحك شنو هاذ تقربت ولما لمحت الدم ع الارض طلعت سلاحي وتقربت اكثر
دحكت ايد كلها دم التفتت دحكت المكان زين خاف فخ ومن اتاكدت ماكو احد هين شلت الطابوك عن وجهو جان مغطيه الدم
انتبهت لابس زي عسكري عرفت هو ملازم فتشتو زين لكيت هويتو جان اسمو جعفر
جان بس يتنفس ويردد بصعوبه
:-امانة موسى ابن جعفر
عرفت جروحو جانت بسبب التعذيب والرصاص جان نازف هواي... جر نفس كال... اخذتو بسيارتي وما اخذتو للمستشفى لاسباب جثيره منها السيطرات الوهميه
اضطريت اخذو لبيتي گلت انه واختي المرحومه نعالجو
حره... اختك دكتوره؟
گال... ممرضه
حره... ابوك خلاها تكمل؟
هز راسه كال... بعد ما دفعت دم گلبي
دمعت عيوني گتله... كمل
گال... اخذتو لبيتي مو هاذ لاا گبل جان عندي بيت إلي گريب من الـ**** وديتو هناك وخابرت بكر يجيب المرحومه ويجي بلا مااحد ينتبه عقمتلو جروحو لبين مااجت اختي وهين بدت شغلها
حره... زين شاطره
گال... كِلش ياما وياما جبت جنود وهي عالجتهم
حره... ياعمري الله يرحمها
كال... فعالجتو وعقمت جروحو وضل هالزلمه برعاية اخواني بكر والمرحوم زاهر وهي
وانه رجعت لدوامي ضل يمنا اكثر من اسبوع ونحن مهتمين بيه لما رجعت وكعدت حجيت وياه
گال ان هو ملازم وجا لهين بعد نقلو واصلو من الناصريه بالطريق صادفتو سيطره وهميه اخذو هو واصحابو التلاثه عذبوهم وبعدها اعدموهم بالرصاص ورموهم بالمناطق المهجوره
بس هو ما مات
باوعلي وكال... الله كتبلو يعيش
حره... واصحابه؟
كال... ماجان يعرف وين رموهم
نزلت دمعتي گتله... شگد تعذبتو
هز راسه گال... ضل بحمايتنا وانطانا شوية معلومات ورسملنا الشخصيات الي دحكهم بوقت خطفو وبيوم اتصل حسنين گال انو تصاوب بمواجهه مع التنظيم وكدر ينهزم ويحتاج مساعده فورا ولان هو جان صديقي رحتلو
ولما وصلت فعلا جان متصاوب بس من أي جهه ماتأكدت لان جان صديقي من الطفوله وبحسبة اخوي ماسألتو جثير
وتصرفت تصرف غبي باوعلي وكال... وثقت بيه وجبتو للبيت البيه جعفر وعالجتو جر نفس كال... ثاني يوم واول ماطلع هالكلب صار هجوم علبيت بالقنابل الصوتيه والرصاص ماكدرولنا طبعا لان البيت جان مؤمن بجماعتنا بي
بس تصاوب اخوي
بعد التحقيقات عرفتهم بالتنظيم واتأكدت بوكتها ان حسنين بالتنظيم خصوصا بعد ماعرفت ان ماجان اكو حادث اصطدام بين افراد من التنظيم مع شخص بالمنطقه الي رحت لحسنين بيها
وبيومها سحلتو من ياختو للسجن وهين تدخلو عمامي وابو وصارو يتهموني اني جاي ابالغ لان هو محترم مايسوي هيج شي
حتى ابوي وگف ضدي بس انه ماهتميت وضليت مصر هالخاين لزوم يتعاقب وكِلما نوصل لضحايا من التنظيم صرت اعرض صورة حسنين ويا الدواعش الي ممكن تتعرف عليهم الضحيه
وبعد اشهر اكو حريم تعرفو عليه جان مغتصبهم
افاداتهن والتسجيلات كِلها عندي
ويوم بعد يوم صرت اكتشف عنو اشياء اسوء واسوء قتل وتعذيب وتسريب معلومات لصالح التنظيم الچنت حاسبو اخوي طلع عدوي بالفكر والجهه والمبدئ باوعلي كال... انه وياه نار وثلج لازم واحد ينهي الثاني
جر نفس كال... وبعد كِل الادله القدمتها عنو لعمامي ضلو ينكرون ويحاولون يبرأوه جانو يحاولون بكل الطرق حتى ان ابوي طردني من بيتو ضحك باستهزاء كال... اتخيلي
انه بيمن احير بحربي وي داعش لو وي هلي؟
نزلت دمعتي حطيت ايدي ع خده كتله... شگد تعذبت
ابتسم گال... بذاك الوكت ماجنت افكر راح اعيش والتقي بيج جنت كل يوم انطق الشهاده
حضنته كتله... الحمد لله عشت
ابتسم باسني من راسي كال... ربي عوضني بيج
حره... واني هم.. جريت نفس كتله... وهسه حسنين وينه؟
كال... بسجن الـ****
حره... يستاهل
ابتسم باسني من راسي گال... وانه
گتله... شنو
كال... مااستاهل بوسه
ضحكت ورفعت راسي بسته جرني من شعري عليه وباسني ونمنا
لثاني يوم فزيت ع صوته وهو يخابر اسمعه يگول :-عثمان اليوم التحق انه بعد يومين
سكت شويه يستمع كله... انجب انشگت طياز***ا من الواجبات خلي ارتاح هاليومين
سكت شويه ضحك كله... عجل شعندي مكابل خلقتك الخياسه
سكت شويه يستمع كله... ديلا ولي لاتسخت... وسد الجهاز
باوعلي ابتسم كعد يمي باسني من عيوني گتله... صباحك
كال... انتِ
ضحكت گتله... زين حفضتها
هز راسه ب اي كتله... خوش
كال... الدكتور سمح لحمودي يطلع
ضحكت كتله... الحمد لله وين يجي يمنا لو يم امه
گال... يجي لهين امو ماتشوفو هالفتره
سكتت گال... وهاذ اكبر عقاب الها موت بطيئ
حره... هي تستاهل بس الطفل خطيه يتأثر بهالمشاكل
كال... انسيه يتقشمر... كام كال... البسي ونزلي يلا
حره... ماشي
سبحت وبدلت ونزلت سويت ريوك وكعدتهم كملنا دا اغسل المواعين شفتهم جابو حمودي مشكليله كانونه ابتسمت ووكفت اتلكاه
استقبلو بالاحضان لاحضت حب الكل اله بعيونهم
خوب ابو بكر عيونه تلمع من تشوفه وكأن شاف ابنه المرحوم وحمودي هم محبوب ويحب يتفقد الكل لو واحد غايب بالعائله يسال عنه
بوسته وكتله... الحمد لله ع سلامتك حبيبي
ضحك كال... شكرا
شاله بكر كله... شلون تحس نفسك
كله... زين بس بطني توجعني... باوع لحازم وكله... روح جيبلي جبس تا تصير زينه
ضحك كله... جذاب تشبه عمك اوس بس تتدلل هسه اجيبلك
ضحكت ام حازم كالت... هم زين اوس ما هين والا جان واحد كتل الثاني
ضحكنا كملت كلشي وصعدت للغرفه نضفتها للظهر طلعت كتبي وكمت اقرا اجه يمي رشاش درسني لوقت المغرب اجو عمام رشاش سويتلهم جاي وتسمعت شويه جانو يحاولون يصلحون
بس رشاش كاللهم... كلامي الاخير انتهى الحرمه تردلكم لاني راح اطلكها اخذوها وفكوني من شرها
حاولو وياه هواي بس هو على نفس موقفه رادو ياخذولها حمودي وهم رفض كال... خليها تتعاقب محد يتدخل الطفل يبقى عندنا غير هالحجي مااقبل
حجو وياه على ثناء رادو يصلحون بينهم كاللهم... لو طبت لهين رجلها تنكسر انه متحلفلها من سالفتها الاولى وهسه طكت ام حازم وحرمتي تحلم تدخل لهين
هذا جان رده القاطع فرحت وصعدت لغرفتي واني مطمئنه وفرحانه سديت الباب وفتحت موبايلي اگلب ع اليوتيوب بالصدفه شفت اغنية الاطفال ابتسمت وفتحتها
قال الارنب لـ امو
تسمحيلي روح العب .. ماما
كمت اغني وياها تذكرت طفولتي وشلون جنت اركص عليها حبيت اعيد ذكرياتي عليت الموبايل وخليته ع الميز وفتحت ايديا رفعتهم ليفوك وصرت افتر وارجع اعيد الحركات واغني ويا الاغنيه
التفتت فزيت ع رشاش وراي واكف يضحك كتله... يماااا خرعتني هاي شوكت راحو عمامك
كال... من زمان... باوع للموبايل... بالله عليج هاي اغنيه؟
ضحكت كتله... هاي من جنت طفله اسمعلها
ضحك كال... حدري نرگص سوا اطلعلج اغنيه على ذوقي
هزيت راسي كتله... خلي ندحك بلا
ابتسم طلع اغنية
غيرك مابختار.. لو حركوني بنار
ضحكت مدلي ايده حطيت ايدي بايده و حط ايد ع خصري والثانيه لازم ايدي وصرنا نركص سويا
وكلما ادوس ع رجله يكول... اشتعلو
اخر مره دست ع رجله كتله... سود الله وجهك ياحسنين
ضحك وحضني باسني بخدي وضلينا مع بعض لثاني يوم رحنا للمدرسه سويه دخل يم المديره بلغها عن وضعي وليش مكدرت اداوم
گالتله :-ان شاء الله راح نهتم بيها وبتدريسها بس هم لازم تلتزم كثرة الغيابات ما بمصلحة الطالب نحن نكدر ننطيها ميه من ميه بلا حتى ماتفهم ماعلينا ضرر
بس نحن نريد مصلحتها انه راح اتغاضى عن غياباتها السابقه وان شاء الله هي هم تساعدنا وتدرس
ابتسم كاللها... راح تدرس وتجيب امتياز هم
ابتسمت كام وصاني ع نفسي وراح هو واني رحت ع صفي ركزت هوايه بدروسي لحد مااجه هو واخذني للبيت طبيت بدلت ونزلت
دااصب غده سمعت اصوات برا
انتبهت هذول عمامه كلت... اهو هذول شجابهم
اتقربت وانصدمت لما سمعت صوت عمه الجبير يصيح ويگول لابو بكر
:- شني قابل اتشاقه طَلَكهااا ونحن ما ندري جاي اكلك طلگها وهاك دحج... يتبع...
______________________
وجااان نطلگ الحربايه ونخلص
وهلهووووله يمصگوعااااات
تصبحون ؏ الف خيࢪ❤♡