عائلة ساجد
الاب ساجد العمر 42 سنة
الام كوثر العمر 44 سنة
الابن أسر العمر 22 سنة
البنت سبيل 17 سنة
—————————————
صباح يوم الاحد 6:45
سبيل: شنو يمه كملتي الريوك لو بعدج تره تاخرت وسايق ربع ساعه ويخبصنه بالهورن
الام كوثر: شبيج يمعوده حياتج كلها استعجال تخبصيني وبالاخير تاكليلج لكمتين وطلعين ، كعدتي اخوج وابوج لو لا
سبيل: اي يمه كعدتهم بابه جاي يبدل وأسر بالحمام يسبح
كوثر: دكعدي اكليلج لكمه اخوج ملحك على شغله انتي وراج دوام اكلي زين لا تتخربطين علينه انتي منا صايره عوده
سبيل: هههه فدوه اروح لكلبج الحنين ياعيوني انتي دتعالي اكلي وياي
كوثر: يابعد كلبي شعندي غيركم اني انتم بس الاثنين عندي
ساجد: صباح الخير كوثر ، صباح الخير اميرتي سبيل
كوثر: صباح العافيه عيني دكعد اكل تاخرت على شغلك
سبيل: بابه ماناوي تغير شغلك هذا الشغل كومه بعدك باقي على المخضر والبصل انته تعبت ومعاير الناس !!
كوثر: ولج سبيل تستنكفين من شغل ابوج مو عيب ماربيتج اني هيج وشنو بيها اذا شتغل مخضر احسن من ايمد ايده ويطلب من فلان وعلان اكلي وانتي ساكته وراج دوام،
ساجد: حبيبتي بابه سبيل اني جبير بالعمر ومحد يشغلني وتعرفين الي شدو وياي عداوه وبطلوني من الوظيفه مالكيتلي شغله غير افتح مخضر والحمدالله الحمدالله عايشين احسن من غيرنه عيب بابه لا تستنكفين!
سبيل: عاد سويتولي محاضره شكدها شكبرها
اسر: شبيج ولج لسانج طولان وتصيحين اكسر راسج اذا تتمادين على امي وابوي مامقصرين وياج بشي طول عمرج دورين تفخفخ اكلي وانتي ساكته لو تكومين من مكانج وتولين الدوامج !
سبيل: اهووو خلي اكوم اولي للدوام احسن من هل دوخه هاي،
اسر: هسه شلون اجي اكسر راسج،
ساجد: ولك اسر كافي عوفها واكعد اني موجود محد يتجاسر على الثاني فاهمين ،
كوثر: يمه سبيل تاكدي من الكتب قبل ما طلعين
سبيل: متأكده مامه كملت جدول البارحه بالليل ونمت، يالله اني رايحه ،
كوثر: بسلامه ديري بالج على نفسج،
كوثر: يمه اسر شبيك ويا اختك مايصير تتعامل وياها بهاي الطريقه بعدها مراهقه نسايسها!!
اسر: يمه ماتحمل اشوفها تصيح عليج واضل ساكت يابعد عمري اني شنو عندي غيرج يا نظر عيني انتي ،
ساجد: ها حيوان بس هيه ماعدك غيرها واني
اسر: ها يابه تغار من امي غير هيه شمعه البيت وانت عامودنه يارب يحفظكم الي، يالله يمه بويه اني اروح لا اتاخر على شغلي
كوثر: يمه ماكلت شي كمل ريوكك!!
اسر: يمه هناك هم اتريك لا يضل بالج حبيبتي انتي،
كوثر: يحفظك الرحمن وليدي
كوثر: ها ابو اسر احس مالك خلك شنو ماتريد تروح للمحل،
كوثر: شبيك عيني ساجد جاي احجي وياك وين صافن؟
ساجد: ها كوثر لا هيج بس اكو موضوع شوي قالقني ،
كوثر: كول عيني اني بلكي اكدر اساعدك!
ساجد: يمعوده افكر بسبيل
كوثر(متفاجئه): تفكر بسبيل؟ ليش وشبيها سبيل؟
ساجد: مابيها شي يمعوده بس جاي افكر ادخلها اهليه السنه الجايه تعرفين سادس وهيه عادت السنه بثالث وزاري وشلعت كلوبنه من وره ثالث ماريدها تعيد نفس المعانات بالسادس واريد يصيرلها واهس بالدراسه شتكولين؟
كوثر: ليش الله وايدك تخلصها من هاي المدرسه ابد مو راحه لا طالبات ولا المدرسات
ساجد: تدرين حالنه على كدنه وهذا الي شاغل بالي؟
كوثر: عد عيناك ذهبي كدامك لا تحتار
ساجد: يابعد عمري الله يحفظج الي المفروض اني الي اجيبلج ذهب مو انتي الي تنطيني يا واني واجبي هذا ماقصر بحقكم وماحسسكم بمسؤوليه طول ما اني عايش !
كوثر: اذا مو اني اعينك على دنيا منو يعينك ،
ساجد: لا تفكرين الله كريم لحد ماتخلص هاي السنه ونرتب وضعنه بلكي الله يفرجها ويفتحها بوجهنه، يالله عيني اني طالع للمحل وانتي ديري بالج على نفسج واي شي تحتاجين اتصلي عليه ،
كوثر: يحفظك الله عيوني ،
في المدرسة،
سبيل: ولج مرام مشتاقتلج الخميس ليش ماداومتي فاتج الاصطفاف ومحاضرة ست دعاء على الزي الرسمي راح يخلص دوام وبعدها تعيد وتصقل هههههه
مرام: يمعوده مو كتلج عدنه عزيمه بيتنه وماكدرت اجي اخذت اجازه، وهاي شبيها دعاء ماتشوف لبسها وشعرها ومكياجها والله خابصه روحها مادري على شنو يمعوده لا تجيبين طاريهين من الصبح لعبان نفس
سبيل: ههههه اي والله لعبان نفس سولفيلي شكو ماكو،
مرام: دمشي لج شسولفلج خلي اراجع الامتحان اول درس!
سبيل : خرببب ولج نسيت الامتحان
مرام: اكيد تشاقين مو؟
سبيل: لج والله نسيت خرب حظي شسوي هسه
مرام: نجبي حيوانه بشنو ملتهيه عن الدراسه وتدرين هاي ام الكيمياء خبيثه ونحيسه وعيونها مفتحه بالتيزاب حته اذا اريد اغششج هم تصيدنه
سبيل: يمعوده ولي ولي مادري شسوي هسه هفففف
مرام: امشي عاد اشرحلج بس القوانين على سريع انتي مو حافظتهن من الامتحان اليومي اكيد تتذكريهن؟؟
سبيل: امشي بسرعه هسه الجرس على حظي يدك بسرعه!!
مرام: سبيل ركزي وياي مو تشلعين كلبي !!
سبيل: مركزه فضيها،
(صوت الجرس يرن)
سبيل : ياربي هاي شنو دك الجرس مو كتلك على حظي اووفف شسوي
مرام: باعي روحي كعدي يم سجى هاي حبابه تساعدج اني تدري بيه الانتيم مالتج وتعرفنه نغش هذيج مايشكون بيها!
سبيل: لو ارسب ولا اكعد يم هاي سجى ايع غثيثه ماتنبلع،
ست دعاء: هاي كل مادخللجن الصف هوسه وريحته تكتل مو تدرن عدجن امتحان لشوكت تبقن مبهذلات ؟؟؟ وينها مراقبت الصف؟؟؟
سجى: نعم ست اني مراقبت الصف؟؟
ست دعاء: مره ثانيه بدرسي اذا الكه هيج الصف هوسه انتي تتعاقبين اي وحده تسوي هوسه بداية درسي سجليلي اسمها اذا مارسبتجن ومااصعد ولا وحده للسادس ادبسزيات مو مال احترام ، كل وحده على رحلتها ورقه وقلم بسرعه!!!
سجى: بعيني ست،
بعد انتهاء الامتحان خرجت سبيل وبعدها مرام،
مرام: ولج ليش طلعتي بسرعه بس لا الورقه فارغه؟؟
سبيل: لا يمعوده كتبت الي اتذكره وهسه تجي الاوراق اخير درس والدرجه مزفته!!!
مرام: اكلج شوفي شوفي
سبيل: وجع شبيج
مرام: هذاك جاي يصيحلج مدري منو؟؟
انتظروني بالبارت الثاني اتمنى عجبكم البارت وانتظر ارائكم بالتعليقات!!