كرز
جانوا كلهم يوميه يجون يطمئنون عليه واني صوتي مختفي خلاص بس ادموعي ينزلن اجوي عليه الشرطه و سالوني اذا احد تعرفين احجي بالاشارة او كتبي النا اني كتبت ما كو احد اشتكي عليه لان هوه بيها و بلاياها طالع منها عاد اخليه مايحقد عليه و يعاندني بالطلاك يسهل الشغله راحو و إمي راحت اتجيب غراض اليه و الها نمت و حسيت على شخص يمسح براسي من اباوع
معقوله هذا انت مجاي احلم
يعني هذا مو حلم انته حقيقه
اي اي حقيقه داحس بايدك
ناضم
ناضم: اشش اهدي
كرز: لا تخبلني معقوله اني تخبلت وكاعد اشوفك عفيه انته حقيقه لو وهم لو اني متت ياربييي احجيييي فهمونيييي شكاعددد يصير احجووووو ولكمممم دمرتونيييييي خبلتونييييي .. بهاي الاثناء صرت اسمع فوضى الكادر الطبي وراها ضربوني بابره صرت بعد بعيده عن العالم الخارجي
......
أم نهاد: خليني اخذ ملابس بنيتي و امشي
ازار: خيرج ام نهاد وين تردين تروحين بغراضها
أم نهاد: الك عين بعد تسال البنيه معوقها حتى حجي ماتحجي ليش مو اني الامنت بيك و كلت ما انطيها الشاب صايع لو ادري بيك هيج انطيها لابن عمها و لا افكر انطيها الواحد مثلك
ازار: اي خلصتي هسه من الاخير اذا ماخذتها بيت اخوج مرتي ماخليها تروح لهيج مكان اشتريتلكم بيت مرتب منا اكعدن بيه بين ما ترتاح
أم نهاد: ليش هيج مدمرها هاي سوايتك مالها سبب
ازار: حتى وإن كان اكو سبب ما مجبور احجي للعالم
أم نهاد: لا عدنا بيت وحدنا يم بيت خالها مانريد منية احد
ازار: اذا مو بهذا البيت الي اخذته الكم ماكو طلعه الها منا
أم ازار: يمه كافي خليها تروح ويه امها ترا البنيه منتهيه
ازار: ليش اني كايل ماتروح ويه امها خليها تروح بس هيه عدها بيت تبقه بيه اما اذا ماتريدن فغصبن ما عليها اجيبها اهنا ولكم حريه الاختيار
أم نهاد: بس هيه ماراح تقبل تعيش بيت تعرفه يعود الك
ازار: ليش ادري تكبرنها و تعرضنها بوياي انتي مو رايده تشترين بيت قبل فتره خلص كولي لمولي اخوانج و فضت راحت
أم نهاد
اخ اخ الله يساعدج يمه
......
كرز
كعدت على صوت بسبسه هادئ باوعت لكيت مرة خالي يمي زين زين وناضم معقوله جان حلم اي كرز حلم هوه انتي هاي تاليتج كرز تخبلتي صرتي ماتعرفين الحقيقه من الخيال بس كوله من وراج او بالأحرى من ورا قلبج الي ذبج بهاي المصيبه لسه قلبي مامستوعب هذا نفسه الي حبيته ههه عيد ميلادج انكلب الى مجزره الضربج بس والله هاي المره غير عن كل مره هاي المره من صدوك يا ازار بعد ما اصد بخلقتك
جنات(مرة خالها): ها حبيبتي كعدتي
كرز: هزيت براسي
جنات: جوعانه تاكلين شي
كرز: هزيت براسي لان صدوك جوعانه ..... شويه و جابتلي اكل . اكلت شوي و اجتي امي
أم نهاد: شلون صرتي حبيبتي
كرز: حجيت بصوت بالكوه يطلع . يمته اخرج منا
أم نهاد: باجر ان شاء الله
كرز: وين راح نكعد
أم نهاد: ها اكو بيت خوالج لملولي واشتروليا راح نكعد بيه اني وياج
كرز: امم..... زين ليش لهسه محد دزلي اوراق الطلاق
أم نهاد
خرب عيني شكللها اذا هوه معرت بيها
كرز: اكو شي ماما
أم نهاد: لا لا ماكو لازم تكومين حتى تمشين بالمحكمه شي
كرز: هاهيه باجر اني امشي اريد اخلص من هذا المخبل
أم نهاد
ياربي سترك هذا اذا دره شلون بيها
.......
رسل: هذا راح يضل هيج تره سكمنا
أم ازار: اش انجبي شلون تكولين هيج على اخوج
رسل: يعني يمه انتي مكيفتله من هيج سوه بل ابنيه و خلاها دمها بطولها يمه ازار وضعه مو طبيعي.... سكتتني براجدي
أم ازار: اذا اسمع جايبه طاري اخوج بهيج كلام اموتج
جوري: خاله اودي الاكل اني الازار
أم ازار: لا خاله كعدي وضعه تعبان هل فتره
جوري: تمام خاله ...
شفتها راحت لا جوري هذا وكتج اذا ما استغليتي الفرصه هسه ماكو الج فرصه لخ اخذت الاكل و طلعت كبل ليفوك بالختله دكيت الباب
ازار: منوو
جوري: ا اني اني جوري
ازار: انزلي كبل
جوري: بس مو جبتلك اكل
ازار: اخذي اكلج و توكلي
جوري
شكد حقنه بس ما اعوفك والله اذا ما خليك متعلق بيه و تنسى هاي القزمه
نور: ها شصار
جوري: شيصير الاستاذ ازار حتى الباب ماخسر نفسه يفتحلياها طردني من ورا الباب
نور: تدرين ميه بالميه هاي مسويتله سحر
جوري: اني هم هيج اكول ذاب روحه فرد مره عليها
نور: بس الرجال يحب الاهتمام هل فتره لاتعوفي خلي يتعود على وجودج شويه شويه
.....
رسل: عادي اكعد يمك
رائد: اكيد اكيد تفضلي
رسل: شنو كاعد اسوي
رائد: كاعد اكتب بحث
رسل: هم اكو شخص بحياتك
رائد: شنو
رسل: يعني ماكو وحده بالك تريد تتقدملها يعني حتى نسوي عرس ههه لان كأبه
رائد: ههه لا والله ماكو اذا وجدت ان شاء الله ليش لا
رسل
جا شبيك يحضي دحك عليه
.....
أم نهاد: على كيفج امشي ماما
كرز
صعدت واني روحي طالعه صايره اهلوس هواي مدري شبيه وصلنه فتنا بمنطقه قريب على منطقة المشوؤم
كرز: هاي شنو
أم نهاد: مو بيتنا اهنا
كرز: وليش قريب على بيته
أم نهاد: قبل لاتصير هاي المشكله ردتلي مكان قريب عليج
كرز: بس ماما هاي المنطقه كولش راقيه شلون اخذتي بيها بيت
أم نهاد: مو اخذت سلفه هم على راتب ابوج كافي يمه انتي مريضه هسه انزلي ارتاحي
كرز: بس ماما فتره و انشوف غير بيت وعديني
أم نهاد: ها اي اي ان شاء الله يمه هسه انتي نزلي عيب موكفين الرجال ينتضرنه
كرز
نزلت هوه بيت صدوك عادي بس مبين موقعه و اثاثه و نضافته مو مال امي تشتري هيج شي بس منو لعد يشتريلها كافي وهواس
أم نهاد: ها حبيبتي
كرز: ماما نزعيني سحابه من وره اريد اسبح
.......
ازار
باجر اجازتي تخلص هاي الايام كضيتها بالحسره كل يوميه بليل اروح اشوفها وهيه نايمه انهوست بيها لا ازار عدت الغلطه مال قبل 15 سنه انته ما لازم تحب ذيجه خلصها منك انفجار و ماتت هاي شخلصها بس هاي غير ذيج على اقل عمرها جبير و تفتهمك بس هاي ورطت كلبي بيها ماكدر ما افكر ما اكدر ما اغار عليها شي بجسمي مرتبط بيها حتى من حبستها بالحمام جنت كاعد ورا الباب و مرتكي عليها ماكدر اعوفها
الدكتور: لعد ليش خليتها بيت وحدها هسه
ازار: هههه تصدك اذا اكلك خايف عليها من نفسي و خايف من نضرتها و لومها الي ماكدر احس بيها كرهتني اريد دائما ممتلكها اريد دائما اشوف لمعة الحب الي بعينها
الدكتور: والهروب حاليا تحسه حل
ازار: حل الها علمود تهدئ و ارجعها
الدكتور: فرضا رفضت فكره الرجوع
ازار: تؤ مو بكيفها
.....
كرز
بعد مرور 4 ايام نفضت افكاري
كرز: ماما ماشفتي محامي يرفع دعوه طلاق
أم نهاد: ها اي اي خالج كاعد يدورلنه
كرز: ماما هوه محامي شيدور اكو كومه اريد اخلص من هاي سالفه
أم نهاد: اي حبيبتي ان شاء الله..... هاي يمكن نجمه بنت خالتج رجاء
كرز
راحت امي تفتح الباب اني بصراحه اخاف من ردات فعلي الي مرات ينضحك عليه بس هل مره اريد كبل اطلك بسرعه احسن ما ينضحك علي بكم كلمه
نجمه: سلام شلون الحلو
كرز: هه هلو حبيبتي الحمدالله انتي شلونج
نجمه: اسال عليج عمري. اكول خاله مشتهيه جاي نومي بصره مالتج عفيه
أم نهاد: تدللين رايحه اسويلجن و اجي
نجمه: فديتج خالتي العزيزه ... شنو ناويه تضلين هيج كاعده
كرز: لعد شسوي تريديني مثلا
نجمه: زين ليش ما تكملين دراسه
كرز: لا يمعوده مالي خلكها للدراسه
نجمه: ولج اذا تريدين تلهين نفسج و ترتاحين طلعيها بالدراسه هم تكسبين مهنه و هم احسن ما تلضين مكابله اربع حيطان و تتلاطمين بوجهج
كرز: مادري افكر عود
كرز
ضلت لليل و نستني اشويه اجاها خالي وراحو رجعت الوضعي الطبيعي رحت فتحت شباك الغرفه اريد اشم هوى و اباوع على ناس لان مطل على الشارع فجاه اجاني اشعار على موبايل رحت شفته رقم غريب بس فاجئتني الرساله و خلتني التلفت يمين و يسار جان مكتوب
💬سدي شباكج و نامي
منو هذا ازار اي اكيد كاعد يراقبني هذا شلون اخلص منه بللت شفتي ورحت رجعت النفس المكان خلي اشوفك شسوي ورا ساعه واني واكفه على شباك لساتني اندزتلي رساله بسرعه باوعت
💬احب اشكر عنادج الي خلاني ساعه كامله اشوفج براحتي
ايا حقير استفزني يعرف بيه راح اعاند علمود يضل يباوع عليه طاحضج كرززز اوفففف ركعت الشباك كل قوتي
💬هههه
يضحك عليه يعني عرفني تنرفزت اخ كرز اخ يمته اصيرين عاقله وتعرفين تتصرفين ....
.................
بعد مرور شهر
.................
سيدي رفعت القضيه ونفس ماردت الي بالك سويته
ازار: عفارم عليك وصلي كل جديد
حاضر سيدي بخدمتك
ازار
نشوف ست كرز وين تصفه وياج تريدين تطلكين سهله سهله ... احم الوو الله بالخير حبيبي شلونك والله بخير نسال عليك الجهال والدتك شلونهم حبيبي والله احنا كلنا بخير بس عندي فد مشكله صارت بالبيت و انته تعرف المراه شويه صغيره اي فرايد منك ............ماتقصر اعرفك هاهيه اغاتي ان شاء الله مشكور ابو حسن الغالي الله وياك
عثمان: شو طولت هذا منو ابو حسن
ازار: شبيك القاضي الي جان.....
عثمان: هاااا عرفته بس شعندك ويا
ازار: مو اكو قضيه ردته يحلها بسرعه مال واحد كرايبي
.........
كرز: راح اتخبل خالو هاي ثالث دعوه تنرفض ويكولون ماكامله شنو القصه
هسه انتي مو رفعتي دعوه رابعه اذا ما مشت هاي المره نشوف الوضع بس انطي صبر
كرز: شنو انطي صبر هوه عندي اني صبر و انطيه فرفحت صارلي شهر اركض بهل دوائر علمود شغله طلاق ورا شويه يكولون اكو نقص لو دعوه تنرفض شلون مادري
زين اني عندي حل بس ماريدج تتعصبين
كرز: ما اعتقد راح اتعصب بعد اكثر من هيج احجي
يعني رجلج موافق على شغله طلاكم
كرز: عسى ما يوافق طبه طوب عوزه والله فوك الي سواه اروح اشكره مووو
زين التقي بي واحجي اعرفج هسه انتي صغيره و مامستوعبه كلامي بس خالي انتو لازم تتفاهمون حتى اذا اتفاهمتي وياه بسرعه يصير تنازل من الطرفين و الحك عمامك ترتاحين بعد
كرز: خالو ماطيق اشوف وجهه والله
أم نهاد: يمه خالج كلامه صح ترى كلنا نعرف ازار نوعيته صعبه و مال تجين انتي ويا بالعين الحمره راح يزودها عليج و ماينقص وهوه معارفه هواي صدكيني حتى حق بعد ماعندج يصير جري ناعم و اهدئي بين ماتخلص شغلتكم و الله يفكج منه
كرز: مادري مادري خلوني افكر
.......
الحجيه: هاي هلكد ناكعه بكلبه لبنج حته طب بعد ماطب بالبيت عكب ما جان كارص فوك
ام ازار: يمه غير عنده شغل و صادف بوكت طلعة هاي القزمه
الحجيه: تضحكين على نفسج خايبه ابنج واكع و مو بعيده يعزل بيت وحد
أم ازار: هههه لا يمه لا الا ازار مايطلع وحده ابد
الحجيه: والله هاي القزمه على كولتج ماترجع اذا مارواها بليه
أم ازار: يمه قابل احنا شطالع منه تره مشكلتها هيه ورجلها قابل احنا عايلين عليها
.......
كرز
كاعده وحدي بالغرفه و افكر ياربي شلون مالي قلب اشوفه خايفه منه و من نفسي خايفه من اشوفه اضعف و ترجع كرز القديمه خايفه يقنعني بكم كلام و انسى كولشي بس لا كرز انتي هاي المره غير شويه واجتني رساله
💬 هلكد شاغل تفكيرج
شنو قصته معقوله كاعد يشوفني زين وين وين مسحت كصتي بقوه هاي حركتي دائما اسويها من اضوج او اتوتر
💬عوفي كصتج راح يطلع مخج من كد ما تمسحيها
لا لا اكيد مركب كامرات باوعت بكل زوايا الغرفه ماكو اثر شلون لعد كاعد يشوفني اذا ماكو كامرات راح اتخبل
💬على كيفج ويه نفسج كلشي يهون ام اسد
اسد بعينك الله ياخذك هففف شنو القصه انوب كل هل رسائل الدزهم و اني ما عندي جراه ارد عليه مادري ليش اكو شي يمنعني من الرد كعدت ساعتين مخي يشتغل و يفكر شنو اسوي ياربي اخر شي هاهيه قررت من صدوك هاي المره لازم نتفاهم و اخلي يطلكني و تفض للساعه 12 بليل كلت هسه اتصل بيه لان اعرفه بليل ماعنده شغل و مراح يطلع حجه لزمت الموبايل بتردد كولش قوي طلعت رقم و ضليت اباوع عليه و فكري يكولي سويها و داخلي يكولي لا ضغطت و شيصر خلي يصير اهم شي اخلص
كرز: دك مره ما جاوب هستوني اريد ادك مره ثانيه دك عليه هوه شفت الرقم احس كلبي كام يدك بشكل هستيري و القلق الصار بداخلي مادري شجاني بحيث خلصت الدكه مالته واني على صفنتي صاحني دكته الثانيه فتحت بكل تردد اجاني صوته اخخخ شسوي ياربي هذا هوه صوته الي بكد ماحبه صرت اخاف منه جان صوته كله قلق و خوف
ازار: احجي بوياي خوما بيج شي استغفر الله جاوبي بس كولي كلمه خلي ارتاح بيج شي صاير يمج شي لا تخليني هسه اجي من الموصل البغداد انعل ابو الي يرد عليج مخليتني امسلت وحدي تره راح اسده احجييي عاددد
كرز
عشر دقايق وهوه يسولف ويه نفسه ويردني ارد واني مادري شبيه اربط الساني هوه كله ساعه يكون حنون و ساعه غلط و فشاير لان ما احجي اخر شي سمعته كال
ازار: لا تردين اني جم ساعه و اجيكم
كرز
عزا هذا يسويها وانوب يجي لا اتلاحكي روحج كرز رديت بكل نبراه استهزاء
كرز: هه اليسمعك يكول صدوك يخاف عليها و مايريد شي ياذيها الحمد لله اني اعرفك على حقيقتك
ازار: خرب ببليسج بله من داكه عليه بهيج وكت و تصفنين يعني شمعرفني كلت اكيد صاير وياج شي
كرز: اي صاير و هواي اشياء مو بس شي واحد
ازار: احجيلي منو ماذيج شصاير
كرز: انته اي انته ماذيني و كل يوم كاعد تاذيني اكثر كافي رجائا فك ياخه عني تعبتني ترا لا تخليني اصير مخبله و اشكك بهدومي
ازار: هوب هوب شصاير شبيج هاي صارلي جم شهر عايفج براحتج و لا واصلج بعد شكو
كرز: ليش كاعد تخلي جماعتك يرفضون الدعوه لو تروح حتى ما يدزون عليه شنو قصتك كافي اعتقني ماريدك بعد لو يصيغوك ذهب يا اخي دمرتني
ازار: خي و عضم ني ولج بوياي هسه انه ما افتهمت شي اصلا تكتيهن كت احجي وحده وحده
كرز: ما يحتاج وحده وحده اني كاعد اكولك طلكني
ازار: مو ذيج المحكمه كدامج رفعي دعوه وعود اني اجي اوقعلج تدللين ام اسد
كرز: يا اسد يا بطيخ و شلون ارفع دعوه واني كل ما ارفع تروح
ازار: اخ بوياي يمته انتي رافعتلي واني رايح غير لو رافعتلي جان هسه جاهلنه بطولج
كرز: ياااا شكد ماتستحي انته شوف هاي اول و اخر مره احجي وياك وانته مكاعد تحاجي طفله و هيج تتعامل وياي فاهم لولا
ازار: بشرفج يمته معاملج معاملة طفله على سبيل المثال اكو واحد يحاجي طفله يكلها ارفعي وبعدين ها اني الحجي مالتي مابيه غلط بس انتي حجيج تخلي نيتي تروح للمريخ مو اني
كرز: كافي عاد هسه كولي يمته تجي من الدوام حتى نروح سوه نقدم الدعوه و تفض هاي سالفه العوجه
ازار: خوش بس قبل بساع اريد نكعد نحجي بجم شغله سوه
كرز: ماعندي حجي وياك عود نروح للمحكمه واحجي براحتك
ازار: شوفي اني بعد يومين انزل تقريبا يصادف يوم ثلاثاء الاربعاء نتشاوف و نتفاهم على جم شغله ما رضيتي والله تحلمين بشي اسمه طلاك و لو مو دعوه الف دعوه ماتهزني واسقط دعواتج كلهن
كرز: شكد نذل
ازار: اشش عيب اجي و يصير خير ماشي ام اسد
كرز: الله لا جابك
ازار: أيا بربوك حتى اصيرين ارمله و سوكج يمشي ازيد مو
كرز: ليش هيه الي تعيش وياك هم بعد الها نفس باشخص تخليها تحرم تكول على شخص زين
ازار: ههه مامقبوله منج ام اسد بس نصبر عليج هسه هاهيه متفقين
كرز: ماكو اتفاق بينه بس افكر عود
ازار: ماكو اتفاق و تفكرين مادري شلون رهمتيهن بس يلا هم تهون .....ها شو هم صفنتي
كرز: خلص راح اروح اريد انام
ازار: ماشي تصبحين على خير عقل كلبي
كرز
من كال هيج عيون صارت تجري دمع الحالهم احس كلبي نعصر عصره مو طبيعيه سديت الموبايل وغطيت نفسي و ابجي
.........
أم ازار: ولجن اطبخن زين اليوم يجي العزيز
سحر: اخ انتهينا راحت الحريه
هزار: اي والله جنه مرتاحين هسه بعد لازم لا صوت و لا حركه لازم يخلينه صامت
هاجر: لا خطيه هلا بيه فوك ما كاعدين بيته هم نتفيك
سحر: هوه انتي اصلا ماتحجين لذلك مرتاحه
هزار: هههه دباوعي الجوري و امها شلون متحضرات ههه
سحر: هاي مصدكه نفسها تريده ياخذها
هزار: عود تطلك منه
سحر: والله مادري بس احس هوه معرت بيها مايهدها
هزار: اي والله مدري شايف منها قحط
سحر: اي شبيج جا هوه منو كال راح تدخل وحده الغرفته بس هيه استملكتها بس هيه مبينه تحبه عيونها تنط نط من اشوفه
هزار: اي وهوه طول ما هيه ماكو هو مختفي جان دائما يمها و مزاجه اخر فتره كله ضحك و شقه هيه راحت رجع اسوء من قبل
سحر: اي والله
أم ازار: صارلجن ساعه تبسبسن يلا امشن ولن خفن اديجن
.......
ازار: هلا ابو روض والله هسه يلا وصلت البيت ماشي ماشي نشاوف بليل ان شاء الله
أم ازار: هلا بيك يمه شمعة بيتي شلونك يمه
ازار: اهلا بيج يمه شلونج طمنيني عنج ... ههه والله يمه حضنتج هاي المره مبينه من صدك مشتاكتلي
أم ازار: اي والله يمه غير صارلك جم شهر ماكو ما نازل
ازار: اطمئني هاي الاجازه مطوله ان شاء الله
الكل: الحمدالله على سلامه
ازار: الله يسلمكم سلمت عليهم كلهم وردت اصعد طلعت بوجهي جوري
جوري: خفنا عليك كلش الحمدالله على سلامتك
ازار: الله يسلمج مشكوره. ردت اروح كطعت طريقي باوعتلها
جوري: تره شتاقيتلك كلش والله
ازار: تشتاكلج العافيه بابا
جوري: ليش هيج تعاملني والله اني بس اريد اشبع بشوفتك
ازار: شوفي هاي الكلمه كلتيها تنعاد بعد اوصلها لابوج و اخوج فتادبي
.....
كرز: الوو
ازار: بوياييييي احلا الووو سمعتها
كرز: بيش ساعه اجي و شكد اطول شغلتنا
ازار: شوفي هيه اذا عملي اطول شي 5 ساعات لان مفلحم تفلحم
كرز: والله انته مو مال واحد يحجي وياك كاعد اكولك احجي وياي بطريقه رسميه و مؤدبه هذا الحجي العيب ماريد اسمعه
ازار : العيب ههههههه اخ يابه هههههه اليوم 5 العصر امر عليج
كرز: خوش
ازار: انتي لاغيه كلمه الله وياك مع سلامه باي
كرز: لا اريد الله يكون وياك و لا اريد السلامه تجيك و ماعاجبني اكول باي
ازار: 5 اجي فيمالله
...
كرز
مبين ضاج من كتله هيج اي طبه طوب بحال مرامه اني بس عزاا شلون اشوفه اليوم والله خايفه
.......
للروايا بقايا ❤️
حبايبي تابعوني على انستا لان راح أنشر اشياء تخص الابطال mi_itss5
وتابعوني اهنااا علمود نكبررر احبكم جميعا وكاعد اقره تعليقاتكم و متونسه بيهم كولش احبكم
واسفه صارلي يومين منتهيه من التعب بشغله التسجيل بس ان شاء الله بعد ما اكطع