مشاعر لم تكن بالحسبان

البارت 37

ازار: ان شاء الله جايبيني على امر يستاهل

المعاونه: والله استاذ مثل ماتشوف بنتك

ازار: مرتي مرتي مو بنتي

كرز
كلهن انصدمن رغم ازار مبين عليه مو جبير صغير بس اني مدكوره مبينه صغيره لذلك يحسون فرق جبير طبعا شفته ورث زايد من كالو بنتك

مرتك مدري شصير منك شوف شمسويه بنتنا

ازار: اول شي اعرف تحجي يلا ارد عليك و بنتك هيج يعني تمشي و ضربتها براسها لوما مسويه شي

كرز: اي والله حتى كا... خزرني و سكتت

ازار: والزينه يجن بنات بصفهن واذا طلعت مرتي الرايحه و عالت بيها يصير عندي غير كلام

المعاونه: روحي ماما جيبي بنات من الصف وتعاي

كرز
راحت البنيه اصيحهم و ازار كعد و حط رجل على رجل والله عبالك كاعد بيته اني هم رحت اريد اكعد شو هذا خزرني ضليت واكفه عابت بس هوه يكعد عادي بوزت و ضليت واكفه شويه واجني و كاموا يسالون بيهم ابو اسماء غلس من شاف هيج الوضعيه و يم المعاونه علكت صديقات اسماء يكولن اني العايله و البقيه يكولن اسماء صارت فوضى و حجه ازاري دنيتي و دماري

ازار: بله انتي المعاونه اهنا موو

المعاونه: اي نعم

ازار: اني اكو لو تستقيلين اشرف خمس طالبات ما سيطرتي عليهن تردين اسيطرين على مدرسه كامله

كرز
هيششش المعاونه ضلت تفر باذانها و حجت بضوجه

المعاونه: اثنينجن فصل اسبوعين و تقليل من درجه السلوك

كرز
ازار ستوه يريد يعيط و دخلت المديره شافته ضلت تستقبل بيه و جان تكول مشكله بسيطه مايحتاج فصل واسفين استاذ على الازعاج بس ياريت ما تخليها تكررها

ازار: ان شاء الله

اني اريد تعويض على هاي سالفه

المديره: ابو اسماء المشكله صغيره ليش تكبرها

ازار: هاك و اسكت يلا حبيبي جيبي جنطتج و خل نمشي

كرز
كلهن ضلن يباوعن واني اهنا تفيكت تفيك ام الجذب رحت اتفيك جبت جنطتي و طلعنا سويه كلهن يباوعن واني ابتسامتي شاركه حلكي ههه طبيت للسياره اجه هوه طب رجع وجهه مكروه هذا شبي كلسع بلون قاطع تفكيري صوته الحاد و هوه يضرب الستيرن

ازار: انه شكلت و انتي شصخمتي هاااا

كرز: ش ش شكلت ماسمعت والله

ازار: ولجججج يبشررر لا تسودنينيييي يعني عايف شغلي و التهي بهاي سوالفج التعبانه

كرز: اكولك لاتخليني والله حتى ابطل من المدرسه قابل بيدي هيه تذب حجي شنو اسكت الها