.
.
.
.
هبه/
من خبصتي وارتباكي وبعد مسمعت كلام امي شلون تعيرهم بفقرهم ومستواهم
بس اريد انزل الدرج واوصللهم.
محسيت غير رجلي تنلوي وصارت جوايه واوكع من الدرج للنهايه.
اخ اخ رجلي الحكولي اخ.
سجود /
يبو راحت البنيه
فكر طبلي الفكر للبيت يبو ولكم بره بره.
_ تحجي وتركض عليه .
ولك الحكلي ابو يزن البنيه ادمت يبو طردهم طردوهم بره.
هبه /
كل الحسيته لساني ثكل والالم اكلني اكل وهناك غمضت عيني والاصوات بدت تختفي تختفي كلش.
______________
بعد مرور عدت ساعات.
هبه/
حسيت اني بغرفه هدوء بس اكو اصوات بعيده حلكي يابس ومرمر احسه.
سجود/
ها كعدتي يمه الحمد لله على سلامتج.
_ شصار يمه وين اني.
_ انتي بالمستشفى عيوني
شلون وكعه وكعتيها وعلى مالمن ها ردتي تلحكين بالفكر مو.
_ يمه كافي كافي اخ هاي شبيه اني.
_ كولي شبقه بيج موزين تلاحكلج ومرضى اله بنج كال وين تتحمل.
ولج العظم ماعرف مديور كله ماعرف شصار اخ قلبي كل ماتذكر شكل رجلج قلبي يوكف.
_ منو يمه.
ابو يزن مو.
سجود/ مممممممم
هسه المهم ترى راسج بي تلث خياطات
وايدج اليسرى رض.
ورجلج اليمنى كسر ورادوا يرجعون العظم المكانه يله يجبروها لهذا بنجوج.
شبيج عليش هل استعجال مو تعرفين درجنه عالي والدرجات حاده مشوفين مفتح راسج منو فادج ها منو.
هبه/
يمه ليش طردتيهم من يمته نستعر من العالم وحالتهم.
سجود/
ماريد ماريد فكور شبعت فكر يم ابوج لحد مكلت بس.
احسه يعديني لهذا طلعي هل شغله من راسج كلش
شيليها انتي مو حرة نفسج.
وثاني شي حسج ليسمعون بره ترى واكفين.
هبه/
يمه الولد مقتنعة بي اني واريده ونكون نفسنه اني ويا شويه شويه.
سجود /
بصفنه طويله على بتها وتفكير عميق
ولطمه على خدها ولج يمعزايه شنو اريده شنو نكون حلكج والله افركه اذا سمعت هل كلام اكسرج فوك تكسيرج هذا
ولج صخام الصخمج غير تنهجم بيوتنا فوك راسنه
سكتي هسه الله كريم لوكتها شلون بلوه يربي.
.
.
.
_________________
.
.
نامت هبه ونام عقلها وجسدها التعبان من اثر الوكعه والتفكير.
لكن اكو من يخطط ويحوك المؤامرات من خلف ظهرها.
________________
هبه/
من بعد نوم م طويل اثر الحبايه المسكنه كعدت الصبح عبالك مكسره اكثر.
لا يا آلله اريد اشيل ايد ما اكدر حتى راسي يدك.
امدده بفراشي واسمع امي تخابر بس مداكدر اجمع زين.
سجود /
داكلك مو وكتها البنيه مكسره شنو توازيت.
_
سجود/ شلون نشيلها وناخذها مترهم ترى.
_
سجود/
تمام تمام يله ننتظرك هناك.
هبه/
يوم يمه.
سجود/
كمزت اسم الله اسم الله.
شبيج خرعتيني.
هبه/
شوكت نطلع يوم اختنكت.
سجود/
ها
اي اليوم اليوم.
اصبري دقيقه داخابر وارجعلج شبكه موزينه هنا.
....................
شلون كل موقف يصير تسويلنه هوسه ترى متفقنه هيجي.
- غير افتهم وين شافها واجه يخطبها.
شنو بنتي ظامتها بالكنتور طالبه وحلوة الف من يتمناها.
- لا احسها تعرفه ليش هل وكعت ويه جيتهم.
ااا شنو ما اسمحلك تشكك بنتي اليوم هذا باجر غيره شتتوقع لعد.
- هههه واني اشدلي كرون احسلي والله والخطاطيب تسير على...
--------------------
هبه/
بعد ما مرت ساعه واجتي امي بيدها عبايه اسلاميه .
سجود/
عينيني دالبسج بسرعه السايق بره.
هبه/
ليش ما اجه عمو.
سجود/
شغل شغل عنده.
_ لبستني وجابتلي كرسي متحرك وتوجهت بيه للباب.
هبه/
شعجب مجبتيلي شال احطه على راسي احسن مبينه الخياطات.
سجود/
لا هيجي احسن ليجلب الخيط بيه خلي مبين ومكشوف.
هبه/
صعدنه ويه سايق چان ينتظرنه الظاهر بس مشايفته قبل.
بس الي استغربته الطريق مو طريق بيتنه وامي تفرك بيدها متوتره.
يمه وين رايحين هذا مو طريقنه ليش.
سجود/ ..........سكوت
هبه/
يمه احاجيج شبيج جاوبيني.
سجود/
ها يمه مو رايحين للمحكمه.
هبه/
خير يمه شنوحشتكي على الدرج.
سجود/
هههه عود تحشش
لا مو معاملة البيت رادوا توقيعج وبصمتج وحظورج شخصيا لان انتي الوريثه لابوج.
هبه/
يمه مميته من الجوع حتى ماخذتني بهل وظعيه للمحكمه من المستشفى للمحكمه صدك كذب
ترى حالتي مزريه.
سجود /
لالا
رتبنه الوظعيه كعدي بالسياره ويجي الموظف يوقعج نظرا لحالتج متكدرين اطبين للقاضي.
هبه/
منو رتب الوضع يمه
شو انتي ويايه
وعمو ماكو.
سجود/
اهو شكد تلحين تلحين
كافي وصلنه.
هبه/
صدك طبك الرجال يم نفس المحكمه ونزلت امي مستعجله.
اني كاعده واباوع بعيني بس ممهتمه هو توقيع وخلص
بيش يغثني يعني.
_ اجتي سجود من بعيد وياها موظف .
الموظف/ السلام عليكم.
هبه/ وعليكم السلام.
الموظف/
اختي ليش منزلتي شنو وظعج.
هبه/
شدشوف كسور ورضوض على شويه خياطات.
الموظف/ شفت اختي شفت.
بس
انتي مجبره لو بكامل ارادتج.
هبه/
بكل نيه وصدق.
لاوالله بكامل ارادتي ليش الجبر اني اجيت ويه والدتي بس صارلي حادث طارىء.
ردت بس اخلص من المعامله الكشره تبهذلت بيها.
الموظف/
براحتج بس اعيد اخير مره
اختي هاي المعامله تفضلي هاج بكامل ارادتج توقعين.
هبه/
ههههه
اي طبعا شبيك.
سجود/
بجره سريعه للأوراق.
دهاج يمه هاج شو اشوف وقعي هنا.
اي عفيه
وبعد هنا
اي تمام عاشت ايدج حبيبتي.
سجود/
هاك اخي اشكرك تعبناك.
وثاني مره من اكلك تدري يعني تدري.
الموظف/
اسف اختي بس هذا واجبي شفتي شلون وكلني القاظي وبرقبتي هذا الشي.
وجه الكلام لهبه.
مبروك اختي وشايفه كل الخير واسف على الحاحي.
هبه/
اشكرك اخي.
بس تعجبت ليش هل مباركه هيه وكاله عشتوا هل موظفين صدك غريبين الوجع بده يدك بالعظم احسه
وهذا يدور مباركات.
.
.
وره ربع ساعه اجتي سجود تضحك.
هبه/
وين صرتي يمه مو نسمطت .
سجود/
ههههه
وجرتني بوستني خلص يمه خلص ها اها رايحين للبيت بعد عساج لاشفتي محكمه ولا توصليها.
هبه/
رحت للبيت وهناك جانوا بيت فاروق هستوهم اجوي.
طبعا امي بالطريق نزلت اخذت البقلاوه والكيك والفاكهه
يمه شكو خيرج.
سجود/
يمه على سلامتج ليش انتي شويه عندي.
___________
زينه/
يا شجرالج شنو هل وكعه سلامات خيه سلامات.
فاروق/
والحلك مفتوح والابتسامة من الطول للطول.
سلامات يابه هبطينه وقلبنه وكع صدك جذب.
هبه/
بتعب والم بده يظهر عليه
الله يسلمكم.
كعدت شويه يمهم والكل تحجي راسي احس اخياطاته ادك بقلبي كل الم جسمي ميعادل الم قلبي
.
اخ اخ ياماهر شصار بيك البارحه.
شلون تحملت هل الاهانه وانت صارلك سنه ونص تحلم بهل يوم.
هاجت مواجعي كلها بعد مختليت بغرفتي وحدي ونزلت دموعي بغزاره.
بره عبالك عرس عدهم الفرحه والكيك والحلويات غير افهم شكو.
بس اني اون وحدي بغرفتي.
تلفوني انسحب والمراقبه مشدده من امي لازمه خفاره عليه ليش ماعرف.
مرت الايام ثقيله حيل حيل ثقيله عليه ماعرف شسوي مكسره وكاعده.
سجود/
ها اها رحت وديت تقرير المستشفى للمدرسه واخذتلج اجازه شهر.
واجباتج اجيبها الج.
هبه/
يمه انطيني جهازي اخابر مينا افتهم اني منها .
سجود/
لايمه لا
انتي سادس مبعازت واجبات اني اتفقت ويه مدرسات عرف يجن يدرسوج بالبيت.
هبه /
هم سكتت شسوي مر الشهر عليه بين صفنات ودراسه ومدرسات.
والحمد لله عمي أبو يزن استقر وضعه وشغله ورجع البيت طبيعي.
اله قلبي عليل صارلي لليوم ٢٨ يوم مشايفته ولا سامعه صوته.
اخ من يمر طاريه قلبي ميسوي دك....دك..دك...
لا يكوم يغني باسمه.
سجود/
اااا
شعندج مداومه باجر.
هبه/
يمه ترى طولتيها جان قبل كم يوم اداوم وانتي معترضه باجر اريد اروح عندي كم سؤال واجيب الهويه.
صدك على طاري هويتي وينها.
سجود/
ها
ضاعت ضاعت يمه وداعتج مويمي .
امشي بعد بشهادة الجنسيه شعندج بالهويه.
واذا على المدرسه ترى رحت وسويتها الج قدمت اوراق مستنسخه بقت بس نجيبها .
__________///
الصبح لبست صدريتي والله احسها كصفانه عليه طبعا اكل ونوم وحركه ماكو.
وخليت الشال على راسي طبعا بأوامر امي قبل بيوم.
سجود/
هبه هبه
يمعوده السايق يدك ثبر الدنيا.
من تنزلين انزلي مثل الاوادم لتنكسرين مره لخ.
هبه/
نزلت نزلت
وطلعت وتوجهت للمدرسه.
مينا/
لج هله هله بالبذاته لج شبيج دكي سالي ايدج محنايه.
هبه/
بوسوني البنات وشرحتلهم وضعي وكلتلهم التلفون مو يمي.
احنه حاليا
شهر الرابع نهايته كلش.
هبه/
مينو حبيبتي قلبي صديقتي الصدوقه.
مينا/
غردي شعندج اطربيني.
هبه/
جايبه تلفون بداعت ابوج.
مينا/
هههههههه
لكم لزموني ههههه اكلج شو من كعدتي بالبيت بينت مواهب الشحاته عندج وبدت تطور.
هبه/
دلصمي جايبه موبايلج صارلي شهر ممخابرته.
وبعد عناء وكلام كومه.
مينا حاليا دتراقبلي يم الحمامات واني طبيت اخابر.
هبه/
شنو القصه دك كومه ومرد.
رديت دكيت كسرته للتلفون.
وين قريب ما ردت اسده جاوبني.
ماهر/
نعم.
هبه/
الو هلو ماهر اني هبه.
ماهر/
احم
أهلا اهلا شلونج.
هبه/
زينه صرت زينه من سمعت صوتك.
ماهر/
ااااا
وين جنتي كل هل مده.
هبه/
أي اعرف والله اكيد اشتاقيتلي واني هم بس لو تعرف شص......
اجاني صوت من يمه.
_ ماهر حبيبي طلعتلك ملابس داخليه تغس.......
هبه/
نقطع الصوت
ونقطع الامل
ونقطعت احلامي
ونطفيت بسماع هذا الصوت الانثوي يمه.
مازال الجهاز على اذني واني ارجف ارجف بردت بعز الصيف.
هناك وأعلن الجهاز عن وصول رساله.
اي اي اكيد حيكلي السمعتي غلط.
الرساله مظمونها
هبه اتمنالج حياة موفقه صدكي حبيتج بكل جوارحي لكن كرامتي ومعزت امي كبيره عندي.
يعز عليه ابلغج واكلج اني تزوجت شوفي حياتج.
تزوجت
تزوجت
تزوجت
تزوجت
كلمه من خمس احرف عيني شكلت بيها وعقلي وكف حبيته والله حبيته.
بس ليش استسلم راسا ليش محارب لخاطري ليش منتظرني وليش اتزوج بهل سرعه
وليش
وليش
وليش ادور براسي عيني مفتوحه على الجهاز وايدي ترجف.
.
.
.
.
من هنا بدأ التمرد
هذا برتوت صغير وبي تكمله من تخلص ينزللكم