.
.
.
هبه/
يمه لا اريد اروح ولا اشوفهم صارلي سنه ونص منو عرفني شو عمتي هناكه بيت العالم تعدلي وتصفلي وسوتني متواعده وجايبه فاروق لهناكه متسكتين يمه لخاطر الله.
كل ما اذكر كلامها والنسوان يتشاورن بينهم عليه اشيل حقد كومه عوفيني شتردين مني.
سجود/
لاوالله نروح ونروح واطب بعيون عمتج البومه ليكون عبالج ميته على شوفت وجوههم.
هبه/
لعد على شنو رايحين لا انتي طايقتهم ولا اني متحجين مو فريتي الراسي وآلله.
سجود/
خاف عبالها قبل سنه ونص من كلتلها على البيت كالت مسوين عقد ابو السنتين ويه المستاجر ومنكدر نطلعه هسه بعد شكو بعد شهر ولازم ينتهي.
اكلج يمه قبل فتره كلتي اتفقنى اني وعمتج وردتي وكاله مني مو صح.
سجود/
اهو اهو
شكد حقنه انتي نسيت نسيت اي شفتها على اهلج
طالعه ادققين هوايه.
هبه/
افهم
يعني رايحه للعركه.
سجود/
وشعندي عركه رايحه اوجبهم واشوف حقج يالفاهيه.
هذا الوكت ميتأمن سمعتي مع الاسف ماخذتي الذكاء مني.
اخذتي فطارة ابوج.
ام نور/
بنتج ذكيه سجود بس كولي على نياتها والفطاره اسمها قلبه طيب
هذا كلامج صوغي بغير صيغه.
وذكائج سمي حيله دهاء.
هبه/
يبو حتعلك بينهم
كامتلها امي
مخنزره وعيونها كبار مكحله فكتهم عليها.
سجود/
متخصره بنص الهول
شقصدج عيوني اني حياله واني بليه يعني بلوه لتسويلي هل مصطلحات دهاء وماعرف شنو.
ام نور/
بكل برود
جذبت
كلت ليش تزعلين من الحق اي انتي اذا اكو كلمه اكثر من البلوه فهي انتي.
سجود/
هوب هوب عيوني
اذا على رجلج فهو حفه على مانال رضايه وهسه يجي واريد اشوف يحجي غير حجي.
ام نور/
غير راد خلفت الولد وشافج رضيتي.
سجود/
هههههههههه
ليش عيوني من شافني جنت جاره خمس ولد ويايه بالسوك ترى بجري بنيه يعني حالي حالج.
كافي كلمن يثني ويثلث يطلع الف عذر خلي يكول اريد اطري شيباتي.
ابو يزن/
خلي يكول عيونها سبني.
هله هله
بشيخ الشباب
سجود/
ها شحجينه شكلنه
استلمي هذا رجلج ابو الخلفه.
ابو يزن/
شبيج يابه ترجفين
اني اخذتج لنفسج انتي حتى لو مخلفتلي عشر بنات.
هبه/
ام نور مره فقيره كلش لهذا امي مهججتها وإلا لوتريد متاخذ بايدها ربع ساعه.
بس كذب امي تحبها وتكول حقها رجلها وابو يزن حبه ظاهر الامي.
سجود/
دتعالي ابوسج مازعل منج اني خايبه منو ربه ولدي غيرج.
ام نور/
اي علامج اتخمين وعايفتهم شلون ينطيني قلبي.
سجود/
وين اتخم غير ويه رجلي ابو عيون الطايره
بله انتي تحملتيني واني حبيتج بس اذا يجيب شريجه على راسنه مصيرك الكافور والابيض وكلام الله.
ابو يزن/
ههههههههههههه
اخ يابه الحكلي خلي اكصه احسن.
سجود/
والله احطلكيا بصفك على المخده والتجي خليها ممرضه.
ام نور/
ههههههه
ولج بنتج كاعده شلون ويه لسانج.
سجود/
شبيه مراح تزوج اول وتالي حشو........
سد حلكها رجلها
ابو يزن /
ههههههه ولج كافي فضحتينه هههههه.
________________
واكفه اخلي شويه لمسات لوجهي طبعا اني محافه بس شوا........ لاحواجب لاوجه متقبل سجود خانم.
تكول اريدج للنهايه وازيح الازيحهم المن ماعرف والله.
سجود/
يله عيوني هباوي نزلي عاد.
هبه/
اجيت مكمله ها اها
منو يودينه.
سجود/
فاروق هنا كتله ذبنه بطريقك.
هبه/
طبيت للهول
هلو فاروق شلونك.
فاروق/
على الله الحمد لله
ها خلصتوا.
سجود/
اي شعدنه.
يله.
فاروق/
بعصبيه شنو شعندج بنتج مو تحجبت .
وين شالج ها.
هبه/
يا نسيته عوفه يتخربط شعري.
سجود/
هههههههه
لا لا ممقبوله هباوي جيبي الشال على ميز التواليت بغرفتي جبته البارحه يرهم ويه هدومج.
هبه/
المهم وصلنه وهو كالب الوجه ليش ماعرف والله.
عمتي/
اجيت اجيت دقيقه.
يا هاي منو سجود.
سجود/
دهلي مرحبي جاياتج نوجب.
عمتي /
ها هله هله بيكم بس تفاجأت بجيتكم.
سجود/
شو دوخري خلي نفوت.
وطبينه جوه الكل كاعد
زوج عمتي خاليله جربايه بالهول
فراس
اخته
فرح وزوجها .
سجود/
السلام عليكم
الكل وعليكم السلام
سجود/
شلونك عيني ابو فراس يمك العافيه مشوف شر ان شاء الله.
زوج عمتي/
الله يسلمج ام يزن
اي بابا هباوي شلونج.
هبه/
زينه الحمد لله الحمد لله على سلامتك عمو.
عمتي/
ماشاء الله تحجبتي واخيرا.
سجوده/
اي والله هم يله باجر عكبه يجيها الرجال يريد يحجبها.
رائد /
ليش هيه صغيره
خلي اظم اعطوبها .
سجود/
هههههههه
اذا شعر هباوي عطوب اقره السلام لعد على شعورة النسوان.
فراس/
لا لا ممقبوله ابن العم
هباوي ظفيرتها مثل الهنود.
اصلا صلوات مشفت بنيه بحلاة شعره.
عمتي/
اي يمه مو ردت تطلع.
_ تجاهل كلامها ومجاوب.
فراس/
مبقى شي على الامتحانات شدي حيلج.
هبه/
اي بعد بس هسه الكورس الثاني ونخلص.
سجود/
اي فرح شكد عليج صلوات ولو كوه يله عرفتج حامل.
شو صلوات كرشج من ضهرج كله واحد.
فرح/
عليه تلث اشهر .
ورائد ثابرني بالولد يريد يسويهم سته.
سجود/
ههههههه
سويهم عمي سويهم.
هبه/
فراس عندي مسأله خازنتها بتلفوني تعرف تحلها.
فراس/
تعالي جاي اشوفها.
_ كمت يمه وخلينه راسنه بالتلفون وبده يحل بيها واني ويا كظيناها ضحك وشقه.
بصراحه اني متعلمه ومتعوده عليه.
رائد /
احم ....بعصبيه
فراس شهل خفيه مدكول ابوي مريض شهل ضحك.
فراس/
كومي هباوي للمطبخ هذا طبكت عنده بعد.
هبه/
كام وجرني من ايدي ورى.
ورحنه للمطبخ نضحك ونسولف.
_________
بالهول......
رائد/
شهل تصرفات الطايشه مال ابنج ام فراس.
سجود/
دخليهم ياعيني همه مدامنين واحد يحب الخ.
رائد /
نعم شتكولين.
سجود /
مثل الاخوان مثل الاخوان شبيك ههههه
دخليني اكمل الكلام.
وندارت لام فراس
اي خيه شصار على المستأجر شوكت يطلع.
عمتي/
ها بعد شهرين ليش شناويه .
سجود/
وآلله ناويه ابيعه وكلمن ياخذ حصيصه احسن اريد اخذ لهباوي مشتمل صغير تكعد بي من تزوج.
رائد/
عجل يابه ماخذته كعيدي للرجال.
سجود/
ههههه
لاعيوني لا
بس دنيتك خوانه متعرف شضامه الك.
_______________
بالحديقه........
فراس/
هبه مرتاحه ويه زوج امج خاف يت........
هبه/
ابد ابد لتكولها عفيه
اصلا عمو ابو يزن انسان كلش محترم كلش ويحبني ويتنغصلي .
عفيه لتحجي عليه.
فراس/
هههههه
شبيج حتبجين بطلنه منحجي عليه.
_ بهل اثناء نضحك وظربني على راسي نزل الشال.
رائد /
طب للمطبخ
يابويه شقه وضحك
بله ضحكونه وياكم شنو هل صوت العالي.
وانتي مدام شالج من اكول اعطوبج متقبلين.
هبه/
شكرا نبهتني طالعه عطوبي وبعدين تطلع اطب بكيفي اني حره بيهم.
فراس/
بم طارت الجبهه ابن العم
لج عشتي هباوي.
هبه/
فراس يحجي ويضحك ويضربني على جتفي.
رائد/
بس يزي عاد وانجعموا ثنينكم
كوم كوم يله وياي عدنه طريق.
طلع وهو يتوعد المن ماعرف.
شويه واجتي امي كالبه وجها
سجود/
يله عاد دروح.
هبه/
سلمنه وطلعنه بسرعه وامي اعصابها فالته
خمنت عمتي غاثتها.
ومن وصلنه للبيت لاسلام لاكلام رأسا طبت لغرفتها وسدت الباب.
_________
ماهر/
الو قلبي ونبضاته.
هبه/
هههههه شلون وياك اني ها شلون اكدر على سوالفك الحلوه.
ماهر/
هباوي
هبه/
ها عيونه.
ماهر/
اكلج باجر اجيب امي واجيكم طلعيلنه مو تشلعين قلبي.
هبه/
صدك
لا استحي عفيه.....بس لخاطرك والخاطر امك لا اطلع واسلم واكعد هم.
ماهر/
لوتدرين عقلي بيش يحلم وشيرسم.
______________
صباح اليوم الثاني
هبه/
اليوم بودي ابوس كل العالم واحد واحد وحتى الاكره هم ابوسه وانطي ورده هم.
مينا/
هيو هيو
يمعوده الو.
هبه/
من اكلج وجع تزعلين شبيج صرعتيني ها.
مينا/
بشرفج تحبي عليج الله.
هبه/
اكيد اي لو اكلج ماعرف بس هو حنين ولطيف وجميل
بس احسه بدمي ويومي ميكمل اله بي.
مينا/
دهاج هاج هويتج عيني اخذوا المعلومات ورجعوها النه.
هبه /
اخذتها وخليتها بجيب الجنطه.
وحاليا واكفين بره ننتظر الخط وبايدي التلفون اخابر ماهر.
وينك حبي.
ماهر/
داحلق واني محلق بالسما
مدالحك يصير العصر ونجي.
هبه/
ههههه ياعيني ان شاء الله ان شاء الله نفرح سوه.
داحجي بالتلفون واضحك وهناك انداريت لكيت هيثم نازل يم سيارته ولازم الباب بتك ايد ومعصب.
هيثم/
مينا مينا ( بعياط )
مينا/
اجيت اجيت
يله سلام هباوي.
ها هلو شلونك.
هيثم/
وجع بيه
شنو هل تمضحك بالشارع انتي وصاحبتج ها
وتلفون ومخابرات ويامن بله.
مينا/
ها امها اي امها...
ونطلقوا للبيت.
__________
هبه/
وصلت للبيت فرحانه عصافيري طايره بس مكلي على اي ساعه يجون.
هلو يوم شلونكم.
سجود/
معصبه نار نار
شلوني كولي انتي ها
شعندج متاخره وتلفونات وتمضحك بالشوارع بت الق....
هبه/
شسويت كليلي يوميه زافتني زفه.
سجود/
جيبي الموبايل سادس انتي شنو خالته للتمضحك.
هبه/
جرت التلفون مني وراحت.
واني عندت وصعدت فوك منزلت حتى على الغده وتلفون ماكو .
وماعرف باي ساعه يجون.
محسيت اله نمت.
وين وحسيت ابن امي الصغير اي والله اسمي ابن امي لان ماحسه اخويه.
بس شنو اموت اموت عليه.
اجه وندحس بيه......ولك وخر.
_ ما انتي وحري....لا اني حبج تعالي اسويلج لوش.
هبه/
واني ابوس بي ملخته بوس وتعضعض سمعت حس عالي جوه.
كمت وتذكرت جيتهم.
سجود/
ماعدنه بنات للزواج.
ابو يزن/
ام يزن على كيفج موهيجي الكلام.
سجود/
لاهيجي ونص اسمحلي
شلون يجرأ يفكر ابنتي ها....لك ابني شوف حالك اول كون مستقبلك يله ادك بيبان العالم.
وانتي امه غير تنصحي لو ديزيد الفكر فكرين.
ماعندي بنيه للزواج.
هبه/
اني سمعت هيجي تخبلت انجنيت شنو هل حجي وتوجهت ركض للدرج وبعيني بعدني النوم والكلام السمعته
ومحسيت اله تنلوي رجلي من راس الدرج صارت جوايه وكعت راسا بطريقة الدحرجه.
معلنه عن كسر بساقي اليمنى.
.
.
.
💔