رحت اركض و كلهم يصيحون ورايه يريدوني ارجع بس اني مستمره بالمشي ماكدر اعوفه وهوه هيج حالته لو مامتصوب جان عادي بس كاعد ينزف و منو يساعده صدك اول ما وصلت لكيته واكع من طوله يم الباب دنكت حطيت راسه بحضني . ناضم ناضم اكعد عفيه لا تخليني وحدي اهنا شوف حتى نزلت علمودك ..ماكو ناضم مايحرك لا ايد و لا رجل انوب اريد اوخره من الباب ماكدر هوه كولش ثكيل سحلته سحل يلا كدرت رحت جبت مي رشيت على وجهه هوه نزز فتح عيونه بكسل
ناضم: .... اني بالجنه لو شنو
كرز: ههه ياجنه ناضم اكعد عفيه
ناضم: هاي حور العين يحجن عراقي
كرز: ههههه هسه علمني شسوي كاعد تنزف عفيه لا تموت
ناضم: انطيني مي ....
كرز: رحت جبت مي و اجيت شربته هوه شويه وعى على نفسه
ناضم: شرجعج انتي
كرز: هاا
ناضم: داكوللللللل شرجعججججججج هااااااااا
كرز: على كيفك لاتصيح شنو شرجعني لعد شلون اخليك وانته هيج تنزف
ناضم: شعليجججج بديني يابه مو اني امنت عليج عسه ما طبني مرض جان هسه انتي راح توصلين وين هسه اوديج بعد منو يجينه عاد اني جان لتمت روحي بكل مكان و رجال محد بحالي بس انتي اقل شي العيون عليج
كرز: يعني اني هيج عاله عليك اسفه خلص رايحه اخلصك مني
ناضم: وين موليه لا تتخبلين عليه عاد
كرز: كافي شنو هذا الكلام ماخليت بيه فوكاها اني ماخليت بيهم لان عافوك وحدك
ناضم: اخ اخ
كرز: هيج اني مضوجتك و كارهني
ناضم: لو كارهج ما اهتم تجين تروحين بس انتي هسه نقطة ضعف تعرفين شنو معنى نقطة ضعف
كرز: خلص خليني اداوي رجلك مضروبه طلقه مو
ناضم: لا مابيها طلقها اصابه على حافه
كرز: لعد ليش هلكد نزفت و وكعت
ناضم: وكعت يجوز لان تعبان و ما ماكل و نزف مادري ليش
كرز: اكو معقمات اهنا شي
ناضم: اكو جوه الميز مال المطبخ
كرز: تمام انتضرني
ناضم: انتضرج العمر كله
كرز: ها حجيت شي
ناضم: كتلج لا تكلبي كله رفعي شويه
كرز: اي اعرف ......
ناضم
معقوله ربي عوضتني اريدك اتممها على خير وياي
كرز: هذني
ناضم: اي اي
كرز: شبيك تهذي انته كمت لو شنو اسمعك تبسيس ويه نفسك
ناضم: اي احجي ويه نفسي
كرز: امم يلا عض
ناضم: تمام
كرز: اويي هاي شبيك هد ايدي مو ايدي الي تعضهاا
ناضم: انوب اوي ... ها حسبالي ايدج
كرز: عض هذا جرجف لان من راح يجي المعقم تكوم تصيح
ناضم: شلون عرفتي
كرز: هاا مو شايفتها بمسلسل
ناضم: هههه اخ الله اخ يلا عمي سويه
كرز
بديت اعقم جرحه هوه بين عليه الوجع كام يطلع ونين .. يحتاج اخياط
ناضم: تعرفين
كرز: مرت خالي مره خيطت ايد ابنها بس خاف اموتك لان مادري اذا تضبط لولا
ناضم: جربي ماعليج مأمن بيج
كرز: واذا فشلت
ناضم: اموت على ايدج افيشش
كرز: كافي ناضم لاتحجي هيج
ناضم: هاي عمي سكتنا يلا ماعليج خيطي يلا يلا
كرز: انته المسؤول بس هيج بدون بنج توجع
ناضم: ليش اكو بنج يمي
كرز: وينه
ناضم: بس اني اشوفه انتي ماتكدرين
كرز: عزااا بس لا تخبلت
ناضم: هههه ديلاااا
كرز
بلشت عقمت و اخذت الخيط و الابره اول ما سويته شفته صك باسنانه على الوصله اعرف حيل يوجع الله يساعده...
كرز: اكولك اطببه انته يجوز يصير اسهل . اباوع عليه ضحك رغم الالم الي بيه و اشرلي اكمل كملت و حايره والله هذا صار بيه شي هوه اني شكلت يضحك استمريت بس تعبت لان حطيت كل عقلي وياه خلصت هوه عيونه صارن دم دم لفيت رجله و غسلت وجهه بالمي هوه ضل يتنفس سريع من الالم و الجهد كمت لكيت اكو طماطه و كرفس و تمن سويت شوربه اله رغم الكرفس جان كولش تعبان بس طلعتلي كم وحده رحت شفته نايم اخ اخ كرز رجعتي النقطة الصفر ياترى ازار اذا دره اني وحدي اهنا ودره بشغلة الاغتصاب جذب ياترى هم بعد يدور عليه شسوي ازار شسوي ماكدرت اعوفه شلون اعوفه وهوه هيج ساعدنه لو ما جايه جان مات ههه كرز وصلتي الاخبال تحجين ويه ازار بعقلج اوف اوف ورا ساعه صبيت و وديتها
كرز: ناضم ناضم
ناضم: همم
كرز: اكعد اكل خلي جسمك يلزم نفسه
ناضم: خليني نايم تعبان
كرز: بس اكل و ارجع نام
ناضم: هاي شنو شمسويه
كرز: عود شوربه اكل هذا الموجود مو تقلد
ناضم: لا عمي احنا لاكين ...... بس والله طيبه عاشت ايدج
كرز: بالعافيه
ناضم: مو هيج مرتاحين بدونهم حتى الاكل يكفيلنه جانوا بس يعلفون و ينامون
كرز: اسكت كولش كارهتهم...... شبيك صفنت
ناضم: شكرا
كرز: لا عادي ماسويت شي انته الك فضل جبير عليه
ناضم: تعرفين شكد كبرتي بنضري هاي سالفتج رجاجيل عليهم العتب مايسووها وانتي بكل شجاعه رجعتي بايدج انتي قمه الشجاعه
كرز: ههه راح اشوف نفسي عليك و اتكبر تره
ناضم: تكبري فالتكبر لاامثالك نعمه
كرز: ناضم اريد اكولك شي اني ترا عيب تكول هيج واني مز. قاطعني
ناضم: يلا عمي سكتنا بعد مانحجي اطمئني
كرز: اي عفيه احسن
ناضم: اكلتي انتي
كرز: اكلت بالجدر
ناضم: ههه عضامه انتي
كرز: هههه اي
ناضم: شلون خلوج ترجعين
كرز: كمت اصيح عليهم و ماخليت شبعتهم اهاين
ناضم: كفوو من شاربج تدرين انه عرفتهم مو زلم مو لمن عفتوني لان بالاصل انه اريدكم تروحون
كرز: لعد
ناضم: من نزلوج وخلوج ترجعين
كرز: مو اني شبعتهم صياح
ناضم: هاي لو اني لو اعرف افقدج الوعي و مانزلج بس مع الاسف ماكو وياج زلم
كرز: همزين ماكو هههه
ناضم: الله يحبني و خلاهم مو زلم ههههه
.......
سيدي اكو جماعه هربوهم من الموصل
ازار: الله يبشرك بالخير . رحت متلهف يارب الكاهه حسيت جبل جان عله ضهري و هسه كام ينشال شويه شويه كلي امل راح اروح والكاها يارب انته القادر لاتفشل عبدك يالله
عثمان: ها ازار شكو شو تركض
ازار: اجوي جماعه من الموصل بلكي مرتي واخويه وياهم
عثمان: الله يفرحك ان شاء الله خويه
ازار: يلا اني رايح انتضهرم بالطريق
عثمان: خلي حمايتك وياك
ازار: اي ان شاء الله يلا فيمالله
عثمان: الله وياك
.....
ازار
طلعت و بداخلي امل جبير يارب عسى و ان ايصير شي البالي يمكن ختمت القرآن كله بالطريق و الادعيه وصلنه نزلت ركض
سيدي
ازار: اجوي لو بعد
سيدي دقيقتين و يكونون يمك
ازار
كعدت على بلوكه حيلي احسه راح و توتر الي بيه اول مره اصير بيه هيج حاله ربع ساعه و شفنا سياره يالله نزلو منها مجموعه سياره لو مطبنه اطبن كومه ناس بيها شويه واشوف كامل نازل الحمدالله ياربي رجعوااا اوخيرا ازار ارتاح كلبك الف الحمدلله ياربي ماخيبتني شافني كبل حضنته شكد اني بعيد من هاي سوالف التقارب بس جنت خايف عليهم
ازار: بطل الحمدالله على سلامه
كامل: الله يخليك ابو اسد الله حمانه والله يا خويه
ازار: الحمد لله على كل حال.. اباوع هاجر نزلت اي هسه راح تنزل راح تنزل ضليت اباوع لا يارب لاتخيبني كافي الضلام الي عايشه بداخلي لاتخلي ضلام يطغى عليه حته بالخارج باوعتلهم دنكوا راسهم ...
ازار: هاجر كرز وين مو جنتوا سوه و ناضم وين
هاجر: بصراحه
ازار: لا تكولين الي بالي
كامل: لا لا ما ميته بس خويه مرتك ماقبلت تجي
ازار: شنوووو شنوو شبيك بوياي شنو ماقبلت تجي احجو حجايه تنعقل
كامل: على كيفك هيه من ناضم تصوب ماقبلت تجي ويانه خافت عليه و بصراحه خويه مرتك مو راحه تركض ورا الرجال هوه كالنه صعدوا انتو اني اتولى نف... بعدني مامخلص ماحس غير بوكس سن من سنوني طيره
ازار: اشوف ابن الخراااااا انته شكاعد تمسلت كلام زايد ما اسمع عليهاااااا
سرى: خويه انته ازار زوجها الكرز مو
ازار: اي شكو
سرى: هاي وكعت منها من طلعت و مكتوبه اكيد الك
ازار: مشكوره
سرى: واجبي هذا يلا مع سلامه
ازار: الله وياج خيتي ... شوف زمال غسل حلكك كله دم و تعال مسلت اريد اعرف مكانهم و اذا حجيت مضرطه زايده و حك الحك ادفنك اهناا يلاااااا
ازار
عفتهم واخذت جنب الشقيقه فولت براسي احس انفجار براسي كعدت شفت رسالتها ...
الى حب حياتي
ازار شلونك حبيبي هاي كتبتها واني بهذا المكان الي الموت بيه يوكف على شعره علمود من اجي وانطيكياها تشوف شكد معانيه بس بالي كوله يمك ازار نفسيتي تعبانه كولش مشتاقتلك مشتاقه حتى الرزالتك اليه و الكلامك الحلو و من تكعد تنصحني اريد اصير قويه علمود ارجعلك و نرجع الحياتنه الطبيعيه و وعدت نفسي انطيك هاي رساله من اكون اعترفت بكل اخطائي ازار حبيبي اني جذبت عليك بس والله جذبت عليك لان احبك و ماريد اتركك اني بصراحه محد اغتصبني اعرف من راح توصلك هاي رساله اذا اني عشت تكون انته كارهني بس اني كتبتها بهذا الوضع حتى تعرف حتى الموت ما اهتمله بكد ما اهتم الك يا سعادة حياتي تدري كتبتها و الوقت ليل اتمنيت بهذا الوقت اشم عطرك و ارجع انام يمك ازار لا تكرهني لان اذا كرهتني اني اموت
احبككككككك ازاري دنيتي و دماري
من عقل كلبك (كرز)
ازار
شعور عشته بهاي الحضه شعور ما اله وصف شعور انسان ماكو عنده عقل عقلي كام ما يستوعب معقوله هاي الاشياء كلها جذب بجذب ربي شنو هل بلاء الي نزل عليه ماعرف ال الي من العليه لزمت راسي دنكت منين اجيبها منين اوديها افكر بشنو بيها الي على ساعه تموت لو بجذبها عليه كل هل فتره دخليك ربي شنو من اختبار هذا كمت غسلت وجهي
ازار: طلعت الموقع منهم
اي سيدي هذا وينه حاضر
ازار: يلا لحكوني
..........
كرز
صار ليل واحنا على وضعنا
ناضم: اكلج ماتعرفين تغنين
كرز: هيه هاي العايزه انوب اغنيلك
ناضم: شبيج عكره شكايلج كومي هزي هوه اجوعر جوعريلج شويه
كرز: اهووو لو ادري عايفتك شكد تحجي
ناضم: يلا يلا انه اغنيلج
كرز: لا مروتك ماريدك تغني
ناضم: اي هسه اصبري كتلج راح اغني لا تلحين عليه والله موتيني مدري شعاجبج بصوتي
كرز: ههههه اوف اوف
ناضم: اطلبين اغنيه
كرز: لا ماريد اسكت
ناضم: لا ما اكدر اغني هلكد اغاني انطيني وحده وله اكلج على ذوقي راح اغنيلج اغنيتي المفضله
كرز: غني هوه كلت اي لو لا نفس الشي ههه
ناضم: اي هيج من البدايه يلا احم
اوعدني متروح البشر غيري و تحضنه اوعدني ما تنساني ابد مهما ابتعدنا و اكتبلي باوراق الشجر كلمه حبيبي و اذكرني لو واحد كال كلمه حبيبي انته هواي ودنيتي و عمري و نصيبي اذكرني لو واحد كال كلمه حبيبي
كرز: صوتك حلو شنو تحب نصرت البدر
ناضم: اي والله اغانيه بيهن احساس وهاي الاغنيه بالاخص كلش احبهاا
كرز: خوش نطلعها بعرسك
ناضم: هههه هاهيه وانتي هم اذكريني بيها . و غمزلي
كرز: كافي نام
ناضم: تصبحين على خير
كرز: وانته من اهله
كرز
اوف اجتي افكار اليل الي دخلني بالف فكره بس صدوك رسالتي وين راحت يمكن وكعت من اجيت حرامات راحت كل المشاعري الي بيها جنت مفكره اعترفله بيها اوف ازار ياترى اذا عرفت شراح تسوي
ناضم: شعندج تبسبسين
كرز: ماعليك بيه نام
ناضم: ماعييك بيه نام
كرز: لا تقلد
ناضم: بس نامي
...........
كرز
كلعاده صار الصبح بس اليوم صاير رمي قريب علينه
كرز: خاف يدخلون علينه اهنا
ناضم: لا بس هسه صايره مشاحنات بينهم و بين الجيش واحنا صايرين الا شويه بالنص لذلك نسمع صوت قريب
كرز: ناضم اذا متنا شلون
ناضم: باذن الله ماخلي اي شي يوصلج اهم شي ارجعج سالمه ليش تبجين
كرز: ناضم تعبت بعد ماعندي طاقه تعبت من شعور التهديد على ساعه نموت او شي تدري افضل الموت و لا هذا شعور القلق و الطكه الي اصير يوكف كلبي وياها
ناضم: تصير سوالف وداعتج تحجيها الجهالنا قصدي الجهالج
كرز: يارب ..... هاي شنو وين رايح
ناضم: خوما تريدني انام رايح انشوفلنه بلكي اكو سيارات تهريب تاخذنه
كرز: اروح وياك احسن ما ابقى وحدي
ناضم: اي كومي نفهي عن نفسج شويه بلكي تجي طلقه براسج و شويه ادير مخج يابه انه رايح العب تره رايح ويجوز ما ارجع
كرز: شلون اذا ما رجعت وين ابقه اني اهنا
ناضم: سرسريه بيش طالبتني
كرز: اهووو ترا انته كلت اني شدخلني يلا روح خلي اخلص شويه ماريد اسمع صوتك اريد اشعر بالتنقي
ناضم: غير تستقر كارينا كابور
كرز: روح روح الله وياك سيف علي خان
ناضم: شنو هل تلميح هااا هههه تره هذا رجلها
كرز: اهوووو شو دروح
.......
ازار: مثل ما اتفقنا لا اني اصلا ماريد احد منكم يتحمل مسؤليتي اني اتحمل مسؤلية نفسي اذا متت عود ادعولي و اذا عشت بعد اجيكم هاهيه خويه انته هسه والله فدتني كلش اهم شي ادخل لا الموقع عندي اطمئن فيمالله
.
أم ازار: كون الله يبلاج وليدي راح يضيع متقصده تشمره ماجيتي مثل هل عالم اله تعنطز
هاجر: عمه خطيه والله حتى انه ضايجه لان عفتهم
أم ازار: انجبي انتي اضمضمين الهه
أم نهاد: يعني بنت يم داعش شلون بينه سترك ربي سترك
نهاد: الله يرجعها سالمه كافي ماما مردتي روحج( كلعه الف الحمدلله ياربي طلعتها من حياتي باحسن صوره تستاهلين كرز مو جنتي ناويه تموتيني اكليها معلسه )
........
كرز
وين صرت ادري لا كرز انتي شجاعه ما تخافين اي هذا هوه اكيد رحت فتحت الباب استغربت مراه و لابسه ملابس نفس ملابس داعش للنسوان بلعت ريكي و بصراحه كولش خفت
السلام عليكم
كرز: وعليكم السلام
كيفك انا جارتكون هاد بيتي من من جديد نزلنا
كرز: اه اهلا وسهلا تفضلي محتاجه شي
في عنكون بندوره
كرز: قصدج طماطه
اي اي طماطه
كرز: لا ماعدنا
اه طيب انتي عايشه لحالك هون
كرز: (هسه اني شكول لازم اجذب ) لا زوجي ويايه
اوه لكان تعو لعنا اليوم على وجبه اذا ماعنكون اكل
كرز: لا لا يسلمو عنا عنا كتير
شو
كرز: قصدي ما محتاجين يلا مع سلامه . طبكت الباب هاي شكلها مو راحه ابد عزا خاف يجون يكتلوني وينك ناضم اخ منك اخ عفتي اطكطك من الخوف شويه هم رجعت دكت الباب
منووو
انا انا بس بدي الك انو ما بتخافي مني نحنا لازم نكون على قلب بعض و الجار حقوا على جار ما هيك
اي ان شاء الله
كرز
هاي وراها شي ليش لزكت زين شبيهن اديها اسوي حركات غريبه هففف منين طلعتلي شويه رجع اندك الباب
ناضم: فتحي الباب كرز
كرز: اوف الحمدالله همزين اجيت وين عفتني كل هل وقت مو ردت اموت من وراك منا اصوات الطلق اكلت كلبي ومنا وحده سوريه اجتي مدري شتحجي بندوره و عنا و عنكون و مافهمت كولشي
ناضم: ولج انطي مجال وحده وحده ادري شنو رشاشه ترمين صلي فهميني على كيفج
كرز: شوف اجتي مراه و كالت عدكم بندوره يعني طماطه و هيه ماتدري اجدي من الحافي نعال و كالت احنا جديدن بالمنطقه بس جان حركاتها غريبه
ناضم: شلون شسوي
كرز: مدري شسوي بايدها حركات مال واحد مخبل و كولش خفت منها و سديت الباب رجعت كالت ماريدج تخافين مدري شلون بس اني اعرف هاي يمكن دازيها جاسوسه
ناضم: شلون جاسوسه
كرز: لان كالتلي انتي ويامن عايشه
ناضم: اي شكتيلها
كرز: هاا كلتلها نفس ماتكول انته
ناضم: شكايل انه
كرز: ناضم شبيك
ناضم: شنو شبيه غير افتهم شكايله شنوو شلكيتني هيج بروفسور افهم من نضراتج شكايله
كرز: اهوو علينه كلتلها اني و زوجي كاعدين شسوي قابل لازم اجذب نفس جذبتك
ناضم: ههه لا بربج
كرز: كافي هيج تباوع و تتبسم
ناضم: اي اي زين شسوت بايدها
كرز : مادري تفتح بيها و اسد هيج
ناضم: متاكده هاي الحركه
كرز: شبيك خوفتني ناضم خوما راح نموت
ناضم: ولج بس احجي متاكده
كرز: اي اي متاكده ليش شنو معناها عفيه احجي
ناضم: معناها خطرر اكو واحد كاشفنه اكيد وهاي اجتي اساعدج علمود اطلعين
كرز: شنوووو..... بعدني بالصدمه و اندكت الباب باوعت على ناضم برعب هوه باوعلي بنضره حسيتها تعبر هواي كلمات ......
........
للروايا بقايا ❤️
حبايبي تابعوني على انستا لان راح أنشر اشياء تخص الابطال mi_itss
و تابعوني اهنااا علمود نكبر واحبكمممم كوميات وعلقوا احب اشوف رده فعلكم