كرز
نايمه ماحس غير صوت رمي طلق عالي فزيت اباوع من الباب وانصدم ناضم كتل الحجي الي احنه بيته معقولهه ويا داعش صرت شلون تايهه لا اكدر اطلع اخاف و بنفس الوقت اريد اعرف ليش و شلون طلعت و باوعت جثت الرجال و المراه كاعد يمه و ميته بجي اني تذبحوني ماتلكون دم بيه بس صافنه صحاني من الصفنه صوته
ناضم: يلا كرز لبسي هذني و على سريع خلي نروح
كرز: دتحجي صدوك ناضممممم هاييييي شسوووويت لك فوك ما أكرمك و نيمنا بيت تكتله زين زين ليش عفيه بس فهمني فهمني راح اموتتتتتتت . كمت اضرب بوجهي نهاريت اجه لزم ايديه وخرها من وجهي
ناضم: اشش صدكيني ماسويت شي خطا هذا وياهم واحد ساقط بلغ علينه و سامع سوالفنه و هسه على ثانيه يجون ياخذونه مروت ربج بس اسكتي وطيعيني والله ما اذيج لو اذي روحي ما اذيج امشي وياي
كرز: ما امشيييي ما امشيييي انته واحد جذاب تريد تقنعني اني حسيت بيك انسان حقير و بعت بلدك
ناضم: حجيه بحضج و بختج راح يجون و يكتلوها كليلها اذا كلامي جذب
اي كلامه صح روحوا روحوا انه رجلي لو عايش جان ماصديت بوجهه روحوا يمه روحوا
كرز: زين بس
ناضم : بدون بس بروح طليان يعكوب كافي امشي
كرز: خلي تجي ويانه خوما تروح وياهم
لا يمه ماعليهم بيه اني ماعوف بيتي هوه عمر و كضه
ناضم: حجيه امشي ويانه وين ضاله
امشواااا هسه يجووون روحواااا
كرز: من شفت الوضع هيج هديت ولبست لبس النقاب هوه لفه روحه بالشماغ ردنه نطلع اني توقفت بالباب
ناضم: ها امشي يمعوده
كرز: ثواني . رحت ركض للثلاجه اخذت جم شغله و طلعت ركض
ناضم : هههه اصعدي اصعدي انتي راح جلطيني
كرز: ميته من الجوع شبيك والاكل الي جابوه النه ماكلته شلون اكل خبز و مي
ناضم: هههه لا عمي منا وهيج اوصيهم يجبولج قوزي لحم
كرز: هاهاها ماتضحك هاي سياره منين جبتها
ناضم: من الحجي
كرز: عزاا الي كتلته
ناضم: خراا بعرضج ذكيهههه فولل
كرز: اكولك احنا بيا حال وانته تحشش تعال كولي ليش كتلته عاد خلي يغمى عليه
ناضم: اوي يغمى عليه والله على هاي سوالفج مال واحد يركعج بزيج يابه يا يغمه عليه غير طلع سلاحه يريد يكتلج وانتي مثل الخوثه بسابع نومه
كرز: عزااا يعني جان متتت
ناضم: لا جان كرزتي حب صبرك الهيييي ربييييي عبدك منا مطي اجيبله وحده امطه منهههه
كرز: هاي عليه
ناضم: وحك طليان يعكوب عليج اقصد مو عليج
كرز: شنو هاي الحلفه و حق طليان يعقوب
ناضم: وحق انوب وحك سويتيها وحق و يعكوب يعقوب عايشه باريس يول
كرز: اهووو ........ زين اكولك
ناضم: هوه اني تفاجئت سكتي
كرز: صدوك هسه وين رايحين
ناضم: دلتني الحجيه على مكان
كرز: و كامل و هاجر
ناضم: كامل اليوم ان شاء الله اهنا و هاجر وراه انجيبهه
كرز: يعني انته تجيبهم
ناضم: اي جا منو
كرز: واذا متت منو يطلعني بعد
ناضم: بويههههه انتي شكد سرسريه يعني مايهمج موتي يهمج طلعتج
كرز: اي طبعا اريد ارجع اني مادري شجابني لو مجلبه بازار و ما طالعه
ناضم: علاقتج قويه بيه
كرز: بمنو
ناضم: ب ازار
كرز: اكيد ليش تسال
ناضم: مو اعرفه هوه شويه متحفض مو ويه الكل يبيع ميانه
كرز: لا حبيبي يموت عليه
ناضم: ههه الله يديمنا اله
كرز: شنوو
ناضم: هيج
كرز: لا مدري شكلت
ناضم: وحك طليان يعكوب نسيت السالفه هاي يلا وصلنه
كرز
نزلنه المكان مابيه بيوت بس اكو عود هذا باالاسم بين شلون المخزن القديم .. اهنا راح نكعد
ناضم: امشي نلوف نحجز بخمس نجوم و الله دواعش ماعدم خوش خدمه للزبائن حتى مكاناتهم جنهن تواليت
كرز: ههههه . اشرتله انو انته مخبل و مشينه للبيت الي من علايمه جنه تواليت طبينه بي شو هذا خرابه و وغرفه وحده ومحصور فرد حصره . هاي شنو اهنا راح نكعد . هوه كعد بالكاع دك بايده على الكاه فجاه فتح مدري شنو طلع جوه حاطين مكان مو جبير بس طبقا للبيت جبير عليه دخلت . حسيت روحي بمسلسل
ناضم: لا يمعوده لان اذا بمسلسل اصير نهايه لو يموت البطل لو البطله وانتن النسوان محصنات حتى كل نهارجن تفترن و من يصير نفجار لو شي كله شهداء شباب وانتن تختفن شني القصه مادري
كرز: دسكت مفاول علينه . نزعت الملابس مالتهم وحطيت الاكل كعدت اكل هوه صافن عليه . خير سالمين شو تباوع
ناضم: احم لا مو يمج كاعد افكر بس عيني مستقره يمج
كرز: همم ... تريد
ناضم: لا ضميهن الج لان بعد كم ساعه يلا اطلع و يجوز الكه اكل و يجوز ماكو
كرز: ما جوعان يعني
ناضم: اكلي انتي واني اشبع
كرز: سويت لفه صغير حطيت بيها جبن مثلثات وانطيتها اله مبين شكله تعبان بس هوه يكابر ... اخذ
ناضم: مو كتلج ماريد اكلي انتي بويه
كرز: ترا اني مامهتمتلك بس اذا وكعت بعد منو يطلعني منا
ناضم: ههه سرسريه انتي والله جيبي جيبي
كرز
هوه نام اضاهر البارحه ما نايم واني كمت عزلت المكان وجان اكو سعف و عليه ملابس مشككه وخرتهم و جان تطلع فاره . يمهههههههه
ناضم: شكوو شكووو
كرز: أمشي اني بعد ما ضل اهنا
ناضم: احجي شبيجججج
كرز: ف ف فاره جبيره كولش والله شفتها اهنا
ناضم: استغفرك ربي واتوب اليك تحجين صدك
كرز: اي مامصدكني والله شبيك خلي نصعد نكعد فوك
ناضم: يعني تخافين من فاره و ما تخافين من الي على ساعه ياخذوج يغتصبوج لو يكتلوج اعقلي اعقلي
كرز
لاول مره ملامح الجديه تبين عليه مبين جان تعبان واني سويت هاي ضجه و نز عباله صار بيه شي شفته رجع مدد ... اسفه
ناضم: زين
كرز: والله ماردت اخوفك بس اني اخاف منها من صدك
ناضم: انه هم صيحت عليج بس جنت حلمان و حسبالي صارلج شي
كرز: عادي ما صار شي اهم شي نطلع كولنه بسلام
ناضم: ان شاء الله
كرز
ركيت راسي على جدار و افكر ياترى هسه ازار يدور عليه ضاج عليه حس بقيمتي ههه ازار وينك عني مشتاقتلك ههه اذكرك ماتقبل تخليني اطلع بدون حجاب لو ابقى يم وحدي حتى لو يم اخوتك شوف هسه مهجوله
........
ازار: خلي ندخللهم
سيدي هاي منطقتهم اذا دخلنا واحنا بهذا العدد مايبقى النه اثرر
ازار: دخلوني اني باي طريقه
عثمان: تعال تعال خويه وين تريد تشمر روحك صدك جذب
ازار: عثمان مرتي يمهم تعرف شنوو يمهم اذا صار عليها شي شسوي اني هااااا
عثمان: اعرف حكك بس انتضر هل جم يوم لان اذا ما صبرت انته تروح بيها
ازار: دخلني باي طريقه
عثمان: يعني مصر
ازار: رب الاصرار
عثمان: زين دخلت وين تلكاهه
ازار: عندي طريقتي الخاصه
.......
كرز: عزااا ناضم اكعد مدري منو كاعد يدك فوك
ناضم: اششش........
كرز: وين رايح
ناضم: افتح الباب
كرز: راح يموتونا شبيك هوه انته بطرك هل رشاشه
ناضم: والسانج رشاشتين
كرز: عفيه لاتتخبل ناضم راح نموت نمووووت
ناضم: ههه نموت لو نحضن
كرز
لا هذا حرفيا مخبل راح فتحها واني سديت اذاني مادري ليش من اخاف اسد اذاني من اباوع كامل وياه ولد و ابنيه اكبر مني بشويه مووهواي و الولد بكصه ناضم بس
ناضم: هاي اريدكم تموتوها اخوتي اخوتي هههه
محسن: ناضم تره يدورون عليك و هسه من شردت كامل و سرى صرنه انه وياك مطلوبين على ساعه نروح بيها
كامل: كرز هاجر وين مو انتن جنتن سوه
ناضم: ها الخيرس كام يسولف
كامل: كافي ناضم احجي كرز
ناضم: عديتها خرس هههه
كرز: قسمونه نصين وهيه خلوها
كامل: ليش خلوها
ناضم: خويه مرتك جلحه خلوها بقسم الجلحات
كامل: ناضم مو وكت شقه كافي
ناضم: والله ما اشاقه هم نغوله يقسمون الحلوات و الجكمات و العجايز
كامل: و شلون نطلعها
محسن: يومين تجي سياره نقل لازم نطلعها باجر
ناضم: يلا الله كريم منا الباجر اكعدوا هسه بويه كعدوا
سرى: هلو حبيبتي
كرز : امم اهلا حبي
سرى: اني جنت بمجموعتج بس يمكن ماشفتيني
كرز: والله روحي ما شفتها عذريني اهلا بيح
سرى: و بيج عمري
ناضم: انه رايح ادبر النه اكل احد يجي وياي عارات
محسن: اني ماروح مالي خلك لان رامين عليه و ميت عاد خلي يكضن هل يومين بين ما نخلص عكب باجر لو اعرف ما اكل
ناضم: والنسوان الي وياكم
محسن: ماعليك ماعليك
ناضم: خرا بغيرتكم انه راح اولي خو انته الخيرس ذابها صامت كلاوجي
كرز: ههه ناضم اذا شغله بيها خطر نتحمل عكب باجر اهم شي كلنا نرجع سالمين
ناضم: ما عليج سالمه سالمه انتي يلا فيمالله
كرز: ههه نفس كلمة ازار
سرى: ازار منو
كرز: زوجي
سرى: يعني ناضم مو رجلج
كرز: لا يمعوده هذا صديق رجلي
سرى: مو شفته معتني بيج و يحجي بهدوء وياج
كرز: موو هوه حيل يحب ازار تكدرين تكولين على محبته
كرز
بصراحه ماكو واحد بيهم بشجاعه ناضم هوه الوحيد الي مامبين عليه لا خوف و لا شي حتى منطينه طاقه ايجابيه يضحك و يشاقه خطيه وره ساعتين اجه صاير كله تراب و شايل علاكه هيه وصله مسويها على شكل علاكه
ناضم: ولكم اسبح واجي الي يمد ايده اشكه شكتين انته الخيرس و المطي محسن فاهمين
كرز
صدك غسل واجه جايب خبز و اخيار و طماطه و مي و جبن
محسن: هاي منين جبت
ناضم: لكيتهن بيت مابيه بس ذني جبتهن
كرز
كلمن سواله لفه واكلنه وراها كلمن صفن على دنيته وراها شويه كلمن لف راسه ونام بس ناضم اباوع كاعد باوعلي ضحك و اشرلي تعالي رحت لان جنت ضايجه كولش
ناضم: شنو ما جايج نوم
كرز: تؤ مادري ليش
ناضم: تفكرين هواي موو
كرز: اي شلون عرفت
ناضم: هو هذا سبب مايخليج تنامين عقلج كاعد يجمع
كرز: امم وانته ليش مانمت
ناضم: تكدرين تكولين نفس السبب
كرز: بس احسك انته مامهتم
ناضم: لا تصدكين شخص مايهتم بس لازم نسوي جو النفسنه لان ننفجر اذا تحملنه طاقه سلبيه
كرز: شنو هايه
ناضم: ههه هاي كلاده
كرز: ليش تضحك من باوعتلها
ناضم: هاي ما نازعها صارلي سنين حتى اسبح بيها
كرز: شعجب يعني
ناضم: من ابوي الله يرحمه
كرز: الله يرحمه اسفه
ناضم: جان يموت عليه و يكلي انته اصير ضابط
كرز: ليش هوه هم جان ضابط
ناضم: لا مع الاسف جان جندي و يكلي اريدك اصير ضابط علمود ترزلهم مثل مارزلو ابوك ابويه جان فطير من اهل الله و الضابط بالشه بيه تكسع حتى هوه يكلي ماريدك تصير مثلي اريدك مايهزك ريح
كرز: وانت وفيت بالوعد
ناضم: شلون
كرز: اولا صرت ضابط و فعلا مايهزك ريح
ناضم: هيج تشوفين
كرز: و اكثر انته كولش شجاع
ناضم: فدوه
كرز: ها
ناضم: لا تخنزرين ههه فدوه على كلامج مو الج
كرز:هم اكو مثل هاي الكلاده بالاسواق
ناضم: لا ابويه سواها مو اشتراها
كرز:امم حلو
ناضم: ترديها
كرز: لا ماريدها يلا حروح انام
ناضم: تصبحين على خير
كرز
كمت نمت ..... كعدت على خرخشه اباوع بس سرى
كرز: لعد وينهم
سرى: ها كعدتي راحو يدبرون شي يجيبون هاجر بيه
كرز: شعجب محسن و كامل راحو
سرى: غير صارت عركه
كرز: واني مادري ليش
سرى: اذا انتي بسابع نومه هههه كامل و محسن مايقبلون يطلعون ويه ناضم و كاللهم اني هم اسحب نفسي منكم اتقوو فشلوتونه مو زلم انتو
كرز: هذوله شجاهم والله كله على ناضم
سرى: لو ما هوه اكلتنه الجلاب
كرز: اي والله
سرى: هاي خلالج حصته بالريوك
كرز: الي
سرى: اي يلا كومي اكلي لان الضهر نطلع
كرز
كمت اكلت خطيه حصته شكد حباب كعدنا شويه تقريبا ورا فتره طب ناضم وحده
سرى: ها ناضم شو وحدك
ناضم: ماتوا البقيه
كرز: شنووووو
سرى: يبوووو
ناضم: هههه دكومن كومن لكينه غير مكان و ذولاك الشفايا ماقبلو يرجعون لا يموتون ههه ضلو و اجيت اجيبجن ونروح وحدي شوفن شلون مضحي علمودجن
سرى: والله انته علم
ناضم: بس ما بطيزه عود لان عيب ههههه
كرز: اخبال
ناضم: فوك ما ونسجن يلا كدامي .... هوب انته يحلو ابو شعر الكصير روح البس عباتك لا يجون يشكونه على حلاتك
كرز: اهوووو
ناضم: بس بشرفج مو صار شعر هههه
كرز: إذ هذا ينحسب شعر صخام بوجه الشاعرين
ناضم: ههههه دفوتي دفوتي
كرز
لبست العبايا و الخمار وطلعنه
ناضم: تعالن منا على كيفجن وين ما امشي تمشن
كرز
مشينه مسافه طويله وجان نشوف اثنين اجوي بتجاهنه
منو انتو
ناضم: احنا من انصار الدوله الاسلاميه
كرز: كام يباوع علينه
ناضم: زوجاتي يلا اسمحلنا
شجابكم على هاي المنطقه الخاليه
ناضم: ضروف خاصه
شنوو هذني الضروف
ناضم: الا اكلك مرتي سقطت و كعدنا فتره بهذاك المكان بين ماتستعيد نشاطها
تعالوا بسيارتنه نوصلكم
ناضم: اي والله عشت
كرز: تعال وين مخلينه نروح وياهم
ناضم: هسه هاي مو ابنيه وياج اسكتي لا اجيبج بجمع
كرز: والله ابتلي بيك
ناضم: كافي مضرطه امشي
كرز
صعدنا شويه و كاله اهنا احنا بيتونه و اشكره وطلعنه
ناضم: ها كصو راسج
كرز: اكولك اسمهم داعش تره
ناضم : كلمن و يومه بويه اني ماذبجن بتهلكه مبينه النوايا امشن امشن
كرز
صدك اخذنه ولكيناهم و شفت هاجر رحت كبل حضنتها وكعدت ابجي وهيه تبجي
كرز: شلون شلون جابوج
هاجر: مو احنا باعونه و بالصدفه الي باعوني اله قريب من هاي المنطقه وناضم ضل ورانا اني شفته و غلست وضل ورانا لحد ما وصلنا و كتله بيته
كرز: لا تكليلي هذا بيته .. هزت براسها .. يمههه
هاجر: هوه باجر راح نروح تجي سياره
كرز: اخ هاجر و نرجع الوضعنه الطبيعي
هاجر: اي ان شاء الله
كرز: هم اذوج
هاجر: تحرشوا بيه
كرز: رادو بس ناضم دافعلي
هاجر: هل ناضم الله دزه رحمه النه تذكرين شكد ضجتي من اخذنه بسيارته
كرز: امم
كرز
ضلينه 4 ايام و السياره ماكو واحنا نفس الحال القايم بينه ناضم بس لو ما هوه متنه جوع يطلع وحده خطيه ويجي دائما نكعد سوه لحد ما صار اليوم السابع شفته وحده كاعده و مخيم عليه الحزن
كرز: احم مشغول
ناضم: جؤ فارغلج
كرز: ههه
ناضم: تعبان
كرز: حقك كل الحمل عليك
ناضم: اي والله انوب موعد ولادتي ما كاعد يجي
كرز: هههه اهوو عاد
ناضم: اذا طلعتي شنو الي بالج
كرز: اوففف هواي
ناضم: اخ على الاوووف
كرز: انته شنو الي بالك
ناضم: كتلج اريد اسوي عائله واشوف جهالي
كرز: خوش علمود اجي بعرسك و البس احمر ما لابسه هذا لون هههه
ناضم: لا ابيض
كرز: اشتريت العرس هشام الاكشر ابيض اذا عرسك قبله البسه بعرسك الابيض
ناضم: اي ان شاء الله و يطلعون جهالي اقزام عود
كرز: لا انته طويل جهالك يصيرون اطوال
ناضم: واذا امهم قزمه
كرز: ههه الي يشم الورد ينحنيله
ناضم: افيششش للورد
كرز: شكد عمرك
ناضم: 34
كرز: اصغر من ازار 4 سنين
ناضم: والله مشتاك لابو اسد
كرز: حتى اني اقصد يعني مشتاقتله هم يلا راح اروح انام تصبح على خير
ناضم: وانتي من اهله
كرز
رجعت نمت .... كعدت وهمه يكولون يلا خلي نطلع
هاجر: ولج كرز اجتي السياره هههه راح نطلع
كرز: صدك ههه الحمدالله ياربي
سرى: راح ناضم يجيبه علينه
كرز
احنا كيفنا كمنه نكمز صدك نص ساعه وندك الباب فات ناضم بس فات ورجله كلها دم
سرى: شصار
كامل: هاي شبيك ناضم
ناضم: اصوبت هسه يلا اطلعو السياره تنتضر
كرز: بس انته كاعد تنزف
ناضم: هسه اشدها يلا طلعوااا
محسن: يلا تعال اسندك يمي
كرز
صدك طلعنا بس وضع ناضم ماعجبني باوعت للسياره محشوكه حشك ناس
السايق : عيني بس 3 يروحون السياره ما تاخذ
ناضم: عمي اخذ اربعه وهذا سعر حتى لو تحطهم بالبنيد
السايق: يلا تعالوا اربعه
كرز
اباوع صعدوا كامل و محسن واحنه وناضم ضل يباوع علينه باوعت عليهم . هاي شنو ناضم ليش ماصعد
كامل: ماسمعتي ما ياخذ المكان
كرز: ويعني عايفيه هيج بدم بارد
محسن: اكلج لا دم بارد و لا دم حار شنسوي كلمن يكول ياروحي
كرز: لعد هوه شو ما كال ياروحي ولكم خاطر علمودكم ذب روحه بنص الموت سم مابيكم حض تجيبون و تسممون هوه يروح يجيبلكم الكمه من واحد ماعنده اكل ينطي حصته اله و هوه يضل جوعان وهسه هم ضحه علمود كلنه نصعد و هوه بقه
كامل: شنسوي يعني هاي هوه راد لو يريد جان صعد
كرز: ولكم مع الاسف تفوو على شورابكم ولكم داينزف وعفتوااا ولكم خاطر علمودكم
محسن: لا تجاوزين لا ابتلي بيج
كرز: اي طلع سباعيتك على مراه يا ديوث نزلني نزلونيييي
كامل: كرز شبيج تخبلتي
كرز: اي تخبلت ولكم رجال وحده داينزف انتواااا فاهميننن ولكمم علمودنه اشكال سوه وهيج نعوفه
هاجر: انتي شبيج كرز يمعوده خلي نروح بسلام
كرز: يطبكم مرض اني مو ناكره جميل و معروف مثلكم هسه تنزلوني
السايق: الكروه ماترجع
كرز: طزززز بالكروه نزلنيييييي
كامل: كعدي كافي
كرز: وخر ايدكككك ماروح واعوفه يموت مو مثلكم ماعندي اصل نزلونييييي لو الم الدنيا عليكم
السايق: نزلي نزلي
هاجر: كرز عليج الله لا وراج ازار تعرفين راح تروحيله
كرز: هاجر و ناضم الي حاير بينه كل هل فتره لو ما هوه جان احنا كلنه ميتين نعوفه هيج اني راح انزل بس اريدج تكولين لازار على كولشي هاجر لاتضمين عليه و كليله خلي يسامحني اذا الله كتبلي الموت و احبه من صدك والله و اموت عليه استودعكم الله .....
خليت و نزلت و همه يصيحون وراي رجعت النفس البيت اباوع ناضم واكع من طوله يم الباب .....
....
للروايا بقايا ❤️
حبايبي تابعوني على انستا لان راح أنشر اشياء تخص الابطال mi_itss5
و تابعوني اهناا همات علمود نكبررر احبكم جميعا وهذا بارت تعويض على البارحه لان مريضه و داتعب وتعليقاتكم الحلوه كاعد تعوضني
اما السئلو ناضم يشبه منوو
.كولش يشبه هذا الممثل حتى شقار لحيته و شعره على حمار نفس هذا الممثل