مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه.
ورده
ضل عمي ابوحنان يلح علئ ابوي يتصل بعمي اقتنع ابوي
و متصل على عمي حامد ابو سلام بس منعرف شكايله
حالتي يرثى لها وتعبت وانا اقنع بأمي ماريد ازوج
ورده: يمه بس فهميني انا موبتج فدوه احس نفسي موكد مسؤليه زواج يمه انا راح افشل
خليني اربي نفسي ونوب ازوج وصير مسؤله عن زوج
وبيت وبعدين يمه احنا ناس مانعرفهم هواي يمه مومثلنه يختلفون
فدوه رحتلج اقنعي ابوي
ام ورده: الله ياخذج ويخلصني منج كم مره اعيد وزيد عليج
ابوج انطاهم كلمه ومستحيل يتراجع منها. شنو نلعب علئ الناس احنه وعگب باجر ومولين وتزوجين
خاف عبالج ذيج المره لمن تمرضتي ونكسر خاطره عليج
ومشى كلمتج
هاي لمره يكسر راسج ويفصمج فصم
وإنا مالي علاقه منج لبوج موتيني الله وكيلج ساعة السوده الخلفتج بيهه
ورده كمت ابجي وماعرف شسوي جان بيدي بس الدعاء
يارب انا خرجت من حولي وقوتي ودخلت في حولك وقوتك
ارحمني برحمتك يا أرحم الراحمين
فاطمه: يمه ابوي خابر علئ عمي ابو سلام
لو بعده
ام ورده: وانا شمدريني
فاطمه: هوه انتي شتدرين يمه ماتكليلي
ام ورده: ومرض حته مرض سدى حلكج صايرات كلجن لسانات وماتنحملن ادبسزيات خل تتزوج هاي الااعيد تربيتجن من جديد ولي روحي شوفي شغلجن
ثاني يوم الصبح ساعه ٨ ونص تقريبا
إنا كاعده بالغرفه وصفنه توديني وصفنه تجيبني وماادري الدنيا وين مخليتني
دخلت عليه امب بهمه
ام ورده: ورده عمج هنا كومي سلمي عليه يريدج
لتفتت عليها
ورده: عمي حامد شعجب اجه هسه موابوي يخابره علساس
ام ورده: شدراني حته ابوج ماكال راح يجينه غريبه شعده جاي غبشه
دخل حازم
حازم: كومي هي صلاحية ماي وسوينا جاي
نطيته الماي وسويت جاي
وكملته بس حازم اتأخر كلت خل ياخذه يله اطب اسلم وراه
اجت امي
ام ورده :شنو لهسه مااجه حازم ياخذ الجاي شو انطيني ياه انا اخذه خذته امي وطب حازم
ام ورده :شنو وين رحت ماتجي تاخذ الجاي
حازم: المن الجاي من الخير الي جاينه من بتج المصون
""""""""""""""""""""""
سلام
استمرت علاقتي بعذراء ٣اشهر
ومره اجتني
عذراء 💬سلام من نتزوج وين نكعد
سلام 💬ابيتنا نكعد قابل وين
عذراء 💬لااقصد ابيت خاص بينه موابيت اهلك
سلام💬 لانكعد ويا اهلي ماطلع
عذراء 💬لاسلام اريد ابيت لوحدي حته ناخذ راحتنه
سلام 💬 ماعوف اهلي واحنا شعدنه وانا اول واحد الهم وازوج واطلع ولاتعيدين هذا الموضوع مره ثانيه
سكتت وره فتره اجتني مره ثانيه فتحت موضوع السفر انو هيه حابه تطلع على تركيا
كتلهه بحكم شغلي لعسكري ميحقله يسافر خارج العراق
اله اذا سامح الله رحله علاج
ولازم كتاب موقع ومختوم وثاني شي كتلج مانطلع ابيت رديتلي بالسفر
احسه معجبهه كلامي
بقت يومين متراسل اراسلهه متجاوب
ادك عليه هم متجاوب
كلت يجوز مشغوله بدراسه او فد شي عفتهه
بقت اسبوع على هاي لحاله
وإنا نار بكلبي شابه عليهه
انتضر نزولي حته اروح وفتهم شبيهه ليش هيج مترد عليه
بعدين ماتحملت اتصلت على امي
وكتلها اريد حنوشه احاجيهه عندي أوراق بغرفتي خلي تصورهم ودزهن اليه
رواء اخذت تلفون وصعدت فوك سلمت عليه
رواء: شنو من أوراق. سلام وين الكاهن
سلام: عوفي هذا لموضوع اريدج بحجايه
رواء :كول شنو خوفتني
سلام: عذراء بت خالتي كلثوم شبيها مريضه شنو
رواء: شنوو
سلام: كليلي وبعدين اني افهمج
رواء: هاا والله ماادري
بس شفتهه أمس وي امها بلسوك
سلام: بلسوك شعدج بلسوك
رواء: امي اخذتني وياهه وشفته وي امها بلسوك
سلام: هااا يله تمام بس لتجيبن طاري لاحد مفهوم حته عذراء ماشي
رواء: صار ماشي الله وياك
رواء
بقيت افكر شعنده وي عذراء معقوله بينهم قصة حب
ماعرف يجوز لان ملاحضه عذراء من ينزل سلام كل يوم تجينه
سلام
اجه يوم نزولنه ونزلت لااهلي
وصلت البيت وسلمت على اهلي
وصعدت كبل لغرفتي راسلت عذراء
سلام 💬حبيبتي ليوم نزلت
ردت عليه بسرعه
عذراء 💬 صدك الحمد لله على السلامة
سلام 💬ليش متجاوبين
ضلت تتحجج مريضه ودراسه ومدري شنو
سلام 💬 تعاي وي امج اليوم جايبلج شغله
عذراء 💬 صدك حبيبي شنو هيه
سلام: من تجين اكلج بيهه
عذراء 💬 اوكي حبيبي
بليل اجت خالتي وعذراء
جانت لابسه تنوره سوده وبدي ابيض جنهه لعابه
رواء
اجت خالتي وعذراء وكاعدين نسولف
عذراء: حنوشه خل نصعد بغرفتجن ناخذ راحتنه
رواء: يله مشنه
صعدنه بقينه نسولف
عذراء: حنوشه سويلنه شاميه فدوه مشتهيته
رواء :صار تنزلن وياي لوتبقن وانا اسوي واجيبهه
عذراء :لانبقه مابيه اصعد وانزل
نزلت رواء تسوي شاميه ومريم تسوي بشعرهه تحجتت عذراء بلحمام
وراحت لغرفه سلام الي منتضرهه احر من الجمر
سلام
بس دخلت حضنها على صدره
سلام: مشتاقلج حبيبتي
عذراء: واني هم حبيبي
سلام: ممبين عليج لوجنتي مشتاقه جاوبتني
عذراء: اوي حبيبي شبيك غير كتلك مشغوله بدراسه
يله كولي شنو جبتلي
سلام: هاي على الميز بس دوري عيونج
لتفت على الميز وشافتهه علبه زغيره بلون احمر
ركضت عليه وفتحتهه
وجانت كلاده ناعمه بأسم عذراء فرحت وهيه تباوع الهه
عذراء: هاي ذهب سلام
سلام: لا والله موذهب تردين ذهب ان شاء
على جايات اشبعج ذهب مايغلا عليج
نرسمت على ملامحها الغضب بس تضاهرت انها طبيعيه
سلام: شبيج گلبي
والله مشايل فلوس بجيبي تكفي سعر الذهب
عذراء: شنو هاي سلام لعد راتبك وين توديه المن تنطيه
سلام: هاي شبيج انا نص راتبي داخل بسلفه عليه
حته أكدر اجمع فلوس زواجنه ماريد اخذ من ابوي
بهل لحضه سمعنه صوت رواء وهيه طلعت بسرعه
سوت روحه بل حمام جانت
رواء
انا ادري بعلاقة سلام وعذراء بس ماابين الهم
ولمن كلتلي روحي سوي شاميه مشتهيتها
وردتهن ينزلن وياي سوت روحهه مابيهه حيل لعد منو اليركض بلكعب علدرج
إنا ادري شعدها وسويت روحي
نزلت وانا وكفت على الدرج حته أشوفهه وين تروح بله تدخل لغرفه سلام
لو سلام يدخل على غرفتنه شفتهه طلعت ودخلت للغرفة سلام
ضليت شويه واگفه اريد اشوف شتسوي ويا سلام اجتني مريم كالت بعدج كلتلهه روحي راح انزل
طلعت عذراء شافتني ورتبكت كالت جنت بلحمام وانا حته ماسائلتهه
بقت يمنه. وبعدين خالتي صاحت عليهه حته يرحن
ثاني يوم الصبح كعدت
لكيت بابا يتريك يريد يطلع للشغل
رواء: صباح الخير بابا
ابو سلام: صباح الخيرات باباتي تعاي تريگي وياي
رواء: لا بابا اريد اروح للمدرسه اتأخر ومريم ضهري لاتكعدينهه يمه
ام سلام :خوش اسويلج لفه تاخذيهه وياج
رواء: هههههه يمه بعد سويلي ممه خل أخذها وياي ترا كبرنه على هاي سوالف بعد
ام سلام: حته لوصرتو ١٠٠ سنه اشوفكم بعدكم زغار
أبو سلام: يله بنيتي خل اوصلج وياي بطريقي
رواء: بعد عمري بابا حجي سعد كال سواهه السياره راح يجي هوه بعد علينه بلخط
ابو سلام: ها. خوش باباتي يله انا رايح تحتاجون شي
ام سلام: لا سلامتك ابو سلام
رواء طلعت اشوف الحجي وين صار تاخر بيتهم براس الشارع
شفت رحيم صديق سلام وياه مره وبيدهه طفل وهوه شايل علاكه مال دوه
ضليت اباوع عليه عبر من الشارع
هوه ممزوج وأخواته ممزوجات
هاي لمره منو وطفل
بقيت افكر بأمرهم
وصلت لبيت الحجي والكاه يخلي مي بلسياره كال جايلج
،،،،،،،،،،،،،،،
سلام
عذراء تغيرت وياي مومثل قبل اذا ادز رساله ماتجاوب
اتصل ماتجاوب
هذا الشي خلاني اتضايق هواي وماعرف شنو اسوي حته اعرف شبيه وليش جنت احجي ويا بنات بس فقط تسليه وهنه يدخللي من رتبطت بعذراء عفتهن كلهن
عفتهه هاي لفتره كلت هيه ترجع وحدهه التحقت
وانشغلت بدوامي ومشت الأيام
نزلت لااهلي
سئلت رواء
سلام: حنوشه عذراء هم اجت هم لتقيتن
رواء: لا سلام حته كامت ماتجينه ويا خاله نسئلهه تكول ملتهيه بلدوام
سلام: هاا خوش
رواء: سلام اذا تحبهه ليش ماتخطبهه وتتزوجون
سلام: حنوشه اريد اجمع فلوسي واكمل واخطبهه هوه انا عليمن جاي اجمع صار فتره طويله ماترد علي كطعت گلبي اتصل ماتجاوب
رواء: شوف اليوم اكول لاامي تاخذنه واشوفهه خوش لاتضوج
،،،،،،،،،،،،،،،
رواء
كلت لاامي مشتاقه لعذراء خل نروح اليوم كالت لا باجر لحينه عليهه انا ومريم ورحنه
سلمت علئ خالتي وجنتهه ورحت لغرفة عذراء
جانت تحجي بلتلفون سدته بسرعه
سلمت عليهه
رواء: البذاته لاتجين لاتسئلين شبيج كاطعه ويانه
عذراء: ولله ملتهيه وجنت مريظه ماكلتلكم امي
رواء :لا كالت ملتهيه تدرس
بقينه نسولف سوالف عاديه
رواء: اكلج عذراء ليش ماتردين علئ سلام خطيه مشلوع گلبه عليج وباله يمج
عذراء: ولله موكتلج مريظه گوه ادرس وحته الجهاز مالزمه وها خاف واحد من خواني يشوفني اخابر لوينتبهلي
كلت بگلبي لعد منو جان لازم الجهاز يخابر وعلساس كلش خوانج مگطعينهه شو كله بكيفج شحده واحد يحجي وياج كلمه
عذراء الوحيده علئ 4ولد وحيل مدللينهه زياده عن اللزوم
عذراء: سلمينه عليه وكليله راح اخابره اشويه احسن صرت الحمدلله
رواء: تمام حبي
رجعنه للبيت وكلت لسلام ضل ينتضر اتصال منهه لورساله علئ نار
سلام
من وره ماكالتلي رواء مريظه مرت 3ايام وانا منتضر منهه رساله لو اتصال كلت خل اتانيهه الزم روحي وماراسل
ثالث يوم بليل اتصلت علي
سلام: هلو شلونج عاش من سمع صوتج بعد وكت ولله
عذراء: شلونك سلام ولله مريظه كلش ماكلتلك حنوشه وحته الجهاز مالزمه
سلام: يهون عليج تگطعين بيه هيج عاد بس رساله طمنيني عليج
عذراء: ماگدر انتهيت كلش ماشفت حته اخر ضهور الي من وقت طويل
ضلينه نحجي الليل كله مشتاقلهه حيل
وضلينه نحجي كل يوم. التحقت رجعت عذراء نفس الشي تتئخر ماترد الا وره يومين وتتحجج نزلت الاهلي
كلتلهه تجي ويا خالتي اشوفهه ومااجت
حته من اطلب اشوفها ماتقبل تكول اخاف لحد يشوفنه اطلع الف حجه
ماستسلمت وحاولت وياهه رحت لمدرستهه ونتضرتهه تطلع من للمدرسه
طلعت لابسه صدريه وشعرهه مسويته ذيل حصان هيه مامحجبه
خذت كلبي شگد مشتاقلهه سبحان الله شگد جنت اضوج منهه وهيه تتلزكلي هسه خلاني هيج احبهه وهيه تتشرد
هيه شافتني تفأجئت
عذراء : هلو سلام شلونك
سلام: هلا عمري شلونج
عذراء: سلام شعندك هنا اليوم
سلام :اصعدي اوصلج واريد احجي وياج
عذراء: الخط راح يجيني ارجع ويا صديقاتي احجي شنو الموضوع
سلام: اجيت اشوفج بس كليلي شبيج ليش هيج تتشردين مني وماتريدين تشوفيني.
عذراء: يتراوالك سلام عفيه الله يخليك روح تأخرت اجه الخط بعدين نحجي
عافتني ورحت بسيطه عذراء شتعلت نار بعد لو يصبوج ذهب ماريدج
بس لعتب عليه انا الي كبرت راسهه وخليتهه رافعه خشمها.
رجعت للبيت وانا أغلي من الداخل قررت اعوفهه تولي نعال عليهه وعلئ الحب انا عذيران الزكه صارت براسي مره وتتگلب علي
حضرتهه من كل البرامج
،،،،،،،،،،،،،،
رواء
وره جم يوم جابت جنت خالتي. كلثوم ورحنالهم
وعذراء حته ماكعدت يمنه رحت يمهه
دخلت للغرفه لكيتهه تخابر گبل سدته وهاي ثاني مره تسويهه
عذراء: شبيج حنوشه كمزتيني غير ادكين الباب
رواء :شبيج شنو كمزتج واذا تخابرين بسلام ههههه غير ادري بيكم ولج
جاي احجي وياهه وتصل تلفونهه باوعنه ثنينه هوه من سدته خلته علئ الجربايه صورة ولد لابس بدله رسميه وجواهه مكتوبه خالد الياسري
ضليت اباوعلهه مصدومه وهيه كامت تمتمت
رواء: ليشششش هيج عذراء ليش تخونين بااخوي ولج يحبج ويموت عليج شمسويلج ليش هيج اتجازينه اخوي منكسر ضهره وتعبان ومايصرف حته يجمع فلوس عرسكم ومن ماتردين عليه يصير بيه فلك حرام عليج حررررام
عذراء. : لاتصيحين راح يسمعونج مامثل مامفكره بس سمعيني تره صديق
رواء: صديقيش ولج صديقيش شفتيني جهاله گبالج
راح اسكت وماراح اكول لسلام لانو ماگدر اكسر گلبه واكله تخونك بس ماراح اخليه ياخذ وحده خاينه
عذراء. :اصلا احنه تعوافنه من زمان
صدمه وره صدمه عفتهه وطلعت ضليت الح علئ امي نروح
رجعنه للبيت وخابرت سلام من امي
رواء: هلو سلام شلونك شخبارك
سلام: هلا.حنوشه. بخير انتي شلونج اهلي
رواء: زينين الحمدلله اكلك سلام صدك انته وعذراء عفتو بعض
سلام: هيه البتعدت وردت اسويلهه جرت اذن بلكي تحس وحضرتهه حته ترجع مثل ماجانت
ضليت مقهوره علئ اخوي مايدري الماي يمشي من جوه رجليه والاخت كاعده تتمعشك مسويه مزاد للولد
وره فتره خالتي خابرت
وكالت لأمي اجو خطابه علئ عذراء وتفقنه بساعيتهه والخطوبه الاسبوع اليجي
نصدمت شنوووو
امي فرحتلهه وماتدري بگلب ابنهه
ام سلام: شايفين كل الخير وان شاء الله زواج الدهر يارب
إنا عود ردتهه لسلام بس هاي قسمتهه والله يسعدهه
عبالي ماتنطونهه هسه لحد ماتكمل
امي ضلت تسئل منين وشكد عمره وشنو يشتغل
اهله شنو نسبه شنو ودراستهه
وخالتي تجاوب
ذهلني لموضوع ونصدمت والف سؤال ابالي
شلون هيه وسلام موواحد يحب الثاني
سدته امي كالت خوش قسمه تكول وناس جاه ومال اخو صديقتهه ويخليهه تكمل دراسه يمه
ضليت اكول بروحي علئ سلام لويسمع شلون عمت عيني
سلام
نزلت وسمعت عذراء. قبل 3ايام خطوبتهه كسرت الميز صرت نار الكلبه بهل سهوله رادتني طمع من ماطيتهه مجال راحت ادور ماديات بت ال،،،،،،
ضليت فتره مقهور بس موعليهه لاعلئ نفسي
وسمعت الي خاطبهه اهله هنا وهوه باربيل. عايش وحالته لماديه زينه
هيه رادت طمع ادور فلوس عرست صرت مدمن مال جكاير موطبيعي ابوي مره شافني وضل يحجي
كلت مووانا التكسرني مره طز بيهه وياريتهه زينه شلون مره مصلحجيه ودور جيوب ضليت اطلع بلفلوس واطلع اتونس ويا اصدقائي وناكل ورحنه انا وسامر وخواتي للشمال نتونس
نسيتهه طلعت من گلبي بسرعه
رواء
جنت اموت قهر علئ سلام ومن رحنه وشفنه امه وخواته ناس اثگال اخر درجه
بس لولد مدري شلون شكله صابغ شعره وحواجبه حافهن مسويهن خيوط مبين واحد كيكي ضليت افكر هوه هذا الشفته من اتصل بلصوره لو موهوه نسيت شكله
وره كم يوم عذراء تزوجت
وامي دوم تسئل عليهه خالتي تكلهه بخير وعايشه احسن عيشه
وره 4 اشهر مرت
خالتي رايحه هيه ومحمد الاربيل ورجعو ثاني يوم وياهم
وامي كالت خالتج امس رايحه جايبه عذراء هيه وحسين خل نروح نشوفهه
رحنه سلمنه ونصدمت بشكلهه
موذيج عذراء الي مفتحه جنهه ورده والدلال مبين علئ وجهه
حالتهه حاله ضعفانه كلش ومسومره وهاملهه نفسهه لابسه دشداشه عريضه كشمير وهيه ابد ماشايفتهه تلبس هيج
يتبع .....
تصبحون علئ ماتتمنون فراشاتي 🦋🦋