هبه/
مشت الايام بالطول والعرض واليوم صارلي عدهم
اسبوع بس الوجوه ماعرف شلونها.
اجتي عمتي
عمتي/
اكلج هبه
هبه/
ها عمه
_ اكلج امج دتخابرج
_ لاوالله عمه ليش
_ ها
زين فلوس عندج.
_ لا ترى اني بعتها التراجي ب٤٠٠ وجانت عندي ٧٥
موزين كفتني هاي المده كلها.
_ اي وهسه مضامه منا منا امج جانت كومه تلهدلج .
_ عمه صدكي ماعندي غير الفين دينار.
_ أستغفر الله
جيبيها جيبيها داجيب صمون.
هبه/
كمت نطيتها الفلوس وصافنه متفاجاه شنو البيت وكف على فلوسي شلون ديعيشون شديصرفون قبل ما اجي أني.
بقوا النهار كله يترادمون هيه ورجلها
اخر شي صبت الاكل دناكل كلنه كاعدين.
عمتي/
اكلك ابو فراس عود انطيني مصرف ماعندي ولا فلس.
زوجها/
ماعندي دينار واحد مين اجيبلج اني فلوس دجيبين زقنبوت.
شو الكل عطاله بطاله وتاكل براسي
احساس ماكو.
هبه/
الحجي هنا هو مكمل اكل بس اني وبنته وحده دناكل لان أكل على كيفي.
يحجي ويسمعني
موتوني عيشوني بذله خلال الاسبوع ماكو يوم امد ايدي بلكمه اذا ميسمني سم.
قويت روحي وحجيت كلت شنو هيه وليه.
هبه/
عمه انتي البارحه العصر مو رحتي جبتي ال١٥٠ مال محل ايجاره.
تعالوا شوفوا شسووا وشعملوا.
زوجها /
كول هيج وطير الصينيه للسكف
وعياط
ولج بت الفكور بت...........
تحاسبينه على تلافيس صارلج اسبوع عدنه اكلتي كومه ومحد محاسبج وووووووووووو........
نسطر راسي سطر
هبه/
عمو مو قصدي احاسبكم بس داكلها احنه بس نمنه الليل وهسه كعدنا تغدينه
شلون خلصت ال١٥٠ الف
هنوب نفكت عمتي
عمتي/
وشنو عيني بت سجود ان شاء الله ناويه انطيج تقرير وين اصرف فلوسي ها ممجبوره ترى.
سنين تلغفين من خير ابويه وامي واني ساكته واباوع
مالج علاقه فهمتي.
عاط زوجها
_ اني ماتحمل مصرفج بعد تخربطت ميزانية البيت لو تجيبين من امج
لو تشتغلين وتجيبين راتب تعيشين وتحللين لكمتج وكعدتج ماكو شي بلوشي عندي موتكيه فاتحها للخلفوج.
هبه/
يحجي ويعيط رجه للبيت رج
صافنه يا ميزانيه وجدول الخربطته
شو الوجبه بالقطاره ينطوني وسم ينزلوها
والثلاجه اذا فتحتها اخذ مي الكل تكمز فوك راسي عبالك فاتحه باب غرفتهم عليهم
اخر شي كالوها لتفتحيها حتعطل.
كتله
عمو امي ما اندلها وماعرف بيتها الجديد وين
والشغل ششتغل اني طالبه وين اتعين قابل ماعرف وآلله اشتغل شي.
زوجها /
شتردين يعني تكملين براسي متمشي عندي هاي
_ عمو دراستي حرامات صف خامس اني يعني وصلت
وبعدين مو البنات ديقرن ليش اني لا.
عمتي/
بت الزفره مو كتلج لتفاكربن ويه بناتي كلت لو ماكلت تقارنين نفسج بيهن ليش.
_ عمه ما اشتغل اخاف من السوك اني شسوي هناكه
اني كلت هيجي.
زوجها/
اطلعي بره بره ماعندي فندق تشتغلين وغصبا ماعليج
متقبلين كومي يله بت ال..........و... .....
عمتي/
يبو طبت بيتي الكاروطه تريد تموت الرجال طلعي هجمتي بيتي يبو يبو
كومي جريني من زيكي وطلعيني ساعه ب٢ ونص بالطرمه
حتى حافيه
والطرمه بليه قمريه الكع تصلخ صلخ كلسع ابلل رجلي بمي البوري حتى ما انجوي.
وكول هسه يفتحون الباب وهسه وماكو
اعتقد عبرت ساعه وثنين وتلاثه الى ان صارت بالسته يمكن لان الشمس قلت .
وجهي احسه زنبر من الحر مو شقى هاي شمس العراق نهايه شهر السادس.
_ وهناك وتنفتح الباب مال شارع واني كاعده بالطرمه بالتراكسود البيتي.
ويطب فراس وجنطته على جتفه.
فراس/
السلام عليكم
اااا منو انتي
هبه/
جنت لامه رجلي وراسي خالته بين رجليه
لهذا معرفني
شلت راسي
ماشاء الله شكد متغير طول بعرض حتى شكله جدا مقبول.
كمت نفضت ملابسي
هلو فراس شلونك.
فراس/
ارتبك ونحرج
ههههه
لتكولين هباوي انتي
عذريني صارلي يمكن سنتين مشايفج.
هبه/
اي اني هبه
_ شعندج هنا من كل عقلج حاره بابا شسوين امشي طبي.
_ وآلله كلت اخذ حمام شمس شويه الجع بالحر.
_ ههههههه
نعلى على بليسج بعدج بسوالفج.
لاصدك ليش بره هنا وحدج.
_ غير مطروده شسوي هنا اني ترى من الثنتين ونص
وهسه ما عرف ساعه بيش.
ماشوفه غير تبدل لون وجهه وتغيرت ملامحه من الضحك للعصبيه.
عافني وفات.
دقايق واسمع عياط جوه وحسهم عالي.
طلعت عمتي
عمتي/
امشي امشي هجمتي بيتي عساج لاشفتي الراحه.
انداريتي هنوب على الولد خليتي يتكاون ويه ابو.
جرتني من زيكي حيل
_ يله لاعبالج انلم الهوسه من وراج التكسر انتي تلمي وتنظفي للبيت مره ثانيه.
وحلكج متفكي ويه فراس سمعتي لو لا.
هبه/
اباوع صارلهم اربع ساعات الصينيه على شمرتها وكلبتها محد لامها
المواعين مكسره والطوس مكومه وزفرت التشريب
صدك جذب بناتها وينهم قبل ما اجيهم منو جان يشتغل.
كعدت الم الكزاز شسوي امري لله
لان اعترضت نهجم البيت.
اسمع عياط فراس
فراس/
صدك جذب يابه وين تشغلها بنيه حديثه وعليها العين بالسوك ياكلوها اكل
شلون تقبلها تقبلوها على بناتكم.
عمتي/
خواتك شعليهم لتقارنهم.
فراس/
وشنو الفرق وين الفرق وليش استثقلتوا لكمتها
بنت اخوج يمه يتيمه اذبيها بالسوك بنيه هسه امفتحه
ياكلوها اكل ذيابه يضيعوها
البنيه اضيع ترى شايفه شكو بره مستحيل ما اقبل لو تنكلب الدنيا .
اني مو داشتغل وظيفتي والعصر هم وادزلكم مصرف.
والده/
مديكفي ميكفي شح علينه زادت لكمه بالبيت شايفها شكد تكرط.
فراس/
_ ذاك الاسبوع جان يكفيكم وهسه شح الله اكبر شتتاكل البنيه
اصلا غاديه هل كدها.
عمتي/
وليش مركز وياها ها
ليش مدقق بيها.
ترى داجمعلك مهرك على بت عمك ذيجي حال ومال
غير شي طلعه من راسك.
هبه/
الم وامسح بدموعي مدنجه ودموعي تنكط على الصينيه
والله لوما فاهمه اني واعرف الانتحار حرام اله انتحر عيشتيش هاي
عزت روحي عليه حيل.
المهم الكل سكت وتعاملوا ويايه تقريبا اي تقريبا زين خلال وجود فراس
واني كلت اي الحمد لله بلكت انعدلوا.
واليوم صارله ست ايام بودي ابوس يوم يوم على بقائه هنا.
العصريه لايبقي نساتل موطات عصاير لفات
هو يجيب للكل بس يكول اعرفج تحبين هل شغلات.
وعمتي راح تنجلط
تمشي وتصيح خلصن فلوسك الزم ايدك وراك زواج
وهو يكلها خير خير من الله بس لاتبجين.
فراس/
هاج هباوي
هبه/
ماد ايده بيها علاكه الله ليجذبني على فكت ايدي
هبه شنو هاي
فراس/
ههههه
نمنماتج اعرف تحبيها اكثر من الاكل
خليها عندج وطلعي منها.
هبه/
لاشكرا فراس وين اوديها
خليه عند عمه وهي توزعلنه.
فراس/
مسح وجهه بكف ايده
استغفر الله
منو عمتج توزعلج متاكده
هبه فتحي عيونج ولتصيرين غشيمه اعرفج سباعيه
لتخلين احد ياكلج الدنيه مترحم.
هبه/
كلامه كأنه رش ملح على الجرح
اعرف مو طبعي هذا بس مجبوره مجبوره اسكت
لاعمري يسمح
لاشهاده تؤهلني لشغل محترم
لاماده بيدي
لاظهر يسندني .
مجرده مجرده من كلشي.
راح فراس ينام لان باجر يرجع للمحافظه
هو هوايه هوايه تغير كوه بيت عمه دبروله وظيفه بكربلاء لان بغداد محصل متأمل كلوله خمس سنين وتكدر تقدم نقل الى محافظتك الرئيسيه.
والعصر يشتغل ويه دلال وارباحه وراتبه تقريبا تلترباعهم يدزها لاهله.
انسان طيب
وقلبه كبير
ونفسه طيبه.
نمت ومتامله بالدنيا خير.
محسيت اله على عمتي وزوجها يكعدوني.
هبه هبه كومي يله راح عيني المحامي كومي لشغلج لكينالج شغل.
هبه كمت مفزوعه اباوع الساعه ب٨ ونص
يعني راح فراس لان يطلع بالخمسه حتى يلحك على دوامه.
.
.
.
هبه/
شسوي اضطريت البس تحت انظار عمتي المتوعده بعيشتها الصعبت بسببي.
طلعت للمطبخ كاعده هيه وزوجها
عمتي/
تعالي تريكي مو توكعين وتخزينه من اول يوم .
هبه/
كعدت اكل شايفين من حلكنه يتحرك وحد وعيني بمكان تباوع وراسي يفكر بمكان بحيث مرات متعرفين شكلتي شبقه من اكلج.
عمتي/
يله عيني عروسه مخلصتي الرجال صارله ساعه ينتظرج.
_ اي عمه كملت كملت
كمت غسلت وعدلت شعري الشايلته ذيل حصان.
وطلعتله اي عمو جاهزه.
زوج عمتي/
شوفي هاي شنو
هبه/ باب الشارع
_ اي هسه راح نطلع حتى تحفظين طريقج.
_ هزيتله راسي بتمام.
زوج عمتي/
هسه شكملنه
طلعنه من البيت
مشينه الشارع كله
وراح نركب كيه
هبه/ اي عمو
ركبنه ونزلنه باول محطه يعني بداية السوك
زوج عمتي/
لهنا تمام
هبه/
اي عمو حفضته للدرب.
طبينه على محل يببع ملابس نسائيه اكثر شي عبي وكلابيات ومن هيجي شي.
الظاهر متفق ويه رجل عمتي وعنده علم بجيتنه.
ابو المحل/
هله هله
بابو فراس.
رجل عمتي/
هله بيك ابو عمر
يابه هايه هبه
ترى ها شاطره ولهلوبه وبس تعلمها على الشغل تفهمه
ماوصيك عليها بعد.
ابو المحل/
لايابه شتوصي بعد من طرفك صدك جذب
رجل عمتي/
شوكت دوامها يبدي وينتهي
ابو المحل/
تبدي ب١٠ الصبح
وينتهي ب٦ العصر.
رجل عمتي/
حلو خوش وكت مناسب
هبه/
واكفه بصفهم بس ادير بعيني بين هذا وذاك
زين محل شكبره شكده
حبقى بي بس اني ويا.
رجل عمتي/
ها هبه تمام عجبج الشغل مو ثبرتيني عمو ظايجه وظايجه هاي شغلتج عند صديقي لان ما أمن عليج تمام بابا.
هبه/
شكد محيل هل رجال الي يشوفه اني ردت اشتغل وكاعد ياخذ رأي.
اي اي عمو الي تشوفه.
رجل عمتي/
شك الحلك والابتسامه من الاذن للاذن
لعد على بركت الله.
هاج هاي خمسه خاف تردين تاكلين شي ترجعين
زين بنتي
هبه/
هزيت براسي اي زين
انسان ممثل رائع بالتمثيل
بنته على اساس طلعتهم يشتغلون ....ولو خلي ينظفون بيتهم اول.
طلع ويسولف ويه ابو المحل يكله يا اخي جيل هل وكت يحير اله تشتغل دتعالي بابا اشتغلي وجربي وبراحتج هههههه ميعرفون مرارة الشغل
جاوبه
لا ان شاء الله بعيني امن انت
راح رجل عمتي بعد كمية الكذب الملفق تعب خطيه.
اجه ابو المحل المسمى ابو عمر
اسمج هبه مو
هبه/
اي عمو
_ لا لا
اول شي تنشال كلمة عمو
تكولين ابو عمر.
_ تمام.
بده يعلمني على الشغل شويه شويه
_ طبعا اهم شي الابتسامه الحلوه
طولت البال والصبر
عدم التظجر مهما طول اوطلب الزبون لان دائما يكون حقه علينه.
الهندام المناسب بالمكان.
ممنوع تلتهين بالتلفون اثناء الشغل .
التقليل قدر المستطاع من الزيارات الشخصيه.
الج ساعه حره للغده.
كونج بنيه وصغيره لازم سمعتج بصراحه تكون حلوه لان بمجتمع السوك اذا العامل نعاب يوكف رزق المحل.
_ قائمه من الارشادات والقوانين
ختمتها بكلمة تمام.
وبعدين بده يعلمني شلون افرز الغراض وشلون ارتبها
وشلون ارغب الزبون بالحاجه القديمه قبل الجديده
حتى نمشيها.
_ اليوم اعتبره الج كله تدريب واطلاع شلون من يفوت الزبون اتصرف واتعامل ويا.
_ هبه تعبت من كثر التعلوم
كم هائل من المعلومات دخلت الراسي احس عقلي مديجمع والله
ورجلي توجعني من الوكفه .
_ اخذي راحتج تكدرين ترحين تاكلين الج ساعه حره للغده.
طلعت وين اروح وين اروح كلشي ماعرف وشلون اتعامل جابني وشمرني شحجي وشدعي على الوكت.
رحت اشتريتلي لفة فلافل وقوطيه ورجعت للمحل
ابو عمر/
ههههه
ها شو رجعتي
هبه/
وين اروح اشتريت وجيت.
وصارت بالسته وطلعت انتظرت الكيه ورجعت للبيت
طبيت مكلوب كلاب .
والبنات يتمالخن بس شافوني صاحوا جتي همزين وذبوا من ايدهم وصعدوا.
عمتي/
واكفه متخصره ها جيتي
يله ذبي هدومج وهمي ايدج ويايه بالشغل مو طلعتي تونستي وحسبتي شغل علينه.
ابو فراس يكول شغلها كل تعب مابي.
هبه/
اصلا ولا يعجبني ارد عليهم
بصراحة اعتبرتهم عائلتها تافهه
طلعوا بس فراس الله وكيلكم.
استلمت البيت شغل مسح
مغاسل
مواعين الغدا تنتظرني
طرمات
لحد مصارت الساعه ب ٨
بعد بعيني مكمت اباوع....نمت وملحكت على العشا
نمت من تعبي
حملوني حمل اكبر واثقل من عمري
كعدت باليل عطشانه ريكي يابس
وبطني تعزف من الجوع
نزلت جوه الساعه ب٢
زين غير يكعدوني غير يشيلون حصتي مو اني اشتغل بره وارجع اشتغل بالبيت.
كلشي ملكيت اكل وما اكدر اكول لكيت المطبخ صافي مصفى.
هه لكيت انقلاب العشا ومواعينه لي هسه.
يعني شمنتظرين اني اغسلهم مطلعت هاي.
ياربي الصبر
يا ربي انته المعين الي
شوف حالي اني هم يتيمه.
اخذت خبزه ودهنته بقالب جبن واخذت خياره ورجعت للغرفه.
كاعده بفراشي اكل وعلى حظي شالت راسها بت عمتي.
فرح/
اوع اوع
هبه/
شكو هل اوع اشفتي بله.
فرح/
شنو هل قذاره
تاكلين بالغرفه وبفراشج
لاعفيه لا
منتحمل هيجي احنه.
هبه/
مجاوبتها ولاعبرتها تسوي روحها نظيفه دروحي صفي المطبخ اول
لو نظفي جيفة البيت
لو غرفتج المخيستها بحجة الدراسه وانتي الكتاب تلزمي بس وقت الشغل.
نمت واني بعدني جوعانه بس شسوي شاكل يعني.
وما حس اله عمتي مكعدتني ساعه ب ٨
عمتي/
هبه هبه
كومي يله كومي.
هبه/
اني هم ماعرف ساعه بيش بعيني النوم
كمت غسلت
رجعت بالحولي شلت راسي باوعت الساعه ب٨
كتلها عمه دوامي بالعشره الصبح شعندي كاعده من هسه.
كلش كلش بالتسعه اكعد تسعه ونص اطلع الحك اوصل.
عمتي/
شنو شنو
تحسبيلي الساعات عيني شنو فندق عندي اكل ومرعى وقلة صنعه.
هبه/
تعبانه وجوعانه وروحي طالعه كلتلها عمه وينه وينه الاكل شو نمت البارحه كلشي ماكو.
عمتي/
فزت ولطمت على صدرها
ولج عزه العزاج يا معزايه
صخام الصخمج يا كاروطه
من جيتي لي هسه نحطلج مالذ وطاب وتنكرين هسه
اي طبعا ليش لا مو امج سجود النكرتج حتى الج
صعبه عليج تنكرين تعبنه عليج.
_ نقهرت ونهضمت من كلامها كلش
كلتلها.
عمه شتردين هسه.
_ جلفي المواعين بالمطبخ
وطلعيلي المطبخ يلمع لمع
مو بس تعرفين تعلفين تالي الليالي
شويه حللي لكمتج .
هبه/
رجعت للمطبخ جلفته وجلفة الطباخ والمواعين والسنك عرفت فرح كايلتلها على لفة الليل.
والله كل هذا واني جوعانه بطني خسفت يعني خبزة وخيارة البارحه اتعابها هذا الكراب.
كمت طبيت سبحت ونزلت ملابس من البيتونه لبست
ساعه بالتسعه الصبح صارت.
عمتي/
شربيلج شاي واكليلج خبزه ويا
ابو فراس بعده مكاعد يجيب ريوك
خوش تعلوم تعلمتي تكعدين تكرطين باليل الاخضر واليابس.
هبه/ اكلت خبزه بكد ثرمتين وشربت كلاص شاي
وكتلها
عمه انطيني المصرف داتوكل للسوك.
عمتي/
الله واكبر الله واكبر
عمج البارحه يكول خليت بيدها خمسة الاف
كله كله صرفتيها متكليلي شزقنبتي بيها.
هبه/ من تكول خمسة الاف
تعظمها بحلكها وطلعه شكبره شكدها
مناقشتها كتلها
اي عمه اي
هل خمسه تكفيني تكفي.
عمتي/
اي عفيه هو هم يكول صح كل يومين انطيها خمسه.
بس خلي تشوف حالها تاكل وتشرب بيها وتصعد كروه هم
ترى مو ظلام احنه مبحبحيه وياج.
طلعت بعد ما
_ كملت كلامها
امشي بالشارع لابسه تنوره هيه كيلوت كبس ناعم
لونها اسود ولابسه تون عليها وردي وشايله شعري كبايه بصراحه حاره واني كاربه كراب روحي تغلي غلي.
صافنه على كلامها كل يومين خمسه خلي افصل الدلال مالتهم بله.
باليوم كروه الف روحه ورجعه اذا يومين الفين.
بقت ثلاثة الاف
بعني باليوم اكل بالف ونص
زين وين الرفاهيه الوصفتها
استغفر الله
شلت راسي والله للسما وكتله ربي دشوف بناتها نايمات طلعت
واني اشتغل وعلى لحم بطني لامن لكمه لامن مصرف.
المهم
مشت الايام على هذا الجدول
الصبح لازم اكعد اشتغل قبل ماروح
اروح للمحل
وبالمحل شغل وكفه
ارجع اشتغل بالبيت
وهكذا
صدكوا ملابسي كامت تفتر عليه من هلكد ما ضعفت.
اليوم استلام الرواتب وفرحانه حستلم ٠٠٠، ٤٠٠ الف
لوتعرفون شخططت وشبنيت احلام عليها .
صاحني
ابو عمر/
هبه انتي راتبج استلمه ابو فراس من البارحه اجه العصر.
صدمه..صدمه..
_ كتله ها شنو
بصراحه عقلي وكف.
_ البارحه اجه العصر المغرب هيجي شي
كال خطيه تعبها مال شهر خاف توكعه وتروح فرحت اول راتب الها .
هبه/
هزيت راسي اي اي
ورجعت تصدكون منطقه كامله مشي لان ماجتي الكيه ماعرف ليش وماعندي فلوس تكسي.
طبيت للبيت منتهيه والقهر ينهش بروحي والجوع
الكي البيت يضرب جقلمبات
والهول الاكياس مشمره والبنات يكدرن.
عمتي/
ها جيتي
همزين تعالي عاونيني هاي طبتي من السوك رحت اشتريت ملابس للبنات لعرس ابن عمهم
انتي متحتاجين شو كلشي عندج على مالمن هل تماصيخ.
هبه/
رجلي بطبطت من المشي ماعندي فلوس كروه
وتردين هسه اشتغل.
عمتي/
كمزت وكل الحيل بيها
وطبج مرض انتي مبذره تمصخين راتبج شسويلج.
بانفعال
هبه/
وينه وينه
وينه الراتب هو
شو مشفته ها
وهسه مشتريه بفلوسي وتردين هم اني الم الجيفه
شبيهم بناتج ميشتغلن حالهم احسن من حالي اني على وكفة الوحده بالمحل
ارجع اتلكه جيفتكم الله هم ميقبلها.
يا امة محمد يا امة الاسلام اني صح طلعت كل الكبد البداخلي وكلت كلام المفروض مينكال بس والله من قهري.
بس نتائجه صعبه عليه صعبه
عمتي حاجت زوجها الجان ورايه .
عمتي/
سمعت سمعت يارجال يبو ياعالم
بت سجيده تعيرني يبو تكلي جيفتكم تهمت بناتي ولك يارجال باجر تتهمهم بغير شي.
هبه/
ويطفر الثور رجلها للطرمه يشلع عودت الماسحه
يشهد ربي سواها عليه تلث وصل يله كعد
وعمتي ويا بالنعال ادك على راسي وتصيح
_ بت الفكر بت الفكور فوك ملفيتج من الشوارع جان تهتي.
امج الخلفتج مرادتج شمعرفني شمسويه وشمهرمه
تعيريني باول راتب فوك مناطيتج مكان تنامين ولكمه .
غصبا ماعليج تخدمينه مكاعده حظرتج بخان تاكلين وتمسحين ايدج فهمتي.
_ تحجي وتضرب بيه .
وياريت انتهى العقاب بالكتله وبس لا لا غلطانين
العقاب الثاني
مدة اسبوع ولا فلس ولا دينار نطوني اروح وارجع مشي واكل ماكو ماعندي اشتري.
الضحك وين
لا والله كولوا القهر وين
ابو عمر ينطيني ساعه غده اطلع افتر بالسوك وارجع
اليوم مفتريت هوايه شفت تفتيش وسيطره فرجعت.
ابو عمر/
ها خيرج بنتي شو رجعتي.
هبه/
ها اكلت ابو عمر واجيت.
_ تعالي بنيتي كعدي كبالي اريد احجي وياج
_ اجيت وكعدت كدامه هو وره الميز
بصراحه خفت لا يبطلني شيخلصني منهم.
ابو عمر/
هذا الزراك البيدج والبوجهج ليش
ها ولتكوليلي وكعت ما صدكج ترى اني ابو سوك وربيت بالسوك واعرف الملعب من الخام
ااااا أبو عم......
سمعيني بنيتي لتقاطعيني
اني الحكج صارلي يومين لتزعلين مني
خمولج وجهج الاصفر يجيب الشك
من سجلتج.
جنتي مثل الورده المفتحه.
خفت لا جرفوج بغير طريق
أي لتباوعين بعيونج هيج
الي استغربته يا بنتي تفترين وترجعين لاتاكلين ولاتشترين تعجبت.
ولاتزعلين مني حسبيني مثل ابوج عمج جدج
هبه/
هو ذكرهم
ذكر الحنان عليه هنا سلمت الامان لدموعي وكتلها انطلقي
ابو عمر/
فتحت جنطتج يابنتي ربع ربع دينار ماكو
زين راتبج وينه وين راح
شلون تكظين هنا ثمن ساعات على لحم بطنج
ملازم هاي
شلون ترحين وتجين.
هبه/
بعد نوبت البكاء الاجتاحتني
وخلاني انفه صدري وارتاح وحجيتله
اي حجيتله كلشي
قصتي كلها وحظي وقسمتي من هل دنيه.
الرجال تعجب واستغرب وكال لاحول ولا قوة إلا بالله
فأما اليتيم فلا تقهر
يابنتي هاي دموعج وجوعج وتعبج
اتحاسب عليهم اني هم وين اروح من ربي استغفر الله .
ابو عمر/
شوفي بنتي راح اكله شغل ماكو لرجل عمتج الظالم حسبي الله عليه
مجنت اظنه هيج
حكله حنطيج ربع مليون
واشيلج ١٥٠ الف
على الاقل تاكلين لكمه مال اوادم.
وفعلا صار الاتفاق هيجي فرحت كلش فرحت
وبالبيت تخبلوا وكل ميقل الراتب تقل وجبة اكلي ويزيد شغلي.
بس اني مطنشتهم.
اليوم رايحه للسوك واشتريت جرك بطريقي الي وللرجال الخير واخذت قيمر وفرحانه .
الفلوس صدك تغير النفوس
اني غيرتني بشنو خلتني شكد ميحجون
شكد ميجوعوني ما هتم
حتى الرجال كام ياكل بالمحل خطيه ميروح للبيت ويجيب حصته وحصه الي.
ربي يجازيه بالجنه يارب.
لكن لاحظت اكو حركه او اكو من يتبعني
نداريت ماكو احد .
غريب ليش هل شعور
هو بصراحه مو شعور حتى اكو امور تتسهلي شلون ومنو ماعرف
المهم تيسرت شويه اموري واني اعتبر شويه لا والله هووووواااايييه مرتاحه
ماعرف حسيت حنيت ابوعمر مثل الاب واني فقدتها من مات جدي.
هبه/
صباح الخير
أبو عمر/
صباح الخير بنيتي
اي ياسلام اليوم الوجه مورد
اي والله اريدج سباعيه الف رحمه على اهلج الربوج.
هبه/
احلى دعوه عمي احلى دعوه
حسوي جاي ونتريك سوه
لكمه بركه من رزقك
يارب يفتحه بوجهك ويسهل دربك .
ابو عمر/
هههههه هاولج صارلج شهرين بالسوك تعلمتي لسانه
يله بنيتي الله يجبر خاطرج والله لو ابني ممسافر ومزوج مافوتج وماطلعج باب الحوش الله يستر عليج بسترج
سويلنه جاي يله.
هبه/
واحنه كاعدين نتريك كلي
_ صدك نسيت اكلج البارحه وره مفتي اجتني بنيه تسأل عليج.
هبه/
بتعجب
عليه منو عندي
_ اي والله عمي أسألتها هوايه
شوكت اشتغلت وليش ودوامها من يا ساعه لساعه .
_ بنتي تعجبت وكلتلها شتردين
هبه/
اي شكالتلك
_ ارتبكت وكالت ها اريد نتقدمله
هبه/
ههههه
غير عندي بيت المفروض يسألون هناكه.
ابو عمر/
شبيج غير يسألون عليج بمكان شغلج.
_ مشه النهار عادي جلفته للمحل جلف
ورتبت الملابس كلها .
وصفطت الفاترينات هم
ومسحت الجام والمري
طلع يبرج المحل برج.
لان خطيه اخذت منه اجازه يومين ومقبل يخصم من راتبي.
كلولي ليش هل اجازه
حكللكم حروح وياهم للبصره لعيال عمتي مو عرس عدهم.
اجازتي يوم واخذت يومين.
اليوم اول ما ارجع نطلع.
صارت ساعه بالاربعه
ابو عمر/
هبه هبه
_ كول عمي
_ ساعه بيش اطلعون بالسلامه
_ والله كالوا اول مترجعين نطلع
هز راسه وطلع.
_ وماشوف اله وره نص ساعه طب بيده صينيه بيه اربع لفات مشاوي وقوطيه ببسي وسوده اله .
_ شوفي اذا متاكلين لفاتج الاثنين اضرب الصينيه براسج.
هبه/
هههههه
لاعمي لا
مارفضها مشاوي ضربت ريحتها براسي وجماله ببسي وياها يا سلام
ورايه طريق واعرف اطلعني بليه غده.
ابو عمر/
اي بنتي ضحكي
احس الله يرضه ويفتحها بوجهي ويسهل امري
ويكوملي ام عمر من شدتها.
هبه/
شلت ايدي ودعيت لزوجته الحالتها تعبانه
بس هو يكول من باريتج
عبالك الله خلاج بطريقي هوايه تحسنت ام عمر يكفي كامت تمشي وتتحرك بالبيت نفسها كافي.
بعد ما اكلت وشبعت صارت خمسه وربع
_ كومي بنتي كومي توكلي لبيتكم حتى تلحكين بالظلام.
هبه/
ههههههه
مشكور عمي
ولنا ملتقى بعد ايام
الله وياج بنيتي دربج ميسر ان شاء الله.
هبه /
طلعت فرحانه وشبعانه وراضيه عن كلشي
صارلي شهرين وشويه اشتغل بالسوك
حاليا احنه نص بشهر الثامن من سنه ٢٠١٠
واني امشي تفاجأت وكفت مدهوشه شنو هاي صدك.
.
.
.
.
.
.
.
شلونكم حبايبي الحاب ينظم ويانه انستا واتس يراسلني خاص 😘