ملك: ذبيتها براسي كلهااا مو ايا قزمه
كرز: ش شنو قزمه صرت مثلج ام تجاعيد العجوز
ازار: خيرجن ماسكتن لحد هسه
ملك: ليش هيجي خويه تفرق مرتك حتى تكول ماهاين عليك تضربها و غرت عليها من ابن عمها وانه تريد تشرف على ضربي
كرز
وكعتي بيها كرزز نضرات صارت الوان و اشكال والله رجليه ماعن بس بنفس الوقت سويت نفسي قويه
ازار: شوفي صوتج مايعله عليه فاهمه و لا تخافين كل من ماخذ حكه
ملك: خويه ابو اسد والله اتوبه سامحني
ازار: شوفي هاي المره صارت بس والله بالله اذا اسمع مسويه شي ثاني مو اشرف على كتلتج اني اكتلج و انتن كلجن تسمعن اهنا من اشوفن شخص مايفهم و مايعرف اي شي عن اهنا تعلمنه مو تصيرن سمانيات لان بعدها يكون غير تصرف عندي وياجن
الكل: صار صار
كرز
معقوله عافني ماحجه يمه همزين يسس
هاجر: تعالي انصب غده
كرز: اي امشي . صدك بدينه نصب وهمه الولد رجعوا كلهم من الشغل . هذا المن
سحر: هاج صبي الرجلج بذني مواعينه الخاصه
كرز: اي اي انطيني صبيت و خلصت و سويت زلاطه خاصه اله بشكل مرتب خليت كل شي غير شكل وغسلت ايدي و طلعت
ازار: يمه رحمه الدينج وين صار الغده
سحر: هسه خويه ابو اسد مرتك جاي اصبلك . ها هاي وينها اجتي
كرز: اتفضل
ازار: شكرا
كرز: تدلل
كامل: عمي شوف دلال هاي شنو حته جاجيك مسويتله
ازار: احمد جبت مصلح للمولده
احمد: اي خويه اليوم العصر يجي
هاجر: اي والله تبهذلنا البارحه
كرز: لا بلعكس حلوه . لكيته يباوع عليه . قصدي نسمة الهوى البارحه حلوه يعني
هشام: هاي حلوه للعرسان مو النا خيتي
ازار: يمه اليوم معزومين يم بيت جد كرز
كرز: اني غصيت احم
أم ازار: روح انته و مرتك انه ماروح تعبانه
كرز
لكيتها اي اصير تعبانه خلصت اكل و لمينه سفره هوه راح صعد فوك ينام عايفيني اهنا ادري شنو نعال و ذابه بره اباوع على ذني كل وحده طبت هيه و رجلها و سدت الباب الا حضي
أم ازار: صدكيني تهون يجي يوم انتي نفسهن و تكولين اني ماكلت
كرز: امم اوف خاله اوف احس ما ارتاحيت بحياتي ابد لا اهل نصفوني و لا هسه ازار ناصفني دائما لازم اتعب
أم ازار : حلاتها بتعبها روحي مددي ارتاحي
كرز: خالتووو
أم ازار: اكو ان احجي
كرز: هههه خاله عفيه ماريد اروح الذوله عود بيت جدي ليش يجبرني
أم ازار: شو خلي اشوف وجهج خلي اغمه
كرز: يا خاله شبيج
أم ازار: خايبه هاي فرصتج روحي و حاركي بكلوبهن يل فطيره خليهن يموتن و هنا يخدمن بيج و من جهه ثانيه ازار يطلع وياج يحسج صرتي مراه
كرز: هم صح شلون اني مافكرت هيج يمه فديت احلا خالتووو بالدنيااااا كلهااا هههه
أم ازار: يلا هسه كوميني اروحن انام
كرز: تعاي اشيلج اشيلج مو بس اكومج تنامين
أم ازار: ولج مسودنه نزليني ههه
كرز
خالتي صدك ورقة ربحي لوما هيه ماجان تفتحت عيوني على هواي اشياء رحت الغرفتي طلعت على يوتيوب اشياء تزيد اعجاب الرجل بيج . الابتسامه هوه اني اربعه و عشرين ساعه شاركه حلكي . الاهتمام و التجاهل اها يعني اهتم شويه و اتجاهل شويه حطيت راسي ونمت
.....
نهاد: شنوو شعدها جايه جدو اصلا هيه ماطيقكم
الجد: صوت مااسمع هاي بتنا جا نخليها هيج
نهاد: بس
كرم: كافيييي ولج جدي والله كلامك صحيح و ازار كال راح نجي
الجد: هذا ابو اسد اريدكم اداروه لان يفيدنا بهواي اشياء
أبو فاضل: يمنه حجي يمنه
.
نهاد: شفتي يوم راح يعزمون عمش
أم نهاد: يمه هاي اختج و اذا عزموها
نهاد . ليش يوم نسيتي شسوت بيه بالعرس
أم نهاد . عادي يمه محروك كلبها
نهاد . يمه كرم
أم نهاد . شبيه رجلج
نهاد . هيج ماكو شي ( ما انطي بروحي ابد)
.
اياد: خير ابو الكرم شو اليوم منتعش
كرم . اسكت اليوم شفتها الكرزز يبووو مو ابنيه لهلوبه
اياد . ولك هاي اخت مرتك عيب
كرم . طز بمراتي جا انه كلت الجدي من زمان انه رايد صغيره جلبلي بهاي الخبنه
اياد: شوف هوه انته اصلا ماتكدر تلعب على هاي صغيره اذا تذكر جانت بيها رجوله اكثر منك هههه
كرم: خاب انجب غير اليوم شفتها اطك بالكاع الشعر احمر و العيون شكبر العين بويايييي اسكت عني
اياد: خاب مرتك حلوه بس انته مسكطها
كرم: من دنعل ابوك لابو مرتي كوم من يمي هوه سكط ما يسكط
.
كرز: بين نايمه و الكاعده اسمع صوت الباب . منو منو منو احجي بصوت طاك من النعاس نومة ضهر افقد بيها
ازار: هاي شبيج شنو لهسه نايمه مو كتلج 5 ونص نطلع
كرز: احاول افرزن الصوت يا معقوله هذا ازار مسحت وجهي وكمت . نسيت اخذتني نومه هاي شطالع
ازار: شنو
كرز: يعني كولش كاشخ شدعوه
ازار:ههه اليسمعج يكول لابس هل قاط هيه دشداشه بيضه هسه يلا مشينه تحضري بسرعه هم يالله عيب خوما نروح وكت العشه
كرز : اي دقايق طلع واباوع وراه هذا شجاه يلمع واني حالي ما جرالي لا عيني اليوم الا اطلع احلا منك اصبرلي يبووو حتى بنطرون مالازم اسبح هففف رحت دورت لكيت فستان لونه مشمشي حلو وياه شال بيجي رحت للحمام همزين مصلحي سبحت و طلعت رحت حطيت مكياج هادئ بس عيوني لازم اجرهم و حمره مشمشي هم لونها هادئ مو فاقع ورتبت الشال و حذاء بيجي كعب لان عندي دنكه و جنطه بيجي و طلعت
سحر: شنو هل جمال
كرز: حبيبتي شكرا ازار وين لعد
سحر: جا خيه اخذ احمد و طلعوا انه هم ادور على احمد
كرز: مايروح بعيد يجوز اهنا بالحوش
رحمان(ابن ملك) عمه عمه عمو ازار يصيحلج يكول وين صرتي
كرز: اي جايه جايه يلا بي بي
سحر: خايبه باي مو بي بي
كرز: لا هاي مالتي احب اكول بي بي ههه . طلعت كام يباوعلي من فوك ليجوه نضرات ثابته
ازار: شدعوه هلكد طحين
كرز: ياطحين هذا
ازار: وجهج هواي بيه مكياج
كرز: لا هذا هادئ
ازار: هاه هذا هادئ دمشي امشي لا اذبلي كلام هسه
كرز: ليش مانفوت منا
ازار: احمد والعامل كاعد يصلحون المولده منا انفوت . نمشي لو اخذ السياره
كرز: لا مشتاقه امشي مشينا سوه والله لحد الان مامصدكه انوب اني لابسه كعب وهمه كاعهم بستان كوم الكعب و طب بالطينه لزمته من ايده
ازار: اوكفي على كيفج هاي شلبسج هذا وين احنه بالكورنيش
كرز: بدل لا تعيط ساعدني
ازار: اوكفي بماكنج د دنكت سحبت رجلها تعاي منا على ترابي امشي
كرز: اني ضليت مجلبه بايده هوه هم ما كال
ازار: شوفي كرز من نوصل اريدج تصيرين رزنه اهناك و الكلام من اطلعي احسبي الف مره
كرز: والي يحجي مدري شلون
ازار: ههه بوياي ذبي كلمتج بالوكت الصح لان المكافش مايجيب غير طيحان الحض و المهزله ماشين لولا
كرز: ههه ماشين اليوم افاجئك بهدوئي بحيث اخليك ماتصدك اني كرز
ازار: اححح ياخوفي من مفاجئاتج ههه انشوف
كرز: ازار اني جد منا و طالع ما خالف كلامك
ازار: شوفي اني شكد اكره الواحد الي يدخل بسوالف النسوان بس اني ادخل بيج لان اعرف ماعندج احد يفهمج واليوم من ضربتج اني رغم مارايد ابد امد ايدي عليج بس عيب توكفين بوجهي و تعلين صوتج و تحجين حجي ما ينلبس عليه عكال و صدكي و اعتقدي لو وحده غيرج جان مدميها وحتى حكج ضيعتيه اني ردت ملك تتادب بعد ماتقشمرج رحتي تعاندين بيها و تكولين ما سوالي شي وهيج انه جان اكدر اضربج كدامهن على جذبج بس انه مارايدج تصيرين علج بحلوكهن الزمي نفسج لان يجوز هل مره لزمت نفسي المره الثانيه الله يعلم
كرز: لا لا ان شاء الله ماتتكرر
ازار: ان شاء الله بوياي أن شاءالله هاي بيت جدج وصلنه
كرز: ترا جايه الخاطرك اني
ازار: اعرف غير صرتي معدله انتي ههه
كرز: ههه . صدك مزاجه تغير شلون يشاقي و يحجي ارتاحيت كولش و كلت صدك بعد ما اذي و اكون هادئه صفحه جديده
أبو فاضل: هلا هلا بابو اسد الغالي
الجد ياحياكم بويه
ازار: الله يحيك حجينه و بيك المهلي حجي ابو فاضل
الجد: شلونك تاخرتوا
ازار: والله غير اني لو عليه من زمان جايكم ههه
الجد: ههه أوف هل نسوان شلونج جدي
كرز: لزمت ايد ازار اكثر ابد ماحس شي اتجاهم رغم هوه منطلق وياهم .. امم زينه الحمدالله . ضلو يسلمون عليه باقي عمامي واني ارد برود ولد عمامي عود عرفوني عليهم اذا صايره ملحمه شتعرف بس هذا الي شفته الصبح اكلني اكل بعيونه هوه والواكف يمه باوعت مخنزره بس ازار سبقني و شاورني
ازار: روحي يم نسوان
كرز: تمام رايحه ( يانسوان همه زلمهم روحي تلعب منهم مو عاد نسوانهم بس تفاجئت ذاك الاستقبال و يهلهن و يرحبن بيه واني كلعاده بارده وياهن شويه و طلعت نهاد باوعتلي صفح
نهاد: هلا بيج
كرز: بيج اكثر
أم نهاد: هلا ييمه والله مشتاكتلج
كرز: ههه جان استحيتي تكولين مشتاقتلي وانتي بعد كم متر عليه لو جابريج جان اكول بيها مجال
أم فاضل: يا عيني مرت ابو اسد هدي علينا والله دايما بطاريج
كرز
اي اهنا مربط الفرس علمود ازار ... عاد اعرف انتو دائما بطاري والله يستر من طاريكم عليه
نهاد: شقصدج قحط انتي حتى نحجي بيج
أم حازم: نهااددد
كرز: تؤ تؤ خلوها احسن ماتكبتهن و يتحولن لدموع تحجيهم
نهاد: ولج انتي شنوو من بشررر اكص ايدي اذا انتي بشر
كرز: والله اذا البشر يكونون مثلج فاني ما اشرف اكون بشر صدكيني بدون ماتكصين ايدج
نهاد: ايا ساقطه عليه
كرز: ماكو غيرج ساقطه يل ناهبه
نهاد: اني نهابه تعالي ولج
كرز: هجمت عليه ونسوان ضلت تفاكك اني اول شي كلت خلي اشوف شتسوي من همشتني عاد اني لويت ايدها وكعدت على ضهرها من البشررر هاااا احجي هسهههه احجيي يا ساقطه تمدين ايدج عليه مووو ولج نسيتي اني عمش حقج رفعت رأسي و اشوف الزام واكفين و من ضمنهم ازار الي وعدته اصير هادئه قبل دقايق
.
ازار
كاعد بالديوان والصراحه حيل ارتاحيت من حسيتها كبرت و وعت و صارت تسمع الكلام و من وعدتني حسيتها تحجي من كلبها اطمئنيت و حبيت كلامها بس ستونه جابوا المي ونسمع العياط مالتها ماله والي هيه وصوت ابنيه ثانيه.
كرز: هديتها كبل باوعت عليه و رفعت ايدي هيه هيه البدت مو اني نضرلي نضرة توعد عزا العزاج كرز هسه لو صامته اشويه.
الجد: منو البدا هااا احجنننننن
اخلاص: جدي نهاد البدت
الجد: كرررررم شبيك تتمضحك اخذ مرتك من كدامي وعلمها شلون تحجي ويا الخطار الي بيتها
كرز: ضليت اباوع و عيوني اعيون جرو مسكين سويتهن ماكو لساته مخنزر اعتذروا مني وردو المكانهم امي كامت تخوزر بيه طبعا حبيبت الكلب بعد هزيت ايدي الها و كعدت يبووو كميه الواكه فولللل شويه و بدن يصبن بالاكل غصبت نفسي اكلي لكمتين اشويه اكلت وهنه يتوسلن وامي اعتكفت صعدت النهاد رحت اغسل يم مغسله جوه درج و اشوف كرم شايل صونده ما اهتميت لحد ما سمعت صوت امي اصيح دخيلك لااا اني اهنا انصدمت شنوو يضرب إمي صعدت كبل و فتحت الباب شفته حاط نهاد يدك بيها وامي فوكاه توخر بيه و نهاد ماكو حتى ما تصيح دفعته كل و ماعندي قوه
كرم: كرزز
كرز: ايا حقير اطلع مرجلتك على نسواان هاااا
كرم: بس هيه مو غلطت بحقج
كرز: تغلط اضربها تضربني انته مادخلك تعرف معنى شنوو ماتدخل ولك ماعندك رحمه حيوان وكاعد تضربها بهاي طريقه الدنيئه مثلك ولج من اهمداج شوفي هذا الي دخلتي نفسج بالخيسه علموده
نهاد: بصوت تعبان لاتدخلين انتي جايه تشمتين مووووو
كرز: لا لا لا اني اشمتت مو هسه من اول ما طلعتي لان اني اعرف هيه هاي امثال بيت عمج
كرم: كرززز احترمي نفسجججج
كرز: و قز القرط مال اركعك بهاي التحفيه هم قندره ابن قندره يكولي ليش ماحس غير ملزومه من ايدي
ازار: امشي نزلي
كرز: من كد ما منفعله دفعت ايد ازار . كومن كومن ويايه
نهاد: ههه اجي وياج لو اموت
كرز: انتي منتهيه منج تعلمتي على ذل و الاهانه خليج وانتي يا امها هم باقيه مووو
أم نهاد: ماعوفها
كرز: شوفوا انتو عمامي تسمعون الصريخ مالتهم مووو بس ماكو عدكم واحد بيه غيره يطلع يخلصها بس حرامات عدكم شوارب
أبو فاضل: أبو اسد ضب مرتك
ازار: والله ياحجي انه مرتي صح ما من حكها تدخل بس عيب توكفون واشوفون انتو بعينكم شصاير
كرم: فوك ما ادبها لان اجاوزت على مرتك
ازار: تادبها مو هيج تسوي هاي مو عمله تاديب لو مطاوله عليك اني اكول حكك بس هيه و اختها عموما الله يهديكم امشي كرز نطلع
كرز
ريحني بكلامه حيل ضلو يتوسلون بيه بس ابقى و اعتذروا و اشكال
ازار: مو على شي بس كتلكم باجر لازم التحق من الصبح يلا فيمالله
كرز: ازار اني
ازار: نوصل واعلمج الانتي
كرز: بس ازار همه غلطوا عليه
ازار: عود و عدتيني جا لو ما واعدتني جان شسويتي
كرز: والله اني مو
ازار: شوفي خليني متحمل و خلي عقلي يطلعلج اعذار بين مانوصل انجبيلج شويه
كرز
ضل ساكت بس لازم ايدي طبينه للبيت
ازار: طبي جاي وراج
كرز: امم ياربي خلصني ياربي اول ماطبيت واسمع صياح اباوع ملابسي مطشره بالصاله . هاي شنو و الصدمني اكثر وجودها اي و جودها ماتوقعتها
...
للروايا بقايا ❤️
حبايبي تابعوني على انستا لان من اوصل 200 انشر اشياء تخص الابطال mi_itss5
وتابعوني اهنااا علمود نكبررر احبكم جميعا
وتعليقاتكم شجعني لوما هنه ماكمل لان تفاعل مو حلو بصراحه
يلا باي