ازار: كرززز شجابج
كرز: ها مو ماكو احد قصدي كلهم نايمات واجيت اسال على امي ماكو هم شفتها وين
ازار: ....
كرز: احجي وينها
ازار: راحت البيت جدج
كرز: شنووووووووو
ازار . اش صوتج الناس نايمه
كرز . ازار انته فاهم الي دتكوله شلون تروح و عافتني يعني
ازار . اهدي شويه قابل وين راحت بيت عمج عادي
كرز . واني شنو اهنا خلتني هاا شنو
ازار . ليش انتي نسيتي انتي ليش باقيه أهنا
كرز . ( مادري استمطيت بساعتها) احجي
ازار . روحي بوياي روحي هوه هذا بيتج هم صار لحد ما الله يفرجها و يخلص الاتفاق هذا
كرز . (من كال الاتفاق حزت بنفسي حيل نزلت راسي هوه هذا حضج كرز كلها تريد تخلص منج)
ازار . بيج شي
كرز . لا لا ماكو من رخصتك (ردت اروح لزمني من ايدي اتفاجئت كولش حسيت بايده الجبيره تلمس اديه صديت اباوع عليه حركت راسي لان الحجي نبلع بمعنى شنوو)
ازار . خليج قويه و اني صدكي حتى اذا خلص زواجنا راح اساعدج قدر المستطاع بس اريد منج شي واحد
كرز: اباوع على ايده و عيونه و بلكوه طلع الحرف مني . شنو الي تريده
ازار: شوفي اني اكثر ما اكره الجذب لان احس روحي زعطوط كدام المقابيل لذلك بعد ماريدج اجذبين لان كل ماتكونين حقيقيه كل ما اكون احسن شي وياج وانتي جاي اشوفين كدامج امج بالها مو يمج بس اني بالي يمج واريدج اتصيرين خوش ابنيه و ما ياخذ السانج على جذب
كرز( يا ياخذ الساني غير ماحجيت وياك شي حقيقي هسه شسوي اني ) امم ان شاء الله
ازار: عفيه هيج اريدج ما تعاندين ابد وهسه روحي نامي
كرز: اي ....
ازار: شبيج احجي
كرز: ا ا خاف انام وحدي بالغرفه
ازار: نامي يم رسل
كرز: كلها ناس ماكو مجال الي
ازار: انوب ماكو احد كاعد ماكدر انزل صاير مريده بالهول كله نسوان
كرز: يلا عادي راح احاول انام ( دكولها كول تعاي يمي بس اريد اشوف شكل غرفته والله لان دائما يحجن عليها محد يشوفها غير امه )
ازار: تصبحين على خير
كرز: ( اي اي تبحين على خيل لحد طمك كول تعاي) هه وانته بخير .. طلعت ريهام تصعد واني نزلت
ريهام: شصعدج ليفوك
كرز: هه عفوا بصفتج منو تسالين
ريهام: ماعليه بصفة منو و شنو ترا ثكل حلو
كرز: اي والله حلو افكر اشدلج حجارتين حتى تثكلين و ماتصعدين دروجه نص ليل
ريهام: دهر صابج جا ماتكولين النفسج
كرز: تؤ تؤ اني اختلف عنج
ريهام: ها واللههه بشنو يمه
كرز: اوووو بهواي شي بيبي مثلا مثلا اني هسه مالكة هذا البيت لذلك اصعد فوك جوه محد يسالني بس انتي الي مالج بصيص بهذا البيت جايه تسليني همم مو لو مو مو
ازار: خير اكو شي صوتجن عالي وناس نايمه
كرز: تفاجئت بالخوف الي يصير بيهن من يحاجيهن
ريهام: ها ماكو شي بس بس
كرز: سمعت طكطكه و اجتي تشوف منو و طلعت اني روح نام ارتاح
ازار: امشن كدامي كل وحده ترد بمكانها
كرز: نزلت تقربت مني ريهام و همسة
ريهام: لا حسبالج ازار نفس احلامج اصحي شويه
كرز: اذا انتي تتحلمين هواي فا مو الكل مثلج تصبحين على خير (دخلت للغرفه و كعدت ابجي شلون امي عافتني و ما سالت عليه مافكرت حتى تودعني لو تباركلي قبل لاتروح باوع على فراشها ليش هيج يوم معقوله هلكد رخيصه اني بنضرج عود ليش ماتحبوني بس اني احب نفسي وراح اعيش نفسي احسن عيشه اصلا بس بكلبي خوفه ليش يخافون من ازار حتى امه الي هيه امه ترتبك من تحاجي واني افكر لكيت روحي بسابع نومه)
.......
كرم: انتي هيييي كومي سوي زقنبوت اريد اولي
نهاد: ها اي اي كايمه تدلل ( الكل يتسآل شصار بيه من شردت حققت احلامه الورديه لولا بس مثل مانكول هيه احلام من شردت جابوني اهنا بيت عمي لان طلعوا يريدون يكسرون اهلي بيه و هاي خطه من جدي و كرم ههه عمره ماتقبلني حتى نومه بس ياخذ شي الي يريده و مرات يخليني نايمه على سرير و مرات يكلي ماطيقج روحي من وجهي كل حياتي ادمرت قنعت امي تجي ويايه عاد تفزعلي لان من يضربني محد يكله ليش او عيب يضلون يتفرجون . كمت غسلت وجهي بساع ورحت سويت ريوك اله والهم هم خلصت صينيته هوه ياكل ويه امه بس حتى مايقبل ياكل ويايه قبل لا ادخل اسمعهم يحجون
كرم: يمه جم مره كلت الجدي انه رايد الصغيره مو الجبيره لو نسيتي هايه بعد راحت من عندي
خايب دهر لفك انه كتلك الصغيره لو ماخذها لجان هسه انته مطلك من زمان وك رمه رمه الصغيره
كرم: اي هوه اني شرايد رايد مره ادللني انتي شايفه هاي وجها مصوفر خانسه يمي
نهاد
نزلت دمعه وبعد ما اتحمل زايد دخلت لكيته كاعد و يباوع مامقتنع .. كرم
كرم: خير
نهاد: ط طلكني اني ماكدر بعد اعيش وياك
كرم: يجرالج يلا اني رايح مابيه حيل نفس الاسطوانه اكيف تقنعين جدي واخلص اليوم كبل باجر
نهاد: انته وين شفت اختي
كرم: من جنت ارقبكم جنت اشوفها شلون بنيه دمها يلعب وتعارك وانتي الله جاعلج بهيمه لا تحركين ايد و لا رجل
نهاد: شوف كرمممم . لزمت ايدي عمتي لان تعرف مصير هاي العركه كتله احصل و بس
كرم: هاي عليه صوتج هيج
ماتقصد يمه تعال تريك
كرم: هوه ليشوف هيج شكولات يشتهي بعد رحمه الدينج يوم
نهاد: حطيت ايدي على راسي و ابجي
وج انه مو مانعتج خلي شيكولن يكول انتي هسه مرته هوه صدكي كل مايشوفج اطيعيه كل ما يتوله عليج
نهاد: عمه جان يريد اختي ليش شبيها حلو والله حتى شكلها جنها ولد شنو العجبه بيها
اي هيه هاي حضوض بعد لو يشوفها هسه شلون متغيره شيكول
نهاد: عمه انتي تخوفيني ماكدر اتقبله بعد خاصه من دريت يريد عمش
انتي جبينه صاري نادره خايبه خانسه ليش
نهاد: شسوي ياعمه ماتكليلي شسوي
.......
كرز: كعدت على شخص يهز بيه اباوع لانها ليالي اخت ازار
ليالي: كعدي حبيبه رجلج ينتضرج
كرز: يارجل خليني دقيقتين
ليالي: جا شلون فلك طرج غير تروحون تعقدون عقد محكمه
كرز: جنت بعز نومتي من سمعت بيها محكمه و عقد طفرت
ليالي: يا اصخام شبيج
كرز: نسيت بيش ساعه
ليالي 9يلا كومي اجهزي
كرز: خوش كمت هاي الهوسه شنوو
ليالي : جا غير العالم مكلوبه لعرس ابو اسد اليله
كرز: هاا( هههه عرسي يعني راح اصير مرته وهوه اليه واخذه اعيش بغداد بيت احلامي الوردي مو اهنا يععع )
..
ريهام: اي ولج شفتها وياه بليل يعني شعدها فوك لوما يسوون شي
ملك: ماصدك ازار يدخلها غرفته
ريهام: خايبه يا غرفه يجوز تلكيهم محاضن و مباوس
ملك: لا لا ماعليج هوه مصيره الج والله تمل منه لان هوه تعرفين شنو على ساعه يتحول ومبينه هاي بغداديه مابيها حض
ريهام: مو اصلها منا وهيه شكول بغداديه كل حجايه اذبها بكد راسها
أم ازار: خايبات ابدال ما كاعدات ترمن حجي روحن سون ماي جاي الوادم كلسع جاي واحد شكل
ملك: عمه جا غير ستونه كعدنه
ريهام: اي عمه صار كايمه تدللين
ملك: يا هاي الغمه طلعتني انه الموخوش
كرز
لبست بنطرون قماش اسود او ويا تيشرت ابيض و ستره بيها طول احمر على ماروني و شال ماعرف الفه اذكرت امي من تلفه خنكتني العبره
هاجر: ها حب محتاجه مساعده
كرز: عفيه هجور الشال لفيه اليه ماعرف
هاجر: انتي مامحجبه ليش
كرز: اي ازار من اجينه اهنا كالي البس
هاجر: ها هينه هسه اسوي يخبل لاتنسين اطالبين بحقوقج الشرعيه
كرز
كل شي افتهم بس مال شرعيه و مدري شنو استمطي . شلون يعني حقوق حطيت مكياج الاينر اسود جريته وياه ضلال لمع لون هادئ و حمره حمره
هاجر: هههه يعني تلعبون بليل.طالعه تخبلين شنو هل جمال بس هاي طلعين هيج
كرز: هه حياتي اي اكيد اطلع هيج
هاجر: يعني معقوله ازار يرضى اطلعين هيج
كرز: اي شبيج شمسويه شلابسه كولش طبيعي
هاجر: والله اني احذرج خاف يفشلج هوه ما يتفاهم
كرز: لا لا مايكول يلا امح باي
طلعت و الهلال وجكليت عليه بس نسوان يتبسبن و يباوعن صدك عيشوني أجواء عروس هوه نزل من الدرج فدوه الله شنووو من جمال لابس قاط كحلي و شلون مرتبه وساعته و شعره جان يمشي و يعدل بدكمة قميصه باوع على عماته يباوسن و يباركله كام يضحك اني ابتسم على ابتسامته بس من شافني ضحكته راحت تدريجياً ونضرات صارت تثقبني اني هم راحت ابتسامتي ادنه عليه وذني كلهن يترقبن احسهن كلهن يعرفن راح يسوي شي و منتضرات بشماته اني كلبي لسبني
خطوه خطوتين التلاثه وصلني ماحس غير دنك عليه و باسني بخدي اني انصدمت صدمه عمري و الوجوه مالت نسوان صارت تنطي الوان و تفاجا واسمع تبسبس مالتهن
عزاا جا رجع عشريني
اي شبيج فرته هل زعطوط
معقوله ازار يسوي هيج
اني هم مامصدكه
كرز
منتضره شفته توصل خدي رغم القرب حتى شواربه اجكك بشرتي بس شفته ماجتي على خدي بس رغم هيج ابتسمة ابتسامه نصر بعدني مامخلصه ابتسامتي واجاني صوت فحيح مو صوت وهمس ناصي جدا
ازار: روحي من وجهي و غسلي و لبسي عباتج لا هسه اسحلج كدامهن بنفس الوقت ضغطت على ايدها
كرز
حجه هيج وصوت مرعب جان والله من اكول ماتكدرون تتخيلوه والزادني خوف ايده الي ضغطت على ايدي بحيث اصابعي كامن يطلعن صوت طك وخر بابتسامه اني بسرعه دخلت الغرفه ليش هيج معقوله بي شي
هاجر: كرز شنو هل اجواء الرومانسيه عمي والله غيرتيه ماكتيلي ليش رجعتي هاي هاي شبيه وجهج ليش هيج صار اصفر
كرز: ما مابي شي
هاجر: احجي كرز والله اني وياج مايطلع الكلام ابد
كرز: حجيتلها بتردد بس ماحجيت النبره و ضغطه على ايدي اني طبعي اثق وهيه مبينه خوش انسانه
هاجر: يااا جا وانه حسبالي يريد يبوسج بس شبيج هيج افرحي غير يغار عليج
كرز: يعني لان يغار هيج سوه
هاجر: اي اكيد كبر خوفتيني يلا هاج عباه لبسي لا حبيب الكلب يهجم البيت فوك راسنه
كرز: مسحت المكياج بقيت شي بسيط منه و لبست العبايه . هاجر سؤال
هاجر: جا وكت اساله الرجال ينتضر
كرز: هاجر ازار بيه شي ليش عدكم خوفه منه
هاجر: ها لا لا شبي يعني
ازار: وين صرتي يلااا
هاجر: يلا طلعي طلعي لاتخافين
كرز
اوف ليش احس ازار شخصيته كل ما جالها كاعد اشوف غير شخصيه مو ازار الي جنت اشوفه شي مختلف اكو وراه شي طلعت هوه باوعلي من فوك ليجوه باوع الوجهي بعدم رضى
ازار: يلا بوياي يلا
كرز
مدري شبيه صرت احس تصرفاته على ساعه تتغير . كعدنه بالسياره : احم ازار
ازار: همم
كرز: شو هذا و لاكانو سوه هيج قبل شويه .. ليش قبل شويه هيج صرفت
ازار: لان جديده
كرز: يعني لو قديمه جان شسويت
ازار: جان هسه وديتج للمستشفى مو للمحكمه
كرز: شلون يعني ازار كاعد تخوفني
ازار: اكرهج من تكولين اسمي حاف تدرين اشمئز
كرز: اجتني صدمه ثانيه خنكتني العبره.. ل ل ليش يعني
ازار: منين طلعتيلي ورطتي نفسج ويايه
كرز: زين ما صار شي رجعني
ازار: شنو
كرز: رجعني لاهلي و طلكني خلص ماريدك بعد
ازار: وانتي شايفه الناس كدامج زعاطيط مثلج
كرز: كافي ليش هيج داتكول عليه وبعدين اني غلطت وخلص متندمه واصلا حتى انته جبير عليه( ردت اقهره مثل مايكول زعطوطه اكله جبير بس ياريتني ماكلت ماحس غير سياره ضربت بريك قوي كلش اني انصدمت ضليت بس ابلع بريكي و اباوع عليه بذهول
ازار: شكلتي ها
كرز: اني بس
ازار: شمسلتيييييي احجييييي
كرز
اجذب اذا اكول ماخفت وجهه انكلب مو ذاك ازار الهادئ الرسمي الي وجهه يشع طيبه و احترام عيونه حمر و عروقه بارزه. اي اي كلت جبير عليه مو انته توليتني زعطوطه و زعطوطه شلكيتني اركض ورا الجهال هااا
ازار: جؤ جؤ هاهيه بوياي هاهيه
كرز
كال هيج بس كلامه مال شخص مو راحه من شخص يبلع السم و تحسون وراه شي مو راحه هيج بحيث وجهه يحاول بين هادئ بس ايده الضاغطه على السترين تريد تنفجر من كد العصر و عروقها بارزه وصلنه للمحكه نزلت وياه وهوه جايب شهود معارفه سوينه الفحص اخذو من دم ولا كانو هيج حتى ما نهز بس من اجه دور عليه واني اخاف من الابره حيلل ضليت واكفه بمكاني
ازار: كومي دورج
كرز: ها خليني بعدين وراك وراك
ازار: بوياي خلصت ادري كل شويه اروح يسحبون
كرز: توجع بله
ازار: لا
كرز: صدوك
ازار: استغفرك ربي و اتوب اليك يلا ترا روحي مسلوكه وناس كاعد يدكون عليه
كرز : ما بطلت ماريد ازوج
ازار: يعني اضوجين من اكلج زعطوطه
كرز: لا شنو زعطوطه عشتوو قحط ابره كمت بثقه بس ماريد ابين كدامه اني صغيره اجه ولد جايب الابره باوعت عليها ورجعت نضري على ازار باوعلي ورافع حاجبه بمعنى خيرج عبست من اذكر كلامه ويايه انطيت ايدي و بعده ماضاربني اني عود ماريد اشوف و بنفس الوقت اريد اشوف مغمضه عين و نفتحه عين من كد الفضول قبل لا يحطها .. اوييييييي اوييييي او. بعدني مامكله الاوي الثالثه لزم حلكي بايده سد خلص واني اباوع بقهر . والله حيل اوجعتني اويي يمه
ازار: كولي بعد مره ثانيه عوي و خليج تعوين من صدك
كرز: شنو شبيك انته شاد ويايه من الصبح كمت ابجي لان من صدك انقهرت من اسلوبه
ازار: هذا الشي الي يصير كله من وراج لو بس هذا السانج سادته شويه جان ما وصلنه الهاي المواصيل
كرز: والله بعد ما اخذك لو يكتلوني كمت خليت. مشيت سحبني من ايدي بقوه
ازار: اخطي خطوه بعد كدامي و تلكين روحج بمكان ما تتخيليه فاهمه خليني محترمج زين مني متحملج ترا
كرز: مامجبور تتحملني واني ما اقبلها اعيش با اهانه اصلا رجعني البيت ابويه
ازار: هه هههه يابيت غير امج المسعده موكله عليه حاطته باسم اختج و اختج حاطته الرجلها والله بطرانه لو تريدين ترجعين البيت عمامج هااا
كرز: ل ليش واني وين اروح ليش خلته الها بس ادموعي صارت تسابق عليه هوه خفف ايده ولزم راسي
ازار: كافي بوياي كافي اتحمليني انه زين مني لهسه عايش و متحمل اتحملي كلامي بين ما ادبرلج مكان بهل فتره بين ما نطلك
كرز: امم. كلت خلص كرز بعد ماعندج شي و عمامج ماتكدرين تصدين بخلقتهم خليه ساتر عليج عاد . لزمني من ضهري ورجع اسلوبه ازار الي محترم و صلنه للمحكه عقدنه و خلصنا هوه مضبط كلشي . صعدنا بالسياره اني ردت الطف الجو
كرز: احم تعرف شريد من هذا الزواج كله بس شي واحد نفذه اليه
ازار: امم احجي اسمع شنو ست كرز
كرز: حقوقي الشرعيه . كلت هيج لو نفس البريك هم شالني و ركعني
ازار: ش شرايده
كرز
هذا شبي صدوك وينه وين العب هذا مايحب يلعب انوب بليل تهي تهي لو منلصمه اشرفلي .. امم اريد حقوقي الشرعيه شبيها كل ابنيه تحب الحقوق الشرعيه يعني حتى لو اكمز عليك تالي اليل ماتنصدم حقوقي ههه
ازار: تكمزين عليه ........
......
للروايا بقايا ❤️
حبايبي تابعوني على انستجرام راح من اوصل 200 انشر اشياء تخص الابطال
وتابعوني اهنااا علمود نكبررر احبكم جميعا وكاعد اقره تعليقاتكم و البارحه فرحانه بنتيجتي و ماسويت بارت عذروني احبككم باي