ازار: خوش لعد اني اترخص لان كرز وحدها بالبيت
أم نهاد: خوما شالعه كلبك
ازار: لا ورده ماكو منها
ادهم: مشكور خويه مانعرف شلون نجازيك
ازار: جازوني بصحتكم يلا اترخص
....
ازار
طلعت ورحت للبيت كبل شغلت الايت واباوع لكيتها نايمه على قنفه و حاطه ملابسي بحضنها استغربت شنو القصه يجوز. كرز كرز
.
كرز: امم خليني انام اش
.
ازار: كومي نامي بالغرفه احسن
كرز: تكرهني موو
ازار: شنو
كرز: اي انته مو وحد منهم كلهم يكرهوني حتى ابويه يكرهني تعرف حتى ربطني مره علمود ما اطلع تعرف حتى من يجينه خطار مايخليني اطلع لان اسوي تصرفات ما تناسبه و بس نهاد يطلعها زين زين ما سئلة من جنت تجينه ليش اني ماكوو و ما اطلع هاا...
ازار: جانوا يكلولي تدرسين يم صديقتج لو نايمه ....
كرز: ههههههه شفت هذني الحجج الي يكولهن الك اثنيهم اني ماعايشتهم صديقاتي من صار الحادث كامن مايمشن وياي و النومه اصلا حسره عليه من ورا الازعاج الي يصير براسي اني تعبانه بس بس محد يحس بيه عبالهم اني مكيفه و شخصيتي هيج بس اني ماعندي غير حل تعرف انته الانسان الوحيد الي جنت من اشوفه ارتاح كولش اني اني اح
ازار: هاي انتي صايره نار كافي اهدئي مصخنه انتي . كلبي انفطر كلبي عليها طفله و عدها كل هاي المشاعر السيئه بداخلها حطيت الها كمادات ..... تدرين اني قصتي ماتختلف عنج نفس الحاله هم ابويه جان يكره شخصيتي لان يحسني شرس و ارفع صوتي لو اضرب ولد عمي بس من تمرض حتى عمامي محد كلبه ولا ولدهم واني الوحيد الي حملته وراها خله املاكه كلهن الي بس اني مابعيني شي واكو شي بداخلي مامسامحه عليه من خلاني اعيش اسوء طفوله و ماجانت حالي حال الجهال
كرز: ههه شلون صدفه نفس المشاعر عدنا
ازار: اي اي ... ضلت صافنه شويه و نامت اني غسلت ومددت ساعتين و دك الموبايل
.
الو
الو منو
اني ادهم اخو ام نهاد خويه ياريت اجيب كرز اشوف ابوها لان انطاك عمره
شنوووو بس شلون لا اله الا الله الله يرحمه جايكم جايكم. الله وياك
كرز كرز عمي كومي شوفي ابوج يريد يشوفج
كرز: وين اروح
ازار: للمستشفى يلا بدلي و تعالي على سرعه
كرز: معقوله يطلبني ضل عقلي يلعب بدلت على سريع ورحت طلعت اباوع و بيه نعاس و تعبان جسمي
ازار: خوما بيج شي
كرز: لا لا مابيه ... صعدت.. شبيه بابا شعجب رادوني هيج وقت
ازار: مادري كالولي اجيبج ... ماردت اكللها بصراحه لان راح تضل تبجي و صيح عاد خليها اهناك تعرف خاف لا سامح الله يصير بيها شي
كرز: وصلنا و نزلت هوه لزمني من ضهري يريدني اتقدم بس اني قلبي لاسبني ماعرف ليش ضلينه صعدنه المصعد و رحت الغرفه ماجانوا بيها قبل لا ادخل و اسمع اعياط و بجي باوعتله بخوف هزلي راسه و دخلني من اباوع امي منهاره على جسد ابويه و ابويه وجهه مابي روح باوعت بذبول اله مشيت بخطوات هادئه باوعت عليه زين و تمعنت بملامحه و طلعت اركض
ازار: اباوع عليها نفس الشي نفس ردت فعلي على ابويه من ماعرف شسوي بعد حتى العتاب ماينفع رحت وراها
..... اوكفي كرزززز كرزززز
كرز: توقفت من سمعت صوته .. ها شكو
ازار: ابوج ليش ماودعتي
كرز: هه شودع منه ماعرف اكوله سامحني لان فشلتك لو ما سامحك لان دمرتني بالزايد هااااا شكوووووللللل احجيييي انتههههه اكولههههه انته خليتنييييي استحيييي من نفسييي بعد الحادث لو اكول انته الي ضربتني علمود ترضي فلان و علان شكووولللل عوفني اريد ابقى وحدي
ازار: ماشي بس لا تبقين وحدج تعالي بالسياره اوديج للبيت
كرز: اي وديني
ازار: ركبت السياره و هيه ماكو لا حس و لا نفس بس صافنه مكان فراغ بس عيونها احسها تحجي كلشي وصلتها وهيه بسرعه ركضت للغرفه قفلت الباب و طلعت رجعت للمستشفى لكيتهم محضريه علمود يدفنوه الفجر و ام نهاد ماكو ماخلت بروحها كامت تهدئ بيها مرت ادهم اني باوعت الله وياك خويه اسف ماكدرت اعالجك من وكت الله يغفرلك و يرحمك و شلناه صارت مراسيم الدفن حسب الاصول هواي ناس زلم اجته و خلو الفاتحه مال نسوان بيت خالهم ادهم رجعت للبيت لكيتها كاعده تتفرج تلفزيون مصدوم بتصرفاتها
كرز: ها خلصتو
ازار: ليش هيج كاعد اسوين بروحج
كرز: شمسويه هسه اذا بجيت شنو راح يتغير هاااا راح يرجع لا لو راح يحسن اسلوبه ويايه و يعاملني نفس ما يعامل نهاد هااا تؤ اثنينهم ماراح يصيرن
ازار: بس عيونج حمر
كرز: اي بجيت وخلصت بجي وديني اريد ارجع البيتي.. من وصلني البيته ازار واني دخلت اركض ماريده يشوفني ابجي انهاريت صرت اذكر شكو شي سيئ سواه الي وشلون قبل جان يحبني ماعرف شسوي و ابجي شلون جذبت هيج اووووف ياربييي ليش ورطت نفسي .... ها يلا توديني لو اروح وحدي
ازار: بدلي و خلي اخذج يم امج
كرز: امم ... رحت بدلت وخلصت و طلعنا هذا مو بيت امي هذا بيت خالي ادهم
ازار: هوه الفاتحه اهنا
كرز: و منو كالك اريد اجي للفاتحه
ازار: استغفرالله اششش اهدئي رحمه الدينج راسي سطرتيه
كرز: نزلني خلص بسرعه طلعت و طبيت للنسوان ضلن بس يباوعن شكد اكره نضرت الشفقه بعين الناس عليه بسرعه طبيت و لكيت هدى بنت خالي.. بسرعه وديني للغرفه مالتج
هدى: اي فوتي حبيبتي
كرز: دخلت و كلت هاهيه بعد راح اتوب من كلشي حتى الحب ماريده راح اكون بس اني وامي لازم اعينها اكل يجيبولي ما اكل امي دخلت عليه وكامت تبجي كدامي اني ماعندي اي ردت فعل
نهاد: تهجولنه ييمه من بعد ابوج
كرز: كافي امي الله يرحمه اني يمج ماعوفج (شكد كرهت نفسي من جذبت هيج جذبه كدام ازار وخليته عباله اني مغتصبيني ) مرت الايام ورجعنه خالي البيتنه البيت عبالك حبل مشنقه يخنك ماكو صوت اخبار تلفزيون ابويه اليوصل السابع جار و لا نهاد الي تعاركني و لا امي الي حايره شسوي لابويه عشه ماكوووو خنكه نزلن دموعي مو بيدي اباوع شفت موبايله جان كولش يحبه مايخلي احد يلزمه هه تعرف اشتاقيتلك ماجنت متوقعه راح يجي يوم اتقبل كرهك الي مقابل وجودك يمي
.
.
ضلت نفس الشي حياتنه بس كآبه بالبيت امي ماتطلع من الغرفه و بالكوه تاكل اسم و اني اكل شويه و هم اروح لان مالي واهس لحد ما فديوم كاعدين استوها امي كامت تكعد ويايه عادي و ندكت الباب
ام نهاد: كومي يمه شوفي منو
كرز
رحت اول مافتحت الباب و اشوف اكثر شي اشمئز منه اي همه عمامي همه و عكلهم شكد اكرهم
حمدان: ها شلونج عمي
كرز: خير شكوو
حمدان: جن السانج طولان يابنت سميره
كرز: ياريت تخلينه محترمين العلاقه البعيده بينا وامي حاليا بعده ياريت تبتعدون هل فتره و نعرف ابويه مات بس احنا حياتنا انريدها نفس ماهيه اضل
حمدان: جا هذا ابوج ماعرف يربي وحده تشرد وحده السانها متبري منها وخري وخري من كداميييي
أم نهاد: خير يبو فاضل شرايد
حمدان: عدنا جم جلمه نحجيهن و انولي
ام نهاد: وخري كرزز خلي يفوتون
كرز: ماماااا بس
ام نهاد: كافي عاد تفضلوا
كرز
دخلو الاستقبال 3 منهم ضلو يحجون ويه امي اني ماجنت بالي يمهم لحد ماكالوا نريد بنت اخونا الثانيه اهنا كبت العيطه ....اوكفوا اكفواا هذا شي تحلمون بيه لو اموت و ماروح وياكم فاهمين كام واحد منهم يريد يضربني امي وكفت كدامه
أم نهاد: اصبر ابو حازم بنتي يمي وهذا بيت ابوها تضل بيه و ماكوو فرق بينه
ابو حازم: ماكووو اني كلت هل جلمتين بنت اخونا تلحك اختها و اني ازوجها اياد ابني الصغير وانتي شنو اليضمن الج شراح اسوي وراج هااا يجوز تشرد هم بس مو ويه ابن عمها ويه غريب البنيه مالها غير ستر يا سميره
ام نهاد: بنتي لو اموت ما انطيهااا فاهمين
ابو فاضل: شوفي اني حنطيج خيارين الاول تنطيها بالعيني و اغاتي و تزوج حسب الاصول الثاني اهججكم من الديره ولاتنسين انه شنوو
ام نهاد: خلوني احجي وياها هل فتره انطوني صبر
أبو فاضل: يومين ماكو زايد
كرز: هييي انتو شتحجون اني ما ارضى اروح يمكم عشتو اصير عربيه مثلكم لو اطكون لو تريدوني اصير خدامه احشلكم بعد
ام نهاد: لا لا ابو حازم اني اعلمها ماعليكم الله وياكم
كرز: شتعل.. بعدني مامخلصه امي كرصتني سكتت طلعوا ستونه نريد نفوت اندك الباب مره ثانيه رحت اركض ..شوفوا تروحون لا الم هاا
ازار: شكوو صاير شي
كرز: ها لا لا ماكوو
ام نهاد: منو امي
ازار: اني ام نهاد خيتي
ام نهاد: فوت خويه فوت حيك وخري شبيج صافنه
ازار: يالله يالله شلونكم شخباركم والله عذروني هل فتره كله دوام بالانبار لان الوضاع شويه داجه الله عليج ام نهاد من تعتازون شي اني موجود حسبيني حسبت اخوج
ام نهاد: على الله خويه والله الله يعينكم داشوف الاخبار
ازار: اكو شي مو على بعضكم
ام نهاد: لا ما
كرز: لا ماما كولي اله
ازار: شصاير
كرز: عمامي يريدون يزوجوني لابنهم لو يهججونه اني و امي
ازار: شنو هل مسلته الله شاهد انخلهم نخل و شنو يزوجوج ام نهاد انتي تعرفين بنتج شنو حالتها ماتكدر تزوج
كرز
راح من بالي جذبتي الي جذبتها اوف يربي شلون بيه ضليت ابلعم و اسوي بوجهي اريد ينتبه ماكووو استمر ياربي شلون لا يالله
ام نهاد: شلون يعني
ازار: ماكلتي لامج
كرز: هاا اي لالا
ام نهاد: احجوا لا تخبلوني
ازار: ام نهاد خيتي بنتج ابن حرام لزمها
أم نهاد: شنووووووو
....
للروايا بقايا ❤️
تابعوني انستجرام mi_itss5 انشر اشياء مهمه
تابعوني أهنأ هم خلي نكبر
و علقوا تعليقاتكم هيه تساعدني اكمل لان اذا ماكو تفاعل ما كمل