- انخرست و هوه دافن وجهه بشعري لحد ما نام واني هم كلش نعسانه فـ رجعت نمت
كعدت وجنت نايمه وحدي بالغرفه وخرت الغطه ونزلت جوه ومبين ستوها عمتي كعدت من النوم بس دحام بقاطه الأسود كاعد ع كرسي و منتضر كريمه تجهزله الريوك
- باوعلي وكال جيبي الجاي ، دخلت للمطبخ اخذت الكوب وطلعت حطيته اله ع طاوله كدامه ردت امشي جرني وكعدني بحضنه شبكني حيل وجهي صار بوجهه يريد يبوس شفايفي
روانا : دحام شبيك لا يجي احد دحااام دحااام عيب وخر
مبتسم ويحاول يوصل لشفايفي يبوس من الطرف ومن جوه شفتي طلعت عمتي وكفت مصدومه تباوع لنه
ادفع بي بكل قوتي و اهمس دحام امك دحاااام وخر
فتح ايده وهوه يضحك بسرعه كمزت وشردت
زهره : يمه دحام اخذ مريتك للغرفه جا مو كدام الكل فشله لا تشوفكم اخيتك
دحام : حجيه منو يكعد بهل وقت ساعه بـ6 الفجر
روانا : طبيت للمطبخ واني ادردم متخلف حقير يا الله شكد فشله شلون بعد اباوع بوجها شفت عمتي رجعت طبت لغرفتها طلعت بالصاله اكو المرايه كديكور اني و امشي لفت انتباهي آثار بركبتي رجعت للمرايه باوعت ع ركبتي آثار بلون الأحمر حيل خجلت بس اريد اضمهن
حضني وهمس بذاني اوف الأمس شبعت مص وانتي نايمه
كزبر جلد جسمي و ارجف مثل السعفه ، كلبي يخفق بسرعه نطقت بخوف و ارتجاف ، وخر اريد ارجع انام بعدني نعسانه
وخر عني و كال نامي و ارتاحي واذا سمعت بيج كايمه او مسويتلج شغله او ما تاكلين وحك علي ارجع من الشغل وتعرفين شسوي
روانا : هزيت راسي وصعدت بالدرج اركض صاح بصوت عالي رواناااااا
- صعد وراي لزمني ويصعدني درجه درجه وهوه يغلط ويهين ويفشر
- كافي شبيك بس تغلط
اكو مره حامل هيج تصعد بالدرج تركضين عندج سباق لو شنو؟؟؟! افهمي اكو طفل بطنج و مايصير عليج الركض والتعب
اي شبيك ما شايف اني مو اول واخر مره تحبل
بس الي بطنج ابني و الحاملته رورتي
دخلني للغرفه كعدني ع الفراش كال تمددي ..
تمددت و غطاني طفه اضويه الغرفه وطلع
كعدت وره الغده كمت سبحت و لبست دشداشه قصيره و لبست بوند بشعري وطلعت كدلتين و نزلت جوه
شافتني عمتي ابتسمت و كالت تعاي كعدي يمه ليش تفترين
استغربت رحت يمها وكعدت حطت ايدها ع بطني وكالت يييمه شوكت تجي للدنيه واكحل عيوني بشوفتك
روانا : ابتسمت و الدموع تحبست بعيوني ، يعني انتي خايفه بس ع الطفل الي بطني؟ واصلاً اعرف من راح اجيب الطفل راح ترجع معاملتج وياي سيئه اني ما ادري شسويتلج حتى تكرهيني لان ارد و ادافع عن نفسي؟ لو لان حبيتج و احترمتج و قدرتج بس ابنج رافضته و ماعندي اله مشاعر حب وماريد اجبر نفسي عليه
زهره : انسي الفات وخلينه نبدي صفحه جديده ضلمتج واذيتج بكلامي وتعاملي واسلوبي بس متندمه و الله يشهد ع كلامي
روانا : تقربت يمها وشبكتها بجيت وكلت تغيرتي عليه وانتي جنتي تحبيني وتخافين عليه بس ما ادري شسويت حتى انتي هيج صرتي ما طيقيني
شبكتني حيل وباست خدي والله اعتبرج مثل بنيتي انفال والله انتي غاليه عليه و الطفل الي بطنج صحاني و وعاني
بجيت وكلت بس اني ماريده هاذه الطفل ، دفعتني و باوعت بوجهي كالت ها ولج مو ستوني بديت احبج ونتصالح
روانا : ضحكت و امسح بدموعي ، كافي عمه والله اضوج من نتزاعل و اشوفج تكرهيني خليج بصفي والله ماعندي غيركم
ضحكت و رجعت شبكتي و اطبطب ع ضهري كالت اشاقه جا انتي بسرعه تصدكين
نزلت انفال كالت هاي شنو صاير محاضن جا وانه محد يريدني
زهره : تعاي يحبيبتي تعاي شعندي غيرجن والله اموت عليجن بس روانا غلطت وجبرتني اعاملها بهاي المعامله و الا هيه قطعه من روحي
شبكتنه ثنينه وتبوس براسنه
زهره : اي صدك يمه حتى نطلع للسوك نشتري فساتين روانا ما عدها شي جديد تلبسه لعرس انفال
روانا : اللله اريد اطلع من زمان ما رايحه للأسواق جنت بغداد كل يوم اطلع واروح شوكت ما يعجبني اوف ع الوكت شلون غير احوالي ما تخيلت بيوم راح يصير بيه هيج
زهره : شلون اطلعين اخاف ع الطفل يمه
روانا : والله ما يصير بي شي خليني اروح
زهره : وج يمه نفر السوك فر تعرفين اخيتج انفال و ذوقها يعني نضل نفتر ونتاخر و انتي حامل مو زينه عليج اني اشتريلج كليلي شنو تردي واجيبه الج
روانا : حبابه حبابه والله مخنوكه من البيت واصلاً اني احب الفره خلي نفتر عادي
زهره : يله جا كومي بدلي حضري روحج وعود اذا احسج تعبتي نتصل ع السايق واخلي يرجعج للبيت
روانا : كمت طايره من الفرح ردت اركض بدرج بس تذكرت دحام من ما يقبل صعدت ع كيف واني جاي اصعد بدرج طب دحام وراح يم امه باس ايدها وراسها
ما ادري شحجه ويه امه شو هاذه تغيرت ملامحه و عصب حيل صعدت للغرفه شويه وطب
دحام : طبيت للغرفه و انتبهتلها من لابسه دشداشه قصيره بلون الأحمر و بارز بياضها بشده و مخصره عليها وخصرها بارز و منحوت و شعرها الواصل يم خصرها وتاركته محلول ومطلعه كدلتين و خدودها زهريات و عيونها كلهن لمعه و فرحه
باوعلي من فوك لجوه كال شنو هذا الحلو؟ ولك انته تنوكل شطالع اليوم جنك كيكه
ابتسمت بخجل ، تقرب يمي وحضني باس راسي
دحام : اعرف تردين اطلعين ومليتي من البيت بس ما أكدر اخليج تفترين و انتي حامل كليلي شنو بالج من فستان واني اشتري الج
روانا : لا اني اريد اطلع وأريد اشتري ع ذوقي كافي حابسني بهاذه البيت تره والله مليت احس روحي بسجن ، خليني اريد حريتي غيرتلي لبسي وكلت ميخالف خليتني انام وياك بنفس الغرفه وبالاجبار وكلت ميخالف بس من تسجني لا ما اكول ميخالف وراح اطلع و غصبن عليك
- بتعدت عنه ودرت ضهري مشيت جان يجرني من دشداشتي صاح ثبتي شاف قياسي الي بضهر الدشداشه هدني وطلع من الغرفه
رحت بدلت ملابس طلعه و نزلت و انصدمت لمن عرفت روح كلهم للسوك وما اخذوني حسيت اريد اكعد وابجي وفعلاً كعدت ع الدرج حضنت روحي و بجيت ياربي والله جان بنفسي اروح وياهم باوعت لبطني وكلت كله بسببك درت وجهي صفح اني وابجي ضحكت وكلت سامحني مامه بس والله ضجت ليش ما اخذوني ليش خلونه وحدنه بس اني وياك بالبيت يله ع اقل وياي احد احسن مو وحدي حطيت ايدي ع بطني وكلت شنو تريد ناكل؟؟ كمت طبيت للمطبخ فتحت الثلاجه وطلعت كلشي من أكل بثلاجه
لحد المغرب ما رجعو ضليت افتر بالبيت رجعت صعدت للغرفه لبست شي مريح شغلت التلفزيون و الغرفه كلش بارده من السبلت تلفلت بالغطه ومتربعه ع الجربايه
شويه نفتحت الباب ودخل دحام بيده علاكه بيضه ورقيه
باوعلي و كال يمه سبع فدوات بردان ابني
خزرته و درت وجهي عنه
- جبتلج فستان احله حتى من ذوقج
- كمت حتى اشوفه اخذت العلاكه من ايده طلعته جان تصميمه و لونه كلش حلو ، شمرته و كلت هاذه جايبه من الزباله؟
- قبض ايده بصبر وملامح الغضب بينت عليه طلع من الغرفه وركع الباب بقوه
- رجعت شلته و اباوعله شكد حلو و مرتب ضميته بعلاكته وخليته بالكنتور طلعت يم انفال
انفال : ها يروحي وعلي اسفه لان طلعنه بدون ما نكلج بس دحام ما قبل ناخذج
روانا : اي ادري بس لو جايه وكايلتي ع اقل
انفال : جاي اكلج دحام ما قبل حتى نكلج خاف جلبين بينه كال طلعو بدون ماتدري
ضلينه نحجي و شويه سيرو علينه مروه و ابنها مرتضى حتى يتفقون ع يوم العرس ضلو يمنه للعشه تعشينه و مرتضى و عمي تعشو بالاستقبال
و ابنهم سجاد شارد ومحد يندله او يعرف عنه شي لان دحام حالف بس يلزمه ياخذ يروحه ع السواه
ودحام جان طالع مو بالبيت
صعدت للغرفه ضليت انتظر دحام ما اجه باوعت ع الساعه بـ1
دقايق و طب للغرفه يمشي و رافع صدره وبين اصابعه الجكاره ..
- كمت وكلت :- وين جنت ليش تأخرت؟
- ضحك و كال ضلي هيج رواني ضلي احب اشوف خوفج عليه احب اسمع تساؤلاتج
- احجي وين جنت؟ يعني بعدك متزوج احلام؟
- بابه يا احلام؟ جنت يم صاحبي أنور
- احلف بـ الله؟
- بويه والله
- بعد ما اريد تتأخر
- حاضر وبعد؟
- لا تتأخر حدك للـ12 وارجع للبيت و هاذه اليدوخك بعد لا تشربه
- كلهن صار باوع بعيوني و كال و الخالق عيونج احبج
- توترت صرت ارمش بعيوني باوعتله صفح ، شواربه كلش حلوات و ابتسامته بعد احله و المعه الي بعيونه تاخذ روحي نظراته الي توترني تخليني افقد سيطرتي ع نفسي
- كال مو كافي بابه هواي وكفتي تعاي ارتاحي ع الجربايه رحت كعدت وكعد بصفي كال باجر اخذج للأسواق و اخليج تشترين الي بالج و ع ذوقج