قطار_القلوب_.
#الحلقه_(3)_من_قطار_القلوب.
#وتـين_عادل.
"قراءه ممتعهه😊".
منتهي>>انت عارف الشي هذا من الاول يامارك وانا نبهتك ماحد يعرفه وقتلك بدر مش هيعلم بِ شي توا تقولي متخليش بدر يطلع من الحوش جاينا تهديد يبو يحكوله القصه كيفف...
مارك>>...يامنتهي انا مش في يديا الموضوع طلع من شوري انتي خليتي نجيب يحقق وهذي نهايه ثقتك بيه وهي مع السلامه
منتهي>>....تمام اوكي توا نلقي حل ونرن عليك...خليتك فاتح فونك بس...
مارك>>تمم
سكرت
بدر>>...يعني درتيها يامنتهي....
منتهي>>"طاح منها الفون "وبرمت بدر انت شن ادير هنا
بدر>>توا تطلعي قدامي...تتوووواااا😡😡....
منتهي>>"ترعش"باهي ناخذ الجاكه والشنطه...
بدر>>بسرعههههه....وخبط الطوله طيح يلي فيها وطلع وهيا لحقاتهه......ركبت في السياره
بدر>>هي يا ست منتهي فهميني هي؟؟
منتهي>>شن بنفهمك انت عارف كلشي صاح
بدر>>منتهي متنرفزيش د&$#% قولي ليش كنتي تحكي مع الحيوان هذا
منتهي>>انا يابدر كبيره وعاقله وفاهمه كلشي وعارفه الصح من الخطا فامتدخلش اكك
بدر>>انا خايف خايففف عليككك افهميي انا نخاف عليكمم انتو يلي عندي من الدنيا هذي كنكم متفهموش انا وكان تسير فيكم حاجهه نموتتتتت نموتتتتت نقتلللل روحييي وربيييي😡.
منتي>>باهي ركز قادامك
بدر>>احكي يامنتهي
متتهي>>هوا انا مشيت يومها للجيم وانا ماشيه في سياره وقفت قدامي ومعش قدرت نمشي اشوي ونزل منها هوا وقالي..................................لاخر
يجريي بالسيارهه ويعيططط.....انااا انااا يسييرر فياا هككيي والهيي ندمركممم واللهيي نقتلهممم اللهههههه...........
منتهي>>بشوييهههه بشوييهه بدرررررر انتببااااههههههه
وبووومممممم
----------------------------------------------
بعد مرور شهر✨.
شهر كامل صارن فيه حاجات ممكن محدش يتخيل انهن يسيرن في شهر ومحدش يصدقهن مهم نحنا حنكونو في نطاق روايتنا.....
تعالو نمشو لصلوح يلي لها شهر نفسيتها صفر💔.
لالالالالاللالاالالاالالاللالالااللا لاااااااااااااااااااا ونطت......استغفرالله العظيم و اتوب اليه اعوذ بالله من الشيطان الرجيم وقعدت تبكي بالصوت....انفتح باب الغرفه وخشت هناء..
هناء>>كنك يااماما لكي شهر ونص علي الحاله هذي حرام هلي تعذبي فيا والهي حرام لاتحكي معانا ولا نسمعو في صوتك.....ولاتحكري كنك معقوله هكي ياماما
صلوح>>بس نا مرايفه عليه نبيه ياماما كسرني ياماما قتلني واعره ياماما واعره غيبته عندي وضمت امها لعند هدت ورقدت في حظنها....ساوت رقدتها وغطتها وطلعت....
عادل>>كنها؟؟.....
هناء>>نفس كليوم يارب نزل الصبر علي بنيتي يارب
عادل>>انا لازم ندير حل كلا اني نشوف بنتي تتعذب هكي ومش قادر ندير شي واعره راهو واعره
هناء>>صدقت حتي بنات الناس يلي يجنها كل يوم ويهدن فيها وتلز فيهم مش مكتوب عليهن يتحملنها راهو
عادل>>اي والله صدقتي...ارقدي ارقدي توا وصباح رباح
هناء>>تنهدت وطفت الضي ورقدت
ثاني يوم الصبح🌅.
في المدرسه🏫.
نجمه>>ابتداء من بكره نشوف وحده مش لابسه الزي المدرسه يلي صمماتهه المدرسه حتتعقبن فهمات وخصوصا انتن ياشله الجلطات
شدشد>>باهي ياابله😒.
نجمه>>مهزبه معش تقلبي عيونك عليا فاهمه
عائشه>>توا ياابله مقلبتش عيونها هيا وبعدين ليش ديما تهزبي فينا نحنا كنك متهزبي باقي البنات ومعنهن يديرن في الغلط اكثر منا اقل شي نحنا مجتهدات في القرايه
نجمه>>انتي ايش دخلك حطينك المحامي الدفاع ولا شنو
يقين>>خلاص ياابله امسحيها في وجي خلاص يابنات
شهيد>>اااه ياغيبتك ياصلوح ياريتك معانا💔.
شدشد>>ياريت راهو توا محدش تنفس معانا
نجمه>>ربي يردها لكن طيبه💔
عائشه>>اوووو ابله نجمه تقول هكي ووواو الصراحه😂
نجمه>>حتقعدن جلطات لين تموتن وعدت😂.
هيام>>ههااي بناتت"بجعونه كالعاده🤢"
البنات>>اهلين😒
هيام>>كنك قلبات وجهكن ولا الحربه منبهتك متحكنش معايا هه حتي وهيا مريضه متنساش القريضه😂.
شدشد>>هههيييي الا صلوحح راهوو نقلب الدنيا علي راسك ايوهه
شهيد>>اسمعي راهو نا منعرفش نهدد بس نفعل فعل فالذلك لمي لسانك لان نحنا ممعناش لعب اكك
هيام>>ياي خوفتني يامامي
عائشه>>هيام راهو دقيقه وننفجر لمي فمك
يقين>>هيام نغمض عين نفتح عين منلقاش قدامي تعرفي نغمض عيوني ونفتحن نلقاك قدامي نزقب عليك👍🏿.
هيام>> "خافت"وسعن بالك حتنا ماشيه هههي
خوافهههه😂.
عائشه>>هيا يابنات طولنا علي صلوح اكيد تراجي فينا
يقين>>هه تراجي فينا تي هيا تعلم بينا اصلا بيش ترجينا هيا هيا وراسمك هيا
احمد>>نعلي من الواعر نااا
يقين>>"قربت منه وفصلاته من فوق للوطه"تعرف توا اطير من هنا ولا نا يلي نطيرك😉
احمد>>احي طيريني انتي طيريني وجنحني وكلحاجه
يقين>>غبي اغبي منك مشفش بارد وعدت وسيباته يخرط😂.
دق دق دق
هناء>>نانا حبيبتي افتحي الباب ياماما اكيد البنات
نانا>>حاضر ياماما هي وعدت فتحت الباب
نانا>>حييي اروقومي
هناء>>من يانانا
الارقام>>انا ياعمتي الارقام
هناء>>يامرحبه بوليدي يامرحبه ومراحب
الارقام>>اهلين ياعمتي شخبارك شن دايره
هناء>>واللهي الحمدالله ياوليدي انت شخبارك وشخبار امك خش خش
الارقام>>الحمدالله بخير والهي مستعجل جاي نبي نشوف صلوح وطالع
هناء>>"تنهدت"الله غالب خش وليدي خش تعال
صلوح صلوحح ياماما نوضي حبيبتي الارقام جا
صلوح>>برمت عليهم وشكلها كان يبكي الحيط عيونها متورمات وحمر ووجها منفخ وراسها مربوط بشاش وناقصه
الارقام>>بعد حقها معش قدر يمسك روحه بكاهه
صلوح>>"تحكي بصعوبه"جءءددوو مممءءات رءءا
الاقام>>"قرب منها"معقوله ياصلوحتي هكي اديري في روحك كنك ياروح الارقام معقوله بنيتي يسير فيها هكي
صلوح>>اناا تعبانهه💔.
الارقام>>"بحت في هناء" عادي نحظنها
هناء>>هزت راسها
الارقام>>حظنها زين وقعد يبكي بالصوت
صلوح>>قعدت تبكي وتخبط علي وجها
يقين>>بنات هذا مش صوت صلوح
عائشه>>عدت تجريي
والبنات يجارن في جرتها
خشت عائشه وتعيط صلوحح اعميمهه هنااء وينكمم
وخشت للدار تجري... لقت الارقام ضام صلوح ويبكي وهيا منهارهه مشت تجري فكت الارقام وحظنتها هيا وقعدت تهدي فيها وتقراا عليها فقرأن عشان تهدي وصلوح كانت تهدي بالقران قعدت تبكي لين رقدت
عائشه>>معليش فجعتك بس صلوح كان كثرت بكاء معش تسكت لين نعطوها مهدء وانا منبهاش تدمن المهدء
الارقام>>لا عادي مفيش مشكله "ومد يده"انا الارقام
عائشه>>مدت يدها وانا عائشه
الارقام>>تشرفت بيك توا انا نستاذن ياعمتي هناء وبكره كان فضيت توا نبرم عليها💗.
هناء>>اذنك معاك ياوليدي خليني نوصلك للباب 💔 وانتن يابنات خشن في الصاله
شدشد>>نانا تعالي ياكلوبتي كنك هكي شعرك مشفشف
نانا>>الله غالب ياحنه ماما مش فاضيه ونا نعرفش ندير وصلوح مريضه💔.
شدشد>>جيبتي مشط نديرلك نا
نانا>>باهه
ومشاه الوقت ومفيش احداث صارن عند صلوح
الساعه 8:30 في الليل
" صلوح"
وعيت لقيت روحي مغطيه وراقده علي كراع يقين وجنبي البنات بحتت فيهن وكانت مرايه الدولاب مصدرتني شفت منظري
صلوح"نزلن دوعها"» انا بنمشي للحمام
عائشه» وعيتي؟
صلوح هزت براسها
يقين» صبي للحمام باه
صلوح»صبيت وبصعوبه لاني مش حاسه بي عظامي الم مش طبيعي فيهن وخشيت للحمام بحتت في مرايه الحمام معقول انا قعدت هك معقوله انا توا نعذب في جدو باهي انا تعبانه نبيه نا معقوله الشي يلي ندير فيه حرام تعوذت من الشيطان وخشيت تحت دوش ساخن وتوضيت وفرشيت سنوني وطلعت لقيت البنات منظمات الدار ومقمعزات في البلكونه
لبست بجامه وصليت وخذيتت مشط ومشيت لي يقين
صلوح» تمشطيلي؟؟
يقين» اكيد
صلوح» من امتي انتن هنا؟!
يقين» كل يوم نجوك نحنا بس اليوم نبوش نسيبوك بايتين وعلا فكره خذينا شنطك معانا وكتبانك الدروس يلي خذيناهن كلهم والامتحنات الشهر الجاي
شدشد» صلوح انتي كويسه؟
صلوح» ياريت نقعد كويسه ياشدشد💔.
يقين» كملت مشط وخلات شعري مفرود وقمعزت مقابلتني ومسكت يديا اسمعي بنقولك كلام خليه في علاقك ديما مهما صار معاك كواثر هذي قدره الله سبحانه وتعالي ولو مارضيتيش بقضاء الله وقدره حيختبر صبرك في شخص اقرب لك من حبل الوريد صدقيني قولي ان لله وان اليه راجعون الحمدالله علي كل حال
صلوح» حسيت روحي تريحت واقتنعت بعض الشي بنات بكره بنمشي للمدرسه
عائشه» 😍😍😍😍
شهيد» تحكي جدياتت😍
صلوح» اها نحكي جد بنرد حياتي زي قبل الحمدالله علي كل حال وربي يرحمه وهوا فقلبي مش ناسيته بس الحياه تستمر ضروري
يقين» انتي صلوح يلي نعرفها😍
شدشد» كفكن هييي😍😍😍
وخبطن كفوف بعض وضحكن
صلوح» عويشه
عائشه» عيونها
صلوح» جعانه😖
عائشه» الحاجه الوحيده يلي مرايفتلهاش جوعك وتلبيزك😫😂😂
صلوح» عدي الله يربحك وانا نمشي نشوف بابا وبرمت بنعدي ورديت خطرها وين نانا؟!
يقين» مسكينه مرايفه عليك تبكي كل يوم حتي شعرها مشفشف😂😂
صلوح»😂😂😂
طق طق طق
بابا» تفضل
صلوح» بابا عادي نخش؟
بابا» استغرب صوتها وانها حكت انصدم"خشي يابابا كنك
صلوح» انا اسفه لاني تعبتكم معايا واجد بس مش بيدي
بابا» عارف يابابا بس هذا قضاء الله وقدره وربي كتبلنا حجات واجد مزال نبو نعيشوهن ومحدش دايم في الحياه لاانا لاانتي انا نعرفك انسانه مؤمنه وتعرفي ربي خليك عند حسن ظني باهي
صلوح"باست راسه"» ربي يخليك ليا يادنتي
بابا» يارب ردي بالك من روحك
صلوح» بكره بنمشي للمدرسه يابابا راه
بابا» علي راحتك وهكي عجبتيني اكثر💗
صلوح"ابتسمت وباست راس امها وطلعت"
خشيت للبنات
صلوح» عويشه وين الوكالل
عائشه» علي الطوله فلمطبخ
صلوح» كنك مجبتيه هنا؟؟
عائشه» عدي جيبهه يحنهه
صلوح» خزي خزي "وعدت"
قمعزت عطوله وقعدت نفكر كيف بنعيش كيف بنكمل حياتي ونزمط في قلبي ومنحكيش لدنيتي معقوله هكي معقوله الناس يلي نحبوهم يختفو من حياتنا بسرعه هذي انا لازم نكمل قرايتي ونجاهد عشان نحقق حلمي ونقعد قويه عشان خاطر الناس يلي يحبوني الله يرحمه يارب "كملت وكالها وغسلت العوايز وصبت في بلوكنة الصاله تتفرج علي الناس"
» بست بست
صلوح "بحتت لوطه" ححي اوفيي تعال تعال نعنشكلك رايفتلك
رؤف» جايك جايك بنحكيلك حجات نبيك تفهميني
صلوح"بستغراب"بااهه
اشوي والباب طق طق
فتحت الباب
رؤف» صلوحح😍.
صلوح» حبيب اختك رايفتعليك🥺
رؤف» حتي انا والهي وين وين يكلبهه هكِ تخوفينا عليك💗
صلوح"طبست راسها"» الله غالب الله يرحمه💔 المهم انت كنك فجعتني
رؤف» صاير معايا موضوع ونبي حل
صلوح» احكي مرمرت كبدي
رؤف» في بنت معايا في الجامعه
صلوح "قطعت كلامه"» تحبهاا😍
رؤف»حب شنو سكرفمك كلا
صلوح» ها
رؤف» يوم الخميس كانت عندي محاضره والدكتور قال تعالو في كليه الفنون مشينا انا والجماعه بنمشي للحمام قلت للجماعه عدو توا نلحقكم مشيت سمعت صوت بنت تبكي قعدت نتبع في الصوت لين.............
في الجامعه يوم الخميس
رؤف» الدكتور قال المحاضࢪه في الفنون؟؟
محمد» اها يرا مش وقتهه بكلل ازحح
منير» اقسم بالله جوه معفن بكل تقوله يادكتور يقولك اطلع برا😂.
مراد» يخطر عليك موقف يلي طلعنا كلنا في جرت بعضنا عشان قلناله امتحناتك واعرات😂😂😂
رؤف» نقني نبي الحمام عدو توا نلحقاكم
الشباب» تم
مشا للحمام سمع صوت وحده تبكي تبع الصوت لين شاف بنت تبكي وضامه رجليها علي صدرها وشعرها مفتوح وتبكي منظرها بشع بكل
قرب منها
رؤف» معليش ياانسه
البنت" بحتت فيه"» نبببيي ماامااا😭😭😭😭😭
رؤف» اوك اوك اهدي بس من دار فيك هك ولا شن قصتك انتِ
البنت» منعرفش منعرفش شيلني شيلني الله يربحك انا نبي ماما
رؤف» تمام تمام اهدي وين وشاحك
البنت» انا مشعارفه
رؤف» توا ندوره صبي اغسلي وجك بس
البنت» باه لمت شعرها وغسلت وجها
رؤف» طبس راسه هكي وشاحك انا طالع نلقاك قدام الباب
البنت» باه بس انا مشعارفعه فوني وين كيف بنرن علي بابا
رؤف» عارف عارف هيا بس
طلع رؤف وقعد يراجي في البنت ورن علي محمد وقاله انه يخذلا اذن من الدكتور والبنت طلعت
البنت» كملت هيا
رؤف» هي
البنت» انت من اسمك
رؤف"يحكي ببرود» عبد الرؤف
البنت» وانا مرام
رؤف» مردش عليها
مرام» انت عارف وين حوشنا
رؤف» نراجي فيك تتكرمي وتقوليلي وين حوشكم
مرام» احترم نفسك راهو انا مش خدامه خلاص معش نبي نمشي معاك عددي عديي
رؤف» مسك يدها وطي صوتك واحترمي نفسك مش فشارع الناس يبحتو فينا امشي قدام وجي وقوليلي خراكم وين
مرام"خافت"» حوشنا في###
رؤف» هذا مش حوش الدكتور امراجع
مرام» اها انت بشن تعرفه
رؤف» نعنجد بشن نعرف باتك مشهور ياانسه مش انا بس يلي نعرفه ليبيا كلها تعرفه😂
مرام"بعبط"» حي بابا مشهور😍
رؤف» اركبي اركبي في عقله انا شن زرطني في المصيبه شن يلي خلاني خذيتها والهي هيا تحسها بريئه بس من دار فيها هكي ومش متئثره معقوله تقعد لالالالا مستحيل مش باين عليها انا شن دخلني بيها هيا حرهه
مرام» رررؤفف
رؤف» هاا هاا كنكك ازفف
مرام» يع اسلوبك مقزز كنت بنقولك هيا نمشو تأخرت
رؤف» يارب الصبر هي ولع السياره وحطها في الحوش
مرام» شكرا
رؤف» عفوا
وعديت
الحاضر:
صلوح"بصدمه"» قصدك مرام هيا يلي تبكي
رؤف» ااها وانا بصراحه من اليوم هذكي قتلني الفضول نبي نعرف من دارلها هكي لان حالتها كانت مزريه بجد
صلوح» مرام غبيه متعرفش تتصرف وهبله انا لازم نمشيلها ولازم نتفاهم معاها تشيلني؟
رؤف» تمام بس بعدها تفهميني كل حاجه
صلوح» تمام تمام
رؤف» مهم تصبحي علي خير توا يادنيا
صلوح» وانت بخير اوفي باي
رؤف» ردي بالك من روحك بنشوفك قويه ديما راك اختي يلي تخاف من الفكرونه😂
صلوح» حقير عرفتك انت حطيتها🙂😂😂
رؤف» خشي خشي صقع
صلوح» سكرت الباب وخشيت للبنات لقيتهن رقدات عشان وعيات بدري خشيت للسريري ونفكر في مرام شن صاير معاها لين رقدت وانا مش حاسه بروحي
ثاني يوم الصبح🌞....
نمشو لمكان تفكرو فيه😂.
بدر» هيا هياا يااحمد وقت عشغل ازحح
احمد"يمشط في شعره "حازر حازر ياباشا ثانيه وحده بس
بدر» نعد للثلاثه متطلعش نسيبك
احمد» ياريت يابدور ياريت بس مع الافس كملت وطلع😂
بدر» مبردك وطي صوتك اختك راقده مريضه
احمد» باه ازح وانت تقول قاتل بوك كنك معايا
بدر» احمد احترم نفسك راه واللهي مزلت محترمك ونقول كبير
احمد» اكيد من طبيعي تحترمني عشان انا محترم نفسي
بدر» شن تخريط انت
احمد» اسلوب البلابل تفهمش فيه خليك علي البدوي انت
بدر» طيح سعدك اسلوب المخنثين قصدك اطلع اطلع خير مانقتلك
احمد" بصوت بنت"اهه يامامي المتوحش يبي يقتلني
بدر» طلع ومردش عليه لانه بطل😂😂
طلعو للمدرسه مع جيت صلوح
نزل احمد يجري
احمد» صلوح صلوح
صلوح سمعت صوت ينادي فيا اول مره نسمعه برمت لقيته الشاب يلي مره ضربناها حسيت روحي خفت كانت هذي اول مره نخاف من شخص معش فهمت انا كني قتله
صلوح"بخوف بس مش واضح"» نعم
احمد» الحمدالله علي السلامه
صلوح"هزيت راسي"شكرا
احمد» استني دقيقه مشا للسياره ونزل قوهه وجاني
احمد» حبيت نهديك قوهه علي سلامتك نعرفك تحبيها
صلوح» خذيتها وضحكت شكرا احلا هديه والله😂💗
احمد» عفوا ياجميله
صلوح» احمد تنساش الضربه 😉
احمد» لالاا الا الضربه😂😂
صلوح"ضحكت وعديت وسيبته"
وكان بدر في السياره يراقب فينا لين سمع صوت ساعه ترن عرف انه تاخر علي العمليه
بدر» عليك قصه غبرهه ازح ومشا في سرعته القسوه عشان يوصل بسرعه
طبعا بدر دكتور قلب يشتغل في مستشفي عام و المستشفي هضا يجوه الناس يلي في المخيمات او يلي معندهمش فلوس للمعاينه المستشفي هضا المعاينه فيه من غير فلوس والادويه حتي هنا ويشتغلو فيه اكبر الدكاتره ويلي منهم الدكتور مراجع وبات صلوح طبعا مش عارفين بات صلوح شن يشتغل لاني موضحتش لا شغل امها ولا بوها المهم عادل دكتور اورام وهناء دكتوره عيون يعني عائله كلها دكاتره وكلهم يشتغلو في المستشفي هذي وحتي حمادي وعلي فكره الدكتور امراجع هوا رائيس قسم القلب ودكتور عادل رائيس قسم الاورام لانهم من زمان يشتغلو في المستشفي هذي من صغرهم ورائيس الاطباء هوا الدكتور باسل نتعرفو عليه بعدين💗.
نردو للروايه📜....
وصل بدر ونزل يجري وخش
منار» صباح الخير😍.
بدر"بعصبيه"» منار منغير حناطه وتيتو الحاله عشان العمليه؟؟
منار» واو من بدري خش بيها الدكتور امراجع
بدر"خبط طاوله الريسبشن"» نعنبوهه احمددد واللهي نوريههه عليهاا
منار» بشويه الطاوله بتنكسر🙂
بدر» عدا معدلش عليها بدل دبشه علي السريع وخش للعمليات
في غرفه العمليات💉
د. امراجع"بهدوء"» عارف روحك شن داير؟؟
بدر"بعصبيه لان ميحبش حد يهزبه"» عارف مش ضروري تطيح القدر
د. امراجع» معناها اطلع برا عشان القدر مايطحش نتفاهو بعد العمليه👍🏽.
بدر» تم وطلع متعصب
نمشو للبنات
صلوح» طبعا كانت لابسه سروال اسود واسع وتيشرت كم اسود عليه ناروتو وكعكه فوق ومنزله قصتها علي وجها وكويش وردي في الاصفر
ابله نجمه» حمدالله علي السلامه ياجالطه
صلوح"هزت راسها"» كلك ذوق ياابله نجمه اسلوبك جميل
ابله نجمه» مش قلت لصحباتك يقوللك صممنا زي مدرسي وضروري يلتبس
صلوح» اولا انا معنديش راس للمشاكل تمام وثانيا وكان قلنها ليا وين الزي المدرسي ولا حتي هوا بابا يصمما بفلوسه؟
ابله نجمه» عقاب علي كلامك خلي باتك يصممه لكي
صلوح» تمام ياابله نجمه مش حنلبسه وتبي تكملي بابا كلمي كنت بنلبسه لك مدام هذا كلامك مش حنلبسه ساد الهزايب يلي كل يوم ناكلو فيهن انا وصحباتي منك علي اسباب تافهه والبنات يلي دايرات العار متتكلميش معاهن نحنا منديروش في شي غلط يلي يجي شورنا يتحمل مسؤليه قراره اما ان نضربو الناس بدون سبب ولا نقلو ادبنا من غير سبب هذا مش اسلوبنا ولا تربيت هلنا لنا اما باقي البنات يتنمر ويتكبرن علي الناس ومحد يتكلم معاهن عشان هذي بنت فلان وهذي بنت خو علان راه التفرقه مش كويسه وعلي فكره ملك وغاده امس ضربات امينه علي سبب تافهه وانا نتفاهم معاهن بس ياريت تفهمي ليش نحنا هك قعدنا قبل ماتحكمي وشكرا عشان سمعتيني نستاذن منك"وعدت"
صلوح"بنظره خبث"» يقين
يقين"نفس نظره صلوح"» همم
صلوح» تشوفي في لنشوف فيه
يقين» احي ليا زمان بكلبكل
صلوح"تمشي وتحكي"» مدري شي انتِ
يقين» معليك
صلوح» اووو ملوكه
ملك» اهلا حمدالله علي السلامه
صلوح» شكرا والهي طلعتي تفهمي في الاجواء
ملك» ملا شنو رقيقه راه
صلوح» ومدام انتِ رقيقه ليش تضربي في امينه😉
ملك"بخوف"» من قالك
صلوح"ضحكت"» مش معني انا غبت علمدرسه معناها معش نبي نعرف شي لا يعيوني نعرف كل حاجه ومنهم انه غاده كبسوها هلها وهيا اديرلهم في العار والقرف😉انضربتي يادودو
غاده» احم في ايش تدوري انت
صلوح» توتوتو مندور في شي سلامتكن بس نبي نوضح انه الضرب من غير سبب حرام وعيب حتي قدام باتك فضايح بيقلوله انه بنتك ضربت امينه علي سبه شاب غمز لامينه 😂😂
غاده» مدام الاداره مش عالمه مش حيقولو لبابا
يقين» شوفي وراك
غاده"بصدمه"» ابله نجمه والهي مش هكي القصه
ابله نجمه» انت وياها ملفك واطلعي برا معش تلزمني بسرعهههههه
غاده وملك» بسس
ابله نجمه» مابسش اطلعععن لي استاذ محمد خوذن الملفات وبرااا
غاده وملك مشن ويبكن
ابله نجمه» شكرا يابنات والهي متوقعتكنش هكي
صلوح» ولايهمك بس معش تحكمي علي الناس من المظهر هيا يقين مشينا
وهنا مشيات صبا قدامهن احمد
احمد» المدرسه كلها تفاجئة فيكن متوقعناكنش هكي بجد انتن بنات طيبات
صلوح"بصوت عالي"» مش كل الناس ينعرفو من المظهر راه وبعدين نحنا من يوم يومنا هك بس محدش صدقنا الا لما صار الموقف هذا قدام الجميع وهذا حيكون درس لي اي شخص متنمر او يضرب في ناس بريئه علي اسباب تافهه انا حكيت ومش حنعاود اي وحده او واحد يدير في الشي هذا يفضل انه يبتعد عنا قبل منعرفه ويصير فيه كيف مصار مع البنات يلي توا وشكرا👍🏽💗.
كلهم» الله تهبل، طيبه بكل، محلاها، نحنا حكمنا قبل منحقو بعيونا، في ميزان حسناتهن، محلاهن عليك الطيبات، سبحان من سواهن عليك جمال واخلاق😍💗
مشن البنات وفي كل مكان في المدرسه انتشر فيه الخبر وعرفو انه لا صلوح لاصحباتها مش كويسات كلهن طيبات وكويسات وجو كلهم دارو معاهن صحبه
صلوح» بنات بنشري قهوهه من تبي حاجه
يقين وشدشد» احسبينا
شهيد» انا نسكافيه بالله
عائشه» عصير ليمون وراسمك اعصابي تالفه
يقين» كنك
عائشه» موضوع طويل مليش نهايه
صلوح» الله موضوع شيق استني نجيب الحجات عشان نسمع بحب😍.
عائشه» مبردك😂
صلوح»خيرر ياعموده
عماد» صلوحح حمدالله علي السلامه
صلوح» الله يسلمك بالله عليك ياعموده اثنين قهوه وسط ووحده اشر من فراق الغوالي وواحد عصير ليمون
عماد» من عيوني اكيد فراق الغوالي شورك😂
صلوح» عندك شك😂😂
عماد» مستحيل
خذت الطلبات وخلاصته وجت للبنات
صلوح» هي ابدي احكي
عائشه» بابا امس جا قالي بعد ثالثه اعدادي نطلع نكمل قرايتي براا في كندا💔
البنات» كييف كيففف
عائشه» كيف ماسمعتن انا كيف بنعيش بلاكن وقعدت تبكي بقهر بعد شهر بنفارقك ومعش بشوفك وتبكي تبكي وتشهق انتن خواتي مش ناسيتكن توا نكلمكن كل يوم
صلوح» مستحيل انا معش نتحمل غياب حد نحبه من حياتي مره ثانيه خلاص ودموعها نزلو بحراره لا ياعائشه متسبنيش انا مزالت مش مصدقه موت حبيبي ودنتي بتسيبني حتي انتي الله يخليك متمشيش توا نمشي نحكي مع باتك
البنات» يهدن في صلوح ويبكن
عائشه"ضمتها"» اسس يقلبي وعد نكلمك كل يوم وعد نسيبكش بروحك نخليك معايا في كل خطوه نخطيها ونخليك معايا لين نرقد ردي بالك من روحك وحققي حلمك وانا توا نجي ناجحه ومحققه حلمي ورافعه روسكن ياصحبات النصيب الحلو وضمتهن وتمن يبكن كلهن
يقين» اسس خلاص امسحن دموعكن وهيا نعيشو حياتنا في الشهر هذا😍😂
صلوح» ربي يخليكن ليا
البنات» ويخليك لنا
ومشن للحصص لين كملن مفيش احداث جا وقت الانصراف وطلعو كلهن
عائشه» خلاص معناها اليوم نتلاقو في سكاي؟
صلوح» يب خلاص الساعه 4 نتلاقو وجيبن معاكن الريضيات عشان نبدو نقرو فيه واجد وخلاص معش مزال شي علي الامتحانات
البنات» تمام
وكلعاده روحن كلهن وصلوح تراجي في باتها لين جاها
عادل» ها بنتي السمحه شن جو المدرسه اليوم
صلوح» يهبلل يابابا تخيل كلهم عرفو ان نحنا مش شريرين وكويسين والبلات حمدلي علي السلامه كلهن بس عائشه صحبتي باتها يبي يسفرها تقرا برا في كندا بعد ثالثه اعدادي🥺💗💔
بابا» اولا باهي الحمدالله انه يومك كان سمح وثانيا عائشه مش هاربه مع النت محد يرايف علي حد تقدري ترني عليا فيديو كل يوم
صلوح» بس مش كيف الحقيقه
بابا» السنين مسرع مايجرن من يقول بنت الدكتور عادل قريب تقعد طوله وتجي تشتغل معاه
صلوح"ضحكت"» نجكليا يادكتور انت🥺😂
بابا» لنقانك كبرتيني يابنيتي
صلوح» خلاص شايب شايب انساهن ايام الشباب
بابا» شايب في عينك😂وساعه بابا رنت
بابا» عليك قصه وغير اتجاه الطريق وعلا السرعه
صلوح» كنك يابابا طورائ ولا عمليه
بابا» طوࢪئ
صلوح» بتخذني للمستشفي معاك؟
بابا» اهاا
صلوح» 😍😍😍😍
وصلو ونزل بابا يجري وقالي سكري السياره والحقيني سكرتها ولحقتا نجري كانه الحاله ليا انا وانا نجري خبطت في حاجه تقول لوح خلاص قريب دخت
بدر» عميه؟؟
صلوح"رفعت رقبتي لين قريب نقطعت عشان نعرف مجهول الهويه"
صلوح» انت؟
بدر» انتي؟
صلوح» شن جيبك انت
بدر» مستشفي بوك
صلوح» قليل الادب اصلا
بدر"بعصبيه"» مسك يدها اسمعي يافرخه معش اطولي لسانك خير منمسكك نعجنك طريحه ايوه اصلا انت شن جيبك هنا وانتي مزالتي بيبي ومن جابك هنا ولا دايره فلطه مش متربيه
صلوح"ضرباته كف يرن رنن"» مره اخرى اعرف كيف تتكلم مع الناس لانه مش كل مره تسلم الجره مره هذي كف المره الجايه توقع مني نقتلك ياسيد عملاق
» صلوححح
صلوح» بابا
عادل» تأسفي منه توا هضا تتاسفي
صلوح» مستحيل
عادل"بعصيبه"» قتلك تأسفي
صلوح"قريب تبكي"» قتلك مستحيل مستحيل انت وجدو لما ربيتوني قلتولي متنحني لحد الا يلي يستحق ويلي قدامي ميستحقش لانه شكك في تريبتكم ولتفتت لبدر ولامعلومتك يااستاذ انا ربوني رجاله ينشد بيهم الظهر لما بندير فلطه نعد عيونهم ومنعدش عيون الناس لانك لاانت لا الناس تهموني طز فيك وفي الناس تمام ونتمني مره اخرى تعرف كيف تتكلم مع اسيادك👍🏽 وعدت تجري للسياره تبكي
د. عادل» انا اسف بس والهي متعبتني بكل ربيتها علي دلع والدلع هذا جا نتيجته لعناد الله غالب
بدر» لا ولايهمك بالعكس انت يلي سمحني والهي مانحسابها بنتك معليش حقكك علي راسي
د. عادل» ربي يكملك بعقلك ياوليدي تسلم اليد يلي رباتك ويرحم باتك كان راجل طيب سمعته تشهد بيها الناس كلها💗.
بدر» الله يسلمك شكرا نستاذن منك عندي عمليه
د. عادل» لا وليدي معندكش مشكله تفضل
مشا بدر في حال سبيله وبابا خش للعمليه متاعه وانا بعد طلعت للسياره لقيت ماما برا مع صحبتها جيت ضميتها وبكيت لين بطلت وحكيتلها يلي صار معايا وهزبتني طبعا لاني انا الغلطانه في نظارهم🙂وطلبت قهوه وقعدت نسمع في هدريز ماما وصحبتها علي الطب ونتعلم في حجات بحكم اني بنخش طب وقعدت نراجي امتي نروح بفارغ الصبر عشان نمشي للبنات
في العمليات
الممرضه» دكتور ضغط القلب بدا ينزل
بدر» مش مركز معاها
الممرضه» القلب ضعف يادكتور
بدر» جيبي الصدمات الكهربائيه بسرعهه بسرعهه
الممرضه» جباته وبدا كل مره يزيد
بدر» زيديي الدرجه
الممرضه» حاضر
بدر» مستحيل نخليه يريح من بين يديا مستحيلل زيدي الصدماتت
الممرضه» حاضر
لين فجئه بدا الخط مسنقيم والصوت طوووووط
بدر» لالالالالالالالالالا
فجاه انفتح الباب حوول حولللل
بدر» حوللل بسرعههه
بدا الشخص يدير في الصدمات الكهربائيه للمريض فجاه بدا القلب ينبض من جديد الشخص اوووف واخيرا ومسح العرق
تعال يادكتور بدر كمل
بدر» انت من
» انا&$#$&$# .........
"يتابعع_في_الحلقه_القادمه_💗"
"4_12_2022...🌍💗"
"وتـيـن عـادل💗💗"
#داعمكم#
اسفه علي التاخير صارن معايا ظروف وعلي اساس معش نبي نكمل بس دعمكم خلاني نكمل شكرا جدا💗.