#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
نفخت هوى بعصبيه حاير شسوي اقصف لو مااقصف مرت بالي حادث الموصل شلون جانت العوائل خايفة من نحررهم يجون لعدنا يبجون هم جانوا أبرياء مالهم أي ذنب
لو بس الدجاج عادي اقصفه وأسوي دجاج مشوي لابو الدجاج رحت شمرت القادفة بمكانه ضميتها زين ورجعت كعدت فوك بنيد السيارة اباوع لحقل الدجاج
شعلت جكارة اجت بالي اتصل بي طلعت التلفون ... نايم على ظهري ادور رقمه بقائمة الإتصالات طلعت رقمه توني ردت اتصل بي اتصل بي قاسم فتحت خط بسرعة ...
_الوو هلأ قسوم
_هلأ بيك ولك وين ماوين اجيت لعدكم مالكيتك
_طلعت
_امك كالت طالع للزيارة الكاظم(ع )
شلون تطلع بيهج أجواء ؟
_ مطالع للزيارة أنت وين هسه ؟
_يمهم ؟
_اطلع بره اريد احجي وياك
_تمام ... اي احجي ؟
_باوع أني بالحلة
_شسوي بالحلة ؟
_خل اكمل كلام عود احجي
_تمام احجي
_عم زينب هددني بالقتل والقصف اذا
ماجريت نفسي من زوبة
_هددك وجه إلى وجه ؟
_لا اتصل بي وهددني
_ وأنت شسوي جاي للحلة بعد التهديد
ولك ماتخاف يغدروك ؟
_جبناء مايسونها
_تعال ارجع بسرعة
_ماكدر ارجع بدون ماسوي حل
_حليش ولك حليش تعال أرجع وخلنا
نفكر برواء علمود نلكالك حل
_خلني قاسم
_ رائد لتعاند وأرجع بسرعة
_اوووف
_رائد بدون عناد أرجع بسرعة
_ماشي راجع .
_انتظرك براس الشارع لما ترجع
_هاهيه عتبر ساعات قليلة عندك
_لاتسوق سريع ماوصيك بعد
_ماشي
فصلت الخط نهضت جسمي باوعت لحقل الدجاج اجت بالي فكرة جهنمية ليش اقصف واسوي بلوة جبيرة بالمنطقة وراح اجيب التهمة وشبها لنفسي صعدت بالسيارة بسرعة
رحت ادور بالمحلات سم قاتل اشمره بخزانات الماي تقطير للدجاج لكيت محل يبيع اشتريت سم بسعر ١٢ ألف اخذته وطلعت بس شلون ادخل الحقل الدجاج
أخاف بي كاميرات مراقبة
وأني معروف شكلي ضخم هاي هم مشكلة ثانية
لزمت التلفون وراسلت زينب على الخط ...
_زينب سؤال ؟
ردت بسرعة ...
تفضل رائد؟
_اكلج عمج عنده حقل دواجن ؟
_اي ليش هالسؤال ؟
_اكو واحد من اقاربي هم عنده باني جديد وحبيت اسألج يخلون هم كاميرات مراقبة وحرس بي
وعمال تبات بي ؟
_لا مابي كاميرات بس بي حراس أثنين يمكن وهاي تبقى عدكم مال الحراس وكاميرات مراقبة
_اي صدك شلونج
_زينة وأنت شلونك أخبارك؟
_زين شكو ماكو من تطورات ؟!
_على حطة ايدك ماكو جديد كالعادة هم رفض اخوي تعارك ويا وكاله زينب مراح انطيها لا الك ولا الزيد
_ههههه حلوو
_هو شنو الحلو واليضحك بالموضوع؟
_مادام رفض ابن عمج البريعصي هنا آمنت
وراح أنام بفراشي مرتاح
_وأنت هم رفضت احس ماراح نكون لبعض
_وغلاتج نكون البعض وبأقرب وقت نكون
ايد بايد وندخل بيت أهلي
_حلم وصعب التحقق 💔
_والحلم قيد التحقيق .... جاري التحقيق الاحلام ......
_شكد متفائل ؟
_حبيبتي زوبة اسمعي ان مع العسر يسرا ان مع العسر يسرا شكد ماضاقت بيك الدنيا وراها فرج عظيم ثقي بالله راح نكون لبعض على عناد كل واحد
عارض هذا الارتباط
_الله يسمع منك
_ان شاءالله يلا حبي أني رايح أنام
_منهسه تنام ؟
_اي نعسان
_اخذت راحتك تصبح على خير
_وانتِ من اهل الخير امممح بوسه قبل النوم
_ههه وصلت
بست شاشة التلفون .... ورجعت التلفوج بجيب البنطرون وصعدت بالسيارة رحت من وره سياج الحقل شمرت السيارة هناك وضربت اللثام بالشماخ الأسود ونزلت بإيدي السم
بالعلاكة طفرت الحايط نزلت للكاع بكل حذر مشيت سريع وصلت مكانات مخصصة لخزانات الماي وبي درج حديدي صعدت بسرعة اباوع ماكو أحد ادري الحراس موته
خوما موته فتحت خزان الماي وفتحت علبة السم جان سائل قطرت كم قطرة وبالثاني هم قطرت سم سديت الخزانات ونزلت شفت واحد من الحرس اجه يمشي
ختلت بصف الخزان الماي انتظرت شوي شفته راح بعيد بقيت اراقب بي رجع طلع عدل كدام الحقل رأسن نزلت بسرعة وركض ركض للحايط طفرت عدل السيارتي
قبل لا اصعد بالسيارة نزعت الكفوف وخليتها بطن العلاكة اخذتهن وياي مو غبي اخلي دليل وراي صعدت بالسيارة عدل للانبار وصلت فلان سيطرة وكفني الجندي
طلعتله الباج شافها وابتسم ضابط برتبة نقيب بالجيش وكلتله سلاح وياي مرخص تريد
الهوية ترخيص السلاح ؟
الجندي : مايحتاج سيدي توكل بالله
حركت السيارة عدل للأنبار وصلت تالي الليل عود صدك
شفت قاسم واكف برأس الشارع طلعت
رأسي من السيارة وصحت بي
_مو اكول مخبل تكول لا عاقل ههههه
_شبسرعة وصلت ؟
_اسوق سريع ههههه
_أني شكلتلك مو كلتلك لا تسوق سريع
صدك جذب توصل بسرعة؟
_سايق محترف اصعد
طبكت السيارة بصفه صعد حركت أضحك...
سويت بلية مو ؟
_لا كلشي ماسويت هههه
_والله مسوي من ملامح وجك فرحانة
_هذا أني دومي فرحان وأضحك
_رائد أريد اكولك شغلة بس بدون زعل لو عصبية؟
_كول مازعل
_أنت مريض نفسي و تدري بروحك بس ماجاي تكول
_شنو هالكلام ؟
_شفت التقرير بغراضك والعلاج ؟
وكفت السيارة بسرعة....
شوداااااك ؟
_الله وداني ليش ماكلت أنت مريض
وبيك مرض نفسي خطير
خزرت قاسم وجريته من دشداشة قوي لعندي...
ليش تتبحبش وراييي ؟
_رائد عوفني و خل افهمك شيل ايديككك
رفع ايديه بقوة متعصب يخزر بي ...
بيك مرض نفسي وماتكول ليش ماكلتلي ليش من
وداك عمي كال الدكتور كلشي مابيك ؟
جنت متفق وي الدكتور؟! جاوب شبيك
تمسح بوجك جاووووب ؟
_ايييي مجنون ارتاحيت
_رائد هدي خل افتهم السالفة شبيك تعصبت ترى هو مرض وعادي ليش تضحم الامور وتتعصب
_راح توصلها للكل أولهم أبوي وابوك وكلما اتعارك لو اتلاطش يعيروني رائد سايكو رائد سايكو حتى
الجهال تعير بي مووو
_اقسم بكل حروف القرآن الكريم كلمة وحدة مطلع بس فهمني من شوكت تدري بروحك حامل هذا المرض وشنو
أسباب إصابتك بي ؟
حركت السيارة أنفخ هوى وصلت كدام باب بيتنا طفيت السيارة طلعت باكيت الجكاير شعلت جكارة سحبت دخان شكد مابي قوي جريت الدخان ونفخته كدامي ...
_أسباب المرض عامل وراثي
_وراثي ؟
_اي مستارث المرض
_منو من عدنا بي هذا المرض ؟
_جدي منو
_جدي بي مرض نفسي ؟ منو كالك ؟!!
_أمي كالت
_اشو ماعندي علم ؟
_أمي جانت شاكة بموضوعي ودومها تكول اطباعك مثل اطباع جدك ساعة تضحك وساعة مخبل ماكو براسك عقل ومخادع ومكار وتكذب وماتهتم لمشاعر الآخرين وليغثك تروح تغثه ومتهور وتعاند وتصر ...
على الأشياء لتعجبك
_كلامها صدك كل هالصفات بيك!!!
_ للأسف أني الوحيد ستارثت المرض من جدي هسه العالم تستارث سكر والضغط وأني استارث الخبال .
_ان شاءالله تشافه
_ماله علاج هذا المرض
_شنو ماله علاج ؟
_اي والله ماله علاج علاجي بنفس وهدوئي وهدوء العالم لحوالي وماكو ضغط نفسي اصير زين بس
انغث شويه تكب العيطة
_خل اشوفلك دكتور نفسي مضبوط
_لا تشوف وتخسر روحك رحت أكثر من دكتور ونفس
الكلام هاي وراثه الله يرحمك جدي خلف
ورثتني الخبال هههههه
_اووووف ماتوقعت هيج تطلع سالفتك وأني عبالي هذا انت مرح ولطيف طلعت سايكو بلا شنو سايكو ؟...
_أخطر أمراض النفسية اطلب على جوجل وراح تعرف
شنو معناه حامل مرض سايكو
_ربي سترك وان شاءالله تشافه
_ههه
_ماتدعي ؟
_مادعي خله حلو ترى تسوي أشياء ماتخطر على
البال وعقلك افكارة شيطانية هههههه
_عوذ بالله من أفكارك؟!!
_بعد ماوصيك دير بالك تكول لعمي لو لاحد
ثاني حتى مرتك مايطلع هذا الكلام
_وعد شرف مايطلع اطمن ..بس منو يدري غيري ،؟
_امي
_امك تدري ؟ !!
_اي تدري وهي ودتني بنفسها عد دكتورة
نفسيه باربيل قبل سنتين
_شلون لعد الدكتور النفسي ماكشفك؟!
_مو كلتلك هذا المرض يخليك تصير مخادع وبارع بفنون الخداع والمكر خدعت الدكتور
_خررب بيومك غشمرته وطلعت تضحك
_شسويله لعد ابين نفسي اله مريض وكدام ابوك ويافضيحة الفضايح رائد انفضحت بالعشيرة رائد
سايكو رائد المخبل .
_خوما سويت شي بأهل زينب ؟
_دجاج هههه
_شنو ؟
_كان يامكان في محافظة الحلة حقل دواجن للدجاج تم ...
_كمل تم شنو ؟
_ردت اقصف حقل الدجاج
_شنووووووو ؟
_اي والله وراك جوه الكشن القادفة
_تحجي الصدك ؟
_اي والله احجي الصدك بس بالحظة الأخيرة تراجعت
اجت الموصل بين عيوني وناسها الأبرياء
وتركت القصف
_اكو عقل براسك شلون تحمل سلاح قادفة وياك
وشلون كدرت تعبر كل هالسيطرات ؟
_بالباج أعبر واغلبية السيطرات يعرفوني وحافظين وجي واصلا ماكو تفتيش اغلبيتها كلاوات
_سترك ربي
_شبيك وجك انخطف
_راح تجيب سكته القلبية لي اليوم كبل باجر
_ماتجي اطمن قلبك جبير ويتحمل ههههه
_شيتحمل ماتكلي شيتحمل تأخذ قادفة وياك وتروح تريد تقصف العالم علمود مانطوك المره لا عقال تسويها ولا المخابيل كلي انت شنووووو؟
_أنا عاشق الولهان ومصاب بمرض سايكو وحسبها بعقلك نجمع بين اخطر امراض العالم سويه شراح يولد
اخطر مرض بالعالم
_سترك ربي سترك ربي
_دكافي ندعي جنك امي من تفتح زيجها وتدعي على ابوي من تتعارك كاافي شكد جبان هالولد ياربي
_ مالومك مريض وين السلاح ومنو جابك لك
_من عمت عينك مو اني وياك اشتريناه من فلان
ضابط قبل ثلاث سنوات شنو نسيت ؟
_اي والله نسيت من وراك صدمتني صدمة
عمري رايح تقصف العالم تالي الليل
_الله لو قاصف جان سويت حقل دجاج مشوي هههه
_هي مال ضجك
_اي مال ضحك اخسره اضعاف اضعاف لوجع ل
صابني وصاب عثرة قلبي
_اوووف ياعثرة قلبك شوكت تاخذها بحضنك ونخلص
_دعيلي ابو عذراء دعيلي هههه
_ولك بطل لا تكولي ابو عذراء
_سبحان الله نفس الشي شايف من يلقي خطبة يوم الجمعة شلون ينزل دوسة ونص على الشباب نفسك طبق الاصل
من تنزل بي ههههه
_اوووف خل انزل اشرفلي
_قبل لا تنزل غسل ايدك زين اصلا اسبح وعقم نفسك
_ليش ؟
_جنت طالع ومحتمل حامل فيروس كورونا
_خوفتني رائد خل اروح اسبح ونكع نفسي بالماي البارد بااي
_افلت ابو عذراء افلت ههههه
_بطللللل
_بطل عرك لو بطل بيره هههههه
_استغفرالله العظيم وأتوب إليه الحجي وياك مثل
الحجي وي كوم الحجار ماكو رد
_ايييييي هههههه
نزل وسد الباب وراه متعصب مني يدردم ويه روحه راح نزلت صحت بي ... قسوم هسه يشوفونك الربع ويكولون قسوم مجنون يحجي وي روحه هههههه
_اكعد راحة مني
_كاعد ههههه
فتحت باب الحوش رجعت دخلت .. السيارة بالكراج رجعت سديت الباب واهلي نايمين الباب مسدود شلون ورطة أبقى بره لوجه الصبح اتصلت بفاضل بسرعة اجه فتح
الباب دخلت جوه...
امي ابوي نايمين ؟
_اي شوكت اجيت
_هستوني يلا ارجع نام
رحت للغرفة بوجي للحمام سبحت طلعت من الحمام انشف بشعري خربان ضحك الدجاج راح يموووت كله ههههه لفيت رأسي ونمت كعدت الصبح بدلت وطلعت
يم أهلي يسألون شوكت اجيت كتلهم بالليل اجيت ابوي يرزل بي اكعد راحة لاتطب وتطلع استر علينا
لا تجيبلنه كورونا .
أمي : يمة أهل زينب ردوا الجواب
رائد : رافضين ؟
أمي : اي يمة رافضين
أبوي : شكتلكم مو كتلكم راح يرفضون ماسمعتوا مني
رائد : مكالوا شنو سبب الرفض ؟
أمي : تكول المرت أخوها عمامها ماقابلين لان احنا سنة
ابوي : كلتلك مراح ينطونك اكعد راحة وشوف غيرها ... وكافي بعد لحد يجيب طاريها كدامي
رائد : تمام
امي : اشو مانقهرت ؟
ابوي : تردينه يكب ؟
امي : لا كل مرة يتخبل هالمرة ردك بارد استغربت ؟
رائد : مليت كل ماروح اخطب يرفضون
عبالك بس هم عدهم بنات
ابوي : خل نخلص من كورونا وشوف
شلون راح اجيبلك مره معدلة
رائد : اريد عصير برتقال بارد بي ثلج وين فروحة ؟
امي : يم اهلها هسه اكوم اسويلك
رائد : اكعدي أني اسوي
رحت للمطبخ امثل الهدوء كدام أهلي .....مايدرون نار وشبت بين اضلوعي سويت عصير لنفسي كعدت اشرب انتظر موت الدجاج وين الله وابو الدجاج تجي سكته قلبية
منورة موت دجاج .
زينب " شكد انقهرت من اجه عمي وتعارك وي اخواني وأمي كاللهم تفضلون السني ابن الغربية على ابني زيد والله والسمه الله مراح اخليها تأخذ ومستعد أسوي الدم للركب
بهذيج الساعة أمي خلت فاطمة مرت أخوي تتصل بام صدام وردتلها الجواب مكالتلها عمي الرفض ويريدني الزيد كال صار اشكال من عمامها كلهم رفضون لا سني ومن
أهل الأنبار تفهمت المره خطيه.
صعدت بغرفتي ابجي بكل حركة ليش هيج كلما افرح يوم ابجي عشرة أيام وانقهر لاول مرة بحياتي احب وأتمنى رائد يكون شريك حياتي ورفيق دربي لاخر يوم بعمري
يجي عمي بلمح البصر ينهي كلشي ويفلش ذاك
الحب وهذيج الأحلام اجت فاطمة وكالت
_ عمج راح ياخذج لزيد جهزي نفسج
_شتكولين فاطمة ؟
_والله مرته يمنه هسه وكالت لامج راح
نكطع مهر بعد ثلاث ايام
_بكيفهم اريد يزوجوني ؟
_مقنع اخوانج وامج مابيدها شي بعد مامات ابوج
_والله ماقبل لو يموتوني مراح اقبل بي هي
كوه اتزوج واحد ماريده
_هذا نصيبج من الدنيا زينب
_ماريد هذا النصيب هسه انزل واعلمها شلون تاخذني
لابنها بكيفها اريد اتزوجني زيد الحقير
_زينب تعاي وين رايحة زينب
ماسمعت منها نزلت اركض لكيتها كاعدة بالصالة فوك
الكرويتة بصف أمي وكفت كدامها ابجي ...
زينب: انتو بكيفكم تاخذوني لابنكم زيد ؟
مرت عمي_ : اي بكيفنا
زينب_ : لو تموتون مراح اخذ زيد وشسوون
سوون مراح اقبل بيييي
مرت عمي : شبيج تخبلتي ؟
زينب : بقى براسي عقل أني من وراكم واكفين بنصيبي وتردون تاخذوني لا بنكم المتزوج
ماتخافون من الله
امي : كافي يمة كافي
زينب : لااا مو كافي وين عمي اريد ويييينه خل يجي يكابلني ويحجي يريد الكاع انطيها اله والله بس لا يزوجني الزيد ماريده ماريده افهموا اموت بس اخذه اموووت
كعدت بالكاع ابجي بهستيريا ماريده اريد رائد روحي وقلبي متعلقات بي وصعب اتقبل رجال ثاني طلعتني فاطمة من الصالة كعدتني بغرفة امي حضنتها وابجي
هي تدري بي احب رائد .
وره مدة راحت مرت عمي احت امي ترزل بي ليش هيج تسوين اقبلي ونجبي شسوين هذا نصيبج من الدنيا وابن
عمج اولى بيج من الضابط ابن الغربية.
تعاركت وي أمي كتلها بس تنطوني الزيد والله
العظيم اخليكم تشيلون اجنازتي
_انجبي
_كلتلج لو رائد لو ماريد
_شنوو شكلتي والج ؟
_أحب رائد افهمي ومستحيل اقبل اتزوج غيره
_عزززززة العزززاني صخام الصخمني تحبين الضابط
والج احجي من شوكت تحبي احجي
اجت لعندي ضربتني راشدي قوي رجعت تضرب بي واتحجي بالكوه يلا خلصتني فاطمة تعبت امي كعدت تبجي فوك الجرباية وتغلط علية فاطمة تدفع بي اطلعي بره
باوعت لأمي وكتلها بكل قهر ...
والله اقتل روحي بس تنطوني الزيد
وابليكم بموتي .
وطلعت بره عفتها تحجي وتغلط علية بوجي لغرفتي
ابجي طلعت بنات اخوي من الغرفة وقفلت
الباب دزيت رسالة الرائد .
_ رائد راح يزوجوني الزيد بعد ثلاث ايام
تخلصني لو اقتل روحي ؟
دخلت رقم رائد بقائمة السوداء حظرت رقمه وحذفت كلشي موجود اله حتى الصور شمرت التلفون ابجي صعد امي إلي تدك الباب قوي كمت فتحت الباب الها دعفتني قوي
وكعت بالكاع ...
شلون هيج تسووون بينه شلون تسوين علاقه وي ابن الغربية من وره ظهرنا شلووون .. والله الا ازوجج الزيد واكسر اركبتج بس اصبريلي هواي مجال انطيتج هووواي
تفوووو أني اعلمج.
رادت تضربني جرتها مرت اخوي فاطمة طلعتها خارج الغرفة بقيت بالكاع ابجي دمرت نفسي بنفسي شجابني شوداني على رائد أني شلون سلمت نفسي اله وحبيته
لهاي الدرجة اللي ماكدر افترق عنه حجي أمي عليه اشكال ألوان طلعتني بلا شرف حالي من حال الكحاب سوتني وره ساعة تكب العيطة بالبيت ماعرف شصاير
متت من الخوف بس لا أمي كالت لاخواني عن علاقتي برائد وراح يذبحوني اجت بت أخوي تركض تدك بالباب واني
أخاف افتح الباب الها
_زينب افتحي الباب زينب افتحي شبيج زينب ؟!!
_شكوو شتردين ؟
_وج افتحي صايرة مصيبة افتحي
_شصاير ؟
_عمي ابو مختار مجلوط افتحي
تفاجأت من كالت مجلوط رأسن فتحت الباب الها تلهث خطية ...شكلتي توج ؟
دخلت جوه الغرفة سديت الباب اباوعلها انتظر ردها ...
حقل الدجاج مال عمي ابو مختار كله مسمم وميت وعمي من شايف المجزرة بسرعة مجلوط وهسه بالنعاش
_منو مسممه ؟
_مادري والله خطيه راح يموووت يكولون
_سترك ربي
_سمعت عمو مؤمن يكول ماكو غير ابن الغربية
الضابط لهذا لجاج خطابة هو لسممه
_ورائد شعلي
_كاله عمو ابو عباس لاتجيب طاري الولد ماله دخل وابتعدوا عنه لا تدخلوا بمشاكلكم شوف عمي ويامن متلاطش
وحركوا قلبه بالحقل .
_ناطور خضرة رائد شيصير برأسه يوكع
_تحبي
_انجبي شنو هذا الكلام ؟
_سمعت كلشي ترى بس مراح اكول
_شسمعتي
_كلشي سمعت وشفت جدة شلون ضربتج
علموده وهسه جاي تبجي
_اووووف
_كافي زينب لا تبجين ؟
_اريد اموت واخلص رندا
_بعيد الشر عنج عمه
سمعت صوت مسلم رج البيت رج ...
ولك انت غبي شلون تهدد؟
فزيت أني ورندا واخاف انزل طلعنا بره الغرفة بالصالة قاط الثاني نسمع اخوي الجبير صاح ....
_ تهدد بالقتل الرجال هو لا بيها ولاعليها ولك أنت شنو
غبي مطي نايم برأسك شجابه من الانبار للحلة
ومسمم الحقل
مؤمن_هو ماكو غيره بعد ماردينه الجواب الهم
اجه لو دز عالم سممت الحقل
فاطمة : الولد مايدري رافضينه
مؤمن : شمدريج انتِ ؟
فاطمة : البارحة بالليل اتصلت بأمه عالساعة بال١٠ ونص وكالت ابنها رايح زيارة وي ربعة للكاظم (ع) من يجي ان شاءالله اكوله يعني ماله دخل وأنتو دخلتوا بالنص
مؤمن : جذب عليج ؟
امي : ماتجذب المرة واصلا ماكتلها عمك ابو مختار هو العارض ويريد زينب لزيد بس كتلها كوليلها عمامي
كلهم رفضوا لان سني
حسام : والله اذا اشتكه عليكم ودخلكم السجن فلا الفي عليكم وتفله ماتفل بنص وجك وجه زيد
مسلم : أنت شعليك شدخلك بالنص هو عمي اربعة وعشرون ساعة متعارك وي هذا وهذاك لو الضابط ناطور خضرة صار كدامكم شراح يخلصكم لو اشتكه عليكم شيخلصكم
هو دولة احجي شدخلك بعمي شدخلك ولك غبييي دمرت نفسك ودمرت اختك منورك ومنورة طمعك الزايد
اجت أختي الجبيرة الوحدها دخلت نزعت العباية ...
شكو شصاير صدك حقل عمي كله مسمم
وعمي بالمستشفى ؟
مسلم :اي
سراب : يااا وهسه عمي شلونه ؟
مسلم : بالنعاش حالته خطرة
سراب : عزززة منو بلا لسواها تعرفوا ؟
مؤمن : لاا
سراب : كلها تكول ماكو غير ابو الحقل الدجاج ابو صهيب
مؤمن : ابو صهيب شعلي ؟
سراب : مو تعاركوا قبل خمسه ايام وصاروا
بالتفك اكيد حرك قلبه بالحقل
مسلم : واني هم اشك
مؤمن : ماجه على بالنه ؟
حسام : مالك دخلللل لا تدخل مؤمن بس تدخل هالمرة
اتبرى منك إلى يوم الدين اكعد راحة واستر
علينا وعلى نفسك
سراب : شكو شصاير شبيكم تتعاركون ؟
مسلم : الشفية راح مهدد الضابط ابن الغربية بالقتل ومتهمي بتسميم الحقل باعي غباء اخوج وين وصل
_صخااام الصخمك مؤمن شجابك شوداك على الضابط نسيت شسووه بيكم قبل نسيتتتتتت شراااح يخلصك اذا اشتكه عليكم شيخلصك سوده بنص وجكككك ولك
شعليك بعمك شعليك اريد
الكاع ردت مؤمن مارد كلها ترزل بي فزيت من شفت سراب صعدت لي بقيت اباوعلها تخزر بي اشرت لفوفة تنزل ...
انزلي عمه تعاي وراي خاتونة
مشت كدامي مشيت وراها ارجف من الخوف دخلت
وسديت الباب رفعت رأسي باوعتلها تخزر بي ...
_ليش هيج مسوية ؟
_شم ...
_ادبسززز شلون تخونين ثقه اهلج بيج وتكبلين وي الضابط ماخفتي على سمعتنه ليش هيج هاي جزات اخوانج وابوي وامي الج هيج تجازينهم بالخيانة وبعرضهم ...
تعرفين ماكو اعز من الشرف شلون تبيعين
شرفج شلووون ؟
_والله مادري شلون ؟
_انجبي ماتدرين لازين تدرين احجي من شوكت أنتِ ويا ؟
_من العام
_الف مبروك الف مبروك يابة بتك مكبلة وانت بعدك عايش هيج تجازين ابوي وثقته بيج هيج زينب ليش هيج ليش ماخفتي ابوي يدري بيج ويموت من وراج
اراح اموت من وراج اراح أموت .. امي المسكينة حالها حال العدايم تدك وتنوح ماتدري على ظيم الولد لو على عملتج الناقصة رحتي كبلتي وي ابن الغربية وجبتي لهناء خرب عيشتنه ليش هيج زينب ليش ؟
كمت ابجي ...
والله مو بقصدي هو جان يخوف بي ويهدد بس
ماحجي ويا يسوي مصيبة بأخواني
_ليش مكتي ليش ؟
_خفت اكول والله خفت
_هذا خوفج وين وصلنا هسه مانعرف راح يشتكي على مؤمن لو لا عمج جاي يموت وخسر باب رزقه ...
_أني شعلي بعمي حيل بي ويستاهل من ظلمة وبطله
_انجبي والج
_شنو انجب ترى مو عيشه هاي مات أبوي صاروا عمامي هسه ويكتلك القهر يريد يزوجني الزيد فوك مرته علمود
يستالي على قطعة الأرض
_يازيد ياقطعة أرض؟ والج احجي
_مكالتلج امي؟
_بس اتصلت بي وكالت تعاي شوفي اختج شمصخمة لبست عبايتي واجيت احجي شصاير وره ظهري وج احجي
مو قلبي خلص احجي
_تعرفين قطعة الأرض لبصف حقل عمي
_اي أعرفها ؟
_أبوي مسجل نصف الأرض بسمي من جان عمري ١٣ سنة وعمي دره بالسالفة وهسه يريد يزوجني الزيد
علمود ياخذ القطعة ِ!!!
_اشو ماعندي علم ؟
_مكالتلج امي لان طابكة وياهم وانطوني الزيد بدون علمي بعد ثلاث ايام يكطعون مهر سراب مانطوني الحبيبي
انطوني الزيد علمود طمع وفوك مره .
_انعل ابو زيد يابو الخلفه شنو هذولة اغبياء نسوا شجان يسوي عمي بابوي علمود قطعة الأرض اني الهم اليوم
اكلبها عزززة فووك روسهم
_ترى مؤمن السبب هو رفض رائد وجاب عمي واجه هداده
_ومؤمن ليش هيج يسووي ؟
_عمي مغشمره وكايله ادخلك شريك وياي بالحقل
_يبيعج علمود نفسه ؟
_اييي انظلمت بعد ماماتت أبوي انظلمت سراب وامي تحب الولد اكثر من عدنا احنا البنات حلال مؤمن حب نوره
واخذها وحرام علية أني الولد اجه اكثر
من مرة وماقبلوا بي
_مادري هيج السالفة أني هسه أتصل باخواتي خل يجن اريد بكيفهم يبيعون قطعة الأرض حالنا من حالهم بيها مؤمن منو و يقرر مصيرج ويتلاعب بالورث اشو حاله من حالنه وريث .
_روحي احجي الامي
_امي مالها دخل هذا ورث ابوي مو ورث امي مال اتنازل عن حصتي لمؤمن وعمي الچلب لا والله اخذها وانطيها للفقراء والايتام ولا انطيها لعمي الجلب الظالم
شنسى منه اني شنسى طفلة صغيرة ويضربني من يتعارك
وي ابوي قبل هسه صاير حنين .
طلعت عافت الباب وراها مفتوح كبت العيطة أختي سراب اكبر من مسلم ومؤمن على رأس ابو مصطفى والها كلمتها بالبيت رجت البيت رجع بصوتها رزلت
مؤمن وطلعت كل
خياسات عمي بالماضي وي ابوي ورزلت امي كذلك وكالت حصتي وحصه أخواتي من الأرض وحصه زينب مانبيعها ولا ننطيها تبقى ذكرى من أبوي الله يرحمه
وان شاءالله بالمستقبل
نسويها مشروع ونستفاد منه احسن ما هذا عمي الچلب الخايس ياخذها ويستفاد منها وانت مؤمن شلك من الكاع اريد وهيج تسوي وتحجي بكيفك زينب شنوو ذنبها
تنطوها الزيد الدايح ابو الشورع وفوك كلشي متزوج وعنده اثنين جهال قسم بالله العلي العظيم اقيم عليكم دعوة عنف أسري و زواج اجباري بحق زينب واخليكم تعفنون بالسجن
هيج تحافظون على امانه ابوي امنها عدكم ليش تنطون بيها ليش وانتِ امي خليج بس للولد خليج هسه اخذ اختي
لبيتي بعد ماخليها عدكم
ناس أنانية وطماعة طلعتوا ياحيف انتو اولاد
ابوي الله يرحمه ياحيف .
صار عياط وصياح هي صوتها عالي زكحت بأمي سكتتها للأبد كاافي موتونا كافي كله للولد كله للولد مو كافي يعني خلوا البنية تمشي بحال سبيلها انطوها للولد
لو الازيد ابو الوسخ ابو الشوارع والكبسلة لو ماتردون وحدة من عدنا تاخذلها رجال براسه خير ويصير براسها خير أنت مؤمن مالك كلمة عليها القرار قرارها هي
والرأي رأيها هي والرأي الثاني يعود لأمي والابو مصطفى هو والي عليها من بعد أبوي مالك دخل وشيل أيدك منها لو بالقرأن نخليك تندم وحتى البيت لعندك ناخذ منك
اخاف كلنا نتنازل الك لا بعد ماكو تنازل مادام هيج سويت وبعت زينب علمود مصلحتك الشخصية .
صارت اصياح واعياط بيناتهم وره نص ساعة اجني اخواتي طبكوا وياي كلها صارت ضد مؤمن امي تريد تطلعني غلطانة كدامهم ماكدرت كالت الولد مليون مرة خطب
وأنتو ترفضون وزينب غلطت ويا بسبب خوفها عليكم وأبوي موصي وكايل انطوها اله اذا صار بي شي ليش تعاندين وتوكفين ضدها انطوها للولد وجفوا الشر
والله طلعت من الغرفة خجلانة ماكدر اخلي عيني بعين امي لو اكعد يمها احس نفسي غلطانة وفعلا غلطت بس مو بإيدي والله مو بإيدي من خوفي عليهم راسلته وماحسيت
على نفسي الا احبه والحب لابإيدي والابإيد غيري بإيد الله سبحانه وتعالى يقدف الحب في قلوب من يشاء والولد مابي عيب ولا قاصر واهم شي أني اريده و يريدني
والله الليل عمي طلع من النعاش راحوا زاروا ......وحاجين ويا بيمن اشك كالي هواي عالم عدها عداوة وياي ماعرف من السواها كالوله تشك بالضابط ابن الغربية؟
_لا ماعتقد هو مايدري شعندي ماعندي أني من املاك هذا العدو يعرف شبي مابي وعرف نقطة ضعفي
حقل الدواجن .
زيد ومؤمن باكو طن هوى من عمي برى رائد رجعوا الكل مجتمع بيتنا حتى عمامي على السالفة مؤمن وزيد
يخافون رائد يشتكي عليهم
بهذاك الوقت ابن عمه قاسم متصل باخوي الجبير وكايله على سالفة التهديد وراح نشتكي عليكم بتهمة تهديد بالقتل وتهمة اتهام تسميم حقل الدواجن وابنه بريئ
أخوي يتوسل بي مايشتكي كال وصلت اخبارهم عد العمام والعمام راح تصرف وياهم حتى عمك ابو مختار هم متهم لان مهدد رائد قبل أيام علمود جاي خطابه على بتكم
جهزوا انفسكم كعدة عشائرية ومحاكم وفصول
وسد الخط بوجه اخوي .
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال28 بسرعة .
لا تنسون تخلون لايك وكل شخص يعلق ٥ تعليقات