#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
من قريت رده ضحكت من كل قلبي منتظر ردي على سؤاله بقيت أفكر اكوله أحبك لو لا اخاف اكوله وياخذه الحماس ويروح يكول لأمه لو يجي لعندي
شلون حيرة ياربي
دز مرة اللخ ...
هي كلمة من أربع حروف ا ح ب ك
_امممم
_هاا وين وصلتي ؟
_بعدني خلني افكر زين
_هي يرادلها تفكير لو اي لو لا
_ اي يحتاجلها تفكير طويل
_اي خطية راح تدخل جبهات القتال وتفكر شلون
تقاتل وشلون تحمي نفسها ام الصخول
لتحركين اعصابي
_هاا رائد رجعنا نكول ام الصخول ؟
_طكيتي كلبي طك عفارم علية شلون متحمل لو واحد بمكاني جان عافج من زمان وتزوج وشاف حياته
_اي ماشفت حياتك ؟
_ماكدر القلب هاويك ومايهوه غيرك
أبتسمت الفرحة ترست صدري ترس احس فراشات يطيرون بصدري من الفرحة رديت بسرعة بدون تفكير
مشاعري سيطرت علية بالكامل
_احبك
_ههههههه وأخيراً طلعت هالكلمة منج ههههه ولج مامصدك كتي احبك هاي صدك تحبيني لو تشاقين ؟!
_ههه لا احبك صدك
_هههه زينب والقرآن مامصدك وطاير من الفرحة
_لا صدك
_هو راح احاول اصدك ههههه وج تعاي خل
اضمج لصدري تعااي
_هههه مااا اجي
_لا تعاي حبابة تعاي
_مااا
_والله ماسوي شي اصلا كلش افقيرون أني
_واضح افقيرون
_اي والله كلش افقيرون اسألي امي اخاف مصدكين
_شايف ام تكسر بأبنها وبلاخص امك روحها من الدنيا أنت
_اي والله ههههه
_ هسه ارتاحيت
_لا والله مامرتاح
_ليش ؟
_شوكت ماشوفج لابسة البدلة العرس وكاعدة
بغرفتي بهذاك الوقت يلا ارتاح
_ان شاءالله
_ان شاءالله يلا قلبي اخذي راحتج
_وأنت هم "تصبح على خير
_وأنتِ من أهل الخير احلام سعيدة
_الي ولك
_آمين
كمت خليت التلفون على الشحن ولفيت رأسي ونمت كعدت الصبح نظفت البيت وي فوفه ورندا بت اخوي هم تشتغل ويانه تنكل ماي البيت وسخ صارلة فترة مامتنظف
وعدنا عزيمة ثوب لاوالدي الله يرحمه كملنا شغل وره الاذان هلكنه من التعب وبعد عدنا شغل بره الحديقة وسخة والطرمة والممر كله وسخ المهم تغدينا ومرت اخوي غسلت
الماعين وره ماغسلت الماعين اجت للغرفة جنت يم أمي كاعدة وفتحت موضوع خطوبة تخبلت أني عقلي طار من رأسي خطابة جاييني منو ماريد اتزوج غير رائد
مرت أخوي :عمه وحدة من اقاربي تريد تجي تخطب
زينب وره دايرة السنة عمي الله يرحمه
شنو رايج بالموضوع
قبل لا ترد أمي رديت...
كوليلها ماعدنا نسوان للزواج
امي :انجبي شنو ماعدنا نسوان للزواج شلنه بيج لعد
مبقينج بالبيت نحلبج وناكل
روبة وكيمر منج
زينب : ماريد هي كوه خوب كوه
مرت اخوي : استهدي بالرحمن زينب اهدائي وخليني
احجي على الولد واشوفج صورته
يجوز يعجبج وتقبلين بي
امي : اي احجي شنو شغل الولد
سكتت مارديت صارت تحجي بي الولد مدرسة ومتوظف عمرها ٢٥ سنة اهله بانين بيت قاطين ومنطينه القاط الثاني وعنده ثلاث اخوان مامتزوجين هو الوسطاني
حالتهم المادية زينة شوفت صورته لأمي امي شافتها وكالت خوش ولد شوفي ام الكوريين
اخذت التلفون بملل ...
تركت الكوريين يمممة
_وغممممه شوفي الولد خوش ولد
باوعت بالصورة ....شكل الولد جدا جدا عادي جسمه ناعم وطولة متوسط بشرته سمره تقريبآ اجخ بالي الهيبة مالتي رائد وين جمال جمال طول طول
هيبة هيبة كلشي بي
يموووت وبالاخص خزرته تأخذ العقل اووي هذا شنو انطيت التفلون لمرت أخوي وامي كالت قبلي
امي : كوليلها وره دايرة السنة بأسبوع خل تجي
زينب : اوكفي شنو خل تجي غير اني ماموافقة
امي : شكو شبيج
مرت اخوي : معجبج
زينب : لي معجبني وماريده هي كوه خل تجي ماريده
كمت خزرتني أمي وصاحت بي ...
منو ياخذج اريد اشو صارلج سنتين تقريبآ محد اجاج خطابة منورة الضابط ابن الغربية اقبلي وانجبي
مرت اخوي : زينب الولد مايدري بسالفتج
ترى وي الضابط ابن الغربية
زينب : ماتخافون من الله تردون تورطون
الرجال وي ابن الغربية
امي : ابن الغربية وكطع نفسه منج تزوجي وانجبي
مرت اخوي : اي اقبلي وسالفتج مر عليها
وقت واكيد العالم نست
امي : اي نست ومحد يجيب طاري بعد زواجج
زينب : منو كال كطع نفسه مني ؟
امي : تردين يرجعلج ؟!!!
مرت اخوي : ماله حس
زينب : مكلت اريد يرجعلي يجوز متفهم سالفة ابوي
ميت وره مايطلع داير السنة يجي
امي : عززززة العززاني شمدريج والج شمدريج
زينب : مادري كلت يجوز ما متأكدة شبيج تخزرين بي
امي : كومي جيبيها لي حاليلها ابن الغربية مبينه حاليلها وتريده من ملامح وجههاا جيبيها لي الله يرضي عليج
فاطمة كومي جيبيها
طفرت بركضة خارج الغرفة بدون مارد خرررب شلون زلت السان مني صارت أمي عبالها اريده هو فعلا اريده وذايبة بالعشق الله شكد حلو العشق فديتك ابن الغربية
نص ساعة اجت مرت اخوي للغرفة تحجي وياي وتقنع بي اقبل بأبن أقاربها كتلها ماريده مايعجبني الولد
هي كوه اقبل بي .
_اهلج يخافون يطلع الضابط ابن الغربية
_مايخافون يطلع وره زواجي ويخرب زواجي يعني
_بعد زواجج راح يسكت ويتركج
_اي يقتل زوجي واخذني عروس له
_يمممة بيش طالبة الولد بالقتل
_هاي الحقيقة رائد مخبل ماكو برأسه عقل هو يحبني
من ٢٠١٨ لحد ولحد الآن يحبني ويريدني
_منو كالج يحبج ويريدج لحد الآن
_هو كايل لابن خالتي جلال ومرت جلال فردوس كالت
بس يطلع دايرة سنة ابوج يجون خطابة
_عززززة العزاكم راح تبدأ المشاكل هذا شبي
مايفهم أنتِ ماترديه واهلج مايردوه
_أني اريده
_شنوووو شكلتي ؟
_اي اريده واحبه والله العظيم
_خل اكوم اسد الباب جاي تخربطين أنتِ
كامت سدت الباب خايفة قررت اكوللها كلشي هي سرانية وماتبيع سرها بلكت الله تساعدني وتخلي اخوي يقبل
ينطيني اله اجت كعدت بصفي تباوعلي
_شكلتي توج تردين ابن الغربية ؟!!
_اي فاطمة اريده والله
_ضخااام الصخمج لو دروا اخوانج يذبحوج
_ادري بس مو بإيدي احبه احبه فاطمة احبه
_اوووف زينب اوووف الخايفة منه طلع صدك تحبين الولد هسه شلون ولج من شوكت تحبي
_صار سنة ونص احبه
_قبل لا يموت ابوج ؟
_اي
_ليش مكتي لابوج اريد الولد جان قبل وانطاج اله
_جنت اخاف من ابوي
_زين عندج بي علاقة لو علاقة عادية بمجرد اجاج
خطابة انعجبتي بي وحبيتي
_ماجذب عليج عندي بي علاقة قبل لا يموت ابوي
_عززززة ولج شلون تخونين ثقة أهلج وتحجين وي ابن
عدو ابوج لو دروا اخوانج يذبحوج والله
_مو بإيدي حاولت اكثر من مرة وماكدرت افترق عنه هو ساعدني وكف وياي من مات ابوي لما هو محتمل
اني هسه مجنونه .
_اففففف شلون هسه شلووون ؟
_عليج الله لاتكولين لاحد
_والله ماكول بس فهميني شلون حبيتي
وجنتي تموتين منه
_مادري والله فجأة لكيت نفسي احبه
_هو هذا الحب يجي للشخص الخطأ
زين راح يجي يخطب ؟
_اي والله كال وره دايره السنة ادز أمي واخواتي
يجون يخطبون فدوة ساعديني
وخلي اخوي وامي يقبلون
_ان شاءالله اكدر اساعدج وقنع اخوج وامج بس خوانج البقية شلون وعمامج شلووون
_عمامي شعليهم
_عمامج عليهم هم هسه متدخلين بالصغيرة والجبيرة بالاخص اخوانج الصغار ياخذون رأيهم بكلشي واخوج مؤمن شايل حقد على الضابط مو شلون مجان
_نوره خل تقنعه
_ديري بالج تكولين النوره احب رائد وعندي بي
علاقة ترى نوره سرها بنص كهوة
_لاا حبابة
_صح حبابة وعلى نياتها بس ماتكدر تضم سالفة هي سوالفها وي رجلها عد هذا وهذاك ماتكدر لبيها مايخليها وأني
بمكان امج مو اختج وسرج من سري
_ماشي مراح اكول
_خلي بيناتنه والله كريم ان شاءالله ينزل عليكم الفرج
_ان شاءالله
_روحي استغفري ٢٠٠ مرة بنية الفرج لعلها تكون ساعة مستجابة ويستجاب دعائج ويقبلون امج
واخوج الجبير
_من المجربات هاي ؟
_اي حبيبتي من كل قلب صادق ونظيف استغفرالله ٢٠٠ مرة بالسبحة وكولي استغفرالله العظيم واتوب اليه وره
ماتكملين اطلبي حاجتج وان شاءالله مكضية
_ان شاءالله يارب
بقت تحجي وياي وتوصي بي وأني اسمع الها كالت خوما طلب صور مقاطع فيديو الج كتلها لا ماطلب واصلا يحجي وياي كلام عادي جدا هاج شوفي
الرسائل ماقبلت تشوف
كالت هاي خصوصية وعيب اتفرج عليها كالت لتراسلي بعد كتلها ماكدر بس ماراسله يتخبل وأخاف يسوي شي موزين لاخواني كالت لعد احذفي كل الرسائل وره ماتكملين
مراسلة لا تخلين دليل والتلفون لا تنطي بيد الأطفال اخاف يراسل ويشوفه احد من خوانج وتصير مشكله
لما الله يفرجها .
رائد ماصدكت كالت احبك وأخيراً كالتها بعد عناء طويل صارلي سنوات منتظر هاللحظة اللي تكولي بيها أحبك
حالتي جانت وياها مثل حال
الصياد ناصب شباكة وينتظر السمكة تدخل بيها ويصيدها ومن يصيدها تعم الفرحة بي ويأخذ ثمرة تعبه
هذا حالي صار .
الصبح كلت لأمي بادلتني نفس الشعور فرحتلي كلش ابوي يخزر بي ويرزل نفس كلامه مراح ينطونها الك مو عبالك ابوها مات راح ينطونها الك
بعد لسويته بيهم أبتسمت وحضنت امي ...
واشن الحرب العالمية الثالثة على
الشيعة واخذت بتهم هههه
_وتالي وياك بطل من سوالفك الارهابية بطل
امي : ان شاءلله ماكو شي
ابوي : باعي لابنج يضحك ولاهامة شي ادري ابو دروب
طايح حظها هسه بس يطلع عريضي
يروح يتعارك
امي : دكول يالله بيش طالب الولد بالرفض
ابوي : عندي احساس ماينطون
رائد : لا تتفائل بالسوء
امي : اسكت غرب يطلعلي غراب الثاني وتالي وياك
سلام كول ان شاءالله ينطونها مو
تتفائل بالسوء
ابوي : هاي حقيقة
امي : اني اشوف هالمرة بيها خير
رائد : اي
ابوي : فروحة جدو جيبيلي ماي ريجي يبس
فروحة : ليي جدوو
كعدت بصف أمي كدام أبوي جابتله فروحة الماي للغدة رحت يم اخوي صدام كلتله اذا مانطنوها اريدك تتحرك أنت
كال سهلة هاي بس لا تتهور أنت
وخلها علية أني اجيبهم للدرب بسهولة .
كتلها ان شاءالله اكدر الزم أعصابي.
بالليل وره العشة رحنا كلنا لبيت عمي ابو نزار وهناك لكيت ابن الجوارين فارس امووت من عنده انهار كله لازك بقاسم طلعت من المنطقة والبيت هذا أخذ راحته
بالكامل وصاروا دهن ودبس
شفته كاعد بصف قاسم ويضحكون جريت خلك اله وكمت محمد يدري راح اتعارك ويا أبتسم وفتح كاميرة
التلفون كاتم ضحكته عباله مادري
بي جاي يصور اشرت بصابعي على عيوني وعلية أبتسم
رحت وره ظهر قاسم جريت قاسم كل قوتي
رائد : جم مرة اكول أنت صديقي
قاسم : اخخ ولكك عوفني مخبل
ابو نزار : شوكت تعقل رائد ؟
ابوي : دباعوا هذا شكل ضابط ورجال مشورب
يغار على ابن عمه
رائد : حصتي هاي وماحب احد يشاركني بيها
وأنت ابو وجه المربع جم مرة كلتلك
لا تقترب القاسم و اني موجود
فارس : قابل مره وتغار عليه ؟!!
رائد :ماكو فرق الآثنين مهمين بحياتي ...
اي ابو رضاوي شلونك
قاسم : ولك فضحتني
رائد : انجب شعندك كاعد بصفى مو تدري كورونا
قاسم : كورونا وانت لازك بي وانفاسك
تضرب بوجي اشو كوم
كام جريته بسرعة رديته لمكانه حضنته قوي والكل يضحكون ... انعل ابو الكورونا هههههه
ابو نزار : ادري بيهم راح يجيبون كورونا
رائد : محد يجيبها غيرك انت عمي هههههههه
ابو نزار : وأنت الدايح اربع عشرون ساعة هسه تجيبها
رائد :وين دايح من الدوام للبيت للبيت لعدكم اصلا
مشايف وجه السوك صارلي ثمن أيام
اكلت رزالة معدله من عمي وأبوي ماهتميت الهم اشو هم اهل الطبات والطلعات هسه واحد منهم يجيب كورونا اما أني جاي اخذ علاجات ضد كورونا واكل برتقال ومحافظ
على نفسي .صاح عمي كوم قاسم خل مرتك تسويلنا عصير برتقال كام قاسم بسرعة شوي ورجع قدم العصير شربت أول واحد بيهم نفسي لعبت العصير بي ملح
بدل السكر عفت العصير
بحلكي واباوع للكل ماكتلهم العصير بي حامض سكتت خل يشربون شلون يرزلوني الحلو عمي وابوي صكوا براسهم والكل صارت تفرق العصير بالكاع وقسم طفر بررره
يركض صارو يزوعون وأني هم طفرت بره كمت ازوع كوه جنت لازم نفسي بس علمود يجربون العصير الكل تحجي
شنو هاي حامض بدل السكر غسل وأضحك
قاسم عيونه حمرة خطية من الزواع يباوعلي ...
ليش ماكلت العصير بي حامض ؟
_خباثه ههههه
_دومك خبيث باع ابوي وابوك فدمرة صاروا خطية
_حيل وابو زايد بيهم يرزلون بي دكلوها ههههه
_نفسي لحد الآن تلعب
_هاي شبيها مرتك نثولت تخلي بدل السكر
حامض صدك جذب
_تعبانة وجانت مثولة من النعاس صوجي أني خليتها
تسوي العصر لو أني مسوي ولا هالبهذلة
_هههه روح ادخل جوه
_مخبل ادخل جوه
_عليك الله ادخل وكعد يم حبيب القلب ابو راس المربع هههه
_تريد تورطني
_لا ليش اطلع عيب خطارك اني رايح ههههه
_وين رايح ؟
_للبيت نعسان
_صدك شخبارك
_من أي ناحية ؟
_من ناحية بت الحلة شصار مصار وياك ؟
قتربت لعنده شاورته ...
جبتها للدرب
_لاا
_والله هههه
بعدت عنه اضحك ..
يعني حبتك ؟
_اي تحبني وتموت علية هههه
_هاي شلون صارت تحبك ؟
_حبتني وخلص
_احجيلي شسويت وخليتها تحبك وتموت عليك .؟!
_سر المهنة هذا يول صدك ابنك وين ؟
_عوفك من ابني وكولي شلون ؟
_مااكول جهز نفسك للعرس بهاي الفترة
_وصلت للعرس ؟
_اي
_شلوون ولك كولي شلوون ؟!
_ماعليك في أمان الله
عافني وراح يضحك.... بقيت مصدوم شلون خلاها تحبه هي جانت تتخبل منه ؟!! رجعت للبيت متعصب من مسك منوراها أكلت رزالة تامة واصلت الأخبار لأمي بلمح البصر
تلكتني امي شنو هاي مرتك هيج تسوي تدري بيها سوتها بالعمدة علمود لاحد يكوللها اشتغلي ادري
بدروبها أني اعلمها
مثل مايكول امي رادتها من الله ...
عوفيها يمة تعبانة خطية واكيد مجانت
منتبها هسه اروح احجي وياها
_صعد فوك تغشمر
عافتني وراحت متعصبة صعدت للغرفة لكيت مسك نايمة على ظهرها ورصاوي هم نايم والغرفة مشتعلة بيها الاضويه ماحجيت رحت بدلت وطفيت الاضويه ونمت
الصبح كاعدة قبلي ومكابلتني وكاعدة احس بيها جاي تخبث علية تريد تخلي أطراف شعرها بخشمي لو بأذاني خلتها بأذاني تحسست كتمت ضحكتها انوب خلتها
بخشمي رأسن كمشت ايدها .
_وتالي وياااج ماتبطلين من دروبج
_ههههه عوفني قسومي
_ليش هيج خبيثه وتخبثين علية
_مادري هههه عوفني حباب
جريتها لعندي وكعت فوك صدري حضنتها
قوي اريد اخبث عليها ..
.
_ ااااه قاسم ولك موهيج راح اموووت قاسم
_حيل وابو زايد بيج تدرين شمسوية البارحة
_شمسوية ؟!
_شلون تخلين حامض بدل السكر بالعصير البرتقال؟
_شنو ؟!
_مخليه حامض والكل ختنك جان مااات
_شو رخي ايديك خل افتهم السالفة
_يلا فهميني السالفة ؟
رخيت ايديه كعدت كبالي أني نايم على ظهري اباوعلها ...
قصدك مخلية حامض بدل السكر ؟
_اي والله وابوي وعمي ابو صدام كاموا يزوعون خطية
_والله مادري
_مو بالعمدة سويتيها
_لاوالله موبالعمدة سويتها مو كلتلك قاسم مابي حيل تعبانة انتو كل شوي جاييني نريد شي
_ بوية لو شايفة شصار بيهم خطية ههههه
_خطية ههههه
_ورائد الخبيث أول واحد شرب مكال بي حامض بقى
مخلي العصير بحلكه وكاتم الخنكة بس
علمود الكل تشرب ههههه
_من يوم يومه خبيث ههههه
_خطية أبوي وعمي اطلعوا عيونهم ههههه
_ههههه خرررب بحظي على هالسواية هههههه
_هههه اي والله دكة ناقصة هههه
بقينا نضحك شوي ونزلنه رضاوي بحضني ومسك راحت تسوي ريوك لي والها سمعت صوت أمي تعاركت وياها
قبل لا اكوم اشوف شصار ابوي صاح من مكانه
ابوي : ماصدكتي تلكين زلة على البنية اشوووو عوفيهااا
ردت امي من ابمطبخ ...
لا تدافع الها فضحتنا البارحة كدام الخطار
ابوي : ماكو احد غريب كلهم أهل كافي
اطلعي بره المطبخ لا يحترك
طلعت أمي متعصبه كلش من مكانها كالت ...
أبقى دافع الها لما تنچلب چلب
ابوي : هسه شمسوية البنية ونزلتي بيها هي النزلة ؟
امي : لاعيني كلشي مامسوية
راحت امي لغرفتها باوعلي أبوي...
امك فديوم تهجم البيت فوك روسنا هسه اكيد البنية
غلطت وخلت حامض بدل السكر قابل متعمدة
قاسم : اي ماتدري خطية جانت نعسانة
ابوي : ادري بمسك ماتسويها
شوي طلعت مسك صاحتلي تريكت وياها مامهتمة لكلام امي تعودت عليها بعد وتدري الزعل مابي فايدة المهم صعدنا الظهر بالغرفة نام رضاوي اجيت خليت رأسي بحضنها
هي هم صارت تلعب بشعري وتبوس برأسي وتتغزل بي...
أروح فدوة لهل عيون الحلوات اممممح اروح فدوة لخدودك الحلوات اممممح اممممح اممممح قسومي
اموووت عليك امممح
اخذها الواهس تبوس بي وشبكت اركبتي حيل الملعونة اثاري جاي تغريني علمود تلويني وتشمرني من فوك الجرباية
حاولت وياي وحاولت رأسن فلتت نفسي منها
وشلتها بإيد وحدة وشمرتها فوك الجرباية كل قوتي
راسن عاطت بألم اااه
_ويامن تندكين
_ااااهه بطني ولك انت شنو شلون تشمرني
هيج ااااه بطني ااااه راح اموووت ااااه
_تستاهلين تلوين اركبتي تردين تكسريها
_شيلويك اااه
_والله جان كسرت اركبتي العوبة
كمت متعصب منها اركبتي صارت توجعني هي بعدها نايمة لازمة بطنها ادري بيها حيالة ... ااااخ اركبتي ثولة ماتبطلين
من سوالفج .. صايرة جون سينا براسي
_أني اعلمك
_شتعلميني اشوو تعالي شتعلميني والج
تعاي علميني يلا تعااي
اجيت لعدها رأسن كعدت تخزر بي اخزر بيها تخزر ماتخاف قربت وجي من وجهها ماخافت ...
_صايرة جريئة جون سينا
_أعلن الحرب عليك
_شلون تريد بثانية وحدة اهدمها هي وحربها
_اهدمك والله
دفعتها بإيد وحدة وكعت على ظهرها ...
وهاي هدمت جون سينا قبل لا
يعلن الحرب .
_اليوم اموتك قاسم وين تشرد مني
_اوووف اليوم خبالاتها طابكات ؟
اجت لعندي قبضت على ايدها تريد تضربني بوكس لزمت ايدها وخليتها جوه ابطي عصرتها حيل
خليتها تون من الوجع وتصيح
_اااه قاسم راح اموووت ااااه
_كولي توبة
_توبة عوفني اااه
عفتها خربان من الضحك تربعت بالكاع تعيط مثل الجهال انوب ابتليت بمسك وخبالها الزايد صايرة فدمرة ورة
ماجابت رضاوي تخبلت خبال نهر كله متعاركه وي
امي وام سارة تتعارك وي امي علمود ماتخليها تقدم على تعيين وتصير مدرسة بوحدة من المدارس اليمنه
امي ماتقبل تكول منو لابنها ...
_ مسوكتي كافي عياط أنتِ مو جاهل أنتِ صرتي ام
_ اي واليسمع الام مصنوعة من حديد اااه راسي ااه ايدي
ااه صفاحي كسرتني قويسم كسرتني
_مو أنتِ العلتي بي
_اشاقه وياك
_جان كلتي اشاقه
_الا اكول يعني اااه
_كافي فدوة رحتلج
_مو كافي الا اكول العمي عليك اكله قاسم
كتلني موتني من الكتل اااه
_عمي لو ادري مخليج كاسرة اركبتي ولا هاي الدكة ولج كافي عياط والله مااذيتج ضربات خفافية جانت
_اذا هاي خفافية لعد الثكيلة شلون
_مادري يلا كومي مسوكتي يلا
_ماا وخررر
_مسك لتعاندين وكومي
_ماكوم لو منهو يجي
_ اووف ...هسة شلون تبقين زعلانة وتعيطين
حالج من حال رضاوي
_وشنو الفرق بيني وبين رضاوي هو طفل واني ام مكتوله
اله الا اكول الخالي عليك خل يطيح
حظح قويسم
_لا هنا صدك راح يطيح حظي ولج واسف والله مو بقصدي جنت اشاقه وياج مادري بنفسي ايديه ثكيله واذيتج يلا كومي حبابة علمود اخذج للسوك واسويلج ذهب
_انعل ابو السوك يابو الذهب وخررر
مديت ايدي الها ضربتها جريتلها خلك ودنكت عليها وشلتها بحضني هي جبانة من هالناحية تخاف من اشيلها بحضني
لو افتر بيها تمووت من الخوف
جلبت باركبتي باثنين ايديها مرعوبة "
_ قاسم ابوس ايديك رجليك نزلني
_ هسة صرتي تتوسلين
_ والنبي اصير حبابة بس لا تفرني والله اموووت
_ تصيرين خوش
_اييي
_هاا زين بوسيني
_اي امممح
_اممم بوسي شفايفي يلا
_اي دنك خل ابوسك بس تنزلني
_اي مو تدللين
باستني بشفايفي بسرعة وبعدت بعدها خايفة مشيت بيها للجرباية نزلتها وصرت فوكها رادت تفلت كرصتها قوي
من ايديها الاثنين وحصرتها جواي
_ماتفقنا هيج
_ مو بوساتج ولمسانج غيرت الاتفاقية
_ مو بكيفك
_ههه ليش مو بكيفي
_ مابي حيلك والله
_ شبيج حيل لعد تعيطين وتتعاركين
_لا هم مابي والله تعبانة من وره امك ومرت اخوك
الحية ام سبع روس تروح توز بامك علية
_عوفيج من امي ومن ام سارة الحية وركزي بي
_ماركز بيك وخرر
_مسك بلا عناد والله مشتاقلج
_ وخوب أنت نهر كله تشتاقلي ماتوكف
اشتياق ثانية وتخلنه نرتاح
_ وين اكو
_لا حرامك صار ثلاث أيام من...
_ثلاث ايام وتكولين نهر كله تدرين بنفسج صايرة فدمرة مهملة من ناحيتي وكل وقتج منطيته الرضاوي ترى مايصير هيج مسك أني هم الي حق بيج ولازم تهتمين بي
_ مو مهتمه
_وين اهتمامج اشو أني كل ال12 يوم أو 15 يوم يلا انزل للبيت اريد اشوفج حلوة ومرتبة وكشخة ومكياج هاي
صارلي جم نزول الي أنتِ حالج حال العجوز
وحتى باردة المشاعر ناحيتي
_تعبانة قاسم بالقرأن الكريم حتى نفسي هاملتها رضاوي متعبني وفوك كلشي مرت اخوك وامك مسودات عيشتي اريدلي راحة بيوم بدون عرايك ماكو
اربعة وعشرون ساعة تخلق الي مشاكل ...
_ عوفيج منهن وركزي وياي تريد مسك القديمة ترجع
_والله ترجع بس خل توكف مشاكل ام سارة
_ شبيها وياج ؟
_تريد تعزل بس ماتعرف شلون
_مافهمت شجاب العزال على عداوتها وياج
_عوف ايديه اول وخل احجيلك السالفة
_ماشي ... يلا احجي
كعدت اجت كعدت بصفي مبين من ملاح وجهها
تعبانة كلش ومضايقة
_ ام سارة تريد العزال بس تخاف تكوله كدام عمتي تدري بعمتي حالفة محد يعزل من البيت إلا تنشال اجنازتها
وبهذاك الوقت يلا تفكرون بالعزال
_اي كملي ...
_ام سارة مالكت حل غير المشاكل ماتكدر تسوي مشاكل لام ادريس لأن تخاف من محمد يهينها ويطردها من البيت عاد ندارت علية من شافت ردت اقدم على عقود
المدرسين واصير محاضره
عمتي رفضت هي استغلت الفرصة وصارت تودي حجي العمتي حجي كله جذب بالقرأن الكريم أني ماحجي
عليها ابد بالعكس احبها مثل ما احب امي
_هدفها المشاكل تريدني ابزع من المشاكل واعزل بيج مو
_اي وهيج محمد من راح يشوفك تعزل راح
يعزل وراك ويصفه البيت الها
_خوش .. اسمعي مسك من تحجي وياج أنتِ اخذي تلفونج وخلي بصدرج وشغلي تسجيل الصوت بي وسجلي
كل كلامها وسمعي لامي وماعليج
_اسجلها
_بالضبط سجلي كلامها لأن إذا رحت وحجيت وي أمي مراح تصدك بي وتكلي تداف المرتك وانتِ غشمر ومن هذا الكلام وانتِ تعرفين امي وتفكيرها شلونه بعد
_اي صح كلامك راح اسجلها لعد
_اي عمري سجليها .. وهسة كومي سبحي وبدلي
وتعاي يمي مشتاقلج كومات مسوكتي
_هسة مابي
_مسك
_والله مابي خلها غير مرة نعسانة اريد انام
راحت نامت من صدك وسوتها بقيت اباوعلها واضحك بيني وبين نفسي صايرة فدمرة مهملة وهاملتني مو شلون
مجان ولا تفكر ترضيني وتنطيني شوي اهتمام
زينب" مرت الأيام يوم صادف دايرة السنة أبوي سوينه عزيمة ثواب اول ماجه عمي اجه لعندي متغير وياي وصاير لطيف استغربت للطاقه لعنده والمفاجاة وزيد هم اجه سلم
اضوج منه برغم متزوج ويباوعلي بنظرات قذرة عبالك يريد يأكلني مكاود ابنه ويمشي سلم سلمت وطلعت بره الاستقبال مرت عمي وبنات عمي كلهن اجن يعاونن شنو هاي
معجزة صايرة بيت عمي ومندري هن .... يتخبلن من عدنا وبالاخص أني علمود ماجنت اريد اتزوج زيد كملت العزيمة غسلوا الماعين وياي يلا راحوا راسلت
رائد شوي وراها نمت حتى ماوصلت كلام له وكلتله اجوني خطاب أقارب مرت أخوي أخاف يتعصب خليتها سكته
المهم ثاني يوم الصبح رحنا للزيارة قبر والدي
والمفاجاة لي رائد وامه جانوا هناك بالمقبرة أهل امه هي بصف مقبرتنا الكل شافه وعرفه زيد واخوي مؤمن وعمي اعيونهم بكصتهم صاروا وصلنا قبر أبوي جان مغسول
وداير مدايرة بخور وحبات حنطة برغم جنت جاي ابجي بس من شفت قبر ابوي منظف فرحت من كل قلبي رائد اكيد الغسلة صاروا يحجون اني ماباوعت
الرائد ماريد افضح نفسي
ربع ساعة كمنا اجه هو وامه سلموا الكل رد السلام بكل إحترام وامه حضنت امي تواسي بيها وتكوللها اعذريني ماكدرت اجي اليوم قلبي ماانطاني كلت خل اجي واسفة
اذا جيتي ازعجتكم
امي بالعكس تحبها وتحترمها ....خوب جان ابوي يحبها امي انسانه متفهمه جدآ رائد طابك على صفحة يم اخوي الجبير واكف البنات تباوعله وتهامس بنات
عمامي وخوالي أثنين
مامزوجات نااار وشبت بنص صدري من ودي احفر اقبورهن هسه وتطمهن هذا حبيبي لي وبس هو بقي يباوع عليهم بنظرات فارقه وساكت كلمة وحدة مطلع
عمي كسر صمت رائد...
أنت الضابط رائد
_نعم أني تفضل ؟
عمي : دام فضلك بس حبيت اسأل
لان سامع بعمايلك السودة
رائد : بس عمايل السودة تسمعون بيها اما عمايل البيضة ماتسمعون بيها للأسف هذا حال المجتمع بالوقت الحالي
يحب بس يشوف الشين مايحب يشوف الزين
عمي : الرجال ينعرف من افعاله
رائد : والحمدالله افعالي كلها صالحة واهمشي ضابط وحامي البلاد وحامي عرضك وعرض غيرك هذا الفعل يسوى كنوز الدنيا وشرف مايناله بس الابطال
عمي : ضابط لنفسك مو النه واحنا نحمي عرضنا مانحتاج حماية من الضباط والشرطة ولد الغربية بالاخص
رائد : لما الضباط والشرطة والجيش والحشد الشعبي وشجاعة ولد الغربية وغيرهم من المحافظات جان هسه عرضك بيد داعش ومخلف عشيرة من
افرخ داعش وانت جوه التراب
عمي : اش...
رائد : لا تقاطع كلامي بعدني مامخلص منو منكم طلع وحارب الدواعش اشو اكثريتكم هربتوا للشمال وخارج العراق محد طلع منكم وحارب انت من الناس حاربت داعش ..
وعتقد واحد من أولادك جان بالجيش وبطلته خوفا ينقتل هسه جاي تكول احمي عرضي بنفسي شلون تحمي عرضك وأنت من اول فشكة سلمت الراية .
سكت عمي للأبد زيد تدخل ...
وليسمع أنت قاتلت داعش اشو كاضيها نوم جوه
التبريد والوساطة تلعب لعب جوه ايدك وه....
_حاربت داعش مدة سبع اشهر وتسعة أيام بالموصل جاي أنت هسه تحجي بكيفك انت طلعت بلا تطويعي بالحشد الشعبي وحاربت عن عرضك جاوب طلعت
لو بس عندك السان يحجي
زيد : ما..
رائد : تريد تكول ماجت الفرصة لو ابوي مخلاني لو امي مخلتني ترى هاي مو اعتذر عزيزي الرجال ينعرف من افعاله وكفاته لحماية بلده من الاحتلال وعتداء
على النساء والاطفال ...
هنا تبين الرجولة مو كاعد بنص بيتك وجوه التبريد لو
المبردة وتباوع بالتلفزيون لو تلعب بوبجي
وجاي تحجي بالرجولة والأفعال .
حسام : حجيك صدك ربي يحميكم من كل شر لما أنتو حماة البلد جان هسه داعش محتل العراق بالكامل
مسلم : عمي اسباع وسحكوا داعش سحك
رائد : رحم الله والديك ابو مصطفى
حسام : والديك يلا هم يلا نزور ونرجع للبيت.
عيني ام صدام تعالوا ويانه للبيت
ام صدام : تسلم وليدي ماريد اسوي زحمة
عليكم راجعين للانبار هسه
حسام :زحمة شنو خاله أنتِ جنتي مقربة من الوالد الله يرحمه وجان دوما يحجي عنج بالخير وصاني قبل لايموت استقبلج بيتي وهاي وصيلة الوالد الله يرحمه اترجاج تعاي للبيت
باتوا والصبح ان شاءالله اطلعوا .
رائد : تسلم ياغالي لما عندي شغل جان ماخجلتك
واجيت وياك بس والله عندي شغل
ومستعجل على الرجعة
مسلم : شغليش ؟
رائد : باجر موعد التحاقي وأني منا ماخذ اجازة يومين
مسلم : هم صدك بس عمك المسؤول
مؤمن : اي عمه وكلشي بإيده منو يحجي ويا
رائد : حالي من حال أي الضابط عادي بالفوج مال وساطة ماتمشي يم عمي واني هم ماحب الوساطة
عمي : واضح ماتحب الوساطة والمسدس بحزامك
رائد :لحماية الشخصية وبي ترخيص وين ماروح وياي سلاحي شغله عادية هاي حمل السلاح
عمي : اي يلا أمشوا تأخرنا
ابتسم رائد من خليت عيني بعينه سوه حركة لطيفه بعيونه مسحت دموعي اضحك بسكوت وراها لبست الكمامة هو ملابس كمامة لبس النظارات ومشى وي امه ويانه
اويلي يابة لابس كله أسود غير طالع يموووت أول مرة اشوفه لابس الأسود بالكامل امه تمشي وي أمي وتحجي هو طلع يمشي وي اخوي الجبير ومسلم جانوا كلش.
متفاهمين اما مؤمن لاا عيونه براسه ...وزيد كذلك وعمي بالاخص بس مايريد يشرب من دمه اجه اتصال الرائد
رفع التلفون اباوعله أني بكل حذر
_الووو هلأ سيدي أوامرك سيدي هاهية باجر عندك ان شاء الله خلها علية ماكو شي صعب وياي ههههه ادري هههه ان شاء الله اكضيها الك خلال أيام عوفك من كورونا هسه
لقاح تضرب لا يمعود لتضرب هسه تموت مخبل اني اضرب أصلا زورت كارت تلقيح هاهية ادبرلك واحد
باجر ان شاء الله .الله وياك هلا .
نزل التلفون سأله عمي بتهنتر ...
بارك الله بيك تزور كارتات وتحجي
بالرجولة والأفعال
رائد : والله ماجايز من روحي اضرب لقاح ماعرف مصدره منين مامنين ومحتمل خطة إسرائيلية قذرة موجودة بهذا لقاح لاغرض قتل اكبر عدد من سكان الأرض
والحماية لنفسي تدل على الشجاعة وغبي ليصدك
بالقاح مايخليك تصاب كورونا
زيد : انت منو وتحجي الدكاترة تكول
لقاح لياخذه بعد ماينصاب كورونا
رائد : ابن خالي هم ضرب خطيه لقاح كورونا اشو وره لقاح انصاب كورونا مباشرة هاي كلها كلاوات جاي يمشونها
برأس الشعب المسكين .
حسام : اي والله شنو الفائدة اخذ لقاح وتضربني كورونا
مابي حماية بس مجرد لقاح تاخذه كلها
كلاوات .على كولتك
بقوا يحجون على كورونا ولقاح كورونا ....واحنا واحد بصف الثاني نمشي ايي هسه ننعدي وهذا رائد ولا مهتم لكورونا حسب علمي بعد يومين منع حظر تجوال
عاام بكل محافظات العراق
يكولون عداد كورونا زايده الله يستر .
رجعنا على البيت عمي رزل اخوي الجبير شلون تطلب منه يجي للبيت شلون تدخل رجال غريب وسني وابن عدو ابوك بنص بيتك نزل بي اخوي دوسة ونص
كاله العالم خوش عالم واهل اصل وكرم وستقبلوا أمي مرتين بيتهم بكل إحترام وأبوي يحب المره كلش ويقدرها وتحترمها هو وصاني قبل لايموت بعشرة أيام
وكالي بس تشوفها لو تجي لعندك اريدك تستقبلها وتحسبها بحسبه امك واخواتك شلوون تريدني اكسر وصية أبوي الله يرحمه واحنا العالم ماشفنه منهم شي بس
من عده عركات ابنها
ويانه والولد مبين ندمان وشفته شلون جان محترم وجان قبلنا بالمقبرة منو من ولد العمام والخوال سوه
سوايته منو جاوب منو عمي
خله ومشى عمي ومؤمن هم وياه ماعرف شنو سالفة مؤمن ويه عمي صايرين فدمرة ربع والله بالليل حاجيت رائد
وكلتله أنت مو كلت حاربت بالموصل الربع اشهر
شلون كلت سبع اشهر وتسعة أيام؟
_كذبت عليج بالبداية الصح حاربت سبع أشهر وتسعة أيام وراها تم سحبنه من جبهة القتال اني وجلال ابن خالتج واحد ويانه من الجنود لان وساطة عالية وطلب
من امي جان .
_هاا الله حماك وحرسك
_الله الحامي والحارس وان شاءالله دوم حارس حماة الوطن
_ان شاءالله
سوالف عادية نحجي وراها اجت مرت أخوي تحمد بي وتكول شلون هيبة وشلون طول وشلون ضخامة ورزانة وشلون متكلم سكت عمي للابد خطية ههههه
وكل البنات يحجون بي عطبت من يمي بس مابينت الها وسألتها حجي اخوي صدك أبوي موصي
بخاله ام صدام ؟
_اي عمتي كالتلي قبل شوي
_مادري أني
_ولا أني يلا نامي قبل لا تنامين اخذتي علاج رفع المناعة
_لاا
_دمشي اخذي لا تجيج كورونا
كمت اخذت علاج رفع المناعة كل مرة اخوي يجيب منه نأخذ مثل لقاح هذا مرت الايام وحظر تجوال صار لاطبه ولاطلعة ورائد كال اليوم أمي تتصل بأمج وتكوللها
نريد نجي نخطب زينب موافقين .
متت من الخوف ماعرف ليش للعصر اتصلت بأمي وامي كدام امي واكفه امي كالتلها اشوف خوانها وعمامها واردلج
الجواب بالليل ان شاء الله
فصلت الخط وتباوعلي...
مرة المليون يجون خطابة ههههه
_اي وشنو قرارج ؟
_والله أني من جهتي موافقة الولد خوش ولد ورزن
وامه يامحلاها وانتِ اقبلي مو ماارريد
ماااريد والله اكسر راسج
أبتسمت وكتلها ...
بكيفج يمة
_اللهم صل على محمد وآل محمد وأخيرا
كالت كلمة تنشف القلب
_هسه اخواني مايقبلون
_اخوج الجبير ومسلم موافقين بس يبقى مؤمن وعمج
_طيب عمي شعلي ؟
_هو الجبير ولازم نستشاره
_هسه يرفض
_لا مايرفض ابوج موصي وكايل بس تجي
تخطب سهاد انطوها زينب
_ابوي هيج كال ؟!!
_اي يمة الله يرحمه هيج كال قبل لايموت بعشرة
أيام عبالك يعلم راح يفارقنا
صارت تبجي وأني هم ابجي بمكاني واكفه شوي وتدخل مرت اخوي كالتلها امي كالت ان شاءالله خير العصر كالت لاخواني مسلم وابو مصطفى قبلوا اما مؤمن تخبل
ماقبل كال مانطيها لو على كص اركبتي مانطيها .
تعاركوا ويا اخواني خله وزعل وره نص ساعة دخل عمي ويا زيد يصيح ويغلط على اخواني شلون تنطون اختكم لابن الغربية شلون تكسرون كلمة ابوكم شلووون
البنية ناهي عليها اني عمها واريدها الزيد فوك مرته .
أني تخبلت من هيج كال كمت ابجي مرت اخوي يمي بغرفة امي امي طلعت تعاركت ويا البنية بتي اني مو بتك ومالك
حق تنهي عليها ابنك مزوج لا توكف بنصيب
البنية خلها تزوج .
تعارك ويا امي ...
البنت بت اخوي واني عمها والي عليها يأخذها زيد
فوك مرته يعني ياخذها وأنتهى الموضوع
صاروا ملخ ويكتلك القهر اخوي مؤمن طابك وي عمي ويكول ابن عمي اوله من ابن الغربية نسيتوا شسوه بينه نسيتوه كلمه منا وكلمة منا اخوي ابو مصطفى تعارك
وي مؤمن وطرده من البيت كله وكاله مالك دخله بهذا البيت ياكلب تريد تدمر حياة أختك علمود مصلحتك واختي
مانطيها لابنك لو تنكلب الدنيا
وامشي بوصية أبوي.
مؤمن كال بس تنطيها والله العظيم اكلب العرس
عزززة واقتلها قبل لايزفونها
عمي هذالك هدد بالقتل كال اقتل ابن ..... الغربية اقتله واحمي من الوجود جان يحجي بحدة زيد كذلك إيست من سمعت الكلام والتهديد مراح اصير الرائد
وضاع حبي الأول منورة اخوي . وعمي وابن عمي الشفية شوي وراحوا أخواني يحجون على مؤمن يكولون طابك ويا علمود مصلحته ادري بي غشمرة
ويريد ياخذ قطعة الارض اللي بصف حقل الدواجن الثول مصدك راح يدخله شريك ويا بالحقل أمي هم نزلت دوسة ونص وكالت ارد الجواب للمرة خطيه
خوما تبقى تنتظر
حسام : لتردين هسه انطيني مجال افهم الغبي مؤمن راح يضيع نفسه وافلوسه وي عمي الطماع
مسلم : هسه يغشمره وياخذ الكو والماكو ادري بي يريد
زينب لأن الحصة الأكبر الها من الارض
امي : كلتله علي لا تسجل نص الكاع بسم زينب عوفها
باسمك هسه علمود يريد ياخذ زينب لابنه
العار وفوك مره وجاهلين .
ماتحملت صعدت فوك مقهورة وابجي اجتني رسالة على الخط كمت للتلفون جانت من رائد كاتب
بشري حمامة غراب ؟
نزلوا دموعي أكثر وكتبت ...
غراب ابكع رائد
_هم رفضوا وتالي وي أهلج ؟
_اهلي قبلوا بيك بس اخوي مؤمن وعمي وزيد
_ليش بلا رفضوا ؟
_عمي نهة علية ويريدني الزيد ابنه فوك مرته
_انعل ابو عمج يابو ابن عمج ويابو الخلفوها هذولة
يردون يموتون بس مايعرفون شلوووون
_اعصابك رائد
_هي بقت اعصاب بعد يرفضوني بعد ماهلج وافقوا شلون هيج شلون صارلي سنوات صابر يجي ابن عمج البريعصي وعمج ابو الدجاج يرفض ويريد ياخذج من عندي
اموت وهم ماانطيج زينب .
_احس مالنه نصيب رائد
_والله احرك الدجاج فوك راس عمج دجاجة
دجاجة بس خل يصبرلي
_شراح تسوي رائد ؟!!
ماجاني الرد راسلت مرة ثانية هم ماجاني الرد خفت كلش من رد فعله اخاف يسوي شي انوب تذكرت حظر التجوال وماكو مواصلات بين المحافظات وبعد يومين يلا ينشال
رجعت تواصلت ويا راسل حجيت ويا وفهمته اخوي كال لامي لا تردين الجواب هسه انتظري لما اشوف حل وكلتله كل القصة تخبل بالزايد من عرف عمي داخل بطمع
وصار يتحلف لعمي وابنه زيد الليل مانمته من الخوف من رائد وامي ماردت الجواب ثاني يوم الصبح اتصلت ام صدام وامي كالتلها بعد انتظري خيه ان شاءالله خير
فرحت الخطية لان انطتها أمل .
رجع اخوي الجبير نفس الشي كال معند ويكول مااخلي
زينب تصير لابن الغربية احنا شيعة شلون ننطي
لسنة وفوك كلشي من الأنبار
عمي داخل بطمع صعدت فوك ابجي هم راسلني رائدكلتله بالقضية تخبل صار بركان دز بصمة صوت خلتني ارتعش من الخوف جان يحجي بعصاب ويتحلف لعمي .
اصلا ندمت وصلتله كل الأخبار بالتفاصيل ادري بي مخبل وعناد ويريد المشاكل من الله تجي اله .
رائد جنت منتظر ردها احر من الجمر وتردلي الخبر هي تالي الليل عمها رافض ياكاع انشكي وابلعيني يريد
ياخذها للبريعصي زيد .
بقيت لازم اعصابي بالبيت مابينت لامي رافضيني امي اتصلت ثاني يوم وامها مارجعت الجواب خطية امي تكول بيها صالح مادام تأخرت احس واني اهل اهلي محترك
كاعد يم أمي وجتني رسالة تهديد من رقم مجهول كلها بالقتل واترك زينب كمت شوي ويجيني أتصال فتحت الخط رجال يحجي ويا كله بالتهديد اقتله واذبحك
أنت واهلك وإذا مابتعدت عن زينب راح اخلي مؤمن ابن اخوي وابني زيد يركعونكم هاونات ويشيلونكم انتو
وبيوتكم من اساسكم تعاركت ويا بس ماهددت
فصل الخط بوجي دمي فار صار يغلي ابو الدجاج يهدد بقتلي ويركعني هاونات اطلع كواد ابن كواد إذا
ماخليتك تتوسل بي .
مروا يومين وامها ماراده الجواب امي رادت تتصل كتلها عوفي مبين صاير عدهم شوي مشاكل خلي شوكت ماترده ترده واليوم رفع حظر التجوال وعادي
اروح أسافر لغير محافظة .
كعدت بغرفتي وافكر ...
ماصدكت حبتني وقبلت أخواتها أثنين يقبلون يطلعلي مؤمن اخوها من صفحة وعمها وابن عمها من صفحة لو هذا هم حظي الفكر اجيبها منا تطلعلي منا عوجة .
بقيت أفكر شلون ....اخليهم ينطونها لي اجت بالي هواي أفكار بس اغلبيتها شيطانية وخطرة تذكرت عمها عنده حقل مال دواجن باب رزقة هذا كلت اهدده بي ان مانطلني
زينب وشال ايده راح اركع حقل الدواجن بالقادفة وفلشه تفلش كمت شلت القادفة بجتفي بالجنطة شمرتها
بالسيارة رجعت للبيت كلت لأمي طالع أني
لبغداد وي ربعي للزيارة الكاظم(ع) وطلعت عدل للحلة وصلت وي سواد الليل نزلت شديت القادفة وكعدت بعيد عن حقل الدواجن انوب تذكرت بي عالم وناس شلون ؟إذا قتلتهم معناها قتلت ناس أبرياء مالهم دخل ؟!!!
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال27 بسرعة .