هلاو هلاو يااصدقاء شلونكم طبعا اني هسه الكاتبه ✌❤ راح اكتبلكم بالاسطر القادمه روايتي الي متحمسه اكتبها واتمنى تحوز اعجابكم وتنال رضاكم ❤😊 وهسه انطي لقلم لبطلتنا الحلوة 😘💙
لمار : هلاو يا حلوين شلونكم اعرفكم عن نفسي اني لمار بطلة روايه الي بين ايديكم 💙 اسمي لمار وعمري 25 وساكنه بغداد واني خريجه ادارة واقتصاد قسم محاسبه واشتغل بلمصرف اداوم 5 أيام ويومين ريست وهسه اعرفكم عن عائلتي 💙🦋
.
.
ماما : السلام عليكم اسمي زينب وعمري 62
حسين : شلونكم عيني اني اخو لمار الكبير وعمري 32 واني محامي اشتغل بشركه شعبه قانونيه
محمد : هلاو اني محمد اخو لمار عمري 27 واني صيدلاني 💙
مؤمل: هلاو اني اخو لمار الزغير عمري 23 واني مصور سينمائي 💙🦋
. طبعا بابا متوفي وهوه عسكري وتوفى من إحنا زغار بهل سبب ماذكرته🥺💔
.
.
.
وهاي صورة لمار❤
وهسه ننتقل لبطل قصتنا الجنتل
احم احم :: شلونكم يابه اعرفكم عن نفسي ينان عمري 32 سنه واني نولدت وكبرت بكندا بس قبل 4 سنوات رجعنا لبغداد واني خريج إدارة واقتصاد قسم ادارة اعمال وعندي شركه سيارات واني من عائله غنيه وعدنا شركات بكندا وفروعها بلعراق وكذا المهم بعد شوي تعرفون اكثر عن عائلتي هسه اعرفكم عن اهلي:
.
.
الوالد: حسن العمر 72
الوالدة: ليلى العمر 65
سعد : اخو ينان الجبير وعمره 35 ومزوج حبيبته لمى وعدهم بس طفل واحد اسمه انس وعمره 4 سنوات
علي : اخو ينان الوسط وعمري 26 مزوج وهم ماعندي اطفال
احمد: اخو ينان الزغير عمري 23 مزوج وماعدنا اطفال
زهراء : أخت ينان الكبيرة وعمري 30 مزوجه وعندي ولد اسمه عمر وعمره 6
روح : أخت ينان الوسط وعمري 28 مزوجه وعندي طفله وحده اسمها مسك
رزان: اني دلوعه ينان ومدللته واخته الزغيره عمري 25 واني مامتزوجه ومحاميه بشركه ينونتي 😂❤
ينان : طبعا هاي عائلتي الزغيره كولش😂😂❤
وهذا بطلكم الصاك ينان
.
.
ونرجع ويه لمار: اممم طبعا تعرفتو علينا هسه ندخل بحياتنا ونعيشها هسه احجيلكم عن حياتنا بدون بابا وشلون كبرنا طبعا بابا توفى من امي ولدت اخوية مؤمل يعني بعد ولادته باشهر وبقينا وحدنا وامي ياامي صارت هي الأم والاب وهي الروح والنفس هي كولشي وربتنا احلا تربيه وعشنا احلا عيشه تحت حنانها وجناحها واهل امي واهل ابويه متمكنين وماعافونا ابد وعدنا بيتنا جد كبير ابغداد واحنا كلمن عنده سياره ومدللين وهم عائلتنا متمكنه وعايشين بيسر ❤ الحمدلله ... بلنسبه الي يومي عباره عن كعدت الصبح اروح اداوم ارجع للبيت شغل وكذا او طلعات ويه اهلي وصديقتي الحلوة غرومة وهيج مخلصه ايامي ونسه وشغل 😂💔.
.
هلا عيني اعرفكم عن نفسي اني غرام صديقت لمار الروح بالروح واحنا بكلشي سوة وواحد ومن الابتدائيه لليوم سوة❤ ونسيت اكولكم ثنينا سنكل وعنوسات😂💔
.
.
لمار : اممم هاي شوي شغلات عن عائلتي واكو شغلات ماكدر احجيها هسه بلبارتات الجايه تعرفوها وتفهمون الغازها😘🤔 .
.
.
.
ينان : طبعا كتلكم عائلتي سليله للشركات والتجاره وعدنا 5 شركات متنوعه بين ملابس وسيارات و..الخ واني حصتي شركه السيارات وعائلتي هادئه ماعدنا شي واما بلنسبه بحياتي فاني عندي سر مدفون وبعدين حتعرفوا💙 المهم حاليا اني اعزب وكاضي حياتي بين شغل وونسه وطلعات وسفر ومتونس بمعنى الكلمه اما بلنسبه لشريكه حياتي اممم عندي صفات خاصه الها واتمنى الكه الاميره الي بيها هل صفات واحس مستحيل انو الكاها 🥺💔 المهم هسه بعيد عني اني عندي صديقي الغالي وحبيب قلبي الي لمتني بي احلا صدفه قبل 4 سنوات والي هوه المحامي حسين ( اخو لمار الكبير ) لهنا وماكدر اعرفكم اكثر عن ماضي وشغلات ثانيه ان شاء الله بالأيام الجايه تعرفون الاسرار..... طبعا حاليا حسينو مهوس علينا ويريد يعرس عيني وداندورله ع عروسه 😂❤ ( طبعا اني اعرف انو حسين عنده اخوة ثنين وأخت وحده بس اني شايف اخوته بس اخته ابد ماشايفها واصلا حتى لو شفتها هي اختي ... هذا توضيح فقط😊)
.
.
.
لمار: طبعا هاي الفتره اخويه حسين يريد يزوج واحنه مكيفين على هل شي بس المشكله اي بنيه يشوفها هاي طويله وهاي كصيره وهاي هيج وهاي هيج ويتنعوص علينا حسين افندي المهم اني هسه كاعده اشتغل ع كم ملف عندي من المصرف اممم اممم
حسين : لمار لمار لج لمار وينج؟؟
لمار : ها حسني شبيك اني بغرفتي؟؟
حسين ( وهوه طب لغرفه لمار ) ما بيه شي بس امي تريدج روحيلها
لمار : ها وك رايحه ( طبعا هي نست تلفونها على صورة صديقتها نور الصاكه وبقته مفتوح )
حسين : راحت لمار وجان اشوف تلفون اختي مفتوح كلت خل اسده وما اشوف إلا بنيه تجنن بلتلفون صفنتني كلت اي والله هاي عروستي😂❤
حسين وهوه يصيح : لمار لموره وينج ولج
لمار : ها شبيك ثواني
حسين : تعاااي بسرعه
لمار : ولك شبيك انته اجيت عابت
حسين: تعاي هاي منو ( وهوه حط الفون كدامها وعليه صورة صديقتها)
لمار : يا نذل ياخسيس منين فتحت الفون وشفتها جيب حقير متستحي
حسين: نجبي وكولي منو هاي
لمار : اممم مبين عجبتك وهي تغمزله😂🥺
حسين: اي والله خيه حليوة هاي منيه
لمار : صديقتي وجيب الفون حرام
حسين : اي منيه منهن
لمار : وهي تكله وتعرفه ع صديقتها
حسين: وك كوليلها اني اريدها واذا قبلت باجر اريد انشوفها
لمار : وك هسه جيب الفون
حسين: وك منتضرج
لمار : .......
بعد ماراسلت لمار صديقتها ونور طارت من الفرح وكيفت اتفقوا انو باجر يرحون لمول بغداد هيه وغرام ونور وحسين حتى يشوفها لنورة ❤.
.
.
.
الساعه 7 ص
لمار : ترن ترن ترن
لمار : هففف وهي تطفي المنبه اممم اصبحنا واصبح الملك لله كمت غسلت وجهي وفرشت اسناني وتوضيت وصليت الفجر وكملت رحت اخذت ملابس وبدلت ومشطت وتعطرت و هسه نروح للمصرف يلا للدوام😂❤
لبس لمار للدوام 👆👆❤
وصلت للدوام وجان اشوف غرومتي الحب وبوسات وحظنات وهلا بريحه هلي ومشينا سوة واشتغلنا وووووووو مر الوقت بسرعه وصارت ساعه ب2 الضهر كمت حضرت غراضي وطلعنا اني وغرام ورجعنا للبيت.
.
.
طبيت للبيت سلآم ياحلوين
الكل : هلا بلمورة
زينب(الام) : يمي لولو بدلي وتعاي تغدي ويانا
لمار : من عيوني حبيبتي ابدل واجي ورحت بدلت ونزلت ودااكل
حسين: لمار على اتفاقنا ساعه 4 نروح للمول مال بغداد بشارع النهر اني وصديقي ينان راح نروح وحدنا وننتضرجن هناك تعالن سوة
لمار : وك حبيبي
الام : يروحي ان شاء الله من نصيبك وافرح بيكم ياعمري انتوا
الكل : الله يحفظج النا يااحلى نبع حنان ❤😘
لمار كملت وكمت لملمت الغراض وغسلت المواعين وصارت ساعه 3 كمت بسرعه بدلت لبست
وفتحت شعري لانو هوه سرح وبقيته نفسه ولبست كعب عالي ذهبي وميك اب بس ايلاينر وحمره حمرة وتعطرت ونزلت من غرفتي لكيت غرام جايه اخذتها وبوسنا امي ورحنا طلعنا لكينا نور بنص الطريق واكفتلنا بمكان صعدت ويانا بلسياره وسوالف وضحك واني وغرام نتشاقه ويه نور لمن وصلنا نزلنا وطبينا للمول ورحنا للكوفي بس ماشفت اخويه حسين كما اتصلت عليه
.
.
حسين: الو ها لمورة وصلتو
لمار : ي حسوني وينك إحنا بلكوفي
حسين: حبيبتي اني صعدت فوك يم محل ساعات دااشتري كم شغله منه واجيكم بس بقيتلكم ينان جوة موجود غرام تعرفه لأن شايفته روحن يمه
لمار : تمام خيو يلا باي
حسين: باي
.
.
لمار : اني اعرف اخويه عنده صديق اسمه ينان بس ماعرف شكله ولا شي ابد مشايفته كلت لغرام كالت هذاك ينان ومااباع إلا شاب عيونه خضر واشكر وجنتل وحلو كولش مااجذب ماجذبني بس ماكدر احب او اي شي لأن الماضي مانعني.
.
المهم رحنا لينان وصلنا للطاوله مالته..
ينان : بعد ما حسين اتفق ويه اخته ع صديقتها انو هيه حلوة وعجبته المهم رحنا هسه للمول دنشوفها وحسين كال عنده كم شغله فوك يجيبهم كتله وك راح واني بقيت جوة انتضر البنات حتى ابقه يمهن وورة شويه رفعت عيوني وماشوف إلا ملاك ويمشي ويمها غرام اعرفها بنيه تصير امها صديقت امي وياهم بنيه ثانيه شكلها حلو وعادي بس هاي الي بلنص لا دمار حسيت لكيت اميرتي عيونها عسلي يخبلن وشعرها اشكر يتمايل ويه خصرها ولبسها واناقتها ونعومة ايدها يالله سحرتني
.
.
لمار : وصلنا وهذا ينان اكلني بنضراته اكل والمهم غرام كالتله هلاو ينان
ينان : هلا غنو شلونج تعالن بنات تفضلن
لمار : طبعا اكو قنفه كدام ينان تكفي ثنين كعدن بيها نور وغرام ومابقالي مكان بس الي يم ينان 🥺🥺 رحت كعدت يمه عادي 😂🥺 ..
.
.
.ينان : سلمن وجان يكمزن غرام وهذيج البنيه بلقنفه الي كبالي والملاك بقت واكفه وبرطمت 😂🥺 وجان تكعد يمي فدوة ردت انتحر كيكه كاعده يمي.
.
.
. لمار: اممم كعدنا وينان وغرام سوالف اني عادي صافنه انتضر حسين
ينان: هي صافنه ابد ولا يمنه وجان يجي الكابتن البنات رادن تركش كوفي وهي رادت بلاك كوفي حتى بهل شي مميزة اني طلبت نفسها وراح الكابتن بهل اثناء اتصل تلفونها جان تكول عن اذنكم وكامت راحت وكفت ع جهه وتسولف وتضحك ووجها صار احمر من الضحك تخبل.
.
.
لمار: اجه الكابتن وطلبنا كوفي وراح يجيبهم وجان يدك عليه حسين اخويه كتلهم عن اذنكم ورحت وحسين كال داانزل الدرج ويسولف ويحجيلي نكت واضحك😂😂.
.
.
ينان: عيني عليها متت كلت بس لا هاي راح تصير مرت حسين كلت خل ابوك لسان غرام .
.
ينان : غرام
غرام : نعم ينان
ينان : ما عرفنا منو سعيده الحظ الي راح تصير مرت حسون ان شاء الله
.
غرام: اممم هاي ( وهي تاشر ع نور الي بصفها ) سعيده الحظ نويرة
ينان : أهلا وسهلا بيج أخت نور
نور : هلا بيك خويه تسلم
ينان : ادللي مرت اخويه
ينان ': غرام لعد وهاي لبنيه منو ( وهوه ياشر ع لمار )
غرام : هاي اخت حسين لمار
ينان بتعجب: أخت حسين ماشاء الله
بهل اثناء اجو حسين ولمار وسلام وضحك وحسين اخذ نور وراحو طاوله وحدهم يتعرفون ولمار كعدت يم غرام وضلو صافنينن .
.
.
ينان: اجه حسين وجان ياخذ نور حتى يتعرفون وكعدت لمار كدامي هي وغرام واريد احاجيها بس ماعرف شلون لأن شكلها كلش حديه ومتنطي مجال ابد
.
.
لمار : حاطين الايد عل خد و3 صافنين كلت هذا الفاهي صديق اخويه خل اتونس براسه 😂💔.
.
.
لمار : هي انته شبيك صافن صاطرك العباس متحجي متعرف عن نفسك اني ابد ماشايفه واحد من اصدقاء اخويه هيج فاهي ويتصفن
.
.
ينان بتعجب: اني داافكر شلون احاجيها و جان تصدمني صدمه😂😂😂 كتلها علكيفج عيني بعد تعاي كتليني أم لسان
لمار : حطمتوني بجمودكم انته وغرام احجو شي هي اعرف كلشي عنها انته متحجي
ينان: اي عيني ادللي نعرفج بس صبري علينا ناويه النيه القاضيه مبين
لمار: بابتسامه دمرت قلب ينان
ينان: خرب ضحكت ضحكة يالله 🥺❤ كتلها دوم ان شاء الله
لمار: بلا دوم احجوو
ينان: اسمي ينان عمري 32 وصديق اخوج تعرفين هل شي
لمار : اي اعرف اممم عاشت الاسامي والعمر كله فرح وسعاده يارب.
.
.
ينان : تسلمين وردة وانتي شنو اسمج.
.
.
لمار : اسمي لمار وعمري 25
ينان : عاشت الاسامي والعمر كله
لمار : مرسي 🥺❤
ينان : انتي هم محاميه مثل حسين لو شي ثاني
لمار : لاء اني خريجه ادارة واقتصاد قسم محاسبه
ينان : ها حلو موفقه اني هم خريج إدارة واقتصاد قسم ادارة اعمال
لمار: اها حلو 😊
وجان يجون حسين ونور كعدو يمنا والتمضحك
حسين: لمورتي باجر ماكو دوام تاخذين اجازة
لمار: ليش عيني
حسين: باجر من صبح نروح لبيت نور نخطبها
لمار: اي مو رايحين نحرس البيت مو نخطبها
الكل: ههههههههه .
.
.
حسين : بعد ما سولفنا وكملنا يلا اني وينان حنروح
البنات:' اي واحنا هم حنروح عدنا موعد صالون
حسين : وك اني حروح للبيت
ينان: اني هم يلا باي حسونتي
حسين: باي حبيبي
ينان: باي بنات
البنات: باي ينان .
.
.
البنات طلعنا وبوجهنا للصالون وسوالف وشغلات اغاني وكذا بلسياره ونضحك ويه نور انو حتزوج وكذا
حسين : رحت للبيت لأن تعبان
ينان: صعدت بلسياره وبالي كله يم لمار كلت لازم ارتبط بيها واخذها بس الي هاي ملكي ونسيت اخذ رقمها المهم بطريقي للبيت واني ضايج انو نسيت اخذ رقمها واصادقها
لمار : وصلنا للصالون ونزلن البنات قبلي اني دااطبك السياره كملت نزلت وامشي بوجهي للصالون مااسمع غير صوت ورايه
الصوت :: لمار لمار لمار !!!
لمار : انداريت وجان اشوف😨😱😱
.
.
.
يتبع ......
لهما وانتهى البارت الاولى اتمنى يعجبكم طبعا القصه نشوفه وبيها كومه احداث وتفاصيل اتمنى تعجبكم ومنتضره ملاحظاتكم حتى اعدل الاخطاء إن وجدت سواء بطريقت السرد او باي شي ثاني متمنيه إن تنال اعجابكم واحبكم😁🥰