#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
رائد بعد نقلي ارتاحيت شوي ماكو ضغوط بالشغل وماكو احد يذكرني بزينب وسوالفها جاي احاول انساها بعد
ماشفت بت المسؤول ابو يونس
عنده بنية مكملة دراسة ومدرسة بالمدرسه تداوم حلوة كلش ومربربة وطويلة اطول من زينب وكشخة وكذا
ومتكلمة مو مثل ام الصخول
كالت صخلة ام عداي وكالت الصخول الكوريين هي مني
وبي وهم سنية وإذا اتزوجها راح اكعد على العرش
مثل ماقاسم كاعد على العرش
وهي منا زاحفتلي كلما اجي وي ابوها تطلع كدامي وتباوعلي تلمح لي معجبة وأني قلبي كلما يكول هاهية بعد توبة
إذا احب يرجع يحب من جديد
نزلت للبيت بالليل وره العشة سيارة وصلتني باب البيت ابو يونس مدللني دلال عمي ملك أني هههه وصلت البيت
سلمت على أهلي وعدل لغرفتي
سبحت وتمددت فوك الجرباية نزلت جم منشور عالانستغرام وبقيت اقلب على حسابات البنات طكت روحي جاي
اشتاق لأيام قبل شحلات ايامي جانت
وتذكر ايامي وي ام ساندي ميس الجميلة راحت كلها حرامات وتذكر شلون ذليت نفسي علمود ام الصخول زلقت
روحي زلق ومانطونياها .
يايابة بس هي بقت حسرة بقلبي ولحد الآن حسرتها
باقية بقلبي يمكن لو اخذ بوسة منها
تنفتح هل الحسرة لبي
دخلت على استوري حسابي اشوف المشاهدين بلكت الله شايفة الستوري مالتي بت المسؤول ابو يونس رهف
وفرحتي جانت شايفة الستوري
ومخلية صورتها الشخصية طرت من الفرحة بس استغربت حساب جديد واسمه زينب علي وفراشة بنهاية الاسم
مخليه قلبي طفر من مكانه
_هي ماكو غيرها ام الصخول
عفت رهف ودخلت للحساب جان عدد المتابعين ١٣٥٧ألف متابع ومنزله٣٦ صورة ومتابعة فقط ١٧ متابع
وصورة نص وجه اي هي زينب
فتحن الصور الأولى صورة لابن ...أخوها عرفته وبنات اخوها وصورة لها بنص وجه بقيت اقلب بالصور صورها كلها نص وجه لو بس الشفايف تخبل صايرة
تنكرط كرط شفايفها حلوات جنهن حبة كرز بس مال بوس هاي وين رهف الدبة وين ؟ صور لأبوها حاضنته منورة
ظهره ومخليه سمايل على وجهها
وصور وي اخوانها وصور عرس تذكرت عرس اخوها الجبير بعد ماطلق مرته السحارة فرحت لها من طلقها
منوراها هي زينب ماحبتني
اخذت سكرين لكل صورها جريت النفس بحسرة وكسرة وخنكة كلهن صارن بي ليش اجت وشافت الستوري
مالتي ليش ثبتت وجودها
مرة ثانية بحياتي ليش كلما اوصل لمرحلة انساها بي تطلع كدامي وتخليني ارجع اتمسك بيها دخلت للستوري
جانت منزله صور لايديها
وصورة لنص وجهها مخلية صبعها وساحبة عينها استغربت شنو هاي بلا ؟ تسحب عينها بصبعها وتاخذ صورة
من خبال الخبلج ام الصخول
فرحت من ماشفت منزلة صورة للصخول والصخلة ام عداي اجت بالي اراسلها بس كبريائي منعني عفت حسابها ودخلت لحساب رهف ماعندي أي رغبة بيها
مثل قبل عندي رغبة برهف من شفت زينب رجع قلبي ينبض الها حساب رهف جان خاص مادزيتلها متابعة ولا راسلت
زينب صارت بين عيوني ونار الغيرة اشتعلت
بي شلون اهلها يقبلون تنزل صورها على الانستغرام والولد تتغزل بيها اي تتغزل رجعت دخلت للحساب جانت سادة التعليقات والايكات بال١٢٩ وأكثر عدها
دخلت قائمة لايكات اغلبيتهم ولد ولد نار شبت بنص صدري الولد ينطونها لايك الصورها وهي حلوة ومنزلة نص وجهها وتارسته سناب شات مغيره جهرتها
بس بعض الصور هي نفسها معروفة. بقيت اقلب بصورها لو اشوفها كدامي اكسر التلفون فوك رأسها شمرت التلفون
روحي بخشمي صارت
تنزل صورها على الانستغرام شلون تنشر روحها ابوها شنو كواد اخوانها شنو كواويد كمت جبت التلفون وطفيت
الضوه رجعت لفراشي والتلفون بحضني
اريد انام مايجيني نوم احاول انام تجيني افكار براسي الولد يتغزلون بيها وهي تضحك فرحانة لأن يتغزلون بيها ويشتهونها فتحت التلفون بسرعة
الساعة جانت بالـ ٢ بالليل دزيتلها رسالة ...
زينب حذفي صورج من الانستغرام فوراً ولما نحذفن
راح تشوفين شي بعمرج كله ماشفتي .
رجعت قفلت التلفون مايجيني نوم الساعة اباوع لحسابها اشوف شافت لو لا اذان اذان الفجر ومالايحني النوم كمت توضيت وصليت كملت صلاة
رجعت لفراشي عيوني يوجعوني مناك تعبان من الواجبات مشايف نوم قليل أنام اجي هنا ارتاح لو تطلعلي ام
الصخول تشلع قلبي شلت التلفون
ودخلت ابتسمت وي دخلتي .... شافت الرسالة وافقت
على الطلب جاري الكتابة طلع
ارتاحيت كلش .من كتبت
_مو من حقك تأمرني بحذف شي يخصني ومايخصك
_تحذفين الصور لو لا ؟
_لا
_طيب جاي تختبرين صبري ام الصخول
_الف مرة اكولك لتكول ام الصخول ومالك دخل بي ماعنيك بشي يا اخي شكد حشري تحشر نفسك بحياة
العالم الغرب هسه مدخلين بحياتك ؟
_ تعاي وتدخلي من لازمج ام الصخول تبتي من صخلة ام عداي وصرتي تنشرين صورج علني جنج ذني الموديل
والولد الساقطين يتغزلون بيج ...
وين ابوج وينهم اخوانج من يمي صاروا شرفاء مايجون يشوفون صور بتهم على الانستغرام والولد تتغزل وتشهه
بهل شفايف والخدود والعيون والحواجب
والجسم جنه جسم لعابة ام الربع .
_شعليك ؟!
_علية ونص وحق أمير المؤمنين علي ابن ابي طالب (ع)اذا مانحذفت الصور اسوي بيكم بلية منا لصبح وتعرفين بي
ابو البلاوي والمصايب ورأسي ...
يابس وعناد وأفعال هم و اخاف مرتاحين صارلكم كم شهر والله اسوي بيكم العمايل السودة فـ عذر من أنذر ام
الصخول احذفي الصور وبطلي نشر صورج .
_بس اريد افهم شعليك بي ليش تدخل بشي مايعنيك
اهلي قابلين انزل صوري انت شكو بعد
واكع بالنار وتهدد .
_زينب حذفي الصوووور لو بالقرآن اطلعلج من الجهاز
اكفر بيج كفران حذفي الصور احسلج
_ماحذف وشسوي سوي
_تعاندين
_اي
_طيب شرايج لو ننزل طركاعة سودة براس العريس ؟
_اخوي شدخله بالنص
_دخل وخلص هسه اخوج لو الصور ؟
_عوف اهلي شتريد من عندي لازك بي وتتحكم بي بكيفك!؟؟
_مو أني لازك بيج هاي أنتِ لازكي بي وتذكريني بنفسج كوه مو كطعت صارلي اشهر وكلت اتركها واشوف مرية غيرها ولكيت المرة وردت ادخل الها خاص من شفتج ...
أنتِ شايفة الستوري كلبي كمز من صدري وراح عليج وماراحلها شسوي أني كولي ؟
_اني شعلي هي بالصدفة شفت حسابك طالع اكسبلور ودخلت بالغلط أنت لو تريد تكطع نفسك تكدر بسهولة تكطعها بس ماتتريد تكطع نفسك لان صارت شغلة
عناد وأنت من عشاق العناد وتحب المشاكل .
ضحكت بصوت عالي تعرفني الملعونة اعشق العناد والمشاكل كمت شعلت جكارة لنفسي ونمت على بطني
مستمتع بالمراسلة .
_اي اعشق العناد
_هذا غرور وكبرياء
_لا مومغرور أصلا فقيرون وعلى نياني
_واضح على نياتك خطية
_اي خطية أني ومكرود ومظلوم
_أنت مظلوم ؟ اصلا جاي تظلم العالم على حساب نفسك
_غلطانة شطب ريحان
_نخلص من صخلة ام عداي وام الصخول صرنا شطب
ريحان بلا ماتجوز من دك الألقاب؟!
_لا هسه معلينا من الألقاب كوليلي شلونج؟
_جنت زينة بس من حجيت وياك صرت مو زينة
_هسه اخليج تصيرين زينة ولا يهمج انتِ يم رائد ابو دم الخفيف والضحوك ابو أبتسامة ماتفارق
شفايفة الحلوات
_جوز مني
_ والله كلما اكول اجوز واسد بابج تجين أنتِ تدفري بقوة وتخليني اوكع صدك مكتلج صايرة حلوة وصورج
يخبلون خل اروح احفظهن عندي
ماردت ضحكت وجريت نفس من الجكارة ادري من كتلها اروح احفظهن راح تحذف الصور بسرعة دخلت حسابها الصور صاروا يختفون وحدة وره الخ
_مايجون إلا بالعين الحمرة هههههه
كتبت الها ...
ملعونة ليش حذفتي الصور قبل لا اخذهن ؟
دخلت الصفحة كل الصور لمنزلتهن نحذفت بس صور أبوها والاطفال خلتهن باوعت صورة البرافايل كتبت ....
صورة البرافايل عندي برنامج يسحبها
بدقة عالية ههههه.
شافت الرد مالتي وفجأة تطلعلي صورة صخلة ام عداي متتت من الضحك مادري اني هيج أخوف ماتدري بي كل
الصور صاروا عندي
كتبت ...
هاي ليش زلتي صورة البرافايل حلال على الولد
الانستغرام ياخذون صورج وحرام علية
ملعونة مثل ابوج طلعتي
ردت ...
لا تحلم اخليك تباوع لصوري ابو البنات ادري
بيك نظرتك قذرة
_غلطانة نظرتي مثل نظره الصقر بس اعاين اصوب وبالمكان تجي نظرتي مافديوم خطت نظراتي
_ايي بعد ابو البنات
_اروح فدوة للبنات أني شعندي غير البنات
_مادام حجيت وياك تعال كلي شنو من وساطة عندك مجمد نقل اخواني لاضباط لا شيوخ لا اصخام الا اللطام
يكدر ينقلهم ؟!
_مو كلتلج وساطتي قوية
_اي شنو من وساطة ؟
_شعليج انتِ هسه شلون اخوانج هههه
_مو زينين من وراك وخايفين كلش المكان لهم بي خطر جدا
_مو زلمة ليخاف من الموت
_قصدك اخواني مو زلم؟
_اي والله مو زلم يخافون من الارهاب والموت الزلمة الصدك يدخل برجليه للموت ومايرف له جفن عين
_وعاد انت زلمة وماتخاف اشو كاضيها بالوساطة
حتى حرب هسه الكاك ماداخل بعمرك
_دخلت حرب الموصل وشفت العجائب والغرائب وأكثر من مرة ردت اموت ومامتت بس عمي بلاخر سحبني برغم ماردت الانسحاب ردت ابقى قاتل وانال الشهادة
مثل الامام الحسين (ع) من خيروا آل أمية بين الاستسلام وا الموت واختار الموت على الاستسلام الموت شرف للجندي وجهاد والجهاد مايناله غير الابطال .
_ عليه السلام... ماتخاف من الموت تريد تقنعني ؟
_والله ياريت تدعيلي بالموت بكل زيارة الج وصلاة وانال الشهادة مثل الحسين(ع) ويكتبون على قبري الشهد والبطل ملازم أول رائد سلام الله والله العظيم حلم
عندي الشهادة من أجل الوطن.
خذت صفنه مبينه طلعت من المحادثة ردت ادخل على حساب رهف توني ردت ادخل وجان يجي ردها ضحكت ههه مو
اكول هي ماتكعد مني راحة عمي تريدني بس
تخجل تكول ههههه .
دخلت للمحادثة كاتبة ...
فال الله ولافالك بيش طالب روحك بالموت بعدك
بعمر الورد وكلشي مشايف من حياتك
جريت آخر نفس من الجكارة نفخت .... الدخان مبتسم الوجه هاي تحبني والله مادام كالت هذا الرد وردها مثل رد
أمي بي ملعونة جاي تكابر كدامي .
كمت طفيت الجكارة جريت المخدة خليتها وره ظهري وإرسال ...ليش مكتي هنيئا الك الشهادة ؟
_ماحب فكرة الموت اصلا واكره الفراق
_بس أني ماعنيج بشي واذيتج واذيت اهلج المفروض
تدعين علية الليل والنهار بالموت .؟
_حتلوه اذيتني واذيت اهلي مستحيل ادعي عليك بالموت أصلا ادعيلي الله يحميك ويحرسك مو علمودك أنت
لا علمود أمك وعلمود حامي الوطن .
_الله يحفظج
_ويحفظك ممكن طلب وأني ادري مراح تلبي
هالطلب بس راح اطلب
_اطلبي وخل نشوف شنو هالطلب بلا ؟
_انقل أخواني
_ههههههه
_دريت بيك قاسي مثل الصخر مراح يحن قلبك وتنقل
اخواني بمجرد طلبت منك هالطلب ؟!
_صعب انقلهم صعب
_هو شنو صعب ؟
_اخوانج يهددوني بالقتل ويكولولي نقتل زينب وماانطيها الك انت فدواحد چلب وسني انباري لا تعرفون علي (ع) واهل بيته (ع) ادري بيك جاي تمثل كدامنا محبه اهل بيته (ع)
علمود ننطيك زينب وهذا الشي ضوجني كلش وقلل من قيمتي ومحبتي لاهل بيته (ع)
_مادام أنت واثق من محبتك علي (ع) واهل بيته (ع) ماكو داعي تتعصب من كلام الناس يبقى كلام الناس مجرد كلام لا يأثر ولايضر بيك ولا يقلل من قيمتك
ومحبته لاهل البيت (ع)
_اي
_ إذا تحب علي (ع) وأهل البيته (ع) انقل أخواني؟
اخذتلي صفنه مبينه خلصت من تأثير السحر وإذا نقلت اخوانها راح تأخذ نظره حلوة عني ومحتمل تحبني
رديت ...لترديه يصير
_راح تنقلهم ؟؟
_لمحبه علي (ع) وأهل بيته (ع) ومحبتج
أنتِ هم راح انقلهم
_شكرآ جزيلا مراح انسالك هذا المعروف طول عمري رائد
_ طبعآ متنسي ههههه
_اي مراح أنساه وان شاءالله ارده لك بيوم من الأيام
_ان شاءالله ترديه
_ان شاءالله.. يلا مرخصتك طلعت
الشمس واني احجي وياك
_صدك ؟
_اي والله
باوعت على الشباك صدك الشمس طالعة ضحكت ...
هههه وياج يمشي والوقت بسرعة
ومادري .
_اي باي
_قبل الباي ماريد اشوف صورج منشورة على الانستغرام
لو غير برنامج ترى بالقرآن أسوي شي
مايعجب العائلة
_ماتجوز من التهديد ؟
_ناو
_باي
_امممح باي
حتى لايك ماخلتلي ملعونة فلتت شمرت التلفون كمت طلعت بره الغرفة عدل للمطبخ متت من الجوع الحجي
وياها فتح شهيتي على الاكل
فتحت الثلاجة حرت شطلع اكل جريت مصفي بي فواكه وجريت خيارة خليتها بحلكي فزيت من صوت امي
وانضرب راسي باب الثلاجة من رفعت نفسي
_منووو هنا
_اخخخ خرررب شبيج تصيحن تفلش راسي
_شسوي طاب بالثلاجة جنك جريذي ؟
طلعت احك براسي وشايل مصفي الفواكه ...
جوعان اخخ راسب تفلش أدري مخلينج
جندي حراسة على الثلاجة
_ادري شكعدك من الصبح مو كلت تعبان ومراح اكعد لل ١٢ وي
الصلاة ؟ وادري جوعان تاكل فواكه وخيار
تكرط جنك صخله
خليتهن فوك الميز جريت الكرسي كعدت واكرط
خيار بصوت عالي . اي هههههه
_صخله ام عداي هههه
_لا شامية ههههه
_خرب بيومك لا تاكل فواكه خل اسويلك ريوك تريك
_ماريد راح تطكين بيض وجبن واني نفسي لاعبة
من الجبن والبيض
_لعد الفواكه شنو تاكلها بالريوك راح تمعطك
_جاي اسوي رجيم سمنان يمكن
_وينك سمنان اصلا ضعفان وخدودك ذبلانة وين جنت هسه فدمرة ضعفان وجان عندك كرش صغيرون هسه
ماكو مختفي .
_اي قهر زينب كتلني
_القهر يكتل عدوك يمة هسه تلكة احسن منها لمونه نسوان
_لا مو لمونه بس هي غير كل النسوان بس احجي وياها
لو اشوفها نفسيتي ترتاح وافرح
_اي وشتريد هسه ؟
_ماريد شي جيبيلي شربت خل اشرب عطشت
_شربت
_اي يمة انطيني شربت خل ابرد قلبي انطيني .
_شبيك ؟
_حامي ههههه
_كضيت عمرك حامي ... هاك شرب البطل كله ماوصيك
_اي هههه وين ؟
_اروح أنام وين
_عليش اجيتي للمطبخ لعد ؟
_سمعت صوت واجيت اشوف شكو بالمطبخ عبالي
عتوي طلعت أنت العتوي ههههه
_عتوي مطابخ مضبوط أني هههه
_هههه تافه
_هههههه
وره مطلعت أمي اكلت وشربت كل بطل الشربت دخلت غرفتي نمت بس خليت رأسي على المخدة كعدت عالساعة بال١١ راسن أتصلت بالضابط وكلت خل ينقلون مؤمن
وراها هم اتصلت بضابط ثاني انقل مسلم اثنينهم بالحلة ينقلون ورها كمت اقلب بصور زينب واضحك ماحذفت بالتهديد حذفت بس كتلها اريد الصور ههههه .
مرت الأيام ونقلوا أخواتها رحت للدوام هناك راسلتني
وكالت شكرآ من القلب إلى القلب على
نقل أخواني 🖤
ضجت مخليتلي قلب أسود معناها تكرهني ؟!
ليش قلب أسود بدل القلب الاحمر ؟
_قلب اسود ؟
_اي دازتلي قلب اسود وقلب الاسود يدل على الكره
والاحمر يدل على الحب معناها تكرهيني
_لا والله لااحبك ولا اكرهك يمكن بالغلط
اجاك القلب الأسود آسفة
دزتلي قلب أبيض 🤍 وكتبت .. القلب الابيض يدل على
صفاء النية صفي نيتك حظرة الملازم رائد
والله ينطيك الصحة والعافية
_صحتي وعافيتي عندج انطينياها ؟
_رجعنا رائد
_تدرين بي احبج واريدج ماكو داعي تغشمين روحج
_صارلك هواي تحبني وكلشي ماقبضت من هذا الحب غير المشاكل وشلعان القلب ليش تشلع قلبك وتهين كرامتك
علمود مرة والعالم متروس نسوان
_وأني ماريد نسوان العالم اريدج بس أنتِ
_أني اكولك مافيدك روح اخذ مرة من ثوبك
ماتكدر تلبس من ثوبنه
_هيج صارت ؟
_اي والله ماريدك وأصلا شايلة فكرة اتزوجك وارتبط بضابط وفوك كلشي اهله عدهم عداوة وي أهلي بالماضي روح وانساني الله يرضى عليك وان شاءالله تلكه أجمل
مني واحسن مني في امان الله.
زينب "أهلي فرحوا كلش من انقلوا اخواني بالحلة .... اصلا الكل مامصدك انقلوا بسرعة وبدون وساطة ولاشي امي كالت
ماكو غيرها ام صدام خلت ابنها ينقلهم
مايدرون أني خليته ينقلهم ادري تلاعبت .... بعواطفه عباله راح يكبر بنظري من راح ينقلهم وراح احبه لو ابادله نفس الشعور ماكدر ابادله ماكدر خطية اجرحه
واكسر قلبه اذا حبيته وبادلته نفس الشعور وادري تاليتها فراق ماكو زواج يربط بيناتنه اهلي مايردوه تشكرته وحجيت ويا كلام قاسي اريده يكرهني وينساني
خطية ينشلع قلبه .
كملت كلام وكلبت التلفون بقوة على فخذي جنت لابسة برمودة قصيرة ضايجة ماعرف ليش ومخنوكة يمكن علموده لأن تأذى بسببي ودخل مشاكل رفعت التلفون
والصدمة لي
تلفوني داز صوري أكثر من صورة لرائد بقيت
مصدومة هو شايف الصور ودازلي رسالة ..
_دازتلي صورج لا والحلو بملابس النوم
وترديني اعوفج ههههه ؟
جسمي كله صار يرجف قلبي وكف من الخوف ايديه يرجفون والغي بيهن بس بعديش ألغي الصور أكيد حفظهن عنده كمت ابجي صوري غير لائق ولد غريب يشوفهن
بدون حجاب ولابسة برمودة نص ردان وصدري نصه طالع وفوك كلشي بال ٩ صور كل وحدة من شكل
راحتله كتبت له .
_والله العظيم بالغلط اجتك صوري عليك الله رائد مسح
والله اهلي يذبحوني رائد مسح الصور عليك
الله مسح الصور
رائد "كلامها مثل الطلقة واجت بنص صدري ماتوقعت بعد لسويته علمودها تكولي هيج كلام قاسي ماكدرت ارد من كلت احظرها وخل تروح في حال سبيلها
اروح الرهف اشرفلي حتلوه ماحبها راح احبها وره الزواج توني ردت انطيها حظر وجان تجيني صور منها انصدمت صورها أكثر من صورة وحدة وره الخ تجيني
وبدون حجاب لابسة ملابس قصيرة نصردان ملابس نوم هاي مثل ملابس فروحة تخبلت هاي تخبل بدون حجاب جنها
لعابة باربي ناعمة وبيضة ثلج وكيوت
راسن حفظت الصور كلت اكيد بالغلط اجت الصور وهاي هدية من الله لي دزهن ههههه كتبت لها ورة دقيقة وأكثر يلا ردت وردت تتوسل شبعت ضحك
_شوفي الله شكد يحبني كلما بابج يريد ينسد
تجين أنتِ وتدفري هي كوه أنتِ لي ههههه
_عليك الله مسح الصور رائد والله بالغلط اجتك ابوي
بس يدري يذبحني رائد مسح الصور مسح
_شمسوية ويذبحج ؟
_صوري غير لائقة وانوب يمك أنت ابن الغربية
وابن عدوه مسح الصور
_انجبوا ولكم ابن الغربية تاج رأسكم... يول شحلاتج طلعتي تخبلين جنج لعابة باربي ام الربع ههههه
دزتلي بصمة تبجي وتشهك ...
عليك الله مسح الصور رائد والله بس يدرون أهلي يذبحوني وانت تدري بيهم شكد نحسين اعتبرني اختك اعتبرني
فروحة بت اخوك حمي عرضي مسح
الصور رائد مسح
كمت جبت قطعة كلينس ورديت عليها "
مو تدللين هسه امسحهن وحدة وحدة لتخافين قلبي مراح افضحج ولا انشرج أنتِ عرضي اطمني زينب من ناحيتي اني مو ساقط لو عرضي سكط انشر بنات العالم
لو اهدد بالصور
_والله راح تمسحهن وماتهددني ؟
_والله العظيم مراح اهددج وأصلا لترديه يصير لان تعبت وانتِ هم خطيه تعبتي كلش وراح اعتبر هالصور
نظرتي الاخيرة الالج
_مراح انسالك هالخدمة والله
_ولا أني
_هسه مسحتهن ؟
_دنطيني مجال خل حذف الصور شكد
تلغين ترى مراح.اكل الصور ههه
دخلت استوديو كل صوره اطلعها اخلي قطعة الكلينس فوك الشاشة ومسح بالصورة مسحت كل الصور بالكلينس وهاي مسحتهن الها مو تدلل ههههه
جان عندي برنامج تخزين الصور نقلتهن هناك وصورت الاستوديو الها كله صوري دزيته الها ...
_باعي حذفت الصور نامي رغد وارتاحي لعابة ام الربع ههههه
_احلف مسحت الصور؟
_والله مسحت الصور صورة صورة مسحتهن شتردين بعد هذا الدليل صورت الاستوديو ودزيته الج واذا ماتصدكين هسه اكسر التلفون علمود تصدكين
_خليها بالك رائد اذا طلعت صوري لدزيتهن الك بالغلط راح انذبح وخطيتي باركبتك إلى يوم الدين
_اطمني مسحت الصور هسه شتريدين ؟
_وثقت بيك برغم ماعندي ثقة بيك مسحت الصور
_بت الكلب كلت مسحت الصور شكد تلحين شايفتني كواد ساقط العب بعرض الناس اني هم عندي عرض شلون انشر عرض العالم لو اني ساقط مجان دكيت باب بيتج
جان دخلتلج من الشباك ولعبت وياج الف لعبة واستغليتج وتدرن بي اكدر كلشي اسوي بس ماريد اريدج
بالحلال تكونين لي
_أفهم رائد ابوي مايريدك
_ماكو امل يعني ؟
_اي ماكو ذره امل وي ابوي ؟
_من ناحيتج
_ماكذب عليك حتلوه أني حبيتك وقبلت بيك ابوي مراح يقبل واخواني هم مراح يقبلون بيك ليش تعذب نفسك وتذل نفسك علمود مره ماتسوى والله تنهان وتهين عالم
_اففففف ... تدرين أول مرة احب بهاي الطريقة جنت اضحك على كل واحد يحب ويتزوج اكول النسوان حياية تسسس وتسسس والله بلاني بيج أنتِ ونزلت
لاسفل السافلين
من وره حبج الحب من طرف واحد يأذي زينب بالأخص حسرات الليل والاشتياق والاشتياق يكتل كتل دخلت حرب ماحسيت بهذا الألم والخوف بقلبي من ناحية ماتصيرين لي لأخر مرة اكولج اكو شخص يأثر على ابوج ؟
_ماكو شخص اهلي معقدين كلش وأكثر ماتصور معقدين ويكرهونك أنت بالأخص مالنه نصيب
مع بعض رائد .
_ديري بالج على نفسج واطمني من ناحية الصور واطمني مراح اقترب الج عيشي حياتج براحتج بس اكولج راح تبقين حسرة بقلبي لأخر يوم بعمري وانتِ أول حب
حقيقي مر بحياتي وصار وحاربت وللأسف خسرت المعركة بعد ماوصيج ديري بالج على نفسج وإذا وكعتي بمشكلة بس انطيني خبر وراح اكون الج جبل تستندين عليه
_ان شاءالله وأنت هم دير بالك على نفسج في امان الله
_الله وياج ام الصخول وإذا شفتي صخله ام عداي
بالمستقبل سلميلي عليها هههه
_يوصل ههههه باي
_بايات " يا عثرة قلبي 💔
انطتني لايك وراحت محظرتني ولا أني حظرتها ...... بقيت المحادثة ذكرى منها وكلت اسحب المحادثة والصور اخليهن للذكرى خلص بعد راح اعوفها ماريد اسبب لها مشاكل
علاقتي بابو يونس كلش طيبة صارت مرت الأيام ونزلت للبيت عدل أعرف مصورة دائمآ اسحب صور لاخواتي والجناني يمها أمان وثقة سحبت صور
زينب والمحادثات
أني مال أنسى زينب هيهات أنساها دخلت ..قلبي وسوت بي عثرات كلما يشوفها يتعثر ويوكع كدامها اخذتهن وطلعت نزلت بالسوك اشتريت صندوق خشبي
بي قفل خليتهن كلهن بي وقفلته وصلت البيت خليته بنص القاصة وقفلت عليه وحذفت الصور من التلفون نار مشتعلة بنص صدري بس اخلي رأسي على المخدة اتذكرها
واروح اباوع الحساب مامنزله ولاشي حتى ستوري ماكو يمكن تركت الحساب قررت ارتبط بت ابو يونس
علمود اكدر اشيل زينب من بالي
راح اتخبل من وراها مرات تجيني غصة تخليني ابجي بغرفتي مثل الطفل اتمنى اروح لامي وابجي بحضنها بس اروح لامي وابجي بحضنها راح تتخبل وتروح لأبوها
ادري بيها ماتتحمل تشوف دموعي تعودت علية شخص قوي ومايهتم المهم دخلت خاص وراسلت رهف بسرعة
جاوبت وبديت احجي وياها بس
الحجي وياها
ممل كلش اجبر نفسي في حيث احجي وياها وأنسى ...زينب مرت الايام وزينب بعدها بالي طابعة وحبي لها يزداد بدل ماينقص وتجاه رهف ماكو شي
مرت علاقتي برهف
بس علاقة صداقة ٣ أشهر هي عترفت لي بحبها واني بالجذب كتلها هم احبج واريد اتقدم اخطبج شتكولين وافقت بسرعة لو زينب مثلها توافق بي بسرعة
جان عشت بخير
وراها مسك جابت ولد سموا ( رضا ) رضاوي يارضاوي يخبل اية من الجمال نسخة ثانية من مسوكة مسوكة وقاسم طايريت بي الكاع مالامه فرحتهم
وامك ياام نزار شبعتنه چكليت وهلاهل بجيه رضاوي للبيت نور حياة مسك وقاسم هالرضاوي أكثر شي مسك فرحانة بي خطية هواي سمعت كلام من هذا وهذاك
علمود تاخرت يلا خلفت المهم رحت الهم وباركت بجيه رضاوي ودلعته وهناك شفتلك ريتاج شامره الحجاب شمر ولابسه فالينة صلوخ وفوكاها بدي شفاف
مبين كلم معالم جسمها من جوه البدي كرهتها ألف مرة ولعنتها ولعنت اهلها مليون مرة ياربي شلون يقبلون يطلعون بتهم وعرضهم بهاي الطريقة لا والصخام الراس
ملبسينها شال على راسها عود احترام النه ...
وتباوعلي وتضحك خليت ومشيت وره شهر تقريبأ خبرت لاهلي راح اخطب رهف فرحوا كلها وراحوا عمامي وامي واخواتي والكل راح يخطبولي رهف والله انطوا رهف
غصة صارت بنص قلبي بس ماردت ابجي
اخذت بنية لما ردتها ...
بس اريد أنسى زينب واشوف حياتي قروا الفاتحة وباجر كطعان مهر الشيخ كلها تباركلي وتضحك واني اضحك وبداخلي نار وتسعر بس ماريد ابجي وثاني يوم
كطعنا مهر من وره الباب وره ماكملنا المهر سلمت على الزلم ودخلت عليها جانت لابسة ملابس بيض وبشت وشعرها
اسود مسويته تسريحة ومكياج ماعرف
ليش تخيلتها
زينب وابتسمت اجت أمي اول وحدة باركتلي
من كالتلي . توالمك رهف
طلعت من خيالي هاي رهف مو زينب اخواتي سلموا علية وباركولي كعدت بصف خطيبتي رهف سووا حفلة بسيطة تباوعلي وتضحك أني كالب خلقتي بس امسح
بالعرك يصب من كصتي مثل المطر امي تخزر بي ...... أضحك عاد ضحكت صورة وحدة ماخذت وياها بتلفوني هي تأخذ بتلفونها وتصور ايدي وايدها
اصعب شعور من روحك وقلبك بمكان وجسدك بمكان .روحي تسحل بي تريد تروح لزينب وقلبي كذلك يريدها كل لبي يريدها اللحظة حسيت راح اظلم رهف وياي
انوب كلت مراح اظلمها راح احبها مثل ما أمي حبت ابوي برغم ابوي جان معذبها اقبل بنصيبي احسن من حبيبي اللي ماحبني بيوم ولاحس بي ودخل لحياتي غير
المشاكل والمصايب .
وره يومين كطعنا مهر محكمة وامي كالت نسوي حفلة خطوبة مادام ماتقبل تأخذ هسه كتلها براحتج كالت بس تلتحق.
وترجع نسوي الحفلة بالقاعة
التحقت كل يوم ادخل لحساب زينب شفتها منزلة صورة الها مكعدة ابن اخوها الصغيرون بحضنها وبايسته من خدة
مامبين وجهها بس ايديها من حاضنته
هو ضاحك وكاتبة
عنوان للصورة ...
سوف نحقق ما كان بالأمس حلماً..
جريت النفس بحسرة جنت احلم بيها وحلمي ماصار وصارت وحدة غيرها باجر حفلة كطعان المهر اتصلت بي رهف كلامها عبارة عن عيني وعن قلبي وروحي وأني بارد وياها
أني ابو النسوان وابو الكحاب .... على كوله ابوي وعمي صرت سيد رسول الله براسها اجه يوم الحفلة كاعد بصفها
ضايج كلش الكل يرقص ويهلهل امي
الكاع مالامة فرحتها
واخواتي الجناين الكل فرحان إلا أني
كوموني ارقص وياها صرت ماعرف الرقص ضحكت هنا أني احسن واحد بالعائلة ارقص شجاني وصرت ماعرف؟ بقيت اضحك فجاة الضحكة تحولت دموع
عفتهم ورحت للحمامات نزلت دمعتي ماسيطرت عليها مسحت دموعي اباوع للمراية ...
كافي أنساها مو من نصيبك كافي ذل واهانة حرام عليك تفكر بيها يم خطيبتك كافي رائد مسح ادموعك خلص زينب
ماتت عتبرها ماتت .
والمات بعمره مراح يرجع .
غسلت وجي بقيت اخذ نفس قوي وزفر اريد استقر استقريت شوي باوعت بالمراية أبتسمت ابتسامة مزيفة وطلعت مبتسم الوجه رحت ارقص وياها عادي رجعت طبيعي
بس نزلت دمعتي لجانت محبوسة .
أنتهت رجعت عالبيت نزلت صور على الانستغرام وعام مالات الحفلة بس ايدين ايدي وايد رهف كلها صارت تبارك قبل مانزلت هسه يلا نزلت وأعلنت عن خطوبتي .
وره العشة بإيدي التلفون ....راسلتني رهف بنفس الدقيقة زينب قلبي صار يدق دمام احوالي تخربطت جسمي شجاك ورتفعت حرارتك اخاف ادخل للمحادثة
واشوف شكاتبة
تشجعت ودخلت كاتبة كلام شرح قلبي تشرح ...
ألف ألف مبروك حظرة الملازم رائد الله يتمم على خير والله فرحتلك من كل قلبي تستاهل كل الخير
_ايا ام الصخول عبالي راح تعاتبين تكولين ليش خطبت وعفتني جان حاربت علمودي فرحانه حبيبه صخله ام عداي يلا عاد هي شوكت حبتك ورادتك من
يوم يومها تكرهك
_الله يبارك بيج يوم لمو الج
_حلال عليك وحرام علية ؟
_احرم عليج الزواج من بعد حبي الجز
_اي موصاير النبي محمد (ص) يحرم على
زوجاته الزواج من بعده
_ههههع اشاقة وياج ان شاءالله تزوجين صخله ام
عداي شتردين بعد ام الصخول
_والله احلى دعائه اسمعه بحياتي من حلكك إلى أبواب
السماء هيج اتزوج دونغهي واروح
لكوريا عدل ههههه
_ابوج اليهودي يقبل تزوجين صخله ام عداي ؟
_ابوي عوفه علية كلمتين مني يقبل
_صدك تحجين ؟
_اي والله أني مدللة أبوي ومدللة البيت الكل تسمع كلمتي
_هاا
_اي
_ ليش مراقبة حسابي ؟
_مامراقبة والله اليوم كالت نوره كدام الكل أنت خاطب وامك عازمه امها على حفلة الخطوبة وكلت خل اجي اباركله وأخيراً نساني وشاف غيري ههههه والله فرحانة ههههه
_منو كال ناسيج ؟
_أني اكول
_هاا وشعليج أنتِ ناسيج ماناسيج هاي الشغلة
تهمني أني ماتهمج ومالج دخل بيها
_لا تهمني لأن أني المعنية
_وان يكن أنتِ المعنية القلب قلبي والروح روحي والجسد جسدي وكلشي بي لنفسي مو لنفسج فمالج دخل مثل
مااني مالي دخل بيج
_اوك مالي دخل المهم راح تعرس
_فرحانة ؟
_بقمة الفرحة والسرور راح نكدر نعيش بسلام على كوله
ابوي واخواني وخلصنا من ابن
الغربية هههههه
شكد مابي قوة جريت الجرجف الجرباية بايدي افرق غضبي بي فرحانين خلصوا مني ...
_تخيلوا ابن الغربية تزوج وطلعلكم
_شتكول ؟
_شنو عمية أنتِ أقري لكتبته
_اي قريت بس مافهمت شنو وطلعلكم ؟
_خليها بالج وبال اهلج زينب إذا تزوجت وماكدرت انساج احسبي نفسج الثانية صايرة لو وراي عشيرة
جهال مراح اتراجع
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال23 بسرعة .