احاول البقاء ثابتاً ، رغم كل ما يبعثرني
>>>>>>>>>>>>>>>>>>>>>>>>>
رزان
چنت فاقده الوعي شويه و حسيت ؏ اصوات جايه من بره الغرفه كُلشي مربط بيه و عيوني مغوشه .. حسيت نفسي بغير عالم ما اشوف بوضوح اثر الضرب القوي اباوع اريد احرك جسمي ما اكدر
اباوع صارت اضويه بس مو كلش مبينه من تعبي ابتسمت وگلت بگلبي : اكيد اجوي
صرت ما اشوف والدنيا عبالك ضباب وكلشي مواضح ماكدر احرك راسي وجسمي اسمع عياط وحجي ممفهموم بس اخر شي احس نركع الباب ميزت صوت ايهم من بين الكل وهو يصيح بـ اسمي جان يمي فهد يفككني و اباوع عليهم بدت الرؤيا توضح شوي شوية رأسا لف عليه بطانيه لان جانت حالتي فد مره
جنت صافنه وماعرف شسوي ابد اسمعهم يحجون وياي بس ما اكدر ارد عليهم ... اخر شي شالني ايهم صعدني بسيارة جان الباب مال السياره مفتوح وأيهم واكف كبالي وحالته حاله وصاير عصبي ويسألني
_ رزان سوولج شي احجيلي كلشي شصار
بس التزمت صمت ما اكدر اجاوبه
حجى مره ثانيه : جاوبي رزان راح اموت قهر
باوعت عليه وعيوني تنزل .. شجاوبه شكوله ما اعرف شحجي علئ فراس لو علئ الحقير الي وياه الحاول يعتدي عليه بقيت ساكته ودموعي تنزل
ضليت اباوع عليه تعصب حيل صارت وراها عركه وأصوات عالية التفتت شوي شوي حسيت ركبتي لازمها دمار ... بجيت واني اشوف ايهم ركض والولد واكعين الضرب بهذولة الاثنين .. احقر بشر شفتهم بحياتي
ضليت ابجي ماعرف شسوي مثل المصدومه وتوني بديت استوعب شصار الي ؟
من بعيد لمحتهم كلهم ملتمين بس هو اجاني من بينهم وكعد يمي وحط ايده ؏ راسي
گلتله بصوت مبحوح : مي مي
گبل فز وكام يصيح علئ ياسر
ايهم : ياسر ياسر اكو مي
ياسر : اي هسه اكو بسياره
راح ياسر جاب المي وانطاه الايهم وايهم لزمني ديشربني گبل صحت
رزان : اهخخ
ايهم : اسف اسف ما ادري هاج تعاي شربي
شربت المي لأن جنت عطشانه حيل ورها رجعت احاول اغمض عيوني وبين الصاحيه ولا ودموعي تنزل علئ خدي تحركني
ايهم : بس احجي رزان عفيه سوالج شي هذا الچلب
سكتت مجاوبته مكدرت احجي احس صوتي رايح
باوعت عليه عافني ورجع صاحهم واجوي كلهم ضلوا يحجون وياي بالذات فهد ضل يلح بس مكدرت اجاوب أحد
اخر شي كال ايهم : لحد يضغط عليها هي بحالة صدمه اكيد مراح تجاوبكم امشوا نروح للمستشفئ
هو يحجي ويباوع علية واني وكل ما اتذكر احس روحي اتهستر
_____________________
بنان : ليش تأخروا وين صاروا
ريم : اي غير ديرحون يجيبوها اكيد راح يتأحرون
بنان : ما ادري ما ادري گلبي ديوجعني الله يعلم بحالتها هسه
ريم : ان شاء الله ماكو شي
بنان : راح اخابر فهد ما اكدرر بعد انتظر
ريم : مو كال لحد يصخم يخابرني
بنان : معليه راح اخابره
خابرته مره ومرتين وثلاثه ومرد عليه
بنان : هذا شبي اخوج ميرد
ريم : شبيج بنان اكيد هسه مخبوص
بنان : اووف يربييي مداكدر انتظر
ريم : خابري علئ ياسر بلكي يجاوب
بنان : هم صح
خابرت علئ ياسر هم يرن بس ميجاوب
بنان : هذوله شلون بيهم ليش ميجاوبون مو گلبي حيوكف والله
ريم : روان بلا انتِ دكي علئ ياسر بلكي يرد
روان : هاا
بنان : لعد مو هسه دكيت مرد
ريم بهمس وي بنان : هذا ميرد علينه بس اذا روان تتصل من اول رنه يجاوب
بنان : لعد روان يلا تصلي
روان : اوووف هسه
شو دكت روان مطول 10 ثواني و رد عليها
بنان : هاي شنو لعد صارلي ساعه ادك ميجاوبني هاي بثواني جاوبها
ريم : چا غير هاي الحُب
ياسر : هاا روان
روان : ياسر وينكم شو ندك عليكم محد يرد رزان لكيتوها شلونها
ياسر : زينه هسه احنه بالمستشفئ
روان : شنوو بالمستشفئ ليش شبيهاا رزان احجي ياسر
بسرعه كمزت بنان وجرت تليفون مني
بنان : شنو مستشفئ ياسررر شبيها رزان
ياسر : شبيكم شويه شويه مابيها شي بس شويه متأذيه
بنان : شنو متأذيه شبيها
ياسر : مابيها شيي
بنان : لجذب ياسرر احجي بيها شي
ياسر : داحجي هندييي مابيها شي
بنان : اريد اجي
ياسر : وين تجين
گمت ابجي وگلت : مااا اريد اجي عفيه تعال اخذني
ياسر : وين اخذج هسه شويه ونرجع
بنان : ما اكدرر اتحملل اموت اذا ابقئ
ياسر : بنان شبيج هسه نرجع
بنان : يربييي وكول لأستاذ فهد خلي يرد عليهه
ياسر : اوك اوك
اخذت تليفون مني روان وگالت
_ شبيج طفرتيي مو داحجي
روان : هاا ياسررر
ياسر : الله ياخذ ياسر
روان : انجب اسم الله
ياسر : نزول عليج
روان : مو وكتك ابد شلونها رزان هاي بنان مدتفهنه بس تنبح
بنان بچي : انجبي
ياسر : شبيكم مابيها شي شويه وراجعين
روان : تعال اخذني الهاا لو اجي انيي
ياسر : انتو شلون تريدون تجلطوني وين تجين
روان : اي تعال اخذني يمها
ياسر : اخلص من وحده تجيني ثانيه
داحجي وجان يسد الاتصال بوجهي بقيت فاتحه حلكي "بصدمه"
روان : هاي شنو سده بوجهي اني يسده بوجهي
ريم : غير خبلتوا
روان : حتئ لو يتحمل شنو يسده بوجهي
بنان : كافييي بيا حال احنه وهاي تكول سده بوجهي سده بوجهي
روان : اي غير سده بوجهي
بنان : انجبي كافي
ريم : شيكول
روان : يكول بالمستشفئ احنه هسه نرجع
ريم : اهووو هسه لازم ننتظر
________________________
رزان
طول الطريق بين صاحيه والي لا اسمع حجيهم بسياره چان همام ديسوق وياسر كاعد بصدر وايهم كاعد يمي وحاط راسي علئ رجله
همام : شوفوا الكلب شمسويي بيهاا
ياسر : نذللل بس يلا مقصرنه احنه هم وهسه هناك هم فهد حيجملها عليهم الكوا**
ايهم : اشش كافيي
همام : مو نايمه
ايهم : حتئ لوو بعدين نحجي
احس لمساته علئ راسي وشعري وگال بصوت حنون
_ رزان نايمه
رزان : اممم
ايهم : اكو شي يوجعج
فتحت عيوني بصعوبه وگلت
_ راسي وجسمي ما اكدر احركه
تنهد وگام يطبطب علئ راسي بهدوء وگال
_ يلا مضل شي حنوصل
سكتت مجاوبته
وصلنه للمستشفئ شالني ايهم فتنه والولد هم ورانه واجه فهد بس جان بسياره ثانيه
صاحوا علئ دكتوره واجتي اخدتني وخلتني بغرفه
اي شي تلزمه بيه اعيط من الوجع الي بجسمي وراسي يصل عليه خيطت راسي والجروح الي بيه وراها اطتني مسكن وشكلتلي مغذي وطلعت
ياسر
واكفين دننتظر تطلع دكتوره
ايهم : حتخبل وين مالزمها تعيط من الوجع
فهد : والله اله اكسرهم واخليهم يعرفون الوجع علئ اوصوله
ايهم : اريد اجي وياك بس تروحلهم
فهد : وين تجي اني اعرف شصرف وياهم وهسه مؤمل راح وياهم هم حينطيهم شويه جرعه
ايهم : ما اكدر ابقه صافن هيج وين مالزمها تعيط حتئ حجي متكدر تحجي گلبي نعصر عليها
فهد : يصير خير
ياسر : فهد
فهد : خيرر
ياسر : بنان تكول اتصل بأستاذ فهد ليش ميجاوب وهناك ناصبيها مناحهه وتريد يجن الخاتونات هنا
فهد : وين يجن وين كللهن هسه جاين
ياسر : كلتلهم
فهد : ايي زين همام وياسر انتو رجعوا للبيت
ياسر : لا ليش خلي نضل بين ميطلعوها
فهد : لا ارجعوا احسن واحنه بس نكمل نرجعها ونجي وهناك كوللهم مابيها شي وهاي مو ترجفهم
ياسر : بس خاف ارجع ويحطني ويكتلني ويجبروني اجيبهم
فهد : يكتلوك ؟
ياسر : اي يكتلوني وحدتهن جبار ولك يخوفن
همام : اي اولهن روان
ياسر : انجب لك روان تاج راسك منووو بأنوثتها هاي
همام : اي الانوثه مالتها تنكط
ياسر : انجبب انجبب ولو هيه متحلفتلي هسه
فهد : ليش شمسوي
ياسر : مو ثبروني تعال جيبنه وجيبنه وسديت الاتصال بوجهه
همام : الله يرحمك لعد چنت خوش ولد
ياسر : ايي يبعدي شغلة اخوك مليوصه
فهد : ديلا يلا كافي مسلته روحوا رجعوا ولتجيبون احد خوش وبنان كللها شحنه طفه
ياسر : اوك
بهل اثناء طلعت الدكتوره وگبل راح ايهم عليها
ايهم : ها دكتوره
دكتوره : انتَ شصير من عدها
ايهم : اني ابن عمها وبنفس الوقت اني هم دكتور
دكتوره : والله ما اعرف شحجي بس منين مالزمها تعيط من الآلم وحالتها ابد مو زينه وراسها خيطنا هاي معدا الجروح الي بجسمها مو بس هيج حالتها نفسيه بعد اتعس وبس نريد نحجي وياها متجاوب بس تبجي
ايهم : وهسه شلونها
دكتوره : شربنها مسكن وخلينالها مغذي بس هيه ليش هيج صاير بيها متعرضه لعتدئ لان كُل جسمها اثار مال ضرب وضرب قوي ؟
فهد : تعاي دكتوره شويه
راح فهد يفهم الدكتور و طب ايهم ؏ رزان
ايهم : أنتِ زينه ؟
هزيت راسي ب أي : اي اريد اطلع ماريد ابقى
ايهم : اوكفي لازم يخلص المغذي ميصير تطلعين هيج فجأة
رزان: عادي ناخذه ويانه
بجيت وكلتله : ما اريد ابقى اريد ارجع اريد خواتي
حسيته ارتبك ومعرف شيسوي واني بس ابجي
ايهم : تمام هسه دقايق ونطلع انتظريني
راح كم دقيقه واجه علية ضل يباوع بالاخير گال
_رزان صيري قوية تمام
دموعي تنزل ماعرف شسوي مثل التايهه
هو كومني وحتى احس رجلية تموتني
ضل على كيفه لازمني ويمشيني
لحد ما طلعنا من المستشفى وصعدنا بالسيارة
متوجهين للبيت ...
____________________
ريم
نزلت جوا داشوب ميي وجان يجي ياسر و همام
محمد : هاا بشرر شصارر
همام : لكيناهاا وهسه بالمستشفئ
رحاب : يمههه ليش شبيها
همام : مابيها شيي بس شويه متأذايه وهمه فد شويه ويجون
زياد : لعد منو هناك
همام : ايهم وفهد هناك يمهاا
بهل اثناء نزلت بنان وروان من الدرج
بنان : وين رزان وينها
ياسر : علئ كيفج علئ كيفج شويه ويجون
بنان : شلونهاا
همام : زينه مابيها شي بس علئ كيفج خويه
بنان : ودوني الها عفيهه
ياسر : اي حتئ فهد يشنقنه هسه يجونن
بنان : اووف يربييي زين فراس لزمتوا
ياسر : اي لزمناه وخوش كتل وكلناه وهسه فهد يرجعله هم ينطي شويه جرع هوه وذاك الي وياه
بنان : زين شلونها رزان شلون جانت
ياسر : هسه تجي وشوفيها
بنان : زين فهد ادك عليه ليش ميجاوب
ياسر : كتله مرتك دك عليك جاوبهاا يكول مابيه حيل ملحتها
بنان : هااا هيج گال
ياسر : ايي كتلها خطيه وين تلح گال لا تلح وتشلع الگلب
همام : ولكك ياسر انجب شكد جذاب
ياسر : صخام اني اجذب ويني وين الجذب بس انتو متحبون واحد يحجي صدك
همام : انجب
اباوع علئ روان واكفه صفح وخازره ياسر وياسر يباوع عليها وبس يشوفها خازرته يوخر نظراته عنها
ياسر : اي شلونج رواني
روان : لتحجي ويايه
ياسر : ايباهه ليش
روان : روح عني ياسر روح
ياسر : ولج شمسوي
روان : لتغشم روحك
همام يباوع علئ ياسر ويضحك وگال
_ والله حقج خويه زين سوين مو مال عيني وگلبي هذا
ياسر : انچب انتَ لتدخل
روان : لا يدخل بكيفه
ياسر : هيج صارت
روان : ايي
همام : اعصابكم اعصابكم يلا اترخص اني
ياسر : تضب سمك وتروح
الكل صعد وبقيت بس اني وياسر واني واكفتله خازرته و متخوصره
ياسر : بس لو افهم شبيج
روان : ليش تسد التليفون بوجهي
ياسر : بالغلط
روان : بالغلط تكدر ترجع تتصل مو تسده بوجهي
ياسر : ترا شغلتج واكفه حيل
روان : لا مواكفه بس انتَ متغير
ياسر : وشلون متغير بلا
روان : شنو شلون متغير حيل متغير مو مثل قبل
ياسر : الي يسمعج يكول حاطج وكاتلج
روان : لا هاي العايزه تمد ايدك عليه
ياسر : اذا امد ايدي عليج بنفس الحظه اكسرها
روان : شتكسر
ياسر : ايدي
روان : انتَ متحبني
ياسر : اني ؟
روان : ايي انتَ
ياسر : وشلون اكتشفتي هل شي
روان : واضح ترا
ياسر : ماكو شخص يحبج بكدي روان لتحجين هيج
روان : الا بالبدايه جنت بس هسه لا مليت
ياسر : ايي يلا تمام شتفكرين فكري
روان : شفت شفت قبل اذا اكُلك هيج تكلي لا هسه حتئ متبرر
ياسر : ليش دائما لازم اني الي ابادر ليش متبادرين انتِ هم
روان : منو گال ممبادره اني
ياسر : شوكت بلا دائما اني ابادر حتئ كلمة احبك مسامعها منج ليش ؟ لان معندج مشاعر
احس كلماته جرحتني حيل دمعت بس منزلت دمعه وگلت
_ يعني اذا ما احجي معناها معندي مشاعر ؟ اذا انتَ متعرف شنو بگلبي لتكعد تحجي
ياسر : اي عمي شنو بلا بگلبج
روان : ولا شي هاهيه ياسر
داروح وجرني وگال
ياسر : لا تعاي اريد اعرف
روان : شتعرف هدني
ياسر : ما اهدج هسه تگليلي
روان : ما اكول اني مو معندي مشاعر
ياسر : يابه هسه ابتليت حجيت هيج
روان : انتَ محجيت غير صدك هاهيه اني معندي مشاعر
ياسر : لا عندج
روان : لا معندي عوفني
ياسر : ما اعوف طركاعتي
روان : لا متفيدك
ياسر : لا تفيدني شعندي غيرها احبل اجيب
واجه باس راسي وگال
_ يلا عمي اني اسف وحقج عليه
روان : اعتذارك ما مقبول
ياسر : ليش عمي شمسوي مو اني خوش ولد
روان : بكيفي
ياسر : ديلا عميي كافي
روان : ماااا
ياسر : خشم يابس
روان : هاي عليه؟
ياسر : لااا لاا مو عليج
روان : عليمن لعد
ياسر : علئ ريم ريم
روان : اوك اوك
_____________________
بنان
ورا كم دقيقه وصلوا كلهم وي رزان
رأسا بجيت : جتيي
ركضنا كلنا للباب عليها واحنه نشوفها حالتها متسولف وجهها كله متأذي وبيدها كانونه وبالكوه تمشيي
رأسا روان ركضت بجت وحضنتها : رزان شلونج والله متنا عليج
عاطت رزان وهي تبجي : ماكدر لتلزميني اتوجع جسمي يوجعني
روان : اسفه اسفه مادري تعاي فوتي جوا
ركضت الها واني ابجي اريد احضنها بس ما اكدر هي تتأذه ضلينا نبجي وكلنا كعدناها بالصالة نريد نحجي وياها بس تباوع وتبجي وريم خطية هم بجت عليها
زوزو جتي تبوس بيها وتبجي : يمة والله ردنا نموت وراج شسوا بيج هذا الچلب يمه كسررر بيدهم أن شاء الله
اجوي عمامي هم خطية حجوا وياها وهي ولا تنطق بحرف اباوع الكُل موجود حتى فهد ديحجيلهم كلشي وروان تحجي وية رزان التفتت ماكو ايهم افتقدته من بين الكل باوعت لكيته واكف يم باب الصاله ومكتف ايديه وصافن على رزان
نظراته غريبة لرزان رجعت انداريت الها وابجي وجهها وشكلها يبجي
سألتها : سوالج شي الحقير ؟
ضلت تباوعلي ودموعها تنزل
بنان : احجي رزان سوالج شي ؟
هي رأسا باوعت علية وكالت : اريد اصعد للغرفه اريد انام
محد كال شي وما اعترضنا عليها بس كلبي نغزني عليها وحاسه اكو شي
_امشي روان تعاي نوديها وريم حضري فراشها
ريم : اي اي هسه
راحت ريم وجتي ويانه هم خالة رحاب ما عافتنا ابد خطية
روان ضلت تسألها : رزان احجي سوالج شي
وهي تضل تبجي
دخلنا للغرفة وهي نامت رأساً
اول ما طلعنا من الغرفة كالت ريم : رزان من اول ما اجتي مجانت هيج بس هسه اشوفها فد مرة
روان : جانت مخطوفه شتتوقعين شيصير بيها ومنو خاطفها فراس
بنان : شلون اني خايفة لا مسويلها شي كل ما اسئلها تضل تبجي
روان : هي خلي ترتاح وتسولفلنا اكيد كلشي
بنان : واذا ما قبلت تحجي وضلت هيج شلون
ريم : كافي تتخيلون خطية اول شي خلي تصير زينة بعدين راح تحجي كلشي ونفتهم من عدهاا
اجه فهد علينا : ها شو متجمعات
ريم : ؏ شنو متجمعات برأيك
تنهد وكال : تعاي بنان رايدج
روان : تريد تضل يم خواتها
رفع حاجب : هاا صدك
مسحت دموعي : اريد اضل يم رزان اليوم
فهد : ادري هسه قابل شراح اسوي احجي وياج كلمتين ورجعي
باوعت عليهن يباوعن صفح كلت : اي هسه راح اجي
رأسا هو طب ورحت طبيت وراه
بنان : ها فهد شنو
فهد : شنو
بنان : اني دا اسئلك شنو
فهد : شمدريني
بنان : يعني هسه انت رايدني حتى تكولي شنو وشمدريني
فهد : لا هيج اريد احجي وياج بخصوص رزان
بنان : اي عفية فهد شلونها شكالت الدكتورة
فهد : ايهم كالي ما بيها اي شي بس ضاربها ضرب قوي
بنان : يمهه اختيي كسر بيدك فراس الكلب زين انت شلون لزمته
فهد : طول هل وقت واني اصخم وكاعد ؏ لابتوب المن شسوي جنت برأيج غير دورته ولكيته و جان اكو واحد ثاني ويا لا والحلو مطمئن محد يلزمه
بنان : حباب لتطلعه من السجن
شو بس كلت هيج ضل يباوع علية ويضحك واني أزيد ابجي اخر شي كلت : شبيك تضحك واني شكلت
فهد : غير انتي مادري شلون تحجين سوالفج تضحك هذا اله اخيسه بالسجن وكافي تبجين هياتها رزان موجوده
بنان : المشكله مدتحجي وبس تبجي وخايفه مسويلها شي
فهد : شويه شويه علئ كيفكم وياها هسه بحالة صدمه
بنان : اوووف
سكتنه شويه وهوه صافن عليه وذكرت ياسر شكال الي خنزرت عليه وگلت
بنان : صدك انتَ شكو جاي تحجي ويايه اصلا
فهد : شبيج ليش ما احجي وياج
بنان : وخررر بعد لتحجي ويايه
داروح جرني حيل من عكس ايدي
خزرني وگال : شبيج شنو هل حركات
بنان : وخرر وخرر اليوم ادك عليك مجاوبني
فهد : تليفوني طفه شلون يعني
بنان : طفه لو مردت تحجي ويايه عود اني الح
فهد : شبيج بابا كتلج طفه
بنان : لا انتَ كلت اني الح واشلع گلبك
فهد : صايره هواي تمسلتين وين گلت هيج
بنان : ياسر گلي فهد يكول هواي تلح وتشلع گلبي فما اريد ارد عليها
فهد : ياسر كال هيج
بنان : ايي
فهد : وانتِ صدكين بي
بنان : غير هوه گال
فهد : ديضحك عليج شافج قشمر
بنان : اني قشمر
فهد : ايي بويه
بنان : والله ماكو غيرك الق.. " وسكتت "
خزرني وگال : كملي كملي
بنان : هااا شكمل
فهد : كملي جملتج الق.. شنو؟
حاولت الوف السالفه وگلت : هاا اي گلت والله ماكو غيرك الحلوو
فهد : الحلوو كلتيلي؟
بنان : ايي الحلووو
باوع عليه بنظرهه وحاوطني من خصري وگال
_ مو احلئ منج
بنان : ادري
فهد : ابوس ثقتج وابوسج
بنان : تبوسني؟
فهد : ايي تريدين ابوسج
بنان : هاااا
فهد : وجعاا
بنان : شبيك فهد
فهد : ديلا لزعلين ما ابوسج بس اخذ شويه ريحة ثوم من شعرج الجميل
جرني اكثر من خصري وخله راسهه بركبتي وضل فتره علئ هل حال لحد ما حسيت صارت عضه بركبتي وعطت
بنان : اهخخخ فهد
فهد : شبيج بويه
بنان : هاي شسويت ليش عضيتني
فهد : اي غيرر اكل كيك
بنان : انتَ بيك شي اليوم
فهد : اي بيه انتِ تعاي خلي اكمل
بنان : شتكمل
فهد : اكمل الكيك
ورجع خله راسهه بركبتي بس معضني بس اني دكات گلبي الف ورها جرني حيل للجربايه ديريد نتمدد وجان يدك الباب وخر مني يمي وهوه عصبي وگال
_ من دنعل ابوك يابو جابك والله اذا طلع ياسر والله اليوم محد يخلصه مني
_ شبيك فهدد
_ انتِ انلصمي مصدكين احد يدك الباب حتئ تخلصين بس جايج جايج
راح فتح الباب والحمدالله جانت روان
تنهد وگال : خير روان خير ؟
روان : بس بنان وينها صيحها
فهد : اليوم ما شاء الله الكل كام يريد بنان
روان : لتخاف مطير بس صيحهاا خلي تجي علئ رزان متقبل تاكل
فهد : روحي جايتج
روان : اوك
سد الباب واجه يمي وگال
فهد : عيني خاتونه روحي شوفي خواتج
بنان : ايي
گمت داعدل الشال وگال
_ شديي الشال زين
بنان : ليش ؟
ابتسم وگال : شدي ومعليج
بنان : اوك
طلعت وهوه راح تمدد
___________________
بنان
رحت يم رزان لكيته صافنه وكاعده اجيت يمها كعدت وجانت خاله مسويتلها شوربه وريم وروان واكفات فوك راسي
بنان : شوو الحلووو صافن تعاي اكلي عمري لضلين هيج
رزان : ما اريد
بنان : عفيهه الخاطري
رزان : والله ما اريد شبيج بنان
بنان : يعني حضلين هيج
رزان : ايي
بنان : بس شويه
رزان : داكلج ما اريد
بنان : تمام
اخذت صينيه داطلع وجان يصير بوجهي ايهم
ايهم : شلونها رزان
بنان : مو زينه ابد ومتقبل تاكل وبس تصفن
ايهم : حقها صار وياها مو قليل هسه حاليا دتمر بحالة صدمه وبيني وبينج احتمال دتفكر تنتحر
شهكت وگلت : تنتحر؟
ايهم : احتمال مو اكيد بس هيج حالات هسه يفكرون بالانتحار فلازم نتبهه عليها اكثر زين مكالت شصار وياها هناك
بنان : لا متقبل تحجي
ايهم : زين هاي الاكل الها
بنان : اي مقبلت تاكل
ايهم :انطيني خلي اشوفها اني واحجي وياها شويه
بنان : اي والله ياريت
اخذها مني وراح للغرفة واشرت علئ روان وريم يطلعن
ايهم : يصير افوت
باوعت عليه وهزيت راسي كعد يمي وگال
_ يلا تعاي اكلي
رزان : ما اريد
ايهم : شنو متردين لا تعاي اكلي لا اوكلج اني
باوعت عليه وگلت : شصار علئ فراس ؟
ايهم : بالسجن الجلب
نزلن دموعي وگلت : ومصطفئ ؟
ايهم : ياهوو قصدج الي جان وياه
رزان : ايي
ايهم : هذا هم بسجن زين ليش تبجين
باوعت عليه ودموع بعيني وگلت : ماكو شي
ايهم : شسولج رزان اني مو صديقج ليش متحجيلي ؟
رزان : شحجيلك
ايهم : الي صار وياج فضفضي
گمت ابجي بقوه واشهك وگلت : اريد اموت عفيهه
ايهم : تريدين تموتين
رزان : اي اي مداتحمل عفيهه
وكمت احك بيدي واضرب بنفسي اتهسترت
_ شلون اوخرر لمساته عني شلون شلون اريد اموت عفيههه
وكمت املخ بروحي وجان گبل اجه عليه ولزمني بقوه وگال
ايهم : رزان كافي كافي سمعيني رزان بس باعي عليه
رزان : اريد اموت عفيهه
ايهم : بس باعيلي شو باعيلي
وكام يوخر شعري عن وجهيي
باوعت بعينه وعيوني كلها دموع وگلت
_ شلون شلون
ايهم : بس اهدي وفهميني احجيلي واذا متريدين براحتج بس عفيه لسوين بنفسج هيج
هديت شويه وكعدت وبديت احجيله حسيت احتاج احد اسولفله بلكي ارتاح شويه
رزان : جنت واكفه وصعد ياسر وريم وروان بلعبه وفگلت خلي اجيب مي فلما رحت اجه احد جرني حيل من ايدي باوعت عليه لكيته " فراس " گبل كلي تعاي تعاي بدون نفس وردت اوخر من عنده بس لزمني حيل وگبل جرني حتئ قبل ما اعيط وصلنه هوه لهل مكان اول موصلنه كام يضرب بيه بكل قوته راجديات شعري ملخه وكُل هذا مكفاه
گال انتِ ميفيد وياج الضرب يفيد وياج غير شي لحد الان كلماته ترن بذني بعدين صاح شخص گال اله
هاي خوش صيده جبتها الك وكُل كلمه احجيها اله اكوم ابجي واتهستر اباوع عليه عيونه صارت حمر وگال
_ كملي
حجيت وكمت ابجي واشهك : اجه كال هاي الك شسوي بيها سوي جان واحد شكله مبهذل وريحة القذره كلها صارت بيهه .. طلع فراس من الغرفه وكمت اعيط توسلت گلت فراس تعال فراس تعال لتعوفنيي فراس بس مرد عليه بقيت كاعده اباوع علئ الي واكف كدامي بده ينز.. سكتت جان يكول
_ رزان احجي لتخافين
عيوني كلها دموع نزلت راسي وكملت احجي راد يعتدي عليه اجه عليه كمت اعيط توسلت بس موخر منيي موخرر كتله عفيهه عوفني بس معافني معافنيي بس ورها شاف مداستجاب وياه كال انتِ مو مال عيني وگلبي وكام هم يضرب ولزمني حيل من شعري ولط راسي بالحايط وطلع وعافني وبعدها اغماء عليه ورها اجيتوا انتو وتعرف الباقي
باوعت لـ ايهم شفت عيونه حُمر وحاط ايده ؏ شعره وحالة مو طبيعي
بجيت حيل وكتله : يلاا انت مو اصريت حتى تعرف ؟
باوعلي نظرة اصلا مفتهمتها شنية : وهمزين عرفت
رزان : ليش شراح تستفاد هاا؟
ايهم : راح استفاد .. اللي صار وياج لازم تنسيه تذكري كلامي بالعياده شكلتلج اذا تضلين هيج نفسيتج تتدمر واني اعرف شراح اتصرف وية هذا الحقير
رزان : شراح تسويله هو انسجن بس الفعل اللي سواه مراح ينسي ايهم ما اكدر انسى اني اصلا ما نسيت قبل شصار ويانه هسه انسى ؟ فراس حط اثر بينا بكل وحده من عدنا مستحيل ننساه
شفته سكت وضل كاعد ومنزل راسه وساكت واني بس دموعي تنزل
كال : راح تنسين
رزان : برمشة عين انسى ؟
ايهم : لا راح ترجعين لجلسات علاجج بالعياده
رزان : مراح يفيد اي شي ايهم ميفيدني حتى علاج نفسيتي وكلشي بحياتي تدمر
ايهم : لا ميدمر .. كتيلي اسمه مصطفى ؟
رزان : اي مصطفى
ايهم : تمام .. رح اخليج على راحتج حتجي بنان يمج
راح طلع واني غطيت نفسي ونمت واجت بنان والبنات هم نامن يمي
_______________________
روان
وكعدنه كالعاده للدوام داومنه وكملنه وطلعنه برا ننتظر ياسر وامتحناتنه مضل شي ..
ريم : اكلج روان حروح اشتري من هاي الاسواق واجي تمام
روان : تمام روحي
راحت ريم بهل اثناء اجه ياسر رحت عنده ركبت بالسياره وگال
ياسر : وين ريم
روان : هسه تجي بس راحت لذيج الاسواق جيب شي وتجي
ياسر : اوك
روان : ايي
ياسر : روان هاج هاي
روان : شنو هاي
ياسر : سوار الي ولج نفس الشي بس لتنزعي
اخذت الاسوار منه جان عباره عن خرز سود بس جان صح بسيط بس حلوو لبسته وگلت
_ الله ياسر كُلش حلوو شكرا ياسر
ابتسم وگال : تدلل طركاعتي
اجت ريم ركبت سيارة وگالت
ريم : اي شلونهم عصافير الحُب
روان : انجبي
ريم : ترا محجيت شي غلط
ياسر : ولجن كافييي
ريم : اووي عصب
ياسر : انصمي
ريم : انلصمت يابه
روان : يابه من شوكت تكوليها؟
خزرت روان وگلت : من اليوم
روان غمزت : ايي حلوو حلووو
____________________
رزان
طول اليوم جنت نايمه بس اجت بنان وكعدتني وگالت
بنان : كومي عمري الكل كاعد جوا ويصيحوح حتئ تجين تتغدين
رزان : والله بنان مداشتهي مو بيدي الشغله
بنان : حتئ لو بس جبري نفسج تاكلين الخاطري واذا تريدين اجيبلج الاكل هنا
رزان : لا ميحتاج هسه بس اجوع عود اكلج
بنان : اكيدد
رزان : ايي
بنان : تمام عمريي
نزلت جوااا الكل جان كاعد
رحاب : هاي يمه رزان وين
بنان : خاله متشتهي تكول بعدين اكل
فهد : حتئ لو خلي تجي
بنان : كالت بس اجوع انزل اكل
محمد : لعد تعاي كعدي بابا اكلي
كملنه الغده عادي غسلت المواعين داصعد وجان يصيحني ايهم
بنان : هاا ايهم
ايهم : بنان كولي الرزان خلي تحضر نفسها
بنان : ترحون للعياده ؟
ايهم : لا بس شويه اغير افررها اغير من نفسيتها
بنان : تمام حروح اكول الها
محبيت اكله وين حترحون بس گلت احسن هل شي الرزان بلكي شويه تتغير نفسيتها
بنان : كومي رزان كومي
رزان : وين
بنان : كومي خلي تبدلين حتئ تروحين وي ايهم
رزان : ما اريد اطلع
بنان : شبيج عيب من الولد
رزان : داكلج ما اريد اروح للعياده
بنان : منو كال تروحين للعياده
رزان : لعد وين
بنان : باعي ما ادري بس هسه كومي مثل الحلوه خلي اعدلج
رزان : وين اطلع واني هيج حالتي
بنان : مابيج شي تخبلين امشيي
جبرتني بنان فشنو قبلت فساعدتني شويه بتبديل لان ما اكدر واباوع عليها مقهوره بس متبين لما شافت اثار الضرب الي بجسمي بدلت وكامت ساعدتني نزلنه للصاله لكينه ايهم كاعد ومبدل شافني گال
_ يا هلا برزون
ابتسمت وگلت : هلا ايهم
لزمني من ايديي و طلعنه ركبنه بسياره
رزان : اهخخ ايهم علئ كيفك
ايهم : يلا يلا مصار شي
ركبنه وكام يمشيي وكلسع ياخذله نظره عليه ويكمل سياقه باوعت عليه وگلت
_ وين رايحين ؟
ايهم : ناكل باچه
رزان : ها انتَ مو متحبها
ايهم : صح ما احبها بس انتِ تحبيها وانتِ تطلبيني عزيمه نسيتي؟
رزان : شكرا بس ما اشتهي
ايهم : بس تشوفين راس الباجه وتشوفين شكلي الجميل راح تشتهين
ابتسمت اله وسكتت
وصلنه كدام مطعم ونزلنه
كعدنه اني وياه وهوه صاير كدامي وبس يوزعلي ابتسامات وصه علئ باجه وگال
_ يلا اكلي
رزان : وانتَ متاكل
ايهم : لاا ما احبها
احس استحيت اكل كدامه وهم باجه احس فشله جان يكول الي
_ عيني لتستحين اكلي
ابتسمت وعلامات الخجل علئ وجهي اكلت شويه ورها گال
_ هاا شبعتي
رزان : اي هاهيه
ايهم : شلونج اليوم
رزان : الحمد الله زينه
ايهم : اي ومن باجر نرجع للجلسات
رزان : بس
ايهم : ما اريد اعتراض واريدج تنسين الماضي كُله
هزيت راسي وسكتت اكلب بعيوني ما اعرف وين اخليهن لان داحسه يباوع عليه جان يكلي
ايهم : اكلج رزان
رزان : هاا
ايهم : تتزوجيني ؟
____________________________
بنان
بليل جنه بصالة كاعدين والكل موجود بس ما عدا روان وريم يم رزان بالغرفه
كال فهد وهو يباوع على ياسر : صدك نسيت نسيت انتَ شلون تجذب على بنان
ياسر : اني ؟ ليش اني شكايل بنان؟؟
باوعتله وگلت : انت مو كلتلي فهد ميجاوبج لان تلحين وشلعين الگلب
شهك بصدمه : شنوووو عمي منيلج هذا الجذب ترى جذب فهد لتصدكها
فهد : ها تريدني اصدكك الك ؟
ياسر : اي اكيد اني اخوك والنعم
فهد : امداك اكو واحد يكول على نفسه والنعم ترى ادري بيك حاروكه وتدور المشاكل منا ومنا ف لتجذب بعد ومعليك لا بية ولا ببنان خوش
ضحك ياسر : لا مو خوش
نزع نعاله فهد وشمره على ياسر
ياسر : انعل ابو..
محمد : ياسر مو اكوملكككك احترم
ياسر : ترا مو قصدي انتَ بويه
فهد : انجب اسكت ياسر ومرة ثانية علمود تعرف شلون تتدخل
ياسر : معليك حبيبي سيادة الضابط
فهد : مو اجي اكسرك
ياسر : صدك والله خفت عمي خفت
زياد : هذولة شنو مصيبة
محمد : راح اتخبل
كام فهد وجر ياسر سحل لغرفتة فوك ويتوسل بي : عليك الله عوفني شبيك انتَ مو مال شقه .. وخر فهد شبيك يمعوده دا اتشاقه وياك شنهي چن السالفه صارت صدك
ركضت وراهم اعيط ؏ فهد : لك فهدد عوفهههه خطيةة والله ترى يتشاقه ويانه مو قصده
فهد : لا حتى يتأدب
طبوا للغرفة جان همام نايم
وسد الباب فهد وابتسملي : روحي للغرفة انتضريني شوية واجيج لحد ما اشوف جارة ويه المخبل
عاط ياسر : بناااان انقذيني
عيطت عليه بخوف : ياااااسر شلون انقذك
فهد ضل صافن علينا بعدين ركع الباب بوجهي اسمع صوت عياط جوا حتى صوت همام ضليت ادك الباب مقفول خفت ليسوي بي شي
بعدين اجه ايهم صعد الغرفه باوعلي : شبيج بنان ليش خايفه ؟
بنان : مادري مادري هذا فهد أخذ ياسر هنا و يمكن حيكتله شلون عفية احجي ويا
هو هم ضل يدك الباب ويصيح عليهم اخر شي فتح الباب همام وضل صافن علينا واحنه خايفين
باوعت جوا لكيت ياسر لازم بطنه ويصيح : اخخخ بطنييي
باوعلي فهد مخنزر : خير شو انتِ وايهم شعدكم
ايهم : شنو شعدنه غير قافلين الباب وعياطم
فهد : وخر وخر تعال انتَ الدكتور شسمه شوف ياسر شبي
ايهم : شكالولك اني طبيب نفسي لو طبيب بيطري ؟
ياسر : خ** بيك ايهممم
همام : بدت المعركه
باوعت عليه كالب خلقته جرني من ايدي حيل وكال : امشي امشي حتى اشوف شغلي وياج انتي الثانيه
فتنه للغرفه وكعدن ؏ جربايه
بنان : خطيه ياسر ترا يشاقه
فهد : والله ماكو غيرج خطيه
بنان : ليش شبيه
فهد : سلامتج هسه عوفينه من الصخام ياسر تدرين شنو اكتشفت شي
بنان : شنوه
فهد : احس ايهم يحب رزان
بنان : شلون شلون
فهد : ما ادري بس مبين والصبح اجه ويايه وسولفلي ؏ رزان وقصتها وگال اجي وياك مقبلت بس اصر وهناك لعبت بيهم لعب
بنان : يبعد حيلي
فهد : ابوس حيلچ
بنان : انتَ ابقئ بس بوس
فهد : اي ابوس ليش لا
بنان : فهد فهد
فهد : هاااا
بنان : صدك علئ البصره شو مرحت بعد
فهد : تريدين تخلصين مني ؟
شهكت وگلت : لا عزاااا
فهد : هسه عوفينه معليج بويه ما اروح هسه عوفيني خلي اشوف شغلي وياج
بنان : ويايه؟
اشو هذا اجه تقرب من يمي ولزم ايدي حيل وبقت انظاره علئ شفايفي جسمي رجف ودكات گلبي تسارعن بسرعه لزم وجهي واخذ شفتي بين شفته علئ كيف بقيت مثل الصنم ما اعرف شسوي واول مره اعيش هل شعور وره شويه وخر شفته عني
لما شافني ارجف وحط عينه بعيني ولحد الآن ما انسئ هل جملة لما گال
فهد : احبچ " درابين گلبي " انتِ
نهاية البارت
يتبع ..
(لاتنسوا التصويت )
أن شاء الله يعجبكم البارت واهمشي القفلة 🌝💖 .
7.nldn حسابنا الانستا
إلى اللقاء يا أعز العابرين في قلبي ♡.
الكاتبات دينا & نور