شباك الحب
للكاتبه زهراء المياحي
¬~¬~¬~¬~¬~¬~¬~¬~¬~¬
_أتگلب بفراشي ساعه أنام ع وجهي ساعه ع ظهري كمت من مكاني عدلت شعري رجعت تمددتت شبكت المخده رحت ذبيتها فركت عيوني درت وجهي للجها الثانيه رجعت گلبت للجها الثانيه أريد أملخ نفسي كد ما كارهتها لو مو البنات نايمات چان عطت ورفست وكسرت كلشي حولي ليش هيچ سوووه؟؟؟ شبي هيچ ليش سوه وياي
للفجر اگلني التفكير أكل...تعبت ونمت بلا راحه
_فتحت عيوني الصبح الصاله فارغه من البنات وفراشاتهن ماكو وين راحن كمت ع حيلي افرك بعيوني طبيت للحمام اغسل بوجهي مر ع بالي موقف البارحه قرب سامر مني وبوساته شهكت حطيت أيدي ع خدي صافنه هذآ شسوه معقوله سامر؟؟ يسوي شيء هيج وبالحرام؟
_اني ماكعدت أغري بي كاعده اشكيله عن اهلي اچه باسني ليش؟! ووقبلها يگلي انتي تمثلين دور صعبه المنال؟ ولا اني من اشيائه
... شفايفي رجفت عزا إذا شفته اليوم شسوي حموت داتخيل يچيلي يعتذر اسف مريم ساعه شهوه وقربت بستچ ويرجع خلود وإني بس شوفته متخليني اشهر انام وهسه من باسني؟ اريد انسى؟؟
لا لا اكيد من تقدم هيج خطوه يعرف عواقبها شنو
_طردت الافكار السلبيه وغسلت وجهي بمي بارد كافي مريم كافي هدي كافي تفكرين حموت من القهر ياربي زين وين راحن البنات ليش وحدي اني بالبيت شلت فراشي وطلعت فتحت باب المطبخ ع كيف خايفه خاف موجود هو لتفت منا منا ماكو اتصلت بالبنات ميردن رجعت اتصلت جاوبت سحر
سحر: ها مريوم صباح الخير لاتخافين هسه احنا جايين بس صار شي وكلنا تجمعنا
مريم: تمام سديت التلفون رحت فتحت الثلاجه اخذت تفاح واكلت اهز برجلي حطيت ايدي ع شفايفي لتفت للمكان الي باسني بي البارحه ليش من باسني تراجع وصفن بيه وطلع من المطبخ بدون ميگلي شيء ليش صفنته چانت تخوف؟
_زين إذا اني من اشيائه حيسوي شيء الي بعد لو ضربت ع كصتي كافي كافي مو لعبت روحي كافي تفكرين لخاطر الله كمت اخذت جنطتي وسديت الباب وطلعت اتمشه وحدي وصلت لبيت جدو دخلت لكيت البيت مخبوص...شكو شكوو كل واحد اسئله ميجاوب اخذت جود وسئلته حجه ملتهي بملابسه
جواد: زوجه عمو العروس واكعه ومكسوره ايدها وراح ياجلون العرس
مريم: صدك؟! خطيه درت وجهي سامر واكف يم ابو هو لتفتلي ملامحه ماتغيرت اني شهكت ورجعت ليوره ارجف من شافني ضاج وعكد حواجبه من سوه هيج تخبلت عفت المكان الموجود بي ودخلت يم بيبي رحت كعدت يمها جسمي كله مهدود حيله
اتذكر موقف البوسه واشب نار اكثر بقيت خايفه طول اليوم كله كاعده يم بيبي ناسيه ومتناسيه الجو المتوتر اجلو العرس اسبوع
_صار المغرب واني ماكدرت اتحمل شردت للغرفه الثانيه قفلت الباب ونهاريت ابجي ليش هيج سوه بيه باسني ودار وجها وماجاوبني ولا حجه وياي ليش متجاهلني كاني ماموجوده ليش محاول يفهمني ع الي صار تخبلت حطيت المخده ع حلكي وعطت ارفس حموت كلبي من جوه معصور
_ساعه واني الوم بنفسي ساعه واني اغلط واسب واقلل من قيمه نفسي كله سببي كله من ايدي اني مصدكت اركض وره واعرف لو تقربت منا حكون بس عشيقه وحبيبه لا اكثر ولا غير قابل راح يحبني ويترك خلود الملاك؟! حل الي ديصيرلي استاهل الندم والعتاب اكلنني لآزم اواجها لآزم ما اسكتله ع الغلط الي سواه اني ماكتله تعال بوسني رحت شكيتله من اهلي مو من جفافي العاطفي!!!
_طلعت من الغرفه كوه امشي ماطايقه روحي نصدمت بابن عمتي اعتذرت منا ودخلت للمطبخ عشر دقايق اسمع صوت ضحك دخل سامر هو وابن عمي ضحك وسوالف؟! الي يشوفه يكول رابح بفد جائزه
_هو لتفت الي وملامحه نگلبت عكد حواجبه نفس مسوه مساع وهسه لا مراضي يكول اني قربت علي بسته؟! اشوفه مقبل يبقه عاف ابن عمي وحده واكف وطلع من المطبخ هذآ شبي؟؟ تصرفه راح يموتني لزمت الكرسي واعصر باديي هدي لا تنجلطين بعدج شباب هدي يمه حموت
_بليل متحملت القهر رحت نمت يم بيبي فزيت اسمع صوت سامر كمت ع حيلي هو بالغرفه يفتح الجرارات ويدور ع شي من شفته نتفضت من مكاني هو لتفت الي عيونه نزلت ع شفايفي عاف الي بيده وطلع من الغرفه كمت ركض فتحت الباب صحت سامر صارت امي بوجهي تباوعلي باستغراب
ام مريم: شبيج؟ شنو حلمانه تصيحين سامر؟
مريم: تراجعت ليوره تذكرت موقف بوسه سامر هزيت راسي بتوتر وخوف وتردد لا لا اقصد جان يريد شي واني سئلته هيج بس
ام مريم: هستوج كعدتي؟
مريم: هزيت راسي اي دخلت للغرفه اشرد من نضراتها اخذت الخاولي وصعدت فوك طبيت سبحت وبدلت نزلت كوه ضامه دموعي اذا استمر الوضع فاني اروح لبيته واواجها لازم يلگالي تبرير...صوت بداخلي يصيح علي كافي مررريم شنو تردين يبرر الج شفتج وعجبتيني وماقاومت مرتي مموجوده وبستج؟ انتي شهوه؟؟
_خايفه اواجها ويطلع هذا جوابه لو مو هذا جوابه جان هسه وكف گبالي وگلي احبج مريم بس ماسواها يعني ساعه ضعف وشهوه باسني هاي الفتره احس عايشه مو لحته اكل وانام عايشه لحته اقاتل ما انجلط..
مريم: الجو جان موت حر والبيت شبه هوسه البنات اقترحن علي ارجع لبيت سامر لان بارد وافقت بس حته اروح اشوفه واحجي وياه ورحت بس ماكو؟ حته بغرفته مايدخل الها وين ينام هذا؟ بقيت يوم ثاني كاعده بغرفته انتظره هم ماكو نزلت سويت الف شي التهي بي ماكو خبر...عنا اريد اتصل بي بس كبريائي معاند ع الاخير هو لازم يتصل بيه ويحجيلي مو إني...
_بليل كعدنا نرتب المطبخ اني وبنت عمتي وامسح بالأرضيه دخل سامر سلم دنك ودخل للصاله عفت الي بيدي وصحت وره هو ما التفتلي ابدا!!!! عافني وصعد فوك؟؟ من سوه هيج بعد إني رجلي كوه تشيلني رجعت ليوره مصدومه عفت الي بيدي واخذت جنططتي ورجعت وحدي لبيت بيبي ليل كله بس ابجي كل ماتذكر تجاهله الي وشلون يشرد ميريد يحجي وياي
_كمت الصبح كوه اتنفس بيبي سئلتني شبيج مرديت عليها بس مابيه شيء لاتشيلين هم...وكت الغده تجمعنا ناكل واني احرك بماعون الزلاطه ماكدرت اكل شي نفسيتي مسدوده وكفن البنات يغسلن اماعين ويسولفن واني واكفه اسمع الهن هن يحجن واني اسمع صوتهن يروح ويجي يروح ويجي لتفت بنت عمي تسئلني ع الماسكار الي حاطتها لزمت ايد الكرسي وفقدت توازني رجعت ليوره وكعت ع ظهري فتحت عيوني اشوف سقف المطبخ صار ثنين
_فتحت عيوني واحد حاضني وضامني لصدره فتحت عيني اكثر ادهم يحجي وياي بخوف ويهز بيه ويضرب بخدودي لتفت لبنت عمي تنصي صوتها خاف بيبي تسمع وتنهبط باوعتله صفنت بي حجيت بدون وعي مني ليش هيج سويت بيه سامر اشوفه صفن رجعت احس بالدوخه ما وعيت الا البنات كاعدات فوك راسي وحاطين مروحه هوائيه صغيره يمي
سحر: الجو كلش حار والمطبخ بوخه يجوز نهبطت ونزل ضغطها شيء
ساره: نتصل بعمه؟؟ لو احد خاف صارلها شي الولد كلهم طالعين
ادهم: كتلكم من الحر بعد ليش تلغون هسه تصير زينه انطيني كلاص مي بارد وهسه تجي الوطني
مريم: باوعتله احس جسمي خدران ويتصبب عرك نفتح الباب دخل فاضل طلع صاح لسامر من دخل سامر شافني ركض علي حط ايده جوه راسي وكومني
سامر: هاي شبيها؟؟؟
سحر: فقدت الوعي ادهم يكول من الحر
مريم: عاط بيهم سامر
سامر: متاكدين تشغلون عقولكم من الحر مبقيها بالمبطخ البوووخه؟؟؟ وكعت ع راسها مو ماتاكدتو تصحصحوها خاف عدها رجه او نضرب راسها قوي؟؟؟
مريم: لزمني كومني وهو ساندني واني دربي ما اندله دموعي تصب عشره عشره بس اتصبب عرك كومني اجت سحر بعدته وسندتني هي وساره دخلتني للغرفه الثانيه كعدت ع الجربايه دايخه كبل تمددت اسد بعييوني وافتحهن ودموعي تصب دخل هو بيده المروحه الهوائيه
سامر: لحد يسوي تجمع هنا خلي بس وحده من البنات يمها خاف تحتاج شي والباب فتحي وهاي خليها يمها ساره سويلها عصير برتقال بدون شكر و بي ثلج وحطي امخاد جوه رجليها خاف مرتفع ضغطها هسه اروح اجيب مقياس الضغط وين عمو باسم؟
سحر: طالعين كلهم بشغلهم
مريم: دار وجها وطلع واني كل ساع اتذكر ركضته علي وشلون حط ايده جوه راسي يسندني ويحجي بعصبيه يعني بعده يحبني مو مسحت دموعي شوي وجابتلي ساره عصير برتقال شربته دخل هو بيده جهاز الضغط
_كعد ع الكرسي اني باوعت بعيونه لعل ينتبه الي ويدلي جواب ع الي سواه الي بس مغلس علي رفع كم ايدي وحط الجهاز يقيس الضغط اني دفعته رفع راسه باوعلي باستغراب حطيت ايدي ع حلكي وكمت من مكاني اريد افقد توازني لزمت الميز هو وسحر كامو الي
سحر: شبيج خلي يقيس ضغطج ليش هيج لاتكومين توكعين
سامر: لج تريد تتتقييي جيبيها سله الزبل بسرعه تعالي انتي كعدي
مريم: لزمني من ايدي كعدني واني حاطه ايدي ع حلكي ارجف قربت هي سلطه الزباله هزيت راسي دموعي تصب هو دار وجها وطلع مكدرت اقاوم تيقت العصير الشربته انطتنني سحر كلينككس وبطل مي غسلت ورجعت تمددت دموعي تصب
انتظرته يجي ما اجه
_اجت امي مخبوصه هي وابوي لحو علي ياخذوني للمستشفى مقبلت عاندت بس جابولي علاج للدوخه من الصيدليه اجت الوطني رتاحيت اهواي تمددت والغرفه صارت بارده رادو يرجعوني وياهم سويت نفسي ميته
_هذا كله وبيبي متدري شنو صار بيه...غفيت ورجعت كعدت سوتلي اكل امي اكلت شوي ورجعت نمت فزيت سامر يسولف وي ماما اسمع صوته كلبي اشتعل نار هذا الانسان حيكون سبب بموتي عشر دقايق وطلعت ماما اني سويت نفسي بعدني دايخه وكمت هو قرب الي
سامر: لاتكومين بسرعه ع كيف حته لاتفقدين توازنج اذ..
مريم: قاطعته ماريد شيء هوو قرب ميسمع الي حط مخاد وره ظهري لتفت اله دكتور البيت!!! عليمن تسوي كل هذا منو يستاهل؟؟ الي تتجاهله وماتدير اله بال شو راكض علي هسه؟؟ شبسرعه دارت الدنيا؟ هو قرب مني اني نزلت عيوني ع شفايفه باوع بعيوني قرب مني بلعت ريكي شفايفي رجفت باوعلي ثواني و بتعد عني عافني وطلع...الله يحرك دمه مثل محرك دمي
_بسيطه اني الك ليل رحت يم بيبي دايخه كعدت بنت عمي تسولف شصار الي من وكعت وتخربطت لعمامي ولبيبي بيبي من سمعت شصار بيها حارت بيه هزيت راسي اطمنها اني زينه
ساره: شوفو البداهه العد سامر وادهم اول موكعت مريم صحت لجواد يصيح لادهم دخل ادهم شال مريم من الأرض وكال بنات ركضن جيبن مروحه هوائيه لان جو حار نيمناها بالارض والمروحه تذب هوه حاررر وهو يصيح بينا جيبو مي ببارد بي ثلج
مريم: هي تحجي والكل يضحك ع غباء ادهم
ساره: اسمعو اسمعو اول مدخل سامر ركض عليها شالها ورجع سندها صاح بينا ندخلها للغرفه دخلناها واخذ امخاد جوه رجلها رجع رش عطر ع ملابسها حته تكعد وراح صاح بينا نجيب الها عصير برتقال فتح الباب وطردنا بقت بس سحر وياه شوي وجاب مقياس الضغط وسله الزبل لان تقيئت
باسم: خلي يعزلون الدكاتره ويفتح سامر مو اكللكم مو مال مهندس معماري هذا دكتور
رحيمه: هذا كله صار ومحد گلي
باسم: حته احنا هستونا درينا
مريم: لتفت لادهم كاعد وضايج وهما يصنفون علي
_يوم ثاني مقبلت اكل الكل يسئلني اكلهم ماكله راحت سحر كلت لامي كعدت تقنعني اكل مقبلت بس انتر بيها اتنتر وابوي كالي اخذج للبيت وماتوصلين للعرس إذا ما اكلتي مقبلت
نص ساعه واجه سامر شكلوله شبيهم؟؟ منو كللهم إني اسمع كلامه؟؟ لو يموت ما اسمع كلامه واكل لحكني للمطبخ كتف ايدي
سامر: بدت اسوالف المزعطه والزعل ليش متاكلين واكعه براسي اني اقنعج؟!
مريم: حجيت واني العب بشعري مو اكو ناس دخلتني بالحرام وياها فإني شنو سويت؟ داصوم وادفع كفاره هل الذنب هذآ رفعت راسي هو موسع عيونه ومصدوم من كلامي گلت بگلبي اعرف هذا الي حجيته حيخلي ليله ما ينامه بلع ريكه محجه شي بقه دقايق صافن بيه عفته وطلعت من المطبخ
_وهيج هو اربع ايام اختفه يرحن البنات يتوسلن بيه اجي وياهن لبيت سامر بارد ويسون سهرات مااوافق بقيت معانده اروح لبيت اهلي ولا ادخل لبيته مره ثانيه من يشوفني حيكول هاي تتعمد تدور حولي وتغريني حته اتقرب منها مو اني بالنسبه اله شهوه وساعه ضعف منا وباسني بعد ولا يشوف وجهي...وهنا رجعو حددو موعد العرس بعد ما صارت ايد العروس زينه...
_رجعت للبيت وكضيتها بس نوم لدرجه اختنكت امي وابوي راحوا واخذوني لبيت جدو بيبي من شافتني كعدت تقنع بيه
رحيمه: شعندج كاعده هنا روحي يم البنات تونسي سامر مسافر إذا جنتي مامرتاحه لوجوده هناك
مريم: من سمعت هيج اخذت ملابسي ورحت يمهن بقينا يومين ببيته واني بس بالصاله كاعده مااقبل اتحرك لاي مكان لا اصعد لغرفته ولا ادخل للمطبخ كله بالغرفه الثانيه العصر اجه عمي باسم كلي صيحيلي سامر بسرعه لتفت لبنات عمي ساكتات ليش أني!
مرام: لان سهر مخطوبه وسلوه متزوجه وباقي البنات گبار وعمتي ماموجوده واني شابه بس انتي اصغرنا
مريم: شعليه اني
سلوه: مريم شلون سهر تدخل غرفه واحد متزوج واني متزوجه عيب اصلا ميصير بله ملابس شيء
مريم: شنو حجيت بصدمه ماراضيه واني شكوو؟؟
سلوه: دكي الباب مو شرط دتخلين لاتسويها عظيمه وانتي مثل اخته
مريم: كلت بكلبي هي هاي المشكله اني اصغرجن شلون مشكله هاي جريت نفس وصعدت فوك فتحت الباب ودكيته الغرفه ظلمه دكيته ماكو صوت مديت ايدي فتحت الگلوب هو نايم يي لابس ملابس الحمد الله درت وجهي ودكيت الباب صحت سامر بصوت ناصي ماكو بعده نايم صحت باعله صوت هو فز لتفت الي درت وجهي للجها الثانيه بسرعه
سامر: شنوو شصاير!!
مريم: بلعت ريگي حجيت بتردد بدون ما ادخل الغرفه
سامر عمو باسم يريدك ضروري سديت الباب ونزلت ع السريع شوي وهو نزل أني درت وجهي وضميت نفسي وره بنات عمي ماريد اشوفه وكف يسولف وي عمي باسم لتفتت اباوعله من فوك ليجوه رجعت درت وجهي شوي وهما طلعوا
_بليل دكيت رجلي الا اروح لبيت جدو بنات قنعني مقبلت الا يم بيبي اخذت سلوه ورجعنا لبيت جدو كعدت يم بيبي خانسه ما احجي حرف شوي وصعدت فوك اتصلت بامي بيت جدو ماخذه فرح اووووف شسوي هسه اريد ارجع لبيتنا مو جنت مرتاحه شهل المصيبه هاي ع راسي
_هوسه صار بيتنا اكيدد عمو باسم ماخله شخص ماعززمه ثلاث ايام ع العرس ماكو محط رجل وين اكو تجمع بنات يجي عمي باسم يحط الديجي حت يركصن رجعت يم بيبي شوي هدوء لان هي تعبانه متحب الهوسه كعدت يمها نص ساعه ودخلت عمتي ام سامر وعمتي سماح ومرت عمي الجبير كعدن يحشن بسامر وخلود
_شلون سامر هيج يعوف مرته وشلون خلود تختار دراستها عود هاي الزينه صاحن سامر انسحبت طلعت من الغرفه ع السريع وكفت ع صفحه هو دخل ياستار راح ياكلها منهن هسه يطلعن العيشه من خشمه رحت للمطبخ اساعد البنات بالعشه الشباب طابين طالعين تذايقت كلش بالحركه كلهم داخلين هسه الا بيت سامر هدوء هو هذآ حضي يگلي مااخليچ تتغيرين وتنعدلين
_شوي والبيت صار هدوء اسمع صوت عمتي ام سامر تصيح ع سامر وهو صار عصبي كلش شوي ويكوم يكسر البيت ع راسهن قبل هم صار عصبي بس مو هل الشكل
_بنات عمي عافن كلشي وراحن يسمعن وإني اريد الطم ع وجهي ماعندي مكان اليوم انام بي سلوه گالت اليوم مبين عليهم راح يسهرون ومشاكل أمشي نروح هناك بيت سامر نتجنب كلشي أني سمعت هيج لبست جنطتي ورحت وياها كعدنا لل٢ بليل نسولف ونضحك ونحشش ع عمو باسم من يتزوج شلون يعامل مرته قسم منهن نعسن وقسم نامن أني كعدت الكلب بالتلفون حوالي ٢ ونص دك تلفوني المتصل سامر!! جريت حسره لتفت لمرام
مرام: شكو تباوعيلي
مريم: اكلج الباب مفتوح!! البره خاف اجه سامر
مرام: اي روحي فتحي
مريم: الا اني
مرام: ليش متعاركه وي سامر شو متقبلين تباتين هنا ولا تجين ويانا و
مريم: گلت بگلبي عزا راح افضح نفسي هزيت راسي وقاطعتها لااا يمعوده بس مابيه حيل اگوم افتح الباب
مرام: أني بالنسبه الي يرادلي سنه اكوم والبس حجابي انتي كومي
مريم: دارت وجها عني تسولف وي ختام كمت ع حيلي عفت التلفون وطلعت من باب الاستقبال فتحت الباب البره هو ماكو بس سيارته موجوده!! خاف بالمطبخ دخلت للمطبخ هو واكف وديسوي كهوه ضجت دخلت حجيت بتردد رايد شيء!! حجه بتعب مبين علي كوه يحجي
سامر: ردت اعرف بيجن نايمات لو لا اريد اصعد فوك گلت خاف يتذايقن مو مهم حنام بالاستقبال
مريم: هزيت راسي بنفي يحجي وميباوعلي... بالعكس هسه اكللهن اصلا الگلوب مطفي حت لو صعدت لغرفتك متشوفهن
سامر: تمام
مريم: رفع راسه باوعلي واني صافنه بي اباوعله بعتب بلكت يحس ويجاوبني ع كلشي أريد اسئله هو دار وجها مثل الي يگلي طلعي ماعندي شيء احجي وياج!!
_يوم ثاني سامر راح للشغل رحت لبيت جدو اجهز وي البنات واساعدهن تعبت مقبلن اكمل صايره اقل شي اسوي اتعب بسرعه مجنت قبل هيج
_بليل فتحت التلفزيون ع قناه ميوزك وكعدنا نركص تعبت رجعلي وجعتني هن گامن يركصن علن صوت التلفزيون كومني شديت وصله ع خصري واركص كامن يضحكني واني اركص ويصيحن علي عاشووو عاشووو واني تحمست واركص اشوفهن يباوعلي بمگر واني مطنشه الكل ومندمجه ذابه كل حركتي بالركص
مرام: والله هنيال الي ياخذج عليج جسم وتعرفين تركصين
مريم: ضحكت دك تلفون بنت عمتي نصت التلفزيون فتحته بتسمت هزت راسها سدت التلفون مبتسمه بخبث
سلوه: سامر يصيح الج
مريم: سامر يصيحلي اني؟؟ بس لا سمع طفو بسرعه طفو ميقبل اركص سديت التلفزيون اريد اطلع بره جرتني من ايدي
تقوه: بعد وكت حبيبتي سامر فوك بغرفته من ساعه اجه وانتي نايمه
مريم: لتفت الهن لعد ليش مكلتن الي هن ضحكن علي
مرام: تستاهلين هاي خدعه الج حت متركصين بعد لان شفناج شلون تاذيتي
تقوه: حل تستاهلين كتلج لاتركصين رجلج مبين عليها متاذيه بس انتي ماتسمعين الكلام صعدي اخذي المقسوم
مريم: هاي عود انتن العاقلات؟! واذا صعدت قابل يضربني ماله دخل بيه شمرت الوصله من خصري وصعدت دكيت الباب ودخلت هو مو بغرفته دخلت لتفت وين راح نفتح الباب دخل جان وجها مبلل دخل سحب المنشفه من الكنتور ينشف وجها وشعره لتفت الي
سامر: خلصت حلول مريم صار وكت حلول الاغراء مو؟!
مريم: شنو؟؟ حلول مريم شنو حلول الاغراء ليش صحتلي؟ شتريد
سامر: ركص وصله ع الخصر وجسمج حلو وهنيال الي ياخذج وصلت الفكره
مريم: ضحكت باستهزاء لا بله لحظه بس لا ع بالك اني جوه جنت اركص لخاطرك؟؟؟ واغريك هههههههه اصلا مجنت اعرف انت موجود!!!
سامر: اي مبين من دلعه الصدر
مريم: باوعت لقميصي رفعت وغطيت صدري شوي جريت حسره مجنت اعرف انت موجود
سامر: تتعمدين تسوين هيج
مريم: شوف خلي احجيلك شي اني جنت راكضه وراك وما انكر ونزلت نفسي وقيمتي ومستواي لادنه شي وهسه وعيت ع الي داسوي وع الي جنت اريده فلا تحط بالك فكره اني داغريك هسه وهاي هي بس يخلص العرس ارجع للبيت اصلا شهر ونص دوامي يبدي اشوف ملامحه تبدلت
سامر: انجبي
مريم: ماعاجبك كلامي شعجب؟ ارجع اسمعك المحاضرات الي جنت تسمعها الي
سامر: وعيتي هههههههه!!! ابقي لعبي دور صعبه المنال الي متتتحصل بس قسم هاي اخلاقج واسلوبجج والي ديقره براسج ويسمعج ويمشيج كلهن اعدلهن الج
مريم: ليش منو انت حته تعدلهن؟ حجيت هيج اريد اشوف منا جواب هو كام ع حيله وقرب مني
سامر: منو اني؟؟؟ تغشمين نفسج
مريم: ابن عمي
سامر: تتعمدين تتعبيني واني بهل الوضع!
مريم: ياا وضع!! شبيك سامر؟؟ قرب مني حسبالي راح يضربني من الخوف اريد ارجع لزم ايدي وقرب مني حط شفته ع شفتي فتحت عيوني بصدمه متحركت
_قرب اكثر تمادى شهكت قرب اكثر وعض لساني وسعت عيوني مصدومه حطيت ايدي ع صدره اريد ابعده هو لزم ايدي وعصرهن بتعد عني يلهث لزمتني رجفه وحراره بجسمي موطبيعيه اريد احجي ماكدرت هو حط شفايفه ع ركبتي مممصدكه الي ديصير لا لا يمكن شارب اي شارب اريد ابعده وهو لازم ايدي عاصرها حيل عطت مصدومه
_بتعدت عنا مثل الشخص الضربك وانت بعز صفنتك الموقف والي سوووه؟؟؟؟؟ حته نساني شلون اوكف ع رجلي وارمش واتنفس حته!!
نتهيت هزيت راسي رافضه الي ديصير هذا حلم والله سامر ميسوي هيج باوعتله ارجف قرب مني همس باذني
سامر: شسويتي بيه لوين ابقه مانع نفسي منج شكدج شكبرج وكعتيني صبرت نفسي ودعيت مااسويلج شي واقرب منج شيطاني كبر مااكدر الزم نفسي عنج بعد
مريم: شهكت عيوني غوركت باوعتله بصدمه حجه وياي واني بعالم ثاني
سامر: مريم
مريم: ماحجيت شي بس مصدومه
سامر: مريومتي
مريم: لتفت اله صدري يرتفع وينخفض مريومتي!
سامر: اريدج
مريم: برطمت كوه لزمت دموعي متنزل هو شبكني حيل وبعد ايده عن ايدي ضمني لصدره الجو يوتر و جسمه حار ومن شابكني واصله اني لنص من عنده ضخامته وريحته كلشي بي وترني مشاعري تضاربت
_شلون هيج سوه وشبسرعه مو جان يسوي المستحيل حتى يبعدني ما اصدك بيوم وليله هيج حبني وصار يريد قربي منا من خوفي وتوتري بجيت زاد صوت بجي اكثر شهكاتي علت هو نصدم حطيت ايدي ع حلكي حت البنات ميسمعن واشهك باوعلي وضعه متخربط وحاير بيه
سامر: ليش تبجين ماسويتلج شي
مريم: كمت ارجف وابجي واشهك لزمني من ايدي
سامر: ليش تبجين باوعيلي
مريم: باوعت بعيونه والابتسامه مرسومه ع وجه مبتسم يطمني اني زدت بجي دنكت الموقف الي صار عمري كله ماانسه بتسامته وحضنه الي لو بوسته وقربه!! شجاوبه!! شكله هو خله شيء ينحجي بعد!!!
سامر: باوعيلي
مريم: مكدرت اتجرئ اباوعله بعد الي سواه لزمتني خنكه بصدري موطبيعيه احس الغرفه كد ماهي جبيره ماوسعتني الهوه صار صعب اتنفسه كلشي صار بسرعه
شلون ويمته وليش وشنو السبب؟؟ وحركاته لمسته بوسته!!! حجه بضوجه
سامر: روحي غسليي وجهج ياله لاتبجين وبعدين نسولف متوقعتج هيج تبجين وتنهارين
مريم: رفعت راسي اشهكت مصدومه منا!!! يگلي متوقعتچ هيج تنبجين وتنهارين ليش جان متامل بيه شي؟؟؟ شصايررر مسحت طرف عيوني لحد هسه ممصدكه الي صار صح بالغت برده فعلي بجي واني قبل جنت اريد هذا الشيء بسسس؟؟؟ نصدمت من وكت ماشلته من راسي هيج يسوي؟؟ بيه حسيت لحظه بس يريد يقرب مني مجرد بوسه وشهوه لان شافني اركص لذالك بجيت
سامر: ياله نزلي غسلي وجهج واذا ع ركصج ترا اكتلج اذا شفتج بعد تركصين تمام!! صارلي ساعه احاول امنع نفسي عنج بس ركصج دمرني
مريم: جان يحجي بطريقه تهديد بس من وصل امنع نفسي عنج صفن بيه
حجيت بتعجب واستغراب ركصي؟؟! گلت بگلبي سامر مو النوع اذا شاف وحده تركص يگول حاولت امنع نفسي منچ شبي شديصير وياه؟!
سامر: اسمع صوت الاغاني جوه علت كلت لاممعقوله يكسرن كلمتي ويفتحن ويركصن كدامج ماكو غيرج هيج يسوي طلعت من غرفتي واشوفج الوحيده بوسطهن تركص منو علمج هيج؟؟
_اريد اعوف المكان وادخل اريد امنع نفسي مكدرت
حتريت رحت غسلت وجهي صوت ضحكج يصيح الي اجي اكمل اشوف هل الچلبه شلون تركص!!
_وإني بالايام العاديه اسحب نفسي مااقرب منج واحاول ابتعد عنج واشوفج هسه بيتي وكدامي تركصين وامنع نفسي شلون بقيت صافن بركصج
و تركصين كدامهن ولافوكها يكولون هنيال الياخذج
اشكد محذرج اني بس ماتسمعين الكلام شسويلج بله
_اذا اكو حل غير البسط اسوي!! سيطر علي شيطاني بعد مااستحمل أني عليج منعت نفسي اهواي منج ماكدر ١٧ سنه بسس كدرتي توكعني!!!
مريم: اني ما... قاطعني
سامر: اششش ما أريد اسمع اعذار
مريم: مااعيدها بعد حجه باستهزاء
سامر: متعيديها اكتلج غير
مريم: تقرب مني يريد يبوسني قرب كلش مني انفاسه صارت تضرب شفايفي كمت ارجف ما اعرف شلون لحد هسه اني واكفه وصامده وماوكعت!
سامر: ليشش هيج شفتج ترجف!
مريم: حجيت برجفه!!! تمنع نفسك عني ليش قبل جنت تمنع نفسك عني؟! هو غير الموضوع
سامر: نزلي هيج مااكدر اسيطر ع نفسي دقايق وما اضمنلج وين تصييرين
مريم: بتعد عني نصدمت اني بدون ما احجي شي لتفت بسرعه وفتحت الباب نزلت ركض فتحت باب الحمام دخلت كعدت وره الباب لطمت ع خدودي عززا بيج مريم شسويتي نهاريت ابجي احس كلبي يريد يطلع من مكانه ساعه بالحمام اريد استوعب شنو صار كل ساع يمر بعقلي الي سواه الي
_ جان ضام كلشي بكلبه وميكلي جان يكافح بس لحظه من جنت يمه نسيت شلون اتنفس ولا احس بنبضات كلبي!!!
_إلي جنت احسبه مستحيل الي تقدم بهل البساطه وحضني ويكلي چنتي مدمرتني حقيقه هذا لو حلم لحد هسه مصدومه مسحت دموعي منه يسولفلي كلشي من شوكت وليش ويمتىٰ وشنو صار وشغيره
_غمضت عيوني رجعت ابجي خوف ع فرحه ع توتر ع حزن شيء يمنعني شي يريد يخنكني شيء يگلي هو هذآ المطلوب ساعه ابجي ساعه اضحك كمت من مكاني لازمه صدري من كثر البچي وكفت اغسل وجهي ليش هيج نفجرت ابچي بعد ما قرررت اتركه وانسه رجع يحبني وهيج يريدني والله موبقصدي اركص مجنت اعرف هو موجود كله من وراهن ضربت نفسي هديت نفسي غسلت وجهي شديت شعري
_مريم هذا حلم مو واقع هسه تطلعين تكلي نازل هو وطلته وساكت يباوعلج برود وينتظر خلود ماكو هيج حجي جنتي تحلمين طلعت البنات يضحكن علي عرفن سامر مصيح علي كعدن ينصحني انو عقاب الي لان ركصت هن يحجن واني اتصفن
_ساعتين بس اني مو ع بعضي عقلي مو بمكانه بس اهز برجلي فرشن فراشاتهن اني بعدت عنهن وغطيت وجهي اريد انام مكدرت طفن الضوه ونامن ساعتين أني بس ابجي بصوت ناصي تعبت من التفكير معقوله حبني لو بس هيج ساعه شهوه!! سامر الي اموت بي بادلني الشعور راح يذلني لو يقدرني يعاملني زين لو يحبني دك تلفوني فزيت
_طفيته وضميته بلعت ريكي رجعت فتحته هو متصل ممصدكه لا لا مستحيل اصلا مصار بيناتنا اي شيء
للخمسه الفجر اني منايمه من التفكير خلود راح يطلكها!! هسه ينزل ويگلي انتي غلبتيني انتي اغوتيني برگصج انسي الي صار بيناتنا....شلون راح اعيش زين اني قبل من ردته الي وجنبي ليش مفكرت مثل هذا قبل شنو ردت بالضبط معقوله انسان ميعرف نفسه شيريد!!
_فزيت الصبح عطشانه من الحر كمت فتحت باب المطبخ فتحت عيوني بنعاس شفت سامر كاعد ع ميز الطعام يشرب جاي وكباله الابتوب شهكت هو رفع راسه باوعلي رجع دنك كلبي دك بسرعه تذكرت انفاسه وقربه الي
البارحه مكدرت انسحب لازم اكمل دخلت اخذت كلاص مي وترسته من البراد اشرب مي وايدي ترجف ع النص وشردت من المطبخ
_كعدت ع صوت اغاني فركت عيوني رحت غسلت وجهي ورحت للاستقبال عمي باسم يركص وفاتحين ديجي اليوم حنته رحت للمطبخ سوتيلي جاي ولفه جبن خلصت اكل صفنت ع كلاص الجاي هاي هي مريم راح تخلصين اليوم حنه عمو وباجر زواجه وترجعين لبيتج مرجعتي اروح لبيت جدو واحبس نفسي هناك بالغرفه الفوك احسن حل
نفتح باب المطبخ لتفت دخل رجعت اخذت كلاص الجاي سويت نفسي مندمجه اشرب جاي احسه قرب مني رفعت راسي هو حط ايده اليمنه لازم الكرسي بيها وبايده اليسره لازم ميز الطعام وقريب عني وسعت عيوني وفتحت حلكي
سامر: احس جوعان كلش بس هستوني متغدي وبنفس الوقت مشتهي حلا بس مااحب الي خليني عطشان ابتعد عن كل حلا زايد وبي شكر اهواي شنو الحل برايجج؟ ابقه هيج جوعان!
مريم: حجيت بغباء اسويلك چاي
سامر: أريد حلقوم
مريم: وجهي صار احمر هو يباوع الي اسمع صوت الاغاني العالي خفت احد يجي وهو هيج قريب علي حطيت كلاص الجاي ع الميز واستعديت اكوم باوعت بعيونه وحجيت للمره الثانيه بغباء هسه هسه لا اقصد هسه اجيبلك الي تريده اوصي عمو قاطعني وعض خدي شهكت قرب لزمني من راسي وعض خدي الثاني بتعد لحس شفتي بلسانه
سامر: بعدني ماشبعت اريد بعد
يتبع...