شباك الحب

البارت الثامن عشر

شباك الحب

للكاتبه زهراء المياحي

~°~°~°~°~°~°~°~°~°~°~°

_اسولف وياه دك تلفون راح شاله عكد حواجبه حجيت بتدخل منو المتصل!! حطه باذنه اسمع صوت بنيه!! سده لتفت الي

سامر: خلود بالباب بدلي بسرعه

مريم: شنووو!! هو نزل يلبس ملابسه اني نزلت البس ع السريع حجيت وياه مامركز وياه اخذ مفتاح الباب ولتفت الي انزل اخذت تلفوني وجنطتي دانزل هو واكف يعدل بالجربايه نزل اشرلي انزل ع السريع احس گلبي انخطف

_هو نزل يفتح الها الباب رحت وكفت بالصاله اريد اتنفس ماكدر دخلت هي وجها ميتفسر ضعفانه وكلش ضايجه نزعت جبتها وحجابها حطتهن ع القنفه لابسه دشداشه مخصره وقصيره من شفتها هيچ نار شبت بداخلي اريد اتنفس ماكدرت هي لتفت الي

خلود: شنو تسوين هنا!!

مريم: حجيت بتلبك وخوف جنت انظف هي قربت مني

خلود: اني اكمل شغل روحي انتي ارتاحي

مريم: دخل سامر ضايج باوعلي اشرلي اجي

سامر: تعالي اوصلج هي تكمل باقي التنظيف

مريم: اخذت تلفوني وصعدت بالسياره هو مشاها شوي لتفت اله ليش دخلتها هو لتفت اليي عاكد حواجبه!!

سامر: شنو؟؟ ليش دخلتها؟؟ اطردها؟؟

مريم: هزيت راسي اي اطردها هي الي عافتك مو انت روح طلعها من البيت شعدها جايه ماعدها كرامه هاي اطردها متريدها انت عافتك وبكل برود تريد تچي شعندك مستقبلها بس گلي هو مسح وجها

سامر: شلون اطردها!! تحجين صدك

مريم: موووو هييي تررركتككك راح تبقه وياها يااا سامررر شبيييك

سامر: ليش اطردها من بيتها مسوت شيء غلط هي

مريم: شنوو؟؟ من يمتى هذا الحجي عطت بي سامرررر شدتمسسسلت!! هو صاح بيه

سامر: صووووتج لا تعلي احترررمي نفسج

مريم: وكف السياره بالفرع سكتت درت وجهي للجها الثانيه رجعت لتفتت اله صدري يرتفع وينخفض من العصبيه راح تنام يمها هو باوعلي ساكت
متعرف الجواب طلكها!!

سامر: ما اطلكها

مريم: حط ايده ع وجها حجيت بصدمه شنووو؟؟ شنو متطلكها ضربت الجكمجه شنوو متطلكها راح ترجعلها وتنام يمها؟؟ صدك تحجي شلون تتحمل مو تكول احبج واموت بيح ومشتاق الي؟؟ وترجع لحضن خلووود صدددددك تحجي انت

سامر: منو كلج حبي رجال متزوج!!! ومنو گال راح ارجع الهاا؟؟!!!

مريم: شهكت شنوووووو يعني جذبت علي لتفت الي

سامر: اكو يوم كتلج اني راح اطلك خلود؟؟ لو كتلج وانطيتج امل اعوفها؟؟ گتلچ ما اعوفج واتركها ما اقرب الها بس ماطلكها