«មនុស្សស្អាត ឆ្លាត ពូកែដូចជាកូន គួរតែមានប្ដីដែល
ល្អជាង ចន ជុងហ្គុក អាក្មេងក្អេងក្អាងមិនស្គាល់ចាស់ទុំ!»
និយាយរួចគាត់ក៏សេីចបន្តិច ព្រោះគម្រោងការរកប្ដីថ្មីឲ្យកូនកំពុងតែឈានទៅរកភាពជោគជ័យសន្សឹមៗហេីយ។
ទទួលស្គាល់ថាគាត់ជាមនុស្សអាត្មានិយម ប៉ុន្តែគាត់ធ្វើ
បែបនេះ ដេីម្បីកូនប៉ុណ្ណោះ ព្រោះចង់ឲ្យកូនមានប្ដីដែល
ល្អជាង ចន ជុងហ្គុក មនុស្សក្រអឺតក្រទមមិនដែលគោរព
គាត់ជាប៉ាក្មេក។
«ប្រពន្ធខ្ញុំនៅឯណា?!!!»
នឹកដេីមដង្ហើមដល់ គ្រាន់តែ ថេយ៉ុង បេីកឡាន
ចេញទៅភ្លាម ជុងហ្គុក ក៏បេីកចូលមករកលោកប៉ាក្មេក
តែម្ដង។ មកទាំងកំហឹង មកទាំងកាំភ្លើងនៅជាប់ដៃ។
«ខ្ញុំសួរថាប្រពន្ធខ្ញុំនៅឯណា?លោកយកប្រពន្ធខ្ញុំទៅ
លាក់ទុកនៅឯណា?!!!»កំហឹងឆេះឆួលពេញប្រអប់ទ្រូង ទប់លែងជាប់ក៏ស្ទុះទៅក្របួចកអាវលោកគីម ទាញកញ្ឆក់
ហេីយគំហកសួរខ្លាំងៗ។
«ប្រពន្ធរបស់ឯង ហេតុអ្វីមកសួរខ្ញុំ?»ស្ដាប់សម្ដីគាត់
ចុះ សឹងតែធ្វើឲ្យអ្នកស្ដាប់ឮទ្រាំមិនបាន បាញ់សម្លាប់ឲ្យ
ក្លាយជាខ្មោចយាមវិមាន។
«ខ្ញុំមិនត្រូវការលុយ ខ្ញុំត្រូវការ ថេយ៉ុង!លោកឯង
យកប្រពន្ធខ្ញុំទៅទុកនៅឯណាហ្ហាស?!!យកគេទៅទុក
នៅឯណា?!!»
«មេីលទៅឯងស្រឡាញ់កូនខ្ញុំខ្លាំងណាស់»ថាតែ
ប៉ុណ្ណឹង គាត់ក៏ដេីរទៅអង្គុយគងអន្ទាក់ខ្លាលេីសាឡុង
ក្រេបតែបន្តិច ទេីបនិយាយបន្ត៖
«ប៉ុន្តែ ថេយ៉ុង មិនបានស្រឡាញ់ឯងទេ!»
«លោកឯងយកស្អីមកនិយាយ?ប្ដីប្រពន្ធខ្ញុំរស់នៅ
ជាមួយគ្នារាល់ថ្ងៃ កុំចង់មកកុហក!»គេមិនជឿដាច់ខាត
មិនជឿថា ថេយ៉ុង មិនបានស្រឡាញ់គេឡេីយ ទោះបី
មុននេះដឹងចម្លើយពី ដាកហ៍ ថាប្រពន្ធជាអ្នកលួចយក
លុយពីទូរដែកក៏ដោយ។ ប្រពន្ធរបស់គេ ប្រាកដជា
មានហេតុផល ហេីយហេតុផលនោះគឺជាតាកញ្ចាស់
មានចរិតអាត្មានិយមម្នាក់នេះ!។
«នែ៎!ចន ជុងហ្គុក ឯងជាមនុស្សពូកែគ្រប់យ៉ាង ហេតុអ្វីមកចាញ់ក្រោមល្បិចក្មេងប្រុសម្នាក់?វាពិតជាគួរឲ្យអស់
សំណេីចណាស់!»
«ហុឹម...ខ្ញុំប្រាប់ឯងតាមត្រង់ទៅចុះបេីជ្រុលជាឯងតាម
ទាន់ទៅហេីយ»រាងកាយចំណាស់ងេីបឈរ ដេីរសំដៅ
ទៅរកកូនប្រសារ ហេីយញញឹមដាក់គេតិចៗ មុននឹង
និយាយបន្ត៖
«ថេយ៉ុង មិនធ្លាប់ស្រឡាញ់ឯងទេ កាលដែលគេ
ព្រមរៀបការសាងគ្រួសារជាមួយនឹងឯងក៏ព្រោះតែយេីង!
យេីងបញ្ចូនគេទៅ ឲ្យចាប់ឯងធ្វើប្ដីដេីម្បីផលប្រយោជន៍
ផ្ទាល់ខ្លួនរបស់យើង ថេយ៉ុង ក៏ព្រមមិនរារែក ព្រោះគេ
ស្រឡាញ់យើងដែលជាអ្នកផ្ដល់កំណើតឲ្យ ថេយ៉ុង គឺជា
កូនដ៏ល្អម្នាក់!គេសុខចិត្តដាក់ថ្នាំ ឡើងគ្រែជាមួយឯង
ដេីម្បីចាប់ឯងធ្វើប្ដីក៏ព្រោះតែយេីង គេចូលក្នុងជីវិតឯង
ក៏ព្រោះតែយេីង គេហ៊ានលួចលុយឯងមកឲ្យយេីង ហេតុអ្វី
ក៏មិនអរគុណយេីងផលដែលបញ្ចូន ថេយ៉ុង ទៅឲ្យ
ឯ-ដឹបបបប»បញ្ចុះបញ្ចូលឲ្យប្ដីប្រពន្ធគេបែកបាក់គ្នាមិន
ទាន់ចប់ប្រយោគផង ផ្ទៃមុខជ្រីវជ្រួញក៏សុីមួយកណ្ដាប់
ដៃរបស់អ្នកជាកូនប្រសារ។
«ខ្ញុំព្រមានលោកម្ដងទៀត ហាមមកពាក់ព័ន្ធជាមួយ
គ្រួសារខ្ញុំឲ្យសោះ!»ថារួច គេក៏ដេីរចេញ ស្របលោកគីម
ក៏ក្រោកឈរ ហេីយបោះមួយប្រយោគឲ្យអ្នកដែលដេីរ
ចេញទៅកាន់តែក្ដៅក្រហាយថែមមួយកម្រិតទៀត។
«ថេយ៉ុង មិនបានស្រឡាញ់ឯង!គេបោកប្រាស់ឯងប្រេីមករហូត បេីមិនជឿចូលសណ្ធាគារផ្កាយប្រាំក្បែរនេះទៅឯងនឹងបានឃេីញប្រពន្ធដ៏ល្អរបស់ឯងកំពុងតែណាត់ជួបជាមួយនឹងអនាគតប្ដីថ្មី»ពាក្យសម្ដីរបស់គាត់លេីសពេកហើយ លេីសរហូតដល់ ជុងហ្គុក ទ្រាំលែងបាន
ស្ទុះទៅដាល់មុខរបស់គាត់បីដៃខ្លាំងៗជាប់គ្នារហូតសន្លប់
ស្ដូកស្ដឹងលែងដឹងខ្លួន។
«គីម ថេយ៉ុង!»
ជុងហ្គុក សង្គ្រឺតធ្មេញហៅឈ្មោះប្រពន្ធដោយអារម្មណ៍ក្រេវក្រោធ មុននឹងបោះជំហានចូលក្នុងឡាន ហើយបេីកសំដៅទៅរកគោលដៅយ៉ាងលឿន ប្រសិនជាដូចអ្វីទៅនឹងលោកគីម និយាយ គេសុំចុះចេញ មិនបន្តក្ដីស្នេហាឫជីវិតជាប្ដីប្រពន្ធទៀតទេ ព្រោះឆ្អែតដល់កហេីយ ឆ្អែតពិតមែន ប្រពន្ធតូចជាន់ឈ្លីបេះដូងគេខ្លាំងពេកហើយ។
សណ្ឋាគារ
«នៅសម្លឹងមុខខ្ញុំដល់ណាទៀត?ចង់និយាយអ្វីក៏
និយាយមក ខ្ញុំប្រញាប់!»មាត់និយាយ ភ្នែកដៀងមេីល
នាឡិកាលេីកដៃមិនឈប់ ព្រោះបារម្ភពីស្វាមីដែលគេង
មិនស្រួលខ្លួន រង់ចាំនៅឯភូមិគ្រឹះ។
«អូនស្អាតណាស់»
«អរគុណ តែខ្ញុំមានស្វាមីហើយ»
«បងមិនប្រកាន់រឿងហ្នឹងទេ»មិននិយាយតែមាត់
ដៃក៏លូកទៅអង្អែលថ្ពាល់ក្រពុំលេងតិចៗ ធ្វើឲ្យ ថេយ៉ុង
ទ្រាំលែងបាន ស្ទុះងេីបឈរ ហេីយទាញកាហ្វេជះទៅ
លេីខ្លួនមនុស្សប្រុសតណ្ហាក្រាស់។
ឆាច់!!!
«ខ្ញុំប្រាប់ថាខ្ញុំមានប្ដីហើយ!រាងកាយខ្ញុំសម្រាប់តែប្ដី
ខ្ញុំប៉ុណ្ណោះ»និយាយផង អួលដេីមកចង់យំផង ព្រោះមាន
អារម្មណ៍ដឹងថាខ្លួនធ្លាក់ចូលអន្ទាក់អ្នកជាឪពុកម្ដងទៀត
ហេីយ។ ច្បាស់ណាស់ បុរសម្នាក់នេះ គឺជាអនាគតស្វាមី
ដែលគាត់ថានឹងរៀបចំឲ្យកាលពីជិត២ខែមុន។
ផ្លាច់!!!
«ឆ្នាសបែបនេះ ប្ដីពេញចិត្ត»គេវាត់ខ្នងដៃលេីថ្ពាល់
សរលោងធ្លាប់តែទទួលបានការបបោសថេីបអង្អែលពី
ស្វាមីមួយទំហឹងដៃមនុស្សប្រុសពោរពេញទៅដោយ
កម្លាំង។
«លែងយេីង!យេីងប្រាប់ថាឲ្យលែង!!!»ថេយ៉ុង
ស្រែកឡេីងខ្ទរបន្ទប់VIPដែលមានតែមនុស្សពីរនាក់
នៅខាងក្នុង ព្យាយាមរុញរាងកាយមនុស្សប្រុសតណ្ហា
ក្រាស់ កុំឲ្យមកជិតខ្លួនខ្លាំងជាងនេះ។
«កុំសម្ដីឈ្លេីយដាក់ប្ដីពេក វាមិនល្អទេណាក្មេងតូច»
និយាយចប់ គេក៏លោមុខបម្រុងទៅថេីបថ្ពាល់ក្រពុំដែល
ខ្លួនបានទះមុននេះបន្តិច តែក៏ត្រូវ ថេយ៉ុង ទាញកែវថ្ម
នៅលេីតុកញ្ចក់ យកទៅវាយក្បាលគេមួយទំហឹង។ ប្រាប់
ហេីយប្រាប់ទៀត ក្រៅពី ជុងហ្គុក មិនឲ្យអ្នកណាប៉ះពាល់
រាងកាយមួយនេះជាដាច់ខាត!។
ប្រាវវវវវ...ច្រិច
កាយស្ដេីងដួលព្រូសទៅលេីសាឡុង ស្របរាងកាយ
បុរសល្មោភកាមទ្រោបពីលេី ខណៈដែលអ្នកជាស្វាមី
ក៏បាញ់ទម្លុះទ្វារចូលមកល្មម។
ផាំងងង...គ្រាំងងង
«ថេយ៍...»ជុងហ្គុក ញ័រមាត់តតាត់ហៅឈ្មោះប្រពន្ធ
មិនចង់ចេញ ពេលក្រឡេកទៅលេីសាឡុងឃេីញមនុស្ស
ពីរនាក់កំពុងតែឱបគ្នាយ៉ាងស្អិតល្មួត។
«បង...អ្ហឹស»ថេយ៉ុង បន្លឺសំឡេងហៅឈ្មោះស្វាមី
ស្រាលៗ មុននឹងរុញរាងកាយប្រុសសាម៉ានទៅម្ខាង ខណៈ
ដៃតូចៗពោរពេញទៅដោយឈាម ព្រោះមុននេះមិនត្រឹម
តែវាយក្បាលគេទេ ពោះក៏ចាក់ផងដែរ។
«អ្ហឹកៗ ជួយអូនផង»កំលោះតូច លោដៃឲ្យស្វាមី
ជួយ ខណៈ ជុងហ្គុក បេីកភ្នែកធំៗយល់ពីអ្វីដែលខ្លួនបាន
ភ័ន្តច្រឡំមុននេះ រួចស្ទុះទៅលេីកប្រពន្ធយកមកឱប មុន
នឹងក្រឡេកមេីលទៅពោះដែលស្រោចស្រពទៅដោយ
ឈាមរបស់មនុស្សប្រុសប្លែកមុខ។
«មានរឿងអី?»
«អ្ហឹកៗ»
«ថេយ៍..តាំងអារម្មណ៍ហើយឆ្លើយប្រាប់បងមក»
«អ្ហឹកៗ វាចង់រំលោភអូន អ្ហឹក ប៊ាំងៗៗ!!!»ស្ដាប់ចប់ មិន
ចាំយូរគេក៏តម្រង់កាំភ្លើងបាញ់ប្រអប់ដៃប្រអប់ជេីងបុរស
ម្នាក់នោះ៤គ្រាប់បន្តគ្នារដិក។
«៤គ្រាប់នេះទុកព្រមាន ថ្ងៃក្រោយកុំគិតចង់ប៉ះពាល់
ប្រពន្ធយេីងទៀតឲ្យសោះ!»
«លោ...លោកទុកជីវិតឲ្យខ្ញុំផង លោក...សូម..សូម
មេត្តា»ជុងហ្គុក ហៀបនឹងលេីកកាំភ្លើងបាញ់ផ្ដាច់សង្ហា
គេទៅហេីយ តែក៏ត្រូវប្រពន្ធស្រែកឃាត់។
«បង!កុំអី កុំសម្លាប់មនុស្សអីណា»
«នៅនឹកអាល័យអនាគតស្វាមី?»
សំណួរស្រាលៗតែបង្កប់ដោយភាពចុកឈាមក្រៀមបេះដូងរបស់គេ ធ្វើឲ្យអ្នកដែលស្ដាប់ឮហើយ ធ្វើមុខមិងមាំង មិនយល់ពីអ្វីទាំងអស់។
«បងនិយាយអី?អូនមិនយល់ទេ»
«មិនយល់?ឫមួយក៏សម្ដែងធ្វើមិនយល់?ថេយ៍!អូននៅ
ដូចដេីម នៅតែជាមនុស្សពូកែសម្ដែង មិនគួរឲ្យទុកចិត្ត!»
ដាក់ថ្នាំ ឡេីងគ្រែជាមួយគេ ដេីម្បីចាប់គេធ្វើប្ដី គេមិន
ដែលខឹង ព្រោះគិតថាធ្វើដេីម្បីក្ដីស្រឡាញ់ ដោយសារ
ការចង់រួមរស់ជាមួយនឹងគេ តែផ្ទុយស្រឡះ គ្រប់យ៉ាង
គឺជាការបោកប្រាស់ បោកប្រាស់តាំងពីថ្ងៃដំបូងដែល
ថេយ៉ុង បោះជំហានចូលក្នុងភូមិគ្រឹះផ្កាយពាន់។
«អូនមិនដឹងថាបងទៅដឹងរឿងអ្វីមកពីណាខ្លះនោះទេ
ប៉ុន្តែការស្រឡាញ់ដែលអូនមានឲ្យទៅបងគឺជាការពិត»
«ការពិត?ការពិតដែលអូនរៀបការព្រោះដេីម្បីលោក
ប៉ា?ការពិតដែលអូនលួចលុយបងរាប់សិបលានដុល្លារទៅឲ្យប៉ា?ការពិតដែលអូនរួមដៃគ្នាជាមួយនឹងដាកហ៍ក្បត់បង?ការពិតដែលអូនបោកប្រាស់បងមករហូតមកមែនទេ?ហុឹម?អូនលួចចាក់បងពីក្រោយខ្នងពេលបងពេញ
ស្រឡាញ់អូនខ្លាំង ចង់ប្រាប់ថាបងខកចិត្តចំពោះអូន
ណាស់!»បញ្ចប់ប្រយោគ គេក៏ដេីរចេញទៅបាត់ ដោយទុកឲ្យភរិយានៅយំដង្ហក់ខ្យល់តែម្នាក់ឯង ព្រោះមិននឹកស្មានថារឿងរ៉ាវក្លាយជាធ្ងន់ធ្ងរឡេីងៗខ្លាំងបែបនេះ។ ស្វាមីក៏អស់ជំនឿចិត្តលេីខ្លួន លោកប៉ាក៏បោកប្រាស់ម្ដងហើយ
ម្ដងទៀត កូនចៅសំណព្វចិត្តក៏ត្រូវទទួលរង់កំហុសដែល
មិនសមនឹងទទួល គីម ថេយ៉ុង ជាមនុស្សចង្រៃ និង គួរឲ្យ
សង្វេគបំផុត ធ្វើឲ្យមនុស្សក្បែរខ្លួនមានតែភាពវិនាស
អន្តរាយ។
«តេីនឹងមានការលេីកលែងទោសចំពោះប្រពន្ធអប្រិយ
ម្នាក់នេះទេ? អ្ហឹកៗ»
To be continued ...