#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
رائد عقلي وكف كام مايستوعب كلام الكاله ابوي الي باوعت لأمي تبجي بكل حركة كمت بسرعة نزلت من
فوك الجرباية رحت لأبوي .
رائد : تحجي الصدك ؟!
ابوي : لعد اجذب عليك زينب بت علي لجان يريد امك
رائد : هو نفسه الولد التعارك وياكم بالماضي علمود امي
وانتو ضربتوه هو واخوانه واخذتوا امي
بالغصب ؟!!
ابوي : اي هو وبوقتها كسرت ايده
رائد : سووودة بكصتي البنية لردتها طلعت بت الرجال
لجان يريد امي وعنده عداوه وي ابوي وهسه
شلون يابة ؟!!
امي : خلص عوف البنية
رائد : اعوفها ؟!!
ابوي : اي عوفها أني بعد ماعرفت بته تخبلت وعقلي وكف لو ادري بيها بته من البداية مجان خطبتها الك ولاخليت
امك تخطي خطوة بيت ام حسن
امي : حتى اني مادري الصدمة لي من كعدت ويا وحجيت وكالي تذكرين شسوو بي أهلج بالماضي شلون ضربوني واخذوج مني غصب
وكف عقلي ماعرفت شرد عوفها
رائد ماريد تعيد الماضي
ابوي : خلص بعد سدوا الموضوع ماريد ينذكر اسم
زينب بهذا البيت بعد
مارديت طلع ابوي امي تمسح بدموعها رحت
سديت الباب وكفت كدام امي ...
رائد : احجيلي كل القصة
امي : ياقصة ؟
رائد : قصتج وي ابو زينب وابوي اريد اعرف كلشي
امي : ليش تفتح دفاتر قديمة
رائد : تحجين لو بالقرآن هسه اروح للحلة واخلي ابو
زينب يحجيلي القصة و بالتفاصيل
امي : حجيلك اكعد اووووف هذا هم حظك يمة
كعدت بصفها ....
ادري بحظي زفت في زفت مراح يصلح حظي ويصير
براسه خير احجي يمة خل افتهم السالفة
امي : راح احجيلك من البداية لحد النهاية
رائد : هو هذا الريده .
نرجع للماضي ...
جديتي الله يرحمها وخالي وصو علي علية جان خوش ولد ومحترم وأهله كذلك فجان الولد يوديني للمدرسة من
يروح ومن يرجع يرجعني ويا....
من أول يوم دخلت المدرسة هو المسؤول عني بيديه يودي ويجيب صارت بيناتنه صداقه قوية وأني جنت اباوعله
كا أخ وسند لي لا اكثر ولا أقل
المهم مرت الأيام وصرت بالصف الثالث متوسط جان هدفي وحلمي اكمل دراسة واصير محامية هو جان يدرسني
ويكلي تصيرين محامية شاطرة
وتحامين على النساء المظلومات وتأخذين حقهن من الظلام جان يحفزني على الدراسة وره ماخلصت الثالث متوسط نجحت بمعدل زين
اجه لعدنا مثل كل مرة اطلع اكعد يمه بالحديقة
فتح وياي الموضوع ...
علي : سهاد اريد احجي وياج
سهاد : اي احجي علاوي
علي : سهاد أني احبج
سهاد : اي وأني هم احبك هههههه
علي : والله تحبيني مثل مااحبج !؟
سهاد : اي
من هيج كلتله ..... طار من الفرحة بهذيج اللحظة راد يكوم يحضني بس ماانطيته مجال وصحت بي ..
سهاد : بعد جاي تسوي تخبلت علاوي بعد
علي : ههه تحمست زايد دا اروح أني ههههه
سهاد : وين رايح علاوي هستوك اجيت واريد
احجي وياك بخصوص كتب الرابع
علي : اجيبلج عود كتب ههههه اامممممح
سهاد : شبيك علاوي تسودنت ؟
علي : اي متسودن بيج سهودة هههههه
عافني وراح يضحك ماعرف شبي استغربت رد فعله والله بالليل اجوي اهله هو هم وياهم سلمت وكعدت بصفه
مثل كل مرة لان ربيت ويا
فتحوا الموضوع وكالوا نريد ...نخطب سهاد لعلي ابنه هو يحبها وهي هم تحبه والاثنين يعرفون بعض
وعايشين وي بعض .
بقيت مصدومة بس اباوعله هو يبتسم مارديت أني بقيت بصدمة شلون يفكر بي هيج وأني جنت
افكر بي كا اخ
خالي : لو بإيدي اكلك كبع واخذ بس مو بإيدي
بيد ابوها وجدها بالانبار
ابو علي : وهاي سهلة شوف شوكت عندك مجال اخذك
ونروح للانبار نخطبها من ابوها وجدها
جديتي : اخاف مايقبلون ؟
ابو علي : وليش مايقبلون شبي ابني بي كسرة ومايقبلون
جديتي : هم ناس معقدة ومتخلفة كلش طلكوا بتي علمود مارادت تصير سنية اخاف يسمعون بيك
شيعي ويرفضون
خالي : مااظن هم لو يردون سهاد جان اجوي شافوها لو
سألوا عليها هسه ينطونها بعد يومين نروح لأهلها
وراها الله كريم
ابو علي : الله كريم .
وره مراحوا تعاركت وي خالي وكلتله ماكو داعي تروح لاهلي هم مايردوني وتبروا مني وثاني شي ماريد اتزوج
واني اشوف علاوي كا أخ
ماريده كوللهم ماريده وفض السالفة .
خالي ماقبل وتعارك وياي ال علاوي احسن رجال الج ومربيج على ايده وتعرفين شبي ومابي احسن ماتاخذين غريب
لو ياخذج واحد من عمامج
المتخلفة الهمج وانتِ كبرتي بعد والمسؤولية كبرت وياج لو علاوي تاخذين لو اخذج اشمرج على ابوج وجدج خيرني بين الزواج وبين أهلي كعدت ابجي الليل كله جديتي اجت لعندي وكالت اقبلي بعلاوي وراح يخليج تكملين
دراسة وتصيرين محامية
عاد قتنعت وافقت على علاوي هاليومين علاوي ماجه واني متحلفة بي عاد راحوا للانبار وهناك متعاركين اهلي وياهم ومطردينهم وكايلين الحرمة
حرمتنا احنا نريدها عدنا زلم تأخذها ماننطي نسوانه للشيعة من هاي الخطبة انقلب حياتي للجحيم اجوي
عمامي وجدي كلها معكلة
صاح جدي الله يرحمه ....
وينهااااا بتنه وينهاااا ؟
طلعت على جدي روحي بخشمي صايرة هسه صرت بتهم اول ماطلعت جانت لابسة قصير جوه الركبة نفنوف نص ردان وشعري لخصري مفتوح
جان لونه بني صحت بجدي ...
ماعندك بناااات هنا
جدي : ماشاءالله عدنا حورية هنا
ومندري سلااام هاي الك
سهاد : وأنت بكيفك تحجي اطلعوووا بررره ماعدكم
بناتت هنا بررره شبيكم تباعون ؟!
بقيت اباوعلهم بعصاب اجه ابوك لابس دشداشة سودة جان ضخم مثلك وكف بصف جدي يباوعلي
غمزلي عين ابوك وابتسم
سلام : هاهية جدي لي اني ابن عمها واوله بيها
جدي : يلا لمي هدومج وتعاي
سهاد : لو تموووت مراح اخذك وايععع تلعب النفس
باع الشوارب انوب ازرك وايعععع
سلام : عليمن ولج تعيبين
سهاد : عليك لا تقترب ويلا بررره هسه متذكرين
عدهم بنية وين جنتوا قبل لعد وييين
سلام : عميان وهسه فتحنا والسانج
ضبي لو اجي اكصة الج
سهاد : اوووي يكص لساني الزراك أنت ماعرف شنو اسمك ومسوي روحك جدي اسمع كلامي ماريدكم ولا اريد
اسمكم اتفضلوا برره اطلعوا
بكل احترام لو اطلعكم بعدم إحترام.
جدي : ماشاءالله لسانها مثل السان جدتها اطول من طول الحلة ولانبار يلا جيبوها شيل ماعندي
وكت اضيعة هنا
سلام : عد عيناك جدي تجين بعيني واغاتي لو ناخذج شيل
سهاد : اللي يقترب صوبي تنشال اجنازته جده تعاللي
خالو تعالوا اسمعوا هسه صرت بتهم بعد
ماعافوني وينكم تعالووا
دخلوا جديتي وخالي وابوي وياهم مايحجي شي بس يخزر بي جان وياهم بالهول يحجون
سهاد : جدة شبيج ساكتة دافعي أني مو امانه من أمي الله يرحمها عندج لا تنطيني فدوووة خالو انت مو أبوي صرت ليش تخاف متهم فدوة طردهم ماريدهم
جدي : ضيعت وكت نص ساعة سلام فلاح
جيبوهااا شبيكم تباعوووون
اقترب مني سلام تعصبت شلت الطبلة مالت خشب شمرته عليه كل قوتي ... والقرآن اكسرك لتقترب خالووووو
شبيك تباوع وتبجي مااريدهممم
جديتي : روحي جده وي ابوج و جدج وعمامج
روحي لتعاندين سهودة روحي
سهاد : تخليتي عني بهالسهولة جدددة
جديتي: مو بإيدي شي هذولة اهلج اوله بيج
روحي جده الله يرضه عليج روحي
طلعت جديتي تبجي خالي .... كعد يبجي كمت
ابجي سلام جلب بإيدي وجرني ...
سلام : يلا امشي
تعصبت كلش بكل قوتي جبته براشدي فريت وجه فررر ورجعت عضيت ايده وفلتت من الاستقبال يركضون
وراي صعدت فوك السطح وقفلت الباب
على نفسي بالسطح اجت بالي انتحر واخلص صاروا يدكون بالباب وأني مافتح كاعدة وابجي فزيت على صوت
اطلاق نار صار كمت باوعت من الستارة
سلام بإيده السلاح ويرمي .... فوك راس علي واهله وعمامه صارت عركة جبيرة ناس تضرب بناس عيوني وكعت على سلام نهه علي بالضرب
شمره بالكاع ولوه إيده وره ظهره ...... وداس عليها برجله ماتحملت المشهد راسن نزلت اركض طلعت بره رحت
السلام بعده يضرب بعلي
جلبت بي اضرب بي ...
بعد عنه بعد راح تموووته بعد ولك
بعد كااافيييي
بالدفرات يلا شلعت سلام من فوك علي يباوعلي بنظرات تخوف حاجب سلام مجروح ينزف دم من شافني بسرعة
جابني براشدي شمرني بالكاع
صاح بي علي اللي حالته تبجي الكافر ...
حيووون شلون تمد ايدك
عليهاااا .
الكل وكفت ضرب بعد ما جدي رمه بالسلاح
وصاح بصوت عالي ..
جدي : البنت بتنه العمام والجد مو بت الخوال افتهمتووا
يلا سلام جيب حرمتك لو اسوي مجزرة
هسه هنا
نزل سلام لعندي شالني فوك جتفه ..... وطلع بي علي چلب برجله علمود يعوفني دفر علي وكاله ...
سلام : الحرمه حرمتي صااارت كلب لا تلزمني
دفره مرة اللخ وأني اعيط ....واصرخ محد يتجرأ يدافع لي خالي تخربط وكعت للكاع بقيت اصرخ على خالي
واغلط على سلام وجدي وابوي
محد يسمع مني وصلت الانبار منهارة .... تمامآ الكل تباوعلي بكره وحقد عماتك تضرب وتغلط وتسب بقيت هناك
شهرين ماعرف اخبار جديتي وخالي .
وسلام كل يوم يكابلني ويكعد يضحك لو يتغزل بي وبشعري بحاله اعصاب بالليل رحت للمطبخ وكصيت شعري بالسجين علمود يحب الشعر الطويل
من شافني كصيت شعري ..... تخبل وضربني وراد يجويني بجكارة بس امه ماخلته وكالي ...
سلام : جهزيلي روحج باجر نكطع مهر
سهاد : لووو تموووت مااقبل بيك سلام
سلام : ماسمعت اذني مسدودة يمة اخذيها يمج اليوم لان ماضمن نفسي عليها بعد لسانها طويل ومتبري
منها وأني اعصاب
اخذتني امه شحط الغرفتها نومتني ثاني يوم الصبح كلبتها مناحه وجدي موتني من الضرب وابوي هم ضربني
وسلام يباوع مايدافع
الظهر سبحوني غصب عني وبدلولي وجهزوني علمود نكطع مهر واني ماريد سلام عاد بالغصب خلوني اوافق جدي
كال بس ماتقبلين اروح للحلة
واقتل العالم لجوج خطابة واقتل خالج احسلج اكعدي راحة واقبلي بسلام .من الخوف قبلت بي هو فرحان كلش
بالليل اجه عندي بالحديقة
جنت كاعدة وابجي كعد بصفي وضمني لحضنه...
سهودة تدرين بي احبج ههههه
دفعته رجع حضني قوي وباسني براسي ...
والله اول ماشفتج وكع قلبي بين رجلية وصارلي شهرين متحمل على اساس تحبيني ليش ماتكعدين عاقلة وتحبيني والله ادللج واعيشج اميرة زمانج
وشتردين اجيبلج
_اريد جديتي وخالي
_ماكو انسيهم
_شلون انساهم هم الربوني بعد ماتبريتوا مني أنتو
بعد لا تحضني هيج الكك لا تبوس
شبيك مقرررف بعدد
_امممح اموووت عليج وعلى عنادج ام راس
اليابس وام خشم العالي ههههه
_واييععع راح ازووع بعد
_ مرتي صرتي تعودي علية من هسه هههههه
كرهت روحي من سلام يقترب لي بالجبار اسبوع وزفوني على ابوك واني ماريده بقيت سنة كاملة ماريد ابوك هو
بفراش ينام وأني بفراش انام
رايح كالي لجدي الله يرحمه سهاد ماتريدني وماتخليني اقترب الها واجاني جدي كفر بي كفران بالكعال وخله
ابوك ياخذني غصب عني
من هذاك اليوم سلمت أمري الله وتحملت سلام شوي تغيرت نظرتي له بعد ماخلفتكم شفته يهتم بي ويحبني بس
عماتك الخبيثان جانن يخبثن
ويخلني اتعارك ويا ومرات يسوون سحورة علمود ماريد سلام وسلام من يشوفني اعزل افراشي وتعارك ويا يتخبل
بالزايد ويضرب وأني هم ارجع اضرب
مااسكت عن حقي ابد وحدة بوحدة اسويها وهاي كل القصة هسه عرفت ليش ماينطي بته لان تعب بي وعلى
الحاظر ابوك اخذني .
رائد : ابوي هم جان هتلي هههههه
امي : اني ابجي وانت تضحك ؟!
رائد : يمة قصة حياتج مال نشاركة وي كاتبة وخل تطبعها كتاب تخبل القصة برغم حجيتيلي
المختصر منها ههههه
امي : استغفرالله واتوب إليه أنت هم مثل
ابوك بدون احساس
رائد : ماعندي احساس اني بس تردين الصدك
عبالي أنتِ هم جنتي تحبين ابو زينب
امي : لا مااحبه ولاحبيت رجال بعمري
رائد : زين ابوي؟
امي : ابوك اممم ....
رائد : اي احجي ابوي هم حبيتي ؟!
امي : اي
رائد : هههه هنيالك يابة امي طلعت تحبك بالسر هههههه
امي : اشووو انجب رائد لا يسمعك
رائد : ومايسمع
امي :عمري كله ماكلتله احبك اكله اكرهك
ماريده يستقوي علية ويشوف نفسه
رائد : عليش يشوف نفسه ؟
امي :هاي أنتو الزلم من تعرفون المره تحبكم تهملونها وتشوفون نفسكم عليها من تكوله المره اكرهك ماحبك
يحس عنده نقص ويحاول يخليها
تحبه ويهتم بي
رائد : ملعونة
امي : من عمت عينك شنو ملعونة .!
رائد : شبيج كبيتي بي
امي : لا تحجي كلمة وحدة من تحجي تصير
تجفص وماتندل حلكك وين صاير
رائد :اي والله هسه ابو زينب جان يحبج حب
من طرف واحد مثل مااني احب بته
امي : اي وبته ماتريدك احس الماضي عاد نفسه بيكم أنتو
رائد : اي وأني اخذ دور ابوي واخذ زينب فوك جتفي
واطفر بيها للانبار الله عشت اللحظة
يمة وياكم هههه
امي : سودة بكصتك ياللحظة هاي ؟!!
رائد : اخرب على العرايك بلاخص بدافع الحب ابوي
حبج من اول طبلة اكلها منج ههههه
امي : رائد مو مال مسخرة ماتعرف شصار بي يوقتها
ولحد الان متألمة مو مال ضحك وشقا
رائد : عمي لو أني بمكانج افرح رجال يحرك المنطقة عليج ويتعارك ويكتل الزلم علمودج والحلو شالج فوك جتفه ربي ليش ماطلعتني بهذاك الزمن اتعارك وي
ابوي وجدي هههههه.
امي : رائد
رائد : عيوني أنتِ احجي
امي : صوجي حجيتلك القصة صوجي
كامت امي متعصبه صحت بيها ...
هاي شبيج ضجتي ماتعرفيني تافه واضحك
حتى.على الأحزان تعاي ردي
فتحت الباب ...
عبالي راح تبجي على حالي مو تضحك مثل جدك يضربني ويرجع يكول وينها الحورية مالتنه وينها خل تجي تشوف شجبتلها سبحان الله نسخة من جدك
وابوك عديم الاحساس
طلعت رجعت اضحك ...
هاي شبيها أمي وين تلكة هيج واحد يتعارك علمودها ويخطفها مثل بالفلام مال اسوي هيج بزينب واخذها
من ابوها مثل ما ابوي اخذ امي ههههه
كمت اخذت التلفون ونمت على ظهري دخلت تيليكرام
دخلت قائمة الحظار فتحت الحظار عن
زينب وكتبتلها
_هلاوو ، زينب يابة أريد احجي
وياج بموضوع مهم جدآ؟
بقيت انتظرها ساعة زمان ردت ...
تفضل ؟
كتبت بسرعة ...
بخصوص رفض ابوج الي ؟
ردت بسرعة ...
اعتقد تدري ابوي جان يحب امك من جانت طفلة صغيرة ورادها بالحلال واهلك ماانطوها له واخذوها بالجبار
من كدام عيونه وتريده ينطيني الالك ؟!
_اي وأني شعلي ؟
_شنو شعليك أنت ابن الرجال لضرب ابوي وجان يحاول يقتله لما جدك يسحب السلاح من ايده جان هسه ابوي
ميت منورة امك وحبه الها
_اي يصير من الحب ماقتل ههههه
_هي مال ضحك ؟
_مو السالفة شوي تضحك ههه يلا على العموم أمي
جانت ماتريد ابوج هي كوه تاخذه
_لا تريده وكايلتله احبك
_لا غلطانة ماتحبه جانت تحبه كا اخ وهو فاهمها غلط هستوها حجتلي القصة كلها وشلون خالها جابرها عليه ومخيرها لو تقبل بابوج لو ترجع
لاهلها بالانبار ...
وهي قابلة خطية وره أيام اهلي بنص البيت متربعين لأمي وابوي كاتل ابوج وشايل امي على
جتفه وطالع للانبار
_يعني امك مجانت تحب ابوي ؟!
_اي والعباس ابو فاضل ماتحب تحبه كل اخ وهاا تذكرت هو بيوم جاينها خطاب كايللها احبج وهي هم كايلتله خطية ماتدري جانت قصدة يحبها
كا امرأة عبالها كا اخ وكايلتله أني هم احبك وابوج مامصدك رايح ركض ركض لاهله ههههه منورة ابوج ابو الحب امي اخذوها اهلها شحط شحط للانبار وجبرها على
ابوي دستجن شبيك ياعلاوي .
_ابوي متوهم !!!!؟
_ايييي
_خطية
_اي خطية جان يحب امي هواي وهواي تعب
عليها وابوي على الحاظر اجى اخذها
_بكسرة خاطر ابوي يكول ...
ربيته وتعبت عليها وعلى الحاظر يجي ابن
عمها ياخذها كدام عيوني
_اووووف
_تتمسخر رائد !!!؟
_هاا بس السالفة شوي تضحك
_مابيها شي يضحك ترررى أنت إنسان عديم الاحساس
_ لاا عندي احساس
_وين احساسك اريد قلبك اقسى من الحجر عيونك
احد من السيف تذبح كل شخص يباوعلهن
_مادري عيوني ذابحاتج ههههه
_استغفرالله شبيك بس تضحك؟!
_هذا اني بس اضحك ماعليج من ضحكي ويباوعلي
_وين اباوع ؟
_تخيلي أني كاعد بصفج فوك الجرباية ولازم ايدينج الناعمات الحلوات وأنتِ تباعين بعيوني لكلها دموع
واحجي وياج بكل الطف وحب
_انت حلمان؟!!
_طبعآ لا دسمعي هسه
_شسمع ؟!
_زينب أني اريدج اليوم قبل باجر تكونين عندي بالغرفة
_شكد ادبسزززز أنت
_شبيج !!!؟
_ماتخجل على نفسك هيج تكول شايفني كحبة كدامك تريد كحاب روح لام ساندي لغيرها خل توفرلك وحدة مو جاي علية أني بت عالم وناس وماقبل هيج تكولي .
بقيت صافن بالموبايل شمعرفها بام ساندي هاي ...
ام ساندي منو ؟
_ام ساندي الدعا....لجنت تروحلها وره فترة ضاحكة
عليك وخاطفتك ورايده تشيل اعضائك
تذكرتها منو هاي ؟!
_منو كالج بيها هاي !؟
_ماكو داعي اكولك منو كالي واسمع حظرة الملازم اول رائد لا اريدك أني ومايشرفني اصير منكم وبيكم ولايشرفني تصير
من عدنا وبينه وخلها بالك مراح اصير الك
بيوم من الأيام ...
وانطتني الحظار اكتب مايدز الرسالة....تخبلت عقل مابقى برأسي شمرت التلفون بالكاع كل قوتي شمدريها بأم
ساندي جلال حلف كلام الله مجايب طاري
حتى لأهله أني انخطفت ..... من قبل ام ساندي ام ساندي وحدها تقفل ملفي الأخلاقي نزلت رحت للتلفون شلته
بإيدي الشاشة ضد الكسر صايرة فحم
شلعتها زين مابي شي التلفون شمرتها وتصلت بقاسم مارد 5 مرات اتصلت بي مارد اكيد شامر التلفون
صامت عنده واجب .
رجعت على التيليكرام الثاني ........دخلت رقمها مجان اكو تيليكرام استغربت وين راح هستوه جان اكو أكيد حذفته رحتى على الانستغرام
دزيتلها طلب مراسلة ...
اريد احجي وياج احسلج ردي ولما رديتي راح
تشوفين مني شي بعمرج ماشفتي
بقيت انتظر ترد ماكو ماردت استغربت حسابها اختفى وطلع اسم مستخدم حذفت حسابها واتساب ماعدها تخبلت
ليش جاي تتهرب مني ؟؟؟!!!
اتصلت بيها انطتني رفض رجعت مرة اللخ هم رفض مرة اللخ هم رفض اخر شي قفلت الجهاز اكيد قفلت التلفون مابقى براسي عقل منو كاللها عن الماضي مالتي وادري الماضي مالتي يلعب النفس كله نسوان وشرب وسكر واحد هتلي
وسرسري من الطراز الأول.
الليل كله مانايمة الم موطبيعي بصدري بقيت اشرب جكاير جكارة وره جكارة باكتين جكاير مخلص ونار
بصدري مشتعلة
منو تجرأ وطلع ماضي مالتي بعد ...... مادفنته وطلعت منه وصلحت نفسي الصبح كعدت عيوني حمرة دم
مانايم غسلت وطلعت لامي كتلها
أنتِ جايبة طاري لام حسن اني هيج وهيج جنت بالماضي كالت لا ماجبت طاري واصلا ماراح اكولها
واشوه سمعتك .
لا امي كايلة منو وصلها لعد ،؟!!
رائد حجيت وي قاسم كال مادري شوف منو كاللها عن ماضيك وهسه انت ليش خايف من الماضي الماضي راح ومضى والمهم أنت اصلحت نفسك وتركت الشرب والزنا وصرت .... تصوم ومصلي والله غفور الرحيم يغفر لمن يشاء .
_إنتهى موضوعي قاسم زينب مراح تصير لي بيوم
_شبيك متشائم رائد كول يالله بلكت الله نلكه
حل يخلي ابوها ينطيها
_شلون ينطيها مراح ينطيها أفهم يريد يشربنه
من نفس الكاس لشرب منه بالماضي
_ماضي امك يختلف عن حاظرك امك جانت خطار عد أهل امها واهلها رادوها واخذوها لابنهم مو مثلك أنت هسه
شفت البنية بدون ماتعرف هي نفسها بت الرجال
لجان رايد امك ودكيت بابهم بالحلال
_ماينطي افهم ماينطي لو تحجي منا الباجر مراح ينطي ويكتلك القهر بته طابكة ويا ماتريدني قاسم باع
علية بي نقص بااع بي نقص كامل مكمل
ليش ماتقبل بي قاسم
_ منوره اسلوبك القديم وياها البنية تنافرت منك
_شبي أسلوبي؟ هي عيارة تحب الصخول وتحب صخله ام عداي عبالها راح يجيها من كوريا على ظهر المطي
وياخذها شكد بطرانه ام الصخول
_محد خلاها تكرهك غير كلمة صخله ام عداي وام الصخول ولك بطل هالكلمات بطلهن وخلنا نلكالك حل نخلي
زينب تحبك واذا حبتك خلص
أبوها سهلة بعد .
_ مراح تحبني ولا راح ينطيني ام الصخول وفلتت من ايدي خلص راح اعوفها تولي وادور على غير هاي هن النسوان حياية تسسس وتسسس
ااااخخخخ مني ااااخخخ شلون خليت نفسي تنهان شلون شلون نزلت نفسي لام الصخول وراحت اكثر من مرة
خطابه عليها الصوج مو بيها ولا بأبوها
الصوج بي اني المطي الثول العار انطيتها حجم اكبر من حجمها وصارت تشوف نفسها عليها هاي هن
النسوان تجاهلها تصير تركض وراك
تركض وراها تفلت منك
_اي
_خلص راح اشيلها من بالي
_وقلبك شلون بي مو يحبها
_منو كالك أني احبها بقلبي لا يابة ماحابها بقلبي
حابها بس بعقلي وعيوني تعرف بي
اعشق الجمال
_متأكد !
_طبعآ متأكد مااحبها بس معجب بشكلها الخارجي هسه اشوفلي وحدة معدله وأنسى زينب من وشنو جانت
والله بطرانه هي وابوها عبالهم بس هم بهذا
الكون وبعد ماكو .
_ان شاءالله تكدر تنساها صدك رايح زيارة اسبوع
الجاي وي الجماعة للحلة تروح
_زيارة منو ؟
_النبي أيوب الصابر ٌ وهناك عدنا جم شغلة
نكملها ونرجع ثاني يوم
_مادري اشوف
_انطيني خبر عود علمود اذا متروح اخذ واحد من الولد
_الله كريم
مرت الأيام رحنا للدوام وراها نزلنا قررت اروح وياهم للحلة رحنا للحلة وصلنا عالساعة بال٩الصبح تريكنا بالمطعم وراها طلعوا يكملون شغلهم أني بسيارتي
اخذت قاسم ورحنا نزور وصلنا مرقد النبي أيوب الصابر (ع) نزلنا سويه جان متروس عالم ويصادف اليوم الجمعة هواي عوائل بي ناس كاعدة تتغدة
رفعت ايدي باوعت للساعة جانت بال١٢ وصوت الأذان علا رحنا نمشي بتجاه البير جانوا عالم ملتمين عليه
ياخذون ماي اغلبيتها نسوان
_ خل نأخذ من ماي البير للعائلة
_اي نأخذ خل نزور بالاول
_يلا امشي
دخلنا المرقد زرنا وطلعنا قاسم كال اروح اصلي وأنت
اشتري دبات خل نخلي بيهن ماي من
ماي البير
_ ماشي
اشتريت أثنين دبات بلاستك لونهن اخضر .. عبيت بيهن ماي وديتهن بالسيارة رجعت توضيت رحت اصلي قاسم جان
مكمل وكاعد جانت المصلاية مفروشه
وكفت عليها صرت أصلي وعائلة كدامي جاي تتغدة سجدت وي رفعت رأسي شفت زينب جاي تأكل كدامي كاعدة وياها
نسوان وزلم من شافتني انخطف لونها
رجعت سجدت مادرتلها بال خليت بالي وي الصلاة شفت
طفل صغيرون يطلع عمره بال ٧ سنوات خله تربة
على المصلاية مالتي وكال
الطفل : عمو اعندك تربة
أبتسمت بوجه وسجدت على التربة كملت صلاة بست التربة ردت انطيها له مجان موجود الطفل خليتها بجيب
البنطرون وكمت ردت اشيل المصلاية صاح بي
رجال ...
الله يرضى عليك ابني عوفها
اريد اصلي .
رائد : تفضل حجي
عفتها له رحت يم قاسم كعدت . ماانطيت أهمية لزينب
واهلها طنشتهم مثل ماهي تطنشني قاسم جان
يخابر.كمل مخابرة وكال
_جايين وجايبين الغدة وياهم
_لعد خل اكوم اشتري كم شغلة من المكتبة وارجع
_تمام انتظرك
كمت فتت من يمهم ولا التفتت ..... عليهم دخلت مرة ثانية للمرقد جانت موجودة مكتبة اشتريت كم شغلة لامي وابوي وفاضل وفروحة وكتاب نهج البلاغة للامام
علي عليه السلام
وطلعت صادفت...... وي طلعتي صادفت ابوها لزينب عينك عينك مبين عرفني ماانطيته أهمية فتت من يمه وكني
ماشفته طلعت يم البير جانن النسوان
وزينب وياهم لابسة عباية سودة تغسل ايديها من ماي البير اسمع مرة تكوللها .... لتغسلين بي الماي مج
زينب : متعودة خاله كل اسبوع هنا أني واغسل من الماي
المره : هاا اني غسلت هذيج المره وايديه مشكوا
زينب : لان مامتعوده خاله
المره : اي خاله أنتِ منا
زينب : اي خاله منا
المره : عبالي من بغداد
زينب : لامن بابل ههههه
المره : شكلج مال بغداد مو مال بابل هههههه
اجت بالي اشيل زينب واشمرها بنص البير هي والمره لوياها تحجي وهاي الفطيرة ام الصخول تضحك مناك الولد
تباوع وتضحك على الواهس فتت من يمها
بس ارفع أيدي اشمرها بنص البير ماكدرت الزم الساني ...
وين ماروح الكه ام الصخول كدامي
وعبرتها بسرعة كاتم ضحكتي .... التفتت وره ظهري تباوعلي بصدمة غمزت له عين وكملت طريقي عدل للسيارة
خليت الاغراض ورجعت لكيت الولد جايين
ومادين السفرة .
كعدنا نأكل هم اجوي كعدوا كدامنا بقيت اكل واباوع ابوها خزرني شلت قوطية الشربت وصكيتها براسي نزلت القوطية قبضت عليها كل قوتي وشمرتها بقوة
قاسم : شبيك ؟
رائد : ماكو شي نكمل ونرجع
سمير : لا نبات عندي شغل بالليل وي الرجال
رائد : والله أني ارجع
قاسم : مو كلتلك نبات رائد شبيك غيرت رأيك بهالسرعة
رائد تعمدت اسمعهم ...
شفت شكولات ملازم اشوفها كدامي
أني كايم تجي وياي قاسم
قاسم :لا مااجي دكعد شبيك شفتمن ؟
سمير : رائد دكعد لا تخرب الطلعة الخاطر الله
كمت مركز انظاري عليهم جانوا ... .ثلاث زلم وابوهم
الرابع ونسوان زينب مخنسة بصف أمها
تلعب بالجنطة .
رائد : ماطيق الكعدة بعد في امان الله
مشيت كام قاسم وراي لزمني من جتفي وكفت
وكف كدامي .شكو رائد شفتمن ؟
رائد : العائلة لكدامنا كاعدة أهل زينب وزينب وياهم
قاسم : ياهم ؟
عاينت عايهم بعيوني ماكدر اشر وافضح
نفسي شافهم رجع باوعلي ...
_ياهي زينب منهن ؟
_هذيج البنية لبصف المره ام شال الجوزي
تلعب بالجنطة الوردية شفتها
_اي شفتها هاي مبينه ناعمة رائد
_اي ناعمة مثل مرتك تقريبآ
_اي تقريبآ حلوة ماشاءالله على ذوقك رائد يخبل
_ذوق ز....
_لا تكمل رائد وتكوم تغلط تسب وتفشر البنية
حلوة وتخبل حرامات ماانطوها الك
جريت النفس بحسرة بعد ماكاموا عيوني عليها مركزة
واهلها اعيونهم عليه مركزة عبالك يردون
يتعاركون وياي
_اي تجي ؟
_لا ماكدر دبقى انت وين رايح هسه
_بس ابقى اسوي مصيبة تدري بي
ماتحكم باعصابي في امان الله
_ الله وياك من توصل أتصل بي وطمني
_ان شاءالله
مشيت قبلهم توني ردت افتح باب السيارة انتبهت على ولد وياهم زوج نوره هذا اخوها لزينب يخزر بي بس
مايريد ينقض علية كلت بقلبي
دنقض علمود اقبض روحك صاروا قريبين من
سيارتهم بصف سيارتي أنتبهت
على صوت قاسم
_ انتظر ارجع وياك
_شغير رأيك
_ماعندي باج ضمان بيك هههه
_هههههه يلا لعد عدل للنجف
_مو كلت للبيت
_غيرت رأيي احنا وصلنا الحلة دخل نكمل الطريق
ونروح للنجف وراها نبات بكربلاء
_من زينات هاي
صعدت بالسيارة صعد قاسم .....بصفي شغلت السيارة قبلهم أخاف يضربونها لي وأني روحي بسيارتي كل فلوسي
صارت بيها انضرب أني ولا السيارة .
حركت بسرعة طلعنا على شارع العام ...
هضيمة رائد تشوف اللي تحبه
وماتكدر تسوي شي ؟
_مافهمت ؟
_شنو مافهمت ؟!
_أنت مو حبيت مسك مو صارت الك بعد عليش تكول
هضيمة اخاف عشگان مرة اللخ ؟
_هو ليعشق مرة من صدك يكدر بعشق مرتين
_كلشي وارد ههههه
_وياي لا مو وارد جان قصدي عليك
_أني معشگان ام الصخول بس جانت تحدي
وخسرت التحدي للأسف هههههه
_تريد تقنعني
_مشكلتك لا تقنع
_اي ماقتنع لان مبين من نظرات عيونك وهروبك من
المكان لجانت بي ... خفت من نفسك لا
تتهور وتسوي شي
_لا موهيج مااحب اشوفها كدامي اريد اشيلها من بالي
كلما تجي كدامي عقلي ينزل تحديث
جديد بيها
_أنت كلك على بعضك كل دقيقة تحديث جديد نازل بيك
_اي
_ من شفت أهل زينب كاموا خفت منك واجيت ركض وراك
_هههههه
_كلت هسه يتلاطش وياهم رائدنا ويفضحنا
_ابن الكلب شنو افضحك شايفني زعطوط اتلاطش بمكان مقدس لو غير مكان اي تلاطش وياهم بس بمكان مقدس مستحيل لازم احترام المكان
_الحمدالله طلعت تحترام ههههه
_خايب ماتنجب تذكر قاسم
_شنووو؟
_شلون جنت تباوع لمسك من جنت اتعارك وياها هههه
_خرررب بيومك شذكرك
_كلب مكالي عشگان عيونه فضحته واني
لكفتها على الطاير هههه
_خوب أنت النملة اذا عشكت بيتكم تعرف بيها
_لازم هاي عرضي ههههه
طول الطريق ضحك وشقا سوالف ....وصلنا النجف زرنا والمقبرة اهل أمي هم زرتها وراها طلعنا الكربلاء أجرنا
فندق وبالليل طلعنا نزرنا واشترينا
اغراض للعائلة .
زينب كل أسبوع نروح زيارة للنبي أيوب الصابر ٌ(ع) نزور ونتغده هناك بالصدفة شفت رائد وكف قلبي
حرت وين انطي وجي .
سجد ومن كام راح ابن اخوي الصغير خلاله تربه تخبلت اني وخفت يكوم يسويله شي ابوي ضاج من قترب منه
ابن اخوي وكل أخواني ضاجوا
منه كامت مرت اخوي جابت ابنها الصغير اخواني يباعولي ويخزرون بي هسه أني شعلي شفته كمل صلاة وعاف المصلاية للرجال يصلي عليها
واخذ التربة بجيبه اخوي كال ...
جاي يمثل كدامنا هو حاله من حالنا
ابن الغربية !
ابوي : ماعليكم بي سووو روحكم ماتعرفوه
امي : شعلينا بي كملوا اكلكم
رحت يم البير وي امي والجناين هناك مره حجت وياي
علمود ماي البير مج كتلها عادي ماياذيني متعودة
علية أني هو فات من يمي وكال
_وين ماروح الكه ام الصخول كدامي
فزيت وشردت يم أمي اباوعله .. التفت عليه غمز عين ومشه راح يم الولد هم ينطي شبه انوب اجوي أربع
شاب كلها بعمره كعدوا يتغدون
وإحنا هم كعدنا ويباوع علينا ....بنظرات الغضب ابوي ضاج أخواني كذلك يخزرون بي كام هو واحنا هم كمنا
علمود نرجع للبيت
وصلنا السيارة صعدنا وستلموني ... أخواني رزايل لابيها اني ولاعليها استلموني أبوي ساكت امي ساكته
ماتحمل الرزايل وانفجرت بيهم
زينب : شبيكم وياي أني شعلي بالولد ماصدكتوا ترزلون بي وتقللون من قيمتي كاافي مليت منكم ساعة
السودة طلعت وياكم
حسام : انجبي لو اكوم اكسرلج حلكج كاعد كدامج
ويباوعلج وانتِ عليش تباعيله ليش
ماكمتي من يباوعلج
زينب : نسيت اروح اسد عيونه وين تريدني اكوم
اشو كلها ولد وين مادير وجي ولد
مؤمن : نوووب تلاسن القندرة
ابوي : كااافي اسكتوا هي شعليها بي
نزلتوا .بيها دوسة ونص
زينب : والله العظيم فلا اطلع وياكم بعد
مؤمن : هو أني بعد ماطلعج من البيت
مسلم : من تزوج عود زوجها يطلعها
زينب : تردون تحبسوني بالبيت علمود الملازم رائد؟
يابة اني شعلي ياابة ماتحجي شبيك ساكت
ابوي : كافي اسكتوا زينب ماتطلعين بعد بره البيت اني
اطلعج بنفسي حتى ويا امج ماكو
طلعة مفهوم
زينب : مفهوم يابة
وصلنا البيت عدل للحمام شبعت بجي ..... بالحمام من كيفي شدوا وياي وأني لابيها ولاعليها ساعة السودة لخلتني التقي بالملازم رائد وچلب بي هي الجلبة
وين جنت اطب اطلع براحتي هسه عم علية الحصار مرت الأيام وحلك الباب مااطلع واخواني يطبون ويطلعون
يوصون بأمي وابوي
أبوي قرر يبيع بيته ماعرف ليش .... كال نشيل بغير منطقة واخوي الجبير ويانة يشيل راح يشتري بيت قاطين جبير وفعلاً اشتره بيت جبير
كلش وبي بستان عنب ورمان وبرتقال دونمين مساحة البستان والبيت كذلك جبير بعنه بيتنه وبيت اخوي والفلوس
لعدهم ومرت اخوي باعت الذهب
وأمي كذالك باعته واشتروا البيت درنا بالبيت صارت غرفتي بالقاط الثاني يم أخوي والغرفة مشتركة أني وبنات أخوي الصغار واخوي فوك غرفته
احس هذا البيت أحسن من هذاك البيت جان صغيرون وهذا نفه وجبير وبي بستان لبست الشال واخذت بنات اخوي وابن اخوي جان البستان مفصول عن البيت
باب البستان على البيت كلش ترتيب حلو جان وتنظيم رحنا للبستان جان كلش حلو الرمان والعنب محمل خير من الله اخذت كووومه صور وي الاطفال
تونست صدك رجعنا للبيت الاطفال بقوا بالحديقة دخلت للبيت بالصدفة سمعت أخوي يحجي وي
أبوي بالاستقبال
حسام : ناقل مؤمن للموصل
ابوي : شلوووون ؟!
حسام : اي والله اليوم واصل كتاب نقله للموصل
والمكان لمنقول بي كلش خطر
ابوي : اشو هذا انچلب
حسام : شكد حاولت ابعده عنه ماخليت تهديد لما
هددت بي مافاد عناد وفوك كلشي عدهم السلطة
ونفوذ بالدولة
ابوي : وهسه شلون ؟
حسام : والله مادري لو عندي فلوس جان دفعت وماخليته ينقل بس ماعندي والضباط تريد دفاتر مو مليون
ومليونين علمود يرجعوا
ابوي : اووووف ... منين اجتنه هاي ومنين طلعلنه
ابن الغربية منييين جنت خايف على زينب منه
وهسه صرت اخاف عليكم منه
حسام : اخاف ينقل مسلم هم
ابوي : لا تكولها
حسام : والله يسويها دزلي رسالة قبل شوي يكول لو
تنطوني زينب لو ادمركم دمار كل يوم
اسويلكم بلوه ومصيبة .
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال20 بسرعة .