Chapter 30
Nasa university na kami pero nasa loob pa ng sasakyan ng sabihin ko sa mga kaibigan na sinagot ko na si Qievioz sa panliligaw nito sa akin.
“I am now in a new relationship,” I blurted out.
“Really? Sinagot mo na si Qievioz?”
Tumango ako. “Yes, Lyne. Sinagot ko siya noong October 10.”
“Masaya ako for you, Thyra. I wish that this time, he's the right one.” Seryosong saad naman ni Rai. Hinawakan niya ang kaliwang kamay ko at pinisil iyon.
“Me too. I'm happy for you, pim. Kapag sinaktan ka niya. Sasapukin ko siya. Hindi ko nasapok si Iovence kasi malayo siya eh. 'Tsaka yung lalaking nanakit sa iyo dati. Kasi 'di ko trip manapak noon eh.”
“Thank you. Thank you so much. Magiging masaya rin ako sa inyong dalawa kapag nahanap niyo na rin ang lalaking magpapatibok ng mga puso niyo.”
“Just remember, Thyra. We are always here to catch you when everything is falling apart. Mahal ka namin, Thyra.”
“I love you, Thyra.”
“Mahal ko rin kayo.”
Pinilit naming magyakapan sa loob ng sasakyan. Natatawa na lang kami ng hindi namin naayos ang yakapan dahil masiyadong masikip.
Sa mga nagdaang araw ay naging busy ako. Nagkaroon kasi kami ng film project para sa isang subject. Isa ako sa mga napiling maging supporting actor.
I'm not into acting but I try my best to give everything I can do.
Mabuti na lang talaga ay naging maayos ang lahat. Nagkaroon kami ng kaunting problema dahil sa mga activities na ibinigay sa amin ng mga professors namin.
Nag suggest ako sa kanila na habang nag fifilm kami ay nagsasagot din kami ng mga activities. At nagtutulungan sa pagsagot. Iyon ang naging diskarte namin.
At dahil doon ay naging mataas ang nakuha naming grado. Hindi lang sa film na ginawa namin. Pati na rin sa mga activities namin.
“Alam mo, Thyra. Sobrang thankful namin dahil naging ka grupo ka namin. Ang galing galing mo kasi eh. Salamat ha,” pasasalamat ni Kian.
“Kian is right. Ang laki ng naitulong mo sa amin.” Pag segunda naman ni Athena.
Lahat sila ng nagpasalamat sa akin. Hindi ko naman inako ang lahat.
“Guys, don't give me so much credits. Dapat magpasalamat din kayo sa mga sarili niyo. Kasi ibinigay niyo rin ang lahat para lamang makakuha ng mataas na grado. Dapat maging proud din kayo sa mga sarili niyo. Sa kung paano kayo maging sa ibang tao,” nakangiti kong saad sa mga ka grupo.
“You such have a big heart, Thyra. Sa nakalipas na mga buwan, hindi kita kailanman nakitang nag malaki at nang mataas ng mga kaklase natin. Kaya hindi ako naniniwala sa sinabi ni Vana. Na gusto mo ng kasikatan kaya palagi kang may sagot sa mga katanungan ng mga professors natin. Alam kong sinisiraan ka lang niya.”
Bigla akong nakuryoso sa sinabi ni Hira. Nais ko sanang magtanong pero nginitian ko na lamang siya.
Sigurado na ako. Mukhang may itinatagong galit sa akin si Vana. Pero paano ko aalamin iyon?
Tatanungin ko ba siya o hahayaan ko na lang iyon?
Hindi ko alam. Wala pa akong naiisip na gawin.
Isang araw bago namin ipagdiriwang ni Qievioz ang unang buwan namin bilang magkasintahan ay nagpunta ako sa mall.
Gusto sanang sumama ni Lyne sa akin pero may kailangan siyang tapusin. Ganoon din si Rai. Kaya sabi ko ay ako na lang.
Gabi na kaya hindi ako nag commute. Ginamit ko na sa unang pagkakataon ang sasakyan ko. Marunong naman akong mag drive dahil habang nag da driving lessons si Rai noon ay sumasali rin ako.
Isa pa ay mayroon na rin akong driver's license.
Tapos ko nang gawin ang mga activities na pinapagawa. Maaga ko iyong tinapos para makakilos ako para sa araw na ito.
Sa katunayan ay wala pa akong naiisip na ireregalo sa kaniya. Hindi ko alam kung ano ang ibibigay ko sa kaniya.
Nito kasing nagdaang mga araw ay hindi kami masiyadong nagkausap dahil pareho kaming busy sa kaniya-kaniyang responsibilidad.
Kahapon ay tumawag siya.
“So, matutuloy ba ang date natin sa 10, manong? O huwag muna tayong mag date. Batiin na lang kita?” Tanong ko pagkatapos namin magkamustahan.
“Yup, lady. Matutuloy iyon. Hindi ako papayag na hindi mangyari ang first date natin. I swear to you that our date will be perfect.”
Agad naman akong natuwa at na-excite para sa araw na iyon. May mga senaryo na sa utak ko. Mga senaryo na galing sa mga palabas sa tuwing may date ang dalawang bida.
“Lady? Are you still there?”
“Ah, oo. Oo nandito pa ako. Sige, see you sa date natin, manong. Hang up ko na yung call. Para makapag hapunan na ako. Kain ka na rin.”
“Eat well, lady. See yah!”
Napatigil ako sa isang shop ng mga relos. At mukhang alam ko na ang ireregalo ko kay Qievioz.
A watch.
“Good day, ma'am! Welcome to Watchy Watchy.”
Ang cute naman ng name ng shop nila. Parang witchy witchy lang.
“Good morning din po.” Ngumiti sa akin ang nag-a-assist ng mga customers kaya nginitian ko rin siya.
Nag-ikot-ikot muna ako sa buong store. Bago ako lumapit doon sa may glass.
“Hello po. Pwedeng magtanong?”
“Yes po, ma'am. Ano po iyon?”
“Nag-e-engrave ho ba kayo? Balak ko kasing magpa-engrave, eh.”
“Yes, ma'am. Nag-o-offer din po kami niyan. Here, ma'am. Isulat niyo na lang ho ang gusto niyong ipa-engrave. May napili na rin ho ba kayong watch?”
Binigay niya sa akin ang isang maliit na papel at ball point.
Itinuro ko ang relos na napili ko. Tapos ay isinulat ko sa papel ang salitang gusto kong ipa-engrave.
Manong <8 10-10-2023
“Ito na po, miss.” Ibinigay ko na sa kaniya ang papel na agad naman niyang kinuha.
“Wait here, ma'am.” Saad ng babae bago umalis dala ang relos at ang papel na binigay ko.
Muli na naman akong nagtingin tingin sa paligid. Nang mapagod ay naupo ako sa upuan na naroroon.
Inilabas ko ang phone ko para i-check kung may message ba sila Lyne o Qievioz sa akin.
Wala akong natanggap na mensahe kila Lyne pero may mensahe mula kay Qievioz.
Manong:
Lady, tulog ka na ba?
Agad akong nagtipa ng isasagot sa kaniya.
Lady:
Hindi pa. Nasa mall ako ngayon. May nakalimutan kasi akong bilhin para sa isang project namin. Don't worry, mabilis lang naman ako rito. Uuwi rin ako agad.
Pagsisinungaling ko. Hindi ko naman gusto na magsinungaling. Kailangan lang talaga.
Hindi naman ako naghintay ng matagal sa reply niya. Siguro ay hinihintay niya rin akong mag reply.
Manong:
Okay. Just take care. Nag commute ka? Gusto mo sunduin kita at ako na maghatid sa iyo sa bahay niyo?
Lady:
Hindi ako nag commute. Ginamit ko ang sasakyan ko. 'Tsaka matagal ko na rin gustong gamitin iyon. Tinatamad lang ako. 'Tsaka sayang din kasi ang gasolina. Kaya laging sasakyan ni Rai ang gamit namin.
Manong:
Okay, sige. Ingat ka sa pagdadrive. Ayaw ko pang mawalan ng girlfriend at ng magiging future wife.
Lady:
Heh! Sige na. Tapos ko na akong bumili. Uuwi na ako. See yah sa 10!
Manong:
See yah, lady. You have my heart.
Lady:
I know.
“Ma'am, here na po ang inyong ipinagawa.” Saad ng babae at ipinakita sa akin ang hawak niya.
Nakalagay na iyon sa box pero nakabukas ang box.
Agad akong tumayo at nagtungo sa kaniya. Tiningnan ko ang relos. Kinuha ko iyon sa loob ng box. Napangiti ako ng makita ang mga salitang ipinalagay ko.
Inilagay nila iyon sa likod ng relos. Hindi sa strap.
“Ang ganda. Thank you so much. Magkano pala ang ibabayad ko?”
Agad namang sinagot ng babae ang tanong ko. Ibinigay ko sa kaniya ang perang sinabi niya.
Pagkatapos niyon ay umalis na ako sa store habang bitbit ang regalong ibibigay ko kay Qievioz.
I am so excited for our first month as a couple.