وقفنا البارت اللي فات لما خالد دخل ع ناهد و هي بتكلم عمار
____________٭_______________٭____________
ف نفس الوقت خالد فتح الباب و ناهد اول ما شافته قفلت بسرعه و قالت بخضه : ف ايه ي خالد حد يدخل كدا طب خبط حتى و كانت خايفه احسن يكون سمع حاجه
خالد بصلها بجدية و قال : مالك اتخضيتي كدا ليه
ناهد بصتله بتوتر و حاولت تهدى لما لاحظت انو مسمعش حاجه و قالت : ي حبيبي انت دخلت مره واحده اكيد هتخض
و راحت حضنته و قالت بدلع : كدا تسيبني انت لازم تعدل بينا ي خالد انت عندها بقالك شهر و كمان هي هتاخد الاسبوع بتاعي
خالد بعدها و قال : انا مش مطالب قبل ما ادخل اوضة نومي اخبط او استأذن و بعدين ناهد انا مش فايق ل الدلع دا
ودخل اوضة اللبس و غير و لبس بدلته و طلع و تجاهلها و نزل اخد ملفات من المكتب و سلم ع مامته و حياة و خرج و راح الشركه
____________٭_____________٭______________
« في الشركه »
خالد طلع مكتبه و اقعد و اتنهد و مسك التليفون و بعت ل رزان رساله أن السواق مستنيها و بعد الشغل هيروح ياخدها و اقعد يشوف شغله
رزان كانت قاعده بحزن و شرود ف الاوضه و منزلتش او فطرت و سمعت تليفونها قامت شافت الرساله دموعها نزلت اكتر انو زعلان منها و متصلش بيها و نزل من غير ما يشوفها
و قامت و لبست فستان ازرق و طرحه اوف وايت و نزلت لقت العربيه واقفه و ركبت و قالت ببتسامه خفيفه : مساء الخير
السواق و كان راجل كبير قال بهدوء : مساء النور ي فندم
و طلع بالعربيه
رزان قالت ببتسامه : فندم ايه بس ي راجل ي طيب انا قد بنتك
شوقي السواق قال : ميصحش ي هانم
رزان ابتسمت و قالت بطيبه : لا قولي رزان انا زي بنتك
شوقي ببتسامه : ماشي ي بنتي
رزان ابتسمت و بعد شويه شوقي وقف العربيه قدام البيت و كان كل اهل المنطقه بيبصولها بغيره و حقد و منهم اللي بيبصلها و بيتمنلها الخير رزان نزلت بعد ما اللقت التحيه عليه و طلعت و خبطت
لقت قمر فتحت رزان ابتسمت بسعاده و اترمت ف حضنها و قالت بفرحه : وحشتيني ي ماماا
قمر حضنتها بحنان و قالت بفرحه : رزان حبيبتي انتي كويسه
رزان حضنتها و قالت : كويسه ي حبيبتي انتي كويسه طمنيني عليكي
قمر ابتسمت وقالت : اه ي حبيبتي يلا تعالي ادخلي امال فين جوزك
رزان دخلت و قالت ببتسامه خفيفه : عنده شغل ي ماما هيجي ياخدني باليل
قمر ابتسمت بحنان و قالت : طب تعالي يلا ادخلي و هعملك كل الاكل اللي بتحبيه
رزان ابتسمت و قالت : ياريت ي ماما اكلك وحشني اوي
قمر ابتسمت و قالت : عنيا ليكي ي حبيبتي المهم طمنيني عامله ايه مع خالد اوعي يكون مزعلك
رزان ابتسمت و قالت : لا ي ماما مش مزعلني
قمر بصتلها و قالت بقلق : اومال مالك ي حبيبتي وشك متاخد كدا ليه
رزان بصتلها و عنيها دمعت و قالت : انا بحبه ي ماما و مكنش المفروض احبه انا بالنسباله هو و مراته واحده هتخلف عيل و هياخدوه هما كل ما احس انو بيحبني اللاقيه بيفكر فيها
قمر اتنهدت ع حزن بنتها و ضمتها بحنان و قالت : اهدي ي بنتي اهدي كله بسبب ابوكي منه لله البعيد عمال ياخد ف فلوس و يشرب زفت ع دماغه
رزان اتنهدت و مسحت دموعها و قالت : خلاص ي ماما اللي حصل حصل لو اجبرت اني اخد البيبي و اهرب بيه ههرب بس مش هيهون عليا ابعد ابني عني ي ماما مش هستحمل بس لما احمل الاول
قمر حضنتها و قالت : طب اهدي ي بنتي عشان متتعبيش طيب و انسي كل حاجه انهارده
رزان بصتلها و هزت رسها و قامت غيرت و دخلت تساعدها ف الاكل
___________٭_______________٭____________
« في شركة الحريري »
ادم دخل ع خالد زي عادته و قال بمرح : صبح صبح ي خال و عم عيالين و لما شافه سرحان و باصص للتليفون قال بصوت عالي : هااااي خااالد فييينك ي بني سرحان ليه
خالد فاق و بصله و قفل التليفون اللي كان فتحه ع صورة رزان و قال : عاوز ايه ي ادم معلش سرحت شويه
ادم بصله و قال ب استغراب : مالك ي بني سرحان ف ايه اول مره تسرح ف الشغل
خالد اتعدل وساب التليفون و قال :مفيش حاجه الصفقه اتفقت عليها
ادم بصله و قال بهدوء : اه خلصت بس ف ايه مالك
خالد بصله و قال : مفيش حاجه الاجتماع امتي
ادم بصله و قال بجديه : سيبك من الاجتماع مالك ف ايه اتخانقت مع ناهد
خالد بصله وقال : لو اتخانقت مع ناهد دا هيبقي شكلي لا اتخانقت مع رزان
ادم بصله و ضحك و قال : عندك حق بصراحه بس اتخانقت مع رزان ليه دي حتى هاديه و مش بنسمعلها صوت
خالد حس بغيره شديده و قال بحده : ما تتلم ي ادم
ادم ضحك و قال : خلاص ي عم عرفنا انك بتحبها اتخانقتوا ليه بقا
خالد بصله وقال : هو باين اني بحبها اوي كدا امال هي مش شايفه دا ليه وعلي طول سرحانه وخايفه اني اسيبها انا مش فاهم
ادم بصله و قال ببتسامه : ااه باين عليك اوي ي خالد اول مره اشوفك مرتاح كدا رغم انك بتحب ناهد بس بالك مكنش مشغول كدا و بعدين ما تسألها خايفه من ايه يمكن هي حبتك و خايفه تسيبها عشان ناهد
خالد بصله و هز راسه و قال : هروح اجيبها من عند مامتها و اتكلم معاها
ادم قال بهدوء : اتكلم معاها براحه ي خالد رزان لسه صغيره و هو دا بس السبب اللي اتخانقت معاها بسببه و لا فيه حاجه تانيه
خالد بصله وحكاله اللي قاله ليها و قال : انا مكنتش اقصد اقولها كدا
ادم بصله بصدمه و قال بحده : انت اتجننت ي خالد عارف ان وصلتلها احساس ان هي و لا حاجه بالنسبالك اصلا و ان كل همك ناهد و بس و هي اللي ف الدرا ف واحد عاقل يقول ل مراته انا بعاقب مراتي الاولى عايزها تفهم ايه من كلامك تقولك برافو ي خالد عاقبها و تاخدك ف حضنها
خالد بصله و قال بضيق : أنا مكنتش اقصد كدا يمكن التعبير خاني بس اللي أقصده اني اقولها اني عاوز افضل معاها هي
ادم بصله بضيق و قال بحده : انت مش خانك التعبير انت نيلته خالص ي خالد انت كسرتها ي عم بالكلمه دي طب الصبح كلمتها و صالحتها
خالد ابتسم و قال : احضر انت الاجتماع خليك جدع
ادم بصله و قال بغيظ : اه طالما اتهربت من الاجابه يبقا مكلمتهاش امشي ي خالد مش هحضر حاجه احضره انت ي عم انت هتجنني و قام و طلع برا المكتب و هو بيكلم نفسه
خالد ضحك و بص ل صورتها و قال : جننتيني بس هصالحك واعرف انتي خايفه من ايه و كمل شغله عشان يجبها من عند اهلها
____________٭______________٭____________
« في مكتب ادم »
ادم دخل و اقعد و اتصل ب حياة و قال بحب : صباح الفل ع عيون حبيبي القمر
حياة ابتسمت بخجل و قالت : صباح الخير و بعدين بطل كلامك دا بدل ما اقول ل ابيه
ادم ضحك و قال : واحد و خطيبه و قريبا مراته هو ماله و بعدين انا حر كلها اسبوع اصلا و نكتب الكتاب يعني محدش ليه حاجه عندنا و بعدين متجبيش سيرة اخوكي عشان دا هيشلني
حياة ضحكت و قالت : ليه ماله ابيه
ادم ضحك و قال : هيجنن رزان يعيني معاه
حياة ابتسمت وةقالت : أبيه حبها و بيكابر
ادم اتنهد و قال : ياريت يقولها و هي ترتاح المهم ي حبيبتي هننزل بكرا نكمل باقي حاجات الخطوبه تمام
حياة ابتسمت و قالت : خلاص تمام
ادم ابتسم و قال بمشاكسه : خلاص تمام كدا حاف ي يويو
حياة ابتسمت بخجل و قالت : سلام ي ادم
ادم ضحك و قال : طب بحبك طيب
حياة ابتسمت بخجل و قالت : و انا كمان بحبك
ادم ابتسم و قفل معاها و كمل شغله
_____________٭______________٭______________
« ف بيت محمد عطيه »
رزان واقفه و بتهزر مع مامتها و قمر قالت بضحك : جتك ايه ي رزان كفايه ضحك ي بنتي
رزان ضحكت و قالت : ي ماما اضحكي حد واخد منها حاجه انا كل ما اضحكلها تكشر ف وشي و تديني بووز قد كدا مش عارفه اعملها ايه
قمر ضحكت بشده و قالت : ي بنتي بكرا تضحكلنا كلنا
رزان ضحكت و قالت : يارب ي ماما
ف نفس الوقت محمد دخل و قال بغلظه : خلصتوا الاكل و لا لا جعااان و لا هي مرقعه و ضحك يخربيتكوا
قمر بصتله بضيق و قالت : عشر دقايق و الاكل يكون جاهز
محمد بصلهم بقرف و قال : كتكوا نيله اللي مصبرني عليكوا القرشين اللي اخدتهم عيله غم
رزان بصتله بحزن و اتنهدت و قالت : هبدأ احضر ي ماما لحد ما الفراخ تتحمر
قمر بصتلها و قالت : متزعليش ي بنتي كل حاجه هتتصلح ان شاء الله
رزان بصتلها و هزت رسها بخفه و سمعت صوت الباب و محمد بيقول بصوت عالي : تعالي ي بت افتحي
رزان جت و قالت : حاضر ي بابا و فتحت لقت خالد قدامها بصتله بضيق و وسعتله و قالت : اتفضل
خالد بصلها و كانت لابسه بيجامه عليها رسومات كرتونيه و كان شكلها طفولي و جميل و قرب و باس رسها بحنان و حب و محمد اول ما شافه قام و ساب الشيشه و قال بلهفه : اهلا اهلا ي خالد بييه حماتك بتحبك الاكل هيتحضر اهو
خالد بصله و قال : شكرا
هنا قمر طلعت ع صوته و قالت ببتسامه : اتفضل ي بيه اقعد الاكل هيكون جاهز مش هيكون قد المقام طبعا بس اهو ناكل عيش و ملح مع بعض
رزان بصتلها بضيق من كلامها و قالت : ف ايه ي ماما دي نعمة ربنا
خالد بصلها و قال ببتسامه : رزان عندها حق دي نعمة ربنا و اي حاجه منك حلوه و بعدين بلاش بيه دي انا زي ابنك يعني
قمر ابتسمت و قالت بلهفه : طبعا ابني ي حبيبي و انا مقصدي دي نعمة ربنا الحمدلله عليها
محمد قال بغلظه : خلصي ي وليه بلاش لك خلي الراجل ياكل
خالد بصله بضيق و قمر و رزان اتحرجوا من اسلوبوا و دخلوا حضروا الاكل و كلهم اقعدوا ع الطربيزه و بدأوا ياكلوا و خالد اعجب جدا بالاكل و قال : تسلم ايدك ي ست الكل
قمر ابتسمت بفرحه و قالت : بالف هنا و شفا ي حبيبي كل يلا و حطت قدامه صوابع المحشي و حتت الفراخ
خالد ضحك و قال : كفايه كدا انا اتمليت
قمر ابتسمت و قالت بسعاده : لا كل ي بني يلا
خالد ابتسم و اكل و بعد ما خلصوا رزان تلقائي عملتله القهوه بتاعته و خالد ابتسم و شربها و بعد شويه قاموا و سلموا عليهم ع وعد بلقاء اخر و مشيوا و ركبوا العربيه و رزان متجاهله خالد خالص و مش بتتكلم بعد ما روحوا و طلعوا اوضتهم رزان دخلت غيرت و لبست بيچامه و سرحت شعرها و راحت مددت ع السرير و غمضت عنيها
خالد غير و لبس بنطلون بس و راح اقعد جمبها و قال : رزان
رزان من غير ما تفتح عنيها قالت : تصبح ع خير ي خالد
خالد بصلها بضيق و لكن ليس منها و لكن منه هو و مدد جمبها و قال : و انتي من اهل الخير
_____________٭______________٭______________
رزان هتعمل ايه مع خالد ؟!
خالد هيصالحها ازاي و امتى ؟!
خالد هيعمل ايه مع ناهد لو اكتشف اللي عملته ؟!
يتبع ........