#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
رائد شلون جنت نايم نومة ومرتاح برغم ... اجوي علية الولد كتلهم مابي حيل خلوها بعدين الطلعة تعبان اريد استراح وماريد احد يزعجني كلشي عندي ولا الازعاج
احب من ارتاح أريد هدوء ومن كيفي اشبع راحه واطلع جنت بسابع نومه ماحسيت الا شخص جفص بنص بطني عمري كله مافاز هيج فزة قوية ومرعوب هي عيطة
مني هي لفة لي للشخص بالبطانية وشمرته جواي صرت فوكه متعود على هاي الأشياء ومتدرب عليهن كلش زين اقل لمسه لي اكعد وادخل إنذار دخلت بي إنذار
_منو أنت.. ماتحجي منو أنت شسوي
جاي لعندي احجييي
ماكو رد منه ردت اجيبه بوكس هو جواي
بس يون ماكو صوت له ..
_ماتحجي شبيك اخرس منو أنت شسوي جاي لعندي لا
والحلو تجفص بطني واني بعز نومي احجيييي
انتبهت باب الغرفة انفتح وسمعت صوت امي ...
ولك رائد ليش مضلم الغرفة هيج ؟
رائد : الله جابج يمة افتحي الضوه انغاريت افتحيي
ام صدام : سم الله الرحمن شكوو ولك شكوو
رائد : افتحي الضوه خل اشوف ياكلب ابن سطعش
كلب جفصني واني بعز نومي .افتحييي
ام صدام : دنطي مجال شبيك تصيح
رائد : افتحي قبل لا اخنكه واموته
ام صدام : عزززة العزاك ولك اخاف طفل
رائد : انعل ابوه يابو الهدفه جابه علية جابه
فتحت الضوه أمي انتبهت على الباب مفتوح ...
الباب الباب سدي
ام صدام : ولك اسكت وهاي سديته ...
. هاي منو جواك رائد
رائد :اليوم انعل ابو الخلفوه جان ضيعلي مستقبلي
ام صدام : ولك يامستقبل دوخر خل نشوف منو
هالمسكين لصاير جواك وخانكة بالبطانية
قبل لا توصل أمي لعندي جريت البطانية من وجه والصدمة لي بنية مغمضة عيونها وتبجي بقيت مصدوم واباوعلها أمي من شافتها شهكت بصوت عالي وخلت ايديها على حلكها
ام صدام. : عززززة العزززاك خانك بت الناس
رائد : شسوي جاية لعندي ؟
ام صدام : دكوم من فوكاها خانكها اشووو كوووم ...
ولك كوووم شبيك لازك كوووم
رائد عاندت وشمرت كل ثكلي عليها بسرعة عاطت ...
شجابج لعندي احجي منو أنتِ؟!
ام صدام : ولك شوو كوم خنكت بت الناس
كوووم رائد ولك كوم شبيك كوووم
جرتني امي من فوكاها كمت متعصب وهي مخرسة بس تبجي امي راحت لعدها جرت البطانية منها الحجاب متخربط نص شعرها طالع وتبجي جنها طفل وفوكاها حلوة كلش
ام صدام : صخام الصخمك لو كاتل بت الناس
جان شحجينه وشكلنا
رائد : تستاهل شجابها لعندي
ام صدام : اشووو انجب ... يمة شبيج احجي شسوالج
رائد : لا تخافين ماغتصبتها
ام صدام : اشووو انجب رائد شهل كلام
البايخ اطلع برررره
رائد : شطلع ماطلع هي خل تطلع شدخلها للغرفة لاني
بيها لا والحلو جفصت بنص بطني لو شوي
منطيها مجال جان ضيعت مستقبلي
ام صدام : ولك انت تضيع مستقبل الناس ومايضيع
مستقبلك كومي يمة خل اغسلج كومي
كامت ترجف من الخوف مخليه كيلو مكياج قليل بحقها ناعمة كلش ولابسة نفنوف بيجي بي تطريز ذهبي جنها لعابة باربي بقيت اباوعلها وتحسف بقلبي حرامات اجت امي
هالحورية جانت جواي وطلعت سلامات ..... ااخخ ااخخخ اخذتها امي ودخلتها للحمام باوعت بالفراش شفت ملابس باللون الوردي شلتهم بإيدي جانوا ملابس بنية
صحت على امي ...
يممممة
صاحت من الحمام ...
وغمااا شبيك ؟
رائد : اي عفية افضحيني كدامها ليش هيج يمة ليش .. كتلها ... هاي ملابسها تعاي اخذيهن لو احركهن
ام صدام : سودة بكصتك صاير داعشي
طلعت امي بسرعة تخزر بي انطيتها الملابس...
دكافي تخزرين بي وترزليني كدامها عيب
ام صدام : لو موت البنية جان شحجينا وشكلنا لاهلها احجي
رائد : صوجها هي شجابها علية ناس نايمة في امان الله يجون يجفصون بطنهم صايرة دايرة
ام صدام : دنطيني دومك متسرع
رائد : مكتيلي شسوي جاية لعندي ؟!
ام صدام : مجاية لعندك
رائد : لعد شسوي بالغرفة لاني بيها ؟!
ام صدام : جاي تبدل وغلطانة بالغرفة لسواء حظها
البنية جفصت بطنك وانت ردتها من الله
رائد : حرامات لعد لو مخليها تبدل هههه
ام صدام : ولك اششش هسه تسمعك وتكول هذا
ساقط بطل سوالف الساقطين بطل رائد
رائد : هو احنا شكلنا
ام صدام : لايمة كلشي ماكلت صاية الرحمن عليك
راحت دخلت أمي رحت قفلت الباب اليوم ماخليها تطلع إذا ماعرف منو هاي جريت الكرسي شعلت جكارة خليت رجل فوك رجل اباع لباب الحمام اريدها تطلع .
زينب" قطره دم مابقت بي من تلفلفت بابطانية وشخص ثكيل بثكل الجبل كعد فوكي ويحقق وياي صوته يخوف كلش وخشن بقيت بس اعياط واون اريد
اصيح اطلب النجدة
ماكو خانكني والحمدالله اجت ام صدام وطلعت ام الولد اثاري اني جاية للغرفة الغلط مدري رقية ماتدري هم اهنا بالغرفة جر البطانية من وجي رتاحيت شوي اخذت نفس
وبقيت ابجي امه تحجي ويا يكوم من فوكي هو خبيث جان راسن شمر كل ثكله فوكي عبالك متعمد لو باقي شوي فوكي جانت ماتت ماتحمل الثكل هو ثكيل كلش
السانه زفر جان ويحجي بكل طلاقة ماعندة .... ذرة خجل ماكو عنده بالصدفة اجت عيني بعينه بسرعة عرفته الملازم رائد صديق ابن خالتي جلال هذا الخوفنه بالمحل
واخذ الجبس من ايدي قطرة دم مابقت بي اخذتني امه للحمام واني ابجي هي تهدي بي وتحجي عليه ...
ام صدام : اوووف منك رائد لو خانك البنية .. .
احجي يمة شسوالج خوما اذاج ؟
زينب : خنكني خاله جان موتني
ام صدام : مايدري بيج خاله والله هذا هو دوما داخل
إنذار هسه كوليلي شيوجعج ليش تبجين ؟
زينب : كلشي مايوجعني خفت خاله
ام صدام :حقج خاله تخافين فجأة وصار هجوم
عليج أنتِ شسوين جاية للغرفة ؟
زينب : ردت ابدل كلت الرقية اريد ابدل كالت روحي بغرفتي بدلي وتعاي بسرعة والله العظيم والحسين مادري ابنج
بالغرفة موجود مادري لو ادري فلا اوصل
ام صدام : ادري بي خاله يلا غسلي وجج وارتاحي
صاح ابنها بصوت عالي فزيت مرعوبة ...
يمممممة
صاحت بس ماعصبة ...
وغمااا شبيك ؟!
رد بصوت عالي ..
هاي ملابسها تعاي اخذيهن لو احركهن
زينب : ملابسي خاله راح يحركهن
ام صدام : يشاقة يمة يلا غسلي لما اجيب ملابسج
بدلي ونطلع اني وياج لتخافين
هزيت راسي طلعت بقيت ابجي واغسل بوجي كل قوتي بعده حيلي كله يرجف هو اني من قبل أخاف منه انوب صرت بين ايديه وخنكني يمة جان متتت خرررب بحظي
دومي اوكع بالمشاكل منورة غبائي وثولي الزائد...
جابتلي الملابس وراها طلعت وكفتلي بالباب بدلت بسرعة ومسحت دموعي شلت ملابسي بحضني حضنتهم قوي ودكيت الباب طلعت وهي وياي تمشي
مدنكة راسي للكاع
فزيت من حجه بصوت عود هادء هو
رج الغرفة رج ...ارفعي راسج
ام صدام : ولك شتريد من البنية ماكفاك لسويته بيها؟
رائد :لسويته بيها قليل خل ترفع راسها وتباوع بعيوني
خل اشوف منو هاي لزعجتني بعز نومتي
ختلت وره أمي بزعت خليت وكمت ....اباوعلها اريد اشوف شكلها شلونه بعد ماغسلت كيلو مكياج تخزر بي أمي...
ام صدام : رائد عوف البنية خايفة منك ؟
رائد : اي مو وحش علمود تخاف مني خل تباوعلي لو
بالقرآن الكريم ماخليها تطلع من الغرفة واحبسها هنا
احسللها خل تباوعلي
ام صدام : ولك شنو من بشر ماتشوفها خايفة
منك وخر رائد اريد اطلعها وخرر
وكفت وره الباب ...
ماكو طلعة الجفاصة العمية باوعيلي لي خل
اشوف جهرتج بلا شلونها ؟!
ام صدام : يايابة يابوية ولك وخرر راح
تفضحنا مناك العالم
رائد : أهلا بالفضايح هههه
ام صدام : توخر لو اخليك توخر بطريقتي
رائد : جيش كامل مثلج مايكدر يشلعني
من الباب افضل لها تباوعلي
مديت راسي من وره ظهره امه مبين عناد وابو العناد
باوعتله هو راسن فتح عيونه بصدمة يمكن
عرفني اشر بإيده علية وكال بصياح
رائد : الله جابج اطلبج ثااار
ستغربت ثاريش راسن ضميت راسي. ..
عيني خاله طلعيني
ام صدام : ثاريش ولك وين تعرف البنية ؟
رائد : اعرفها بت خالت جلال صديقي وام الكوريين ولج شلون تكولين صخلة ام عداي تسواك وتسوى عشيرتك شلون ولج تفضلين هذا الكافر اليهودي ابو الخمر بي
وبعشيرتي شلوووون ؟!
ام صدام : على شنو تحجي رائد
رائد : اسأليها شلون رزلتني ونزلت من قيمتي قبل
أشهر ماتحجين شكو ضميتي راسج
ام صدام : شصاير يمة بيناتكم تعرفيه ؟
زينب بلعت ريجي طلع هو نفسه لزحفلي قبل وصاير
يغلط ويهدد بي كلت بصوت شوي عالي واني
بظهر امه لازكة . .
زينب : والله ماعرفه هو دخلي خاص وصاير يغلط
بكيفه واني هم غلطت مثل ماهو غلط
رائد : يمة وخري وانطينياها خل اعلمها شلون تكول صخلة ام عداي احسن مني أني رائد الضابط وحاميج وحامي عرضج وعرض كل النسوان تكولين صخلة ام عداي احسن مني
يايمة يايابة انطينياها يمة
ام صدام : كلشي ماجاي افهم فهموني صخلة
ام عداي شجابها بالنص ؟!
زينب : اني احب واحد كوري اسمه دونغهي وكلتله هذا زوجي المستقبلي هو صار يعيب ويكول يشبه صخلة ام عداي
تقبلينها خاله هيج يكول
رائد : صدك يشبه صخلة ام عداي و
طبق الاصل قابل مجذب
ام صدام _: وأنت دخلت خاص للبنية؟
زينب : اي والله خاله وكالي اريد تعرف عليج ونرتبط حظرته ودخلي من حساب ثاني وصار يهدد بي تقبلينها خاله يهددني علمود ماقبلت احجي ويا واتعرف عليه
ام صدام : طبعآ ماقبلها ولك شلون تهدد البنية علمود ماقبلت بيك عبالك كل البنات مثل البنات لعندك بس كتلها هلووو سلمت كلشي الكل ادبسزز هاي تربيتي لك رائد
رائد : اي اي بعد رزلي بي كدامها صارت شريفة ام الصخول لعد صخلة ام عداي شنو موضوعها وياي تبيعين شرف
وياها لا عادي موووووو
ام صدام : ولك انجب ماعليك بيها ولج
هذا منو الكوري وين تعرفينه ؟
رائد : واحد مشهور ومغني بفرقة مشهورة اسمهم فرقة سوبر جونيور ام الصخول عبالها صخله ام عداي راح تتفل عليها وتباوعلها والله بطرانه أنتِ من حبيتيلج
واحد كوري ومشهور
وابو الخمر ومصلخ ويركص كدام البنات جنه تيسير العراقي من تركص وتسوي حركات بهلوانية ع أساس تغري
المقابيلها هو بالاصل داي ...
توني ردت اكول كلمة منحرفة امي صاحت بي ...
رائد كافي وصلت حدها وياك ماعليك بالبنية
ويلا وخررمن الباب وخررر.
رائد : ماخليها تطلع بدون إعتذار
ام صدام : يلا اعتذر منها بسرعة وخلها تطلع
رائد : طننننن أني رائد اعتذر لام الصخول لا والله ماعتذر هي الغلطانة غلطت علية قبل وهسه جفصتني والا شوي ضاع مستقبلي ترديني اعتذر شلون تقبلينها يمممممة
ام صدام : وجععع اسكت موتتني يمممة ويمممة جنك
صخله ام عداي من تبقج كافي ولك كافي
خل بت العالم تطلع
رائد : هاي اني وره الباب واكف وشحده زلمة
يشلعني بدون ماتعتذر مني
ام صدام : اريد بكيفك ماتطلع
رادت تروح عليه ماخليتها جلبت بيها قوي وكتلها...
عيني خاله لا ترحين اعتذر والله ... اسفة حظره الملازم
على كلشي وحقك علية يلا بعد عن الباب
رائد : عيدي الاعتذار بصوت عالي ماسمعت
ام صدام : رائد ليش تعاند ؟
رائد : ماسمعت خل تعيد الاعتذار وتطلع منورة
ظهرج مو خاتله بظهرج وتحجي يلا اطلعي
ام صدام : اطلعي يمة واعتذري واني ادري هو الغلطان
بس شسوي عناد مثل اهل ابوه
طلعت منوراها وكفت بصفها اباوعله جان لابس فالينة سودة وبجامة سودة كاتف ايديه مرتجي ظهره وره الباب ويباوعلي بنظرات تخوف عبالك يريد ياكلني شكله يخوف ..
زينب : اني اسفة حظره الملازم واعتذر
عن كلشي بذر مني بدون قصد
رائد : اضربي تحية
ام صدام : خاااب ماتنجب شايفها جندي كدامك
تعاي هذا عاش اللحظة
جرتني امه هو يضحك بعد عن الباب وسوه حركة دونغهي المفضلة ينفخ شفايفه ويسوي حركة إنتصار يم خدودي وضحك بصوت عالي ههههههه
ام صدام : شبيك تخبلت
رائد : مو تحب الرجال الكيوت هاي صرت كيوت ههههه
ام صدام : استغفرالله تعاي يمة
فتحت الباب وطلعنا ماصدكت طلعت قلبي يدك بدل الدكة ألف دكة هذا شنو من بني ادم ياربي وطلع هو الزاحفلي هذاك اليوم سودة بوجي وكعت بين ايدينه واحد مخبل
امه كعدت تحجي وياي وتكول هذا هو عناد لا تاخذين على خاطرج وقلبه ابيض مثل الثلج بس انخي وشوفي
وكفاته الج صارت تحمدي بي وباخلاقة
هو هذا عنده اخلاق زحفلي ويهدد وانوب خنكني وكعد فوكاي ويباوعلي بنظرات تخوف عبالك يريد يأكلني وره المغرب
اذان صليت وكعدت اجهز العشة وي البنات
كاعدات ويحجن بي اويلي اهل الانبار يطكون بالكاع شفتي الجمال شفتي الضخامة شفتي الكشخة كلشي بي ياخذ العقل ياهنيالها لتاخذه والله خوب امه تنكط عسل
وره العشة غسلت الماعين وي البنات وعزلنا البيت راح تصير الحنة بالليل الزلم بره بالحديقة والنسوان بالصالة بدلت
لبست قميص بيض باسود فوك بنطرون اسود
وكعدت فوك الدرج وي البنات طلع من الغرفة رائد من شافنه ابتسم وسون حركة حلوة وكيوت بعيونه البنات يضحكون الا أني درت وجي عنه مااحبه اتخبل منه
والله عيب وزحمة هذا بنص البيت يفتر عبالك منهم هذولة شبيهن اهل مرت اخوي عدهم كلشي عادي والبنات مامصدكات شايفات ضابط حلو ومعضل
بدت الحفلة وكل البنات تباوع من الشبابيك على حفلة الزلم يكولن جاي يرقصون جوبي كمت اباوع وياهن تفاجات من
شفت الملازم رائد يرقص وياهم ورقصة أحلى
من رقصهم بهواي
ومكابلة مهدي الفطير البنات نكرصن باعي شكد حلو يرقص عمي صدك رقص اهل الانبار يخبل مو مثل رقصنا إحنا
سحبت نفسي وكعدت فوك الدرج مخليه ايديي على
خدي وافكر شوكت اكمل دراسة ويطلع تعييني وجمع فلوس واطلع لكوريا وهناك اتعرف على دونغهي واتزوجه
واخلص من العراق ومشاكل العراق التعبانة
أنتهت الحفلة رحت سبحت وبدلت وكعدت بالفراش اقلب بالتلفون فزيت رسالة اجتني على التيليكرام من رائد هذا حسابه الشخصي بي صورته واسمه شفت
الرسالة جان ناشط
كاتب ...
هلاووو ام الصخول 🐐
ضغطي صعد لراسي دمي فار كلش شنو ام الصخول دخلت على صورته بقيت اباوع بيها وادقق بي مابي رحمه الله لابس اسود زي عسكري نجمتين على الجتف كاعد بمكتب
رجع كتب ...
تردين لو اجي اشحطج أنتِ وفراشج
نفخت هوى باوعت كدامي البنات يسولفون من ضمنهم
امه ردت اكوم اكوللها عليه شفت خالتي ام
حسن كعدت بصفها رجع كتب
_راح اعد لل ٤ اذا ماكو رد تسمعين صوتي
هم مارديت طفيت التلفون وخليته جوه راسي خليت راسي على المخدة اريد انام تعبانة فزيت من سمعت
صوته بره الغرفة
رائد : يمممة وينج تعاي رايدج بشغلة
راسن ضربت جادر كمت ارجف من الخوف ... أني بطبعي شخصية جبانة وضعيفة ماحب اجادل ولا أحب اعاند امثل العناد بس مو عناد أبد واكره المشاكل احب الراحة
والهدوء .
اسمع امه تكول ...
جاية يمة جاية
رائد" كملت الحفلة ستمتعت بيها بس خربوا كلشي اقاربهم شباب عرفوا بي سني وبقوا يستهزءون بي ويسمعوني كلام ردت اكوم اخلي الكراسي بروسهم بس لزمت نفسي
عيب أني ظيف هنا ولازم إحترام الناس لستظافتني مو مثلهم هم مايحترمون الظيف المهم كمت رحت للغرفة كلت خل اراسل ام الصخول ادري بيها مراح ترد بس خل ازعجها
شلون من اباوعلها واسويلها حركة كيوت وابين الها لطيف ماتعبرني وتدير وجهها مني وابوي اتصل بي وكال ارجعوا باجر لا تبقون للعرس كتله تمام لان
صراحة طكت روحي اهنا
البعض طائفية مثل لعندي وأني اعصاب اخاف ابتلي بواحد منهم كمت صحت لامي اجت لعندي بسرعة ..
ام صدام : هاا يمة
رائد : جهزي روحج الصبح نطلع للانبار
ام صدام : ليش يمه ؟
رائد : مليت وروحي طفرت هنا اكو شكم واحد
طائفي وادري بروحي اذا بقيت هنا
بعد يوم ثاني راح اجرم
ام صدام : هاهيه نرجع لعد يلا روح نام لا تطلع
مابي حيل مشاكل وفضايح
رائد : ماشي
راحت امي ردت اروح للغرفة شفتهم تلاثتهم يطلعون بالعشرينيات وكفوا بعتبه باب الاستقبال وكالوا.
الاول يكول ...
شيعي واصلي جعفري واكره الي يكره علي بالحشر ماكو
يزيد بس ختم حيدر يفيد جاهليه جاهليه
هذا عهد الناصبية
يرد الثاني يكول ...
رافضيه رافضيه مانخاف من المنيه
الاول يرد يكول ...
من دفع باب الرسول من كسر ضلع البتول ؟!
الثالث يكول ويعاين علية ...
جاهليه جاهليه كسروا ضلوع الزجيه
كططكت اركبتي ودمي فاير دخلوا اللاستقبال يضحكون قصدهم احنا السنة قتلنا بت الرسول السيدة فاطمة الزهراء عليها السلام دخلت وراهم جانوا كاعدين بالاستقبال
وياهم حسن ومهدي دخلت وسديت الباب برجلي قوي
صحت بيهم ...منو جاهلية منو كسروا ضلوع
الزجية منو الي كره علي ماتحجووون
كام الاول ورد ...
أنتو كسرتوا ضلوع الزجية
بدون كاف لام فتحت حزام البنطرون ....
وجان يطفر مهدي واخوه حسن
حسين : انجب زيد لا تغلط ولاتجاوز ويلا اتفضل بررره
مهدي : ضب السانك لو اخلي القندرة بحلكك
مانسمحلك تهين خطارنا بهاي
الطريقة يلا بررره
زيد : هسه صار قول الحق باطل ليش تخلون
هذا القذر بيتكم ويفتر بنص نسوانكم
رد الثاني : حرامات تخلونه يشرب كلاص ماي
حسين_ : اكلوا خر .... بررره
ماتحملت هجمت عليهم ضربت هذا زيد حزامين على ظهره خليته ينكز والثاني هم والثالث هم هم يحاولون يبعدوني عنهم و تخبلت وفقدت عقلي شمرت
الحزام وتوليتهم دفرات
كفرت بيهم خطية مهدي دفعته بالكاع وكع حسين فوك الطبلة كفرت بيهم خليتهم يتوسلون الحقراء جاي يسوون طائفية ويخلون ناس تكره ناس علمود يرجعون
أيام الطائفية وخطف وسلب وقتل ....
انعل ابوكم يابو الخلفوكم يابو الجابكم ويابو كل واحد مثلكم طائفي انتظروا بس اوصل للانبار الا اصدر بيكم كتاب
اعتقال بس اصبروا سرسرية ساقطين .
تفوو عليكم وعلى كل واحد مثلكم عبالك راح اسكت لان بيتكم موو بس العار وابن ابعار يسكت على الإهانة ...
انفتح الباب دخلوا كومه زلم كوه خلصوهم من بين ايديه قريت بيهم التوبة اهلهم يحجون عليش تضرب ومانسمحلك تمد ايدك عليهم كتلهم السالفة وكتلهم بس اوصل لهناك
ثاني يوم الصبح اجيب الفوج مكافحة الارهاب خل يشيلونهم جاي يسووون طائفية بين الناس هذولة إرهابية ولازم يتم اعتقالهم قبل لا يخربون العالم .
ويخلون العالم ناس تنهش بناس علمود هذا سني وهذا شيعي انتو شنو من جهلة بس كولولي شنو من جهلة يامرجع شيعي يقبل بهذا الكلام كولولي منو يقبل تسب رموزة
دينك واسب رموزك دينك مثل ما انتو تحبون علي
واهل بيته احنا هم نحبهم كافي طائفية كافي .
من سمعوا كلامي واحجي بعصبيه واهدد اعتقلهم خلوا وعتذروا أهلهم وهذا زيد ابوه قره بي التوبة بعد ماقريت بي التوبة أني اجت امي وام حسين وبعض النسوان يركضن
اكعدت دمي فاير امي تهدي بي كتلها ...
كومي هسه نرجع للانبار
ابو حسن : ابن حرام اليخليكم ترجعون للانبار واني
علمهم هذولة السرسرية لا تاخذ على خاطرك
منهم هذولة سرسرية المنطقة
مهدي : موعيب عليك تروح تالي الليل منورة عركة وي زبالة مثل زيد وشلته وانعل ابوه ليفرق بين السني والشيعي اشو كلنا اسلام وربنا الله وكتابنا القرآن انتو تحبون علي
واحنا نحب علي
ماعليك منهم رائد.
حسن : ابوس ايدج خاله لا ترحون وانتو زعلانين
والله عيب وزحمة علينا مانقدركم
الكل صار يقنع بي وام حسن كعدت بصفي باستني من راسي وتكولي انت ابني ومعزتك من معزة اولادي ماعليك منهم وعاشت ايدك على الكتلة لكتلتها لهم علمود
مرة اللخ مايسوون هيج
ويهينون الظيف .
ابو حسن همين كعد يقنع بي بالدفرات يلا قنعت جابولي ماي وراها جاي شربت وبعدني معصب وحيلي كله يرجف شعلت جكارة اهدي اعصابي بيها شوي هديت وطلعت للغرفة
وامي وياي صادفت زينب وبنات صغار وياها باب ... المطبخ واكفات خزرتها خافت ودخلت جوه المطبخ كعدت الصبح صليت وطلعت بره جانت الدنيا ظلام خفيف
والشمس مطالعة سمعت كططكة وره البيت رحت اشوف شنو شفت زينب كاعدة وبيدها ماعون بي اكل جاي تنطي للبزونة لونها برتقالي جانت جبيرة البزونة يمكن مالتهم
مربينها بقيت اباوعلها تضحك وياها وتمسح على راسها بكف ايدها ألف عافية حبيبتي لولو باعي محد يذكرج غير أني فدعيلي يم الله اسافر الكوريا واتزوج دونغهي
رائد ماتحملت كتلها ...
دعيلها تزوج صخلة ام عداي
فزت ورفعت راسها انخطف لونها من شافتني ....
كدامها واكف راسن كامت وكالت ...
_شجابك ؟
_الله جابني ماتغيرين اطباعج الخاطر الله انتِ شنو من بشر اكو وحدة تزوج كافر يهودي ابو الخمر مصلخ مثل الكحاب ويتمركص كدام هاي وهذيج علمود
يمتعهن اذا تردين هيج كواد خل ابن عمج زيد يختارلج كواد من الملاهي على اقل هذا بي ضمان ومسلم يحل عليج
تزوجي مو كافر مايحل عليج تزوجي ياعيني
ياشطب ريحان
_اااء
_اشش يابة اششش لا تجادلين بي اعصاب تحرك الحلة كلها وشكو واحد طائفي وخليها بالج يحرم زواج المسلمة من الرجال الكافر ويعتبر زواجهم زنا
المسلمة للمسلمة والكفر للكافرة والمسيحي للمسيحية خليها بالج شطب ريحان واذا انتِ صدك تمثلين سيدة زينب عليها السلام بت الامام علي (ع ) وبت فاطمة الزهراء بت
الرسول عليها السلام
وتاخذينهم قدوة الج ماتفكرين تسمعين .... أغاني الكفرة وتفكرين تزوجين واحد منهم وثاني شي انتِ مو غبية
دارسة وفاهمة وعاقلة وحلوة وألف واحد يتمناج
شجاريلج تحبين صخلة ام عداي وانتِ تدرين اغلبية بنات حول العالم تحبه وتريده واصلا هذولة مايتزوجون يحبون يكضون وقت وي هاي وهذيج ويخلفون جهال بالحرام
بالزنا يخلفون مايحبون الارتباط لان يقيدهم بشرفج ترحين تنامين ويا بالحرام بهاي عملتج راح تغضبين اهل البيت كلهم وتغضبين الله ورسوله واهلج وكل امه العربية والإسلامية
سامعة الامام الصادق (ع) شيكول ...
أيما امرأة أخرجت شعره من رأسها كإنما
حاربت جدي الحسين. (ع)
يعني شعره وحدة منج اذا شافها الاجنبي كنج حاربتي الامام الحسين (ع)وأنتِ تردين تزوجين كافر شنو راح يكون عقابج بلا ؟! الله واعلم شنو راح يكون عقابج شطب ريحان.
سكتني للأبد أني شيعية وماعندي .... هاي المعلومة وهو سني يعرف كلشي بقيت ساكته واباوعله أبتسم وكال ...
_ اكلج شي شطب ريحان شنو الفائدة من الكوريين فقط اطاعة الشيطان والجر الى الفسق والفجور اعاذنا الله ولا
صوم ولاصلاة تنقبل الج شنو الفائدة تصلين منا
وتسمعين أغاني منا ولبسج للحجاب
هذا حجابج للزينة لو حجاب اسلامي لو حجاب ترضين
اهلج وعباد الله بي جاوبي ؟ شبيج
ساكته وتباعين لعندي ؟!
زينب : انت مو تسمع أغاني وترقص جوبي
رائد : اغاني ماسمع اني بس وقت العراس وغصبا عليك تسمع أغاني بالعراس والمناسبات حتلوه تتركهم ومالك رغبة بيهم بس مو مثلج اني متعمد اسمع أغاني وتخيل نفسي بحضن صخله ام عداي ترى العين تحوي
ماكدرت تحوي الكفوف .
بقت تباوعلي بدون رد كلت خل استغل الفرصة بلكت تشيل من بالها صخلة ام عداي وتفكر بي امي البارحة بس تحجي بيها حتى كالت لاخواتي عليها .
_ انطيج نصيحة بعد بكيفج تاخذينها لو لا ...
نفترض هذا الكوري حبج ورايد يتزوجج شلون بلا يعتبر زواجكم باطل لان هو من دين وانتِ من دين .. نكول صار مسلم علمودج او انتِ صرتي مسيحية او كافرة علموده
شنو راح يكون عقابج يم الله وشراح تكولين لاهل البيت (ع) يوم الحشر ويوم يخلونج بالقبر حبيت صخلة ام عداي وتخليت عن ديني لو نو صار مسلم وره
فترة رجع كافر لان السلام
يفرض القيود والغناء حرام والرقص حرام وشرب الخمر حرام واكل الخنازير حرام وغيرها وغيرها من الحيوانات ياكلونها حتى هاي البزونة والچلب الجرب ياكلونه
عوذ بالله منهم قذرين وسخين وايععع راح ازوع من وراج شحبيتي بي رب الكعبة باعي هالجمال والكشخة والهيبة عد الرجال العراقي مو لاحكة صخله اتفل عليها تفله تموت
لا والحلو من يصرخ جنه اختي من اجر شعرها تكول ااااه ههههه بلا هذا شلون يحميج من هذا العالم الموحش
والمرعب يمكن لو شاف خيال داعش يكرم
طاري الله يبول على روحة هههه.
ضحكت بدون وعي بقيت صافن عليها كوه لازم روحي ماكو احد هنا ومن ودي احضنها واخذ هالشفايف بشفايفي بدون مكياج وتخبل وبالمكياج تصير أحلى
بقيت اضحك وياها
_ ضحكتي ؟!
_اي صدك كلامك هم مايكدرون يعيشون داخل الإسلام لأن يحبون الغناء والسفر والطرب والرقص وشرب الخمر
واكل الخنازير بس مو بإيدي احبهم
_ حبتج حيه اكون
_ بيش طالبني ؟!
_تحب صخول بشرفج عيونه مو جنهن زروف مخيط لا والحلو لا للحية ولاشارب ويخلي مكياج حاله من حالكم
اين الرجولة ياشطب ريحان اين
_ بيهم رجولة والله
_ لا تخليني اهفج بزييج هناك وين اشمرج وين الرجولة بالبس مالتهم لبس تيسير العراقي استر منهم لو الرقص جنهم چلاب استغفرالله العظيم واتوب اليه الساني زفرر
شفتها خجلت وحركت جسمها تريد تروح قبل لا تروح كتلها ..
_ .أني اسف لان البارحة خنكتج وصيحت عليج ترى بدون قصد ولا لتخذين عني غير نظره أني موهيج وإذا
ماتصدكين اسألي جلال وراح تعرفين منو رائد
_ عتذارك مقبول
خلت وراحت دزيتلها بوسه بالهوء رجعت اضحك للبيت وره الريوك سلمنا على الكل وصعدنا بالسيارة شفتها هي ورقية بت حسن متكابلات على جدر ويشيلن بي
صحت على مهدي ...
ولك مهدي روح شيل الجدر بدل البنات خطية
مهدي : هن سباعيات
رائد :حتلوه مايصير تخلي المره تشيل ثكل
مو زين عليها روح بدالهن
مهدي : اول مرة اشوف رجال مثلك ههههه
رائد : طبعآ أني نادر ههههه
راح بدالهم هن باوعن علينا يمكن كاللهن أني كلتله بس اريدها تحس بي راح اصير كدامها ملاك الصالح .في حيث اكسبها الصالحي واجيبها للدرب على كوله المطرب
عقيل موسى اجيبك للدرب لازم اجيبك متراهن عليك اصبح حبيبك خليتها بالي وخلص والا اكسر خشم ابن عمها زيد واقاربها اهل الطائفية الا اخذها يعني اخذها
واصير بنصهم اني اعلمكم سني وماتردون بنصكم يصير اذا ماصرت رجل بتكم فلا اطلع رائد وابن امي سوهاد .
رجعنا للبيت العصر خابرت الكصاب وكلتله أريد فحل مكورن اكون خيار الفحله عندك ومايهمني السعر هذا نذر امي لابو فاضل (ع) ولازم نوفي بسرعة .
ساعة زمان جاب الفحل الجهال كلها ملتمة راح نذبحه وراح نذبحه ابوي يضحك ابوي كل خل الكصاب يذبح كلت لا أني اذبح واصلخ شبي وهذولة اخواتي وياي
مابيهم حيل يوافون بنذر أمهم للأمام العباس (ع)
عاد ذبحناه وصلخناه امي كالت عماتك فلا اطعمهن لا هن ولا عمامك بس بيت ابو نزار واخواتك واطلع للفقرة منه اثوب
من هذولة لمايعترفون بأهل البيت (ع )
وزعوا اللحم واني كعدت وي الجهال والجناين ....بالحديقة نشوي اللحم على المنقلة إلى أول مرة حسيت بعائلتنا حلوة وبيها طعم عائلة ماكو اي اعتراض او مشاكل صافية جانت
وره العشة أبوي كال نروح زيارة واريد اعتذر من اهل البيت (ع) لان جنت مخطئ هواي بحقهم الفرحة عمت على الكل اولهم الأطفال يشوفون بالتلفزيون الايمه
ويتمنون يزورون عاد الشهر الجاي نأجر ...سيارة على حساب أبوي ونطلع وكال نروح لام حسن خطار هم هههههه امي خزرته ماعرف ليش كاللها والله الا اروحلها
وأنتِ ايدج بإيدي اشوف .
ثاني يوم الصبح رحت يم قاسم حجيتله كلشي على كتلي للولد اهناك خرب من الضحك اني اضحك هو
يضحك وياي
_وين ماتروح تتعارك هههه
_شكو بطني كاعدين يشمرون مسامير وانوب يغنون أغاني الطائفية القديمة عبالهم اني اخاف لان سني الوحيد بيناتهم وهم كلها شيعة مايدرون بي مخبل وراي حيتان
تبلع الكو والماكو هههههه
_اتصال واحد منك اجيبلك الفوج لعندك ههههه
_وشفتلك ام الكوريين
_ زينب ؟
_ايي وكعدت فوكاها
_شنوووو !؟
_لا يروح بالك لبعيد ههههه
_انت تكول هيج وتريد بالي مايروح لبعيد احجي شلون ؟
_جنت نايم في أمان الله ماحسيت الا شخص
جفص بطني ولا شوي راح مستقبلي
_ ههههه المستقبل شلونه
_ههههه بعده شغال اطمن هههه
_ هههه لعد كمل
_دخلت إنذار بيها رأسن لفلفتها بالبطانية ومنو ومامنو فجاة دخلت امي وكتلها شغلي الضوه لما شغلت الضوه وجريت الغطة من فوكاها طلعت حورية واني
الخبيث شسويت
_سويت ابو النسوان
_هههه كعدت عليها كل قوتي
_ماصدكت أنت بنية صارت جواك ضاربك جفاف عاطفي
_اي والله فدمرة حرامات امي اجت وخلصتها مني حرامات
_شردت تسوي ولك ؟
_جان خليتها بحضني وطلعت حرمان أشهر بيها ههههه
_تشاقة مو
_هذا الوجه بي شقا قويسم
_مابي بس حرام اتقي الله رائد
_انجب لا تصير شيخ برأسي وتتفلسف هي اجت لعندي أني شعلي مو زين ماخنكتها وموتتها بهذيج الحركة
_جان راح الغالي ههههههه
_اي والله هههههه
_هههه سهلة عود نزوجها لك وخل تتحمل نتيجة أفعالها
_هو فكرت بيها
_شفكرت ؟
_والله ياقويسم فكرت بيها وكلت راح اتزوجها واجيبها لعندي واصير نسيب الشيعة هههههه
_ رائد اكعد راحة مو شغلة عناد تريد تسويها ادري
بيك وبسوالفك البنية مالها دخل ترى
_عشكانها يول عشكانها
_ كافي جذب رائد مو عندك عبير وكلتلي راح اتزوجها
_ختولي هاي كحبة طلعت وام السحورة
_ماطلعت وياك كل البنات كحاب بس انت الشريف
_انجب واسمع امي كشفتلي البارحة يم علوية وطلع
مسويتلي سحر ودافنته بالمقبرة علمود اتزوجه
_احلف ؟!
_والعباس ابو فاضل على كوله الشيعة مسويتلي واحد معدل هسه دا اتعالج منه وان اكمل العلاج اطلعلها الا انعل شيب الخلفوها هو اني هيج كوه عايش اوب وي السحورة
_عوذ بالله واني اكول شغيرك بهل سرعة وردت
تخطب اثاري راكعتك بواحد معدل
_اي والله ياخوي مسويتني مطي دكلي
ديييي امشي وراها هههههه
_ هههه شكد فطير
وراها رحت للدوام ومن نزلت اتصلت بعبير وكتلها .....انتظرج بفلان مكان بالليل اريد اشوفج مشتاقلج وجايبلج هدية قيمة وشي أنتِ جنتي تنتظري من زمان وهسه
اجه وقته علمود احققه الج .
طارت من الفرحة عبالها راح اخطبها ماتدري بي راح احاسبها على عملتها وياي تسويلي سحورة بسيطة بطن عيني كالت
لا ماكدر اكون بفلان ماكان راح انتظرك بيت
صديقتي هي رايحة البيت اهلها
وزوجها ملتحق للجيش وأني كلت لأهلي رايحة عدها خطيه باع التلفيق منها ماكو وحدة شريفة هيج تسوي وتعزم رجال على البيت وبيت فارغ بس أني وياها .
يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال14 بسرعة .