[Unicode] (extra 2.1)
ဖုန်းထဲက လက်ထပ်ပွဲသီချင်းသံတွေက က ရိုမန့်တစ်ဆန်စွာ ထွက်ပေါ်လာပေမယ့် ထိုနေရာမှာ ချို့ယွင်းချက် တစ်ခုရှိနေခဲ့တယ်။ အဲ့တာကတော့ ကျန်းရှုပါပဲ။ ကျန်းရှုဟာ အခုချိန်မှာ အတော်လေးကို ထိုသီချင်းတွေ နားထောင်ပြီးဖြစ်ပါတယ်။
သူတို့တွေ အတူနေတာ ကြာလာပြီဖြစ်လေလေ အချစ်တွေက ပိုပြီးတိုးပွားလာလေလေ ဖြစ်ပေမယ့် သူ့စိတ်ထဲမှာတော့ ပိုပြီး စိုးရိမ်စိတ်တွေ များများလာလေလေပါပဲ။
အနာဂတ် နေ့ရက်တွေမှာ ဒီအခြေအနေကို သူ ပျင်းရိသွားလောက်လား ။
တကယ်လို့ သူသာ ရှုပေါ်စု နဲ့အတူတူလူးလိမ့်ပြီးနောက် ဘယ်လိုလုပ် ဒီလိုပြဿနာ အတွေးမျိုး ထွက်လာပြီး မိမိကိုယ်ကို နာကျင်အောင် လုပ်မိတာလည်း ဆိုတာကို ကျန်းရှုမသိခဲ့ပေ။
" ဟယ်လို''
ကျန်းရှုက ရှုပေါ်စု ပေါင်ပေါ်မှာ လှဲနေပြီးအိပ်ပျော်လုဆဲ ဖြစ်နေတဲ့ သားဖြစ်သူ စတော်ဘယ်ရီအသေးလေး ကို လှမ်းစလိုက်တယ်။
" ဘေဘီရေ ၁၁ တောင်ထိုးနေပြီလေကွာ။ မင်းလေး က အခုထိ နိုးနေတုံးပေါ့လေ''
ရှုပေါ်စုကတော့ ဘာမှမပြောပဲ သူ့သားကို ပြုံးပြီးကြည့်နေပြီးတောမှ အချင်းချင်း အကြည့်ချင်းဆုံ လိုက်တော့တယ်။ ကျန်းရှု ကတော့ ရှုပေါ်စု နားကိုထိုင် လိုက်ကာ အချင်းချင်း ပြန်မကြည့်ပဲနဲ့ ပြောလိုက်တယ် ။
" ဒါမှမဟုတ် မင်းလေးက ချော့မသိပ် သေးလို့မအိပ်သေးတာများလား''
" တစ်ခုကို ရွေးချယ်လိုက်''
ကျန်းရှုက သူ့သားကို ဆက်စနေခဲ့တယ်။
ဒီရက်တွေမှာ စတော်ဘယ်ရီအသေးလေးက သူတို့နဲ့အတူ ဒီမှာလာအိပ်လေ့ရှိတယ်။ ရှုပေါ်စု ခမျာရယ်တောင် မရယ်နိုင်တော့ပေ။ အစကကလေးကို သူ့အမေဆီအပ်ထား ခဲ့ပေမယ့်ဒီသားလေးက သူတို့ဆီမှ မဟုတ်ရင် မအိပ်တာကြောင့် သူတို့သားကို သူ့အမေကပြန်လာ ပေးသွားတာပဲ ဖြစ်တယ်။
အခုချိန်က တအားနောက်ကျနေပြီမို့ သူ့အမေက မြေးလေးကိုမထိန်းနိုင်တော့တာကြောင့် ရှုပေါ်စု ခမျာ ကိုယ့်သားကို ပြန်ချီထားလိုက်ရတော့တယ်။
ရှုပေါ်စု ရဲ့အမေ က သူတို့အတွဲကို သားဆက်ခြား ကျန်းမာရေးအသိရှိဖို့ သတိပေးပြောဆိုခဲ့တယ်လေ။ ဒါကိုကြားတဲ့ ကျန်းရှုခမျာ မရှက်ပဲကိုမနေနိုင်ခဲ့ပေ။
" ဟုတ်ပြီ''
ရှုပေါ်စုက သူ့ကိုနမ်းရင်း ပြောလာခဲ့တယ်။
" ကိုယ်သူ့ကို ချော့သိပ်လိုက် အုံးမယ်။ မင်းလေးသွားအိပ်တော့လေ''
သူဆိုလိုတာက ကျန်တဲ့ညအချိန်တွေမှာ သူတို့အဲ့ကိစ္စ မလုပ်ကြတော့ဘူး ပေါ့လေ။
ကျန်းရှု က မလှုပ်ရှားခဲ့ပေ။ ထိုသားအဖကို ကြည့်ရုံသာကြည့်နေခဲ့တယ်။ သူကဘာမှ လုပ်ပေးစရာမလိုပေ။ ကျန်းရှု တစ်ယောက် သူအရမ်းပျော်ရွှင်နေတယ်လို့ ခံစားရတယ် ။ ပြီးတော့ ထိုသားဖ ကိုကြည့်နေရင်းနဲ့ စိတ်ကြီးဝင်တဲ့ အပြုံးမျိုးနဲ့ ပြုံးလိုက်တယ်။
ရယ်မောနေတဲ့ စတော်ဘယ်ရီအသေးလေး ကတောင် ရုပ်ကလေးတည်သွားတယ်။ ဘာလို့လဲဆိုတော့ သူ့ရဲ့တုံးအတဲ့ အဖေက သူ့ဖေဖေလိုမရယ်မော မစနောက်ပေးလို့လေ။
အမှန်တိုင်းပြောရ ရင် ရှုပေါ်စု က သူ့ထက်တောင် အရယ်အပြုံးနည်းမှန်း ကျန်းရှုသိတယ်။ အခု ဒီနေရာမှာ ကလေးကို စနောက်ပေးမယ့်သူက ရုပ်တည်နေတော့ ကလေးလေးကလည်းသူ့ ငတုံးအဖေလို ရုပ်ကလေးတည်ထားတာကြောင့် ကျန်းရှုရယ်ချမိတော့တယ်။ ထိုအချိန်မှာ ရှုသားဖတွေက ကျန်းရှုကို အကြိမ်ပေါင်းများစွာကြာအောင် ခိုးကြည့်ပြီးဖြစ်လေတယ်။
" ခများ လက်က လက်ဆိပ်မတက်ဘူး ''
ကျန်းရှုက စိတ်မရှည် တော့တာကြောင့် သူ့သားလေးကို ဆွဲယူပြီးပွေ့ဖက်ကာ ပြောလိုက်တယ် ။
" ကျွန်တော် ကလေးကို ၃ မိနစ်အတွင်း အိပ်ပျော်အောင် သိပ်ပြမယ်''
" လေလေးလျော့ပါအုံးဗျာ''
ရှုပေါ်စုက ပြောလိုက်တယ်။
" တကယ်လို့ ခများမယုံရင် စောင့်ကြည့်နေလိုက်လေ''
ကျန်းရှုက ထရပ်ကာ အားအင်တွေပြည့်ဝနေတဲ့ သူ့ရဲ့သားကိုပွေ့ကာ အခန်းထဲပတ်လျောက်တော့တယ်။
" အိပ်ပါတော့ကွယ်....''
စတော်ဘယ်ရီ အသေးလေး က ညီးညူးကာ သူ့ဖေဖေရဲ့လက်မောင်းကို ကိုက်ဝါးလိုက်တယ်။
" ငါ့ကိုကြည့်မနေနဲ့တော့ကွ။ မင်းမျက်လုံးလေးတွေ မှိတ်ပြီးအိပ်တော့ ''
ကျန်းရှုက ကူကယ်ရာမဲ့စွာပြောလိုက်တယ်။
၃ မိနစ် ဆိုတဲ့စကားကို ထပ်ပြီးပြောဖို့မလိုတော့ပေ။ သူ့ရဲ့အားအင်အပြည့်နဲ့ သားက နောက်ထပ်၃ နာရီဆိုရင်တောင်မှပဲ အိပ်မှာမဟုတ်လေဘူး။
ကျန်းရှုက သူတို့သားကို ပွေ့ဖက်ပြီး သိပ်နေတဲ့အချိန်မှာ ရှုပေါ်စုကအကျိုးအမြတ် ယူကာ သူ့ဖုန်းကိုထုတ်ပြီးမေမေရှုဆီကို စာပို့လိုက်တယ်။ တကယ်လို့ သူမသာမအိပ်သေးဘူး ဆိုရင်သူမမြေးကို လာခေါ်သွားပါ ဆိုပြီးတော့ ပေါ့။
( မွေးရကျိူးနပ်တဲ့သားပဲ 😏)
မေမေရှုက ကလေးလေးကို လာခေါ်တဲ့အချိန်မှာ သူမဟာနေ့လည်ခင်းတုံးက ကလေးကိုအချိန်အများကြီး သိပ်မိသွားကြောင်း ပြောလာခဲ့တယ်လေ။ နောက်တော့ သူမမြေးက အိပ်ရေးဝနေပြီမို့ သူမသာချော့ဖို့ ခေါ်သွားတော့မယ်ဆိုပြီးတော့ ချစ်ချင်းအပြည့်နဲ့လာခေါ် သွားတော့တယ်။
အခန်းထဲမှာ ရှိတဲ့အသံတိုင်းက တိတ်ဆိတ်သွား ပြီးတော့ လေအေးပေးစက်ကအသံပဲ ကျန်ခဲ့တော့တယ်။
" ကျွန်တော်တို့အဖေတွေ က သူ့အပေါ်ကို သိပ်ပြီးမလွှမ်းမိုးနိုင်ဘူးရော''
ကျန်းရှုက သူ့နှာခေါင်းကိုတို့ကာ ပြောလိုက်တယ် ။
" မင်းက ကိုယ့်ဘာသာကိုယ် အပြစ်တင်နေတာလား။ ကိုယ်တော့အတော်လေး ကောင်းတယ်လို့ခံစား မိတာပဲ''
ရှုပေါ်စုက ပြောလိုက်တယ်။
ပြီးတော့ သူက ကျန်းရှုကို အိပ်ယာပေါ့လှဲချကာ အပေါ်ကနေတက်ဖိလိုက်တယ်။ အဲ့အချိန်မှာပဲ ကျန်းရှုက ခေါင်းကိုခါလိုက်တယ်။
" အခုတော့ ကလေးက အိပ်သေးမှာမဟုတ်ဘူး။ ကျွန်တော် တို့အိပ်ကြရအောင် ။မဟုတ်ရင် သားလေးက ကျွန်တော် တို့ကြားကိုပြန်လာနေလိမ့််မယ်''
( ရှုပိစိ - ဖေဖေက သားကိုချစ်တယ်လို့ထင်ခဲ့တာ 🙁)
.........................