النهارده مشكلتنا عن الطيبه الزياده وعدم القدره علي التخلي عن الاشخاص الغالين رغم غلطهم وازاي نحاول نعمل حدود بينا وبين اي شخص حتي لو كان غالي علينا علشان منزعلش منهم او نضطر اننا نبعد
اتمني الاستفاده لصاحبة المشكله اسفه علي التأخير
بس في جمله احب اكتبها لصاحبة المشكله
حبيبك يبلعلك الظلط وعدوك يتمنالك الغلط
انا معرفتش معني الجمله دي غير من ثلاث سنين وحقيقي لما فهمتها غيرتلي حياتي360درجه حتي لو التغير دا مش ملحوظ بلنسبه للناس الي حواليا بس دا مش مهم اهم حاجه راحتي النفسيه مش مهم هما يقولو اي او رائيهم فيا اي طالما انا ماشيه صح ومش بعمل حاجه غلط.
امشي عدل يحتار عدوّك فيك
بصي يا حبيبتي اننا نكون علي طبيعتنا دي حاجه جميله اوي لاكن احنا زمنا دا مش زمن طيبه زياده الي حوالينا بقو مليانين بل غيره والحقد والكراهية وممكن يكون من اقرب الناس لينا مش شرط من صحابنا
انا مش بقول انك تبقي خبيثه او حقوده بلعكس صاحبة المشكله دي من اقرب الناس ليا وهي فعلا شخصيه جميله جدا جدا
لازم تاخدي حظرك من القريبين قبل الناس البعيده وخليكي علي طبيعتك بس مع الناس الي قريبه منك اوي اوي وانتي بتثقي فيهم غير كدا لا
اما بالنسبه انك مش بتعرفي تبعدي عن حد عزيز عليكي مع انو غلط فيكي دا برضو بيرجع لطبيعتك الزياده
يؤسفني اني اقولك انك هتاخدي مقلب في اغز الناس ليكي علشان تتعلمي زي ما حصل معايا بلظبط
بس نبص للجانب الايجابي انك هتتعلمي من غلطك وانك تاخدي بالك من اي شخص حواليكي
بس احنا ممكن نتجنب كل دا وناخد بالنا من الي حوالينا من دلوقت مش لازم يحصل معانا حاجه ونتخزوق علشان نتعلم ليه منتعلمش من اخطاء الاخرين ونلم نفسنا ونبطل نثق في ناس مش بيعملو حاجه في حياتهم غير انهم يجرحونا
وتقريبا انا كدا حليت المشكله😂
اتمني بجد انك تكوني استفدتي من كلامي دا
وشكرا لدعمك ليا المستمر
والي عندو مشكله يبعتها لو سمحتو
سلام♥