--------------
{PLEASE IGNORE THE SPELLING AND THE GRAMMAR MISTAKES}
*_*_*_*_*_*_*
Haseena was silently sitting beside Anubhav in the hospital room. She was silent for a long time. Anubhav understood that she was worried for him. He tried to make her mood lightened. He said,
AS: Jaana...
She looked at him and he continued,
AS: aapko nahi lagta hain ki aapko humse zara rumani baate karni chahiye. Hum dono akele hain, ek dusre ke nikat hain. Aisa avsar baar baar nahi milta!
She passed a small sad smile and said,
HM: Hume pata hain ki aap aisa kyun keh rahe hain! Humara dhyaan bhatkane ke liye keh rahe hain naa aap?
He smiled a little and replied,
AS: Agar aap samajh hi gayi hain toh kyun pareshaan ho rahi hain. Priye, hum thik ho jaayenge. Aapne bhi abhi chikitsak mahoday se baat ki naa... Bas kuch mah ki hi toh baat hain! Aap jyada chinta mat kijiye.
HM: Kaise na kare, Anu? Kaise na kare? Aur woh bhi yeh jaante hue ki aapki iss halat ki zimmedar kanhi na kanhi hum hain.
AS: (little angry) Yeh kya bakwas kar rahi hain aap?
HM: Sach toh keh reh hain, Anu. Aap chahe hume bataye ya na bataye par hume pata hain ki iss haadse ke pichhe Indar ka haath hain. Aapko yeh saza humare saath dene ki wajah se mili hain.
AS: Ek baat batayiye, maan lijiye ki hum kisi bade neta, uddyami (businessman), ya kisi amir admi ke viruddh koi case ladte toh kya aisa na hota!
She looked at him with painful eyes. He held her hand and said in a soft tone,
AS: Humari vrutti (occupation) mein aisa hota rehta hain. Jaan, aapke humare jeevan mein aane se pehle bhi hume jaan se maarne ki dhamkiyan mili hain. Kayi baar humle bhi hue hain. Priye, humare saath aisa aapka saath dene ki wajah se nahi hui apitu satya ka saath dene ke kaaran hui. Aap achchhi tarah se jaanti hain ki satya ka marg kitna kathin hota hain. Jo satya aur pramanikta (honesty) ke marg par chalte hain unke saath aisa hota rehta hain. Parantu ant mein vijay bhi woh hi hote hain jo antim kshan tak iss marg par chalte rehte hain.
HM: Aap sahi keh rahe hain, Anu par...
AS: Koi par var nahi, Jaan! Dekhiye mahodaya, humari Haseena pehle hi bahut dukhi hain. Ab agar woh humare liye dukhi hongi toh hume achchha nahi lagega. Iss liye hum aapko chetawani de rahe hain ki agar aapne humari Jaan ko dukhi kiya toh hum aapse rusht ho jaayenge. Phir hume manane ke liye aapko bahut kathinata hongi.
She chuckled a little. She kissed his cheek and said,
HM: Aapko pata hain, humare Anu humse naraz nahi hote. Kyun ki woh jaante hain ki naraz hone ka hak sirf unki Priye ko hain. Aur unki ruthi hui Priye ko manane unka farz hain. Samjhe aap?
AS: (cutely) Yeh galat baat hain. Iska matlab aapko humse rushth hokar baith jaana achchha lagta hian?
HM: Umm... Nahi, par jab bhi hum ruth jaate hain toh tab aap hume manane ke liye jo kuch bhi karte hain naa, woh hume bahut achchha lagta hain.
Saying this she hugged him. He smiled and kissed her head. They stayed calm for some minutes. Then, Anubhav said breaking the silence,
AS: Ek aur baat, Jaan.
She looked at him.
AS: Aap humse wada kijiye ki aaj ke baad agar kuch bura hua toh aap swayam ko dosh nahi dengi. Aap jab bhi aisa bolti hain toh hume bahut peeda hoti hain.
She was gazing into his eyes. He offered his hand asking for the promise from her. She smiled and put her hand on his hand. He smiled and said,
AS: Yeh hui naa baat! Aur haan, jab tak hum hain aapke saath tab tak aapko chinta karne ki koi avashyakata nahi hain.
She smiled and hugged him.
_____________
At an office,
Three men were sitting on chairs with very serious faces. One of these men said,
MAN: Ab aise muh latkane se kya hoga? Jo socha tha woh toh hua nahi. Ab upar se nayi musibat aur mod li apne liye. Ek trustee hone ke taur par apne college ke professor ko bachane ke liye chale the hum, par ab kudh phas gaye. Tab toh aap bade bade dhinge maar rahe the Sajid Sahab aap. Ab chup kyun hain?
SM: Dekhiye sir, jo hua...
TRUSTEE: (cuts him angrily) Kya dekhe hum? Kya dekhe? Hum pehle hi keh rahe the ki yeh tarika sahi nahi hain. Koi aur hal nikal lenge iske liye. Par nahi kisi ko humari sun-ni hi nahi thi! Bach gaya naa Anubhav Singh! Woh toh bach gaya par ab kanoon ke shikanje se hum nahi bach paayenge.
He turned to another man and said,
TRUSTEE: Tumhari ek galti ke wajah se saara college badnaam ho gaya hain, Indar Kumar!
Indar looked at him and said with anger,
IK: Maine koi galati nahi ki hain. Maine bas apna hak liya hain. Agar Haseena khud ba khud mere paas aati toh aisa kuch hota hi nahi. Saari galti uski hain. Usne mujhe, Indar Kumar ko thukraya tha. Meri itni badi insult ki usne. Maine toh bas usse uski galti ki saza di hain and she deserved that. Maine usse apna pyaar zabardasti liya hain lekin maine uska rape nahi kiya. Uspar mera hi hak tha so maine le liya.
TRUSTEE: Kab tak apne aapko depend karoge tum aise ghatiya excuses de dekar! You know what Indar, hum tumhara saath sirf iss liye de rahe hain kyun ki iss mamle se humare college ki izzat judi hui hain. Warna toh...
He sighed. Sajid Malik said,
SM: Aap Indar Kumar par kyun bhadak rahe hain, sir? Tali kabhi ek haath se nahi bajti. Dhunva (fume) tabhi uthta hain jab aag lagi ho. Agar Haseena Malik ek sharif ladki hoti toh kabhi kisi ladke ke saath dosti nahi karti. Dosti toh door kabhi baat bhi nahi karti kisi ladke se. Apni Ghar mein hi rehti. Apni hadd mein rehti. Indar Kumar ne jitni baar bhi usse baat karni chahi tab woh mana bhi kar sakti thi. Inse door bhi reh sakti thi. Par nahi, woh apne student hone ka na-jaayaz fayda utha rahi thi. Woh provoke kar rahi thi Indar Kumar ko. Aur yeh thehre mard! Agar koi ladki provoke kar rahi hain toh mard fisal jaayenge hi! Gali ke bahar meethai ka dibba rakhenge toh kutta muh maarega hi!
The trustee looked at him disgustingly and said,
TRUSTEE: Achchha!? Malik Sahab, agar aisa hain toh saare mard kyun nahi fisalte. Bahut saare aise bhi mard hain jinki niyat bahut saaf hoti hain. Kabhi unke mann mein aise khayal kyun nahi aate. Har ladki ko izzat se hi dekhte hain.
SM: Khayal toh sabke mann mein aate hain. Par har kisi ko mauka nahi milta. Warna har koi zaroor karta aisa harkat.
TRUSTEE: Bas kijiye yeh bakwaas! Main koi deemag ka dheela insaan nahi hoon jisse aap aise baaton mein fasa lenge. Yeh ghatiya baatein aap court mein kahiye inhe bachane ke liye (pointing towards Indar). Pehli baat, college mein aadhe se jyada logon ko pata hain ki Miss Haseena ne aisa kuch nahi kiya provoking lage! Aur dusri baat, aapke hisaab se jo har mard ke deemag mein aisa ghatiya khayal aata hain naa, uske baare mein itna hi kahenge ki kisi aur ke baare mein toh nahi pata par shayad aapke mann mein zaroor aaya hoga aisa khayal. Iss liye aap aisi ghatiya soch rakhte hain.
SM: Humari kahi baat koi ghatiya soch nahi balki ek fact hain. Yeh factual truth hain!
TRUSTEE: (shouted) Shut up! Hume aapse yeh behas nahi karni hain. Humari ek baat dhyaan se suniye. Agar Anubhav Singh ke accident ke case mein kanhi par bhi humara naam aaya toh hum aap dono ko chhodenge nahi. Jo kanooni tigdam lagani hain laga lijiye. Par humara zikr nahi hona nahi chahiye. Aur agar aapke paas himmat hain toh Anubhav Singh se court mein jeet kar dikhayiye, aise shortcut tarike se unpar humla karke nahi!
Saying this, he left from there. Indar punched the table with so much anger. Sajid said,
SM: Gussa karne se kuch haasil nahi hoga, Indar ji. Aap shant rahiye, hum koi na koi raasta nikal hi lenge.
IK: (angrily) Kya khak raasta nikalenge, aap! Yaad hain hume kaise uss din court mein baar baar sorry your honour karte jaa rahe the aap. Dekhiye Sajid ji, kisi bhi keemat par Haseena nahi jeetni chahiye. Kabhi nahi!
He too angrily moved from there while Sajid lost in his thoughts.
_________
Back at the hospital,
Anubhav had just finished his food and had medicines after getting scolded by his love. He was sitting with a tense face. She knew why he was tensed. She asked softly,
HM: Aap case ke baare mein soch rahe hain, Anu?
He looked at her and replied,
AS: Haan... Hum iss baar case jeet hi jaate, Priye. Humne sakshya dhoondh liye the. Bas kuch din ki hi baat thi. Parantu ab kitne mah lag jaayenge iske liye. Hum kisi aur ko yeh case nahi soupna chahte. Kyun ki hum kisi aur par vishwash nahi kar sakte! Pata nahi koi kab hume dhoka dekar dushmanon se mil jaaye!
She put her hand on his cheek and said,
HM: Anu, hum jaante hain ki iss waqt aapke mann mein kya chal raha hain. Lekin Anu, humare sabse badi baat yeh hain ki aapko bahut jyada nuksaan nahi hua. Humari sabse badi chaah (need) toh aapka saath hain. Aur jab aap aur aapka saath humare paas hain toh hum sab kuch seh lenge, har jung lad lenge. Aapko toh pata hain, aise kayi cases mein saalon saal lag jaate hain justice milne mein. Hum yeh samajh lenge ki yeh kuch mahine bhi aise hi kisi baat mein ulajhkar nikal gaye. Anu, abhi aapki tabiyat thik nahi hain. Aur aapko bahut aaram ki zaroorat hain. Hum in sab baaton par baad mein dhyaan de sakte hain. Abhi aap apna khayal rakhiye. Hmm... There is no need to worry. Aakhir mein fateh (victory, win) toh humari hi hogi!
He smiled a little and spoke,
AS: Hmm... Aap sahi keh rahi hain. Waise yeh sab chhodiye, aap yeh batayiye ki aapka aaj ka din kaise gaya? Kya hua aaj vidyalay mein? Aapko koi pareshaani hui kya?
She took a deep breath and narrated her day in college. He quickly said while getting panic,
AS: Jaan, phir aap yanha kya kar rahi hain? Aapko toh ghar mein hona chahiye, padhaai karni chahiye thi. Keval teen diwas ka hi samay hain aapke paas itne din tak seekhaya hua sametne ke liye. Aapko...
HM: (holding his shoulders) Anu relax... relax... Dekhiye, aap humari padhaai ke baare mein tension mat lijiye. Hum sab kar lenge.
AS: Kab? Kab karengi aap? Aaj purn ratri humare saath rahengi aap, phir kal subah vidyalay jaana hoga aapko. Phir aapko aise toh samay hi nahi milega. Aap ghar jaayiye, hum Maa ko bula lenge.
HM: (sternly) Hum nahi jaayenge. Ek baar keh diya toh keh diya! Bas!! Now, no more arguments!
He sighed and said,
AS: Thik hain, aap nahi jaana chahti mat jaayiye. Parantu ek kaam kijiye. Cheetah ko doorbhash karke unhe aapke vidyalay ke pustakein yanha laane ko kahiye. Aap yanhi baith kar padh lena. Thik hain?
HM: Anu, aap yeh ky...
He cut her statement in middle and said with fake anger,
AS: Humne ek baar keh diya toh keh diya! Bas!! Ab aur koi vaad-vivaad nahi!
She looked at him with a stern face and took her phone. She dialled Cheeta's number and murmured,
HM: Ziddi insaan!!
AS: Haan..., hum hain ziddi. Parantu aapse kum. Aap humse bahut adhik hathi (ziddi) hain.
They shared an angry but cute eye lock.
Bechare mere Anu bhaiyya...! Kabhi Karishma didi unhe sunati hain toh kabhi Haseena bhabhi...
*_*_*_*_*_*_*
Friends,
Yeh Sajid Malik and Indar Kumar ka sar phodne ka mann karta hain naa!? Maine kanhi ek psychologist ka article padha tha. Usme likha tha ki agar ek rapist se puchha jaaye ki usne zabardasti ki hain kya toh woh 'HAAN' kehta hain. Par agar usse yeh puchha jaaye ki usne rape kiya hain kya toh woh kehta hain 'NAHI'. This proves ki in logon ki koi understanding hi nahi hain consent and forced sex (I think it's rape) ke baare mein.
And I think this type of mentality exists in so many people. That's why jab bhi kisi movie, show, series ya story mein kabhi kuch problematic cheez dikhate hain toh hum mein se jyada tar log usse romantic samajh baith-te hain.
And secondly, yeh jo Sajid Malik ke dialogues hain naa woh actually ek wakil ke baatein jisne ek case lada tha, rapists ke taraf se. And ek interview bhi tha uska jo kuch din pehle maine dekha. Maiyya kasam agar interview main le rahi hoti na toh pakka kuch anhoni kar deni thi maine! Woh toh interviewer bahut shant tha. Mere jaisa koi hota toh... Samajh jaao. He said ki har ladka rape karega agar usse mauka milta hain toh. Interviewer, cameraman, editor ki shakal dekhne layak thi tab. Yaani ki maine Sajid Malik ki jitne bhi dialogues likhe hain woh uss wakil ke statements hain.
Ek aur baat, I believe achchhi aur buri qualities ladkiyon mein bhi hoti hain aur ladko mein bhi. So kindly, kisi ek line ko lekar offend mat hona doston. Story ki demand thi, iss liya aisa likhna pada. Sorry, phir bhi bura laga toh!
Aap log soch rahe honge main aise news kyun dekhti hoon. Main ek baat clear kar doon ki meri aisi soch nahi hain. Mera interest hain Criminology mein. Iska matlab hain yeh nahi hain ki aage chalkar criminal ban-na hain mujhe. Iska matlab yeh hain ki crime ko kaise roka jaaye iss par kaam karna. So please, meko galat mat samajh baithna.
Chalo, aaj ke liye itni hi bakaiti karni thi.
-----------------
THANK YOU & TAKE CARE