ريم اتصلت علئ روان
ريم : هلوو شلونج ولج
روان : زينه وانتي
ريم : واللهي يعني بعد راسي يوجعني من الكتله
روان : واني شكول اجتني ضربه علئ خشمي الجميل
اي شكو يا طير خيرج كولي
ريم : حكلج بس ديري بالج تكولين لا لتكولين لا عفيه
روان : هسه غير تحجي احجي
ريم : مثل متعرفين طبعا باجر عيد ميلادي وانتي الحقيره ما متذكره
روان : هوه بالبداية خلي احك شعر راسي بعدين اذكر
ريم : المهم مو هذا موضوعنه اريدج تجين انتي ورزان معزومات
روان : واللهي مو اكيده نجي احتمال كبير لا
ريم : عفيه روان عفيه تعالوا انتي ورزان اصلا اني معازمه هوه اصلا اني عازمتكم بس انتو لان انتو اقرب شي الي وهيه ساعتين وبس ترا
روان : ليش قابل اني ما اريد اجي بس استاذ جمال شيقنعه
ريم : عفيه روان دبريها وتعالوا
روان : يصير خير ادللي ست ريمو
ريم : ابوسج حبيبي انتي وين اكو مثلج روانووو
روان : ترا احتمال منجي فلصبغين
ريم : ما ادري ما ادري دبريها انتي تعاي انتي وذيج رزان مشتاقتلها كوومه
روان : تمام يلا ولي
ريم : هوه مو صوجج صوج الي يحجي وياج
روان : ديلا وليي
ريم : وليت يحلوو
روان : عفيهه
............................................
رزان : هاي ويامن دتحجين
روان : وي ريم
رزان : شبيها
روان : تكول تعالوا باجر العيد ميلادي
رزان : مستحيل جمال ميخلينه
روان : ما ادري بس كالت دبريها بس انتي تكدرين تروحين اذا امير قبل
رزان ضحكت بستهزاء : هوه اول شي خلي يتصل بيه يسئل عليه
روان : خيولي عود نشوف شلون ونروح
رزان : وجمال يخليج
روان : هسه شبيج متشائمه يجي باجر ويصير خير شو نامي باجر ورايه رزاله من الصبح
................................................
ياسر كعدت من النوم ساعه بالوحده بليل فجنت ضايج فرحت شغلت اغاني وبأعلئ صوت والكل نايم
شغلت اغنيه وكمت اركص وي الاغنيه واهوس واهز چتف ..
ياسر : ثاري البنات اشكال شكلج چفافي "
بيهن تخون بساع بيهن توافي "
خاله يم علي يم علي خاله
همام نايم وجان افز علئ صوت اغاني و وكعت من الجربايه
همام : من دنعل ابوك يابو الجابك يا ياسر ياحيوان يا طايح الحظ عبالي احد ميت الله يشيلك مو باجر دوام ابن الكلب
شو منشوف غير ابويه كبس علينه للغرفه وبعصبيه
محمد : هااي شبيكم انتو طايحين الحظ وانت شبيك ياسر شكبرك تصير هاا شنو تتمركص بنص الليل فاتحلي ملهئ هنا وانت الثاني يالمحامي يالمثقف شنو تفشر علئ ابوك يا طايح الحظ هوه اني هم صوجي معرفت اربي لو جايبلي قروده اشرفلي اهمداكم واريد اسمعلي نفس هسه راح وسد الباب بوجهم
همام : اريدك ترتاح هسه
ياسر : انجب انجب انت هوه هم صوجي اني فاتح اغاني لتخلوني اتونس ولتخلوني انجب واكعد معقدينن كلكم
همام : انجب وانهمد هاي تالي عمري اخذلي رزاله من وراك
ياسر : اوووي خطيههه رقيق
ورجع ياسر يهز بس بصنته وخاله يم علي يم علي خاله
همام شمر عليه النعال : انت شنو متحس شكد متترزل ميفيد بيك لتخليني اكوملك الصم باجر عندي صخامم دوام
ياسر : امداك اي والله
.........................................
بنان
نايمه وجان افز عصوت عالي مال اغاني
بنان : فهد فهد هاي شنو
فهد : ماكوو شي نامي هذا ماكو غيره ياسر هسه ابويه يكومله يرزله
بنان : يمه گلبي
فهد بخوف : شبي گلبج يوجعج
بنان : لا شبيك مابي شي بس هيج يعني فزيت
فهد : هاا عبالي بيج شي
بنان : لا مابيه شي
فهد : ديلا لعد نامي بويه
بنان هسه انام بس عطشانه حروح اشرب مي وارجع انت نام باجر وراك دوام
فهد : تمام يابه
بنان
نزلت داشرب مي جان البيت كله ظلام فتحت الثلاجه اخذت مي شو ما اسمع غير ضربه قويه علئ ظهري هاجت روحي وعطت بصوت عالي
بنان تبجي : اهخخخ ظهريييييي
.........................................
فهد بعدني داغفئ وجان اسمع عياط مال بنان ونزلت بسرعه جوه
لكيت اهلي كلهم كعدوا علئ اثر صوتها ودينزلون
ريم : هذا مو صوت بنان شبيها
نزلوا الكل لكوا بنان بالكاع وكاعده تبجي ولازمه ظهرها وزوز يمها
فهد رحت عليها : بنان شبيج
بنان بس تبجي
زوزو : جنت نايمه وجان اسمع طكطكه بالمطبخ واني عبالي حرامي وجان ظلمه مداشوف فضربتها علئ ظهرها وتأذت والله ما ادري
محمد : يايمه غير تنتبهين
زوزو : شمدريني عبالي حرامي
رحاب : يمه بنان شبيج بنتي شيوجعج
بنان وهيه تنشغ : ءااا ظهري
فهد شالها وراح الغرفتهم : تعاي بويه تعاي
همام : اليوم انتو حالفين متخلوني انام كلسع مفززيني
ياسر : هوه انت كل همك النوم مدتشوف شلون البنيه خطيه تأذت
ريم : دروح نام احد لازمك
همام : هوه انتو خليتوا بيها نوم
حسن : يلا مصار شي روحوا ناموا وانتي يازوزو مره ثانيه انتبهي
زوزو كامت تبجي : والله ما ادري سوده عليه شلون قهر هذا
مريم : لتبجين هوه انت شمدريج
ياسر : كافي دراما كافي يلا روحوا ناموا وباجر يصير خير هوه ضل باجر مضل شي و يعوعي الديج
ريم : واوو وانتي عساس انتي شلون نشيط حتكعد من الصبح
ياسر : دوليي
...................................................
طببها وهي بعدها تبچي
فهد : متأذيه حيل ؟
بنان : اي والله حيل ظهري يوجعني
فهد : شنو لعد شسوي
بنان " تبچي " : عادي هسه تروح .. والله توجعععع
فهد : هسه شلون دقيقه اجيبلج مي
بنان : يا مي هو اني نزلت علموده وتزوهرت يربي فهد ظهرييي
فهد : هسههه شسوي دكوليي
بنان : لتسوييي
ضحك وكال : يابه عادي لو تدرين ياسر و همام شكد شابعين كتل
ابتسمت وكالت : ضربتها قويه حيل مو مثل متضربهم لان عبالها اني حرامي
ضحك وكال : ديلا نامي كافي تبجين .. ماحب اشوفج تبجين عادي هسه يروح الوجع الصبح
بنان : لعد خل ارجع ابجي
فهد : تعاندين !
بنان : هههههَ لا ما اعاند
فهد : اني حاط يمي زعطوطه .. ساعه تبجي ساعه تضحك واني المبتلي
بنان : هسه شنو تريدني ابجي لو اضحك
فهد : لا لتبجين كتلج ماحب اشوفج تبجين
بنان : تمام لعد خل انام احسن بس ظهرييي فهد ظهري يوجعني
فهد : هي يعني شلون ضربتج بعكازتها اكيد
بنان : مو عكاز عبالك هاي شسمه
فهد : شنو شسمه
بنان : شبيك هاي الشسمه .. خرب راحت من دماغي .. اهخخخ ظهريييي
فهد : كضيتيها علية شسمه وشسمه دنامي يابه نامي مضل شي للصبح
بنان : اوكف تذكرتها .. توثيه
فهد : بوياي لك هاي شنو زوزو مسوية بطولات
بنان : خطيه كامت تبجي اني بس تأذيت من ضربة وهاهيه
فهد : هسه نامت اختفت اصواتهم
بنان : بقينا بس احنه كاعدين
فهد : مرات اني ما انام
بنان : ليش
فهد : مادري
بنان : يلا نام هسه انت شنو ذنبك كعدت وراك شغل
ضحك وكال : عادي عادي
ضحكت بنان وغطت راسها ونامت وفهد هم نام
@@@@@@@@
الصبح
بيت جمال
روان : ماما اريد احجي وياج موضوع
الهام : اي كولي يمه
روان : اليوم عيد ميلاد صديقتنا ريم ونريد نروح
الهام : شلون تروحن وتعرفن جمال ميقبل واذا عرف يهجم البيت فوك روسنه
روان : ماما عفيه خنروح وهيه شغلة ساعتين بس
رزان : اي ماما خلي نروح مو البنيه خطيه عازمتنه وهاي
الهام : مو منعرفهم احنه
رزان : يمه شنو سالفه هيه صديقتنه واحنه من المتوسطه وياها هيه مثل مكالت روان شغلة ساعتين لا اكثر
الهام : والله ما ادري حكول الابوط واشوف
روان ضحكت بستهزاء : ابونا عن اي اب تحجين
الهام : حتئ لو شما يسوي انتو تحت مسؤوليته
رزان : تحت مسؤوليته ولما راح باع بنان مفكر هيج يمه لدافعيله
روان : باعي اذا كتيله اكيد محيقبل هوه اول ميرجع دائما حينام كبل صح لو لا هنه ساعتين وبس ونرجع
الهام : ما ادري ما ادري اشوف
رزان : يوم لتعقدين الامور عفيه
الهام : صدك وانتي شلون تطلعين غير بعلم خطيبج تكليله
رزان : وهوه شنو اول شي خلي يسئل بعدين عود احجوا هيج
روان : يوم لتعقديها هنه شغلة ساعتين
الهام : لنفترض وافقت منو يوصلكم هاا
روان : سهله انتي وصلينه للمنطقه واحنه نكمل وبالرجعه شوف منو يرجعنه من عدهم
الهام : شلون آمن
روان : شنو شلون تأمنين قابل هسه وين رايحات وها اخذ موبايلج ويانه حتئ تطمنين علينه وانتي عود خلي تليفون جمال يمج ها اها
رزان : ها يمه
الهام : ولوو ما مقتنعه بس ما اريد اكسر حماسكم
روان : فديتج لهومتنا
الهام ضربت روان عكيف : شهل الميانه الزفره
روان ضحكت : يلا اني اترخص للدوام وللرزاله
الهام : يارزاله ولج
روان : هيج هيج
روان دتطلع رزان لحكتها
رزان : روان لحظه اكلج
روان : كولي عيني
رزان : هسه فهمنه حنروح بس غير نجيب هديه الريم
روان : اي والله ذكرتيني
رزان : هاج ذني الفلوس اخذيهن اشتري بيها هديه
روان : لا رزان ما اريد ذني مالتج
رزان : انجبي واخذيهن اني اصلا مجمعتهن فأخذيهن
روان : تمام يلا باي
.............................................
بنان
كعدت الصبح لكيت فهد ماكو .. هسه اكيد همه جوا خل انزل .. كمت غسلت ولبست شالي ونزلت لكيتهم كاعدين ما عدا ريم وهمام
بنان : صباح الخير شلونكم
ردوا / صباح النور
كعدت بصف فهد
فهد " سأل " : ها شلونچ اليوم ؟
ابتسمت وكتله : تمام زينه
حجى محمد : انت ياسر فد واحد إلا اتوبك من هاي الحاله مال الاغاني اصبرلي
ياسر : استغفر الله الواحد ميضوج ؟؟؟؟؟
محمد : تضوج وتعلك اغاني بنص الليل والكل نايمين ها ؟
ياسر : اي عادي اني بغرفتي قابل يمكم
محمد : اي وامي مرة جبيره وامك هم لتنسى اكو ناس كبار يريدون ينامون ينهمدون وانت تكمز مثل القرد وعالك هالصخام مالك
ياسر : اي
محمد : مرة ثانيه هاي الحاله متنعاد خوش
ياسر : اي
محمد : انجب احجي عدل شنو اي اي
ياسر : اوك
محمد : تهيييي بهييي اكل بوية اكل
ياسر : اكل ليش لا حمودي الحلو
محمد : انت متوب شهل طيحان حظ مالتك
ضحك وكال : تؤ تؤ ماتوب
نزلوا همام وريم
همام : الله واكبر الواحد ميناممم من ورا هاي الشكولات
ياسر : شكولات بعينك لككك حمام
همام : دنجب انجب حتى نوم ما نمت
ياسر : مشكلتك حياتي
همام : راح تخليني ابتلي بيك ياسر
ضحكت ريم : خل يعلك اصلا عيد ميلادي اليوم وبهل اليوم الجميل نورت حياتكم وسوتها احلئ بحلئ شحتجيبولي هداياااا هاا
ياسر : اريد اعفط بس عيب من ابويه
ريم : امداك
فهد : هدايا متنكال
محمد ترخص وراح لشغل ونزل حسن
حسن : ها عيني اليوم كاعدين من وكت
رحاب : اي همه حسب مزاجهم
بنان : منو حتعزمين ريم
ريم : والله اني عندي صديقاتي هواي بس ما اريد اعزم بس المقربات وهنه ثنين
ياسر : احمممم .. مو كأنوا تأخرنا عالمدرسه
ريم : اكعد راحه
فهد : بعد وكت للدوام ساعه 7 وربع
ياسر : هم صح
حسن : شباب اني راح اروح
ردوا / الله وياك
همام : ريم العزيزة اختي الكريمه .. الئ جميع اليوم اهنئ الشعب العراقي بمناسبة عيد ميلاد اختي الوحيدة والفريدة ريم محمد رجاء التصفيق
بس محد صفك بس ريم صفكت الروحها
ضحكوا الكل بس محد صفك بس ريم لروحها
ريم : شبيكم انانيين غير تصفكولي .. زعلت اني
ضحك فهد وكال : ما عاش اللي يزعل ريمه والله يلا ولكم صفكوا
ياسر : هيهيهيهي عناد بيها ما صفك
ريم : عادي اصلا
بنان : بيش ساعه ترجعين
ريم : صدك ياسر باوع اليوم تعالي من وكت خوش يعني من تخلص دوامك شوكت
ياسر : والله جدول المحاظرات اليوم كلش هواي اعتقد اجيج ساعه 12 نفس كل مرة
ريم : حاول تجي من وكت حتى اني وبنان ومريم نحظر الاشياء وهاي والأكل هم
ياسر : أن شاء الله
فهد " خلص اكل " : يلا يا جماعه محتاجين شي ؟
رحاب : سلامتك يوم تروح تجي بسلامه
فهد : الله يسلمج
باوع لبنان وكال : لتنسين العلاج خوش ؟
بنان : اوك
فهد : خوش
باوعت ريم للساعه وكالت : يلا ياسر هم يالله نروح
كام : اي يلا امشي ست ريم
وطلعوا برا للكراج مال بيت حتى يصعدون بسياره
رفعت حاجبها بغرور : افتحلي الباب بلا زحمه
ياسر : خير خير خير
ريم : افتحلي البااااب يلااا غير عيد ميلادي
ياسر : واذا عيد ميلادج عندج ايد فتحيها يلا
ريم : ها ياسر ترا ماخليك تشوف روان
ياسر : شوف تهدد بت الحلو
ريم : هسه شنووو
فتحلها الباب وهو عاكد حواجبه وضايج : ديلا فضيني
ضحكت وهي تكول : تلحك تشوفها واللههه
@@@@@@
رحاب : اكلج بنان حبيبتي روحي اصعدي ارتاحي ليش نازله بهالوقت بس اني اكعد حتى اسويلهم ريوك شوفي حتى زوزو و مريم نايمين
بنان : لا خاله والله عادي اني من زمان اكعد هيج وقت متعلمه يلا خلي اغسل المواعين روحي انتي اكعدي
رحاب : الله يحفظج ويخليج لأهلج يمه ويرزقكم الولد الصالح ويحفظلج فهد
ابتسمت عالولد الصالح وفهد .. يا ولد خاله يا فهد
جاوبتها : تسلمين خاله ويحفظلج الكل
@@@@@@@@
روان وصلت للمدرسه وكعدت انتظر ريم بين متجيي ودافكر شجيبلها هديه ....
وقاطعني من تفكيري ست ريم
ريم : هلووو ست روان الورده
روان حضنت ريم : ياهلا بالزين شلونج كل عام وانتي بالف خيرر
ريم : حياتي روانووو
روان : تدرين اليوم ليش احلئ يوم ؟
ريم بغرور : ليش
روان : لان نولدت احلئ هايشه بالعالم كله
ريم ضربت روان : امداج اي والله عبالي حتكوليلي لان اجمل انسانه نورت الحياة ومن هل حجي الي يرد العافيه
روان : چا شني قابل اني حبيبج خلي حبيبج يكلج هيج اني شعليه
ريم بحسره : هوه وينه
روان : هاا ولج تريديلج حبيب
ريم : شو ولي من يمي
روان : اكص ايدي اذا مطلع عندج واوي " وغمزت "
ريم : انجبي عاد دك الجرس
........................................
ياسر
طبعا اليوم كشخت فد مره وهاي لان حروح اليوم للمدرسة ولازم ابين انيق وكذا
احمد : لك ها كوا* شلونك
ياسر : مو زين
احمد : ليش شنو خانتك حبيبتك
ياسر : ياريت
احمد : لعد دحجي
ياسر : لان شفت جهرتك الزفره
احمد ضرب ياسر حيل : اياا طايح الحظ تروحلي فدوه
ياسر : ابن الكلب لتضرب وتخرب كشختي
احمد : صدك اشوو انت اليوم كاشخ شعجب
ياسر : اول شي اني دائما كاشخ فأنجب ثانيا لان اليوم غير عن كل مره
احمد : شلون يعني
ياسر : معليك
احمد : انجب واحجي
ياسر : كلت معليك
احمد : هوه اني هم صوجي اسلم عليك ولي
ياسر : اوووي زعل الحلووو لا عفيه لتزعل لتزعل شو دولي
احمد : امداك اي والله حيوان
ياسر : انچب
...............................................
رحاب : هسه خابرت جمانه وعزمتهم علئ عيد عيد ميلاد ريم
زوزو : اهووو هم ذوله هسه يجون يسون مشكله نفس كل مره ويروحون
رحاب : يمه شنو غير لازم نعزمهم مو عيب ياخذون علئ خاطرهم
زوزو : دخيولون ياخذون علئ خطرهم هيه وهاي الحيه بنتها
بنان اجت كعدت يم يمهم
بنان : شصاير
زوزو : هيج ماكو شي اي شلونج انتي شلون ظهرج
بنان : زين احسن البارحه
زوزو : سوده عليه عبالي حرامي ومنا ظلام وضربتج مو قصدي
بنان :لا عادي مصار شي وهياتني كلشي مابيه
زوزو : الحمد الله
........................................
ياسر
طلعت من دوامي بالجامعه واني كاشخ على آخر حبه ولابس قاط شني طالع شخصية اجنن اصلا الا اخلي ام كفشه تخرب علية طلعت هيج واني كل كشخه لازم البس نظارات ورافع خشمي اباوع عالحلوات صافنات علية واني ولا مهتم ولا انطيهن عين اصلا هيهيهيهي چا شسوي بيهن واني عندي الكُمر طلعت ورحت لكراج الجامعه وشغلت سيارتي ورحت لمدرستها .. صفيت السياره ودخلت للمدرسة بكامل أناقتي ومسوي بيها ثكيل عود اباوع الساحه فارغه هذني عدهن درس باوعت فتت للاداره للمعاونه
ياسر : احمم بلا زحمه
المعاونه : تفضل اخويه
ياسر : ممكن تصيحلي هالطالبتين من صف الخامس شعبه*** ريم محمد و روان
حچى بكلبه : لك الله اروح فدوة لهالاسم
المعاونع : اني المعاونه اكيد انت ولي امرهن مو
ياسر : اي اي
راحت تصيحهن
حچى بكلبه : هاي المعاونه لعد المديرة شتطلع ، عبسي !
وكفت واني انتظر الحبايب يجن
بالصف /
المدرّسه كاعده تشرح وريم وروان مطفيات وصافنات وريم تفكر بعيد ميلادها وشراح يجيبولها هدايا وشحتلبس وشنو حتسوي و روان ولا يم الشرح وكاعده تغفي وتريد تنام
طبت المعاونه واستأذنت من المدرّسه حتى تاخذهن
المعاونه: بلا زحمه عيني اجه ولي أمر طالبتين ريم و روان ينتظركم يم الإدارة ..
كمنا اني وريم طالعين وجهنا ميكصه السيف
روان : اكلج لعد مروة وسجى شو ما جوي اهلهم
ريم : شمدريني خاف غلسن
روان : اذا ميجون بهيج حاله ينفصلن
ريم : اي شبيج نرتاح منهن
روان : لا عيني حرامات تروح المشاكل بعد ويامن نتعارك
ريم : ويه ذبان وجهنه
روان : هسه شنو وين نروح
ريم : شمدريني هذا اخويه هسه وين الكاه .. لج هذاككك
مشت ريم بسرعه راحت وروان جتي وراها
ريم : ها عيني شلونك
ياسر : زين " نزع نظارته وكال " احمم شلونج روان
روان : تمام زينه انت شلونك
ياسر "حچى وهو يباوع لروان" : زين بشوفت هالوجوه الطيبه
ريم : الله ولك ياسر ولي أمرنا هيهيهيهي وهو امي تكعده الصبح
ياسر خزر ريم : لتجذبين
روان : شوف ياسر يعني اني مقبلت وحجيت وياها وعادي اصلا اذا انفصل بس هي لحت علية
ضحك وكال : وأنتِ ليش هيج ضايجه عادي عمي موضوع جداً طبيعي
ريم : دباع باع مسوي روحه مثقف تريد اطلع سوالفك ابو جداً
روان حبست ضحكتها وياسر خزر ريم وهمس الها : شوفي لج ترى ماوديج نجيب كيكه ولا الاشياء الترديها اذا بعد تشمرين حجي خوش
ريم : خوش خوش موهنديس ياسر
ياسر : اي روان شلونج بعد
روان : نفس كل مرة .. يلا شوكت نطب كاعدين نسولف هنا
فات ياسر للاداره ودك الباب
كامت المديرة وهي تسلم عليه وهنه واكفات وراه
المديرة : اهلا بيك استاذ ياسر .. تفضل تفضل
ياسر : تسلمين .. اجيت علمود موضوع البارحه والعركه اللي صايره وليش طلبتي أولياء الأمور والمشكله كلش واضحه وكدام عينج
المديرة : اخويه انت لو بمكاني وشايف اللي ديصير وخاصه هالاثنين الكدامي هسه متوليات المدرسة عراك صايراتلي مافيا وعركه ويه الرايح والجاي
روان : العفو ست ولو قاطعتج بس أنتِ غلطانه ومروة وسجى همه اللي بدوا وجابوا بنات مدري منين وجوي علينا
ريم : ست هنه وينهن ها شو مجابوا اهلهن
ياسر: بس اني اللي فهمته من ريم أنوا الجماعه هذيج اللي متعديه عليهن وهنه جوي وضاربيهم
المديرة : انتظر ثواني ادز عليهن .. هنه مداومات اليوم
ريم : اي ست مداومات وجايات
المديرة : عين صلفه انتظروا بس ادز عليهن حتى يجن واشوفلي صرفه وياهن
راحت دوت وحده من الطالبات الموجودات حتى تجيبهن
روان " بخبث " : ست انتي مو كلتي تفصلين اللي ميجيب ولي أمره ؟
المديرة : افصلهن ليش لا اذا هاجمات المدرسه هجم
ريم : اي والله ست
المديرة : اي صدك استاذ ياسر انت شتقرب لروان ؟
حجت روان : ست ا...
باوع لروان وابتسم وهو مقاطعها : خطيبها
فكت عيونها على وسعهن بصدمه هذا شديحجي شديكول مخبل اكيد شنو خطيبته شنو هذا الحجي
باوعت لريم لازمه الضحكه هذوله شنو متفقين علية
معرفت شحجي شكول بس تحلفتلهم ورا ما اطلع
ورا كم دقيقه جني مروة وسجى
المديرة : ها نورتن عيني
ياسر : ست استعجلي بالموضوع وشوفيلنا حل وهذني لازم ينفصلن
مروة : وانت شعليك ها
ياسر : شعلية شنو تكتلون اختي وخطيبتي واسكت ؟
باوعتله روان وهي تعض شفتهاا حچت بكلبها : فضحتنا ياسر فضحتنااااا لك شسوي بيك هسه
مروة : خطيبتك ؟ روان خطيبتك انت ؟
ياسر : اي عندج اي اعتراض ؟
المديرة : العفو استاذ ياسر قاطعتك .. اسمعني زين جبتجن حتى استجوبكم للمرة الأخيرة وراها اذا ما حجيتن ترى اعرف بطريقتي الخاصه
سجى : شنية ست ؟
المديره : تعاي اخذيلج راجدي بعد
هنا ياسر طكها بضحكه كدام الكل بأعلى صوت باوع لريم وروان متعصبه جان يسكت
حجت مروة : لا هاذهوه ست صح احنا اللي كتلناهن بس لان ردنا ناخذ حقنا من المرة اللي فاتت
المدرسه : شعندي اني عصابات هنا تاخذين حقج هااا
ياسر : ظهر الحق واخيرااا ياخي من البدايه وكولن على شنو هالجرجره وصدك شوفن زين وكدام المديرة هالحجي .. اذا شفتكم مره ثانيه متقربات ومادات ايديكم على هذني الثنين .. هنا صدك الموضوع راح يختلف وياي خوش حجي ؟
سكتن ومجاوبن
صاحت المديرة : لا استاذ ياسر مراح يتقربن وهسه راح اسجل فصل اسبوع حتى يتأدبن زين
ياسر : تمام .. اني اترخص
طلع من الإدارة وراه ريم و روان
ياسر أندار : بيش ساعه ؟
روان : انت على اي اساس هيج تحجي ها شنو خطيبتك وكدام منو مروة وسجى ياسر تعرف انت شسويت هسه
ابتسم وكال : اعرف اعرف
روان : لتخليني اتخبل عليك هسه شنو الديصير انتوا متفقين علية لو شنو
ضحكت ريم : ولج شنو متفقين شنو هالافكار اصلا اني من ضحكت ع ياسر شلون جان واثق وملامح المديرة وهي مصدومه
روان : تمام هاي وعدت ما اريد أزيد الموضوع واكبره وراح اعبره الك
ضحك وكال : عبري عبري ام كفشه
روان : ام كفشه بعينك يالمتعجرف .. دك جرس نهاية دوام مو
ريم : انتظرني ياسر برا بس اجيب جنطتي
راحت هي وروان يجيبون الجنط من صف حتى يطلعون
روان : صراحه ريم مقبلت اني تمام لج هسه يفضحوني بالمدرسة هاي مروة الجلبه مدام انفصلت اني متأكده مراح تعوفنا بحالنا وبذات اني
ريم : شفتي بعينج ياسر هددها مستحيل تتقرب بعد
طلعنه برا لان هلص دوام
ياسر : يلا فضيها عاد ست ريم
ريم : اجيت شبيك
روان : يلا باي ريم
ياسر : تعاي اوصلج ست روان علئ الواهس
روان : اي وبعد اعزمني علئ شيش كباب ؟
ياسر : ايي اعزمج ليش لا واعزمج علئ كص هم بعد شتريدين وغمز
روان : انت شبيك شهل الميانه حجينه شويه كمت طكيت ميانه ويايه
ياسر : اعصابج رواني
روان : لا و رواني هم شخليت انت تعال هم لبسني المحبس وفضها
انتبهت علئ الجفصه الجفصتها الي اكبر من راسي
ياسر طكها بضحكه : اي والمهر علئ ريم
ريم : انههه شعليهه
روان : ميانه زفره شو دروح
ياسر : احجي عدل !
روان : لا بلا
ريم : كافي يا جماعه اعصابكم شنو حسدناكم علئ كيف المهم روانوو مو تنسين تجين علئ العيد ميلاد انتي واخيتج وهلا بيكم وها اها وانت ياسر يلا امشي
روان : تمام
...........................................
فهد
جنت كاعد وندك تليفون
فهد : هلاا بزوجتي الجذبيه شلونج
بنان : زينه وانت
فهد : مو زين
بنان : ليش
فهد : اريد ازوج
بنان : هاا
فهد : اريد ازوج اريدلي مره
بنان : ليش ؟
فهد : هيج عاجبني واريدج انتي علئ ذوقج
بنان : شعليه اني قابل اني الي حزوج
فهد : لا عايزج تزوجين بعد
بنان : لاا مو هيج قصدي بس مدام تريد تزوج ازوج كيفك وسديته بوجهه
ادري زواجنه جذبي بس حتئ لو قهرني حتئ لو جان يشاقهه بهيج شي ديحسسني انو اني الشخص الي واكف بطريقه .. رجع دك تليفون لكيته فهد جاوبته
فهد : ولج مشعولة الوالدين اسدين بوجهي ليش دسدي مره ثانيه شوفي شلون اطيح حضج
بنان : كيفي
فهد : بناااااان لتروحين زايد خوش خلينه متصافين
بنان : اييي خوش
فهد : بنانن
بنان : نعممممم
ضحك وكال : أنتِ غرتي ؟
بنان : وليش اغار عيني واحنا اثنينا ندري زواجنا موحقيقي وبعدين كل واحد يشوف طريقه وانت راح تزوج
فهد " حچى بهدوء " : اي نعرف
بنان : اي فهد سد الموضوع
فهد : تمام
بنان : اي وباع عود تعال نشتري هديه لريم
فهد : لا اني راح اجيبلها من ارجع العصر من طريقي عود
بنان : تمام .. مو تتأخر
فهد : لا
بنان : يلا باي
فهد : الله وياج بويه
كعدت بنان وهي تباوع وتفكر .. شبي شنو زعل ؟ هو اني مكلت شي وكلت الصدك .. غريبه يعني بنهاية هو اللي راح يصير هيج .. اكيد ما زعل شنو هالافكار هاي
كامت للكنتور تدور الها فستان تلبسه للعيد ميلاد
@@@@@@@@
ياسر / بالسياره
ريم : ها ارتاحت الدوده شفتهاااا حجيت وياهااا
ياسر : اشششش سكتي رجاءا لتخربين واهسي مندمج حالياً
ريم : انت لصت السالفه كلها تدري لو لا لك كدام هذني تكول خطيبها
ياسر : عادي ميهم
ريم : واذا سوو مشاكل وياها بعدين
ياسر : ميسوون وشحدهم ! اني انطيت انذار وأشوف شلون يندكون بيكم
ريم : نشوف موووهنديس ياسر
ياسر : اي اي نشوف ست ريم
ريم : ديلا يلا باع نزلني هنا يم ابو الكيك حتى نشتري
ياسر : تمام بس فضينا مو عيد ميلاد عرس
ريم : منيله يحظييي هاي مستصغرها عليه
ياسر : ديلا
نزل ونزلت وراه و طبوا للمحل حتى يشترون كيك وريم تختار واشترت وحده وجابت شموع ونشرات وأشياء العيد ميلاد كلها و طلعوا
ياسر : قطيتيني ارتاحيتي هسه
ريم : هيهيهيهيهي وين قطيتك هاي اشياء بسيطه
ياسر: بسيطه ! امشي امشي اصعدييييي
صعدوا سياره ورجعوا للبيت
.............................................
روان رجعت للبيت واشتريت من محل جان قريب علئ المدرسه اشتريت كلاده واسوار نازكات وحلوات واعرف ريم تحب هيج سوالف
رزان : هاا يا هلا
روان : هاا
رزان : وجعااا شبيج
روان : ماكو شي بس هذا ياسر مزعج خرب مزاجي
رزان : اووي خرب مزاج ست روان
روان : ديلا انجبي
رزان : هوه اني دومي مجببيني اي شجبتي
روان : جبت كلاده وسوار هاج شوفي
رزان : الله حلوات نازكات
روان : اي كلش ديلا مدام بعده مجاي استاذ جمال خلي نحظر نفسنه
رزان : ايي
روان : لبست فستان ومردت البس لان ما احب الفساتين وما ارتاح بيهن بس رزان اصرت عليه فلبست الفستان الي لبسته بخطوبة رزان الاحمر جان مو كلش طويل جوه ركبه بس كتصميم من فوك مال محجبات وايد كامله وشوي من جوا بي نفشهه بسيطه وجان نازك وحلو وشعري نفس ماهوو كيرلي ومفلول
ورزان لبست فستان مال محجبات سمائي ويه شال ابيض ...
رزان : هذا مو صوت جمال
روان : انتظري خيروح للغرفه ينام ونروح
الهام : ها تريد غده
جمال : اريد اروح انام وصدك شو وين ذني الجلبات شو اليوم مينسمعلهن حس
الهام : هاا مو نايمات
جمال : اي شعليهن عيني مدلالات شو دوخري من يمي
راح جمال للغرفة وطبت الهام للبنات
الهام : اووف اني خايفه يعرف
روان : لا ميعرف هسه هوه راح نام واحنه خلصنه بس وشفي نام حتئ تودينه
الهام : خوش لعد بس انتو تندلن البيت
روان : ايي اكيد شلون لعد ريم دلتني
الهام : اي زين شو هاي شطالعات ما شاء الله عيني بارده عليجن بس لو الله يهديج يا روان وتلبسيلج حجاب
روان : اهووو هم رجعنه لهل موضوع ماما اني اتحجب بس مو هسه خليني علئ راحتي وثاني شي لبسي مابي فرق اصلا عن لبس المحجبات ومستور فبعد شكووو
الهام : ديلا كافي سدي موضوع خلي اشوفه نام حتئ نروح
.............................................
ريم
تغديت بدلت ولبست فستان حفلات مو قصير طوله زين لون اخضر بس جان كلش حلو بقمة الجمال لبست اكسسورات ونفشت شعري وسويته كبه ولبست الكعب وبدت تمكيج وتتفنن بالمكياج .. لعبتها هههههَ
دخلت مريم وهي كاشخه ومبدله
مريم : ريم حبابه مكياج مكياجججج
طبت فرح : اني هم اليد مكياز مو بس انتوا عينيييي
مريم : ماما انتي طفله محلو عليج المكياج محلو
فرح : تلا ادول لبابا عليس تحقين مكياز ( ترا اكول لبابا عليج تحطين مكياج )
مريم : كوليله عادييي
ريم : عادي يمعودات تعاي مريم وهاي حمره للحلوه فروحتي
وكفت فرح كدام المرايا : الله صلت حلوه ( الله صرت حلوه )
بدت ريم تمكيج مريم إلى أن خلصتها واندكت الباب وفاتت بنان وهي متوتره ومرتبكه
بنان : هلووو شلونكم
ريم : لج اللههه تخبليننن
مريم : جمال عيني جمال ولج بنان وين ضامه هالجمال هذا
جانت لابسه فستان اسووود وشعرها الاسود مفتوح بس ممخليه قطرة مكياج ولابسه كعب اسود هم
بنان : يعني حلوه ؟
ريم : انجبي بس حلوه لج طالعه تموتيننن
مريم : اي والله صلوات تخبلين
بنان : يعمرييي انتوا .. لج فروحه حاطه حمره
فرح : اي ليمه حقتلي حملا ( اي ريمه حطتلي حمرا )
بنان : تمام ريم عادي تخلين مكياج الي ؟ بس خفيف مثل مال هذاك اليوم
ريم : بعيني تدللين
بنان : ههههههَ هم عيد ميلادج وهم جاين تحطيلنا مكياج
ريم : شوفو اني المكياج احبه لو بعز تعبي ماضوج منههه
خلصت من مريم وبدت تتفنن بنان وسوتلها مكياج يجنن طلعها ملكة الجمال
مريم : ولج بنان فهد اليوم يضل مصدوم يكول هاي مرتي ؟
جاوبت بتوتر: ههه ليش
مريم : شوف الفاهيه شنو ليش دباعي الجمال بس شعرج ما انصحج تسويله فدشي خليه هيج طويل وسرح يجنن عبالك مسشور مو صح ريم
ريم : اي والله كلش حلو هيج خلي
بنان : تمام هاهيه
ريم : يلا تمام خلصت ننزل جوا ؟
مريم : اي اني هسه ابدل لفرح وننزل دقايق
ريم : تمام راح انزل احظر المكان بنان تجين
بنان : لا اني حضل بالغرفه بس حتى يجي فهد
ريم : تمام يلا انتظركم
نزلت ريم جوا وهي فرحانه
زوزو : لك لك شنو هذا الجمال ولج ريم وين جنتي ضامته
ريم " بغرور " : محد شايفه للاسف
ياسر : اهوووو شلون شغله ترى عادي ندري عيد ميلادج
همام : تتفيك الحلوه هو عيد ميلاد بس صراحه ما انكر
جميلة الجميلات ست ريم
ريم : شعبااااالكم وين اكو بجمالي اني
ياسر : جا اني مو حلو ؟ غير اجنن بس انتوا عميان
همام : ترى عادي لتعيد وتسقل ندري البنات كاتلات نفسهن عليك حفظنا الاسطوانه اليوميه
ياسر : اي مو حتى اذكركم
ريم : شوف هذا مصدك روحه حلو هيهيهيهي
ياسر : دنجبي من حلاتج !
رحاب : اي يمه شنو طالعه تخبل ريم
زوزو : اي ولكم اني انصدمت ولج مكياج مال شسمهن هذني الصالونات
ريم : مواهب عيوني يلا اني رايحه اجهز المكان
ياسر : ماوصيج خليييي حلووو
ريم : تدللل موهنديس ياسر
@@@@@@@@
كاعده بالغرفه وهي ضايجه وصافنه
اني اتونس وخواتي مو يمي ولا امي ! ياربي طلعني منا اريد اهلي مداتحمل اريد خواتي جاي اموت شوي شوي
موت بطىء ... ساعدني ياربي وكون بعونهم همه هسه شمسوي بيهم جمال وفراس هذاك الثاني اللي الله بلانه بي
كمت داجيب شال من الكنتور واني دايره ظهري جان تنفتح الباب واني من فتحتها جفلت ودرت وجهي بخوف
شفت فهد واكف وبيده علاكة الهديه وعلى وجهه ملامح تعجب ويباوع بذهول واني منا انشدهت بدال ما اخذ الشال ضميته
بنان " حجت بتوتر " : انت جيت
فهد : ها .. اي اي مو كدامج
بنان : جبت هديه لريم مو
فهد : طالعه حلوه مشعولة الصفحه
بنان : شكراً شكراً من ذوقك انطيني الهديه يلا
حجت بكلبها : يمههه هذا شبي ديغلس
فهد : اي بس اليوم طالعه حلوه حيل
وخرت من يمه وكتله : اي حلوه .. فهددد الهديه مو وياك
تحمحم وكال : اي هاي
بنان : شنو شو اشوف شجبت
فهد : جبتلها محبس وكلاده
فتحت العلبه : الله فهد يجنن كلش حلو .. اختيار موفق عزيزي
فهد : عزيزج
بنان : يس عزيزي
فهد : ههههههَ متكليلي شعرج شمسويتله يسودن والحمزه
بنان أخذت الهديه وراحت تريد تجيب الشال وكف كبالها وكال بنظرة حاده : تنزلين هيج ؟؟؟؟
بنان : اي ليش
فهد : لبسي شال وصايه
شهكت بصدمه : لاااااا فهدددد شنو صايه والله هو اصلا مستور هاك شوفه يعني زين عادي يتغطى بشال
فهد : مالي شغل عود من تطبين لصاله نزعيها يم ريم ومريم وامي وزوزو وشو منو يجي
صاحت بنان : ماا انزع ولا البس
فهد : لبسي شال وصايه ونزلي اخواني جوه يطلعون عود تفنكحي علينه
بنان : فهدد
فهد : ديلا
بنان : اي اي
فهد : لحظه صدك
بنان : شنو
فهد : لحظه
اشوف فهد راح جاب وبيده علاكه وطلع علبه
بنان : هاي شنو
فهد : الج بويه
بنان : هاا
فهد : وجعاا
اخذتها فتحتها كلاده نازكه علئ شكل نجمه حيل حلوه
بنان : ليش كلفت نفسك
فهد : هم رسميات منخلص من رسمياتج ست بنان
ابتسمت شكرا فهد
فهد : يدلل الحلو ديلا خلي البسلجياها
نداريت وجاب الكلاده وتقرب يمي انفاسه الحاره ضربت ركبتي تجمدت ودكات گلبي سريعه حسيت بشعور غريب ما اعرف اوصف شعوري مشاعر متلخبطه
بنان : هاا فهد
فهد : ديلا خلصنه طلعت تخبل عليج انتي محليتها بويه
بنان ابتسمت ما اعرف شرده
بنان : ديلا لعد اني حنزل
فهد : روحي بويه
حچى بكلبه : اهخخخ شليتيني شل
............................................
ريم : ديلا همام ياسر شوفونه عرض كتافكم صديقاتي علئ جيه شنو ناوين تكعدون وتكابلوهم
ياسر : اني ميحتاج اطلع خلي همام يطلع
همام : لا بلا شو دروح
ريم : ثنيتكم اطلعون ماما احجي وياهمم
رحاب : طلعوا ولكم
ياسر : يربي شكد تتنعوصين طالعين عيني طالعين
ريم : ديلا
بهل لحظه فاتوا جمانه و ليان
ريم نصدمت بس شفتهم لان ما اريدهم يكونون بالعيد ميلاد
جمانه : هلا شلونكم شخباركم مشتاقين
زوزو بصوت ناصي : لا هلا
ليان اجت باست ريم من وره خشمها : هلو ريم عيد ميلاد سعيد
ريم ابتسمت
جمانه : اي كبرتي ست ريم وصرتي مره يوم زواجج ان شاء الله
ياسر : اي ونخلص منها
ريم خزرته : انت هيو شو هناه ديلا اطلع صديقاتي علئ جيه
طلع همام وياسر
ليان : اكلج ريم اشوو بنان وين
ريم : بنان فوك تلكيها يم فهد بغرفتهم وغمزت
ليان : اي اي
ليان شفت الكل كاعدين ورحت صعدت فوك اشوف بنان
دانزل وجان اشوف ليان
بنان بخزره : شعندج هناه
ليان : ما اعتقد راح اخذ الأذن منج حتئ افتر بيت عمي
بنان : شو دروحي من يمي
ليان لزمت ايد بنان حيل
ليان : لعبالج بمكياجج وبشعرج وبلبسج حتغرين فهد فهد الي وبس لتتوقعين انطيجاه بسهوله وفهد اصلا يريدني من زمان هوه الي واني اله
بنان ما ادري ليش استفزني كلامها وكلت هيج
بنان ضحكت بستهزاء : اي واضح يريدج لو يريدج جان اخذج الج ما اخذني بس هوه رادني الي ويحبني الي اوك وخري من يمي هسه
ليان رادت تحجي شي بس شافت فهد فغيرت كلامها
ليان : اي يلا بنان تعاي ننزل
بنان باوعتلها بأستغراب : شنو
فهد : ها شو هناه متنزلون
بنان انداريت لگيت فهد فعرفت ليش غيرت كلامها
بنان : اي هسه نازلين
.............................................
رزان
شفنه جمال نام فماما كالت يلا تعالن ركبنه تكسي وصلنه للمنطقه وماما بدت توصي بينه
الهام : اذا صار شي خابروني وهاي وبس ساعتين وبس غيرها ماكوو
روان : ادللي فهمنه والله
الهام : ديلا نزلن
نزلنه وكمنه نمشي بالمنطقه جانت حلوه
رزان : وين بيتهم
روان : هياته
دكت روان الباب وجان يطلعلها ياسر
ياسر : يا هلا نور البيت
روان : هلا
ياسر : اي تفضلوا تفضلوا
فتنه وكفنه بالطرمه
ياسر : هاي شطالعه شهل الشعرر يبويي يجيب راس اكبر واحد
روان بعصبيه : اشوو انت شبيك زايحه عندك المستحه لو شنو
ياسر : هسه شحجينه وياج عيني ست الحسن
رزان : كافي روان
ياسر : شفتي سمعي كلام اختج
ياسر اشو تغيرت ملامحه الئ جديه : اكلج ست روان ملكيتي اعرض من هل الفستان ترا حيل عريض ومن عرضه مبين كلشي
روان اباوع علئ فستاني مابي شي وعريض وزين
روان : بكيفي البس الي اريده شعليك انت
ياسر : هسه لو تلبسين كونيه هم تطلعين حلوه
روان : اييي ادري يلا وين ريم
ياسر : جوه جوه بس تراا حكعد اقرالج معوذات لان حتنحسدين داده
روان : ينكت الاخ
رزان : يلا امشي روان
فتنه وجان تطلع بوجهنه ريم
ريم رحبت بينه وسلمت عينه
ريم : زوزو ماما هاي روان الي كلتلكم عليها وهاي رزان
زوزو غمزت : ها هاي هيه يمه يمه عيني بارده عليكم وحده احلئ من ثانيه
رحاب : تعالن يمه تفضلن هلا بيجن
روان ابتسمت : تسلمين خاله
كعدنه وهاي وجان اكو وحده كاعده تباوعلنه من وره خشمها
رزان : اكلج ريم منو هاي
ريم : ولكم هاي مره سولفتلكم عليها مرت عمي محمود هاي المسمومه
رزان : هاا ايي اكول مو دتباوعلنه من وره خشمها حتئ سلام مسلمت
ريم : ختولي
ريم بدت تعرف علئ روان ورزان وتحجي عنهم
بنان نزلت ورايه نزلت ليانه فتنه للصاله وجان اشوف كدامي روان ورزان نصدمت ما اعرف شصار بيه
رزان وكفت مصدومه وبحجيها غصه گالت : بنان !
نهاية البارت
يتبع ..
(لا تنسوا التصويت)
سوينالكم البارت طويل وان شاء الله يعجبكم ♡︎
إلى اللقاء يا أعز العابرين في قلبي ♡.
الكاتبات دينا & نور