البارت الرابع
اليوم الثاني من ايام العيد
في الصبح الكل قايم
الحريم : قاعدين يصلحون فطور
والرجال : ينتظرونهم في الحوش
البنات : نايمين
العيال : نايمين
من تعب امس معد فيهم حيل يصحون الصبح
عند جوجو الي صحت الساعه ١١ الضهر
وكانوا الأغلب صاحين
وكانت جالسه على جوالها جنمب نوف الي كانت نايمه جوجو لاحظت ان نوف تهلوس وترتجف وهي نايمه خافت عليها وصارت تصحيها نوف نوف أصحي وش فيك نوف
نوف :فزت رعد بخير
جوجو :ضمتها بسم الله عليك بخير انتي وش فيك
نوف :وهي تبكي اخاف من الفقد ياجوجو من عقب ابوي صرت اخاف وافكر كثير
جوجو :لا يانوف والي صار مع ابوك هذا قضاء الله وقدره اذكري الله ومارح تفقدين احد ان شالله
نوف :وهي تبكي ان شالله
نوف بقوم اروح ال بيتنا
لبست نوف عبايتها ونقابها وخذت اغراضها وكانت بتروح لبيتهم
طبعاً جوجو : نست رساله رعد ل نوف
وكانت حاطتها في شنطتها ولاذكرتها
طلعت نوف الحوش الا أم رعد طالعه من المطبخ
ام رعد :وين بتروحين ياقلبي
نوف :بروح لبيتنا ياروحي بشوف امي
أم رعد :وقفي احطلك غداء تاخذينه معك
نوف :لاوالله مايحتاج ياخالتي
ام خالد : الا يحتاج تعالي معي المطبخ
طلعت معها نوف للمطبخ
واهي تصبح على الي في المطبخ
شوي دخل رعد المطبخ ويصبح عليهم
أم رعد :ل نوف ثقيل عليك يا بنتي بتقدرين تشيلينه
نوف: اي اي معليك ياخالتي عطيني اياه
الجوهره عمتهم :لالا ثقيل عليها وحار رعد شيله انت ووصل نوف بنت خالتك
نوف :لا ياقلبي مايحتاج بشيله انا خفيف والبيت قريب مايحتاج احد يوصلني
ركز رعد بحركات نوف كنها تبي تبعده عنها
رعد :قرب وخذا الصينيه بالغصب وقال امشي يانوف بوصلك
نوف :مشت ولا تكلمت
وهم يمشون في الحوش عشان يروحون ركز رعد في حالة نوف كانت غريبه وعيونها في الأرض وتمشي
حتى عتبة الباب ماشفتها رعد أنتبه نوف العتبه نوف فزت الا طق اصبع رجلها في العتبه وتعورت قال رعد بسم الله عليك تعورتي
نوف: لالا
هذا بس الي قالته نوف
رعد استغرب أنها ماسترسلت معه في الكلام
ووصلوا البيت دخلت نوف وعيونها بالأرض ماشافت عيون رعد
واتقول عطني الصينيه
رعد : بدخلها ثقيله عليك
نوف : وهي ترفع عينها لعين
ه واتقول
ليه أنا خايفه إني أفقدك؟
وأنا فاقدتك أساساً
خذت نوف منه الصينيه وسكرت الباب
و رعد كان في حالة صمت وذهول من كلام نوف
معقوله ماوصلت لها الرساله راح لجوجو بسرعه وصار يناديها جوجو
جوجو :هلا
رعد : عطيتي نوف الرساله
جوجو : ها لا والله اني نسيت لأن نوف قايمه مفجوعه من نومها ويالله قدرت اهديها ونسيت من رسالتك ليه وش فيه
رعد :اه ياوجع قلبي صدق انتي ماتأمنين على حاجه
سمعتني نوف اليوم كلام كنه رصاصه ودخلت بقلبي الله يسامحك ياجوجو اليوم لازم تعطينها اياه تفهمين
جوجو: خلاص ان شالله
عند ابو عبدالله الضهر /
قال :وشرايكم نتعشى اليوم في العزبه
ابو خالد : عز الشور يايبه
ابو سليمان : ابد تم
ابو خالد : خالد روح علم امك تعلم الحريم بنطلع العصر العزبه
خالد :أبشر يايبه
أبو عبدالله :روحوا
ياسليمان وفارس وخالد ومحمد ورعد وعزيز ونايف للعزبه نظفوها
العيال : أبشر
راح خالد للحريم
ويشوف بنته رفعه تركض له رفعها وصار يحبها
ودخل عليهم في المجلس
وقال جدي خالد قررا انا نتعشى اليوم في العزبه تجهزوا بنطلع من العصر ان شالله
ام خالد : ان شالله ياولدي
بسألك شفت هيا اليوم فز خالد ليه فيها شي
ام خالد: لا مافيها شي بس لاتسهى عنها وانا امك هي في بداية حملها وتحتاج اهتمام
خالد : ان شالله هي وينها
ام خالد : في الغرفه بلحالها جالسه اليوم روح صبح عليها
دخل خالد على هيا الغرفه
خالد: هيا
هيا : لبيه ياقلبي
خالد :لبيتي حاجه فيك حاجه تعبانه
هيا : لاوالله بس الوحام ذابحني
خالد : وهو يجلس عندها ويقرب راسها لصدره
بسم الله عليك ألف مره وأجر ان شالله وليتني اقدر اخذ الوجع منك
هيا :اول مره احمد ربي على الوجع لأنه فيني موب فيك
خالد : تكفين لاتوجعيني ازياده بكلامك
فيك حيل تتطلعين العزبه ؟
أذا مارحتي بقعد معك لاتشيلين هم
هيا : لا بروح معك ياقلبي
خالد :زين يلا بنطلع ننظف العزبه وبجيكم بعد
هيا :تمام انتبه لنفسك ياعيني
خالد :أن شالله
عند فارس و فهده
فارس :ترا بنطلع اليوم العزبه
فهده :يليل ماقلت انا في بيت جدي مارح انروح
فارس :عاد جدي قررا اليوم انا نطلع
فهده : كنت مابي اجي لين غصبتني
فارس :موب في يدي ابوي لزم علي انك تجين وتسلمين عليهم
فهده : طيب بتروح الحين
فارس : اي بس عندي سؤال
فهده : أسأل
فارس : الشوق له محل عندك ؟
فهده : له محل وشلون ماله محل تعال .............
عند هيثم وأمه
هيثم : خلاص يمه جيت سلمت عشانك بمشي اليوم لدمام
الجوهره : يمه تكفى اقعد عشاني اليوم
وبكرا والله لا اخليك تروح
هيثم : يمه تكفين تعرفين اني ماحب أجواء الديره والله اني جاي عشان خاطرك بس
الجوهره : تزعلني منك ياهيثم
هيثم :خلاص بقعد اليوم عشانك بسس وبكرا بمشي مايهون علي زعلك والله
الجوهره : الله يرضى عليك انا عارفه لو بتجلس
ب تسانس بس أنت تكابر
عند الجوهره وساره
ساره : وين نوف جيت مالقيتها
جوجو : راحت لبيتهم
ساره : ها طيب مب رايحه معنا
جوجو : الا أكيد لازم ان مارحت جلست معها
ساره : أكيد معشوقة القلب ماتجلسين الا بها
جوجو : تلوميني في حبها
ساره : حشى والله مالومك
جوجو : أمي توقعين دقت على خالتي عمشاء علمتها
ساره : مدري روحي شوفي
جوجو : يلا
عند جوجو وامها /
جوجو : يمه علمتي خالتي عمشاء ونوف
ام خالد : الله يذكرك بشهاده بدق عليها الحين واقولها
دقت
عند نوف كانت منسدحه على رجل امها
ام نوف :ألو ياهلا برفوع
ام خالد : ياهلا فيك عني داقه اعلمك بنطلع اليوم العصر العزبه تجهزي انتي ونوف
ناظرت ام نوف لنوف
نوف : أشرت بيدها لا مارح اروح
ام نوف : أن شالله بس نوف ضني مهيب جايه معنا
ام خالد : افا ليه اروح جوجو عليها
ام نوف : تسوين فينا خير
ام خالد:يلا عنها ذي جاتكم
ام نوف : يلا مع السلامه
ام خالد : يلا يلا
سكروا المكالمه
ام نوف :نوف ليش ماتروحين
نوف : والله منهد حيلي من امس وتعبانه روحي انتي واستانسي
شوي الا ينطق الباب
ام نوف : قومي شوفي الي عند الباب
نوف : يلا اكيد انها جايه تقنعني يارب اسلم منها
جوجو : واقفه تتطق الباب
فتحت نوف
نوف : هلا ومسهلا
جوجو : لاهلا ولا مسهلا
نوف : افا ليه ادخلي من الشمس
دخلوا في المجلس
جوجو : ليش ماتبين تروحين معنا
نوف : والله تعبانه عقب امس وابي ارتاح
جوجو : بعطيك شي ينسيك تعبك
نوف : هههههههههههه وش الي بينسيني تعبي
جوجو : هذي الرساله من رعد عطاني اياه يوم طلعته انا وياك من الغرفه بس انا نسيت اعطيك اياه
نوف: رعد كاتب رساله ماصدق
جوجو : اقول لا يكثر واقري كلام اخوي العشقان
نوف : عطيني
✨رسالة رعد لنوف ✨
دفنت الغرام بـ خافقي والقلوب أسرار
مشاعر .. هقيت ان الليالي تضيّعها
جحدت الغلا لين أمتلى بـ الخفوق وثار
قصايد عساها اليوم تطرق مسامعها
نوف : امتلت عيونها دموع عقب ماقرتها
اخيراً حلم الطفوله تحقق
جوجو : بتصيح بتصيح ههههههههههه
نوف : اسكتي مشاعري فاضت من الفرحه
جوجو : يابعد عمري يانوف لو موب اخوي كان دعيت عليه وعلى هجره
نوف: وانا بخليك تتدعين عليه اسكتي بس
جوجو : ها بتروحين
نوف : لا
جوجو : الشره موب عليك علي الي جايه في الشمس اقنعك تجين معنا
نوف: هههههههههههههههههههه خلاص والله اني بروح عشانك بس
جوجو : تكذبين على مين
نوف : لاتفهميني صح ياجوجو
جوجو : ههههههههههههههه هذا مشكلتي اني افهمك صح
يلا ياعيني اجهزي وتعالي
بروح ل ساره اجهز معها وأحتمال رعد يودينا زيني عيونك ها
نوف : بزينها لك موب له لاتبدين تغارين منه بس
جوجو :ههههههههههههههههههههههه
يلا يلا
جهزوا بيت ابو عبدالله /
اذن العصر
والكل صار جاهز
بس ينتظرون العيال يجون ويشيلون الأغراض
وجوو العيال وشالوا الأغراض
ركبوا كلهم بس باقي
أميره ونوف وساره وجوجو
قالت ام خالد خلاص انتضروا بيجي رعد
ويجيبكم
ساره اي خلاص يمه روحوا
ووصلوا العزبه وقالت
ام خالد :رعد روح جيب خواتك من البيت
رعد : يوه يمه تعبت هذي ثالث مره اروح واجي قولي ل فارس ياخذهم
ام خالد : ياولدي انتي عليك ضربه تعرف فهده بتسوي لنا سالفه لأن معهم نوف وأميره
التفت رعد بأبتسامه :دام معهم القلب بروح اجيبهم
ام رعد تتدري انه يقصد نوف ضربته بخفيف وكانت قاعده تضحك الله يعيني روح روح ياروح امك
رعد : يلا ابشري
عند البنات /
كانوا ينتظرون رعد
ووصل رعد
رعد :يلا اركبوا جدي ضايق هناك من التأخير
ساره :ركبت جنمبه وورى نوف وجوجو وأميره
نوف يوم ركبت ناضرت مراية السياره وكانت عيون رعد عليها ابتسمت ونزلت عيونها عشان تبين له انها قرت الرساله
في الطريق
أميره لاحظت عيون رعد على نوف
واهي تبغاه يشوفها من يوم ركبت واهو مانتبه لها اصلاً
قالت يربي حر وبدت تفتح ازرار عبايتها و كانت لابسه تيشيرت ضيق وقالت رعد ممكن تفتح المكيف
رعد شغل المكيف واهو حتى مالتفت عليها
نوف :كانت تهمس ل جوجو شفتيها شوفي الحركات قولي ميدها تسكر عباتها لا اسكر قبرها عليها اليوم
جوجو: وهي ميته ضحك طيب لاتنقهرين
رعد :كان مركز على نوف ونظراتها ل أميره
واهو يبتسم مستانس بغيرتها عليه
جوجو :تطق أميره يبنت سكري عباتك لاينتبه رعد فكينا الله يرحم امك
أميره :حيوان مانتبه كنت فاتحته عشان ينتبه لي بس نظراته على نوف الكلبه
جوجو :لو محترمه نفسك يمكن كان أنتبه لك وماله داعي ذالحركات ي أميره
أميره : سكرت عبايتها وسكتت
وقف رعد عند البقاله وقال تبغون شي
ردت :أميره اي الله يعافيك جيب شي بارد مت من الحر
رعد :تمام جوجو تبغين شي
جوجو :أي جبلي ايسكريم
ساره :تبغين شي : اي جيب لرفوع معك لعبه تلعب فيها بتموت من الطفش
رعد : أي عاد رفوع الحب
ها نوف تبغين شي
نوف :لا شكراً
عند رعد
كان مستغرب كلهم طلبوا الا نوف
كان يقول لنفسه معقوله مستحيه مني
وليه تستحي مني وش اجيب لها الحين
رجع رعد من البقاله وركب السياره ومشوا
وعطى الكيس جوجو
عطت أميره مشروبها وخذت الأيسكريم
وكان جايب لنوف بعد بس نوف ماخذت
وكان رعد يسوي اي شي يحس انه بيضحكه
وكانت جوجو قاعده تاكل ايسكريم ووصلوا للبر بس مابعد اتجهوا للعزبه
مشى بسرعه ومسك بريك والتفت عليهم بسرعه عشان يضحك
ودخل الأيسكريم في خشم جوجو
نوف : حرام عليك يارعد واهي ميته من الضحك واهي تشوف الأيسكريم في خشم جوجو
ساره وأميره ماتوا ضحك بس موب مثل نوف الي عجزت تمسك ضحكتها
وجوجو قاعده تناظر رعد ونوف بنظرات حقد
نوف : عطني المناديل يارعد واهي ميته من الضحك عطاه رعد المناديل وجوجو قاعده تطق نوف على ضحكها
ورعد يقول ميد جوجو :وش دخل نوف الحين
نوف : أي علمها يارعد قاعده تطق فيني وانت السبب هههههههههههههههههههههه
رعد : قاعد يقول في داخله واهو يشوف نوف ميته من الضحك جعله حسً وضحكتن ماينقطع
ونوف قاعده تمسح وجه جوجو بالفاين وجوجو تناظرها بنظرات حقد
انتبهوا الا ساره تقول يلا عاد اجتمعوا الخبلان الثلاث ماودكم نمشي عاد
انتبهت نوف انها اول مره تضحك وتاخذ وتعطي مع رعد وكلهم ميتين ضحك
وجوجو : كانت قاعده تلعنهم اثنين وتتدعي عليهم من قلبها
نوف ورعد: سكتوا لأن لو بيتكلمون بتصيح وتقلب الدنيا عليهم
وأخيراً اوصلوا ونزلوا من السياره
ورعد كان مستقصد انهم يتأخرون عشان يقعد مع نوف زياده لو ماتجمعهم سوالف بس كان يرتاح لاحس ان نوف في المكان الي هو فيه
كان حاس بشعور غريب من يوم ركبت نوف وعطته نظره
واذن المغرب
وصلوا واجتمعوا واجلسوا
خالد : عيال وين تميم
محمد : والله حلفت عليه يجي بس اعتذر لأنه معزوم
خالد : أي الله يستر عليه
فارس : يلا تعالوا نرتب الجلسه
العيال :يلا
عند رفعه بنت خالد الي كان عمرها ٣سنين
كانت تلعب بالعبه الي جابها لها عمها رعد
وكان عندها رعد وعزيز
رعد : تصدق توني اكتشف مشاعري الحين
عزيز : انا مكتشفها من يوم عمرك ١٥سنه بس وش السبب الي خلاك تكتشف مشاعرك اجلطني يارعد
رعد : شفت يوم طحت ومثلت مادريت ان نوف تحبني لهدرجه وكتبت لي رساله وأبيات ليت كبريائي يخليك تقراها
عزيز :يليل يذا الكبرياء وش قول
رعد تخيل .....................
عزيز : ي حرام يانوف ياكلب وأنت مانتبهت لها
رعد :اول مره ماعرضك اني كلب لا والله ياعزيز
انا مادريت عن نفسي
عزيز : لا ان شالله بس أنتبه ترى خالي خالد وخالي سليمان كنهم يخططون يخطبون لك بنت خالي سليمان أميره
رعد: في أي زمن حنا يخطبولي وانا مدري
عزيز : جاك العلم وانت عاد رجال عارف وفاهم
رعد : اي اي ازهل
قام عزيز وجلس جنمب اخوه هيثم
عزيز :وش فيك ياهيثم ماحسك مستانس
هيثم : والله قاعد عشان امي اليوم
عزيز :زين تكفى اهم شي رضى أمي فكر فيها قبل الكل
هيثم : أي اكيد
عند رعد ورفعه الصغيره
رعد : تعالي رفوع انسوي بيت
رفوع : يلا
رعد :من تبغين يسكن في بيتك
رفوع : انت وماما وبابا
رعد :مين بعد
رفوع : عمه ساره وعمه جوجو ونوفي عشان تحطلي روج واحمر خدود
رعد : تخسين نوفي انا موب انتي
رفوع كانت تضحك ماتدري وش قاعد يقول رعد
عند البنات /
هيا : ماشفتوا وين رفوع
جوجو : الا تلعب اهي ورعد هناك
هيا : عاد رعد تعلمني رفوع سوالفه واموت ضحك
ساره : تكفون الا رعد لاتكلمون فيه
أميره : لاتكلموا من حق زوجته المستقبليه تعرفه
جوجو : متى صرتي زوجته المستقبليه ياحسره
نوف : وش قاعده تقولين انتي يأميره
أميره : الي سمعتوه
فهده: والله اني كنت حاسه ان رعد يبيك من زمان
جوجو: لعد تحسين ثاني مره يافهده احساسك غلط والي خذت قلب رعد تهنى به وناظرت نوف
نوف الي تناظر جوجو نظرات فخر انها بردت قلبها في أميره وفهده
طلعوا يشوفون العشاء نوف وجوجو
نوف : والله انك اختي الي ماجابتها امي كنت دايم اتمنى لي اخت وربي رزقني بالأخت الي تمنيتها
جوجو : ياربي يالكلام الحلو يانوف تعبت تعبت تعالي اضمك
دخلوا عليهم في المطبخ
واهم يضحكون
نوف وجوجو
المطبخ
ام عبدالله جالسه على الكرسي وتشرف عليهم
ام خالد ،ام سليمان ،الجوهره ، ام نوف
نوف وجوجو تبغون مساعده : الجوهره واخيراً احد حس فينا
نوف :افا ياعمه كان ناديتيني انا وجوجو
جوجو :اي والله والتهينا في السوالف ياعمه
الجوهره :ماقصدكم انتم يابعد قلبي
بس قطعوا السلطه لاهنتو
نوف وجوجو :أبشري
جوجو :شفتي فهده ماقولك متغيره
نوف :اي والله واضح انها مدققه في وجهها
بس احس كان مايحتاج
جوجو : اهي تحب المثاليه والجمال بس عاد الحين انقلب ضدها احس
نوف : قسم بالله انك صادقه
عزوز :كان ينادي امه
جوجو بهمس لنوف : من امس ماشفته ولاسمعت صوته
نوف :تبغين تشوفينه
جوجو. :اي بس كيف
نوف :حتنى مدري كيف بس سألت كذا
جوجو :الله يقطعك يانوف وانا صدقت
نوف : ليت اقدر اخليك اتشوفينه اول مره اتمنى ان عزوز اخوي عشان اقدر اظبطك
جوجو : هههههههههههههههههههه بحاول اشوفه اليوم
نوف : كيف
قطعت صوتهم
ام سليمان : خلصتوا من السلطه
جوجو : أي خلصنا
عند الشيبان ابو عبدالله وحوله عياله
قال بقولكم ابيات خلوها خرزه في اذنكم
العيال :اسلم
بعطيك من حكمة ھل العرف دره
درة بـحر ٺسوى لها جملة حروف
جنب طريق الحب واحذر تمره
منت على جرح المحبين مكلوف
قال هذي الأبيات واهو قاصد
لأنه كان خايف على احفاده من كسر الحب
عزيز : بصوت عالي لجده
والي ياجد ضاع فيه وش يسوي
ابو عبدالله : الله يعينك وتحمل مايجيك
رعد : والي طاح فيه ياجد وش يسوي
ابو عبدالله :مصيبه لا طاح يارعد انتبه
محمد :والي احتار في الطريق يايبه وش يسوي
ابو عبدالله : دامك يابوك لا طحت ولا ضعت
ف جنبه
نايف :انا الحمدالله ياجد مابعد مريته
ابو عبدالله : وأحذر تمره ياولدي
جاء العشاء
وبداء الرياجيل يتعشون
فجاءه عند العيال
قام عزيز عادي من عندهم وراح لصنبور الماء لأنه كان غاص ومايبي يروعهم عليه
ام جوجو قامت من عند الحريم اتجيب لها ملعقه
شافت عزيز وجهه بنفسجي وركضت له بخوف وش فيك
عزيز ماكان قادر يتكلم ويقول طقيني مع ضهري
جوجو بتوتر ومتردده انها تمسكه من ورى
جوجو : عزيز عادي اضمك من ورى
عزيز: يطق ضهره والتفت عليها نادي اي احد بس خلاص شاف الموت بعيونه
جوجو ضمته من ورى بقوه وحطت يدها على راس معدته وضغطت عليه الا عزيز شهق بقوه ورد نفسه
وخرت جوجو بسرعه واهي تسحب وجه عند صنبور المويه وتكب على وجهه وتسمي عليه
عزيز منصدم منها : واستسلم لها
جوجو واهي تحرك وجهه : وتعاين عيونه واهي ماسكه وجهه ها تسمعني بخير الو
عزيز : اي اي بخير معليش نادي لي امي
جوجو : تكفى لاتقولها اني ضميتك من ورى والله بس كنت ابي انقذك
عزيز : من معلمك ذالحركه
جوجو : شفتها بس لاتعلم عمتي امانه مابي اطيح من عينها
عزيز : هههههههههههههههههههه لو أعلمها بتجيبك معنا البيت
جوجو : خافت فهمت قصده غلط وقالت هذا جزاي خفت عليك وجيت انقذك
عزيز : وقفها وقال اقصد من كثر ماني اغص وامي ماتعرف تتصرف معي دايم كانت تقول بجيب واحد في البيت ينقذك لاغصيت
جوجو : هههههههههههههههههه ليه انت بزر ماتعرف تاكل
عزيز : ها عن الغلط روحي ناديها عشان ماعلمها كيف مسكتيني
جوجو : لالا امانه في راس جدي خالد ماتعلمها
عزيز: مات من الضحك عليها وعلى خوفها
راحت جوجو :عمه عزيز يبييك عند صنبور الماء
الجوهره اكيد غاص يويلي على وليدي بغى يروح وتطلع له
الجوهره لعزيز ولدها
ها عسى لقيت احد ينقذك
عزيز :أي يمه
الجوهره :من انقذك ذالمره
عزيز: مارح تتوقعين
الجوهره:لاتقول معشوقتك جوجو
عزيز :الا يمه ماتوقعت انها تعرف لذالأمور
قررت انا انجيبها معنا البيت عشان ترتاحين لا غصيت
الجوهره :ههههههههههههههههههههه حسبي الله على عدوك روح روح نتفاهم بعدين
عزيز :يمه لاتقولين لها شي تراها محلفتتي في راس ابوك
الجوهره : جوجو الكلبه تخش علي
عزيز :تكفين يمه فكيني منها
الجوهره: خلاص خلاص
دخلت عليهم الخيمه
تعشوا وخلصوا
عند الصنبور مجتمعين عشان يغسلون المواعين
قالت جوجو انا ونوف اليوم بنغسل المواعين
نوف تطقها لا ياحيوانه لا
جوجو اسكتي عندي لك علوم
سكتت نوف
وقالوا يلا الله يقويكم
ام خالد :بعطيكم مكافأة لاخلصتوا بدري
جوجو :ابشري يمه
جلسوا نوف وجوجو عند صنبور الماء
نوف :وش عندك
جوجو :شفتي يوم رحت اجيب ملعقه
نوف :أي وتأخرتي
جوجو :شفت عزيز غاص .........................
نوف : ضميتيه من ورى
جوجو :أي والحين بيمسكها علي ويهددني بها بس والله نيتي كانت صافيه كنت ابي انقذه
نوف :حمدالله محد شافكم ياجوجو
جوجو : تكفين يانوف ولا كان وشلون بنفهمهم انه كان غاص
نوف : تكفين
جوجو :مشاعر يانوف مشاعر
نوف :يارب ترزقني بعد انا ضمه عشان اقدر اعرف مشاعرك بس
جوجو :هههههههههه تضحكين على مين
نوف :اقول اخلصي خن نشوف وش المكافأة الي عند خالتي
جوجو :يلا
عقب ماخلصوا نوف وجوجو
راحوا للبنات
وقالت: جوجو وش المكافأه
ام خالد : شفتوا الحزم الي هناك بخلي رعد يوديكم له
جوجو: يلبيه يلا
نوف : وهي خايفه ومتردده سحبتها جوجو
كل البنات قررووا يروحون معهم
تحاشروا كلهم في السياره ووداهم رعد للحزم
وقال تبون اجلس معكم
جوجو لا نبي ناخذ راحتنا
قال تمام ونزل عند العيال
عند البنات : قعدوا ساعه واهو منسدحين ويسولفون
شوي الا يسمعون اصوات كلاب
الكل قام يركض ويصارخ جوجو ركضت تحت تنادي احد عشان نوف
محد من البنات كان عارف وش يصير لنوف لا خافت
عند نوف سمعت صوت كلاب بدا ينقطع نفسها
وقفت وشافت الكل نازل محد حولها
التفت الا اصوات الكلاب بدت تقرب منها قعدت تصيح بصوت عالي وتركض بس ماكانت توصل البنات ووصلوا كلهم الا نوف وكلهم يضحكون على اشكالهم
عند العيال /
ابو عبدالله : وش ذالصراخ قوموا ياعيال شوفوا البنات
رعد وعزيز ونايف ومحمد وسليمان وخالد وفارس
كلهم قاموا يركضون
الا يشوفون البنات نازلين ويضحكون
ام نوف انتبهت وين نوف وين نوف الكل ملتهي نزلت جوجو وهي تركض تكفى يارعد افزع لنوف رعد وش فيكم وش فيها نوف
جوجو فوق في الحزم محد حولها نزلت اناديك ماقدرت اسحبها
رعد التفت شاف ام نوف منهاره البنات في حالة صمت ربط ثوبه وركض لها شاف شكل من بعيد وكانت تصيح ركض الا يشوفها تطيح لا يانوف لا ياعين ابوي جيت نوف الي قطعت الأمل في الحياه ماشافت الا احد يركض ويصايح بصوت عالي
رعد كان يبي يهديها بصوته واهو جاي
بس نوف كانت تتأثر بالأصوات المرتفعه ركض وضمها بقوه جيت جيت ياخلف طوايفي جيت جيت مافي شي اهدي
نوف كانت تشهق وتبكي وأغمى عليها في حظن
رعد وشالها وركض بها عند النور عشانه عارف ان بتجيها حالة الصرع يبي يعرف يتصرف معها نزل بها الا ام نوف تركض له وش فيها وش فيها رعد
جوجو: وهي تصيح
نوف بدت تنتفض بحضن رعد
ام نوف :جاتها يارعد جاتها
رعد اهدي :
فك شماعه ودخلها بفم نوف وثبت راس نوف على صدره وصار يصارخ عليهم عشان يبعدون عنها وجوجو كانت ماسك رجولها
الكل منصدم واول مره يشوفون نوف بهالحاله جوجو صارت تصارخ عليهم يدخلون الخيمه لأن لو نوف تتدري انهم شافوها راح تنكسر مره
قدر رعد يسيطر على الصرع حق نوف وبدت نوف تهدا وترجع لوعيها
رعد : جوجو جيبي عباتها وتعالي سرعه
وانتي ياخاله روحي البسي عباتك
كان قاصد يروحهم
قرب من نوف الي كانت ماسكه يده بقوه
وهمس بأذنها انا موجود وانا معك
جابت جوجو عباية نوف تركض
ولبستها وركبت السياره رعد وهي وام نوف ونوف
وودوها المستشفى
في المستشفى/
عند الطورائ
دخلوا نوف بسرعه وكشفوا عليها وقالوا حمدالله انها ماتأثرت مره ودخلوها غرفة الملاحضه
ام نوف : انا السبب ماكانت تبي تروح انا السبب
جوجو : لا والله انا السبب انا الي تركتها المفروض اقعد معها
رعد : اذكروا الله مافيها شي ان شالله
طلعت الممرضه
الحمدالله ماتأثرت مره
بس ممكن تعلموني تفاصيل الحادثه
وشلون صار معها كذا
ام نوف : صارلها ست شهور يادكتوره ماجاتها هذي الحاله وقلنا انقطعت مع العلاج بس رجعت اليوم بشكل سلبي
قعدوا جوجو وام نوف
يعلمون الممرضه
عن حالة نوف
رعد الي استغل الفرصه وراح يشوف نوف
نوف : وكانت جالسه تستوعب ان اخر شي طاحت في حضن رعد واكيد شاف حالتها وكانت قاعده تبكي انه شافها بأسوء حالاتها
دخل رعد عليها ويحط عينه بعينها : نوف ليه تبكين بسم الله عليك في شي يوجعك علميني
نوف : شفتني وانا
رعد : افاااا تبكين عشان كذا يانوف موب انا حبيبك موب انا غالي عندك
وش فيه المرض لاهو حرام ولاعيب وهذا الشي تكفير لذنوبك وربي اذا أحب عبد ابتلاه لاعد اشوفك تبكين ثاني مره عشان ذالسبب
والله لا أزعل منك عاد زعلي شين
نوف: سكتت وأبتسمت لرعد كان في قلبها كلام كثيررررر بس ماكانت قادره تتكلم وعين رعد بعينها استحت منه
دخلت ام نوف عليهم
وطلع رعد
اما جوجو دخلت على نوف واهي تصيح وتضمها
والله اني اسفه والله مادريت انه بيصير لك كذا
نوف : يابعد قلبي ياجوجو انا عارفه والله لو ماشفت لاتشيلين هم شوفيني طيبه مافيني شي
رعد كان جالس في الأنتضار
وشاف تميم جاي يركض
صار رعد يأشر له
جاء تميم له وقال : ها وينها نوف
رعد: في الغرفه هذي بس عندها الجوهره وامك
تميم : وش صار معها
قعد رعد يعلمه وش صار
قام تميم يبي يحب راس رعد
ورعد يحلف انه مايحبه
ويقول مابينا ذالأمور ياتميم
تميم : وشلون قدرت تساعدها
اذكرك اول ماجات نوف الحاله كنت منحاش عشان ماتشوفها
رعد : لاتذكرني تكفى ياتميم مدري وش كنت احس فيه يوم انحشت عنها
تميم : والله مالومك يارعد الصرع الي يصيب نوف يخوف ومره خطيره وموب الكل يقدر يساعدها
رعد : طيب هي ماكانت تاخذ علاج له
تميم : الا بس الخوف عندها مفرط وماتقدر تسيطر عليه فا تجيها هذي الحاله واخر مره جاتها يوم انحشت عنها هههههههههههههههه
رعد : ماقلت لاتذكرني
تميم : اسف اسف
في العزبه /
ابو عبدالله : توني ادري ان نوف بنت ابو تميم فيها صرع
ابو خالد : اتقول ام خالد ان عقب الحادثه الي صارت لها وهي صغيره بدا الصرع يجيها بس من فتره لفتره
ابو سليمان : الله يشفيها ويعافيها
بس ولدك رعد بغى ينهبل
ابو عبدالله. : عسى بس الي في بالي موب صحيح
ابو خالد: لا يبه انت تعرف رعد يحب يساعد
عند البنات/
هيا : بنات شفتوا رعد وشلون خايف على نوف ياقلبي واضح يحبها
منال : اي والله من يوم صارخ علينا وانا داريه ان الولد رايح فيها
فهده : والله مدري بس احس رعد استغل الفرصه
ساره : استحي على وجهك يا فهده وش هذا الكلام
و أميره : كانت قاعده تكذب كلامهم عشان ماتنكسر
عند ابو عبدالله: ها نمشي للبيت
ابو خالد: الي تبي
ابو عبدالله : يلا يلا مشينا
مشوا كلهم لبيت ابو عبدالله
اما في المستشفى
تميم : رعد ماقصرت واتعبناك معنا اليوم
روحوا للبيت وانا شوي ونطلع اصلاً
رعد : تمام بروح اشوف الجوهره
عند نوف وجوجو
جوجو : دام خالتي راحت ابي اسألك
نوف : قولي
جوجو : قلتي لي يارب اجرب الضمه واحس بشعورك
نوف بأستغبى : طيب وش
جوجو: لاتستغبين لا افقع راسك
نوف : ههههههههههههه اي طلعي وجهك الثاني طلعيه
جوجو : نوف بلا سماجه قولي لي وش صار معك
نوف : وش اقول وش أخلي ياجوجو ياليت الحظن حلال والله ماقوم من حظن رعد
جوجو : وهي تضحك حسيتي بلي حسيت فيه
نوف : وياليتني ماحسيت وشلون الحين اقدر اتجاهل الشعور
جوجو : ههههههههههههههه يانوف ماينعرف لك
عند رعد الي وقف عند غرفة نوف
جوجو جوجو
جوجو : هلا
رعد يلا بنمشي
جوجو : يلا
يلا ياقلبي مع السلامه بمر عليك اليوم
نوف : ماتشوفون شر الله يحيك
طلعت جوجو لرعد وركبوا السياره
رعد : تبغين اوديك العزبه
جوجو : لاتكفى مالي خلق أسالتهم
رعد :طيب يلا بوديك البيت
جوجو : رعد فيك شي
رعد : ها لا مافيني شي
ووصلوا البيت وكل منهم ساكت
ونزلت جوجو وشافت البيت وقالت ياليل جوو من العزبه
رعد: انزلي نزلي
نزلت جوجو عند البنات
أميره : وش صار على المصروعه
جوجو : والله مالمصروع الا انتي و لاتستهين بالمرض ي أميره
منال : وش اخبارها الحين
جوجو : والله الحمدالله
كان البنات ميتين تعب وناموا
عند الشيبان الي ناموا كلهم
وكل واحد مع زوجته
اما
عند رعد الي راح للسطح الي دايم لا زعل يروح له
انتبه عزيز ان رعد موب موجود وقام يدوره وتذكر السطح الي كانوا يقعدون دايم فيه هو وياه اذا كانوا
زعلانين
عند رعد كان مره ضايق صدره
جاه عزيز : وش في الحلو زعلان
رعد : تعال جابك الله
عزيز : حسيت فيك شي قول
رعد : خايف من مرض نوف ياعزيز خايف يأثر عليها
بعدين اليوم يالله قدرت اسيطر عليها وانا خايف تجيها الحاله وماعندها احد خايف ياعزيز
عزيز : لا يارعد لاتقول تعوذ من ابليس
و الطب تطور الحين
رعد :يارب
عزيز :أنت ماتبيها
رعد :صاحي انت ابيع عمري عشانها
عزيز :طيب ليه ماتخطبها الحين والزواج بعدين
رعد : كنت بكلم ابوي بس انت شايف الوضع
بنتظر لين تهدا الأمور وأخطبها ان شالله
عزيز :أن شالله والله يوفقكم
أذن الفجر
وأنتهى يومنا
المليئ بالأحداث الجميله والحزينه