ذاكرة الماء

الجزء السادس عشر

ذاكرة الماء
الجزء السادس عشر

شفت صوري اني كاعده وياه..
هذا شوكت صورني ..

مادري شلون مسحت المحادثه ...
وطفيت تلفوني كمت ارجف صفريت من الخوف
شحجي شكول صخام بعينج رهف
كمت اضربت  ع وجهي
عزة يعينج رهف .

ربي دخيلك شسويت بروحي
زين شلون صورني شلون شلون هيج غبيه مانتبه
ولو شنتبه ليش اني شكيت بي. 
ما احس بروحي وياه. 

مصيبه وكعت ع راسج يرهف
شسوي ربي ساعدني وين اروح لمن احجي.

اباوع بليل عمتي نايمه جسمي يرجف.

سمعت صوت مروان يصيح رهف رهف
انداريت ورايه ..
يي يي جيت
دخل يم عمتي ..
شبيج رهف كمت مالكيتج وين جنتي...

شبيه مروان جنت جوه...

شبيج مخطوف لونج شكوو..

خفت ع امك عبالي بيها شي انهبطت
اتقرب ع امه ..

كال مابيها شي..

كتله اي اني انهبطت عبالي متتنفس ...

احجيلي
داكولك مابيه شي
شنو مابيج شي باعي نفسج وجهج ليمونه وترجفين شكو

زين حجيلي انتي شبيج شو احجيتي كلام مافتهمت قصدج شنو

مروووان ماكو شي ليش هالكد تلح

ولج رهف لاتعلين صوتج بوجهي.....
  هاي الرعونيه بطليها من اسئلج ....
شبيج ردي مثل الاوادم
مو تجين تحجين شي وبعدين من ادقق بي تغيري
لو كالبه وجهج لان مخليتج درسين
ترة اني مامنعتج بس مو الوقت المناسب هسه اولادج بعدهم صغار
وامي ومسئولية بركبتج عود من يصير الوقت المنناسب اني اقدملج
كتله ماريد شي مروان بس عوفنني دخت
كال امشي نصعد فوك
شعندج هنا والكل نايم
كتله اي هسة

عافني وراح...
ذبيت الفون يم عمتي وصعدت
شفته  مدد ع السرير..
طبيت للحمام رحت كبل ع الصيدليه مالتي
اريد اشرب حب منوم
رحت ادور ماكو....
العلبه فارغه..
شلون ياربي ...

انهارت اعصابي...

حراره براسي ونار بمعدتي
ركضت للمغسله لي بالحمام تقيئت....

طب مروان ركض ع صوتي
شبيج رهف شبيج...

مروان مابيه شي اطلع وسد لباب
غير افتهم شبيج
مابيه شي اكلت اهواي ومعدتي صارت توجعني
تمام تحتاجين دكتور
لا روح وسد لباب
طلع وسد لباب
نهاريت بمعنى الكلمه نهاريت
كعدت ضهري ع البانيو وافكر معقوله خالد يفضحني معقوله خالد يدز الصور ل مروان واهلي
عزا بعيني شلون ورطت روحي هيج
اني ادمرت ومحسيت بروحي..
هنا ثبت بالي كلام اسماء من كالت ديري بالج منه
بس بعديشش بعديش بعد مافات الوقت..
والفاس وكع بالراس
عمت عيني اني غبيه
غبيه الله ياخذني
ويخلصني هو ميلام مروان من يكول غبيه اني فعلا غبيه...

كمت شفت حالي عيوني ورامه شكد مابجيت غسلت وطلعت...

شفت مروان نايم ..
دخلت .. دايخه الدنيا تفتر بيه ..
من خبصتي حيل انضربت بحافه الحايط ع راسي
اسمعه يكول شبيج ..
يمعودة ..
كتله ماكو شي ..ظلمه مشفت وانضربت
كالي رهف شبيج ليش هيج مخطوف لونج..وضعج كله مو طبيعي ...
كتله للمره المليار داكولك مابيه شي مابيه...
يجوز هبوط ..
كال ..
اني عبالي سامعه شي عني غاثج بشي
او شايفه شي ومفتهمته غلط

هسه داريد اكوله
ماكو شي ملحكت كبل وكعت من طولي
مو اغماء بس رجلي ضعفت ..وضربه راسي
ومخبوصه وخايفه ..
ويا الوكعه غمضت عيوني ..

حسيت ايد اطبطب
ع خدي رهف رهف رهف كومي رهف شبيج احجي رهف
فتحت عيني  احس مروان

شويه شويه فتحت عيني وباوعت..

رهف بس هزي راسج اذا سمعيني...
كتله ..
اي ماكو شي ..
كومني ورحت للفراش ..
غمضت عيني
بس منايمه
اريد المنوم وين الدوه ..
اخذت فوك ال ١٠ دقايق بس مغنضه عيوني احس راسي
واذني وجسمي مصخن من الخوف ..
كمت ...

مروان كال وين
كتله

للحمام ....اسبح ..

كال اجي وياج ..

كتله شنو السالفه مروان ..اسبح

كال والله انتي شنو السالفه ...دتشوفي خلال هل الساعه شسويتي ..
عفته ورحت ..
نزلت جوة اني احب حنام الجو. لان كل شي بي ابيض ..
والبانيو مالته نريح
احب اترسه مي وانام بي بهدوء
مرات جنت اغفى ما احس ع روحي. .

طبيت للحمام  وسديت الباب وقفلتها
فتحت الصيدليه ...
عسا ولعل اكو دوه مسكن اشربه
وانام شفت كم شريط مال دوه ماعرف مال شنو
فتحت وشربت من كل شريط حبه
وفتحت لبانيو نترس مي وطبيت بي احس نار بيه المي احسه يجوي بجسمي....
بقيت افرك راسي اريد استرخي ..
واكول ويا نفسي شراح يصير يعني
ميسويها ماكو واحد يفضح نفسه هذا يخوفني ..
بين هل الأفكار
غمضت عيوني ...

حسيت ..
وطلعت من الحمام ..
بقيت واكفه باب الحمام..
اشوف نفسي ..لابسه ثوب ابيض ..
لزمت جسمي اني وين ..
اباوع يمين يسار.  ماكو شي وين الغرف ..
وين غراضي والأثاث
شو كل شي فارغ ..
مشيت سريع ..واباوع ع رجلي ..تخطو واثار المي بيها
نزلت الدرج كله ..
وصلت لاخر بايه ..
اباوع ماكو شي جوة ..
خفت واحس دقات قلبي علت
وراح ينفجر قلبي من الخوف اني وين ..
لزمت المحجر وبديت اصعد اخاف لا اوكع ..
كل بايه اصعدها .
تتكسر وتتلاشى الخوف زاد ..
والجوة هاويه ظلمه ..
وصلت لاخر شي ..
حسيت وكع كل الدرج ..
وكمت
فازة ..اني بالبانيو ..
مخنوكه من المي
انداريت ..
ومشيت سريع بدون شي ..
وفتحت الباب اريد اشوف ..
بعدني احلم

شفت كل شي بمكانه وطبيعي.  .
لزمت قلبي واتنفست ..بقوة. 
واكح. 
انتبه ع نفسي بدون ملابس
بسرعه رجعت ..
بدلت ..وصعدت بخوف
الخوف اتضاعف ..

شنو هذا الي داشوفه ..

وارجع اكول لا هذا من الخوف
ليش هل الكوابيس وداىما اوكع
راح اتخبل ...

رحت للمطبخ. 
شربت مي
احنا مطبخنه الشباك مال
مطبخ صاير من جهه الحديقه الي صايره قريبا ع الشارع 
شفت شي برة .
تقربت من الشباك.
اكو شخص واكف يم السياج مال حديقه
سياج الحديقه خشبي وقصير يعني مبين هذا شخص واكف يم بيتنه منو هذا.

رحت بسرعه ع الباب الرئيسي
والشبابيك. 
بين اكثر هذا خالد ..
اجه يكول لزوجي
عززا هذا شجابه

اريد اذكر وين فوني نسيت تماما وين ..
اتذكرت يم عمتؤ
دخلت ع كيف ..
واخذتع
كاتبلي بسرعه طلعي اريد احجي وياج...
كتبت
كتله كل عقلك هسه اطلع زوجي
هنا وعمتي والاولاد
ماكدر اطلع
اطلعي رهف دقايق ..
تعالي من جهه الثانيه ع الغابه

كال انتظرج من لباب الخلفي تمام
ع الغابه
البيت بي بابين خلفي وامامي ع الشارع
الخلفي هم شارع لكن اكو غابه تحاوطنه

كتله خالد ارجع اترجاك

كال دقيقه اذا مطلعين اجيج اني ..

مسحت المحادثه
طلعت من لباب لخلفي
طلعت شفته واكف هناك بصف شجرة

تمشيت .وصلت قريب جرني من ايدي

اله كتله شتريد..
كالي رهف والله موقصدي ائذج  ولا اخوفج
والله بس اريدج تحجين وياية

بكل الطرق اجيتج ماكو
اراسل ادز
ابد مابقيتي ولا حل
اله الخوف

رهف اني محتاجج والله
ماريدج تعوفيني هيج
لا تخافين مني ولا ترجفين
اريد اسيطر نفسي ماكدر .

الله يخليك روح هسه الله يوفقك
خالد روح ماكدر اتاخر بره هالكد...
لا احد يحس عليه ..

تمام رايح بس انتظرج تجيني باجر
لاخالد ماطلع ..

كتلج باجر تجيني..

كتله خالد وين اجيك...

كال للكوفي نتفقك ..

كتله اذآ كلام اسماء عليك كله صحيح

كال ياكلام...

كتله كل لي حجته اسماء ...عنك انك انسان استغلالي
وهمك علاقاتك

كال هاي جذابه هاي دايحه
ومانطيتها مجال وهيج كامت تحجي عليه...

المهم خالد مااجي..
بدا يمشي ..
اندار
كالي انتظرج
عفته وركض طبيت للبيت احس ...
قفلت الباب زبن ..
وضليت اباوع من البردة هو ماكو

مابقت بيه عافيه حيلي نهد جسمي يرجف...
اني شداسوي بيس ورطت روحي ياربي خلصني
صدك غبيه
واكبر غبية بالكون ..

صعدت فوك مروان نايم..

طبيت للسرير ..كبل ..
جنت ارجف واسناني تصك ..

كعدت مروان
مروان. مروان ...
كالي ها كتله الله عليك مروان احضني ....

فز كال شبيج شكو اليوم رهف ..

كتله احس معدتي تريد تتكطع...

عدل نفسه كال اوديج للدكتور ...

كتله لالا بس احضني عفيه.....

حضني وكتله مروان....
نامي حبيبي ...
وباجر اوديج للطبيب ..
ضميت راسي بصدرة حيل ..
دفيتي ..
كتله اي احسن بس لا تعوفني ..

كال رهف ..شصاير دخيل ربج ..
انتي سامعه شي عني ..ها ...

كتله  مروان ..الله يخليك اريد ارجع للعراق...

باوع  كل عقلج رهف وهذا لي بنيناه كله ينهد...

كالتله يي كله ينهد....

هنا احس راح افقد عقلي مروان...

ماكو شي مسيطره عليه...
جان بس عقلي ودافقدة ...

رجعني الله يخليك...

كالي متكوليلي شبيج والله خبلتيني بسوالفج...

كتله مروان الله يخليك رجعني للعراق..
هناك حياتنه احسن بين اهلنا واطيب ..
ممرتاحخ هنا أتوسل بيك ..
اترجاك ..

كال مستحيل بعد هذا لي بنيته وسويته علمودكم تريديني ارجع..
بنيت مستقبل كامل الكم ..
ومكسور ظهري هنا
تريدين ارجع من الصفر
واني طلعت علمودكم ..

كتله مروان....
انت ماطلعت على مودنه انت طلعت ع مود امك...

رهف هم رجعنه ع نفس السوالف امك وامك...

لامارجعنه بس انت تكول مستقبلكم...

واولادي انت طلعت علمود امك...

رجعني للعراق واني مستعده اخدم امك بعيوني وماريد ميعينه اصلا واخدم ميلاد والكل وماطلع ولا اطب
وحتى اهلي ماروح بس رجعني
ابوس ايدك ..

اني من يوم ماجيت ع هذا البلد اني ممرتاحه انت مجاي تحس بيه وبوجعي الي عايشته
اني خايفه هنا واخاف
ابقى ..بعد احس نفسي
اموت ..هنا ..ووحدي ..

كمت ..
كتله مروان اني مدانام الكوابيس متعبتني
كل شي متعبتي ..
اني خايفه
ومخنوكه هنا عندي احساس راح اموت ..
وكلش اخاف. .

اووو رجعنه ع نفس الكلام...
انوب اموت. 
رهف شجاج
شكد ما اكول عنج ..احسن مراه كاملة
ارجع تصدميني شنو جاهله ..انتي

شنو هو ماحس بيج شنو بيج انتي..

كتله بيه اهواي اشياء مروان..

اني  احتاجك يمي انت وينك ماكو..

باوع عليه كالي مقتنعه بكلامك ترة
تصرفاتج وكلامج ابد ماموزونه...

شبيج بابا ركبج جني انتي تخبلتي عليه  ..

كافي بابا كافي...اوديج للشماعية ..

كل ماجيت من الدوام لو اريد ارتاح وا
نام تجيني بسالفه جديده..

كتله رجعني وعد ماحجي شي ولااضوجك...

والقران اعيش خدامه وان حجيت اضربني ..

رجعه للعراق ماكو انسى وخليني انام...

وندار عني ونام..

بقيت اتكلب بفراشي...

اريد انام ..
ماكدر .
اغمض عيوني ساعات .
متاخذ نوم
مروان نام ..بسرعه
مروان بده دوامه صباحي...
يجي للبيت ساعه يرتاح ويبدي يداوم شفت ثاني مسائي يعني ميلحك ينام يادوب ياكل ويرجع
اغلب الاوقات الاكل اعوفه بالمايكرو هو يحمي وياكله
ماعرف نمت او لا ..

كعدنه الصبح..متكسرة. 
وراسي ثكيل ..
نزلت جهزت الريوك تريك مروان

وطلعو الكل
بقيت كاعدة
بقيت بدوامه خوف اروح لو ماروح
حسبه جيبني وحسبه توديني ياربي
ارحم حالي والله تعبت ياربي شسوي دليني
اذا اروح لخالد اتورط بزايد...
...

واذا ماروح اخاف يفضحني ويدز الصور...

دخيلك ربي قويني...

لاقررت اروح ل اسماء
وحجيلها هي تساعدني...

لاشلون اروح اخاف تفهمني غلط...وتكول لمروان ..

والموضوع يكبر ويتصخم بزايد...

شسوي وين انطي وجهي الحيره والتفكير اكلوني
هسه اني بدوله غريبه مالي احد بيها...

احس روحي ضايعه مشتته نفسيتي تعبانه داعيش وجع وتحمل فوك طاقت....
ي
فقدت القدره ان اعيش كاانسان...

جهالي ماكدر اباوع عليهم رجلي م...

اكدر احط عيني بعينه وامثل اني زينه...

لان اني بداخلي ضعيفه حيل..

داحس اني بس جسد عايش ماكو روح ...

كمت  كلت اروح ل اسماء اخذ منها دوه ينومني...

رجعت كعدت شسوي بي حتى المنوم ماينومني اني..

انام عشر دقايق بزايد نص ساعه واكوم من الخوف لليل يمر ع الناس تنام ترتاح بي اني اكعد بي حصره انام شويه افز من الخوف والكوابيس..

يعني اني مو طبيعيه اني مريضه بس مو مرض جسد لامريضه روحي
يمكن اني لو بالعراق وبيه هالحاله  ياخذوني لشيخ يقره ع راسي
جوز يطلع بيه جني بيه شي..
يمكن ارتاح ..

بس اني هنا داحس روحي مو طبيعيه ماعدا الكوابيس..
اطلع من واحد اطب بواحد راح اتخبل..
مداعرف اصحى ع روحي
ضعفت تعبت ياربي ارحمني...

بدلت بسرعه ...

  طلعت للشارع وتوجهت للكوفي شافني...

خالد واجه كبل

طلعلي بسرعه كال ...تعالي ادخلي

كتله للا ما ادخل ..

كول الي تريدة شنو..

رهف مشتاقلج حيل..

كتله احجي بسرعه اريد اروح...

رهف ماحجي شي هنا تعالي بشقتي نحجي...

لاخالد الله يخليك اهنا احجي...

والله رهف ماسويلج شي بس افهمج ع الي صار...

يي احجي باي مكان ..

مو اني هنا قدمت اجازه اليوم...

ليش قدمت اجازه...

مو كتلج لبارحه اريد اشوفج
خالد وياك للبيت ماروح...
رهف تروحين وياي داكولج ...

رهف مشتاقلج اهواي
ليش هيج مرمرتي كلبي ليش
ليش جافيني هيج
خالد كتلك انسى رهف...

اطلع من حياتي والصور لعندك تمسحهن...

تقرب عليه وكالي شلون امسحن وانتي تارسه بالي
بجسمج وصوتج..
كتله شبيك خالد وخر شويه
احنا بمكان عام ..

كال رهف ..
وبعد عني  اذا ما اجيتي ميصير خير
اني داكولج
وانتي براحتج ..

خالد انت وعدتني متاذيني
ووعدتنيي تسندني تذكر ..
لو لا
ووعدتني تساعدني
ليش هيج دسوي

كال بكيفج ..
بدون تردد كتله انطيني العنوان ..
ابتسم كال من عيوني ..
ولزم فونه
كال وصلج ..
شوفي ..
كال راح اروح وانتظرج ..
راح
بقيت واكفه اعصابي انهارت
قررت اروح لاسماء
اجيب العلاج

توجهت لبيت اسماء ودكيت لباب
فتحته هلو بالبذاته
هلو اسماء شلونج
زينه وانتي شبيج هيج عبالك مومياء
تعبانه شويه حبتيلي الدوه

اي موداكول مجايه تسالين عني جايه ع مصلحتها

والله اسماء مريضه تعبانه نفسيتي
ليش خير شبيج

مشتاقه لاهلي وضغوط
الله يساعدج حياتي اني هنا تعالي يمي شويه نفهي ع نفسج
متقصرين حبي
هاج رهف هذا الدوه ونوعيته اقوى وسعرة اغلى
من هذاك بس ديري بالج رهف هذا موهيج ينشرب ..
كتله مو مهم
انطيتهةالفلوس واخذت منها مي

شسوي اسماء اني نفسيتي تعبانه من الغربه وبعدني ممتعلمه ع هاي الاجواء..

وحيل مشتاقه ل اهلي واخواتي...

ياعمري ربي يجمعج بيهم ..

اخذت منها الدوة ..
قبل لا اخذ قرار لا ي شي
اخذت حبايتين من هذا الدوى الجديد
وبقيت واكفه بضارع
واشوف العالم تروح وترجع ..

بعدها قررت ..
بعد التهديد افكر.. اروح لو لا..
اخر شي قررت اروح اقنعه وجه لوجه..

واني واكفة يم باب شقته التردد كرد فعل طبيعي خوف و توتر نبضات قلبي الي منطتني مجال  الموضوع الي راح يتحول لشي ثاني..
مجرد صداقة ردتها منه مجرد شخص يفهمني.
مو اكثر..

غمضت عيوني حيل ندمانة على ذيج الطلعات البريئة 
ع كل الكلام
خليت نفسي بوضع يبتزني..

مسحت وجهي و اخذتني رعشه برد ....

بس مو من الجو احس الدم وكف بشرايني ...

بلعت ريكي ...
و بايد ترجف مديتها الى الجرس.. ..

واني...  اغمض عيوني واجر نفس،
ا النفس حسيته خنك ريتي جمر حار نزل بيها.. ..

دكيت الجرس مرة و تراجعت اريد  اروح انهزم
من هاي المقابلة الي ما اعرف لوين نهايتها تصفى.

بس الباب انفتح و همس اسمي.
ياهلا ومرحبا برهف ..

: لا ترحين..  بسرعه
جر ايدي  انداريت
تلقائي عليه. .

العيون الملونه تلاكت ويا عيوني.. 

الوجه قريب من وجهي رجفة شفايفي بخوف خلته ينزل نظره لشفايفي بلهفة.. ..

و رغبه غرائز. واضحة منه

ظليت اجر النفس لزمته وترتني..بعد عني ..

بس هو بيدة الثانية حضن...

جتفي ودخلني لشقته
بعدت ايدة

: لا تخافين تعاي هنا كعدي اجيبلج شي تشربيه...

بصوت يرجف .و بحة صوتي كشفت خوفي...

: لا..  بس فدوة امسح كولشي فدوة..
ردتك كصديق ليش تدمر براءة صداقتنا ليش فدوة..  امسحهن..
خالد ...
قرب وجهة يم وجهي ..
و عيونه بعيوني وهمس
: امسحهن والله بس طفيلي ناري و اشواقي .. 

شششش لا ترجفين حبيبتي..

مد صابيعه اطرافهن حسيتهن على خدي و هو يغمض و يهمس
: خلي نبدي علاقتنا محد يدري..  ..
احبج اني..
و سويت هيج لان احبج معندي وسيلة اوصلج بيها.
كتله
ممكن تبعد شويه
مداكدر احجي عفيه ..

ضحك ورجع
كال اوك

: تهددني؟  اليحب ياذي محبوبه خالد

اعتبرتك صديق لدمرني..

كال وانتي مو صديقه.. 

ركزت بوجهة...  واني خايفة..  بشرته الحنطاوية و تناسق الوانه عيونه..
كال 
: محد يعرف لا تخليني اضطر اصير نذل  وياج..
طيعيني وامسحهن..
احتمال متشوفيني بعد

اني، احبج و سويت كل هذا  لان اريدج

ولج مكدر انام دا اتخيلج هنا.. 
بين احضاني.

ظليت ابجي.. شوف خالد...

اعتبرك صديق ..

حجيتله ووثقت بيه.. 
تقرب مني ومسح دموعي .

وخرت ايده...

كال اهدئي بلا خوف رهف ولا بجي ..

رجع ..يتلمس شفتي  يقرب وجهه اكثر..

رجعت ليورة ..

ا

:  ما اكدر  ..  اني كل الردته شخص يفهمني شخص...
يسمعني شنو الي بداخلي من الم من انكسار وخذلان..

هظليت ارجف واني ابجي وحاضنه
و من غير خذلان زوجي الي و اولادي.. 

الحياة العشتها خلقت مني شخص ضعيف شخصية..  مهمش من زوج و من اولاد..

وثقت ببك   و استغليت  الثقة

ظل يحاول يقنعني. ..

: محد يعرف بعلاقتنا ابد.  
هنا سر بينا تبقى.. 
انت محتاجة اليحسسج بانوثتج مو مجرد اثاث حالج من بيته اي هو هيج يعتبرج. 
لتبجين هذا يأذيني اني احبج..

خالد انت حلفت متاذيني
هو هذا وعدك الي
يعني مروان
وعدني ميخوني ولا ياذيني بيوم
وخذلني
وانت وعدتني وخذلتني ..

كال ..
اتركي نفسج انسي كل شي ..عوفي الكلام خلي الأفعال تحكم

ظل يتقرب ناحيتي واني غمضت عيوني

لزمني من خصري و ايده باقي جسمي ..
لمسات ايده الثانيه على وجهي وانفاسه
الي تبين خلاص ناويلي . ماكو مهرب

شفايفة الي لمست شفايفي بخفه للحظة ضعت
  باغراءه..حركات ايدة لمسته بطرف اصابيعه

  الفرق  واضح بينه وبين  زوجي للحظة..

رضخت..  بنصف اغماءه  لمتعه. 
مايوم حسيت بيها..

رفعت ايدي حتى احضنه..

بس الحقيقة بينت كدام عيني استمر..

صرخة وعي قبل فوات الاوان صرختها
واني ادفعه و ابتعد.. ماكدر الله يخليك ماكدر

و اشهك بخوف اتلفت ميصير ابقى ...

والا اخسر نفسي الى الهاوية ..
جرني..بقوة
اني مو  للعبة عندج

هسة اتصال مني ..مروان فوك راسنه ..
كتله انت متعرف رقم مروان ..
ضحك ..
كال لا والله ..ترة تليفونج اكثر من مرة بايدي رهف
يعني اخذته منج بكل سهولة
ولا تنسين
انتي جيتي بأرادتج هنا

رهف ..

وللحكايه بقية
شهرزاد

هذا الي كدرت اكتبه اليوم ..
قراءة ممتعه