روايات وقصص عراقيه واقعيه:
البارت التاسع
❤❤❤❤❤❤❤❤❤❤❤❤❤❤❤❤❤❤
ساره :هاااا شنو ترید بس ماتفقنه عله اجر
جلال : عادي نتفق هسه
ساره : بزعل وجکد الدرس ترید
جلال :ممممم ارید
ساره : اخذ ایدي وخلاهه عله شعرا
جلال : لعبي بشعري لحد ما اغفه
ساره : خله راسه عله کتفي وادیه محاوطه خصري بقیت امسد عله شعرا واحاول اخذ نفس حته تهدء دکات کلبي وماتزعجه لان احسه راح یطلع من صدري انفاسه تضرب برکبتي وعطراسیطر عله انفاسي
حسیت نفسه ثکل عرفته غفی حاولت اسحب نفسي لان بعد ما اتحمل قربی اکثر مامتعوده عله هاذ الشي خجلانه عله فرحانه شعور احس کبیر عله عمري انو اوصفه بس ارید افلت نفسي ما اکدر کل ما اتحرک کل ما یضغط ویذب ثکله علیه اکثر
لحد ما ستسلمت وبدیت اغفي لحد منمت بین ایدیه
مروا : کعد الصبح مثل کل یوم اخذت شور ونزلت
شفت الحجي والحجیه کاعدین فدیتهم صباح الخیر
رحت بوست بابا وماما الله یخلیهم الي نشاالله
الشیخ والشیخه :صباح العافیه
الشیخه :تعالي تریکي ورانه روحه للسوک
مروا : خیر لیش شصایر حته نروح للسوک
الشیخ : الیوم عازم الشیخ صالح وعاٸلته عله وکفته ویاکم ذاک الیوم لازم انرده الضیافه
مروا : اوووو هسه ماکو غیر الیوم ترد الضیافه یا بویه والله تکسرت من البارحه یعني مانرتاح یوم
الشیخه :ولج ام السانین حاجي ابوج عدل غیر بت اشیوخ لازم تتحملین شلون اذا خذتیلج شیخ
مروا : شنووو یمه اسم الله منو کلکم ارید شیخ اوحته ارید ازوج انوب شیخ حته تکمل ویاي بعد
بعدین باباتي مایزعل مني
الشیخ : شلون ازعل منج وانتي شمعت بیتي
مروا :فدیتک یااحله شیخ لو مثلک ارید شیخ لو مارید وبما انو ماکو مثلک معناتهه ماریده اي شیخ
الشیخه :یمه من السانج یالله کومي جهزي نفسج منو دللج غیره هوا وجلال طلعو عیونجن انتي وسویره
الشیخ :هههه هسه زعلتي لان کلت شمعت بیتنه عمي انتي الخیر والبرکه یالله مروش روحي جهزي نفسج لاتتاخرین وخلیني اشوفهه لیش معصبه من الصبح
مروا :ههههه طرده یعني رایحه رایحه تکرتهم ما جنت اعرف ماما تغار مني 😁 وصعدت غیرت ملابسي لبست بنطرون ابیض وقمیص ماروني طویل خلیت کحل ومرطب وشال ماروني فدیتني اخبل لبست تران شوز ابیض والعبایه ونزلت بس سمعت حرکه بغرفت جلال ممم ساره یاعیني والله وطلعت عاشک یا جلال اففف معقوله الحب حلو ومادري 😁 خل انزل احسن الیوم صاعده نسبت الجفاف عندي رحنه انه وماما للسوک وکل عاده تجیب وتکوم علي یعني ماعرف لیش احنه النسوک والجیش المخلینه بالباب شنو شغله لازم مروا الیطیح حضهه بالمسواک
الشیخه : ونتي هاي الاسطوانه تشغلینه کل مانطلع للسوک تدرین مایطلع الاکل طیب اله اجیب البهارات بیدي واجیبج ویای حته تتعلمین بعد یومین تزوجین وراح تعرفین قیمت هاي الطلعات ویاي من العالم کلهه تمد بطبخج ویصیر سیرا بین العالم مثل طبخي
مروا : عل اساس راح اصیر بوراک هیه کلهه بهارات کل العالم تحطهه عل اکل بس ادي والله اریدهن 😭
الشیخه : ستغفر الله یاربي ستغفر الله ربیت عشیرا کلهه بصفحه وانتي بصفحهه اخذتي نص حیلي
مروا : اي هوا انه داٸما هیج ماکوله مذمومه خلصنه من السوک بعد ما نهد حیلي شوي عن السیاره اکو کومه شباب وانه لازمه العلالیک وعباتي ومشي مسیطره علیهه فتت من یمهم بس شسوو بیه
...ویللللللي اموت عل ماروني عذاب
....ولک یامروني باع الجسم غیر اووویلي
..... شنو غزال یابه عیونه لو الشف👊👊👊👊
مروا :خشیت بهدمي من کلامهم والله ردت ابجي من الفشله وماما بعدت عني شوي وسمعت عیطه قبل لا واحد منهم یکمل کلامه انه لا اردین درت اشوف الصار بمجرد مالتفتت اجتني رصاصه اي رصاصه النضر لو تکتل جان نضرته کتلتني بمکاني خاف انه عایزه کملت هاذ اشجابه هنا وین ما اروح الکا ورایي درت واجهي بسرعه عوزه ما ارکض بس حل زین سوا بیهم بس شکو یخزني والله یالله تکول جاي اغریهم
رجعت للبیت وکلبي بعده یرجف من الخوف نضراته غریبه لو تذبح جان ذبحتني بس والله برد کلبي بیهم
ساره : ممم ماما بس شوي حبابه
جلال : کعدي یا کسورله ماتردین تقرین
ساره : حسیت اکو نفخه عله وجهي عبالي ماما بس من سمعت صوته فتحت عیوني بسرعه ورجعت راسي بلحضه لیوار لان تفاجٸت انو وجهه بوجهي مباشرتن توترت ضلیت ارافس ارید افلت منه واکوم
شوي وماحس غیر سحبني اله وثبتني بدیه و💏
ساره :فصل البوسه حته اخذ نفس وکام للحمام بدون انه هم اتجاهلت عاصفت المشاعر الصارت بداخلي وطفرت من الفراش قبل لا یرجع عل مرایه فتحت شعري ولفیته عل سریع صفنت اباوع عله شفتي شلون مورمه جکد عیب شلون راح اخفي لثر
طلع من الحمام لاف المشفه درت واجهي اخذ ملابسه دخل للحمام طلع لابس فالینه نص وبرموده وشعرا منکوش مبلل انه کعدت یم کتبي سویت نفسي اقرا 😁 واباوعله بدون مینتبه فدوا ها ساره شبیج ثکلي
اجه کعد یمي وبلش یدرسني تفاجٸت شلون فاهم المواد وکنه دارسهم بس شرحه یجنن وبسرعه فتهم علیه بقینه ساعتین تقریبن لاتخلو من المواقف المحرجه کل شوي لازم ایدي یعلمني شلون اکتب الرموز بس المصیبه یکلي قرضي ضافیرج ملفتات للنضر 😭 لان انه ایدي بیضه واصابعي اقلام وي الاضافر فد شي اموت علیهن واذا انکسر اضفر اتخبل وهسه یکلي قرضیهن ما والله کلبي مایطیني ضالم
جلال : کافي لحد هنا خل ناخذ استراحه ننزل نتریک
ساره : لمیت کتبي هوا واکف عله المرایه اجیت اطلع
جلال : هاي وین رایحه
ساره :بستغرب انته مو کلت راح ننزل
جلال : ونتي حضرتج تردین تنزلین هیج رجعي لبسي صایتج ولفي شالج ونزلي
ساره : ضجت لان حجه ویاي بنترا هاذ شبي قبل شوي یکلي وین رایحه ولابسه هیج وهسه مایقبل انزل بتراکي ویحجي ویاي بامر وکاني جاریه عنده رجعت ادردم بهمس والبس بالصایه ولفیت الشال
جلال :لا دردمین کایلج هاذ اللبس مایلبس کدام احد حته ابوج سمعي الکلام
ساره : ماردیت ترکته ونزلت کدامه لکیت عمو کاعد والجهال وخاله مها تسوي ریوک صرت اساعدهه مروا وبیبي بالسوک شوي ونزل مخنزر لان تجاهلته صبینه الاکل لان جمعه الیوم الریوک متاخر ما اکلت هواي ضجت ولا رفعت راسي خلصت وصعدت اخذت کتبي بعد مارید ادرس نزلت هوا شافني عیونه صارت بکصته لان احنه متفقین نکمل وار الریوک بس انه راسي یابس صعد عدي العناد سلمت عله خاله وعمو
وهوا ما هتمیتله رجعت للبیت ساعدت ماما بتعزیل البیت ورا الغده اتصلت مروا تریدني اساعدهه لان عدهم خطر اف لو اعرف ماتعبت نفسي ابیتنه عود ردت انام صعدت سبحت وعلعتاد لبست فستان لون اسود وسترا قصیرا بنفسجي غامق وشال بنفسجي وخلیت کحل ومرطب طلع الون فد شي لبست عبایه رحت شفت مروا بالمطبخ هیه وخاله وبیبي اشو الیوم ماکو جوله بس هوا ما شفته الحمد الله بالشنه بالشغل والتجهیز هلکنه صار الساعه بالسبعه اجو مرا جبیره بکد بیبي وبنیه شابه ومریه بکد ماما سلمنه علیهم بس عمه مرو صعدت تغیر ملابسهه وتنزل
ام صالح : منو هاي البنیه الحلوا
الشیخ : هاي ساره بت ابني صالح وخطیبت جلال
ام صالح : الله مصلي علی محمد الله یخلیهه والله لایکتله مبروک حبیبتي
ساره :اشکرج خاله بقینه نسولف وتعرفت عله البنیه کلش حبابه وبقینه نسولف جاي نحجي واجتي مروا
مروا :بعد ما هلکت شغل قربو یجون صعدت سبحت ولبست فستان لون بصلي مخصر عله جسمي وخلیت کحل ومرطب وعطر لفیت الشال ونزلت سلام علیکم
ام صالح : هله ومیت هله وکامت باستهه هاي فاطمه بنتي الجبیرا
مروا : اهلن وسهلن سلمت علیهم وکعدت وي البنات انسولف فاطمه کلش حبابه ماخذه ابن عمهه بعد الصلاه صبینه العشه انه ستحیت اکل احس عیون الکل علي ماعرف لیش خو ام صالح جابتني مدح من کعدت لحد الان بعد العشه جنه کاعدین نشرب جاي
ام صالح : ارید اشکرج یاشیخه عله هاي الضیافه المعهوده ومو غریبه عله بیت الشیوخ بس انه اللیله جایتکم بطلب واتمنه ماتردوني وتکملون کرمکم
الشیخه: امري ومایردج غیر السانج نشالله تدللین
ام صالح :باوعت المروا الصراحه انه جاي اطلب اید مروا لبني الشیخ صالح ونتشرف بنسبکم
ساره:صدمه شنو وشلون ولیمته هوا شایف عمه مروا اسٸله کلهه اجت ابالي وفضولي کتلني توقعت بس انه مصدومه باوعت لمروا مو بس مصدرمه مصعوقه 😁 وفاکه حلکهه بس الواضح انو ماعاجبهه یمه معقوله یکون شایب طبعا اذا بنته هیج جبیرا معناتهه هوا شکربر لاوعنده ولد ثاني والله مروا ماتستاهل هیج واحد وانه اکول اخته بس تحجي عنه فتهمت
شکلهه اللیله حماسیه نرجع نتابع باقي الاحداث 😁
الشیخه : والله یا ام صالح احن........
مروا : قاطعت امهه بس انه مارید اتزوج حنه نتشرف بیکم والشیخ ماعلیه زود بس اسفه انه ماموافقه
الشیخه :مرووووا کومي من کدامي فشلتیني الله یفشلج من لیمته تکطعین کلامي وسفه ماعرفت اربي
مروا :خلیت وکمت کوا لازمه دموعي مستحیل اوافق بس شلون یاربي اهلي واعرفهم ماراح یردونه وهو شیخ بس انه ماریده جسمي لسه یرجف من نضراته
ام صالح : لیش هیج سویتي من حقه تکول راٸیهه
الشیخه : لاخیه هاي مو الاصول بس احنه دللناهه زیاده وانه اعتذر منج نیابتن عنهه وبلنسبه الطلبج احنه نتشرف بیکم وین نلکه احسن من الشیخ صالح انه راح اسٸل اخوانهه وابوهه وهما یردوکم خبر ونشالله خیر
ام صالح : وهاذ العشم بیکم یالله احنه نترخص
الشیخه : هله بیکم
ام صالح : بالسیاره قبل لا یجي صالح شوفي فاطمه ونتي سما ایاني ویاجن صالح یسمع عن الکالته مروا
سما :بس لیش بیبي هیه ماموافقه
ام صالح : وانه مایهني راٸیه اذا ماموافقه اهلهه یکلونه من شوکت نمشي بحجي البنات احنه وانه ما عولت عله الله انو صالح یوافق یتزوج وذا درا مستحیل یوافق بعد افتح السیرا حته ونتي ماترضین ابوج یکضي عمر هیج مو لاطایل سمه ولا کاع
سما :........
فاطمه :لا یمه مانحجي وبعدین سما حبت مروا والله وهیه تنحب ماشالله جمال وندارا وترتیب تلوک مرا للشیخ صالح مانحجي ونشالله نفرح بي عن قریب
ام صالح : نشالله امین یارب
............
ساره :✊✊✊ مروش هاي اني فتحي الباب
مروا : کو کمت نتهیت من البجي فتحت الباب راحو
ساره : اي راحو اف اف لیش هاذ البجي حسستیني راح یزفونج
مروا :مروا هه وشنو الفرق یعني عتبریني هیج اصلن ساره انتي متوقعه انو بابا او جلال وله حته خواني راح یرفضونه بس لان انه ماموافقه
ساره : ولیش لا اکید یعني ماراح یجبرونج خصوصا وعندج اسباب یعني انتي مامجبورا توافقین عله واحد شایب وجهاله بطوله بس لان اهو شیخ معروف
مروا : ههه والله ضحکتیني هاي من جبتیهه شایب
ساره : لیش شنو 😱 لاتکلیلي صاك ونتي ماراضیه4
مروا : وصاك من صاك تقریبن بکد علاء بس اضخم
ساره : عزه ونتي وین شایفته واذا هیج لیش ماراضیه بي
مروا : حجیت الساره کلشي وکل المواقف الصارت بیناتنه مارید ساره انتي تعرفیني بشنو احلم واحد رومنسي یطلعني اشوف الدنیه نعیش ابیت ازغیر عله کدنه یوم بالسبوع نطلع نتعشه برا مو اطلع من بیت شیخ وعصبیه واوامر لبیت نفس الطینه عمي ماارید شیخ ارید شخص عادي حته لو اعیش بخربا
ساره :هههه اعصابج اعصابج کبیتي بوجهي انتي واحلامج الغریبه هاي صحیح هیه من حقج بس ترا هاي مو سبب حته تختارین عله اساسه شریک حیاتج ولا بکم موقف تحکمین علیه فکري زین
مروا : فکرت وما اریده روحي نزلي جیبیلي الاخبار اکید راح بابا وجلال یحجون بالموضوع
ساره :ههه جاسوس یعني یالله نازله بس انتي لاتبجین بعد ماشي
مروا :ماشي یالله
ساره : نزلت الکل ملتمین بالصاله حته بابا وخواني اجت عیوني بعیون جلال نزلت راسي وسلمت کعدت یم خاله مها بس شکله جدو معصب لان بیبي کالتله عل سوته عمه مروا وبقه یحجي علیهه شلون ترد هیج والضاهر صالح هم خاطبهه من جلال وکلهم موافقین علیه انعلست مروش بس عمو علاء کال لازم نسمع راٸیهه ومایصیر نجبرهه اکید عدهه سبب بس جدو قافل ایکول شنو الشي الیخلیهه ماتوافق علیه هههه
هاي اذا تکلهم اریده رومنسي جدو یحط بیهه طلقه😁 لان مبین قافل علیه حته جلال مبین ماعنده عتراض اکید غیر صدیقه وهاذ السبب یخلیني اتوقع شخصیه صالح وسبب رفض مروا خلال هاي الاحداث انه نتهیت من النعاس کل اشوي 😪 اتفاوب کوا فاتحه عیوني واخیر کام بابا والولد اي حته اروح ویاهم لان اخاف امشي ابحدي باللیل
حمید : یالله تصبحون عله خیر یالله
الکل : وانته من اهله
ساره :نتضروني اجیب عباتي واجي
بیبي : لا ساره انتي ضلي یم عمتج اللیله
ساره : حاضر بیبي افف مارید اضل لان کل ماتجي عیني بعیونه یخزني ونضرته غریبه مبین ضایج مني
سلم بابا وخواني وراحو والعالم کلهه کلمن راحله بقیت بس انه وخاله مها وبیبي حشن براسي حته اقنع مروا مایدرن انه قافله من النعاس کامن من یمي ذبیت روحي عل طخم شوي عود واصعد انام بالغرفه بس اجتني النعسه الحلو رفعت رجي وکرفصت و😪
مروا : اشو هاي ساره تاخرت معقوله راحت لبیتهم لا بس عبایتهه هنا وانه اموت واعرف الصار کلت خل انزل اشوفهه بس والله اذا بغرفت جلال اعدمهه نزلت من الدرج البیت سنطه دخلت للستقبال اوففف والله الیشوفه یکول عاشکهه من اسنین وانه اتوقع هاذ الشي صحیح کل تصرفاته ویاهه تثبت هاذ الشي هاذ اکبر دلیل امکابلهه وکاعد یتأمل بیهه ویدخن تکول ملاک نایم کدامه وهاي الفاهیه فاکه حلکه ونایمه لا احساس ولا ضمیر سویت طکی باوعلي
جلال : تعالي عمه ارید احجي ویاج
مروا : هه مدام عمه اید الموضوع جدي
جلال : بتسم اکید راح تصیرین شیخ عن قریب لازم نحترمج اکثر
مروا :اوووو دخیلک جلال لاتبدي انته هم انه کتلکم
قراراي ما موافقه عليه حجیت ورحت کعدت یمه
جلال : اکدر اعرف السبب
مروا : مارید جلال مارید رخلص انه ارید حیات طبیعیه کافي شبعت من حیات الشیوخ
جلال : ههههه والله ضحکتیني عبالي بس هاي وباوع الساره حالمه طلعت عله عمتهه
مروا : هههه اي احنه نفس الطکه بس هیه عل اقل لکت واحد مثلک یحقق احلامهه بس انه وین الکا
جلال : لکیتي انه اکدر اضمنلج انو انتي لکیتي مو لان انه اعرف صالح بشکل شخصي هوا انسان راٸع واکدر اعرف انو هوا اختارج لان اکید لکه بیج شي خلا یغیر راٸیه ویقرر یزوج بعد هاي السنین مروا لاتحکمین عله انسان قبل لاتعاشرینه لا تخسرین صالح لان ماراح یتکرر انه مراح اضغط علیج بس هم ماراح ادخل حته اغیر راٸي جدي انو یرفض فکري
مروا :حته انته جلال تخلیت عني
جلال : اذا هاذ بي مصلحتج اکید راح اوکف ضدج یالله روحي نامي ومثل ماکتلج فکري بالموضوع زین
مروا : برحتکم بس انه راح اخوض هاي الحرب حته لو ابحدي کمت من مکاني ضایجه من کلامه جان املي بي هو یحجي وي بابا مثل کل مرا یجیني واحد ما اریده رحت عله ساره اکعدهه لا تتکسر بس وکفني
جلال : عوفیهه لاتکعدینهه انه اصعدهه
مروا : ماشي شکلک راح تخلصه مشاهده لیش ما تفضهه وتزوجون
جلال : انتي شتشوفین
مروا : والله اذا تتحمل عنادهه ونغنتهه ودلعهه وماطکهه بالحایط لان انته واحد ما تنجرع الصراحه توکل وعیشو مثل الامیرا والوحش ههههه
جلال : بتسم یمکن کلامج صحیح الوحش ما لازم یحب الامیرا لان ماراح تتحمل وحشیته
مروا :شبیک جلال کلبتهه دراما ترا اتشاقه الله یتمم الکم عله خیر یارب یالله تصبح عله خیر
جلال : تنهد ونتي بخیر
ساره : سمعت کلامهم لان کعدت عله صوت عمه مروا ویاریت ماسمعت رغم مافهمت قصده بشکل واضح بس کلش ضجت اعرف انو ستسلامي لمشاعري راح یضرني رغم کل مرا اقنع نفسي انو انه راح اتٸلم لذالک لازم احذر هاي المشاعر انو تطور بس هه کل ما یتقرب مني کل ذرا بیه ترفض الخضوع القرارتي وتخضع اله مثل هسه بالضبط وانه احس ابیده شلون تتلمس وتتحرک عله وجهي وداعب خصلات شعري سرت
الرجفه الغریبه بجسمي الي کل مرا تکون لمساته مسٶله عنهه شوي وحسیت انرفع جسمي وصار بین ادیه وحسیت ابخطواته عل درج لا ارادین تعلکت برکبته ودفنت راسي بیهه ارید اشبع من عطرا اتمنه هاي الحضه ما تخلص بس کلشي وي الشیخ جلال اله نهایه ونهایت هاي الحضه جان لمن خلاني عله سریر عمه مروا وغطاني بٸیده وراح مافتحت عیوني حته ماینتهي مفعول سحر هاي اللحضه ماعرف شلون نمت بس الاعرفه انو بمجرد ما طلع الصبح وقبل لا یکعد احد انه جنت بغرفتي رغم الشوق الجان بیه اله خلال هاذ الاسبوع بس مایجي ذره من ندمي انو عشت ویا هاي اللحضات الزادتني تعلق بي وراح تسهرني اسابیع وتزید عذاب کلبي
مروا : بابا ماموافقه یعني ماموافقه لیش تجبروني
الشیخ : انطیني سبب واحد یخلج ترفضینه ارید سبب واحد یخلیني اتفاشل ویا
مروا :هوا اکبر مني وعنده شباب مامجبورا اخذ هیج واحد شناقصني انه
الشیخ : وهسه هاذ عیبه مروا لاتتحججین وکلیلي الصدک اني ابالج واحد غیرا
جلال : لا جدي لا عفه علیک
مروا :نصدمت من کلام ابوي ودموعي ضلت اتصب شلون یشک بیه لا وکدام اخواني کتله بقهر شنووو انته تشک بیه بس لان رفضته سویتني ابالي واحد بویه انته کسرتني بهاي حجایتک وبعد مالي حجي ویاک انته فصل وانه البس انه موافقه لان بعد ما اکعد ابیت نهانت کرامتي بي عفتم وصعدت ابجي صدک نقهرت وکسرتني هاي الکلمه وکله بسبب منو بسبب الشیخ صالح والله اله اندمه لان تقرب مني ماکون انه مروا اذا ما خلیته هوا یجعني علیهم ندمان
صالح : انه الشیخ صالح عمري ٣٨ سنه تحملت المسولیه من عمر ازغیر بعد وفات والدي الله ایرحمه مو بس مسٶلیت عشیر لا وانما مسٶلیت بیت واخوان وکبرت هاي المسولیه من تزوجت بت عمي حسب وصیت ابوي بعمر ٢٠ سنه طبعا ماکان زواج عن حب بس الصراحه هیه ماقصرت بحقي یوم ولا جان کاصرهه شي حلوا وقایمه بواجبي واجب اهلي الحد مالله اخذ امانته وهیه تولد بالتٶم المله حیاتي بعدهه سما وعلي ومن ذاک الوکت قررت بعد ما اتزوج رغم الحاح امي وخواتي والکل ویاهو الیجي یهدیلي مرا بس ارفض ولتهیت بمشاغل العشیرا والبیت لحد ما اجه الیوم النبض کلبي بي الاول مرا لمحتهه لمح بذاک الیوم طلعت من البیت معصب لان امي کلت راسي بالزواج وانه بالطریق شفت سیاره واکفه من اتقربت لمحتهه شلون تتحرک بترافه وعفویه وتتافٸف وتعدل بشالهه صدک تخردلت وهتز کیاني ومنطلعت من السیاره واجت عیني بعینهه بذیج اللحضه صار ملکي نقطة راس سطر .
يتبع