الشيخ جلال وساره

البارت 15

روايات وقصص عراقيه واقعيه

ساره : عمه مروا طلعت اتجنن بس ناقصهه شي واحد الابتسامه الي ماشفتهه عله اشفافهه من یوم الخطبهه صالح افف الله یسعدهه نشالله ویطلع مثل ما تتمنه الیوم لبست فستان محجبات کلوشه کلش حلو لون وردي وشال خلیت ایلینر وحمرا وردي بس
اجه عماد اخوي اخذنه من الصالون من وصلنه البیت جدو هواي زلم بالباب رغم دخلنه بالسیاره جان اکو شال عندي خفیف خلیته عله وجهي لا یمتني ها المرا شفته واکف لابس دشداشه بیجي وغترا والسبحه بیده وانه امشي طکیتلي صفنه عله هیبته فدیته وما احس غیر نخزرت وین عرفني دخلت ادرعم ارید اندل الباب دخلنه مروا حضنتهه بیبي واول مرا اشوفهه مقهورا بس مروا مانطتهه اي ردت فعل واصلن هاذ حالهه الامه کایمه رکص وخبصه وهية تکول بعالم ثاني لحد ما کالو اجتي الزفه کمزت ولزمت ایدي بقوا بالکوا وترجف بالکوا هدیته وترکتني لان لازم اجهز نفسي راح اروح ویاهه هیج العادات عدنه اروح وي العروسه ونرجع ورا العشه جهزت نفسي شوي ودخلت النسوان خبصو الجو شوي ودخل وراهم جدو و العریس وهنا الصدمه 😨 خیبل شخصیه وهیبه ولابس عربي والله من سمعت بکد مو علاء ماتوقعته هیج والله لما مروش عروس جان سحلتهه هنا وفوکاهه انه ابجي ویاهه عبالي شایب بس انه جان لازم اتوقع شیخصیته هیج لان صدیق جلال کید صاك مثله 😁 بس قهرني جدو شلون حضنهه 😭 قبل لا یسلمهه الصالح باس راسهه ولزم ایدهه وطلعو واحنه وراهم صعدنه بغیر سیاره وانه طبعا مغطیه وجهي لان غادیه خبصه بالباب وجلال بس یخوزر بس شکل علاقته قویه وي صالح

مروا : اصعب لحضه لمه تودع جزء جبیر من حیاتک جزء عشت بي طفولتک وشبابک فرحک وحزنك والبیت العشت اجمل لاحضات حیاتک ولاسٶ انو تودع اهلک وتشوف الدموع بعیونهم وتحس انو بعد الیوم ماراح تکون جزء من حیاتهم کل بنیه تحلم بفارس الاحلام والیوم راح تبدي بي حیات خاصه بیهه بس من توصل لهاي لحضه التطلع بي من بیت اهلهه تتمنه تتراجع لان بیت الابو هوا بیت العز والدلا ومستحل احد ایحن عل ابنیه اکثر من ابوهه

ولاصعب من کل هاذ ادموع ابوي وانه اشوفهه تلالي بعیونه وهوا یسلمني لصالح ماتحملت حضنته رغم زعلي من وبجیت بحضنه وکل عتب علیهه باس راسي وسلمني الصالح بعد ما بارکلهه ومن هاي الحضه انتهت حیاتي بهاذ البیت وجمد کلشي بداخي من شعور وحته ادموعي نشفت وجمدت عله عیني وماصرت احس باي شي غیر الغضب والکرهت الحیاتي اي کرهت حیاتي بالحضه الخطت رجلي من باب بیتنه و غضب عله کل واحد وافق عله زواجي

وصلنه للسیاره وتبارکله جلال وباس راسي صعدني بسیارته بالصدر وهو یسوق ومحد صعد ویانه غریب

صالح : مارح اجذب جنت سعید بهاذ الیوم رغم اعرف الضلم الي المسببه المروا بس مو بیدي انه اهواهه ومن اول لحضه شفتهه بیهه الله یحنن کلبهه علي خلصت الیوم بین الشغل والتجهیزات لان الامه العربیه نکلبت علیه کلهه شیوخ لحد الزفه اکثر شي فرحني شلون ابني یروکض ویاي واکف وي ابوي بعرسه هه حته بالبس ساعدني الله یخلي الي هوا وخته بسته من راسه وطلعنه وصلت البیتهم وستقبلونه احسن استقبال وخاصه جلال هذ اخوي وعضیدي بالکوا دخلت للبیت ویاریت مادخلت نعصر کلبي علیهه شلون تبجي بحضن بوهه ومبین اعلیهه القهر خلاهه بیدي احس ملکت الدنیه کلهه بهاي الحضه رغم برودهه وحته ما تمسکت بیدي مثلي وطول الطریق هیه ساکته وجامده حته نفسهه ما اسمعه تمنیت اشوفهه شلون طالعه وحته ما خلیت احد یصعد