فضلا وليس أمراا حطو نجمه ⭐ وعلقوو عل فقرات شاركو القصه حته تكبر عائلتنه ولتنسون التصويت ⭐
،،،،،،،....
هبه : اجوي بيت عمي وتفقو ويه اهلي عرسنه بعد ١٥ يوم
ختنكت خنك من سمعت ركضت للغرفه
وبجيت دم كلبي ابجي ومادري
ليش وشنو الجديد بالموضوع
،،،،،
اني اعرف احنه بهل شهور نزوج وحته ماكدر اعترض هم راح يسالوني ويكلولي ليش غيرتي رايج وماعندي سبب مقنع
اكثر شي ماثر بيه وقاهرني شلون راح اقطع علاقتي بنور صحيح جنت اتوسل بي يعوفني وماخليت كلمه ماكتلهيا
ومابينت كدامه ولا ضعفت
ضليت مثل مااني اول مره
من تراسلنه
بس اني مشاعري غير شي اريد اليوم يخلص حته اروح احجي ويا مرت شهور واني كل يوم
حبي اله يكبر بس
مبينتله مستحيل
لان نهاية هذا الحب محكوم
عليها تنتهي بيوم من الايام
،،،
هو بامريكا واني مخطوبه
.......
ضليت ابجي واضم دموعي من اهلي اجه ليل ورحت لفراشي واني مرعوبه شلون راح اكله وشنو ردت فعله
متت خوف سلمت عليه
وكتله
تخبل يمكن لواني كدامه جان ملخني تهستر غلط ومسبه عليه وعله اهلي واني بس ابجي
ماعرف شكول كالي
يحبني طرت من الفرح يعني هم
يحبني مو بس اني احبه ماطول كام يحبني يعني مراح ياذيني او يفضحني بس فرحتي بيها غصه
وعمر شلون وعرسي الي ماضله شي كال
راح يجي للعراق يكول يخطفني فرحت لهل درجه تحبني
بس نقهرت عليه حيل نفعل خطيه وشبعني غلط ومسبه
صار عشر ايام يركض عل مكاتب
حته يحجز ماكو طيران
اله بعد عشرين يوم يعني بعد
عرسي بخمس ايام
باليل يرجع يعاركني يفش حركت
كلبه بيه كل يوم يقهرني ويبجيني
بيوم من الفجر
كبت العيطه بيت عمي
همه بيتهم قريب عله بيتنه طلعنه
نركض مثل المخابيل دنشوف
شكو وصلنه
عمي واكع بالكاع يبجي ومرت عمي تملخ بروحها وخوات عمر واخو حميد يبجون
،،،،،،
يمعودين شكو صاحت مرت عمي
عمر ستشهد
شتريدن مني اني وكعت بالكاع ودموعي شلال
قبل ليكون خطيبي هو ابن عمي
ومتربين سوه ومايوم جرحني بكلمه بالعكس هو الي جابلي الموبايل وهو الي قنع اهلي عل موبايل جانو رافضين
......
اجتي مرت عمي حضنتني وهيه تبجي واني أبجي تكلي
مالحك يفرح بيج ولا لحك يزوجج
جان يحبج وامنيته من الحياه تزوجون
نوب اني اسمع حجيها نوب اتكطع من داخلي تكطع
واني خنتك سامحني التمت الناس واهلي وكالو شهيد وحرام البجي عليه
نصبو الفاتحه
جابو جثت عمر كطعنه نفسنه
تكطع
كلما اتذكر نور والمراسلات ويا اكره نفسي واتمنه لو ميته جان احسن دفنوو عمر وكملنه الفاتحه اني مفاركت بيت عمي مجلبين بيه عبالك يشوفون عمر من يشوفوني
خلصت الفاتحه
حميد ابن عمي صاحلي تعاي هبه
اجيت كال عمر قبل ميستشهد
جان كاتبلج رساله بس مادزها
الج دزها الي وكالي اذا
ستشهدت دزها لهبه
،،،،
تفاجات ياترى شكاتب بالرساله
وليش مدزها الي
حميد وين موبايلج راح ادزها عل
مازنجر روحي قريها
هبه : مادري بموبايلي راح اروح ادوره بالبيت طلعت ركض من بيت عمي دخلت بيتنه
ادور عل موبايل بالمطبخ ماكو بكل البيت دورته ماكو اخر شي
اجيت عل فراش مالي مصفط
ها حطيته هنا من يوم خبر
موت عمر
فتحت الموبايل
لكيت نور داك عليه اكثر من ميتين مره رسايل ومخابرات
باوعت عله رسايله بحقد كله
من وراك تجاهلته ومارديت
عليه
وصلتني رساله من موبايل
عمر الي يم حميد قريت اول سطرين من الصدمه وكعت بالكاع وبكل حرف اقرى اشهك ندم
طلع جان يحبني من أحنه اطفال
،،،،،،
راح ارجع وياكم بالقصه من البدايه
من جنه اطفال طفولتي عاديه بس مثل مكتلكم قبل كلها تصيح هبه لعمر
من كملت سادس بتدائي بطلوني
من المدرسه كالو عمي وعمر ميرضون تكمل
بوكتها حقدت عله عمر حقد ضليت سنه ماسلم عليه تجنبه واختل من يجي ماخلي يشوفني
عمر جان اكبر مني بخمس سنوات يكولون اني اول ماامي ولدتني ابويه شالني بالكماط وحطني بحضن عمر وكله هاي الك من تكبرون
،،،،،
مرت الايام وكبرنه صرت بعمر
خمس طعش عمي جاب السيد وعقدنه
بس بيت عمي جانو يبنون بيتهم كالو شوكت منكمل نزوجكم بس بيت عمي بنيان بيتهم طول اكثر
من سنتين
جان يجينه عمر اصلا همه بيت عمي جيرانه وكل النهار يمنه
عمر جان جامد تصرفاته وياي حته يجنب يباوعلي استغرب
وكول يجوز ميريدني وابو جابره عليه امي تكول الحب يجي بعد الزواج
بس جنت الاحض عصبيته من يجون بيت عمي من بغداد وننجمع كلنه ويصير شقانه وضحكنه بفلس اني وبنات
عمي خوات عمر ولد عمي
الاخ يكوم عمر يحوس لازم
يسوي مشكله وياهم ويتعارك
،،،،،،،
مرت الايام وصار عمري ١٧وعمر ٢٢وماضل شي لبيت عمي
ويخلصون بنيان
عمي كال خلي نسويلهم خطوبه
ويلبسون الحلقات وبعد كم شهر نزوجهم بنت اخويه ماريد ينقصها شي اريدها تفرح مثل باقي البنات
يمكن عمي نتبه عله علاقتي
اني وعمر فعمي حب ينبهنه
تره انتو مخطوبين ويقوي
علاقتنه
صار يوم الخطوبه
رحت للصالون جنت مااجره بدله لونها احمر غامق تجنن
سوتلي تسريحه نازكه ومكياج
طلعت افلش
أجه عمر حته ياخذني للبيت دخل
لصالون اني واكفه بالبدله يم باب الصالون حته نطلع
اجه عمر باوع بنضره كلها حنيه
وبتسامه خفيفه تقرب عليه
باسني من راسي ومحجه
شي
طلعنه رحنه للبيت
جانو جايبين ديجي وعصير وكيك والجوارين ملتمين جانت حفله حلوه وبسيطه
عمر كاعد بصفي وجامد لاحجايه لا يلزم ايدي مثل باقي المخطوبين
مرت عمي
كالت جيبو الذهب جيبو
الحقات حته يلبسها كالتلي
شو عمه سويلي مكان حته
اكعد يمج
جنه كاعدين عله قنفه مو كراسي عمتي نحشكت وتدفع بيه اني
نحشكت بعمر
صرت بحضنه
رتبك صاحن عليه خواتي وبنات عمي هاي مرتك ليش هيج خجلان
بس هو احسه حيل رتبك وكام
يعرك من تقربت عليه كلها
يمه جيبي الذهب وفضيها عاد
لزم ايدي لبسني الحلقه بس
ايده ترجف
اضحك بيني وبين نفسي جان خايف ومرتبك اكثر مني اكول هذا شلون راح يدبرها بالعرس ههههههه
لبسنه الحلقات اخته نطته الكلاده الذهب يلبسني اني محشوكه بي المكان ضيج نداريت عليه لبسني
حطها عله ركبتي تقربت عليه
حته يقفل الزنجيل جنه هنا
ثنينه نرجف ونفسنه يصعد
وينزل بس
حسيت
بي شم عطري غمض عينه لو باقين شويه نوب يمكن جان اخذني بحضنه
راساوخرني وكام وكف ديطلع
جلبن بي خوتي وخواته وامه
وين تريد .......؟
بعد تقطعون
الكيك
كلهن الخاطر الله عوفني خلي اطلع
كاله ماكو طلعه
قطعنه الكيك وهو واكف ميريد يكعد ولا يريد يباوع عليه طلع يركض
وخلصت الحفله
ومرت الايام وتعرفت عله نور
وعمر ستشهد واني جاي اقره
الرساله الكاتبها الي
كل سطر
اقرى من الرساله احس خنجر ينطعن بكلبي
واستحقر نفسي
ألوم بنفسي شلون عرفت
نور واني عله ذمت رجال
وطلع هلكد يحبني
تمنيت
لو مقاريه الرساله لو مكاتبها ومشايفتها عذاب الضمير موتني نفسيتي دمرت
كل
يوم يشيلوني للمستشفى لا اكل ولا اشرب وطول
النهار واليل ابجي اقسى
عذاب ممكن يواجهه الانسان
هو عذاب الضمير
حقدت عله نفسي وعله نور
صار
شهرين عله وفاة عمر
مااعرف شي عله نور اجه
للعراق لو بعده
ولا افتح
الموبايل ولا اقره الرسايل
حته مااضعف كدام مشاعري
،،،،،،،
فضلا وليس أمراا حطو نجمه ⭐ وعلقوو عل فقرات شاركو القصه حته تكبر عائلتنه
يوزر الانستا h_sa22.33