حبي الاول والاخير

حبي الاول والاخير البارت ٧

فضلا وليس أمراا حطو نجمه ⭐ وعلقوو عل فقرات شاركو القصه حته تكبر عائلتنه ولتنسون التصويت ⭐
،،،،،
# الكاتبه هدى سامي

هبه : مهما حجيت مراح
تفهمني بس راح ادزلك
الرساله الي جان كاتبلياها
عمر قبل ميستشهد من
تقراها راح تكره نفسك
وراح تعذرني

نور : انتضر دزيه وصلت الرساله

_(من عمر الى حب حياتي هبه )

نور : من قريت العنوان ماردت
اكمل من غيرتي عله هبه
بس الفضول خلاني اكمل
اريد اعرف شلون جانت
علاقته ويه حبيبتي هبه

_(عمر الى حبي الاول والاخير وحب طفولتي وشبابي ومستقبلي
ان بقية على قيد الحياه )

حبيبتي اكتبلج هاي الرساله
واني الموت محاوطني من
كل مكان وباي لحضه اموت
كل الدنيا وملذاتها مهامتني
اذا متت الي يهمي هو فراقج حبيبتي راح اموت قبل
مااعترفلج بحبي وقبل
متصيرين مرتي وحلالي
واعوض سنين حبي الخفي 
حبيتج بالسر وما يوم حسستج
بحبي جنتي وراح تبقين
بعيني طاهره عفيفه ماردت
حبي يدنس عفتج وطهارتج
واني ادري انتي راح تصيرين
مرتي واني عاقد عليج بس
جنت احاول احافض عليج
حته من النضره خاف تجرحج
ولهذا جنت اتجنب اباوعلج
خاف نضرتي تفضح مشاعري
ردت احافض عليج ليوم
عرسنه واعترفلج بكلشي
بكلبي وجنت احلم اعيش
وياج احلى ايام واخليج
اسعد وحده بالعالم وهسه
الموت باي لحضه يخطف
روحي ماندمت عله شي
بحياتي عله كد ماندمت ليش
كل هل سنين ليش ماعترفتلج
بحبي وعشت وياج قصة
حب وخليتج تحبيني ليش
مازوجتج قبل هل وقت الندم
جاي ياكلني بس بعد ميفيد
اكيد انتي تقرين ومستغربه
بس اريدج تعرفين من شوكت
اني حبيتج

جنت طفل بعمر
الخمس سنوات امج جابتج

عمي جابج بالكماط وحطج
بحضني وكال هاي الك من
تكبرون بوقتها مافهمت كلامه
بس الي فهمته انتي الي
مالتي

ضليت اباوع عليج وانتي بحضني ضليت كل النهار حاطج بحضني
وماارضه انطيج لحد

أكلهم عمي كال هاي الي مالتي

أمج تاخذج مني كوه ترضعج
وترجع تحطج بحضني ضليت
كل يوم بس شايلج

مرت عمي مكيفه حته تكمل شغلها
واني حته لعب ويه الجهال
كمت ماالعب

كبرتي شويه كمت اخاف عليج من كلشي اني وياج وين متلعبين ومن

احد من الجهال يتعارك وياج
لو ياخذ منج شي جنتي تركضين عليه وتستنجدين بيه

جنت احس اني البطل
الخارق الي ينقذ حبيبته

وكبرتي ودخلتي المدرسه
وصرتي بصف سادس بتدائي

ومرت الايام وانتي تكبرين
كدام عيني ويكبر حبي وياج
بس كمتي تبتعدين عني يمكن
لان اني غيرت تعاملي وياج