مساء الخير ..
صوتو. عل فقرات طلبا وليس امرااا
،،،،،،،،
بطلة قصتنه هبه عمري
١٧سنه
مخطوبه لابن عمي عمر
شكلي حلوه يعني مراح احمد
بجمالي وكول اني واني بس اكللكم بنت عراقيه عاديه والجمال العراقي معروف عله مر التاريخ طولي زين لا قصيره ولا طويله جسمي رشيق بياضي مقبول يعني مو سمره ولا بيضه ثلج عيوني يكولون حلوات ماعرف رموشي طوال حلكي زغير محجبه الحمد لله متدينه الى حدا ما
بطل قصتنه اسمه نور الدين
عراقي عايش باامريكا محصل لجوء شكله مقبول وسيم مو طويل حيل وشويه مليان يعني مو رشيق بس جسمه مقبول ملامحه عاديه
هبه اني مثل كل البنات عندي موبايل واهلي منطيني ثقه
واني كد هاي الثقه مايوم حجيت ويه ولد ولا عندي علاقات ومحافضه عله نفسي الحمد لله
بس مشتركه بكروبات واكو
كروب من هذني الكروبات
كلنه مشتركين بي هوايه
من اقربائنا وجيرنه والمنطقه
مالتنه كلها لان هذا الكروب
كروب المنطقه بس اني تواصلي
حيل قليل خواتي مزوجات
واني البنت الوحيده الي بالبيت وشايله شغل البيت كله ادخل باوقات فراغي اكلب بالكروبات من يعجبني شي اعلق وانطي اعجاب
هذا الكروب الي كلنه مشتركين
بي نشرت يمكن تلث مرات
بي مره دعاء ومره قصه
ومره بنيه زغيره تقره بكتاب ومكتوب عل صوره احلامها
تختلف عن احلام باقي البنات عجبتني ونزلته لان اني جنت
اتمنه اكمل دراسه بس عمر
وبيت عمي ماقبلو واهلي
بطلوني من خلصة سادس
بتدائي المهم...
اني جنت حاطه صوره عل فيس بوك صورة بنيه محجبه حلوه وهادئه والاسم هبه علي ويمكن هذا الشي الي جان يجذب الشباب لصفحتي يمكن عبالهم صورتي الحقيقيه واسمي الحقيقي اني مسويه صفحتي خاصه مو عامه يعني مستحيل احد يراسلني اذا مااوافق عل مراسله بس الكاهم دازيلي بطلبات المراسله الي هيه
منتضره الموافقه مني حته
تصير مراسله اني متعوده كل
يوم ادخل عله طلبات المراسله اشوف الرسايل الي دازيها واضل بيني وبين نفسي احشش عليهم
واضحك واسويي واثقين هوايه راح ارد عليكم هذا الي حسابه بااسم ابن امه اموت ضحك ابن امك شجابك يمي وهذا الي
يتغزل اشكال اشكال الگة
بس لفت انتباهي واحد ويانه بالكروب مال المنطقه اسمه نور الدين هذا جان ينزل منشورات تعجبني انطي اعجاب ومرات اعلق مرات لاء بعد فتره كام
يتعقب تعليقاتي لو يحطلي اعجاب يعني شفت تعليقج
لو حاطلي اغضبني من اعلق عله احد ويردلي بمجامله ماهتميت ولا عبرته
بعد فتره كام يتجاوز بالتعليق عله تعليقي يعني مره ناشرين صورت عجوز كتلهم هاي بركه بالبيت لكيته معلق يكلي يعني انتي زغيره أنتي هم عجوز بس هوه
يريد يستفزني يريد يحجيني حطيتله اضحكني عله تعليقه وتجاهلت كلامه مره نزلت منشور بيوم الجمعه لكيته كاتبلي جمعه مباركه رديت عليه مباركه عل جميع لكيته راد عليه طلع عندج لسان عبالي خرسه حطيت اضحكني عله تعليقه
جنت لو اتجاهل تعليقه لو اخذها بالشقه أحط اعجاب لو اضحكني
بهذا الحجي شهور تعدي وهو
كل يوم عل خاص بطلبات
المراسله ألاكي مراسلني ويتوسل بس احجي وياج واني اتجاهله كاتبلي ليش تجاهليني اترجاج جاوبيني لو كاتبلي متكبره يامغروره سكوتج راح يجلطني وكل يوم ألاكي كاتبلي شكل كاتبلي نزلت نفسي الج بما فيه
الكفايه هاي اخر رساله انتي متستاهلين ويغيب كم يوم ميرسل ويرد مره ثانيه يتوسل
يكتبلي أنتي ماعندج رحمه بكلبج
مره كاتبلي من اشوفج افقد وربي مره كاتبلي بداعت امج جاوبيني مره كاتبلي ليش هيج سوين بيه
ادري بيج جاي تقرين رسايلي
ليش مابكلبج رحمه والصراحه
اني بالاول مجنت اعرف هو
من يرسل واشوفها راح يعرف
عبالي ميدري من كال جاي
تقرين رسايلي ياله عرفت
بس الله شاهد اني ممعبرته ومجاهلته تماما حته منشوراته
كمت مانطيها عجاب
بس شكد تفاعلي بالكروب قليل
نادر مااعلق عله احد الگا متعقب تعليقي وينطيني اغضبني صار عندي فضول شهل ملحه صار شهور وهو مجاز كمت ادخل اقره رسالته واطلع وهو مسح بكرامته
الكاع حته بس ارد عليه سحل نفسه سحل
بيوم دخلت عله طلبات المراسله
لكيته دازلي رساله دخلت لكيت ماخذ صوره لصفحتي بيها صورة الملف الشخصي وكاتبلي
اذا ماجاوبتي عليه راح انشر صفحتج بالكروب واكول هاي حبيبتي
هنا نصدمت جانت نص ليل جنت مدده بفراشي كعدت عله حيلي كاتبلي راح أنطيج مجال الباجر مثل هذا الوقت تفكرين باجر
مثل هسه اذا مارديتي عليه متلومين غير نفسج
أني مصدومه مجاي أستوعب شلون اذا سواها ونشرها غير فضيحتي تصير عله كل السان وتعال جيب الي يبريني الناس
بس تريدلها شي جلب بي شلون شراح اسوي اهلي راح ينفضحون واخوتي واحنه طول عمرنه محافضين عله سمعتنه ومايوم احد جاب طارينه بشي موزين
ضليت كل اليل واني الدنيا
صارت ازغر من زرف الابره
بعيني والافكار جيبني وتوديني شلون يربي بهل مصيبه ياربي نجيني انته تدري اني مضلومه بس اذا سواها منو يصدكني هاي وين جانتلي تجيك التهايم وانته
نايم
طلع الصبح واني كاعده كمت واني هموم الدنيا فوك راسي سويت ريوك ونضفت وراها
سويت غده وعشه ولا حطيت لكمت اكل بحلكي أني بيا حال اجيبها منا اردها منا ماكو حل لا اكدر اكول لأخوتي ولا لعمر محد راح يصدكني واذا صدكوني
حتمال واحد بالميه يصدكون
راح ياخذون الموبايل مني
واني ونستي الوحيده والي نفس عن نفسي بي هو الموبايل طلعه مااطلع عله أحد صديقات ماعندي
راحتي الوحيده باوقات فراغي الموبايل شلون اذا اخذو مني ونضرتهم الي راح تتغير حته اذا عرفو اني بريئه صار اليل كمت اتمنه الساعه متمشي اتمنه الزم
عقارب الساعه باايدي حته
متمشي جنت اسمعها بااذني من تكول تك تك تك
فرشت ومددت بفراشي بعد ما الكل نام وخلصت شغل البيت
اشيل الموبايل واذبه وخايفه شلون هسه شسوي دخلت عله طلبات المراسله لكيته مراسلني
ها فكرتي.....
مهلتج راح تخلص تره
والكعبه اسويها .....اذا مارديتي
وكل شويه كاتبلي شي لعب بااعصابي ادري بيج جاي تقرين من تصير ساعه وحده وانتي ممجاوبتني لتلوميني بعد واني اباوع عل ساعه وارجف لعب
بعصابي باقيلج
نص ساعه .....
باقيلج ربع ساعه....
باقيلج خمس دقايق......
باقيلج دقيقه.......
اكتبولي رايكم بالقصه ولتنسون التصويت ⭐⭐⭐⭐
......
اعزائي لاتنسون التصويت بالنجمة
+التعليق بين الفقرات شكد متكدرون
+متابعة حسابي وشكرا الكم 🌹🌟
وشكرا لكم على القراءة ❤️🌺
ولا تنسون التصويت بالنجمه
+متابعة حسابي +تعليق
يوزر الانستا h_sa22.33