كواكب.

البارت الأول

البارت الاول..
هما لايمكن أن يجتمعان فهل من الممكن أن تجمع أقصي اليمين بأقصي الشمال.
هما ليسوا وجهين لعمله واحده..فالعملات مختلفه من الأساس.
المسافه بينهم كالمسافه بين كوكب عطارد وكوكب بلوتو.
فهل من الممكن أن يجتمعوا..علي كوكب واحد؟؟🙄
...............
في حي من أحياء مصر الشعبيه المسمي.
بي(ميت عقبه)
الساعه العاشره مساءآ
حاله من الهرج والمرج صوت عالي..عراك
ضرب وفجأه أتحول الشارع لساحه كبيره كأنه مسرح يعرض عليه مشهد تمثيلي أعتاد الجميع عليه كل يوم تقريبا🧐
وبسرعه حضرت الشرطه اخذت الجميع
...........
داخل قسم العجوزه.
خبط الباب.
نادر...أدخل
العسكري...نادر باشا أستاذ عمر بره
نادر...خليه يدخل بسرعه وهاتلنا أتنين قهوه مظبوط.
العسكري...تحت أمرك يا أفندم..
ثواني ودخل عمر
عمر...باشا مصر.
نادر...دكتور عمر تواضع وجالي مكتبي بنفسه🤨
عمر..بضحك وحيات أمك علي اساس اني أول مره أجيلك مكتبك
نادر...لا يا سيدي علي اساس أنك بقالك كتير معبرتنيش و جتلي هنا انت وسليم
عمر...ما انت عارف الشغل والعياده مبتفضاش وأديني خلصت بدري اهو وقولت اعدي عليك اشرب معاك قهوه.
نادر...القهوه جايه حالا .صحيح سليم مجاش معاك ليه.
عمر...أنا سبته في العياده عنده شغل لسه.
نادر...بضحك واكلبنها والعه انتوا واحد دكتور نساء والتاني دكتور أطفال ده انتوا الرجاله بتدعي عليكم دعا😂😂
عمر...🤨أعوذ بالله اهي عينك دي اللي هتجيبنا الارض.تعالب يا اخويا أرحمنب واشتغل بدالي او بدال سليم اللي العيال الصغيره كلوا دماغه.
نادر...بضحك لا سليم لا انا ناقص جنان وشغل عيال بس ممكن أفكر واجي اشتغل مكانك حلو برده الشغل مع الستات😉
عمر...لا ياراجل تصدق لما اروح هقول لفيروز واخليها ترمي الشبكه في وشك
نادر...لا والنبي كله إلا فيروز هي أصلا مش طيقاني خلقه.
عنر...ما انا جايلك عشان كده.
نادر...هي حكتلك حاجه قول قول ما انتوا اخوات واكيد جاي تسمعني كلمتين😏
عمر...لا والله خالص انت عارف فيروز مش بتحكي اي حاجه تخص حياتها الشخصيه بس انا ملاحظ انها مضايقه فا خمنت يعني قولت اكيد متخانقين.
نادر...مش متخانقين بالمعني يعني بس هي قافشه عليا يا عمر عشان مش عارف أفضي خالص ولا عارف أجيلكم ولا عارف اشوفها ونخرج انت عارف ظروف شغلي ياعمر والله غصب عني انا مبفضاش خالص وبرجع بليل مش شايف أدامي و الفتره دي عندي نبطشيه بليل وجول النهار بكون نايم..
عمر .عارف يا نادر بس انت عارف الستات كلهم كده بيحبوا اللي يخلقلهم وقت عشان يحسوا أننا مهتمين بيهم وانت عارف فيروز بتحبك أ ايه يا صاحبي واكيد حقها تشوفك وتحس انك موجود.
نادر...عارف والله ويمكن انا فعلا مقصر جدآ لا عارف أجيلها ولا عارف أخرج معاها حتي الحظ معاندني انا وهي في الكلام عالموبايل كل ما تتصل بيا أقفل اول ما ألاقي في شغل بس هي لازم تعرف كمان ان شغلي صعب و بيفرض عليا حجات غصب عني ولازم تتأقلم عشان لما نتجوز.
عمر...بس كمان يا نادر لازم تكون فيروز من ضمن إهتماماتك.
نادر...انت اللي بتقول كده يا صاحبي انت عارف ان فيروز أهم حد في حياتي ومقدرش أشوفها زعلانه
عمر...عارف يا نادر وعارف ان فيروز مهمه عندك انا اقصد من وجهه نظرها هي حاول حتي لو يوم تكون مخصصه ليها عشان يوم ما تغيب تديك عذرك.
نادر...في دي بقي عندك حق ان شاء الله بعد بكره أجازه هاجي اخدها ونخرج و هصالحها.
عمر....ربنا يطمني عليكم ويصلح حالكم يارب فين ياعم القهوه.
نادر....اه صحيح عي اتأخرت كده ليه.؟
وفجأه قبل ما ينادي علي العسكري.
سمعوا صوت حامد بره
عمر...ايه ده في ايه؟
نادر...مش عارف بس اكيد شغل🙈
الصوت ارتفع أكتر قام نادر يشوف في ايه.
فتح الباب شاف أدامه ناس كتير ولمح ولد عنده حوالي 16 سنه علي وشه دم .وباين عليه أنه مضروب وفي بنت ماسكه فيه من قميصه واعده توديه وتجيبه😂
والكل بيزعأ.
نادر...بصوت عالي باااااااس في أيه؟؟
أيه التهريج اللي بيحصل ده ؟
البنت...ألحقني يا باشا الواد ده ضربني
الولد....أنا ضربتك يا مفتريه إيش حال أن مكانش دمي سايح.
البنت...صدقني يا باشا أنا مجتش جمبه ده بيتبل عليا..ده كسر عضمؤ يا باشا.
نادر...بصدمه😳 من كدبها ..فين عضمك ده اللي اتكسر وكمل كلامه انتي اللي عملتي فيه كده.
الولد....ايوه والله هي يا بيه والناس دي كلها شاهده
ذكري...كداب يا باشا هو اللي ضربها وانا شاهده.
نادر...تعالي انت وهي ورايا وبص لذكري وانتي كمان تعالي ..
وانت يا عسكري أبعدلي الناس دي كلها من هنا مش ناقص قلبه دماغ.
العسكري...تمام يا أفندم
دخل نادر ودخل وراه التلاته.
اعد عالمكتب وهو بيرفع اكمام قميصه.
عمر...بصوت واطي بقول ايه هطير انا بقي وشوف شغلك.
نادر...بنفس الصوت لا خليك ده حوار أهبل هيخلص علي صلح أكيد.
عمر...تمام رجع بضهره لورا وهو باصص علي التلاته.
نادر...ها قولتولي بقي مين فيكم اللي ضرب التاني.
البنتين شاوروا عالوللد والولد شاور عليهم.
نادر...الللله .طيب في الحاله دي يبقي تترموا في الحجز والصبح تتعرضوا عالنيابه.
الولد...ياباشا نيابه ليه هو جنابك مش شايف اللي حاصل فيا؟ دي بتكدب والله وبعدين ماهي واقفه صاغ سليم ادامك يا باشا.

نادر...أسمك أيه يا أبني؟

أسمي أحمد و شهرتي حموءه الجن

نادر...حموءه الجن ماشي😏

وانتوا اسمكم ايه؟

ذكري...انا أسمي ذكري يا باشا وأبقي بنت خالتها.

نادر...وانتي....؟

بصت للسقف كأن الكلام مش ليها..

نادر...انتي يا بنتي أسمك ايه؟

أسمي اسمي 🙄كوكو.

نادر...نعم يا أختي؟

ابتسم عمر وهو كاتم ضحكته..

نادر..أسمك أيه يا بت؟😡

كوكو....ياباشا قولتلك أسمي كوكو لو مضايقك كوكو قولي يا كوكي عادي يعني يا باشا مشيي حالك بالأسم اللي يعجبك.

نادر ضرب عالمكتب بغضب..أحنا هنهزر فين بطاقتك يابت.؟

كوكو...مش معايا الوقت يا باشا سيباها في البيت🙄

نادر...وكمان ماشيه من غير بطاقه.

كوكو ..وانا أمشي بالبطاقه ليه يا باشا وانتوا ما سكني تحت بيتي..

نادر....لذكري أسمها ايه البت دي .

ذكري....🙄انا يا باشا.

نادر...امال أمي ما تنطقي.😡

ذكري...ماهي قالت لحضرتك يا باشا أسمها كوكو.

نادر...بتفهم...اه يعني هو ده أسمها الحقيقي.

ذكري...لا يا باشا ده اسم الدلع .

نادر...😳فقد عقله خالص انتوا عايزين تجننوني ما تنطقي يابت انتي وهي بدل ورحمه أبويا أرميكم في الحجز.

ذكري....انا مليش دعوه هي تقولك يا باشا..

نادر....أنت تعرفها يا لا

حموءه...ايوه يا باشا أعرفها دي بنت حتتي .

نادر...ماهو واضح علي وشك أنها بنت حتتك ؟أسمها ايه اخلص؟

بصلها حموءه بخوف.

حطت كوكو ايدها علي رقبتها وحركتها براحه...كأنها بتهدده هتقتله لو نطق😒😒🔪
😂

حموءه...بخوف وتهتهه في الكلام...اسمها اسم.ها ياباشا.

نادر....لا بقي افهم في ايه انتي وراكي ايه يابت.

بصت كوكو وراها...ورايا كنبه ياباشا.

نادر...وحيات امك.

ضحك عمر وخبي وشه بسرعه وهو مش قادر يمسك نفسه اكتر من كده..

نادر....انا بقي هعرفكم ان الله حق وعزه جلاله الله لا هرميكم في التخشيبه وهفضل سايبكم تحت مع المجرمين لحد ما تنطقوا ولو بطاقتك ماجتش حالا انا مش هخليكي تشوفي النور تاني..واضح انك خايفه تقولي اسمك شكلك عامله مصيبه وخايفه يكون اسمك موجود من ضمن المشتبه فيهم.

كوكو...ياباشا وربنا ابدا ده انا اغلب من الغلب مصيبه ايه بس اللي هعملها.ولو عالشلفطه اللي في وشه دي .ايوه ياباشا انا اللي ضربته وهبوس علي دماغه كمان ونتصالح والحوار خلص صح ياض يا حموءه😡😡🔪😒

حموءه...اااا ايوه خلااص يا باشا انا مسامحها.

نادر...لا والله بالسهوله دي طب تصدقوا بالله انا لو هبات معاكم هنا شهر ماهسيبكم غير لما اعرف ضربتيه ليه.
واسمك ايه وفين بطاقتك. وايه حكايتك

كوكو....ولا حكايه ولا حاجه يا باشا بصراحه بقي انا ضربته عشان ندالي بأسمي في الشارع يا باشا 🙄

نادر...لا والله هو اي حد بينادي عليكي بتضربيه.

كوكو....لا ياباشا لو كان قال كوكو كنت سكت..

نادر....اه يعني انتي معندكيش مشكله ان حد ينادي عليكي في الشارع بس المهم ميقولش اسمك الحقيقي يقول كوكو عادي. يدلعك يعني

كوكو...بابتسامه عليك نور يا باشا.

نادر...ضرب عالمكتب ارجعي ورا يابت هتجيبي بطاقتك ولا تترمي في الحجز.

كوكو...وهي هتعيط خلاص ياباشا بس اصل.

نادر...انجزززززي😡

حطت أيدها في شنطه صغيره معلقاها علي كتفها وطلعت البطاقه

نادر...يعني معاكي البطاقه اهي.

كوكو...طيب بص ياباشا انا هديهالك بس شوفها ورجعهالي علي طول ومتقولش أسمي بصوت عالي.😭

نادر...انتي بتتشرطي بروح امك اخلصي.😡

نفخت بغضب وهي بتمدله ايدها بالبطاقه وماسكه فيها جامد مش راضيه تسيبها

شدها من أيدها بغضب
وبص علي الاسم..وهو مصدوم😳😳

نادر....أسمك كواكب.

هنا عمر مقدرش يكتم ضحكته اكتر من كده وضحك بكل صوته ضحكه جذابه..

أبتسم نادر غصب عنه علي ضحك عمر وحاول يتمالك نفسه

كتمت ذكري ضحكها هي وحموءه واخيرا ركزت كوكو بغضب😡 في اللي كان أعد من بدري. وضحكته مسمعه المكتب كله.

فضل عمر يضحك ومش قادر يفصل لحد ما عينه دمعت.

عمر...اسف اسف ياجماعه افتكرت حاجه ورجع يضحك تاني بهستريا 😂😂

بصتله كوكو بغضب😡

كوكو...هو في حاجه يا حضرت

عمر...بضحك ابدا والله افتكرت حاجه بس.
اسف يا نادر كمل كمل
🤭🤭

نادر...اسمك كواكب عبد الحي

كوكو...ايوه با باشا هات البطاقه دي بقي.

نادر....ضربتيه عشان قال اسمك

ذكري ..اصلها يا باشا بتكره الأسم ده وبتتعصب لو حد نداها بيه وحموءه عارف كده يا باشا خلاها جايه من شغلها ندالها وقال ياكواكب مقدرتش تمسك نفسها راحت ضرباه بس وربنا ياباشا كواكب غلبانه..
بصتلها كوكو بغضب😡

ذكري...بخوف اقصد كوكو..🙄

نادر...بقي عامله بلطجيه ومربيه للكل الرعب عشان خاطر اسمك.

عمر...بابتسامه اتدخل في الحوار وبعدين ماله كواكب يعني ده اسم حلو اوي وجديد

بصتله كوكو بابتسامه اول مره تسمع حد بيشكر في اسمها من غير مايتريق.

نادر....انتي منين

كوكو...انا من ميت عقبه يا باشا.

نادر....ها وناوين علي ايه نفتح محضر ولا تتصالحوا ونخلص.

كوكو...بسرعه وهي بتاخد من ايده البطاقه لا لا يا باشا هنتصالح طبعا ده حموءه حبيبي
وانا هراضيه.

حموءه...نتصالح ايه واللي حصل فيا ده يا باشا

نادر...خلاص يبقي نفتح محضر او تتحطوا في التخشيبه لحد الصبح ما تتعرضوا علي النيابه.

عمر...ما خلاص يا حموءه هي قالت ه‍تراضيك وبعدين انت مش بتقول انها بنت حتتك في واحد جدع زيك كده يدخل بنت حتته الحجز مع المجرمين..

بصتله كوكو بأبتسامه.

حموءه...اللي تشوفه يا باشا خلاص نتصالح وربنا يسامحها بقي عاللي عملته فيا.

كوكو...من بين سنانها ماخلاص بقي يالا انت هتمثل

نادر....وهو كاتم ضحكته هو وعمر.
خلاص يلا اتكلوا علي الله وانتي لو شوفت وشك هنا تاني ولا ضربتي حد هرميكي في التخشيبه مفهوم.

كوكو...مفهوم يا باشا ده ولا عمرك هتشوفني معديه من ادام القسم حتي يلا سلام عليكم
خرجت كوكو وهي بتزأ حموءه علي بره ووراها ذكري.

وبمجرد...ما خرجت بص عمر ونادر لبعض وجاتلهم هستريه ضحك فضلوا يضحكوا لحد ما عيونهم دمعت

عمر...بضحك ايه دي ؟
نادر...اهي بلاوي كل يوم الواحد بيشوفها عشان توصي اختك عليا وتعرف اني معذور.

عمر...ده انا هتوسطلك عندها بنفسي 😂😂
بس بجد ايه دي دي مسخره انا مقدرتش امسك نفسي والله.

نادر...انا كنت ماسك نفسي بالعافيه والله 😂😂 بت مسخره بس شكلها غلبانه. قال
كواكب ايه الاسم ده ورجع تاني يضحك هو وعمر.

عمر...اهي اللقطه اللي حصلت دي عوضت التعب والارهاق بتاع اليوم والله.

نادر...ابقي تعالا كل يوم يا اخويا بصراحه انا بيورد عليا كل يوم مصايب بس المصيبه دي اول مره تتحدف عليا😂😂😂

عمر...بضحك تفتكر هتعمل مع الواد ايه.😂

نادر...اكيد هتخرج تكمل عليه بقولك ايه تعالي نبص عليهم من الشباك.

قام نادر وعمر وهما بيضحكوا وبصوا من شباك المكتب بتاع نادر كان دور اول لكن مش عالي اوي.
لمحوها خارجه والناس اللي معاهم وراها.

كوكو....مسكت حموؤه من قفاه بقي انا ياض تخليني اضطر اطلع بطاقتي للظابط وتخليه يعرف اسمي ده انت ليله ابوك سوده😡🔪

حموؤه...وانا مالي ياكوكو ماهو لما سألني عن اسمك مرضتش اتكلم.

لمحوا من بعيد ست جايه تجري لابسه عبايه سوده...وشكلها مامتها.

برهومه...بت يا كوكو في ايه؟ ايه اللي حصل

ذكري...مفيش يا خالتي ماهي زي القرد ادامك اهو انتي كنتي فين

برهومه...كنت عند خالتك ام شكري ببارك لبنتها عشان ولدت حصل ايه عملتلها ايه يا واد ياحموءه يا منيل انت.

حموءه...والله يا خالتي ماجيت جمبها

كوكو...ماهو كله بسببك وبسبب الاسم المهبب اللي سمتيهولي😡😡

برهومه...اخس عليكي بقي اسم كواكب مهبب يابت.🤔

ذكري...هنفضل واقفين كتير ادام المخروب ده تعالوا نكمل خناق في البيت

برهومه...علي قولك يا بت يا ذكري يلا يا كوكو.
كوكو...يلا 😒.

مشيوا من ادام القسم
وعمر ونادر فطسوا من الضحك
نادر...الله يخربيتها دي كارثه.

عمر...بضحك ادفع نص عمري واروح معاهم البيت اشوف هيحصل ايه😂😂😂.

نادر...هيحصل ايه يعني اكيد هتاكلهم😂😂😂 يلا تعالي اجيبلك قهوه بدل اللي بردت دي وتظبط مزاجك.

عمر...لا قهوه ايه انا يادوب اروح مش قادر خلاص عايز ارتاح وزمان كامليا هانم وشهاب باشا مستنيني عشان نتعشي سوا
ولو عالمزاج خلاص كواكب اقصد كوكو ظبطته😂😂.

نادر...ايوه كده اظبط بدل ما تسمعك وتخرج تلاقي عربيتك متدشدشه😂😂😂.

عمر...بضحك وعلي ايه ربنا يجعل كلامنا خفيف عليها يلا سلام.

نادر...بضحك سلام.
......................

في منزل بسيط جدا في منطقه ميت عقبه..
حاره بسيطه البيوت فيها ادام بعض بيت مكون من طابقين وباين عليه من الشروخ المحفوره فيه انه آيل للسقوط.
....
برهومه...أدخلي يا أخرت صبري ادخلي.
كوكو...الله ما براحه يا برهومه عملت ايه لكل ده
برهومه...عملك أسود ومهبب يابت كل يوم والتاني عامله فضايح وتضربي اللي رايح واللي جاي مسيحه للواد دمه وتقوليلي عملت ايه

كوكو...يستاهل ماهو اللي عايز يتربي😡
خرجت فالوقت ده جدتها علي الصوت..
جدتها كواكب اللي هي متسميه علي اسمها.

كواكب ..في ايه يا برهومه مالك بتشخطي في البت ليه

برهومه....مسيحه للواد حموءه دمه
كواكب....ضربت علي صدرها يا لهوي
برهومه...راجعه من عند ام شكري لقيت عم حماصه البقال بيقولي ان البوكس
خدها علي القسم جريت زي المجنونه علي هناك.
كواكب... عملك ايه الواد ده
ذكري...نادلها باسمها يا ستي في الشارع.

كواكب...وماله اسمك ياللي يتخفي حسك مش كفايه انه علي اسمي.🤔
كوكو...بقولك ايه يا ستي اسكتي والنبي احسن انا علي اخري كله منك انتي وامي .
ستك تصمم تسميكي كواكب وامك توافق وتيجي انتي امك تصمم تسمي امي برهومه وانتي توافقي وتيجي امي تولدني انتي تصممي تسميني علي اسمك وامي توافق ايه انتوا بتخلفوا عشان امهاتكم تسمي
برهومه...إذا كان عاجبك واعملي حسابك ان انا هسمي بنتك برهومه علي اسمي.

كوكو...نهار اسود يبقي مش متجوزه

كواكب...يابت وماله كواكب
برهومه..قوليلها يا اما والنبي احسن هتشلني.

كوكو...😡والنبي انا اللي هتشل بسببكم وبسببكم برده هبقي مشرفه في الاقسام علي طول...المهم عامله اكل ايه يا برهومه انا جعانه😒

برهومه...معملتش عندك مسقعه متبقيه من امبارح قومي سخنيلك رغيفين واطفحي .
كوكو...😒😒مسقعه واطفح ماشي نعديها بس ريغيفين ازاي يعني قومي يابت يا ذكري سخنيلي. شنطه العيش علي ما اروح اخد دش واخرج اصلي العشاء وادعي علي امي وستي شويه😒🔪
ضحكت ذكري...علي كوكو وقامت تسخن العيش.
برهومه....شوف البت وقلت ادبها.
كواكب...بضحك والنبي دمها عسل المنيله.
برهومه...بأبتسامه عسل اسود ومهبب البت سيحت دم الواد😂😂 وصراحه عندها حق ايه كواكب ده يا اما😂
كواكب..بضحك والنبي ما اعرف ستي الله يرحمها اللي سمتهولي

برهومه....الله يرحمها انا قايمه اصلي العشاء انا كمان..
كواكب...ماشي.
................
في أحد أحياء المهندسين الراقيه
وصل عمر أدام الڤيلا بتاعته ركن عربيته في جراچ الڤيلا ودخل.
عمر....مساء الخير
كامليا...اتأخرت ليه يا عمر
عمر...باس ايدها كاميليا هانم❣️
حقك عليا عديت علي نادر شويه
كامليا....هو عامل ايه واحشني الولد ده
عمر...الحمد لله بخير امال فين شهاب باشا وفيروز ومالك
كاميليا... شهاب في مكتبه ومالك وفيروز فوق في أوضهم مستنينك عشان نتعشي سوا
عمر....طيب هدخل اشوف الباشا لحد ما تحصروا الاكل عشان واقع من الجوع
كاميليا ...ماشي يا حبيبي وانا هروح انادي علي فيروز ومالك
عمر....تمام
......
دخل عمر علي والده المكتب.
عمر...شهاب باشا
شهاب...اهلاااا تعالي
ياعمر.
عمر...ايه الاخبار
شهاب...الحمد لله يا ابني ايه عامل ايه في شغلك
عمر...بتعب وهو بيرجع ضهره لورا .
كله تمام
شهاب....ايه مفيش حاجه كده ولا كده.
عمر...جرا ايه يا باشا هي كاميليا هانم نقلت عدوتها ليك ولا ايه دي حتي بقالها يومين تلاته مفاتحتنيش في الموضوع ده.
شهاب...فقدت فيك الامل يا شيخ
عمر...بضحك ياباااشا وهي بتفقد الامل خالص.دي مورهاش حاجه غير انها توريني صور بنات ومعندهاش غير كلمه عايزه افرح بيك.
شهاب...بيني وبينك حقها ياعمر اشحال يا ابني ان مكنتش اول فرحتنا.
عمر...كله بأوانه يا بابا وبعدين الموضوع ده عايز دراسه عشان منتغفلش يا باشا.
ضحك شهاب....لا في دي عندك حق😂😂
المهم بس مايكونش في حاجه كده ولا كده.
رفع عمر حواجبه...لا احنا جامدين اوي لا موأخذه يا باشا.
شهاب...بضحك يعني اقدر اقول هذا الشبل من ذاك الاسد
عمر...بضحك قولها وانت مطمن.
شهاب...امال ايه حكايتك بس ومتقوليش كله بأوانه لانب عارف ان كله بأوانه بس انت بقي عندك 34 سنه يا عمر ايه مفيش واحده لفتت نظرك او عجبتك.
عمر...ماهو ياريتها بالشكل يا باشا مكانس الواحد غلب..كل الحكايه ان زي ما تقول كده خايف😂
شهاب...خايف من ايه هو الجواز بيخوف يا واد
عمر...بضحك ما انت لو بتشغل دكتور نسا زيي وبتشوف الحالات اللي بتجيلي هتخاف.
اللي جايه متخانقه مع جوزها وعايزه تنزل البيبي واللي جايه ساحبه معاها يجي 3 عيال غير اللي في بطنها واللي جايه هي وجوزها بوزهم شبرين
اسكت والنبي يا حاج انت مش عارف حاجه.
شهاب....هو انت فاكر يا ابني ان الحياه كلها الوان الحياه يوم حلو ويوم مر يوم شقي وتعب ويوم راحه يوم ضحك ويوم دموع لو فضلت مستني الحياه اللي انت راسمها في خيالك دي يبقي عمرك ما هتفرحني بيك
عمر...لا طبعا عارف ان الدنيا مش الوان واكيد يعني هفرحك بيا يا باشا متقلقش.
شهاب...يارب يا دكتور عمر اشوفك احلي عريس في الدنيا مع بنت الحلال اللي تستاهلك وافرح بيك قبل ما اموت
عمر....بعد الشر عنك متقولش كده ان شاء الله هتشوف احفاد احفادك كمان
شهاب....احفاد احفادي قول بس اشوف عريس
عمر...هتشوف الحلو كله ان شاء الله يا حبيبي
شهاب...يارب يا ابني يلا تعالي نخرج عشان ناكل
عمر...يلا بينا.
خرجوا مع بعض الاكل كان جهز
فيروز...اهلا بالدكتور عمر
عمر...اهلا باحلي واجمل دكتوره تجميل في الدنيا كلها
عمر...انت ايه اللي اخرك كده
عمر..بأبتسامه وهو رافع حواجبه.كنت عند نادر
أختفت ابتسامتها بهدوء وبصت بعيد وهي بترجع شعرها ورا ودنها.
عمر...طبعا لا انتي حكيتي حاجه ولا هو حكي انا روحت من نفسي لما حسيت انك متغيره لاني توقعت انكم زعلانين مع بعض
نادر بيحبك وانتي عارفه كده كويس لازم تقدري ظروف شغله.
فيروز....ظروف شغله تخليه اكتر من شهر يا عمر معرفش عنه حاجه يادوب انا رجعت انا هنام انا فالشغل
عمر....عارف انها حاجه رخمه بس لو كنتي جيتي معايا و كنتي شوفتي الضغط اللي هو فيه كنتي عزرتيه انا كنت اعد معاه ومش عارف اتلم عليه وافتكر كوكو وبدأ يضحك ولو شوفتي اللي حصل انهارده والله ولا عمرك كنتي فتحتي بوئك معاه.😂
فيروز بضحك انت بتضحك علي ايه😂😂
عمر...بضحك فضل يحكيلها
فيروز بضحك...تصدق صعب عليا دي جننته 😂😂😂
عمر...انا جاي طول الطريق بضحك والله.

نزل مالك علي كلمه عمر.
مالك...بتضحك من غيري خيانه🤨
عمر....اه‍و الرخم شرف بتعمل ايه كل ده فوق انا واقع من الجوع
مالك...ما احنا مستنينك من بدري احنا كمان جت عالحبه بتوعي المهم قولي مين اللي ضحكك
عمر...تعالي الاول ناكل وبعدين احكيلك
مالك...اشطا يلا بينا
..........
اشوفكم في البارت التاني..😍