كواكب.

البارت الثامن والعشرون

البارت الثامن والعشرون...

كان حاسس عمر بالغيره من مغازلته لكوكو وكان غيران أكتر أنها بترد علي مالك وهو لا جه علي باله كذا مره يتصل من عنده و ياخد الموبايل و يكلمها لكن خاف انها متردش بعد كده علي مالك وهو بالنسباله همزه الوصل
بينه وبين كوكو..
..............
مالك...بضحك ياعم خلاص مش هتكلم معاها تاني و أبقي وريني بقي هتعرف اخبارها ازاي 😂😂
وقف عمر وكأنه أفتكر حاجه.
عمر....انا جاتلي فكره حلوه اوي😳
مالك عدل هدومه وقام فكره ايه.
عمر....الواد معاذ اخو سليم أيه رأيك لو طلبنا منه انه انها تشتغل
معاه في المطعم.
مالك...حلوه الفكره دي بس تشتغل أيه
عمر...مش عارف أي حاجه بس بعيد عن البهدله طبعا.
مالك....من كلامهم كوكو بتعمل اكل حلو طالعه لبرهومه ممكن تشتغل في المطبخ مع الشيفات
او تشتغل من ضمن فريق الحسابات او حتي تبقي ليها علاقه بالحجوزات والكلام ده
عمر.....حلو يبقي انا هكلم معاذ واطلب منه ودي هتبقي مهمتك تكلمها تقولها بما انك مش عايزه تشتغلي في الشركه تعرفها انك جايبلها شغلانه وهتقول انه صاحبك
مالك....بس سليم اوقات كتير بيروح لو شافته هتشك
عمر...مالكش دعوه انت بسليم انا
هفهمه كل حاجه.
مالك...اشطا كلمه كده و عرفني
اتصل عمر بمعاذ وفهمه كل حاجه.
معاذ....طبعا موافق ابعتهالي وهتكلم معاها عادي جدا مأنها واحده جايه بتسأل علي شغل ومتقلقش مش هبينلها أي حاجه بس للأسف في نقطه لازم اعرفهالك.
عمر...قول.
معاذ....انا مش محتاج اي حد في المطعم غير ويترات او مساعد شيف بس طبعا انت عارف لازم يكون عندها خبره وسبقلها الشغل في اي مكان 3 سنين
عمر....هي بصراحه مسبقلهاش الشغل كمساعد شيف بس صدقني هي بتعمل اكل كويس جدا والأهم من كل ده هي شاطره وذكيه جدا
يعني هتفهم الشغل في مدخ قليله جدا.
معاذ....عشان الحماس ده انا هستغني عن بند الخبره وهنشوف بس خليها تيجي
عمر...طيب تيجي امته
معاذ....لو عايز الوقت او اي وقت انهارده مفيش اي مانع.
عمر...طيب تمام انا هقول لمالك يكلمها ويتفق معاها بس متنساش يا معاذ انا مليش علاقه ولا تجيب اسمي خالص
معاذ....بضحك متقلقش ولا اعرفك
عمر....واطي زي اخوك😂
معاذ...الله مش انت اللي بتقول
عمر...ماشي ياعم يلا هخلي مالك يكلمها ولو تمام انهارده هديك خبر
معاذ...تمام مستنيك.
عمر....سلام.
معاذ....سلام.
.........
عمر...كله تمام كلمها بقي
مالك....تمام اسكت بقي خالص ويارب ترد
عمر...هترد ان شاء الله.
.........
اتصل مالك عليها من تاني
كانت كوكو ماشيه تلف في الشارع ومش قادره سمعت موبايلها من تاني طلعته وشافت أسم مالك رفعت حواجبها 🤨
وربنا يا مالك لو طلع عمر ماهعبرك تاني.وفتحت الخط وسكتت
مالك...بضحك ايه القطه كلت لسانك ماتقولي الو
كوكو...بابتسامه بصراحه قولت عمر وعامل انت وهو مقلب فيا
مالك....ماقولنا عيب متصغرناش بقي الله😒
كوكو...طب انجز عايز ايه في اليوم اللي مش باينله شمس ده.
مالك...تصدقي انا اللي غلطان اني سايب اللي ورايا وقاعد افكرلك في شغل وقولت افرحك.
كوكو ..بقولك ايه الله الغني عن الشغل اللي جاي من عندك
مالك...يابنتي افعمي بس متبقيش عامله زي القطر كده
كوكو....امممم أرغي
مالك....أرغي 😒 ماشي مضطر أستحملك خليها عليا
كوكو....ومضطر ليه ان شاء الله ده انا بصباع رجلي الصغير اجيب الشغل وانا حاطه رجل علي رجل😒😒
مالك...بضحك ايوه واخد بالي بأماره ما انتي قاعده تلفي علي شغل😒
كوكو...انت بتعايرني😳
مالك...بضحك لا بذلك بس...اسمعي بقي بجد
كوكو...قول يا أخرت صبري
مالك....بصي يا ستي بما انك مش راضيه تشتغلي في الشركه انا ليا واحد صاحبي اعرفه عنده مطعم
حلو وشيك جدا وكان قاللي من فتره انه محتاج موظفين
كوكو....حلو ده و سايبني ادور والف علي كعوب رجلي
مالك ...ماانا مكنتش فاكره خالص بس كان بيتكلم معايا من شويه وبيسأل عني افتكرته وسألته قولت يمكن خلاص مش محتاج قاللي انه فعلا محتاج موظفين
ايه رأيك تروحي
كوكو...انت لسه بتسأل اروح طبعا
مالك...طيب فاضيه امته.
كوكو....عندي بس كام صفقه شغل وكام شحنه مستنين في الميناء مستنين التصريح اخلص منهم وارد عليك😒😒😡😡هو ايه اللي فاضيه امته هو انا بعمل حاجه
مالك...كان ميت من الضحك ياستي براحه شويه اقصد يعني ممكن تكوني مشغوله
كوكو...لا مش مشغوله ولو ينفع انهارده قولي واوصفلي المكان وانا اروح عشان معطلكش.
مالك...ياستي ولا تعطليني ولا حاجه اهو كله بثوابه 🥴
كوكو...ربنا يخليك للغلابه اللي زيي😡😡
مالك....بضحك بقولك ايه عرفيني انتي فين وخليكي مكانك انا هاجي اخدك واروح معاكي.
كوكو...طيب تمام بس لو هعطلك بلاش انا هروح.
مالك...لا يا ستي مش هتعطليني ولا حاجه واهو بالمره اشوفك انتي وحش🙄😳😳
افتكر عمر اللي واقف قدامه وعينه بتطلع شرار.
مالك...بقولك ايه يلا انتي كده هتأخريني
كوكو...طيب مستنياك
مالك...سلام
كوكو...سلام.
.........
مالك لعمر ....الحق انا اروح بقي🙄
عمر...اهرب يا جبان استني بس اطمن انها اشتغلت و هنفخك يا مالك
مالك...بضحك سلام متنساش تكلم معاذ تعرفه اني رايحله
عمر....ماشي😡
......................
بعد وقت بسيط وصل مالك في العنوان اللي كوكو أدتهوله.
وبمجرد ما شافها كان فطسان من الضحك جوه العربيه وهي بصاله بغيظ.
كانت قاعده عالرصيف وحاطه شنطتها علي راسها من الشمس.
فتح أزاز الباب اللي جمبه يكلمها.
مالك....😂😂😂الله يسهلك يا حاجه.
كوكو...😡😡اه ما ليك حق تهزر وتتريق ما انت قاعد جوه التكييف ولا حاسس بالنار اللي انا فيها
مالك...طب والله انا كلمتك وجيت علي طول بس اعمل ايه الطريق زحمه.
كوكو....طريق ايه اللي زحمه ماهو ماشي قدامي اهو😡
مالك....ايه يا ابو دومه مالك بس
الشمس كلت دماغك ولا ايه هو مفيش غير الطريق اللي قدامك ده بس اللي باجي منه😂😂 
كوكو....بقولك ايه انا صدعت وهطلعه عليك
مالك...😂لا وعلي ايه يلا تعالي اركبي ولا عايزه حد يجي يشيلك
كوكو...وهي بتبرطم شالك قطر يابعيد ليك حق ما اللي ايده في المايه مش زي اللي ايده في النار
مالك...بضحك سامعك علي فكره😂😂
فتحت كوكو باب العربيه وركبت
و سندت راسها وهي مستمتعه بالجو جوه العربيه.
اقفل بسرعه الازاز ده🥴
قفل مالك الأزاز وبصلها بأبتسامه طب وربنا وحشتيني اوي
كوكو....والله وانت كمان طمني عليك عامل ايه الوقت
مالك....انا بخير الحمد لله زي ما انتي شايفه
كوكو...يارب ديما ايوه كده متستسلمش وخليك قد اي موقف يقابلك عشان لسه هتقابل كتير لازم تكون اقوي.
مالك...حاضر يا ستي منك نستفيد بقولك ايه امسكي
فتح شنطه وطلع منها أزازه مايه ساقعه
كوكو...الله كمان مايه بقولك ايه ما تفرد بيا الكرسي ده وتنزل تروح وتسبني انام شويه يسترك
مالك....😂😂😂 كمان عايزه تأجري عربيتي مفروش لا اسف البنزين بقي غالي
كوكو....اعوذ بالله خلاص ياعم شكرا عالمايه
مالك...استني بس ده كنان في عصير واكل اصلي بصراحه مكلتش ولما عرفت اني جايلك قولت اجيب اكل وناكل سوا
كوكو....انت اللي جايب الاكل ده🤨
مالك...وهو بيرفع ايده والمصحف انا ولو مش عيزاه وهترميه في وشي بلاش اكل
كوكو...بلاش ايه افتح انا هموت من الجوع😡
فتح مالك الاكل وهو ميت من الضحك وبدأوا ياكلو ويضحكوا
وبعد وقت بسيط خلصت كوكو الاكل الحمد لله
مالك...بالف هنا
كوكو...تسلم ايدك وقلبت مره واحده😡😡 بتقولي الطريق زحمه وانت قاعد تلف عالمطاعم وتحيب اكل وعصير ومايه.
مالك....نهااار اسود و منيل انتي كلتي وشبعتي و افتكرتي الوقت في ايه يا ابو دومه طب والله ما اخدت حتي عشر دقايق اعوذ بالله انا اللي غلطان.
كوكو...بضحك لا خلاص حقك عليا
مالك وهو بيدور العربيه لاحق ولا هباب بقي انا أن عبرتك تاني
فضلوا يضحكوا طول الطريق
وكانت بتتلاشي كوكو السؤال عن عمر بأي طريقه في الوقت اللي كانت بتتمني يقولها أي حاجه عنه.
وصل مالك قدام المطعم.
كوكو....احيه😳
مالك...بأبتسامه غمزلها عجبك المطعم طبعا 😉 يا بنتي انا قولتلك اني خساره في البلد دي
كوكو....انا بقول احيه مش عشان المكان عجبني
مالك...امال ايه🤨
كوكو....اطلع بينا يا ابني انا هتطرد من هنا وش ومش بعيد صاحبك يقاطعك بسببي
مالك...بضحك ليه بس
كوكو....المكان شكله جامد واللي فيه بيتعاملوا بالشوكه والسكينه وانا مليش خلق اسمع مني هجرسك انا عارفه نفسي مبسترش🥴
مالك...بضحك لا انا واثق انك هتشرفيني يلا انزلي بلاش رغي
كوكو....أستتني عالشقاء بالله انت اللي قولت وافتكر اني قولتلك بلاش.
دخلوا جوه وقابلوا معاذ.
معاذ....واحشني ياراجل
مالك...والله انت اكتر
معاذ....مش تعرفنا بالقمر
كوكو😏😏🤨
مالك...كتم ضحكته لما شاف ريأكشن كوكو...دي ياسيدي الانسه
كوكو...كواكب عبد الحي🤨
مالك...😳😳
معاذ....كواكب اسمك كده بجد
كوكو...اه عادي يعني تحب تشوف البطاقه😏
بص معاذ لمالك وكتم ضحكه هو كمان
اكيد هنشوف البطاقه بس انا مصدقك يا ستي وعموما اسمك جديد وحلو
كوكو...شكرا
معاذ....قوليلي يا كواكب اشتغلتي في اي مطعم قبل كده.
كوكو...بصراحه لا بس عادي يعني اعرف اعمل اكل احسن من الشيفات اللي في المكان🥴
معاذ....بضحك ده انتي واثقه بقي من قدراتك عموما طبعا انك تكوني شيف في مطعم محتاجه خبره علي الاقل تكوني في البدايه مساعد شيف عشان تتعلمي وتاخدي خبره في كل حاجه تخص شغل المطاعم لان شغل المطاعم مش بيقتصر عالاكل وبس بالعكس في حجات اهم بكتير من الامل عشان العميل لما يجي المكان يكون مرتاح 
وعموما يا ستي انا محتاج معايا في المطعم شيف مساعد ومحتاج ويتر يقدم الطلبات بس بما انك جايه متحمسه لشغل الشيف فا ممكن تشتغلي مساعد شيف
كوكو.....طيب بلاش مساعد شيف انا هشتغل ويتر
مالك...بصلها بأستغراب هو ومعاذ
مالك ..طب ليه ما تجربي مساعد شيف احسن وافضل واهو تكوني بعيده عن الشغل بره
معاذ....انا كمان ده رأيي بعيد عن دوشه الناس والطلبات اللي مش بتخلص.
كوكو...معلش لو ينفع اني اكون ويتر فا ده هيكون احسن ولو عالناس و دوشتهم بصراحه انا هفضلها أكتر انا واخده علي وجودي وسط الناس وبصراحه انا عايزه اتشغل بيهم وبدوشتهم اللي حضرتك بتبول عليها دي يعني وجودي في المطبخ هيقتصر عالشيف اللي هكون شغاله معاه
وانا عايزه اتعامل مع ناس كتير
و أتشتغل علي قد ما اقدر.
معاذ...عموما اللي يريحك انا معاكي في اي حاجه تفضليها
بس لازم تعرفي كمان ان حتي شغل الويتر مش بيقتصر علي تقديم الاكل والطلبات وبس ده عايز سرعه بديهه عايزك تكون طول الوقت مبتسمه حتي لو انتي مضايقه يعني مينفعش يكون العميل جاي مكان عشان ياكل ويتبسط ويقضي وقت حلو والويتر اللي بيقدمله الطلبات يكون مكشر ولا ينفع مثلا انك تأخري طلب علي العميل في ايام كتير بيكون المكان زحمه لازم يكون في سرعه وتروحي لكل واحد في تربيزته تقدميله المنيو وتهتمي بيه
كوكو...متقلقش حضرتك كل ده انا فهماه من غير شهاده خبره
معاذ...تمام كده كمان حابب اعرفك في اوقات المكان بيتحجز
كام ساعه مثلا بيتعمل فيه عيد ميلاد مناسبات يعني بيكون في شغل جامد.
كوكو...ان شاء الله هبهر حضرتك متقلقش
معاذ....وانا مش قلقان انا واثق فيكي وفي مجايب مالك.
كوكو...شكرا لحضرتك
مالك...حبيبي يا معاذ
كوكو...طيب انا هستلم الشغل من امته
معاذ....من بكره لو تحبي
كوكو...ياريت طبعا
معاذ...خلاص المواعيد بتكون من الساعه 12 الظهر طبعا لحد الساعه 2 بليل وبيكون شيفات
يعني كل اسبوع بتغيري شيفت
كوكو....بس هو مينفعش اكون في شيفت بدري وثابت لاني مش هقدر اروح بليل متأخر
معاذ....ممكن طبعا ودي حاجه هعملها إستثنائيه عشان خاطرك
بس طبعا فتره الضهر بتكون 8 ساعات اما فتره المساء بتكون ست ساعات
كوكو...مش مشكله المهم اني اروح بدري
معاذ....تمام تقدري تستلمي شغلك من الساعه
12 الظهر لحد الساعه 8
بس انا بحب المواعيد المظبوطه
كوكو...اطمن حضرتك انا مواعيدي مظبوطه جدا.
معاذ...يبقي اتفقنا هستناكي بكره ومعلش بكره تيجي بدري ساعه
وده عشان اول يوم بس تستلمي اليونيفورم وتفهمي بسرعه المطلوب منك.
كوكو...ان شاء الله
مالك...طيب يا معاذ مش عارف اقولك ايه بجد
معاذ...ولا اي حاجه يا صاحبي انا تحت امرك
سلم مالك علي معاذ وسلمت كوكو عليه وخرجوا مع بعض وهي طايره من الفرحه
مالك...براءه انا كده
كوكو....ربنا يخليك ليا يا مالك انا لو عندي اخ مكانش هيعمل كده معايا
مالك...ايه لو عندي دي 🤨 امال انا بعمل ايه
كوكو....انت احسن اخ في الدنيا
مالك...بابتسامه وانتي احسن واجدع اخت في الدنيا وعلي فكره انا بجد معملتش حاجه لو في حد فينا عمل فا انا مديونلك بعمري كله
كوكو....متقولش كده 🥺
مالك...طب يلا تعالي بقي اوصلك عالبيت عشان شهاب باشا هينفخني 
كوكو....طب روح انا هركب اي مواصله
مالك....اركبي يلا مترغيش كتير مواصله ايه وتتعاكسي بقي وتضربي حد وندخل اقسام بقولك ايه انا مش عايز اشوف قسم في حياتي تاني اقولك انا ناوي اقطع
علاقتي بنادر وفيروز اختي نفسها 😒
كوكو....بضحك لا وعلي ايه وصلني خلاص😂😂😂😂
ركبوا مع بعض ومشي مالك علي بيت كوكو.
.....................